Жаңалықтар

Биыл жыл соңына дейін «Жайлы мектеп» ұлттық жобасы шеңберінде 112 мектеп ашылады. Оның 21-і мерзімен бұрын, тамыз айында оқу жылы басталғанға дейін пайдалануға беріледі. Бұл туралы Үкіметтің баспасөз қызметі хабарлады.

«Жайлы мектеп» ұлттық жобасы Үкіметте қаралды

Премьер-министрдің бірінші орынбасары Роман Склярдың төрағалығымен өткен кеңесте «Жайлы мектеп» ұлттық жобасының іске асырылу барысы қаралды. 

Жиында мәлім болғандай,  2026 жылға дейін 740 мың оқушыға арналған жаңа форматтағы 369 мектеп салынады. Қазіргі уақытта 217 мектептің құрылыс жұмысы жүріп жатыр. Бұл ретте отандық тауар өндірушілерге басымдық беріледі. Ұлттық жобадағы қазақстандық өндіріс материалдарының үлесі орта есеппен 70%-ды құрайды. Оның ішінде құрылыс материалдары 90%-ға дейін отандық өнім болуға...

Отбасы банк «Наурыз» бағдарламасы бойынша несие беру үшін Қазақстан қор биржасынан 170,5 млрд теңге тартқан.

«2024 жылдың 24 шілдесінде KASE-де банктің әлеуметтік облигацияларының екі шығарылымын орналастыру бойынша мамандандырылған сауда-саттық өтті, нәтижесінде несиелендіруге 170,5 млрд теңге қаражат тартылды», – делінген хабарламада.

Бір облигацияның номиналды құны – 1000 теңге. Бұл ретте тартылған қаражат мөлшерлемесі сауда-саттықты өткізу қорытындысы бойынша айқындалып, 14,25%-ды құраған. Облигациялардың айналым мерзімі – 5 жыл. Купонды төлеу кезеңділігі – жылына 2 рет.

Банк облигацияларын сатып алудың артықшылығы – купондық сыйақы үшін салық салынбайды. Себебі «Отбасы банк» ҚР қаржы агенттіктерінің тізбесіне кіреді. Сондай-ақ аталмыш...

Парижде Сена өзенінде судың ластануына байланысты Олимпиадаға қатысуы тиіс триатлоншылардың жаттығуы екінші рет тоқтатылды.

DW басылымының ақпаратына сүйенсек, Олимпиаданы ұйымдастыру комитеті өзендегі судың сапасына «тиісті кепілдік» берілмегенін айтқан. 

Ауа райы болжамын ескере отырып, ұйымдастырушылар 30 және 31 шілдеге жоспарланған жарыстардың басталуына қарай судың сапасы қажетті деңгейге дейін жақсаратынына сенім білдірген. Осыған дейін триатлоншылардың алғашқы жаттығуы тоқтатылған. 

Айта кетейік, Олимпиада ойындары басталмас бұрын Париж басшылығы Сена өзенін тазартуға 1,4 млрд еуро жұмсаған. Дәлірек айтқанда, ағын сулардың өзенге құйылмауы үшін кәріз жүйесін жаңартқан.

Алайда жаздың жаңбырлы болуына байланысты Олимпиада ойындары қарсаңында тексеру кезінде өзендегі бактериялардың қауіпті құрамы анықталған. 

17 шілдеде Париж...

Ұлттық экономика министрлігі Салық кодексінің жобасын жаңартты. Оған сәйкес арнаулы салық режимін қолданатын шағын және орта бизнестегі В2В саласы үшін 8 пайыздық салық алынып тасталды.

2024 жылғы 24 маусымдағы Салық кодексінің жобасынан бұл ереже мүдделі министрліктер мен ведомство басшылары, бухгалтерлер мен салық кеңесшілері, «Атамекен» кәсіпкерлер палатасының мүшелері талқылауынан өткен соң, алынып тасталған.

Нәтижесінде олар арнаулы салық режиміндегі бірыңғай мөлшерлеме көлемін 2% деңгейінде қалдырған. Ал B2B және B2C саласына 8% салық төлеуді көздейтін ереже жобадан алынып тасталған.

Бұл бизнеске біркелкі, төмен мөлшерлемемен жұмыс істеуге мүмкіндік бермек.

Десе де, арнаулы салық режимін қолданатын шағын кәсіпкерлік субъектілерінен тауарлар мен...

Тәжікстанның ғұламалар кеңесі әйелдердің киім кию мәдениетіне қатысты жаңа ұсыныстар жасады. Кеңес мүшелері әйелдерге қара түсті, тым тар немесе ашық киімдерден аулақ болуды ұсынды.

Кеңес мүшелері дәстүрлі ұлттық киім исламның талаптарына сәйкес келеді деген пәтуа шығарды. Ғұламалар кеңесі өз мәлімдемесінде Құранға сүйене отырып, ерлер үшін дененің әурет жері кіндіктен тізеге дейін, ал әйелдер үшін бет, аяқ және қолдан басқа бүкіл дене екенін түсіндірді.

Сондай-ақ ғұламалар кеңесі киімнің адамгершілік құндылықтарды көрсетуі тиіс екендігін алға тартқан. Олар әйелдерге ұлттық дәстүрге сәйкес киінуге, яғни ұзын, денені жапқан киімдерді таңдауға кеңес береді.

Сонымен қатар мұндай ұсыныстар әлеуметтік тұрақтылық пен діни нормаларды сақтау үшін...

Алакөлге құлаған дельтаплан Қазақстандағы әуе кемелері тізіміне тіркелмеген. Оған қоса ұшуға жарамды сертификаты болмаған. Бұл туралы Азаматтық авиация комитеті хабарлады.

Оған қоса, дельтаплан ұшқышының қолданыстағы куәлігі жоқ. Қазір әуе құралының неге құлағанын құқық қорғау орындары анықтап жатыр.

Азаматтық авиация комитеті әуе құралын таңдағанда қауіпсіздік ережелерін сақтауға шақырады:

Қазақстанда теңіз инфрақұрылымын дамытудың 2024-2028 жылдарға арналған кешенді жоспары қабылданды. Құжат Ақтау және Құрық порттарының базасында ірі теңіз көлік-логистикалық кластерін құруды көздейді.

Осылайша елімізде контейнерлерді өткізу қабілеті артып, жүктерді ауыстырып тиеу терминалдары және халықаралық тасымалдардың логистикасы дами түседі деп күтілуде. Сондай-ақ әкімшілік кедергілерді азайтуға мүмкіндік бермек. 

«Каспий теңізіндегі Ақтау және Құрық порттарының базасында ірі теңіз көліктік-логистикалық кластер құру, сондай-ақ Ақтауда контейнерлік хаб салу жоспарлануда. Жобалардың негізгі үлесі жеке инвестициялар есебінен салынбақ. Оның ішінде Транскаспий халықаралық көлік бағытын (ТХКБ) дамыту шеңберінде жоспарланған инвестициялар да бар.  Биылғы 6 айда ТХКБ бойынша жүктерді тасымалдау көлемі 65%-ға артып, 2,1 млн...

Қазақстан асыл тұқымды ірі қара және ұсақ мал басын әкетуге тыйым салуды 6 айға ұзартты. Бұл туралы премьер-министрдің баспасөз қызметі хабарлады.

«2024 жылғы 26 шілдеде премьер-министрдің орынбасары Серік Жұманғариннің төрағалығымен Сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссияның отырысы өтті. Талқылау қорытындысы бойынша Қазақстан аумағынан ірі қара және ұсақ мал аналық басын әкетуге тыйым салуды алты ай мерзімге ұзарту туралы шешім қабылданды», – делінген хабарламада.

Бұл тыйым Қазақстанда 2024 жылғы 8 қаңтарда енгізілді.

«Сүт-тауар фермаларын ауқымды салу және австралиялық әдіс бойынша мал шаруашылығын дамытуды қолдау жөніндег...

«Алматы Жастары» бағдарламасы бойынша өтінш пен құжат қабылдау басталды. Өтініш қабылдау 7 тамызға дейін жалғасатыны туралы бағдарламаның ресми сайтында жазылған.

«Алматы Жастары» бағдарламасы шеңберіндегі өтініштер мен құжаттарды қабылдау 2024 жылдың «29» шілдесі мен «7» тамызы аралығында жүргізілетінін хабарлаймыз»,  –делінген хабарламада.

Бұл бағдарлама шарттары мынадай:

Ал сатып алынатын баспана бастапқы және қайталама тұрғын үй болуы керек. Болмаса, «Қазақстан Тұрғын үй Компаниясы» АҚ-ның кепілдігі бар қолданысқа енгізілген немесе /салынып жатқан тұрғын үйге де үлестік қатысуға мүмкіндік бар...

Қазір инвестиция жайлы ойланып жүрген адам көп. Сол үшін бәрі алдымен осы тақырыпқа ден қойып, терминдерді тереңірек түсінуге тырысады. Бұған дейін акция, инвестиция жайлы көп жаздық. Бүгінгі материалымызда бастапқыда қанша қаражат керек, қандай активтерге ақша салған жөн, ойымызды қай бағытта өзгерту қажет деген сынды сауалдарға жауап іздейміз.   

Инвестициямен қашан айналысып бастаған дұрыс?

Ең алдымен «инвестициялау деген не» деген сұрақтан бастайық. Инвестициялау деген — табыс табу үшін өз ақшаңызды салу. Қаражатты салатын жер көп: бірі құнды қағаздар сияқты қаржы құралдарын алады, енді бірі жылжымайтын мүлік не өнеркәсіпке инвестициялайды. Түсетін табыс өзіңіз таңдаған стратегияға қарай әр түрлі болады. Ендеше қашан бастаған...

Түркия президенті Режеп Тайып Ердоған Израильге басып кіре алатынын ескертті. Ол сондай-ақ мұны істеуге ештеңе кедергі болмайтынын мәлімдеді.

Президент Ердоған Ризе провинциясында өткен жиында елдің қорғаныс өнеркәсібінде Түркияның үлкен жетістіктерге жеткенін айта келе Израильге қатысты мәлімдеме жасаған.

«Израильдің Палестинаға бұларды жасамауы үшін біз өте күшті болуымыз керек. Қарабақ пен Ливияға кіргеніміздей, оларға дәл солай істей аламыз. Мұны істеуге бізге ештеңе де кедергі бола алмайды. Бұл қадамдарды жасау біз күшті болуымыз керек», –деп ашық айтқан Ердоған.

Түркия басшысының бұл мәлімдемесіне Израильдің Сыртқы істер министрлігі де жауап қатқан.

Елдің Сыртқы істер министр...

Тегеранда Иран Ислам Республикасының 14-ші президенті Масуд Пезешкианның лауазымы ресми түрде бекітіліп қызметіне кірісті.

Khamenei News басылымының ақпаратына сүйенсек, жоғары дәрежелі әскери, саяси қызметкерлер мен шетелдік дипломаттардың қатысуымен Пезешкианның қызметіне кірісу салтанаты өткен. Иранның жоғарғы көшбасшысы, 85 жастағы аятолла Али Хаменеи Масуд жаңа президентті ресми түрде мақұлдаған. Осылайша Мезешкиан президент ретінде лауазымына кірісуге рұқсат алған.

Али Хаменеи президент Пезешкиан Үкіметінің сыртқы саясаты «сыртқы қысымға қарамастан, ұзақ жылдар Иранға қолдау көрсетіп келген елдермен жақсы қарым-қатынасты жалғастыру» болуы керек екендігін айтты. Бұл елдердің басым көпшілігі Африка мен Азия да екенін атап өтті.

Масуд Пезешкиан Иранға реформалардың қажет екенін, «жоғарғы көшбасшының жалпы...

29 шілдеде Қазақстанның оңтүстігі мен оңтүстік шығысында ауа температурасы 38 градусқа дейін көтеріледі деп хабарлайды «Қазгидромет«.

Агенттік ақпаратына сүйенсек, Астанада аздаған жаңбыр мен найзағай болады. Желдің жылдамдығы 9-14 м/с, ал ауа температурасы +27°C дейін қызады.

Алматыда жауын-шашын болмайды. Жел жылдамдығы – 3-8 м/с, ауа температурасы +38°C дейін жетеді.

Шымкентте жауын-шашынсыз, желдің жылдамдығы – 5-10 м/с. ауа температурасы +37°C болады деп күтілуде.

Сондай-ақ, Жамбыл, Алматы, Шығыс Қазақстан, Жетісу, Абай, Түркістан облыстарында да ауа температурасының +37-38°C дейін көтеріліп, аптап ыстық жалғасады.

Батыста күн бағамы +30°C көтеріледі деп күтілуде. Ал Солтүстікте орташа температура +20°C болады.

Шілденің басында оңтүстік және шығыс облыстарда нөсер жауын...

Қазақ дзюдошысы Ғұсман Қырғызбаев 66 келі салмақ дәржесінде қола жүлде иеленді. Ол татамиде серб Страхиня Бунчичті жықты.

«Бұл қазақ дзюдосы тарихындағы триумф! Парижде алғаш рет олимпия ойындарында біздің команда 1 алтын, 1 қола жүлдеге қол жеткізді. Кеше Елдос Сметов дзюдодан Олимпиада чемпионы атанған тұңғыш қазаққа айналды», – деп хабарлады Туризм және спорт министрлігі.

Қазақстан Ұлттық Олимпиадалық комитетінің президенті Геннадий Головкин Париж Олимпиадасында қола жүлдегер атанған Қырғызбаевты құттықтады.

«Еліміздегі барша Олимпиадалық команданың атынан Сізді Олимпиада ойындарының қола медалімен құттықтаймын! Кеше басталған жүлделер сериясын жалғастыру арқылы Сіз тек қана дзюдо...

Қазақстанның ұлттық азық-түлік корпорациясының басшысы Асылхан Жұмашев Бакуде Әзірбайжанға бұрынғы ауқымда астық жеткізу көлемін қалпына келтіру жоспарда бар екенін мәлімдеді.

Ауыл шаруашылығы министрлігінің дерегі бойынша Бакудегі терминал тәулік бойы жұмыс істеп тұр.

«Кезінде Қазақстан Әзербайжанға 1 млн тоннадан астам астық жөнелтіп келген. Қазіргі уақытта біз Әзербайжан нарығында қазақстандық бидаймен бәсекеге қабілетті болу үшін бұрынғы позицияларды қайтару тетіктерін пысықтап жатырмыз», — деді Жұмашев.

«Азық-түлік келісімшарт корпорациясы» ҰК жалғыз акционері «Ақ Бидай-Терминал» АҚ Қазақстан, Әзербайжан және Иранда ірі астық терминалдарын басқарады. Говсана портында орналасқан Баку астық терминалының өндірістік қуаты жылына 600 мың тоннаға жуық. Ал диірмен...

Швейцария Ресейдің бұғатталған активтерінен түскен кірісті Украинаға аудармайды. BBC агенттігі Экономикалық мәселелер жөніндегі мемлекеттік хатшылық Швейцарияның Еуропалық Одақтың жетегіне ермейтінін нақтылағаны туралы жазды.

Швейцария ел заңнамасына және халықаралық міндеттемелерге бұған жол бермейтінін, «Ресей орталық банкінің қаражатына байланысты тікелей кіріс ала алмайтынын» мәлімдеді.

2024 жылдың сәуіріндегі жағдай бойынша Ресей Орталық банкінің Швейцарияда бұғатталған активтерінің жалпы құны 7 миллиард швейцариялық фракнтен асып жығылады. Бұған қоса, бұл елде Ресеймен байланысы бар жеке тұлғаларға немесе компанияларға тиесілі қаражатқа тыйым салынған.

26 шілде күні Еуроодақ Ресейдің бұғатталған активтерінен түскен табыстан Украинаға 1,5 млрд еуро көмек жіберді. 2024 жылдың бірінші жарты жылдығының қорытындысы бойынша...

Германияда электр көлікке деген сұраныс азайды. Есесіне іштен жанатын қозғалтықышы бар автокөлікке сұраныс артты.

2024 жылдың басынан бері былтырғы көрсеткішпен салыстырғанда электр көліктерге өтінім беру 47%-ға азайып кетті. Гибрид көліктерге деген сұраныс 24 пайызға кеміді. Ал бензинмен немесе дизель отынымен жүретін автокөліктерді тұтынушылар жиі іздей бастады.

Осыған байланысты Неміс автомобиль индустриясының орталық қауымдастығы (ZDK) сауалнама қорытындысын Welt am Sonntag басылымына жариялады. Сауалнамаға 348 автосалон қатысты.

Сатушылар электр көліктердің сатылымы жыл соңына дейін бәсеңдеуі мүмкін деп есептейді. Гибрид көліктердің көрсеткіші де көңіл көншітпейді.

Еуропалық комиссия Қытайдан әкелінетін электр көліктеріне ресми түрде уақытша қосымша баж салығын енгізгені мәлім. Комиссияның шешіміне...

Электромобиль өткінші тренд пе әлде болашақтың көлігі ме? Токпен жүретін көлікті алатын кез келді ме әлде әлі де ерте ме? Қазақстанның инфрақұрылымы мұндай нәрсеге қаншалық дайын? Kursivмedia тілшісі осы және өзге де сұрақтарды сарапшыларға қойды. 

Автожурналист Олжас Оқас дәл қазір халықты жаппай электромобильге көшіру мүмкін емес екенін айтады. Оның айтуынша, бұл үшін Қазақстанға әлі де уақыт керек.

«Ең әуелі халық арасында әлі мен сияқты электромобильді қаламайтындар да бар. Маған, мысалы, бұл ұнамайды. Себебі Қазақстанда жанармай арзан. Талай мемлекетте болдым. Бір доллар, тіпті Америкада мысалы жеті долларға дейін барады. Оның жанында біздің жарты долларлық жанармайымыз жақсы. Сол...

Париждің жазғы олимпиадасаның ашылуында диктор Оңтүстік Корея мемлекетінің атын атағанда қателік жіберді. Осы елдің делегациясын «Корей халық-демократиялық республикасының өкілдер» деп екі мәрте атаған. Бұл туралы шетелдік ақпарат құралдары жазды.

КХДР – Солтүстік Кореяның ресми атауы. Екі елдің бір-бірімен қырғи-қабақ екені белгілі. Олимпиаданың салтанатты ашылуына қатысқан Оңтүстік Корея министрінің орынбасары Чан Ми Ран жедел түрде халықаралық олимпиада комитеті басшылығымен кездесу ұйымдастыруды сұрап, делегация басшысы Чон Ган Сунға жергілікті атқару комитетінен осы оқиғаға байланысты жедел жауап беруді талап етуді бұйырды.

Титр жазуында Корея Республикасы деп дұрыс жазылған. Бірақ Сене өзенінде халық алдына шыққан оңтүстіккореялық делегация атын «Republique populaire Democraticique de Coree» деп...

Израильдің Мадждал-Шамс ауылына түскен зымыраннан 12 бала мен жас адам қаза тапты. Бұл қастандыққа Израиль тарапы «Хезболланы» айыптады. Осыған байланысты міндетті түрде жауап қататындарын қатаң ескертті. Голан биігіндегі шабуылдан 30-дан аса адам жараланды.

Осы Голан үстіртінде қазақ жасағы бітімгерлік міндетін атқарып жүр. ҚР Қорғаныс министрлігі елдің жасағы аман-есен екені туралы ақпарат таратты.

«Голан биігінде БҰҰ бітімгелік миссиясын орындап жатқан қазақстандық контингент әдеттегідей жұмысын жалғастыруда. Жеке құрамның өмірі мен денсаулығына қауіп төніп тұрған жоқ», –  деп хабарлады Қорғаныс министрлігінің баспасөз қызметі.

Наурыз айында Қазақстан Қарулы күштерінің 139 адамнан тұратын бітімгерлер тобы Голан үстіртіне жетті. Қазақстанның әскери ротасы ол жерде 1 жыл қызмет...

Шымкент индустриялық аймағындағы өрт сөндірілді. Шымкент қалалық төтенше жағдай департаменті 10 адам зардап шеккенін хабарлады. Оның біреуі уланса, 9-ын күйік шалды. Соның ішінде 8 адам ауруханаға жатқызылды.

27 шілде күні Шымкент қаласының Еңбекші ауданында «Ордабасы» индустриальды аймағында күкірттен өрт шықты. Оқиға орнына ТЖД күштері келген. Оларға Түркістан облысынан келген жұмыс тобы көмектесті.

Жақын маңда тұратын 443 адам көшірілді. Түнгі мезгілде шымкенттіктер жағымсыз иіске шағымданды.

«Ордабасы» индустриальды аймағы «KMG Supple Company» ЖШС-на тиесілі. Өрттің аумағы 1200 шаршы метрге жетті. Кәсіпорын аумағында бір жеңіл автокөлік қоса өртенді. Полиция өрт болған жерді қоршады. СЭС қызметкерлері сынама алды. Төтенше жағдай жөніндег...

Париж Олимпиадасының алғашқы жарыс күні Қазақстан қоржынына алтын түсті. Ұлттық құрама көшбасшысы Елдос Сметов дзюдодан Олимпиада чемпионы атанды.

Қазақ палуаны Париждегі ойындардың финалында Лука Мхеидземен (Франция) күресіп, қарсыласынан басым түсті.

«Тараздық татами шебері осыған дейін 2016 жылы Рио Олимпиадасында финалға шыққанымен қарсыласына есе жіберіп, күміспен күптелген. Ал Токиодағы ойындарда Торнике Чкадуаны жығып, үздік үштікті түйіндеген. Ал бүгін Елдос өміріндегі басты белдесуде бар шеберлігін паш етті», – деп жазады Туризм және спорт министрлігі.

Жалпы Сметов үшін Парижде жеребе оңай болмаған. Іріктеуде Торнике Чкадуаны (Нидерланд), Дильшот Халматовты (Украина), ширек финалда Токио Олимпиадасының күміс жүлдегері Янг...

Олимпиада өткізуге ниетті қалалар халықаралық олимпиада комитетіне өтінім бағалау, дайындау және жіберуге миллиондаған доллар жұмсайды. Жоспарлау, кеңесшілерді жалдау, іс-шараларды ұйымдастыру және қажетті саяхат құны кемі 50 миллионнан 100 миллион долларға дейін жетеді. Халықаралық қатынастар кеңесі зерттеуіне назар аударсақ, олимпиада ойындарының өткізу статусын жеңіп алудың өзіне қыруар қаражат қажет. Мысалы, Токио 2016 жылғы сәтсіз өтініміне 150 миллион доллар жұмсады, ал 2020 жылғы сәтті өтінімі үшін оның жартысына жуық қаржы кетті. Торонто 2024 жылғы өтінімге қажет 60 миллион долларды төлей алмаймыз деген шешімге келді.

Халықаралық олимпиада комитеті Олимпиада өткізетін қаланы таңдаған соң, спортшылар мен туристер ағынына дайындалуға шамамен он жыл...

Қазақстанның тағы бір теннисшісі Париж Олимпиадасынан шығып қалды. Юлия Путинцева тізесінен жарақат алып, Олимпиада ойындарына қатыса алмайды. Бұл туралы Қазақстанның теннис федерациясы хабарлады.

Путинцева Парижге ұшып барып, ойынға дайындалған. Алайда украиналық Марта Костюкпен бастапқы ойын алдындағы дайындық кезінде тізесінің ауырғанын сезініп, матчтан бас тартқан.

Еске салсақ, Уимблдонда әлемнің бірінші ракеткасы Ига Швентекті жеңгеннен кейін Юлия тізесінің ауырғанына шағымданған.

Қазақстан теннис федерациясының вице-президенті Диас Досқараев жағдайды былай деп түсіндірген:

«Париж Олимпиадасы біз үшін нағыз сынақпен басталды. Бұрнағы күні Елена Рыбакина денсаулығына байланысты жарыстан шет қалды, бүгін біздің командада жарақатына орай Юлия Путинцева...