Жаңалықтар

Ұлттық банк басшысы Тимур Сүлейменовтің айтуынша, бұған дейін теңге Ұлттық қордан түсетін қосымша трансферттердің есебінен нығая түскен. Алайда 2024 жылғы маусым-шілдеде теңге құнсыздана бастады. 9 шілде ұлттық валюта құнсызданып, доллар бағамы 480,77 теңгені құрады.

«Макрореттеуші ретінде тауарлар ақысын теңгемен төлейміз, сақтаймыз, жинаймыз деп үнемі айтамыз. Біз үшін теңге әлдеқайда маңызды. Бағамға тоқталсам, жылды бір доллаға 455 теңге көрсеткішімен бастадық. Ұлттық қордан түскен трансферттердің әсерінен валюта бағамы нығайды. Содан кейін біраз уақыт 480-ге дейін құнсызданды», – деді спикер.

Оның айтуынша, ел бюджетінде айырбас бағамы бір долларға 460 теңге болып белгіленген.

«460 теңге...

Ірі алтын өндіруші «Алтыналмас» компаниясына тиесілі «Ақбақай Голд Ресорсиз» АҚ 2023 жыл үшін дивиденд төлемейді. Өйткені компания былтыр таза табыс таппаған. Жалғыз акционерінің шешімі Қазақстан қор биржасы сайтында орналастырылған.

«2023 жылы таза табыстың болмауына байланысты компанияның 2023 жылғы қарапайым акциялары бойынша дивидендтер есептелмейді және төленбейді», – деп жазылған таратылған хабарламада.

Компания 2023 жылды 9,3 млн теңге шығынмен жапқан. Ал 2022 жылғы шығыны 223 млн теңгені құраған еді. Ұйым бір жыл ішінде қарызын 96%-ға қысқартты.

«Ақбақай Голд Ресорсиз» компаниясының негізгі қызметі – бас компанияға түрлі жабдықтарды жалға беру. Оның жалғыз акционері – «Алтыналмас» холдингі.

«Алтыналмас...

Мәскеу биржасына қарсы санкцияларға байланысты KASE және AIX биржаларын біріктіру мәселесі уақытша тоқтатылды. Бұл туралы базалық мөлшерлемеге қатысты брифинг барысында ҚР Ұлттық банк төрағасы Тимур Сүлейменов мәлімдеді.

«KASE мен АХҚО әлеуетін біріктіруге келетін болсақ, белгілі себептермен KASE акционерлерінің бірі санкцияларға ұшырады. Акционерлердің бірінің санкцияға ұшырау фактісіне сүйене отырып, бұл іс жүзінде мүмкін емес. Сондықтан биржаларды біріктіру мәселесі уақытша тоқтатылды», – деді реттеуші басшысы.

Ұлттық банк төрағасы Мәскеу биржасынан акцияларды сатып алу туралы ақпарат берді.

«Иә, мұндай әңгіме қозғалды. KASE халықаралық қызметін жалғастырғысы келеді. Әртүрлі серіктестермен байланыс орнатуға тырысуда. Бұл...

Әуе компаниялары жыл басынан бері 5,5 миллионға жуық адамды тасымалдаған. Бұл көрсеткіш өткен жылдың сәйкес кезеңімен салыстырғанда 17 %-ға артық.

Азаматтық авиация комитетінің хабарлауынша, бүгінде аптасына 640 рейс жиілігімен 53 бағыт бойынша 6 әуе компаниясы жолаушыларға қызмет көрсетеді.

«Әлеуметтік маңызы бар бағыттардың көлікке деген қолжетімділігі және ішкі туризмді дамыту үшін елдің 9 өңірінде 19 ішкі авиамаршрут субсидияланады. Халықаралық әуе қатынасы туралы айтатын болсақ, рейстер аптасына 619 жиілігімен 107 бағыт бойынша 29 елге орындалатынын атап өткен жөн. Оның ішінде, Ұлыбритания, Вьетнам, Германия, Грузия, Египет, Катар, Қытай, Малайзия, БАӘ, Таиланд және басқа елдер бар»,- деп мәлімдеді Азаматты...

8 шілде күні өзбекстандық блогер Кирилл Альтман Зәңгіата колониясында отырып шыққан бір әйелмен сұхбат жариялаған. Ол өзінің түрмеде Өзбекстанның бұрынғы президенті Ислам Каримовтың қызы Гүлнарамен бірген отырғанын, Каримованың түрмеде «бүлік шығарғанын» айтқан. 

«Ол жұмысқа шыққан кезде, бүлік шығарды. Одан кейін 2,5 сағат барлығымыз тұрып тұрдық. Бәлкім, оны сөккен болар. Оны ол жаққа отырғызбау керек еді. Ал ақыры отырған екенсің, тәртіп сақта. Бірақ ол тәртіпке бағына бермейтін», – дейді сұхбатта жазасын өтеп шыққан әйел. 

Блогердің сұрағына жауап берген әйелдің айтуынша, Гүлнара Каримова түрмеде жалпы отрядта жазасын өтеп жатса да, жағдайы жаман емес.

Ұлттық банк аталған көрсеткішті 5%-ға дейін төмендетуді жоспарлап отыр. Бұл туралы бас банк төрағасы Тимур Сүлейменов айтты.

Бұған дейін Ұлттық Банктің Ақша-кредит саясаты комитеті базалық мөлшерлемені 14,25%-ке дейін төмендету туралы шешім қабылдаған.

«Қабылдаған шешіміміз ақша-кредит саясатының ұстамды қатаң сипатын сақтау позициясына негізделген. Бұл бағаның өсуін бәсеңдетуге және инфляция бойынша 5% мақсатқа қол жеткізуге арналған трендті бекіту үшін қажет», – деді Сүлейменов.

Маусымның қорытындысы бойынша, бағаның өсуі жылдық мәнде
8,4%-ке дейін баяулады. Енді Ұлттық банк бұл көрсеткішті 5% дейін төмендетуді жоспарлап отыр. Алайда бас банк басшысының айтуынша, сыртқы инфляциялық жағдай әлемдік азық-түлік бағасының динамикасына...

Қазақстандық кәсіби боксшы Жәнібек Әлімханұлы келесі жекпе-жегі үшін 350 мың доллар алады. Ал оның қарсыласы 200 мың долларға ие болады. Бұдан бөлек, екі боксшыға бонустар мен демеушілер тарапынан сыйақы беріледі. Бұл туралы Sportysalaries cайты жазған.

Айта кетейік, Жәнібек Әлімханұлы алдыңғы жекпе-жектерінде Дэнни Динюм, Дензель Бентли және Стивен Батлер сияқты қарсыластарынан басым түскен болатын. Ендігі кезекте 14 шілде күні Жаңа Зеландиялық боксшы Андрей Михайловичке қарсы жекпе-жекте жеңіске жетуді көздеп отыр.

«Менің мақсатым – төрт белбеу. Бірден екі титулды бірінші рет қорғайтыным маңызды емес. Мақсатым – барлық төрт белбеуді жеңіп алып, содан кейін қорғау.
Жекпе-жекке келіскен Андрейге рақмет. Оны...

«Самұрық-Қазына» ұлттық әл-ауқат қорынан өзге басқарушы ұлттық компаниялар мен холдингтер, олардың құрамына кіретін ұлттық компаниялардың әкімшілік шығысына лимит енгізіледі. Бұл туралы Ұлттық экономика министрлігінің «Ашық НҚА» порталында орналастырған қаулысында жазылған.

«Ұлттық басқарушы холдингтердің, ұлттық холдингтердің, ұлттық компаниялардың тізбесін бекіту туралы» Үкімет қаулысына сәйкес, елімізде 2 ұлттық басқарушы холдинг бар: «Самұрық-Қазына» ұлттық әл-ауқат қоры мен «Бәйтерек» ұлттық басқарушы холдингі. Жаңа қаулының ұлттық әл-ауқат қорына қатысы жоқ.

«Бәйтерек» холдингі» қазір 8 мекеменің 100 пайыз акциясына иелік етеді. Олар: Қазақстанның Даму банкі, «Qasaqstan» инвестициялық корпорациясы, «Отбасы банкі», «Қазақстан тұрғын үй компаниясы», «Даму» кәсіпкерлікті дамыту қоры, «KazakhExport» экспорттық сақтандыру компаниясы, «Аграрлық несие...

Капиталдануы ірі технологиялық компаниялардың акциялары инфляция туралы тосын жақсы мәліметтер жарияланғаннан кейін бейсенбі, 11 шілдеде кенеттен күрт құлдырады. Инвесторлар қыркүйекте ФРЖ мөлшерлемесі төмендегеннен кейін қарқындай өседі деген үмітпен «Керемет жетілік» қағаздарынан капиталдануы аз компаниялар акцияларына ауыса бастады деп жазады Bloomberg.

Толығырақ

Бейсенбі, 11 шілде, «Керемет жетілік» акциялары үшін жыл басынан бергі ең жаман күн болды. Apple акциялары 2,3%-ға, Microsoft 2,5%-ға, Nvidia 5,6%-ға, Alphabet 2,8%-ға, Amazon 2,4%-ға, Meta Platforms 4,1%-ға төмендеді. Бағаларына Robotaxi тұсаукесерін кейінге ысыру туралы ақпарат әсер еткен Tesla акциялары 8,4%-ға құлады. «Керемет жетілік» акцияларын бақылайтын Bloomberg индексі 2023 жылғы шілдеден бергі ең үлкен төмендеу...

Алматы қаласының мамандандырылған ауданаралық экономикалық соты «Қазақстан» қонақүйінің иесін мәдени маңызы бар субұрқақты жаңғыртуға міндеттеді. Бұл жайлы Жоғарғы соттың телеграм арнасында хабарланды.

Баспасөз қызметінің хабарлауынша, Алматы қаласының Қала құрылысын бақылау басқармасы қонақүй иесінен су бұрқақты жаңғыртуды талап еткен. Алайда қонақүйге иелік ететін компания жаңғыртуға қатысты әкімдік бекіткен нұсқамаларды орындаудан бас тартқан.

Бұл компания «Қазақстан» қонақүйіне іргелес аумақта субұрқақты жаңғырту жұмыстарын жобалау-сметалық құжаттамасыз және сараптама қорытындысынсыз, авторлық және техникалық қадағалаусыз жүргізген. Қаланың сәулет талаптарына сәйкес қонақүй субұрқаққа қайта жаңғырту жұмыстарын жүргізуі керек болған. Алайда меншік иесі бұл талаптарды бұзып, субұрқақ орнына бассейн құрылысын бастаған. Сонымен қатар құрылыс-монтаж жұмыстарын рұқсат...

Ұлттық Банктің (ҰБ) Ақша-кредит саясаты комитеті базалық мөлшерлемені жылдық 14,25%-ға дейін 25 базистік тармаққа төмендету туралы шешім қабылдады.

Бас банктің хабарлауынша, өткен айларда жылдық инфляция ҰБ болжамы шегінде қалыптасқан. Дегенмен елде инфляциялық қысым сақталып тұр.

«Биылғы мамыр және маусымда жылдық инфляция Ұлттық Банктің болжамдары шегінде олардың орталық мәнінен төмен қалыптасып, біртіндеп төмендеп келеді. Халықтың инфляциялық күтулері сәуірдегі жоғары мәндерден кейін төмендеді. Әлемдегі азық-түлік бағасының өсуі мен Ресейде инфляцияның жеделдеуіне байланысты сыртқы инфляциялық жағдай қолайсыздау болып отыр. Ішкі экономикада фискалдық ынталандыру мен тұтынушылық кредиттеу қолдайтын тұрақты ішкі сұраныстың, сондай-ақ жалғасып жатқан реттелетін бағалар реформасының салдарынан инфляциялы...

Ұлттық экономика министрлігі 2021 – 2025 жылдарға арналған жекешелендірудің кешенді жоспарына нысандар тізімін енгізу/шығару әдістемесін әзірледі. Жоба «Ашық НҚА» порталында жария талқыға шығарылды.

Бұл ретте министрлік төрт тәсілді белгіледі. Кешенді жоспарды қалыптастыру кезінде жекешелендірудің мынадай бағыттары айқындалады:

1) Бәсекелестік және ұсыныс деңгейі төмен тауар нарықтарына қатысудың субсидиарлық (қосалқы) рөлі;

2) стратегиялық және әлеуметтік объектілерді, қаржы нарығының инфрақұрылым объектілерін, банкаралық төлем жүйелерінің және қаржы нарығының жұмыс істеуін қамтамасыз ететін объектілерді қоспағанда, мемлекет қатысатын нарықтардың барлық субъектілерін міндетті жекешелендіруді көздейтін нарық субъектілеріне қатысудың уақыттылығы;

3) мемлекет қатысатын нарық субъектісін құрудың мақсаттары мен міндеттерінің қатаң шектелген шеңберін, оның функцияларын айқындау, оларға...

Қазақстанда өз қызметкерлеріне уақытылы жалақы төлей алмай отырған 200-ге жуық кәсіпорын бар. Бүгінде жалақы бойынша берешек сомасы 2,9 млрд теңгеден асады. Осылай деп мәлімдеген Еңбек және халықты әлеуметтік қорғау министрлігі ұйымдар мен кәсіпорындарға жүргізілген текеріс нәтижелерін жариялады.

Мемлекеттік еңбек инспекторлары ұсынған мәліметке сүйенсек, 1 шілдедегі жағдай бойынша елдегі 190 кәсіпорн 11,2 мың жұмыскерге 2,9 млрд теңгеден астам сомаға қарыз. Жалақы бойынша берешектен бөлек түрлі ұйымдарда 5,6 мыңға жуық еңбек құқығының бұзылуы анықталды. 

«Жалақы бойынша берешегі бар кәсіпорындардың басшыларына орындауға міндетті 182 ұйғарым берілді және 26,7 млн теңгеден астам сомаға айыппұл салынды»,- деп хабарлады Еңбек және халықты...

Қазақстан металл сынығын темір жолмен экспорттауға 6 айға шектеу қояды. Бұл туралы Өнеркәсіп және құрылыс министрлігінің бұйрығында жазылған.

Қара металл сынығы мен қалдықтарын шетке әкетуге тыйым отандық кәсіпорындарды шикізатпен қамтамасыз ету мақсатында салынады.

Қазақстанда қара және түсті металл сынықтары мен қалдығы – отандық 11 металлургиялық кәсіпорын қолданатын стратегиялық шикізат түрі.

Сонымен қатар қайта балқытуға арналған қара металдардың құймалары, легірленген болат, құрамында 8 %-дан жоғары никель бар болат қалдығы, ескі темір жол рельстері, шпалдар, жіксіз, қара металдардан жасалған құбырлар, теміржол локомотивтері немесе трамвайдың моторлы вагондарын шетелге тасуға тыйым салынады.

Әлемдік тәжірибеде металл қалдықтарын қолдану экологиялық таза және...

Қытайлық жетекті автокөлік өндіруші Түркияда электромобиль шығаратын зауыт салады.

BYD мен түрік үкіметі қол қойған келісімге сәйкес, қытайлық компания Түркия экономикасына 1 млрд доллар инвестиция салуы керек. Сонымен қатар жылына 150 000 электромобиль шығаратын зауыт ашуға міндеттеледі.

Сарапшылардың пікірінше, қытайлық компанияның мұндай қадамына Еуропалық Одақтың аспан асты елі көліктеріне салған жаңа баж салығын (38%-ға дейін) айналып өтіп, еуропалық нарыққа шығуға деген ұмтылысы себеп болып отыр.

Бұған дейін Еуропалық комиссия Қытайдан әкелінетін электр көліктеріне ресми түрде уақытша қосымша баж салығын енгізді.

Комиссияның шешіміне сәйкес, қосымша баж салығы Қытайдың үш электр көлігі маркасына әсер етеді. BYD бренді үшін...

Америкалық батарея өндіруші QuantumScape қағаздары Volkswagen-нің аккумуляторлық бөлімшесі – PowerCo-мен жасасқан жаңа келісімнің арқасында осы жылдың басынан бері үштен бірге қымбаттап, жоғалтқан ақшасын қайтарып алды. Автоконцерн QuantumScape технологиясы негізінде жаңа буын аккумуляторларын жаппай өндіруге лицензия алмақ деп хабарлайды Reuters.

Толығырақ

QuantumScape акциялары Volkswagen компаниясымен аккумулятор өндіру технологиясын автоконцернде пайдалануға келісім жасасқаннан кейін, 32%-ға жуық өсті деп жазады Reuters. QuantumScape-пен бірлесіп жасалған жаңа үлгідегі қатты денелі аккумуляторларды Volkswagen өз электрлік көліктеріне қоюға ниетті делінген компанияның баспасөз хабарламасында.

Неміс автоөндірушісінің бағасы бейсенбі, 11 шілде күні, Германиядағы саудада 0,2%-дан сәл асты, оның Америкадағы бағасы да шамамен осындай.

Бұл келісімн...

Қарағанды облысының прокуратурасы құны 900 млн теңге болатын «Сарыарқа» хоккей клубын мемлекет меншігіне қайтарды. Бұл жайлы облыстық прокуратураның баспасөз қызметі хабарлады.

«Прокуратура заңсыз берілген 37 жер телімін, сондай-ақ құны 900 миллион теңгені құрайтын «Сарыарқа» хоккей клубын мемлекет меншігіне қайтарды», – делінген баспасөз хабарламасында.

Қазіргі таңда прокурорлар мемлекеттік мүлікті жекешелендірудің заңдылығын тексеріп жатқаны айтылған. Баспасөз қызметінің хабарлауынша, мемлекеттің экономикалық мүдделерін қалпына келтіру мақсатында заңсыз алынған және жекешелендірілген барлық мемлекеттік мүлікке қатысты прокурорлық қадағалау және ден қою шаралары қабылданады.

Еске сала кетсек, президент Қасым-Жомарт Тоқаев 2023 жылдың 12 шілдесінде «Заңсыз иемденілген активтерді мемлекетке қайтару...

Қазақстандық миллиардер Данияр Әбілғазиннің әйелі Айдан Сүлейменова Ресей азаматтығынан бас тартты. Бұл туралы Ресей Федерациясы президенті Владимир Путиннің Ресей Федерациясының азаматтығын беру және одан айыру туралы жарлығында жазылған. Құжатқа бірінші болып «Агентство» басылымы назар аударған.

«Ресей Федерациясының азаматтығынан бас тарту туралы келесі тұлғалардың өтініші қанағаттандырылсын: 4) Айдан Төлеутайқызы Сүлейменова 1968 жылы 4 сәуірде Қазақстанда дүниеге келген», — делінген РФ президентінің жарлығында.

Қазақстандық Forbes дерегіне сәйкес, Айдан Сүлейменова Қазақстандағы  рантье-2023 рейтингінде 4,3 млрд теңге табысымен 8-орынды иеленген.

Айдан Сүлейменова – ADD Invest Properties компаниясының иесі. Осы компания арқылы ерлі-зайыпты Құлыбаевтармен бірге елордалық Keruen City сауда орталығы және...

Еліміздің төрт өңірінде діни радикалдар ұсталды. Ұлттық қауіпсіздік комитеті террористік әрекеттер ұйымдастырды деген күдікпен 5 адамды анықтады, оның біреуі шетелдік.

Шілдеде Астана, Шымкент қалаларында, Атырау, Жамбыл облыстарында ҰҚК, прокуратураның үйлестіруімен және полиция көмегімен діни радикалдардың әрекеттерінің жолын кесу бойынша операциялар өткізді.

«Жедел қызметкерлер террористік әрекеттерге қатысуға, терроризмді насихаттауға, экстремистік әрекеттерді ұйымдастыруға және осы мақсатта адамдарды тартуға күдікті ретінде Қазақстанның 4 азаматын мен 1 шетелдікті ұстады және қамауға алды»,- деп хабарлады ҰҚК.

Олардың тұрғылықты жерлерінен көптеген діни-экстремистік әдебиет пен өзге де заттай дәлелдеме алынды.

Айта кету керек, күдіктілердің бірі бұған дейін шет мемлекеттің аумағында соғыс әрекеттеріне қатысып, сол  қылмысы...

Алматы қаласының әкімдігі метро құрылысын жүргізу үшін Наурызбай ауданындағы кейбір жер учаскелерін мәжбүрлеп иеліктен шығару шараларын бастайды. Бұл жайлы әкімдіктің жер комиссиясы шығарған қаулыда жазылған.

Бұл ауданның жерлері метроның бірінші желісінің үшінші кезең жұмыстарын бастау үшін алынады.

«Метрополитеннің бірінші желісінің үшінші кезеңіндегі нысандар құрылысын және көлік торабын салу үшін Қалқаман станциясынан Алматы қаласы Наурызбай ауданындағы «Барлық» базарына дейін орналасқан жер учаскелерін немесе өзге де жылжымайтын мүлікті мемлекет мұқтажы үшін мәжбүрлеп иеліктен шығару шаралары басталсын»,  – деп жазылған құжатта.

Мәжбүрлеп иеліктен шығару жұмыстары 2026 жылғы 31 желтоқсанына дейін созылады. Бұл жерлерде орналасқан меншік...

АҚШ Украинаға құны 225 млн доллар болатын көмек пакетін дайындады. Бұл жолы көмек пакетіне ресейлік ракеталардан қорғайтын қорғаныс құралдары кіреді.

DW ақпаратына сүйенсек, 11 шілде АҚШ үкіметі дайындаған пакет құрамына әуе қорғанысы жүйесі, сондай-ақ зымырандар, ату жүйелері және 155 және 105 мм калибрлі артиллериялық оқ-дәрілер кіреді. Көмек көрсету туралы Вашингтонда өткен НАТО саммитінде АҚШ президенті Джо Байденмен Украина президенті Владимир Зеленский келісімге келген.

Пентагон мәліметі бойынша, Ресей Украинаға толыққанды басып кірген 2022 жылдан бері АҚШ Киевке 53,7 млрд доллар көлемінде әскери көмек көрсетіп үлгерген.

Сәуірде АҚШ Сенаты Украина, Израиль мен Үнді-Тынық мұхиты аймағындағы одақтастарына қосымша қаржылық көмек көрсету туралы...

Батыс Қазақстан облысы намысын қорғайтын «Ақжайық» футбол клубының ойыншылары Ақтөбедегі ойынға барудан бас тартқан. «Мой город» басылымының жазуынша, футболшыларға бірнеше ай қатарынан жалақы төленбеген.

Басылымның ақпаратына сүйенсек, 2023 жылы клубты қаржыландыру 400 миллион теңгеге дейін қысқарса, 2024 жылы ТЖ режиміне байланысты оларға мүлдем қаржыландырылмаған. Нәтижесінде 6 ай бойы клубтың жаттықтырушылар штабы ғана емес, кәсіби клуб ойыншылары да жалақысыз қалған.

«Ақжайық» ФК президенті Гүлдария Кауиеваның айтуынша, шілдеге дейін футболшылар алаңға жалақысыз-ақ шығып келген. Алайда 11 шілдеде олардың шыдамы таусылып, облыс әкімімен кездесіп, наразылық білдіруді қалаған.

«Бюджет жағдайы бүгінгі күнге дейін шешілмеді. Бізге мемлекеттік сатып алу туралы...

Алматы хайуанаттар бағы екі альпакамен толықпақ. Мемлекеттік сатып алу сайты арқылы жануарлар 3,2 миллионға сатып алынды. Мәдениет басқармасы альпакалардың «агрессивті емес, қоңы бар, қалың жүнді және ұзын жіңішке аяқты» болуын талап етті.

«Түйе тұқымдас екі аналық альпака, екі жастан төрт жас аралығындағы. Салмағы – кем дегенде 50 килограмм, бірақ 70-тен көп емес, орташа семіз. Сыртқы түрі – дақтары жоқ, жүні қалың, сымбатты, жеңіл денелі, қисық екені көрінбейтін ұзын және жіңішке аяқты, ұзын сымбатты мойын. Түстері сан алуан: ақ, кілегей, қоңыр, сұр, қара», – делінген байқау құжаттамасында.

Тапсырыс беруші жануарлардың вакцинациядан өткені маңызды екенін, қолға үйретілген әрі жуас болуы керек...

Енді сөредегі өнімнің жарамдылығы, ет сапасы туралы QR-код арқылы білуге болады. Ауыл шаруашылығы министрлігі жаңа жоба жөнінде хабарлады.

«Етті ветеринариялық-санитариялық сараптау» модулі Ресей Федерациясымен шекаралас Шарбақты ветеринарлық бақылау пунктінде сынақтан өткен. Министрлік оның нәтижесіне оң баға беріп отыр.

Қазіргі уақытта QR-кодпен 117 мыңнан астам ветеринариялық анықтама бланкілері және 438 мың сараптама қорытындысы шығарылды.

Бұл модуль мал союдан бастап оның сатуға шығарғанға дейінгі кезеңді толық қадағалауға мүмкіндік береді. Ветеринариялық тексеру, өнімге сараптама жүргізу туралы ақпаратты тұтынушылар QR-код арқылы біледі.  

«Жүйе сою және ішкі сауда объектілерінде ветеринариялық-санитариялық сараптамадан өткеннен кейін сараптама актісін берудің бизнес-процестерін автоматтандырады. Сондай-а...