Жаңалықтар

2024 жылдың басынан бері Каспий құбыр консорциумы Новороссийск маңындағы теңіз терминалынан экспортқа шамамен 30 миллион тонна мұнай жөнелткен. Бұл 2023 жылдың сәйкес кезеңімен салыстырғанда 800 мың тоннаға артық.

Компания баспасөз қызметінің хабарлауынша, Астанада «ҚазМұнайГаз» Ұлттық компаниясы» АҚ Басқарма төрағасы Асхат Хасенов пен КҚК бас директоры Николай Горбан кездескен.
Кездесу барысында қос тарап компанияның Теңіз-Новороссийск құбыры жүйесінің объектілерін жаңғырту және сенімділігін арттыру бойынша іске асырып жатқан бағдарламаларды талқылаған. Сондай-ақ жөнелтушілердің мүмкіндіктерін ескере отырып, КҚК жүйесі жүктемесінің ұзақмерзімді жоспарын қараған.

Николай Горбан 13 маусымдағы жағдай бойынша КҚК 30 миллион тоннаға жуық мұнай жөнелткенін айтты. Бұл 2023 жылдың осы...

Халықты несие мен қарыз ауыртпалығынан шығаруға бағытталған заң қабылданды. Заңда жаңа ережелер көрсетілді.

Президент «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» заңға қол қойды.

Азаматтар борышының өсуін болдырмау үшін мерзімі өткеніне 90 күннен асқан берешегі бар тұлғаларға кепілсіз тұтынушылық қарыздар беруге тыйым салынады. Алайда қарызды қайта қаржыландыруға бұл тыйым жүрмейді.

Әскери қызметшілер мерзімді әскери қызметін өткеру кезінде және демобилизациядан кейін 60 күн ішінде алған қарызына сыйақы есептеуден босатылады.

Сонымен қатар 2026 жылғы 1 мамырға дейін банктер мен микроқаржы...

Ақпарат саласына қатысты ұзақ талқылған жаңа заңға Президент Қасым-Жомарт Тоқаев қол қойды.  «Масс-медиа туралы» Қазақстан Республикасының заңы қолданысқа енеді.

«Заң Мемлекет басшысының 2022 жылғы 16 наурыздағы «Жаңа Қазақстан: жаңару мен жаңғыру жолы» атты Қазақстан халқына Жолдауында мемлекеттің мүдделерін, қоғамның сұраныстарын және медиа саласының даму үрдістерін ескере отырып, бұқаралық ақпарат құралдары туралы заңды  қайта қарау туралы берген тапсырмасын орындау мақсатында әзірленді», – деп хабарлады Ақорда баспасөз қызметі.

Жаңа заңға «Бұқаралық ақпарат құралдары туралы» және «Телерадио хабарларын тарату туралы» заңдардың негізгі ережелері енді. Аталған заңдар алдағы уақытта күшін жояды.

Құжатта бірқатар тың ережелер қарастырылған. Бұқаралық ақпарат құралдарымен...

Акционерлерінің бірі – Әлия Назарбаеваның күйеуінің інісі – Рустам Досановтың «Айдала Мұнай» мұнай-газ компаниясы 2023 жылды 5,2 миллион теңге шығынмен аяқтады. Бұл 2022 жылғы 6 млн теңге шығынмен салыстырғанда жақсы нәтиже. Бұл туралы компания Қазақстан қор биржасына (KASE) хабарлады.

Қаржы есебіне сүйенсек, компанияның 2023 және 2022 жылдардағы әкімшілік шығыстары ғана болған, олар сәйкесінше 5,2 млн және 6 млн теңгені құраған. Бұл ретте кіріс кестесінде операциялық және жалпы табыс бағандарында сызықшалар бар. Демек құжаттан «Айдал Мұнайдың» сол жылдары ғана шығын болғаны белгілі болды.

Әкімшілік шығыстарға еңбекақы және қызметкерлер шығындары, аудиторлық қызметтер, бағалы қағаздар айналымы шығындары, салықтар (табыстар мен ҚҚС-тан басқа...

Алматыда жастар арасында шахматтан өтіп жатқан 26-шы Азия чемпионатында классикалық түрі бойынша жеңімпаздар анықталды.

Қазақстандық шахматшылар әртүрлі жас санаттарында бірден 5 алтын медаль алды: Ризат Ұлан (8 жасқа дейін), Нұрәлі Болашақов (10 жасқа дейін), Эдгар Мамедов (14 жасқа дейін), Сұлтанбейбарыс Думанұлы (16 жасқа дейін) және Алдияр Аңсат (18 жасқа дейін).

Чемпиондық дубльді (рапид және классикалық) – үндістандық Нараяни Умеш Маратха (G08), Анна Шухман (G18) және қазақстандық Алдияр Аңсат (U18) жеңіп алды.

Осылайша, 12 жасқа дейінгі санаттан басқа барлық жас санатында қазақстандық ұлдар алтын алды. U08 санатында Ризат Ұлан мәреге бір тур қалғанда 1-орынды жеңіп алды. Бірақ ол мұнымен тоқтап қалмай...

Ташкенттен Астанаға ұшқан Uzbekistan Airways ұшағы жүк бөліміндегі жалған дабыл әсерінен Ташкент әуежайына қайта оралды. 

Әуе компанияның ақпаратына сүйенсек, ұшақтың жүк бөлімінде дабыл қағылған. Компания дабылды жалған деп танығанын айтады.

«Әуекомпания мамандары әуе кемесінің ұшуына дайындық бойынша барлық қажетті жұмыстарды жүргізгеннен кейін ұшақ рейсті орындауды жалғастырады», – делінген хабарламада. 

Uzbekistan Airways жолаушылардан қолайсыздықтар үшін кешірім сұрады. 

2024 жылдың қаңтар айында Науаи қаласынан Мәскеу қаласына бағыт алған ұшақ жолаушылардың бірінің жағдайының нашарлауына байланысты ұшуды тоқтатуға және Үргеніш қаласына қонуға мәжбүр болған. Жолаушыны ауруханаға жібергеннен соң, ұшақ бір сағаттан кейін Мәскеу әуежайына ұшты.

Наурызда Астанадағы Нұрсұлтан...

«Самұрық-Энерго» компаниясы («Самұрық-Қазынаның» еншілес ұйымы) аудиттелмеген есебіне сәйкес, бірінші тоқсанда 4,6 млрд теңге шығынға ұшырады. 2023 жылдың дәл осы кезеңінде компания 24,9 млрд теңге пайда тапқан.

«Самұрық-Энерго» жалпы активтері 2023 жылғы 31 желтоқсанда 662,5 млрд теңге болған. Ал 2024 жылғы 31 наурыздағы жағдай бойынша көрсеткіш 657,1 млрд теңгеге дейін азайды.

Есепте 2023 жылдың 30 маусымында ұлттық компания Еуразиялық даму банкінен 2034 жылдың 31 қазанында өтеу мерзімімен 6,6 млрд теңге несие алғаны жазылған. Несие 2026 жылдың 31 қазанына дейін жылдық 11,5%-бен берілген. Сонымен қатар Ұлттық Банкінің базалық мөлшерлемесі бойынша (3 маусымнан бастап жылдық 14,5% құрайды) 2026 жылғы 1 қарашадан...

Желіде жарияланған ЦентрКредит банкінің бос жұмыс орындары туралы хабарламасында қазақстандықтарға қарағанда ресейлік мамандарға екі есе көп төлеуге уәде берген.

Банк мердігер компанияның мамандарға жалақы төлеуге қатысты келісімге келмегенін және оқиғадан кейін мердігермен келісімшарт бұзылғанын айтты. Банк мердігердің бұл әрекетін кемсіту деп бағалады.

LinkedIn-де жарияланған ақпаратқа сәйкес, мердігер компания ЦентрКредит банкіне маман іздейтіні туралы жазған. 

«Golang, Middle деңгейінде жұмыс істейтін ірі қазақстандық банкке арналған маман іздейміз.  Валютамен төлем: Қазақстан азаматтары үшін күніне 76 доллар, Ресей азаматтары үшін күніне 139 доллар», – делінген хабарландыруда.

Жазбаға қатысты пікір жазып, оған қарсылық білдірушілер саны өсті.

ЦентрКредит Банкі аутсорсинг жағдайында...

Apple толықтырылған шындық режимінде істейтін Vision Pro гарнитурасының екінші буынын әзірлеуді тоқтатты деп хабарлайды The Information. Құны 3,5 мың доллар тұратын құрылғыға сұраныс аз, сондықтан компания қазір оның қолжетімді нұсқасын жасауға ден қойған сияқты.

Толығырақ

Apple компаниясы Vision Pro VR-гарнитурасының келесі нұсқасын әзірлеуді тоқтатты деп хабарлады The Information сайты. Бұл жайында сайтқа Vision Pro үшін негізгі компоненттерді өндіретін жеткізушінің бір қызметкері хабарлаған. Енді Apple функциялары шектеулі Vision гарнитурасын әзірлеуге баса назар аударады. Жеткізу және өндіру тізбегіндегі дереккөздердің айтуынша, бұл қолжетімді модель нарыққа 2025 жылдың соңында шығады. Бастапқыда Apple Vision өнім түрлерін iPhone-ның стандартты және Pro нұсқалары сияқты ек...

Қытайлық автоөндірушілер ел билігінен қозғалтқышының көлемі үлкен еуропалық көліктердің импортына 25%-дық баж салығын енгізуді сұрады. Бұл туралы Reuters басылымы хабарлады.

Қытайлық автоөндірушілер аталған талапты 18 маусым күні Қытайдың Сауда министрлігінің өкілдерімен жабық кездесуі барысында айтқан. Мұны өндірушілер «Еуропалық Одаққа қытайлық электр көліктерінің импортына баж салығын енгізу туралы жоспарға жауап» деп атады.

Бұған дейін Еуропалық Одақ Қытайдың электр көліктеріне импорттық салықты көтеретінін хабарлады. Оған Қытай билігі автоөндірушілерге мемлекеттік субсидиялар береді деген күдік әсер етті. Өзгеріс шілде айынан бастап енгізілмек. Кейбір көліктер үшін баж салығы 48%-ға жетеді. Transport & Environment мәліметтері бойынша, 2023 жылы ЕО-да сатылған электр көліктерінің төрттен бір...

«Семей орманы»  мемлекеттік орман табиғи резерватының» 1500-ге жуық қызметкері сауықтыру жәрдемақыларын ала алмай келеді. Сонымен қатар жүргізушілер, радиобайланыс операторлары, тракторшылар, өндірістік және әкімшілік үй-жайларды жинаушылар және тағы басқаларына үнемдеудің жоқтығынан үстемақы толық төленбей отыр. Бұл туралы Мәжілістің жалпы отырысында  депутат Нұртай Сабильянов айтты.

Сабильянов «Семей орманы» мемлекеттік мекемесінің қызметкерлеріне үстемақы төлеу, әлеуметтік қорғау шараларын жетілдіру мәселесін көтеріп, Үкімет басшысы Олжас Бектеновтің атына сауал жолдады. 

«Біріншіден, техникалық персоналға үстемақы төлеу мәселесі. ҚР Үкіметінің 2015 жылғы 31 желтоқсандағы № 1193 қаулысына сәйкес ҚР мемлекеттік орман шаруашылығы қызметкерлеріне денсаулыққа және өмірге зиян келтіру қаупінің төнуіне байланысты жұмыс үшін 100%-ға...

«Бәйтерек» ұлттық басқарушы холдингінің 2023 жылғы табысы 407,6 млрд теңгені құраған. 2022 жылы бұл көрсеткіш 380,6 млрд теңгеге тең болған. Холдингтің 2023 жылға аудитттелген қаржы есебі жарияланды.

Компания табысының артуына операциялық кірісінің өсімі себеп болған. 2022 жылы оперциялық кіріс көлемі 360 млрд теңге болса, 2023 жылы 1,5 есе өсіп, 565 млрд теңгені құраған.

Холдингтің 2023 жылғы жиынтық кірісі 421,9 млрд теңгеге жеткен. Аудиторлық есептен жиынтық кірістің біршама өскенін байқауға болады. 2022 жылы компания 332 млрд теңге жиынтық кіріс алған.

Қазіргі кезде холдинг көлемі 13,6 трлн теңгеге тең активтерге иелік етеді. Активтері бір жыл ішінде 12,2 трлн...

Kaspi.kz басшысы және тең иесі Михаил Ломтадзе финтех компаниясы өз бизнесін кеңейту үшін Шығыс Еуропа мен Өзбекстанды қарастырып жатқанын айтты. Бұл туралы ол Нью-Йоркте финтех инвесторы және подкаст жүргізушісі Мигель Армазаға берген сұхбатында бөлісті.

«Біздің Қазақстаннан да үлкен нарықтарға шығу ойымыз бар. Қазір біз үшін тартымды нарықтардың бірі – Шығыс Еуропа. Азиялық нарықтар да тартымды. Өзбекстан бар. Өзбекстан үлкен нарық және Қазақстанмен шектеседі. Ол да тартымды», – деді Ломтадзе.

Ол компания басшылығы Kaspi.kz қызметін пайдаланушылар санын 100 млн-ға жеткізу міндетін қойып отырғанын атап өтті. Қазір Қазақстанда 20 млн адам тұрады, ел халқының 15 млн-ға...

Бүгінде сот жүйесі, оның ішінде Жоғарғы соттың шешімдеріне халықтың ашу-ызасы өте көп. Өйткені соттың шешімдері көп жағдайда халыққа түсініксіз. Осылай деп мәлімдеген Мәжіліс депутаты Ерлан Саиыров сот шешімдеріне наразылық көп екенін айтып, жүйені сынға алды. Ал Еділ Жаңбыршин Президент Жарлығымен отставкаға кетіп, артынша Жоғарғы сот төрағасының бұйрығымен қызметке қайта алынған судьяларды әрекетіне көңілі толмады.

Депутаттың айтуынша, Жоғары соттан әділеттілік таба алмағандар көбіне Мәжіліске келіп көмек сұрауға мәжбүр.

«Бұл заң арқылы кассациялық қараудың алдында алдын ала қарау кезеңін алып тастау ұсынылып отыр. Дәл осы мәселе азаматтардың ашу-ызасын тудыратын. Өйткені Жоғарғы соттан әділеттілік таба алмаған азаматтар бізге, Мәжіліске...

Мәжіліс депутаты Самат Мұсабаев Бас прокуратурадан киіз үйде би билеген азаматтардың ісіне құқықтық баға беруді сұрады. Бұл туралы депутат Бас прокурор мен Ұлттық Қауіпсіздік комитетіне жолдаған депутаттық сауалында жазған.

«Қазақстан Республикасының Бас Прокуратурасына, Ұлттық Қауіпсіздік комитетіне аталған бейнеролик бойынша құқықтық баға беріп, оған қатысты нақты шара қолдануды сұраймын», – деп жазды депутат.

Мұсабаев киіз үйдің қазақ халқы үшін қастерлі мұра екендігін айтып, ұлттық құндылықтарға қатысты ақпараттық шабуыл басталғанын атап өтті.

«Күні кеше оюлаған киіз үйде ұлттық киім киіп, жартылай жалаңаштанып ойқастаған үшеудің әлеуметтік желіні шарлаған бейнеролигі исі қазақтың ашу-ызасын тудырып отыр. Халықтың бұған...

Карталар мен дерек жинақтағыштар өндіретін Micron Technology компаниясының акциялары сейсенбі, 18 маусымда 3,8%-ға қымбаттады. Бұған Wedbush пен Bank of America-ның олардың мақсатты бағасын көтергені себеп болды. Bank of America сондай-ақ Micron-ды инвесторлар үшін ең тартымды акциялар тізіміне қосты. Сарапшылар 2024 қаржы жылының үшінші тоқсаны бойынша есеп жақсы болады деп күтуде, сәйкесінше болжамдары да жақсы. Есеп 26 маусымда жарияланады.

Wedbush пікірі

Сейсенбі, 18 маусымда, Wedbush сарапшылары Micron акциялары нарықтан озып қымбаттайды деп болжайтынын растады (Outperform рейтингі). Олар мақсатты бағаны 130 доллардан 170 долларға дейін көтерді. Сонымен қатар Wedbush компаниясының акциялары асыра бағалануы мүмкін екенін атап өтті деп жазады Investing.com.

Екінші деңгейлі банктерде қарастырылған біраз мүмкіндіктен көбіміз хабарсыз қалып жатамыз. Банктің несие беруден де басқа біршама өнімі бар, тек оны аңғарып, байқап жүрген абзал. Соның бірі – балаларға арналған өнімдер мен қызметтер.

Соңғы деректер бойынша, елімізде 16-ға толмаған 6,5 млн бала бар. Бұл – бүкіл халықтың 32,7 пайызы. Ал 18 жасқа толмағандардың жалпы саны 7,1 млн адамды (немесе халықтың 35,5 пайызы) құрайды.

Іс жүзінде әрбір үшінші қазақстандық – бала екен. Сонымен қатар 3,9 миллионға жуық бала – мектеп оқушысы. Әрине, осыншама адам – өте ауқымды аудитория. Мұндайда халыққа түрлі қаржылық өнімдер мен қызметтер ұсынып отырған екінші деңгейлі банктер де қарап...

«ҚазМұнайГаз» Ұлттық компаниясы» Энергетика министрлігімен Ақтөбе облысындағы «Қаражар» учаскесінде көмірсутек барлау және өндіруге келісімшарт жасасты. Бұл туралы компанияның Қазақстан қор биржасына жолдаған хабарламасында жазылған.

«2024 жылғы 4 маусымда Қазақстан Республикасының Энергетика министрлігі мен ҚМГ арасында Ақтөбе облысында орналасқан «Қаражар» учаскесінде күрделі жоба бойынша 2024 жылғы 5 маусымдағы №5336-УВС-МЭ көмірсутек шикізатын барлау мен өндіруге келісімшартқа отырды», – делінген хабарламада.

«Қаражар» кен учаскесі Ақтөбе облысының Байғанин ауданында орналасқан.

2023 жылы «ҚазМұнайГаз» үш кен орнын пайдалануға берген еді. Олар: Оңтүстік Ақсай, Рожков кен орны және Шығыс Өріктау кен орны. Соңғы кен орны Ақтөбе облыс, Мұғалжар...

Президент Қасым-Жомарт Тоқаев су тасқыны зардабымен күресу кезінде көмек қоылн созбаған кәсіпкерлердің «кім екенін жақсы білетінін» айтты. Бұл туралы президент Ақордада су тасқынымен күреске белсене атсалысқан азаматтарды салтанатты марапаттау рәсімінде мәлімдеді.

«Тасқынның зардабын жоюға бірқатар кәсіпкеріміз қомақты қаражат бөлді. Олар әрдайым туған елімен бірге екенін нақты іспен дәлелдеді. Ұлт мүддесіне сай жауапкершілігі мол кәсіпкерлік дегеніміз – осы. Әрине, қалыс қалған кәсіпкерлер де аз емес, олардың кім екенін де жақсы білеміз. Біз ешкімді мәжбүрлеген жоқпыз. Әркім өз таңдауын жасады», – деді президент.

Тоқаев баспанасыз қалған адамдарға «Қазақстан халқына» қорынан тұрғын үй салуға қаражат бөлінгенін айтты. 2200 астам үй салынып...

Қазақстанда іс жүргізу түрлері бойынша тәуелсіз үш бірдей кассациялық сот құрылатын болады. Оның барлығы да Астана қаласында құрылады.

Мәжілістің жалпы отырысында сот жүйесін реформалау және процестік заңнаманы жетілдіру мәселелері бойынша құжатты таныстырған Үнзила Шапақ кассациялық сатыны жетілдіру мәселесін көтерді.

«Сот ісін жүргізу мәселесі ең өткір, күрделі және өзекті мәселелердің бірі болып қала береді. Сот төрелігін жүзеге асырудың сапасы мен азаматтардың соттарға деген сенім деңгейі әр сот сатысы жұмысының тиімділігіне тікелей байланысты. Кассацияның бүгінгі моделі азаматтар мен заң қоғамдастығы өкілдері тарапынан елеулі сынға ұшырап отыр», – деді депутат.

Парламент Мәжілісінде енгізілген түзетулер аясында дербес деректерді қорғау заңнамасын бұзғандарға салынатын әкімшілік айыппұл көлемін үш есеге арттыру ұсынылып отыр. Бұл туралы Премьер-Министр Олжас Бектеновтің депутаттық сауалға жауабында жазылған.

«Жаңа заңнамалық бастама аясында жеке деректердің сыртқа тарауының жағымсыз салдарын барынша азайту мақсатында суперәкімшілер қызметін бақылауды талдауға қарсы, сондай-ақ ботқа қарсы жүйелерді енгізу жоспарлануда. Қазақстан Республикасының Әкімшілік құқық бұзушылық туралы кодексіне жеке деректерді, электрондық құжатты және электрондық цифрлық қолтаңбаны қорғау саласында әкімшілік құқық бұзушылық жасағаны үшін әкімшілік жауапкершілікке тарту мерзімін ұлғайтуды көздейтін өзгерістер енгізілді (әкімшілік айыппұл сомасын үш есеге ұлғайту). Өзгеріс ҚР Парламенті Мәжілісінде қаралып жатыр...

Қазақстандағы екінші деңгейлі банктер заңсыз несие ресімдеу кезіндегі алаяқтық, сондай-ақ жалған есептен шығару мен аударуға қатысты қылмыстық істерде жәбірленуші ретінде танылуы мүмкін. Сонымен қатар жасанды интеллект пен дропперлерді пайдалануға қатысты қылмыстарда да жәбірленуші атануы ықтимал. Бұл туралы ҚР Бас прокуроры Берік Асыловтың депутаттық сауалға берген жауабында жазылған.

Мәжіліс депутаттары Ерлан Стамбеков, Гауһар Танашева және Ирина Смирнова несие алаяқтығына қатысты депутаттық сауал жолдаған. Бұл сауалда мәжілісмендер түрлі алаяқтардың арбауына түсіп, еркінен тыс несие алып, қарызға кіріп кеткен азаматтардың мәселесін көтереді.

Ішкі істер министрлігінің мәліметінше, 2023 жылы ел азаматтарынан екінші деңгейлі банктер арқылы 7,5 млрд теңгеге несие заңсыз рәсімделд...

Президент Қасым-Жомарт Тоқаев Киевте қазақстандық журналист Айдос Садықовқа жасалған қастандық әрекетке қатысты пікір білдірді.

Ақорда ақпаратына сүйенсек, президент қажет болған жағдайда Қазақстанның ресми органдары істің ақиқатына жетуге жәрдем беру үшін тергеу жұмысына қатысуға дайын екенін айтты.

“Кеше Қазақстан азаматы Айдос Садықовқа қатысты Киевте болған қылмысқа да дәл осы ұстаным тұрғысынан қараған жөн. Мен дипломатиялық арналар мен құқық қорғау органдары арқылы осы оқыс оқиға бойынша ресми сұратулар жіберу туралы нақты тапсырма бердім», – деді президент. 

Тоқаев Қазақстанда Заң мен тәртіп бәрінен биік тұруы тиіс және қоғамдағы барлық қарама-қайшылықтар мен келіспеушіліктерді тек қана құқықтық тұрғыдан, яғни тиісті Заңнамаға және негізгі халықаралық нормаларға сәйкес шешу...

«Қорғас» шекара маңы ынтымақтастығы халықаралық орталығының жүк терминалы сату кезіндегі өрескел қателікке байланысты мемлекетке қайтарылды.

«Прокуратура органдарының тексеру шаралары бойынша 2018 жылы 900 м2-ден асатын «Қорғас» Шекара маңы ынтымақтастығы халықаралық орталығының багаж терминалы 90 млн теңгеге сатылғаны анықтады. Кейіннен 2023 жылы оның астындағы 1,9 га жер учаскесін 500 мың теңгеге уақытша пайдалануға қосымша сатып-алу шарты жасалды», – делінген Бас прокуратура хабарламасында.

Бас прокуратура сауда кезінде тараптар мүлікті сату ережелерін сақтамағанын және мүлікті бағалау стандарттарын өрескел бұзғанын, сондай-ақ жер телімін иеліктен шығару ғимарат сатылған соң, 4 жылдан кейін жүзеге асқанын анықтаған.

Қателіктерді анықтағаннан кейін, прокуратура бұл активтерді мемлекет меншігіне қайтару үшін...