Жаңалықтар

«Қазатомөнеркәсіп» ұлттық атом компаниясының 2024 жылғы қаңтар-маусымдағы халықаралық қаржы есептілігінің стандарты бойынша таза пайдасы 283,244 млрд теңгені құрады. Бұл 2023 жылдың бірінші жартыжылдығымен салыстырғанда 27% жоғары.

Есепке сүйенсек, өсім негізінен U3O8, яғни уран оксиді спот бағасының қымбаттауы нәтижесінде тіркелген. Сонымен қатар байытылған уран өнімін сатудан түскен кіріс те артқан.

«2024 жылдың бірінші жартыжылдығында «Үлбі-ТВС» ЖШС-нің отын жинақтарын өндіру қажеттілігіне және басқа да уран өнімдеріне сұраныстың артуына байланысты өсім тіркелді», – деп хабарлады «Қазатомөнеркәсіп».

Кәсіпорынның шоғырландырылған кірісі өткен жылдың сәйкес кезеңімен салыстырғанда 13%-ға өсіп, 701,120 млрд теңгені құрады. Ал салық төлегенге дейінгі пайдасы – 29%-ға...

Астанада сатып алу құқығымен жалға берілетін тұрғын үйлерге өтініш қабылдау басталады. Бұл жайлы Астана қаласының әкімдігі хабарлады.

«Астана қаласының Тұрғын үй орталығы «Қазақстандық тұрғын үй компаниясы» АҚ желісі бойынша «Сатып алу құқығымен жалға берілетін тұрғын үй» бағдарламасы бойынша конкурсқа қатысуға өтінімдерді қабылдауды бастайды», – делінген хабарламада.

Өтініш қайда қабылданады? Астана қаласы Тұрғын үй және тұрғын үй инспекциясы басқармасының хабарлауынша, өтінімдерді қабылдау birge.astana.kz порталы арқылы электрондық түрде жүзеге асырылады.

Қашан басталады? Өтінімдерді қабылдау 28 тамыз күні сағат 9-да басталады. Өтініш қабылдау мерзімі бір аптаға созылып, 3 қыркүйек күні сағат түнгі 23.59-да аяқталады.

Бағдарламаға...

Биыл Алматы қаласының мектептерінде 1 қыркүйек күні оқушылар мектепке бармайды. 1-сыныпқа баратындар үшін алғашқы қоңырау да соғылмайды. Білім күніне арналған бұл салтанатты жиын 2 қыркүйек күні өтеді, оның өзі 10-15 минутқа ғана созылады.

Алматы қаласы білім басқармасы басшысының орынбасары Айдын Сайлаубайдың айтуынша, 1 қыркүйек жексенбіге түсіп тұрғандықтан, дәстүрлі мектеп жиыны болмайды.

«Бұл білім басқармасымен келісілген, 1 қыркүйек – демалыс күні, ал 2 қыркүйекте таңертең салтанатты жиын болады. Дәстүр бойынша бірінші сынып оқушылары үшін алғашқы қоңырау соғылады. Салатанатты жиын ұзаққа созылмайды, барлық мектепте шамамен 10-15 минут өтеді», – деді Білім басқарма басшысының орынбасары.

Ведомство өкілінің сөзін...

Астананың қылмыстық істер жөніндегі ауданаралық соты Дана Атешоваға үй иесіне қасақана зиян келтіргені үшін 20 АЕК (73 840 ) мөлшерінде айыппұл түрінде жаза тағайындады.

Соттың мәліметіне сүйнсек, Атешованы мәжбүрлеп шығару барысында үй иесіне қарсылық көрсетіп, үйге кіргізбей, жәбірленушіні қасақана ұялы телефонымен соғып, оны тістеп алған. Сотталушының кінәсі жәбірленуші мен куәгерлердің айғақтарымен, сондай-ақ сот-медициналық сараптаманың қорытындысымен дәлелденді.

«Жасалған теріс қылық мән-жайларын және оның ауырлығын ескере отырып, сондай-ақ сотталушының жеке кәсіпкер екенін, үш жас баласын асырап отырғанын ескере отырып, сот Атешоваға 20 АЕК мөлшерінде айыппұл түрінде жаза тағайындады», делінген хабарламада.

Естеріңізге сала кетейік, бұған дейін Марат...

Kaspi.kz акционерлеріне 170 млрд теңгеге жуық дивиденд төлейді. Бұл туралы fintech ұйымның Қазақстан қор биржасына ұсынған құжатында жазылған.

«Kaspi.kz 2024 жылдың екінші тоқсанында бір қарапайым акцияға 850 теңге немесе шығарылған қарапайыс акциялардың (199,5 млн дана) санына қарай 169,5 млрд теңге көлемінде дивидендтер төлейді», – деп көрсетілген құжатта.

Компанияның жариялаған қарапайым акцияларының саны 216 млн 742 мың дана, орналастырылған қарапайым акцияларының саны 199,5 млн дананы құрайды.

Бұл ретте АҚШ биржасында компания акциялары 120 доллар шамасында саудаланса, Қазақстан қор биржасында орта есеппен 55-60 доллардан сатылып жатыр.

2024 жылдың бірінші тоқсанында компания дәл осындай сома...

«Жазда турист көп болады, адам аяғы басылған соң барып демалысқа шығамын» деп күзді күтіп жүрсіз бе? Олай болса, сізге күзде баруға болатын танымал бағыттар топтамасын дайындадық. Күн райы жайлы, бағасы да қалта қақпайтын, виза сұрамайтын не электрон түрде рәсімдеу қиынға соқпайтын елдерді ұсынамыз.

Күз — демалысқа жайлы мезгіл. Өйткені турлардың бағасы арзандайды, күн де тас төбеден шақырайып тұрмайды. Жазда ағылған туристер саны азаятыны айтпаса да белгілі. Еңбек демалысын есте қаларлықтай өткізуге болатын елдердің топтамасын назарыңызға ұсынамыз. Қазақстанның қысы көп аймақта қатал. Сондай суық күн жеткенше, күнге қыздырынып үлгергісі келетіндерге кеш емес. Жылы күз маусымында қай жағажайды көңіліңіз қалайтынын өзіңіз...

Қазақстан Тәжікстанда IT парк ашады. Жоба Freedom Bank-тың қаржылық қолдауымен жүзеге асырылады. Бұл туралы компанияның баспасөз қызметі хабарлады.

Осыған сәйкес Душанбеде арнайы меморандум қабылданды. Құжатқа ҚР Цифрлық даму министрі Жаслан Мәдиев, Freedom Bank директорлар кеңесінің мүшесі Айдос Жұмағұлов, сондай-ақ инновациялық Агенттігі өкілі Хуршед Мирзо және Тәжікстанның Жинақ банкінің өкілі Ризвонзода Фирдавс қол қойды.

Бұл тұста тараптар екі елдің экономикалық және әлеуметтік ілгерілеуіне ықпал ететін озық технологияларды әзірлеуге және енгізуге келісті. Сонымен қатар аталған құжат аясында Freedom Bank Тәжікстанда IT hub құру туралы келісімге келді. Бұған қоса алдағы уақытта еншілес банк ашуды жоспарлап отыр.

Желіде 15 қыркүйектен бастап оқушыларды қашықтықтан оқытуға жібереді деген ақпарат тарады. Денсаулық сақтау министрлігінің Санитариялық-эпидемиологиялық бақылау комитеті ақпараттың жалған екенін айтып отыр.

Мессенджерлердегі 15 қыркүйектен бастап балаларды қашықтықтан оқытуға жібереді және мекемелерде бетперде режимі енгізіледі деген ақпарат шындыққа жанаспайды,  – делінген хабарламада.

Сондай-ақ министрліктің мәліметінше, бетперде тағу режимі тек медициналық ұйымдардың қызметкерлері үшін енгізіледі.

Жыл сайын эпидемиялық маусым кезеңінде профилактикалық және эпидемияға қарсы іс шараларды өткізуді көздейтін ҚР Бас мемлекеттік санитариялық дәрігерінің қаулысы бекітіледі. Қаулыға сәйкес, биылғы жылдың 15 қыркүйегінен бастап тұмауға қарсы вакцинация жүргізу басталады. Бетперде режимі тек...

Ерлан Нығматуллинге тиесілі «YDD Corporation» зауытындағы 4 адамның өлімімен аяқталған қайғылы оқиғаға жұмыс беруші кінәлі деп танылды. Мұндай шешімді топтық жазатайым оқиғаны тергеу үшін құрылған арнайы комиссия қабылдады. Комиссия қорытындысын ҚР Еңбек министрлігі ресми хабарлады.

«YDD Corporation» ЖШС ферроқорытпа зауытындағы адам шығыны орын алған топтық жазатайым оқиғаны тергеу үшін құрылған арнайы комиссия оқиғаның мән-жайын зерделеп, негізгі кінә жұмыс берушіде екенін анықтады.Комиссия мүшелері техникалық құжаттаманы, оқиға болған жерді тексеру нәтижелерін, куәгерлердің сауалнамаларын, сараптама ұйымының қорытындысын, нормативтік құжаттар мен басқа да материалдарды зерделегеннен кейін осындай қорытындыға келді», –делінген хабарламада.

Зауытта еңбек қауіпсіздігі сақталмаған

Комиссия кәсіпорында травматикалық факторлардың әсерін...

Ресейге қашып кеткен бизнесмен Анатолий Балушкинге тиесілі болған «Рахман қайнары» шипажайын Шығыс Қазақстан облысының кәсіпкерлік және индустриалды-инновациялық даму басқармасының балансына беру бойынша аукцион өтті.

«Электронды сауда алаңында» бұрын «Бипэк Авто Қазақстан» компаниялар тобына тиесілі болған «Рахман қайнары» шипажайын мемлекеттік органдардың балансына беру бойынша аукцион өтті. Сайттағы құжатта нысанның сметалық құны жер телімін есептемегенде 1,6 млрд теңгеден асатыны жазылған.

Аукцион 22 тамызда өткен. Шипажайда 15 адамға арналған типтік 2 қабатты коттедждер. 1-ден 3 адамға дейін тұруға арналған бір қабатты 5 жайлы люкс коттедждері және 2 медициналық ғимарат және тағы да басқа құрылыс нысандары бар. Барлық ғимарат мен құрылыстың жалпы...

26 қазаннан бастап Астана мен Пхукет арасында тікелей әуе рейсі қатынайды. Бұл туралы Air Astana компаниясы хабарлады.

Тасымалдаушы жолаушыларды Airbus A321LR әуе кемесімен жеткізетінін атап өтті.

Жаңа әуе байланысы қазір қатынап жүрген Алматы-Пхукет-Алматы рейсіне қосымша ретінде іске қосылып отыр.

«Екі жаққа билет бағасы 334 144 теңгеден басталады», – деп хабарлады әуе компаниясы.

Айта кететіні, Қазақстан Таиландпен 30 күндік визасыз режимді тұрақты негізде енгізбек. Бүгінгі таңда қазақстандықтар Таиландта визасыз кірген күннен бастап 30 күн алаңсыз жүре алады.

Еске сала кетсек, Қазақстан азаматтарына визасыз баруға болатын елдер тізімі жыл сайын артып келед...

Құлжа тас жолының бір бөлігіне орташа жөндеу жұмыстарын жүргізуге байланысты көлік қозғалысына уақытша шектеу енгізіледі. Бұл туралы Алматы қаласының әкімдігі хабарлады.

Әкімдіктің мәліметінше, 23 тамыз сағат 23.00-ден 25 тамыз сағат 07.00-ге дейін Рысқұлов-Құлжа тас жолының жолайырығынан Халиуллин-Құлжа тас жолының жолайырығына дейінгі аумақта қозғалыс жабылады.

Айта кетейік, Солтүстік бағытта ШААЖ және Халиуллин көшелерімен тек Талғар тас жолы арқылы жүруге болады. Құлжа күре жолымен көлік қозғалысы тек Рысқұлов даңғылының солтүстік бағытында ғана ашылады.

Осыған дейін Алматы қаласында жол жөндеу жұмыстарына байланысты Рысқұлов көшесі мен Бөкейханов көшесінің қиылысында тұрған көпір жабылып, кейін қайта ашылған. 

Олимпиада ойындарының арқасында Еуроаймақтағы іскерлік белсенділік артып келеді. ФРЖ шенеуніктері ставкаларды төмендету бастамасын жақтап отыр. Қытайда PwC-тің бизнес жүргізуіне алты айлық тыйым салынуы мүмкін. Осы және өзге де тақырыптар туралы 22 тамыздағы шолуымыздан оқыңыз.

ФРЖ шенеуніктері ставкаларды төмендету бастамасы жақтап отыр

АҚШ-та, Джексон-Хоулда жыл сайын экономикалық симпозиум өтеді. Сол симпозиумда ФРЖ-ның бірнеше өкілі қыркүйек айында пайыздық мөлшерлемелерді төмендету бастамасын құптады.

«Егер жақын арада қолымызға тиетін деректерде тосынсыйлар болмаса, біз бұл үдерісті бастауымыз керек. Менің ойымша, төмендетуге баяу әрі әдістемелік көзқараспен келу орынды болмақ», – деді ФРЖ Philadephia банкінің президенті Патрик Харкер Reuters агенттігіне берген...

Қаржы мониторинг агенттігі Қазақстан, Ресей және Украина азаматтарына халықаралық іздеу жариялады. Олар зорлық-зомбылық жасады және Алматы мен Алматы облысында 1 WIN онлайн-казиносын заңсыз ұйымдастырды деген күдікке ілінді. Іздеу салынған азаматтар қылмыстық әрекеттерінің арқасында 3,8 млрд теңге көлемінде пайдаға кенелген.

-Қаржылық мониторинг агенттігі халықаралық мына азаматтарға іздеу жариялады:

«Аталған тұлғаларға қатысты Алматы облысы мен Алматы қаласы аумағында «1WIN» онлайн-казино түрінде заңсыз құмар ойындар...

10 млн доллардан астам байлықты қалай тапқанын дәлелдей алмағандар ақшаны мемлекетке өткізді, бұл туралы Бас прокуратураның активтерді қайтару жөнінде комитеті хабарлады.

«Биыл активтерді қайтару жөніндегі комитет 10 млн АҚШ долларынан астам сомаға активтерді мемлекет кірісіне айналдыру туралы талап арыз берді. Сот талқылауы барысында жауапкерлер өздеріне тиесілі активтерді иемдену көздерінің заңдылығын дәлелдей алмады. Бірінші сатыдағы сот Активтерді қайтару жөніндегі комитеттің талаптарын толық қанағаттандырды, сот алқасының қаулысымен жауапкерлердің апелляциялық шағымдары қанағаттандырусыз қалдырылды. Cот шешімін орындау шеңберінде қолма-қол ақша, қымбат зергерлік бұйымдар, сарапшылардың пікірінше түбірі Сақ дәуірінен басталатын тарихи-мәдени мұрағаттары мемлекет кірісіне айналдырылды», – делінген хабарламада.

Бұл жағдайда активтерді мәжбүрлеп қайтару механизм...

«Қаңтар» оқиғасы мен Мемлекет басшысының «Самұрық-Қазынаға» қатысты сынынан кейін топ-менеджерлердің тәбеті тыйылған шығар деп жүрсек, қателескен екенбіз. Арада екі жыл өткенде ұлттық компания басшыларының тәбеті қайта ашылып, тіпті кейбір жағдайларда ашқұрсақ аюдай қолға түскенді оңды-солды қылғытып жатқандай. «Курсив» 2023 жылдың қорытындысы бойынша квазимемлекеттік сектордағы негізгі басқарушылардың сыйақысы қалай өзгергенін есептеп көрді.

«Курсивтің» зерттеу нысанасына 15 ұйым енді: «Самұрық-Қазына» ҰӘҚ, қордың 13 негізгі портфельдік компаниясы және «ҚазМұнайГаз» арқылы иелік ететін «ҚазТрансОйл» АҚ. 2022 жылы, қаңтардағы жаппай тәртіпсіздіктерден кейін билік Жаңа әрі Әділетті Қазақстанды құру бағытын жариялаған кезде, ұлттық компаниялардың басым бөлігі (қарастырылып отырған 15 компанияның 10-ы) жоғарғы менеджмент шығындарын қысқартты...

Қазақстанның Ұлттық қауіпсіздік комитеті ресейлік серіктестерімен бірігіп Ауғанстаннан келетін есірткі контрабандасына тосқауыл қойды. Құзырлы орган Ресейдің шекаралас аудандарының бірінде есірткі саудасын жүргізіп келген қылмыстық топтың екі адамын ұстады.

Ұлттық қауіпсіздік комитеті ресейлік серіктестермен өзара әрекеттесе отырып, «Солтүстік бағыт» деп аталатын ауған есірткі контрабандасының арнасын жойған.

«Осы жылдың тамызындағы операция қорытындысы бойынша Ресейдің шекаралас аудандарының бірінде есірткі саудасын жүргізу кезінде халықаралық есірткі тобының екі қатысушысы ұсталды»,- делінген баспасөз хабарламасында.

Ұсталған адамдардың үй-жайын тінту кезінде үлкен көлемдегі есірткі қоры анықталған. Табылған гашиш есірткісінің салмағы 50 келіні құраған. Ал оның «қара» нарықтағы құны шамамен...

Қазақстандық теннисші, әлемнің төртінші ракеткасы Елена Рыбакина жеке бапкері Стефано Вуковпен келісімшарты тоқтатылғанын хабарлады. Бұл туралы теннисші өзінің Instagram парақшасында жазды.

«Стефано екеуміз бес жыл бойы бірге жұмыс істедік. Енді ары қарай бірге жұмыс істемейміз. Мен оған корттағы жұмысы үшін алғыс айтамын және сәттілік тілеймін. Қолдауларыңыз үшін рахмет», – деп жазды Рыбакина.

Айта кетейік, Олимпиада ойындарынан бас тартқаннан кейін Елена Рыбакина 15 тамызда америкалық Цинциннатиде өткен WTA 1000 турниріндегі алғашқы матчында канадалық Лейла Фернандеске ұтылды. Ендігі кезекте Рыбакина 26 тамыз күні Нью-Йоркте US Open турниріне қатыспақ.

Еске сала кетейік, бұған дейін Елена Рыбакина

Исландияда Гриндавик қаласына жақын жерде орналасқан Сундхнукур жанартауы оянды. Осыған байланысты Исландия билігі жанартауға жақын орналасқан елдімекендерден тұрғындарды эвакуациялаған. Бұл жайлы жергілікті RUV басылымы хабарлаған.

Басылымның хабарлауынша жанартау атқыламай тұрып, Рейкьявикте жер сілкінген. Бұл жанартаудың оянуына себеп болған.

Жер сілкінісінің қуаты 4,1 балл болған. Жер сілкінісінің ошағы Стора Скогсфел елдмекенінен солтүстік-шығысқа қарай 3 шақырым жерде болған.

«Сейсмикалық белсенділік 20:48-де, ал атқылаудың өзі 21:26-да басталды. Лава тез тарала бастады», – деді Исландия метеорологиялық кеңсесінің деформацияны өлшеу бөлімінің басшысы Бенедикт Офейгссон.

Гриндавик қаласының өртке қарсы іс-қимыл комитетінің өкілі Эйнар Свен Йонссонның мәліметінше...

Әскери міндетін атқарып жүрген сарбаз Ербаян Мұхтардың жарақат алуына байланысты туысқандары оны шетелде емдеудің жолын іздеп жатыр.

Қорғаныс министрлігі мерзімді қызметтің әскери қызметшісі Ербаян Мұхтардың жарақат алғаны туралы түсінік беріп, оның денсаулығына ведомство жауапты емес деп мәлімдеген. Министрлік бұл командирлердің міндеті санайды.

Министрлік мәліметі бойынша қатардағы жауынгер Ербаян Мұхтар ҚР Ішкі істер министрлігінің Ұлттық ұлан бөлімшесінде мерзімді әскери қызмет атқарды. Мерзімді қызметтің сарбаздары Ұлттық қауіпсіздік комитетінің Шекара қызметінде, Ішкі істер министрлігінің Ұлттық ұланында, Мемлекеттік күзет қызметінде және Төтенше жағдайлар министрлігінде міндетін өтейді. 

«Қорғаныс министрлігі аталған күштік құрылымдардағы әскери қызметтің қауіпсіздігін бақылауды жүзеге асырмайды.  Әскери қызметшілерд...

«Бипэк Авто – Азия Авто» холдингінің заңгерлер тобының үйлестірушілері Informburo порталына компанияның рейдерлік басып алуға ұшырағанын мәлімдеді. 

Заңгерлер оқиға 2021 жылы директорлар кеңесінің төрағасы Анатолий Балушкин мен Азамат Қапеновтің кездесуінен басталғанын айтты.

Балушкинге 2021 жылдың тамызында халықаралық іздеу жарияланды. Қазір Өскеменде Балушкин мен  «Азия Авто» АҚ бас директоры Ерік Сағымбаевке қатысты сырттай сот отырысы жүргізілуде.

Қазақстанның экс-Премьер-министрі Кәрім Мәсімовтің бұрынғы күйеу баласы Қапеновке тамыздың басынан бері іздеу салынды. Қапенов алаяқтық жасады деп айыпталып отыр.  

«Қапенов Балушкинге қылмыстық қудалауды тоқтатуға және компанияның қарыздық міндеттемелерін реттеуге көмектесуді ұсынды. Ауызша келісімдер бойынша Балушкин бұл акцияларды символикалы...

«Astana LRT» ЖШС-нің экс-басшысы қазір Қазақстанда болмауына байланысты сыйбайлас жемқорлыққа қызмет ақпарат құралдары арқылы тергеуге қатысуға шақырды.

«Жауап алу және күдіктінің іс-әрекетін саралау туралы қаулыны жариялау үшін Т. Ардан 2024 жылы 23 тамызда сағат 09:00-де Қазақстан Республикасы, Астана қаласы, Қабанбай батыр даңғылы, 19, «Б» блогы мекенжайында орналасқан Қазақстан Республикасы Сыбайлас жемқорлыққа қарсы іс-қимыл агенттігінің әкімшілік ғимаратына жедел-тергеу тобының басшысы Ж. Өтепқалиевке келу қажет. Күдікті тергеу әрекеттеріне қатысу үшін қорғаушыны дербес шақыруға не қылмыстық процесті жүргізуші органның қорғаушының қатысуын қамтамасыз ету туралы өтінішхат беруге құқылы (ҚР ҚПК 68-бабы). Егер қорғаушыны күдікті немесе оның заңды өкілдері, сондай-а...

Қыркүйекте Тоғжан Қасенованың «Атом улаған дала» The Atomic Steppe кітабы сатылымға шығады. Бұл кітапты жазуға автор 15 жылын арнаған. Kursiv Media тілшісі ядролық саясат саласының маманы, ғалым әрі кітап авторы Тоғжан Қасенованың өзімен кездесіп, кітап жайлы әңгімелесті.

Бұл кітап алғаш рет 2022 жылғы ақпанда ағылшын тілінде Stanford University Press баспасында жарық көрді. Кітаптың қазақша басылуына Фридрих Эберт атындағы қор (FES) қолдау көрсетті және оны  Steppe&World Publishing баспасы басып шығарды.

«Кітаптың бірінші нұсқасы коммерциялық емес негізде жарық көріп, белгілі бір адамдар тобына сыйлық ретінде ұсынылды. Екі жылдан кейін кітапты жаңартып, қазақша нұсқасы 2000, орысша нұсқасы 2000 данамен тиражбен сатылымға шығарғалы отырмыз...

2024 жылдың жеті айының нәтижесі бойынша Қазақстандағы ең танымал үш бренд – Hyundai, Chevrolet және Kia  сатылымы айтарлықтай қысқарды. Есесіне қытайлық көліктердің сатылу қарқыны өскен.

2023 жылғы керемет нәтижелерден кейін (198 686 жаңа автокөлік, өткен жылмен салыстырғанда +60%) 2024 жылы сатылым төмендейді деп күткен сарапшылардың болжамына қарамастан, автокөлік дилерлері әзірге жаңа автокөліктерді сатудың жоғары шегін сақтай алды. Жеті айдың қорытындысы бойынша, жылма-жыл салыстырғанда айырмашылық болмашы ғана  – 1%-дан аз (2023 жылы 102 040 көлік, 2024 жылы 101 394 көлік). Қазақстан автокөліктер одағы осындай мәліметтер (соның ішінде коммерциялық көліктер) келтіріп отыр.

Нарықты былтырғы жылғы деңгейде ұстап тұруға қытайлық брендтер «сүйеу...