Жаңалықтар

«ҚазМұнайГаз» (ҚМГ) ұлттық мұнай компаниясы акцияларының бағасы Қазақстан қор биржасында және Астана биржасында 11 шілдедегі жағдай бойынша 13,5 мың теңгеге жуықтады. Бұл – 2022 жылдың соңындағы IPO-дан бергі рекордтық көрсеткіш.

ҚМГ акцияларының бағасы 5 шілдеде күрт көтеріле бастады, KASE-де бірден аптасына 6,3%-ға өсіп, 13,45 мың теңгеге жетті. Бір күн ішінде бағалы қағаздар 1%-ға қымбаттады. Астана қор биржасында (AIX) мұнай компаниясының акцияларының бағасы да 5 шілдеде көтеріліп, 11 шілдеде сағат 16:21-де рекордтық көрсеткішке – 13,52 мың теңгеге жетті. Сағат 17.00-де бағалы қағаздардың бағасы 13,44 мың теңгеге дейін төмендеді. Соған қарамастан, бір күн ішінде AIX биржасында ҚМГ акциясының бағасы шамамен 2%-ға өсті.

Ош қаласының тұрғыны Айтұрған Маматқұлова белгісіз жағдайда қайтыс болғаннан кейін желіде оны «Жаңа Салтанат Нүкенова» деп атап жатыр. Қыздың туыстары оның өліміне күйеуін кінәлап отыр. 

Қырғызстандық Нұрлиза Сейітова 9 шілдеде өзінің әпкесі, 26 жастағы Айтұрған Маматқұлованы «оның күйеуі – Т.Н. өлтірді» деп бейнеролик жариялады. Ерлі-зайыптылар 2023 жылдың жазында некелескен. Айтұрған 2024 жылы 7 шілдеде Бішкектегі №4 ауруханада қайтыс болды. Нұрлизаның айтуынша, әпкесі күйеуі мен оның отбасы тарапынан моральдық және физикалық зорлық-зомбылық көрген.

Айтұрған ауруханаға сағат 00:30 шамасында келіп, таңғы 4:55 қайтыс болады. Т.Н. әйелі қайтыс болғанын тек сағат 10:00 хабарлаған. Кактус.media-ға сұхбат берген Нұрлиза жездесі 7 шілдеде Айтұрғанмен бірге Бішкектен...

«Инвестиция» терминімен қазір көпшілік жақсы таныс. Осыдан бірнеше жыл бұрын сенім азырақ болып, күмәнмен қарайтын болса, бүгінде болашағын ойлайтындардың айналысатын ісіне айналып келеді. Акция, валюта, жылжымайтын мүлік, қымбат металдарды актив ретінде сатып алатындар көбейіп жатыр. Құнын жоғалтпайтын алтын сатып алып қою керегін жиі естігенімізбен, гауһартастың да инвестиция құралы бола алатынын біле бермеуіміз мүмкін. Сейфке сақтап, ұрпақтан-ұрпаққа мирас болып сақталып келе жатқан қымбат тасты алқа, жүзіктерді инвестиция мақсатында пайдалануға болады. Kursiv Media тілшісі бұл әдістің артықшылығы мен кемшілігін таразылап шықты. 

Жылтыраған гауһардың бәрі инвестиция емес

Инвестициялық гауһартас деп әлем нарығында ондай көлемде табыла бермейтін, алынуы қиын тастарды айтады. Тіпті ондай...

Мәжіліс депутаты Ермұрат Бәпи уланып, Еуропада ауруханаға түскені туралы ақпаратты жоққа шығарды. Ауру белгілері наурыз айында пайда болған. Бірақ қазақстандық дәрігерлер нақты диагноз қоймаған.

Бәпи улану салдарынан Еуропалық емханаған емделуге барғанын жоққа шығарады.

«Улану деген жай ғана болжам, нұсқа, біздің медицина қаннан паразиттерге дейін барлық тексерістен өткізді. Бірақ дәрігерлер ештеңе анықтай алмады. Осыдан кейін молекулалық-жасушалық зерттеу мәселесі туындады. Олар улаған болуы мүмкін деді. Қалай емделу керек деген сұрақ туындады. Жасушаны тексерту үшін клиникада тексеруден өтуге шешім қабылдадық, алдымен диагнозды нақтылап алуым керек. Әзірше емделмеймін, алдымен оның не екенін анықтау керек. Мен енді Еуропаға сапар шегемін», – деп жауап берд...

Қан, лимфома және көтеу инфекцияларына қарсы дәрі-дәрмек әзірлеуші Citius Pharmaceuticals бағамдары 10%-дан асып кетті. Компания бір препаратының сынағын аяқтағанын және екіншісін сатылымға шығаруға дайындалып жатқанын хабарлады. Егер жоспар тосыннан бұзылып кетпесе, «күшті серпін» алатынына сенімді.

Толығырақ

Citius Pharmaceuticals акциялары 10 шілдедегі саудада 10,3%-ға өсіп, 0,75 долларға барды. Бұл – соңғы айдағы ең жоғарғы көрсеткіш. Себебі жыл басынан бері 1,5%-ға, соңғы 12 айда 38%-ға төмендеген.

Сәрсенбі, 10 шілде күні Citius Pharma инвесторларға Mino-Lok қан инфекцияларын емдеуге арналған антибиотиктің клиникалық сынағының соңғы кезеңін аяқтағанын және лимфомаға қарсы LYMPHIR препаратын сатуға дайындалып жатқанын айтты. Егер бәрі жоспар бойынша жүрсе, компания активтер...

Алматыда жеке клиникалардың бірінде липосакциялық ота жасалғаннан кейін 47 жастағы әйел қайтыс болды. Оның туыстары қайғылы оқиғаға дәрігерлерді айыптап отыр. «Курсив» марқұмның туыстарына хабарласып, мәселенің мән-жайын білді.

Туыстарының айтуынша, 3 баланың анасы Құралай Батырханова артық салмақтан арылу үшін AMIRA CLINIC жекеменшік емхана дәрігерлеріне жүгінген. Аталмыш емхана дәрігерлері Құралайды тез нәтиже көретініне сендірген. Алайда ота жасалғаннан кейін бірнеше сағат өткен соң, әйелдің жағдайы күрт нашарлап, ауруханада қайтыс болған.

Алдын-ала болжам бойынша өлімге жедел миокард инфарктісі себеп болған. Бірақ туыстары Құралайдың денсаулығында ешқандай кінәрат болмағанын айтады.

Емделушісінің не себепті аяқасты қайтыс болғанын емхана дәрігерлері де дұрыс түсіндіре алмаған. Бұл...

«Бәйтерек» ұлттық холдингі 25 млрд теңгеге қосымша қарапайым акция орналастырады. Қаражат ауыл шаруашылығы техникасын лизингке алу үшін Индустриялық даму қорының жарғылық капиталын ұлғайтуға бағытталады. Бұл туралы компания Қазақстан қор биржасына (KASE) хабарлады.

«Бәйтерек» бір акцияға 1 мың теңгеден жарияланған лимит аясында 25 млн қарапайым акция шығарады. 1 сәуірдегі жағдай бойынша ұлттық холдингтің 5 млрд-тан сәл астам жарияланған акциялары және 1,5 млрд-ы орналастырылған. Қосымша шығарылым «Бәйтеректің» меншікті капиталының 0,9%-ын (2,8 трлн теңге) құрайды», – деп жазылған хабарламада.

Бұл ретте мәміледен бірінші бас тарту құқығы «Бәйтеректің» жалғыз акционеріне, яғни Қазақстан Үкіметіне тиесілі.

Кейіннен тартылған қаражат есебінен...

Қазақстан қор биржасындағы (KASE) 11 шілдедегі сауда-саттықта теңгенің АҚШ долларына шаққандағы орташа сараланған бағамы 10 шілдемен салыстырғанда 0,9%-ға (4,22 теңгеге) нығайды. Осылайша 1 доллар 474,26 теңгені құрады.

10 шілде орташа сараланған бағам 1 долларға 478,48 теңге болды.

Шетел валюталарымен сауда-саттық аясында теңгенің 1 АҚШ долларына шаққандағы орташа сараланған бағамы 474,23 теңге болды. Ең төменгі көрсеткіш 472,5, максимум – 476,98, сауда-саттық аяқталғандағы бағам – 474,9 теңгені құрады.

Бұған дейін 9 шілде Ұлттық валюта құнсызданып, доллар бағамы 480,77 теңгені құрады.

Еске сала кетсек, маусымда теңге бағамы құбыла бастады. Мәскеу биржасына санкция салынған соң рубль да құнсызданып, кейін қалпына келді. Ұлттық банк...

Астанада Олимпиадалық емес түрлер бойынша спортты дамыту дирекциясында жүйелі түрде бюджет ақшасы ұрланған. Мекеме жаттықтырушылары спортшылардың жүріп-тұруы мен тамақтануы туралы жалған есептер беріп, 40 миллионнан астам қаржыны қалталарына басқан. Қылмыстық істі Қаржы мониторинг агенттігі анықтады.

ҚМА жариялаған ақпаратқа сүейенсек, 2021-2022 жылдар аралығында ҚММ лауазымды тұлғалары оқу-жаттығу жиындарын өткізуге бөлінген бюджет қаражатын жымқырған.

«Іс жүзінде жиындар өткізілмеген, жаттықтырушылар спортшылардың жүріп-тұруы және тамақтануы туралы жалған есептер тапсырды. Заңсыз әрекеттерден мемлекетке келтірілген залал сомасы 40 млн теңгеден асады. Осы факті бойынша сотқа дейінгі тергеу жүргізілуде, күдікті соттың санкциясымен қамауға алынды»,- делінген хабарламада.

Айта кетейік Қаржы мониторингі агенттігі Қостанай...

2024 жылы шомылу маусымы басталғалы 70 адам суға кетті. Оның 30-ы бала. Бұл туралы Төтенше жағдайлар министрлігі хабарлады.

Төтенше жағдайлар министрлігінің мәліметіне сүйінсек, атқарылған кешенді шаралардың арқасында жыл сайын суға батып қайтыс болғандар саны азайып келеді. Дей тұрғанмен, әр статистиканың артында адам өмірі мен жақындарының қайғысы тұрғанын ескерер болсақ, соңғы 10 жылда 2 мыңнан астам адам суға кетті. Оның 701-і бала.

«Бұл жерде назар аударатын басты нәрсе: әрбір азамат жол жүру ережесін қалай сақтаса, судағы жүріп тұру қағидаларын да қатаң сақтауы тиіс. Біз қанша ескерту жасап, дәріс өткізу жұмыстарын жүргізгенімен, алдын алу шараларын ұйымдастырғанымен, жауапкершілік әрбір...

Еуропадағы аптап ыстық кей мұнай өңдеу зауыттарында өндірісті шектеді. Бұл туралы Bloomberg хабарлайды.

Еуропалық ауа райын болжау орталығының мәліметінше, Варшавада осы демалыс күндері максималды температура 35°C-тан асуы мүмкін. Бұл көрсеткіш елдің негізгі отын жеткізушісі «Орлен SA» компаниясының тұрақты жұмыс істеуіне кедергі келтіреді. Бұдан жоғары температурада Польша, Чехия және Литвадағы жеті мұнай өңдеу зауыты жұмыс істей алмайды. Грекия орман өрттерімен күресуде және Афиныдағы температура алдағы апталарда 40С-қа дейін көтерілуі мүмкін.

Биыл Еуропадағы ауа температурасы маусымдық нормадан әлдеқайда жоғары және болжам бойынша ол жақын арада өзгере қоймайды. Швецияның ең ірі мұнай өңдеу зауыты да климаттың өзгеруі отын өндіруді қиындатып жатқанын...

10 шілдеде Алматыдағы кинотеатрлардың бірінде Shulamah фильмінің тұсаукесері өтті. Фильмге әйгілі Sheker сериалы арқылы танымал Айтөре Жолдасқали мен Игор Цай режиссерлік еткен. Kursiv Media тілшісі фильм көрсетіліміне барып, актерлармен тілдесіп қайтты.

Shulamah –  Теміртаудан арман қуып Алматыға келген үш рэп орындаушы жігіттің өмірі жайлы музыкалық драма. Сюжет бойынша Сапар, Ғани мен Дархан бала кезден рэп орындаушы болуды армандайды. Ер жеткен соң жігіттер бәрін тастап, үлкен шаһарға жол тартады. Үлкен қалаға арман қуып келген олар танымалдыққа ие болып, ақша да табады. Бірақ есесіне бала кезден басталған достықты құрбан етуді талап етеді. Фильм осы күрес төңірегінде өрбиді.

Актерлар үшін бұл – дебютты...

Кез келген инвестордың портфеліндегі жете бағаланбаған акциялар көп уақыт өткеннен кейін оған елеулі пайда әкелуі мүмкін деп жазады InvestorPlace авторы және Yiazou Capital Research қор нарығын зерттеу платформасының негізін қалаушы Яннис Зурмпанос. Ол 2026 жылға қарай акцияларының 1000%-ға өсу әлеуеті бар үш арзан компанияны атады. Оның екеуі соңғы кезде жалпы пайда мен маржа мөлшерін едәуір ұлғайтты, үшеуінің де болашаққа арналған қоры бар.

Energy Services of America

Капиталдануы 116,6 млн доллардан тұратын компания газ, мұнай және автомобиль өнеркәсібіне арналған инфрақұрылымдық құрылыспен айналысады. 2024 қаржы жылының екінші тоқсанында (31 наурызда аяқталды) жалпы пайда жылдан жылға 60%-ға ұлғайып, 6,2 млн...

15 тәулікке қамалған әнші Қайрат Нұртасты өнердегі әріптестердің ішінде кімдер қолдады? Әлеуметтік желіде қарапайым халықтан бастап эстрада жұлдыздарына дейін әншіге қолдау білдіріп отыр.

Алғашқылардың бірі болып әріптес інісіне ағалық ақылын айтып, достық туралы сыр шерткен Мейрам Беспаев жазба қалдырған болатын.

«Кейде есігіңнен күліп кіріп, текеметіңді тіліп кететіндер болады. Адам аласы ішінде ғой. Досым деп жүріп домалақ арыз жазып, құны қымбат достықты қастыққа айырбастай салатын хайуандар көбейді. Қайрат інім, Құдай жаныңа қуат берсін. Бұлттың артынан күн шығатыны секілді, әр жамандықтың артынан үлкен жақсылық болатыны ақиқат. Енді абайлап жүрші. Маңайыңда жүргендерді сұрыптап қарашы. Сені сатқан ақымақтың жазасын Алла...

Алматы қаласының Цифрландыру басқармасы Mass Alert жедел хабарлау жүйесін қолдауға 415 млн теңге жұмсауды жоспарлап отыр. Бұл туралы мемлекеттік сатып алу сайтына орналастырылған құжаттарда жазылған.

Нақтырақ айтқанда, әкімдік Cell Broadcast – қысқа хабарламаларды тарату қызметін пайдалана отырып, Алматы қаласының азаматтарына Mass Alert жедел хабарлау және коммуникация жүйесін қолдау қызметтеріне 415 520 000 теңге жұмсауды жоспарлап отыр.

Басқарма бұл қызметті тікелей шарт тұжырымы арқылы бір дереккөздерден сатып алу үшін «АСиВ» жауапкершілігі шектеулі серіктестігімен 18 маусым күні келісімшарт жасасқан. Шарт мәртебесі қазіргі уақытта «әрекетте» деп көрсетілген. Жұмсалатын қаражаты облыстық бюджеттен бөлінетіні жазылған.

Ал egov.kz порталында жарияланған мәліметтерге сәйкес бұл...

Украина бойынша алғашқы «Бейбіт конференциядан» бір ай өткен соң әлемдік қауымдастық екінші кездесу жайлы айта бастады. Бірінші саммит Швейцарияда 15-16 маусымда өткен болатын. Енді Украина бойынша екінші бейбіт конференция Сауд Арабиясында өтуі мүмкін.

РИА Новости агенттігіннің мәлімдеуінше, Сауд Арабиясы кезекті жиынды өткізуге мүмкіндік беретін орын ретінде ғана қарастырылуда.

Бейбіт конференция осы жылдың соңына дейін өтуі мүмкін.  Алайда өтетін күні мен орны туралы нақты ақпарат жоқ.

Дегенмен Bloomberg жариялаған ақпаратқа сүйенсек, Украина билігі екінші халықаралық бейбіт конференцияны АҚШ-та президент сайлауы өтетін қараша айына дейін ұйымдастыруға ниетті. Бұл жолы Украина Ресей делегациясын шақыруды жоспарлап отыр.

Еске салсақ, 15-16 маусымда Швейцарияда Украинадағы...

Байқоңыр ғарыш айлағының аумағына заңсыз кірген екі Нидерланды және бір Бельгия азаматы ұсталды. Полиция олардың тыңшылыққа қатысы бар-жоғын тексереді. Ақпаратты «Курсивке» Қызылорда облысының полиция департаменті растады.

«Қазіргі уақытта аталмыш факт бойынша Ресей Федерациясының Байқоңыр кешені бойынша тергеу комитеті тергеу жүргізуде», – делінген хабарламада.

Полиция департаменті тергеу жүргізу қазақстандық полицияның құзырында емес екендігін жазды. Себебі ғарыш айлағының территориясындағы қауіпсіздікті Ресей Федерациясы қамтамасыз етеді.

SHOT Telegram-арнасының ақпаратына сүйенсек, үш азамат 9 шілдеде Байқоңыр монтаждау-жанармай құю кешенінде ұсталған. Олар полицияға ғарыш айлағына заңды түрде рұқсат қағазымен келгені туралы құжаттарды көрсете алмаған.

Ұсталғандардың екеуі Нидерланды азаматтары, олардың есімдері Мартин...

Қазақстандықтарға баспана алу үшін коммерциялық банктерде ақша жинақтау мүмкіндігі берілмек. Бұл туралы «Курсив» порталына Қаржы нарығын реттеу және дамыту агенттігі хабарлады.

«Қазіргі уақытта Қаржы нарығын реттеу және дамыту агенттігі мемлекеттік органдармен және банктермен бірлесіп, тұрғын үй құрылыс жинақтарын коммерциялық банктерде ашу мүмкіндігін көздейтін, сондай-ақ аталған жинақтарды тарту және тұрғын үй заемын беру, оларды есепке алу және нысаналы пайдалануды қамтамасыз ету талаптарын ескеретін түзетулер әзірледі», – деп хабарлады реттеуші.

Ведомствоның дерегінше, қажетті рәсімдер аяқталғаннан кейін түзетулер заңнамада белгіленген тәртіппен қабылданады.

Бұған дейін, Бәсекелестікті қорғау және дамыту агенттігі 2021 жылдан 2023 жылдың бірінш...

Қазақстандықтар алдағы уақытта елдегі инфляция қарқын алады деп болжайды. Ұлттық банктің пікіртеріміне қатысқан респонденттер алдағы 12 айда инфляция 13,3% болады деп пікір білдірген.

Бір ай бұрынғы сауалнамада респонденттер инфляция 12,7% деңгейінде қалыптасады деп тұжырымдаған. Сезілетін инфляцияның кейінгі 12 айдағы медианалық мәні 13,4%-ға дейін төмендеді.

2024 жылғы маусымда азық-түлік қымбаттағанын айтқан респонденттердің үлесі 75,1%-ға дейін төмендеді. 2024 жылғы мамырда олардың үлесі 77% болған. Сонымен қатар, ақылы қызмет бағасы өскенін айтқан респонденттер үлесі 10,4%-ға дейін өсті.

Сауалнамаға қатысқандар азық-түліктен – ет және сүт өнімдері, сондай-ақ жеміс пен көкөніс, нан-тоқаш өнімдерінің бағасы қымбаттағанын айтқан. Азық-түлік емес тауарлар ішінде респонденттер дәрі-дәрмек...

Қазақстандық бағалы қағаздар орталық депозитарийі (KCSD) брокерлер мен басқарушы компанияларға KCSD-дағы ресейлік қағаздарды алып кетуді ұсынды. Ұсыныстың басты себебі АҚШ-тың Ресей ұлттық есеп айырысу депозитарийіне санкция салуы болып отыр. Ақпаратты «Курсивке» қазақстандық депозитарий растады.

Депозитарий RU (халықаралық бағалы қағаздың сәйкестендіру коды) кодтары бар ISIN бағалы қағаздары туралы айтып отырғанын атап өтті. Бұл бағалы қағаздардың соңғы есебі ресейлік депозитарийде жүзеге асырылғанымен, қазақстандық депозитарий номиналды ұстаушы болып келген.

«Орталық депозитарий RU коды бар ISIN бағалы қағаздар бойынша бұйрықтарды орындаудағы ықтимал шектеулер мен қиындықтар туралы клиенттерді алдын ала хабардар етеді», – деп жауап берді депозитарий.

Брокерлер 10 тамызға...

«Қадағаланбайтын нарық» деп аталатын «көлеңкелі экономика» – ресми мемлекеттік реттеусіз жұмыс істейтін және бақылаушы органдардан әдейі жасырылған экономикалық қызметтің жиынтығы. Іс жүзінде, бұл әрекеттер кең құқық бұзу спектрін қамтиды. Соның ішінде заңға қайшы келетіндері де бар: заңсыз тауар өндіру және айырбастау, бопсалау және пара алу. Одан бөлек, қызметкер жалақысын қолма-қол беру, ұсынылған қызмет пен тауар ақшасына чек бермеу, қызмет құнын тек қолма қол ақшамен, алу, салықтан жалтару да бар. Бұл транзакцияның бәрі мемлекеттік қадағалау мен бақылаудан тыс өтіп жатады. Сонымен қатар ресми ережелер мен өзге ережелерді айналып өтіп, көбінесе ресми статистикада көрінбейді.

Ел үкіметтері салық түсімдерінің жоғалуы, өнімділіктің төмендеуі және...

Илон Маскке тиесілі Neuralink нейротехнологиялық стартапы шамамен бір аптадан кейін екінші пациенттің миына имплант салуды жоспарлап отыр. Стартаптың мақсаты – сал болып қалған адамдарға көмектесу. Алғашқы науқасқа Neuralink өзінің құрылғысын биылғы қыста әзірлеген. Қазір имплант пен ми арасындағы дерек беру арнасының тек 15%-ға жуығы ғана жұмыс істеп тұр.

Толығырақ

«Ми компьютер интерфейсін (Brain-Computer Interface, BCI) әзірлеумен айналысатын Neuralink өзінің құрылғысын екінші пациентке «келесі аптада немесе соған таяу» салуды жоспарлап отыр», – деп мәлімдеді Маск стартаптың жетекші қызметкерлерімен бірге өткен тікелей эфирде. Оның айтуынша, компания өзінің құрылғысын биыл пациенттің «жоғары бір таңбалы санына» салуға үміттенеді деп хабарлайды Bloomberg.

Көптің көкейінде жүрген сұраққа жақында жауап келді. Туынды авторлары мен Майк Майерс, Эдди Мерфи, КЭмерон Диаз сынды картинаға қатысқан жұлдыздар мультфильм жалғасы 2026 жылы жарық көретінін растады.

Жалпы сюжет туралы ақпарат әзірге белгісіз болғанымен, Майерс әдеттегідей бас кейіпкерді, Кэмерон Диаз Шректің әйелі Фиона ханшайымды дыбыстайды. Ал Мерфи Шректің досы есекті сөйлетеді. 

Осындай қуанышты жаңалықты бөліскен DreamWorks Animation мультфильм шамамен 2026 жылғы 1 шілдеде экрандарға жол тартатынын хабарлады. Естеріңізде болса, «Шректің» алғашқы бөлімі 2001 жылы жарық көріп, ең үздік анимациялық фильм ретінде бірден Оскар жеңіп алған еді. Аталған фильм арқылы дүниежүзі бойынша 487 млн АҚШ доллары көлемінде касса жинаған DreamWorks үшін...

Алматы қаласының әкімдігі бейбіт митиң өткізуге рұқсат етілген орындарды өзгертеді. Бұл жайлы «Ашық НҚА» порталында орналастырылған Алматы қаласы Қоғамдық даму басқармасының құжатында жазылған.

Құжатта: «Қызметіне бөгде адамдар мен адамдар топтарының, оның ішінде бейбіт жиналыстар, шерулер пикеттер және басқа да акциялар ұйымдастырушылардың тікелей жақын жерде болуы әсер етуі мүмкін аумақтардың, объектілер мен учаскелердің барынша қауіпсіздігін қамтамасыз ету мақсатында Мамандандырылған орынды Шоқан Уәлиханов атындағы скверден Амангелді Иманов атындағы скверге көшіру қажет»,- деп жазылған.

Мұндағы Шоқан Уәлиханов атындағы сквердің сыйымдылығы 1000 адамды құраған болса, Иманов атындағы скверге 500 адам сыяды.

Сондай-ақ әкімдік бейбіт шеру ұйымдастыруға...