Жаңалықтар

Алдағы үш күнде еліміздің оңтүстігінде аптап ыстық болады. Ал солтүстік аймақтарда нөсер жауын жауады. «Қазгидромет» 6-8  тамыз аралағында ауа-райы болжамын ұсынды.

Алдағы үш күнде ел аумағының көп бөлігіне циклон әсер етеді. Жаңбыр жауып, найзағай ойнап, қатты жел тұрады, сондай-ақ бұршақ жауады деп болжанып отыр.

«6-8 тамызда батыста және солтүстік-батыста, 7-8 тамызда солтүстікте кей уақыттарда қатты жаңбыр жауады. Қазақстан бойынша желдің күшеюі болжанады»,– деп хабарлады «Қазгидромет».

Ал елдің оңтүстік аймақтарында, керісінше, қатты ыстық ауа райы күтілуде. Күндізгі уақытта ауа температурасы +38 +45 °C дейін ысиды. Республиканың қалған аумағында температуралық фонда күрт өзгеріс бола қоймайды.

Бұған дейін жер бетінде техниканы...

Париж Олимпиадасының чемпионы Елдос Сметов пен қола жүлдегері Ғұсман Қырғызбаев бастаған дзюдошылар елге оралды. Алматы халықаралық әуежайынан спортшыларды халық ыстық ықыласпен қарсы алды.

Спортшыларды күтіп алу салтанатына елімізге белігілі қоғам қайраткерлер мен спортшылар да келді. Олардың ішінде Амалбек Тшанов, Ермахан Ибраимов, Бейбіт Ыстыбаев, Ислам Байрамуков бар.

Сонымен қатар Алматы қаласының дзюдо федерациясы әуежайдан шыға сала қола медаль алған Ғұсман Қырғызбаевқа жаңа көлікті сыйға тарты.

Мәдениет министрлігі Тимур Бекмамбетовтің «Сапфир операциясы» фильміне бөлінген грант сомасын 700 млн теңгеден 400 млн теңгеге дейін қысқартты. Бұл туралы министрліктің «Курсивке» берген жауабында жазылған. Бюджет қазақстандық кинематографистердің шағымынан кейін төмендеді.

Мәдениет министрлігі «шығындардың орынды» болуына талдау жасағаннан кейін қысқартқанын жазады.

Сәуір айында «Ұлттық киноны қолдау» мемлекеттік орталығы киножобаларды іріктеу бойынша конкурс жариялады. Кеңестің шешімімен 375 жобаның ішінен екінші турға 101 жоба өткен. Алайда кеңестің алдында өз жобаларын таныстыруға 87 режиссер шақырылған, қалған 14 жоба құжаттарды толық ұсынбаған.

Жобаны таныстыруға шақырылғандар қатарында «Сапфир операциясы» фильмін ұсынған қазақстандық Cinegram компаниясы болған. Жоба Тимур Бекмамбетовке тиесілі ресейлік Bazelevs Entertainment Limited киностудиясымен бірлесіп түсірілу...

Қостанай облысындағы Приречное ауылында ірі қара малы Сібір күйдіргісі ауруына шалдыққан. Осыған орай ауыл карантинге жабылған.

«Қостанай облысының Приречное ауылында ірі қара малдан сібір күйдіргісі анықталуына байланысты карантин енгізілді»,- деп хабарлайды Eldala басылымы.

Шектеулер Свердлов ауылдық округі әкімінің шешімімен сырқаттану бойынша жағдай тұрақтанғанға дейін белгіленген.

Приречное ауылы Денисовский ауданында орналасқан. Әзірге ауырған малдың саны туралы мәлімет жоқ.

Айта кетсек, су тасқыны кезінде Қазақстанның 3 өңірінде сібір күйдіргісі ауруымен ауырған мал көмілген 10 орынды су шайғаны хабарланды. Ақтөбеде-3, БҚО-да – 3, СҚО-да – 4 орынды су басқан болатын.

Ал оған...

Өскеменде «Бипэк Авто – Азия Авто» компаниясының иесі Анатолий Балушкин мен «Азия Авто» бас директоры Ерік Сағымбаевқа қатысты сырттай сот басталды. Сот ісіне бірінші BesMedia басылымы назар аударды.

Сот кабинетіндегі іс материалдарына сүйенсек, екі сотталушы Ресейде болғандықтан, іс сырттай қаралады. Жәбірленуші ретінде First Heartland Jusan Bank АҚ және ҚР Индустрия және инфрақұрылымдық даму министрлігі (қазір Өнеркәсіп және құрылыс министрлігі) танылды.

Анатолий Балушкин Қылмыстық кодекстің 190-бабы (аса ірі мөлшердегі алаяқтық), 218-бабы (Қылмыстық жолмен алынған ақшаны немесе өзге де мүлікті заңдастыру) бойынша айыпталып отыр.

Ерік Сағымбаевқа Қылмыстық кодекстің 190–бабы (аса ірі мөлшердегі алаяқтық), 245-бабы (ұйымнан салық немесе бюджетке төленетін басқа да міндетті төлемдерден...

Алматы қаласында жол жөндеу жұмыстарына байланысты Рысқұлов көшесі мен Бөкейханов көшесінің қиылысында тұрған көпір жабылады. Бұл жайлы қала әкімдігі хабарлады.

«Рысқұлов-Бөкейханов жолайрығының учаскелеріне орташа жөндеу жүргізуге байланысты қозғалысқа уақытша шектеулер енгізіледі», – делінген әкімдік хабарламасында.

Жөндеу жұмыстары 4 тамызда сағат 23:00-де басталған. Көпір бойымен көліктер қозғалысы 6 тамызда сағат 11:00-ге қарай ашылады. Ал жөндеу жұмыстары жүргізілетін екі күн бойы оңтүстік және солтүстік бағыттағы көпірде қозғалыс толығымен жабылады. Сондай-ақ Бөкейханов көшесі бойындағы жолайрықтың көпірге кірме жолының барлығы да жабылады.

Айта кетсек, шетел президенттерінің келуіне байланысты 7-10 тамыз күні Астанада да бірнеше көше жабылады...

Алматының Экономика басқармасы елдегі ең ірі мегаполис тұрындарының орташа айлық жалақысы мөлшерін жариялады.  

Бүгінде алматылықтардың орташа айлық жалақысы 16,4% өскен. Мегаполисте жыл басынан бері 32 мыңнан астам жаңа жұмыс орны ашылған.

Экономика басқармасы тұрғындардың әл-ауқатының өсуін қамтамасыз ету бойынша қабылданып жатқан шаралар туралы да мәлім етті.

«Биыл маусым айында жылдық инфляция мамырдағы 9%-дан 8,4%-ға дейін баяулады. Бұл азық-түлік тауарлары бағасының 7,7%-ға және азық-түлік емес тауарлар бағасының 5,6%-ға дейін төмендеуі есебінен болды. 2024 жылы жылдық инфляция одан әрі 7-7,5%-ға дейін баяулайды деп болжанып отыр», – деп хабарлады ведомство.

Биыл бірінші тоқсанда номиналды ақшалай кіріс...

Атырау облысының прокуратурасы «Каспий нефть» АҚ компаниясына 13,6 млрд теңге айыппұл салынғанын хабарлады. Аталған мұнай компаниясы Joint Resources АҚ-ы арқылы экс-президенттің куйеу баласы Тимур Құлыбаевқа тиесілі.

Бұл ақпарат Атырау облысының прокуратурасының ресми сайтында «Ұлттық қор 13,6 млрд теңгемен толықты» деген тақырыппен жарияланған. Оған сәйкес, бұл айыппұлдың салынуына «Каспий нефть» АҚ-ның экологиялық заңнаманы бұзуы түрткі болған.

«Каспий нефть» АҚ-ның 2021-2022 жылдары бұрғылау және кен орнын пайдалану қызметінде құралған 4500 тоннадан астам қауіпті қалдықтарға жинақталу лимитін алмағаны анықталды», – делінген ақпаратта.

Атырау облстық прокуратуасы істі сотқа жолдаған. Нәтижесінде Атырау облыстық соты 2 шілде күні қаулы шығарған. «Каспий нефть» А...

Иран мен Ливандағы «Хезболла» қозғалысының Израильге шабуылы бүгін, 5 тамызда, басталуы мүмкін. Бұл жайлы АҚШ мемлекеттік хатшысы Энтони Блинкен G7 елдерінің сыртқы істер министрлеріне ескерткен.

«Блинкен G7 әріптестеріне Иран мен Хезболланың Израильге шабуылы дүйсенбі күні басталуы мүмкін екенін айтты», – делінген хабарламада.

Блинкен Америка Құрама Штаттарының Иран мен Хезболла қозғалысы бірігіп, «жауап қайтаратынына» сенімді. Бірақ «кек қайтару қалай жүзеге асытыны белгісіз. Сонымен бірге ықтимал шабуылдың нақты уақыты да бемәлім. Бірақ Блинкен алдағы 24-48 сағатта кек қайтару шаралары басталуы мүмкін екенін ескерткен.

Сондай-ақ Блинкен G7 елдерінің сыртқы істер министрлерімен әңгімесінде осы шиеленісті аймақта...

2024 жылы қаңтар-маусым айлары аралығында Қазақстанның мемлекеттік бюджетіне 8,9 млрде теңге түскен. Бұл туралы Үкіметтің жарты жылдық есебінде жазылған.

Есепке сүйенсек, жеке тұлғалардың банкроттығы мен төлем қабілетін қалпына келтіру туралы заң енгізілген сәттен бастап 43 млрд теңге берешегі бар 13 мыңнан астам азамат банкрот деп танылған.

2024 жылдың 1 қаңтарынан бастап жеке тұлғаларды жалпыға бірдей декларациялаудың үшінші кезеңі басталып, жарты жылда бизнес құрылымдарының 1 млн-нан астам есеп қабылдаған. Қазақстан арқылы тауарларды өткізу қабілеті 36%-ға артты. 2024 жылдың бірінші жартыжылдығында 600 мыңнан астам автокөлік құралдары өткен, 2023 жылдың сәйкес кезеңімен салыстырғанда 160 мыңға артық. 

1 шілдеде «Мемлекеттік сатып алу туралы...

Ұлттық олимпиада комитеті бүгін, 5 тамызға, арналған қазақстандық спортшылардың жарыс кестесін ұсынды. Қазақстандық спортшылар 3 спорт түрінен сайысқа шығады. 

5 тамызда грек-рим күресінен жекпе-жектер басталады. Алғашқы болып сынға Айдос Сұлтанғали мен Әлімхан Сыздықов түседі.

Ескерту: жарыс кестесі Астана уақытымен көрсетілген.

Стенд ату, скит.

Әсем Орынбай, Эдуард Ещенко. Сағат: 12.00

Жеңіл атлетика, 200 метр (әйелдер)

Ольга Сафронова. Сағат: 15.50. Жартылай финал, сағат: 23.45.

Стенд ату

Әсем Орынбай, Эдуард Ещенко. Сағат: 18.00

Грек-рим күресі (60 килограммға дейін)

Айдос Сұлтанғали Қырғызстан спортшысы Жоломан Шаршенбековпен белдеседі. Сағат: 18.00, Сәғат: 00.00

Грек-рим күресі (130 килограммға дейін)

Әлімхан Сыздықов румыниялық Алина Чурариумен белдеседі. Сағат: 18.00

Үлкен жобалар «сарқылғаннан» кейін, орта инвестициялық жобалардың саны мен салмағы артып келеді. Бірақ бұл Қазақстан Республикасының Үкіметінің көңілінен шығып отыған жоқ. Өйткені бұл статистикалық тұрғыдан инвестициялық белсенділік қарқынының бәсеңдегенін көрсетеді. Қарқынды өсуге қайта оралу үшін министрлер кабинеті «үйренген» әдіс – капиталды көп қажет ететін жобаларды жүзеге асыруға бет бұруда.

 Kursiv Research инвестициялық жобалар туралы жиналған деректерге сүйене отырып, елдегі жаңа ірі индустриалдық және инфрақұрылымдық нысандар жайлы айтуды жалғастырады. Қаражат салу мен инвестициялық белсенділік динамикасы –алдағы экономикалық өсімді, сондай-ақ оның салалық және өңірлік шоғарлануы мен сапасын болжаудың бірден-бір көрсеткіші. Бұл Kursiv Research-тың Қазақстан өңірлерінде жүзеге асқан жаңа ірі инвестжобалардың рейтингі мен...

2024 жылдың маусым айында бірнеше елдің орталық банктері 31 тонна алтын сатып алды деп хабарлайды World Gold Council.

Құнды тауарды сатып алу бойынша Өзбекстан мен Үндістан үздік шықты. Олардың әрқайсысы айына 9 тоннадан алтын сатып алған.

Ұлттық банктер де бағалы металдың көп мөлшерін сатып алды:

Бұл ретте Сингапурдың Орталық банкі 12 тонна, Қазақстан Ұлттық банкі 6 тонна алтын сатты.

2024 жылдың І тоқсанындағы Дүниежүзілік алтын кеңесінің мәліметі бойынша Қазақстан 310,6 тонна алтынмен әлемде алтын қоры бойынша  17-орында. Мына динамикаға...

Ғылым және жоғары білім министрі Саясат Нұрбек грантқа ілікпей қалған, жоғары балл жинаған түлектер мен олардың ата-аналарын әлі де үміт үзбеуге шақырды. Министрдің мәліметі бойынша жоғары білім алуға гранттардың аз ғана бөлігі, яки 5112 грант зардап шеккен өңір түлектеріне бөлінген.

2024 жылы су басқан аймақтарда 20 мыңнан астам түлек бітірді. 10 мыңнан астам түлек жалпы конкурстан өтті. Конкурстан кейін Ғылым министрі Саясат Нұрбек көптеген ата-ана өзіне хабарласқанын жазды.

«Айтайын дегенім, үміт үзбеңіздер! Грант алу мүмкіндіктері әлі де бар! Биылғы конкурсқа қатысушылар саны өткен жылмен салыстырғанда 11 мыңға көп, сондықтан бәсеке де өте жоғары болды. Су тасқынынан...

Халықаралық шахмат федерациясының президенті Аркадий Дворкович Қазақстандағы білім саласына шахмат ойынын енгізу, сондай-ақ спортшыларды даярлау бастамасын жоғары бағалады. Ол KazChess басшысы Тимур Турловпен елімізде шахматты дамытудың 2027 жылға дейінгі кешенді жоспарын талқылады.

Турлов пен Дворкович «Шахмат білім беруде» жобасы аясында сәуір айында Астана қаласынының №8 мектебіндегі KazChess ашқан шахмат сыныбына барды. Жоба Оқу-ағарту министрлігі, Ғылым және жоғары білім министрлігі және әкімдіктер арқылы жүзеге асуда. Атап айтқанда, бастауыш сыныптардың 20 пайызына шахмат үйрету жоспарланған. 2023 жылдан бастап еліміздің 7 облысындағы 42 мектепте 1-сынып оқушыларына факультативтік пән ретінде оқытылады. Қазірдің өзінде 19 облыстағы 742 мектепті қамтитын тізім жасақталды. KazChess 350 орта білім...

Калифорнияның Орталық аңғарында 6000-нан астам өрт сөндіруші ормандағы өртті сөндіріп жатыр. Өрт ауқымы бойынша штат тарихында төртінші оқиға болып есептеледі. Қауіпті аймақтан 4 мыңнан астам адам көшірілді.

Reuters шолуында ормандағы өрт 24 шілдеде Калифорния штатының Чико маңында басталғанын атап көрсеткен. Саябақтағы жалын 162 200 гектар аумаққа жайылған. Яки көлемі бойынша Лос-Анджелес қаласының аумағынан асып түсті. 560-тан астам үй мен құрылыс нысандары жанып кетті.

Калифорния орман шаруашылығы және өрттен қорғау департаментінің өкілі Кристофер Янг найзағай қауіп төндіріп тұрғанын айтқан. Қазіргі уақытта күн ыстығы 38 градус Цельсийге жеткен. Сағатына 25 мильге жеткен жел екпіні де өрт сөндірушілер жұмысын қиындата түсті.

...

Таяу Шығыста жағдайдың күрделене түсуіне байланысты АҚШ пен Ұлыбритания өз азаматтарын тезірек елге оралуға үндеді. Бейруттағы АҚШ елшілігі Ливаннан кез келген билетпен ұшып кетуге үгіттеп жатыр. Ал Ұлыбританияның сыртқы істер министрі Дэвид Лэмми британдықтардың жағдайына алаңдайтынын, Таяу Шығыстағы жағдай ушығып кетуі мүмкін екенін ескертті. Министр коммерциялық рейстерді пайдалануды ұсынды. Ұлыбритания Ливанға дипломатиялық және әскери күштерді шоғырландыруға кірісті. Олар елшілікке көмектеседі және британдықтарға дер кезінде қол ұшын созуы тиіс. Бұл жөнінде шетелдік ақпарат құралдары жазды.

Израиль Ливан астанасы – Бейрут қаласына соққы жасады. Израиль әскерилері бұл соққының мақсаты – Хезболланың аға қолбасшысының көзін жою деп түсіндірген.

«Хезболла» шииттік қозғалысы оған жауап...

Нариман Курбанов Париж Олимпиадасында спорттық гимнастика, дәлірек айтқанда, ат үстіндегі жаттығудан күміс медаль жеңіп алды.

Қазақстандық спортшы Нариман Курбанов жаттығуды ең бірінші болып орындап, 15.433 ұпай алды. Ол базалық қиындығы 6.7-ге тең жаттығуды сәтті орындап шықты. Осылайша отандасымыз Қазақстан қоржынына 4-медальді салды.

Бұл сында алтын медальді ирландиялық Риз Макленаген иеленді. Оның ұпай көрсеткіші – 15.533. Ал қола медаль америкалық Штефан Недорочектің еншісіне (15.300) бұйырды.

Сондай-ақ бүгін, 3 тамызда, бокстан әйелдер арасындағы 50 келі салмақтағы жекпе-жекте отандасымыз Назым Қызайбай колумбиялық Валенсия Лорена Ингритті жеңіп, жартылай финалға өтті. Спорттық гимнастиканың еркін жаттығуында Милад Карими үздік бестікке енді.

Естеріңізге сала кетейік, Париж Олимпиадасының алғашқы...

3 тамызда Astana IT University қабырғасында дамуында ерекшелігі бар балалармен бір мезгілде ойнайтын шахмат сеансы өтті. Іс-шара осы күндері Астанада өтіп жатқан рапид және блиц бойынша командалық әлем чемпионатына орайластырылды.

«Балаларға арналған сеансты Болгария шахматшысы, әйелдер гроссмейстері Нургюл Салимова өткізді. Ойын тақтасының алдына дамуының ерекшелігі бар 12 бала жиналды. Диагноздарына қарамастан (көру, есту қабілетінің бұзылуы бар, аутистік спектрі бұзылған, БЦС, жүрек ақауы бар және т.б.) балалар шахматқа құмарлығын және жақсы ойнай алатынын көрсетті», – деп атап өтті шахматшы. 

«Мен үшін бұл қызық тәжірибе болды. Бүгін біз шахматтың адамдарды біріктіретініне және әркім...

Ақтау қаласының орталығында құбыр желісі жарылып, апатқа байланысты коммуналдық қызметтер бірнеше тұрғын үйлердегі ауызсуды өшіруге мәжбүр болды.

Lada.kz басылымының ақпаратына сүйенсек, құбырдағы жарылыс салдарынан су жол бойымен тарады. Ақтау тұрғындары 11 шағын ауданнан Ботаникалық бақ бойындағы жол бойымен 8 шағын ауданға дейін су ағып жатқанын айтып шағымданған.

Апат қала орталығын ауызсусыз қалдырды. «Каспий жылу», «Су арнасы» коммуналдық кәсіпорны Ақтаудың 11 шағын ауданындағы №3, 4, 10, 11 және 60 үйлердің тұрғындары шектеулерге ұшырағанын хабарлады. 

«Коммуналдық қызметтер апатты-қалпына келтіру қазба жұмыстарын жүргізуде. Жөндеу жұмыстары сағат 18:00 шамасында аяқталады», – делінген хабарламада.

Жыл басында Ақтаудың жеті шағын...

«Самұрық-Қазына» ұлттық әл-ауқат қорының еншілес ұйымы «Самұрық-Қазына Констракшн» (СҚК) жаңа жылға (2024) «Жайлы мектеп» жобасын жүзеге асыру үшін бюджеттен бөлінген 312 млрд теңгемен қадам басты. Бұл сома компания активінің тең жартысын құрап отыр – 51%. «Курсив» бюджеттік дағдарыс кезінде мұншама қаржының бір компанияның уысына қалай түскенін анықтап көрді.

Пилоттық жоба хақында

«Жайлы мектеп» – пилоттық жоба. 2023-2025 жылдарға арналған. Жобаны Қазақстан Үкіметі 2022 жылғы қарашада бекітті. Мақсаты – еліміздің білім беру жүйесіндегі инфрақұрылымды жақсарту. Өйткені қазіргі жағдай мәз емес. Орта мектептердегі орын тапшылығы 270 мыңға жетіп отыр. Ең қызығы, мұның үштен екісі қалалық мектептерге тиесілі. Құжатты әзірлеген Оқу-ағарту министрлігін...

Алматыда Alternativa Film Awards 2023 номинанттары мен жеңімпаздарының кино көрсетілімдері басталды. Kursiv Lifestyle көрсетілімнің алғашқы күнінде қырғызстандық режиссер Мирлан Әбдіқалықовтың шынайы оқиғаға негізделген «Қыз алып қашу» фильмінің көрермені болды. «Қыз алып қашу» фильмінің премьерасы былтыр қазанда Оңтүстік Кореяда өткен 28-ші Пусан халықаралық кинофестивалі аясында болды. Таспа Jiseok конкурстық бағдарламасына қатысып, бас жүлдеге ие болды. Жалпы Қырғызстанда алып қашу тақырыбын арқау еткен кинокартина бір бұл ғана емес. Дегенмен солардың ішінде динамикалық сюжетімен Әбдіқалықовтың фильмі озып тұр. 

Ескерту! Материалда фильм сюжеті баяндалады.

Алып қашу – ескірген дәстүрлердің бірі. Кейде келісіммен, көп жағдайды мәжбүрлі түрде қызды алып қашып, жар ету. Ескірген дәстүр дегеніміз...

АҚШ-тың қазіргі вице-президенті Камала Харрис президенттік сайлауға Демократиялық партиядан ресми түрде кандидат болды.

Демократиялық партияның ішкі сайлауы кезінде көпшілік оның кандидат болуына келіскен. Онлайн режимде өткен сайлау қорытындысы бойынша Харрис қараша айында өтетін сайлауға өз партиясы атынан қатысатын болды.

«Америка Құрама Штаттарының президенттігіне Демократиялық кандидат болу мен үшін үлкен мәртебе. Бұл кандидатураны келесі аптада ресми түрде қабылдаймын», – деп жазды Харрис әлеуметтік желідегі парақшасында.

Ол Американың жетекші партиясынан президенттікке ұсынылған алғашқы қара нәсілді әрі оңтүстік азиялық әйел болды. Жеңіске жеткен жағдайда Харрис АҚШ президенті ретіндегі алғашқы әйел болады.

АҚШ-тың қазіргі президенті Джо Байден алдағы президент сайлауынан өз кандидатурасын алып...

Апта соңындағы әлемдік тауар биржаларының сауда-саттығында мұнай бағасы күрт төмендеді. Бұған америкалық экономиканың әлсіреуі әсер еткен.

Интерфакс ақпаратына сүйенсек, нарыққа қысым түсіп, АҚШ экономикасы әлсіреуінің жаңа сигналдары әсер еткен.  

Лондондағы ICE Futures биржасында Brent мұнай фьючерстерінің құны Астана уақытымен 19:25-те барреліне 77,06 долларды құраған. Бұл алдыңғы сессияның жабылуынан 2,46 долларға (3,09%) төмен.

Нью-Йорк тауар биржасында (NYMEX) сауда-саттық кезінде WTI мұнай келісімшарттарының бағасы осы уақытқа дейін 2,69 долларға (3,53%), яғни барреліне 73,62 долларға дейін төмендеді.

АҚШ Еңбек министрлігінің мәліметті бойынша шілдеде елдегі жұмыссыздықтың 2021 жылдың қазан айынан бастап 4,3% дейін өскенін көрсетті. АҚШ экономикасындағы жұмыс орындарының өсу қарқыны бір ай...