Жаңалықтар

Ерболат Досаев Алматы әкімдігінің Білім басқармасының 20 млн теңгелік асхана жабдықтарын не себепті 70 млн теңгеге сатып алмақ болғанын түсіндірді. Қала басшысы әкімдіктің сапаға мән беретінін айтады.

Түсіндіре кетсек, Сыбайлас жемқорлыққа қарсы күрес агенттігі Алматы әкімдігінің мемлекеттік сатып алуларына тексеріс жүргізіп, осының нәтижесінде қызметтер мен тауарларға бағаларды тым көтеріп қойғанын анықтаған. Алматы қаласының Білім басқармасы қаладағы 25 мектеп үшін 1,9 млрд теңгеге ас үй жабдықтарын жаңғыртуды жоспарлаған. Басқарма бұл қаражатқа нарықтық құны 20 млн теңгені құрайтын жаңғырту қызметін 70-79 млн теңгеге сатып алмақ болған. Алайда Сыбайлас жемқорлыққа қарсы қызметтің ұсынымынан кейін, 23 мектеп бойынша сатып алу тоқтатылған...

Биотехнология және фармацевтика секторына инвестициялау – заманауи нарықтағы болашағы зор мүмкіндіктердің бірі. Бұл салалар ғылыми инновациялардың алдыңғы қатарында және де серпілісті емдеу әдістері мен медициналық технологияларды ұсынады. Олар денсаулық сақтау жүйесін түбегейлі өзгертіп, миллиондаған адамның өмір сүру сапасын жақсартуға қабілетті. Бұл ретте халықтың қартаюына, сондай-ақ созылмалы аурулардың таралуының ұлғаюына байланысты озық медициналық шешімдерге деген сұраныс артуда. Бұл осы салаларда жұмыс істейтін компаниялардың ұзақмерзімді және сенімді түрде дамуы үшін орнықты негіз жасайды.

Перспективалар

2024 жылғы Париж Олимпиадасы аясында алғашқы болып Қазақстанның садақ атудан ерлер құрамасының өкілдері сайысқа шығады деп хабарлады Туризм және спорт министрлігі.

Министрліктің мәліметіне сүйінсек, садақ ату жарыс бағдарламасының бұл түрінде еліміздің намысын Ильфат Абдуллин, Дәулеткелді Жанбырбай, Александр Еременко қорғайды.

25 шілдеде жеке жарыстар басталады. Спортшылар рейтингтік раундтан өтуі керек. Соның нәтижесінде олимпиадалық турнирдің одан әрі жүйесі қалыптасады. Плей-офф 30 шілдеде 1/32 финалдан басталады.

Садақшыларымыз Астана уақыты бойынша 17.15-те шығады. Ал ресми ашылу салтанаты 26 шілде күні Астана уақытымен 20:00 де басталады.

Олимпиадаға қатысатын Қазақстан делегациясына 900 млн теңгеге жуық қаржы бөлінді

«Қазақстандық делегацияның қатысуына жұмсалған шығын...

Әлеуметтік желілерде 4 пайыздық автонесие бағдарламасының пилоттық жобасы басталған туралы ақпарат тараған. Алайда «Өнеркәсіпті дамыту қоры» АҚ бұл жалған ақпарат екенін хабарлайды.

«Өтінімдерді қабылдаудың болжамды басталуы және https://autoneseie.kz//1cb/ сайтында несие берудің жеңілдікті шарттарын алу мүмкіндігі туралы барлық хабарлама жалған және шындыққа жанаспайды», – делінген хабарламада.

Сондай-ақ таратылған хабарламаларда аталған Әлібек Ахметов «Өнеркәсіпті дамыту қоры» АҚ қызметкері емес, телефон нөмірі мен веб-сайты да жалған.

Қазір «Өнеркәсіпті дамыту қоры» жеңілдікті автонесиелеу бағдарламасын жүзеге асырып жатқан жоқ. 2023 жылдың маусымынан бері Қор бағдарлама қаражатын жолаушы автобустарын лизингтік қаржыландыруға қайта бағыттап келеді.

«Майқайыңалтын» кен байыту фабрикасының аумағында шұңқырға құлаған құтқарушылардың автобусы 7 ай өткен соң табылды. Іздестіру жұмыстары әлі де жүріп жатыр. Өйткені 55 жастағы төртінші құтқарушы, жүргізуші Айып Тілеубергеновтің денесі әлі табылмады.

«Майқайыңалтын» АҚ тау-кен ауданындағы опырылған жерде іздестіру жұмыстары жалғасуда. Кеше кешкісін қазба жұмыстары кезінде құтқарушылардың автобусы табылды. Ауа райының қолайсыздығына (жаңбыр мен жел) және топырақтың құлау қаупінің сақталуына байланысты жұмыстар аса сақтықпен жүргізілуде», – деп хабарлады Павлодар облысының әкімдігінің баспасөз қызметі.

Әкімдік өкілдері бүгін таңғы сағат 05.00-ден бастап іздестіру жұмыстары қайта жанданғанын атап өтті.  

«Қазіргі уақытта көліктің алдыңғы...

Қаржы мониторингі агенттігі «Атырау мұнай өңдеу зауыты» ЖШС-нің бұрынғы бас директоры Мұрат Досмұратовқа қатысты қылмыстық істі аяқтағанын хабарлады.

Мұрат Досмұратовқа өз қызметін асыра пайдаланып, мемлекетке аса ірі залал келтірді деген айып тағылған. 2022-2023 жылдар аралығында АМӨЗ қаражатын негізсіз бөліп, жалпы сомасы 1,9 млрд теңгеге технологиялық жабдықты жөндеу шартын жасасты деген күдікке ілінген.

Қазір АМӨЗ бұрынғы басшысы үйқамақта. ҚР ҚПК-нің 201-бабына сәйкес, тергеу мүддесіндегі өзге де ақпарат жария етілмеген.

Атырау МӨЗ басшысы Мұрат Досмұратов қызметінен өз еркімен кеткен еді. ҚМА мен өңірлік прокуратура Атырау мұнай өңдеу зауытын тексеруді 28 ақпанда бастаған ҚМА мәліметінше компания басшылығы өз өкілеттіліктерін теріс пайдаланып...

Qarmet акционерлік қоғамынан 50 млн теңгенің жанар-жағармайын ұрлаған қылмыстық топты құрықталды. Бұл жайлы Ішкі істер министрлігінің баспасөз қызметі хабарлады.

Ақмола облыстық полиция департаментінің мәліметінше, қылмыстық топ «Qarmet» АҚ өкілдігінің аумағынан жанар-жағармай ұрлау бойынша қылмыстық схема құрып алған. Олар бірнеше жыл қатарынан осы схема бойынша көгілдір отын ұрлап келген.

Бұл топтың қылмыстық әрекеті салдарынан кәсіпорынға 50 миллион теңгеден астам залал келтірілген. Полиция қазіргі таңда бұл қылмыстық әрекетке қатысы бар болуы мүмкін компания қызметкерлері тексеріледі.

«Qarmet АҚ күзет қызметімен бірлесіп, компания қызметкерлерінің, оның ішінде қауіпсіздік қызметінің жанар-жағармай ұрлығына қатыстылығы тексерілуде. Жедел іздестіру шаралары барысында ұсталғандардан...

Қаржы нарығын реттеу және дамыту агенттігі Abu Dhabi Commercial Bank PJSC (ADCB) банк тобына банк холдингі мәртебесін алуға келісім берді. Сонымен қатар еншілес ұйымы – «Islami Bank Al Hilal» АҚ акцияларын 100 пайыз иеленуге рұқсат алды.

ADCB Біріккен Адаб Әмірліктерінің банк секторында активтері бойынша үшінші орында тұр. Қаржы ұйымының түпкілікті бақылаушы акционері – БАӘ үкіметі.

2024 жылдың 1 қаңтарына ADCB активтері 155,2 млрд доллар, несие қоржыны 85,6 млрд доллар, меншікті капиталы 19,5 млрд долларды құраған.

Бұған дейін Al Hilal Ислам банкі ребрендинг жасап, бөлшек қызметті қысқартатыны хабарланды. 1 шілдеден бастап Al Hilal-дің бүкіл төлем карталары бұғатталған. Есесіне банк...

Қарағанды ферроқорытпа зауытындағы апатта күйік шалған 8 жұмысшының тағы үшеуі қайтыс болды. Бұған дейін күйік шалған бір жұмысшы реанимацияда көз жұмған еді.

«Өкінішке қарай, бүгін ауруханада біздің әріптестеріміз технолог Қазкен Ерұлан Қайырбекұлы, балқыту цехының механигі Адамчук Дмитро және бас механик қызметінің шебері Жетпісбаев Төлеген Елеуұлы қайтыс болды. Әріптестеріміздің отбасылары мен жақындарына қайғыларына ортақтасып көңіл айтамыз», – делінген YDD Corporation хабарламасында.

1981 және 1987 жылы туған науқастар ауруханада ес жимастан көз жұмған. Төрт науқас ауыр хәлде жатыр. Бұған дейін қайтыс болған Мұзафар Исмаилов 31 жаста еді. Оның денесінің 85 пайызын қатты күйік...

«Қазақстан темір жолы» ұлттық компаниясы тасымал жұмысы мен «жасырын кассаны» тексеруді күшейтті. Бұған дейін жолаушылар темір жол бекеттеріндегі қызмет сапасының төмендігі, мамандардың салғырттығы, заңсыз әрекеттерге байланысты жиі шағымданатын.

Компания өкілдері кезекті рейд кезінде Шымкент станциясындағы бірінен жолаушыны билетсіз пойызға отырғызғанын анықтады. «Шымкент – Астана» пойызының жолсеріктері ресми сатып алмаған билетсіз адамды белгілі бір сомаға алып жүруге келіскен.

«Қызметтік тергеу қорытындысы бойынша пойыз бастығы мен жолсерік жұмыстан шығарылды, ал екінші жолсерік пен Шымкент станциясы учаскесі бастығының орынбасарына қатаң сөгіс берілді. Ішкі тексерулер елдің барлық вокзалында өтуде»,  – деп хабарлады ҚТЖ баспасөз қызметі.

Ұлттық тасымалдаушы компания...

Қытай мен Иран арасындағы темір жол қатынасы жанданды. Бұл темір жол Түркіменстан мен Қазақстан арқылы өтеді.

Шілде айында Иран, Қазақстан, Түркіменстан «Солтүстік – Оңтүстік» халықаралық көлік дәлізін дамытуға арналған жол картасын іске қосты.

Қазақстан шойын жолды Үнді мұхитына шығатын ең қысқа транзит деп бағалап отыр.

21 шілде күні Тегеранға жақын жерде орналасқан Иран елінің ең үлкен құрғақ порты – Априннен пайдалы қазба тиелген жүк вагондары алғаш рет жолға шықты. Бұл керуен Түркіменстан мен Қазақстанды асып, Қытайдың Иу қаласына тоқтайды. Жүк пойызы екі аптада 10 мың шақырымды бағындырып, діттеген жеріне жетпек.

Иран темір жолының басшысы (RAI) Миад Салехи Тегеран Қытай үшін...

Төтенше жағдайлар министрлігі қызметкерлеріне қару-жарақ пен әскери техниканы пайдалануға рұқсат берілмек. 24 шілдеде «Ашық НҚА» порталында ҚР Премьер-Министрі Олжас Бектеновтің қаулысы жарияланды.

«Қару-жарақ пен әскери техниканы пайдалануға құқығы бар субъектілердің тізбесін бекіту туралы» Қазақстан Республикасы Үкіметінің 2019 жылғы 24 қазандағы № 798 қаулысына толықтыру енгізу туралы» Үкімет қаулысының жобасы 7 тамызға дейін талқыланады.

Қаулы бойынша Төтенше жағдайлар министрлігін қару-жарақ пен әскери техниканы пайдалануға құқығы бар субъектілердің тізбесіне енгізу көзделген.

«Жобаның негізгі мақсаты Қазақстан Республикасы Төтенше жағдайлар министрлігін азаматтық қорғаныс саласындағы ішкі істер министрлігінің құқықтары мен міндеттемелерінің құқықтық мирасқоры ретінде қару-жарақ пен әскери  техниканы пайдалануға құқығы бар...

Жезқазғанда ашылады деп жоспарланған «Ұлытау техникалық университеті» ашылмайтын болды. Оның орнына канадалық үлгідегі жаңа университет салынады. Бұл туралы «Курсив» тілшісінің сауалына жауап берген Ғылым және жоғары білім министрі Саясат Нұрбек айтты.

Министрдің сөзінше, Ұлттық университеттің құрылатыны туралы 2023 хабарланған. Алайда министрлік пен Жезқазған әкімдігімен ұзақ талқылаудан кейін басқа шешім қабылдағанды жөн көрген.

«Тез арада жергілікті бір колледждің негізінде немесе бір бос ғимаратты алып, лицензиясын тез арада беріп тастап, университетті ашып қойсақ, сапа болмайды. Сондықтан үлкен кампус жасаймыз», – деді Саясат Нұрбек.

Оның айтуынша, жаңа кампуста университет ашуға Канаданың 4 университеті қызығушылық танытқан. Бұған қоса, министр...

Көлік министрлігінің Азаматтық авиация комитеті әуе компанияларын әкімшілік жауапкершілікке тартуда. Оған жазғы рейдтердің кешігіп жатқанына байланысты жолаушылардың шағымданғаны себеп болып отыр.

Ведомство тексеру барысында бірқатар заңбұзушылықты анықтады. FlyArystan Алматы – Қарағанды бағыты бойынша рейс кідірген кезде жолаушыларға талапқа сай қызмет көрсетпеген. Оларды компания есебінен қонақүйге орналастырмады, әуежайдан алып баруға және алып келуге көлік тасымалын ұйымдастырмады. Осыған байланысты 11 шілде күні «Әкімшілік құқық бұзушылық туралы» кодексінің 567-бабының 2-бөлігі бойынша әуе компаниясына 1000 АЕК (3 692 000 теңге) мөлшерінде айыппұл салынды.

Ал маусым айында Атырау-Алматы бағыты бойынша рейсті кешіктірген кезде тиісті қызмет көрсетпегені үшін «SCAT» әуе компаниясы 1 000 АЕК (3 692 000 теңге) әкімшілік айыппұл төлеуге тиіс болды.

Азаматтық авиация комитеті отандық және шетелдік әуе компанияларын тексеруді жалғастыратынын ескертті.

Әуе компаниялары...

Бизнес-процесс үздіксіз жүре береді. Кейде әлденені жаңарту керек болады. Ал енді бірде түбегейлі өзгеріс қажет болып жаатады. Мұндайды «реинжинириң» деп атайды. Бұл не және ол қалай жасалады? Бүгінгі материалымыз — осы тақырып төңірегінде. 

Реинжинириң деген не?

Клиентке арналған өнім не қызмет ұсыну үшін қызметкерлердің жасайтын әрекеттерінің реті бизнесс-процесс арқылы құрылады. Жұмысшы тарапынан барлығы уақытылы, келісілгендей жасалса да, кейде тәсілдер уақыт өте келе ескіретіні бар. Соның кесірінен жұмыс дұрыс жүрмей, өнімділік түседі. Мұндайда реинжинириң жасалады. Яғни компания көрсеткіштерін көтеру үшін бизнес-процестердің жобасын қайта жасап, түбегейлі өзгертеді. Реинжинириң оңтайландыру емес екенін айта кету керек. Басты айырмашылықтары мынада: 

Елімізде ЖОО-ның ақылы бөліміне түскісі келетіндерге енді пайызсыз несие берілуі мүмкін. Ол жыл соңында іске қосылады. Бұл туралы Ғылым және жоғары білім министрі Саясат Нұрбек айтты.

 Министр білімге қолжетімділікті кеңейту үшін төрт құрал енгізіліп жатқанын жеткізді.  Оның алғашқы екеуі – «Балаларға арналған ұлттық қор» және «Келешек» бағдарламасы.

«Биыл ақпан айынан бастап әр балаға арнайы шот ашылып, жинақ жасалып жатыр. Бұл құралды жоғары білім алу мақсатына қолдана бастаған алғашқы адамдар бар. Екіншісі – жыл соңына қарай «Келешек» жинақтаушы білім беру жүйесі іске қосылады. Бұл ерікті жүйе және отбасы өз еркімен баласының оқу ақысын алдын ала жинау туралы...

Қазақстандық кәсіпкер Қайрат Боранбаев Алматыда тағы бір футбол клубын ашуға дайындалып жатыр. Бұл туралы Metaratings спорт порталы хабарлады.

Metaratings мәліметіне сүйінсек, жаңа клуб Almaty United деген атаумен 2025 жылғы маусымды QFL екінші лигасынан бастайды. Жаңа клуб ашудағы басты мақсат Қайрат Боранбаев басқаратын «Қайрат» футбол клубының академиясынан шыққан түлектерді ойын тәжірибесімен қамтамасыз ету болып отыр.

Жаңа клуб өз алаңындағы матчтарын «Қайрат» академиясы нысандарының бірінде өткізеді. Ал клубтың бас директоры қызметін «Қайраттың» экс-директоры, қазір Player Сareer Management футбол агенттігінің басшысы Баймұханов Марат Бүркітұлы атқарады.

Kompra.kz дерегі бойынша Баймұхановқа Almaty United ЖШС тіркелген. Компания 2024 жылдың сәуір айында Алматыда пайда болды. Құжат...

Ғылым және жоғары білім министрі Саясат Нұрбек президент Қасым-Жомарт Тоқаевтың шешімімен жаңа ғылым академиясы құрылғанын хабарлады. Қазір онда 9 жаңа академик тіркеліп, бұрынғы академиктер ғылым академиясындағы лауазымынан айырылған.

Министрдің айтуынша, ғылым академиясының жұмысы қайта реттеуден өткен.

«Өткен жылы президенттің шешімімен жаңа ғылым академиясы құрылды, бірақ басқа мәртебеге ие болды. Ол президент жанын құрылып, мемлекеттен қаржыландырылады. Жаңа Ғылым академиясына сайлау өтіп, 9 адам кірді. Тамыз-қыркүйек айларында сайлаудың жаңа циклі өтіп, бірте-бірте мықты ғалымдар жаңа Ғылым академиясына қабылданады», – деді министр.

Саясат Нұрбектің айтуынша, реформаға дейін Ұлттық Ғылым академиясының құрамында болған академиктердің мәртебесі жойылған. Бұрынғы тізімде...

26 шілде мен 28 шілде аралығында Алматыда екінші рет халықаралық Almaty animation festival өтеді. Фестиваль ТМД-ға қатысушы мемлекеттердің мемлекетаралық гуманитарлық ынтымақтастығы қорының қолдауымен өтеді. 

Ұйымдастырушылар бұл бірегей фестиваль көрермендерді әлемдік анимация индустриясының заманауи трендтерімен таныстырып, анимациялық өнердің алуан түрлі екенін тамашалауға мүмкіндік беретінін айтады.

Биыл фестивальға 52 елден 250-ден астам жоба келіп түскен, оның ішінен конкурс бағдарламасына іріктеуден 80 мультфильм өткен. Сонымен қатар биыл фестивальде деректі фильмдер, эксперименттік мультфильмдер және музыкаға арналған бейнелер бойынша бөлек байқаулар өтеді.

Фестивальде Жапония, Германия, АҚШ, Нидерланды, Корея, Канада және басқа елдердің үздік анимациялық жобалары көрсетіледі. 

Қазақстаннан «Орталық Азия» байқауына бес туынды өткен. Оның біріншіс...

Бұрынғы Қаржы министрі Ерұлан Жамаубаев «Бәйтерек» холдингінің директорлар кеңесінің құрамына кірді. Бұл жайлы Қазақстан қор биржасының сайтында жазылған.

«Облигациялары Қазақстан қор биржасының (KASE) ресми тізімінде тұрған «Бәйтерек» ҰБХ» АҚ жалғыз акционердің 2024 жылдың 16 шілдесіндегі шешімімен холдингтің Директорлар кеңесінің құрамына мынадай өзгерістер енгізілгенін KASE-ге хабарлады: Иргалиев А.А. шығарылды, Жамаубаев Е.К. сайланды», – делінген KASE хабарламасында.

Солайша бүгінде «Бәйтерек» ҰБХ» акционерлік қоғамының директорлар кеңесі 10 адамнан тұрады. Онда – премьер-министр Олжас Бектенов, премьер-министрдің бірінші орынбасары Роман Скляр, Ұлттық экономика министрі Нұрлан Байбазаров, Қаржы министрі Мәди Тәкиев, Өнеркәсіп және құрылыс министрі Қанат Шарлапаев, басқарма төрағасы...

Алматы іргесіндегі Ядролық физика институтының жанынан Оңтүстік Кореяның KAIST озық ғылым және технологиялар институтының филиалы ашылады. Ал 2025 жылы Астанада британдық Кардифф университетінің филиалы жұмысын бастайды. Бұл жөнінде Ғылым және жоғары білім министрі Саясат Нұрбек мәлімдеді.

Министрдің айтуынша, KAIST (Korea Advanced Institute of Science & Technology)  университеті электротехника, информатика, машина жасау және инженерия салаларында инновациялық зерттеулерімен және ғылыми жаңалықтарымен әлемге әйгілі.

 «Бұл Оңтүстік Кореядағы ең күшті ұлттық зерттеу университеті, құрылу тарихы 50 жылға дейінгі әлемдегі ең үздік 3 университеттің бірі. Біз оны Алматы маңындағы Алатау  елдімекеніндегі ядролық физика институты бар арнайы ғылым аймағына көшіруді жөн деп санады...

Ғылым және жоғары білім министрі Саясат Нұрбек «Болашақ» бағдарламасына бакалавр дәрежесін қайтару мүмкіндігіне қатысты пікір білдірді.

Оның айтуынша, бұл шешімді өткен жылы республикалық комиссия қабылдаған.

«Ол үшін заңнамаға өзгерістер енгізу қажет. Сондықтан біз өткен жылдың соңында Парламентке тиісті заң жобасын енгіздік», – деді министр.

Бұл ретте халықаралық олимпиадалар мен ғылыми жарыстарда жүлделі орын алғандар «Болашақпен» шетелге білім алуға жіберіледі. Байқаулардың тізімін республикалық комиссия реттейді және белгілейді.

«Парламент сесиясы жұмысын бастағаннан кейін біз бакалвр бойынша студенттерді дайындауға қатысты ұсынысты енгіземіз. Биылдан бастап заң қабылданады», – деп уәде етті ведомство басшысы.  

ҚР Ұлттық статистика бюросының берген мәліметі бойынша 2024 жылдың алты айында Қазақстанда жалпы сомасы 814,4 млрд теңгені құрайтын 62 435 бірлік техника шығарылды. Өндіріс көлемі былтырғы жартыжылдықпен салыстырғанда 14,6%-ға төмендеген. Алайда саланың машина жасаудағы үлесі 40% деңгейінде қалып отыр.

«Қазақстанның автокөлік одағының» дерегінше, өндіріс көлемінің азаюына негізінен нарықтағы өзгеріс себеп болды. «Сұр» дилерлердің ЕАЭО-ның Техникалық регламентіне сәйкес келмейтін бақылаусыз импорты ескі көлікті де, жаңа көлікті де оңды-солды жеткізуі әлі де елдің экономикалық қауіпсіздігіне қауіп төндіреді және тұтынушылар үшін күрделі мәселе тудырып отыр.

«2023 жылы Қазақстанда 200 мыңға жуық жаңа автомобиль сатылды, оның 70%-дан астамы – отандық өнім. Нарық айтарлықтай өспесе де, біздің өндірушілердің үлесі әл...

Ұлттық экономика министрлігі «Ашық НҚА» порталына Қазақстан Республикасының Үкіметі мен Экономикалық ынтымақтастық және даму ұйымы арасындағы Еуразиялық бәсекеге қабілеттілік бағдарламасын қаржыландыру туралы келісімге қол қою туралы құжатын орналастырды. Онда Қазақстанның ЭЫДҰ Жаһандық байланыстар Хатшылығының арнайы бағдарламасының қызметін 600 мың еуроға қаржыландыратыны жазылған.

«Қазақстан Республикасының Үкіметі ЭЫДҰ Жаһандық байланыстар Хатшылығы Еуразиялық бәсекеге қабілеттілік бағдарламасының (бұдан әрі – ЕББ) қызметін жалпы сомасы 600 000 (алты жүз мың) еуроға қаржыландыруға келіседі», – делінген құжатта.

Еуразиялық бәсекеге қабілеттілік бағдарламасының (ЕББ) қызметі Экономикалық ынтымақтастық және даму ұйымы (ЭЫДҰ) саясатының стандарттарына және бәсекеге қабілеттігі мен оны арттыруға бағытталады.

Бұл сома...