Жаңалықтар

Сірә, мұнай – әлемдік масштабта туындайтын кез келген тәуекелі тегеурінді оқиғаға аса сезімталдық танытатын ең танымал экспорттық шикізат. Таяу Шығыста соғыс өрті тұтанса да, Еуразияда жанжал басталса да, Латын Америкасы елдерінде ішкі бүлік пайда болса да, АҚШ пен Иран арасында қайсыбір жылғы дау қайта түтіндесе де, мұнай нарығының бүйірі солқ ете қалады. Көп жағдайда баға құлдырап кетеді. Қазір бір қарағанда ахуал тұрақты секілді, бірақ тәуекелдер толас таба қойған жоқ, кез келген уақытта баға ыршып кетуі, не құлдырап кетуі кәдік.

Сәуір айындағы мұнай нарығының жағдайы қандай болды

Экономиканы қолданбалы зерттеулер орталығының (AERC) сараптауынша, сәуір мұнай нарығы үшін тәуір болған...

 «Обажаю» YouTube арнасының авторы, журналист Асхат Ниязовтың үстінен «Жала жабу» бабы бойынша қозғалған әкімшілік істің сот процесі тоқтады. Бұл туралы Азаттық радиосы хабарлады.

Мәдениет және ақпарат министрлігінің шағымынан кейін іс сотқа жіберілген еді. Алайда Астана қаласы әкімшілік сотының судьясы құқық бұзушылық белгілерінің жоқтығына байланысты істі тоқтату туралы шешім қабылдады.

Адвокат Әсел Тоқаеваның айтуынша, бұл істе «жала жабу» және «жалған ақпарат тарату» сияқты баптар бойынша әкімшілік құқық бұзушылық болмаған.

Бұған дейін Асхат Ниязов ҚР СІМ-нің «Азаттық» радиосының кейбір журналистерін аккредиттеуден бас тартқаны туралы ақпаратпен бөліскені үшін әкімшілік жауапкершілікке тартылуы мүмкін екенін хабарлаған едік. Оған ҚР ӘҚБтК-нің «жала...

«Қазақтелеком» АҚ бас қаржы директоры Людмила Атамұратова «Мобайл Телеком-Сервисті» сатып алатын қатарлық компанияға қандай талаптар қойылатынын айтты. 

Бұған дейін компания Қатардың Power International Holding-і Tele2 және Altel брендтерімен жұмыс істейтін «Мобайл Телеком-Сервис» ЖШС-ні сатып алуды жоспарлап отырғанын хабарлаған. Осы мақсатта ақпан айында үшжақты келісімге қол қойылған. 

«Ұялы байланыс операторы үшін 5G жиіліктерінің стратегиялық маңыздылығын, сондай-ақ жобаға кететін қаражат пен оны сақтау үшін лицензиялық міндеттемелерді орындау қажеттілігін ескере отырып, инвестор 5G желісін орнату жобасын одан әрі іске асыруға мүдделі болады деп болжаймыз. Бұдан басқа, заңнаманың талаптарына сәйкес әлеуетті мәмілені аяқтау үшін монополияға қарсы орган – Бәсекелестікті қорғау және...

Алматы соты бар күзетшісі, 24 жастағы Дінмұхамед Құдайбергенді сегіз жылға бас бостандығынан айырды. Оған зорлау және тонау әрекеті бойынша айып тағылған. Ол мерзімін орташа қауіпсіздіктегі колонияда өтейді. Бұл туралы Алматы сотының баспасөз қызметі хабарлады.

29 сәуір күні Алмалы аудандық соты Дінмұхамед Құдайбергенге қатысты үкім шығарды. Тергеушілердің айтуынша, ол барда күзетші бола жүріп, 2023 жылдың тамызында өміріне қауіп төндіре отырып, қыз зорлаған. Өлтіру қатерін төндіруге ұласқан сексуалдық сипаттағы зорлық-зомбылық әрекетін жасаған. Ал қараша айында өзінің жазасыз екенін түсініп, адам тонаған.

Қылмыстық іс жыныстық қылмыспен байланысты болғаннан кейін процесс жабық режимде өткен (ҚР ҚК 29-бап).

Сот 2023 жылдың 7 тамызына қараған...

Әзірбайжан мен Арменияның Алматыдағы кездесуі кезінде Қазақстан делдалдық қызмет атқармайды. Бұл жайлы СІМ ресми өкілі Айбек Смадияров айтты.

СІМ өкілінің айтуынша, президент Қасым-Жомарт Тоқаев Бакуға да, Ереванға да жақында жасаған сапарлары барысында екі ел арасындағы берік әрі ұзақ мерзімді бейбітшілікті тез арада орнатудың маңызды екенін атап өткен. Онда мемлекет басшысы Қазақстанның келіссөздер алаңын ұсыну арқылы жәрдем көрсетуге дайын екенін жеткізген. Соған орай келіссөз алаңы Алматыдан ұсынылған.

«Расында, бұл келіссөздер Алматыда өтеді деп жоспарланып отыр. Біз Әзірбайжан мен Армениядағы әріптестерімізбен байланыстамыз. Алдағы келіссөздер тек екі тарап арасында жүргізілетін болады. Мен мұнда Астананың делдалдығы туралы сөз жо...

Қазақстанның Даму банкі Таяу Шығыстың Al Rahji Bank және Banque Saudi Fransi сынды қаржы институттарымен ынтымақтастықты нығайтып жатыр. Бұл банктің қарыз қоржыны географиясын әртараптандыруға мүмкіндік береді. Сонымен қатар Таяу Шығыс қаржы ұйымдарымен тәжірибе алмасуға ықпал етеді.

ҚДБ басшылығы Al Rahji Bank және Banque Saudi Fransi сияқты қаржы институттарының, сондай-ақ Кувейт экономикалық даму қоры мен Халықаралық даму жөніндегі ОПЕК қорының өкілдерімен екіжақты кездесу өткізген.

Премьер-Министрдің орынбасары – ұлттық экономика министрі Нұрлан Байбазаров бастаған қазақстандық делегация Эр-Риядтағы Ислам Даму Банкінің отырысына қатысқан. Бұл алаңда ҚДБ-ның Таяу Шығыс елдерінің қаржы институттарымен бірқатар екіжақты кездесулері өтті.

СІМ ресми өкілі Айбек Смадияров Ресей абақтысына қамалған Қазақстан азаматтарын Укаринадағы соғысқа қатысуға үгіттеп жатыр деген ақпаратқа қатысты пікір білдірді.

Сыртқы істер министрлігінде өткен баспасөз мәслихатында журналистердің бірі ведомство өкіліне  сауал жолдады.

«ҚР Бас прокуратурасына бір топ ата-ана келіп, шағым қалдырған. Олар ұлдарының Ресей түрмелерінде жатқанын айтты. Олардың үстінен нашақорлық бойынша (қылмыстық) іс қозғалған. Осылайша олар қамауда отыр. Ата-аналар Ресей тарапы балаларын соғысқа үндеп жатқанын айтады. Сондай-ақ биліктен балаларының үстінен қозғалған істерді Қазақстанға әкеліп қарауды сұрайды. Кейінгі уақытта осындай ата-аналардың көбейгені байқалады. Екі жылда 100-ге тарта адам осындай іспен қамауға алынған. Министрлік жағдайға түсінік бере ала ма...

Қазақстандық ШОБ (шағын және орта бизнес) I тоқсанда түрлі салада проблемаларға тап болды. Нақтырақ айтқанда, бизнестің бұл тармағы – нарықтық, реттеуші және табиғи-климаттық сын-қатерлермен бетпе-бет келді. Осы күнге дейін ел аумағында орын алған оқиғалар жан-жақты көрініс таппаған да болуы мүмкін. Алайда осы материалда бизнестің I  тоқсандағы нәтижелерді бағалауынан бөлек, қаржылық айналымдар, қызметкерлер мен қаржыландыру көздеріндегі өзгерістер сияқты негізгі көрсеткіштерге қатысты бизнестің дамуын қысқа мерзімді перспективада қалай бағаланатынына, сондай-ақ бизнестің дамуына қандай шектеулер қойылғанына талдау жасалған.

Алынған мәліметтерге сәйкес бизнестің көрсеткіштері мен белсенділігін, сондай-ақ кедергілер деңгейін көрсететін индекстердің үш негізгі тобы анықталды. Бұған қоса, бизнес өкілдері, жалпыға бірдей декларациялау мен мобильді аударымдарды...

Банк ЦентрКредит 2023 жыл үшін дивиденд төлемейтін болды. Банк акционерлерінің жалпы жиналысы осындай шешім шығарған. Банктің таза пайдасынан неліктен дивиденд төленбейтіні нақтыланбаған.

Қаржы ұйымының 135 млрд теңге таза кірісі өткен жылдардың бөлінбеген таза пайдасы ретінде қалдырылды. Сонымен қатар акционерлер банктің 2023 жылғы аудиттелген шоғырландырылған және жекелеген жылдық қаржылық есебін бекітті. Одан бөлек, 6 адамнан тұратын директолар кеңесінің құрамы акционерлердің 2025 жылғы жиналысына дейін өзгермейді.

Банк 1988 жылы құрылған. Қазақстандағы іргелі коммерциялық банктердің бірі. «Банк ЦентрКредиттің» негізгі иелері – Бақытбек Байсейітов (40,11%) пен Владислав Ли (9,23%).

2022 жылғы таза пайдасы 145 млрд теңге болса, 2023 жылы...

Ресей Федерациясының Қорған және Түмен облыстарында адыраспан шөбін тасымалдаған екі азамат ұсталды. Бұл жайлы сол өңірдің полиция басқармасы хабарлады.

Полиция қызметкерлері 17 сәуірде 51 жастағы әйелді анықтаған. Ол Ресейге Орталық Азия елдерінен кірген. Ал 24 сәуірде көрші мемлекеттің 37 жастағы азаматы басқарған DAF жүк көлігін тексеру кезінде 50 грамм адыраспан өсімдігі табылған.

«Ресей ІІМ «Петуховский» муниципалитетаралық басқармасының тергеушісі РФ Қылмыстық кодексінің 229.1-бабының 3-бөлігінде «Есірткі, психотроптық заттардың контрабандасы» тармағында көзделген қылмыс белгілері бойынша қылмыстық іс қозғады»,- делінген хабарламада.

Айта кетейік, Ресейде адыраспан шөбі – құрамында есірткісі бар, психотроптық заттар немесе олардың прекурсорлары...

Қазақстанның депозиттерге кепілдік беру қоры банк лицензиясынан айырылған жағдайда қаржы ұйымы салымшыларына кепілді өтемақы төлейді. Оның көлемі жинақ түріне қарай жіктеледі. Мәселен, теңгелік жинақ салымдар (депозиттер) бойынша – 20 млн теңгеге дейін. Ал теңгедегі өзге депозиттер, шоттар және карточкалар бойынша – 10 млн теңгеге дейін. Шетел валютасындағы депозиттер, карточкалар және шоттар бойынша 5 млн теңгеге дейін өтемақы төленеді.

Жинақты бір емес, бірнеше банкте орналастыру

Осы орайда Қор банктегі шотқа ақша салардың алдында әрбір салым түрі бойынша кепілдік берілген шекті сомаларды ескере отырып, қаржыны бірнеше банкке бөлуге болатынын хабарлады.

«Сол ақшаның шекті сомадан асқан бөлігін...

Өнеркәсіп және құрылыс министрі Қанат Шарлапаевтың инвесторлармен жұмысына депутаттардың көңілі толмады. 29 сәуірде Мәжілісте болған Үкімет сағатында депутаттардың алдында министр есеп берді.

«Министрдің есебіне көңілім толған жоқ. Министр Парламент Мәжілісінің алдында емес, өз әріптестерінің алдында сөз сөйлеп тұрғандай. Біз министр нағыз инвесторлар туралы айтады деп күттік. Мен сіздің есебіңізді оқып шықтым. Онда шын инвесторлардан Samsung, KIA мен бірнеше неміс инвесторларын шақырғансыз», – деді депутат Бақытжан Базарбек. 

Ол министрден ұлттық экономикаға инвестиция құйған инвесторларды көрсетуді сұрап, соның нәтижесінде қанша жұмыс орны құрылып, халыққа қандай пайда болғанын көрсетуді талап етті.

«Біз тіпт...

Прокуратура Бақытжан Байжановқа Қылмыстық кодекстің 434-бабында көрсетілген әрекетті (аса ауыр қылмыс туралы хабарламау) жасады деген айыптаудан бас тартты. Бұл туралы Астана сотында 29 сәуірде өткен сот отырысында айтылды.

Бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты сот процесі жалғасып жатыр. 29 сәуірдегі сот отырысында тараптардың жарыссөзі басталады деп жоспарланған еді.

Алайда жарыссөз алдында айыптау тарапы сотталушы Бақытжан Байжановқа қатысты сот тергеуін қайта бастауға қатысты өтінішхат жасады.

«Айыптау тарапы Байжановқа қатысты Қылмыстық кодекстің 434-бабы, яғни қылмыс туралы хабарламау бойынша айыптаудан бас тартады», – деді прокурор Саяхат Нұрбеков.

Тараптар мемлекеттік айыптаушының өтінішхатына қарсылық білдірмеді, осылайша судья...

Қазақстанда 2023 жылы жалпы сомасы 661,5 млрд теңгеге өңдеу өнеркәсібіне қатысты 544 өнеркәсіптік-инновациялық жобаға қолдау көрсетілген. Бұл жайлы Парламентте өткен Үкімет сағатында Өнеркәсіп және құрылыс министрі Қанат Шарлапаев айтты.

Елдегі өндірістік компаниялар әртүрлі операторлардан қаржылық қолдау алған.

Өнеркәсіпті дамыту қоры лизингтік қаржыландыру бойынша жалпы сомасы
187 млрд теңгеге 27 жобаға қолдау көрсеткен.

«Лизингтік қаржыландыру бойынша жалпы сомасы 187 млрд теңгеге 27 жоба қолдау тапқан. Оның ішінде жеңіл автомобильдер өндірісі бойынша «Astana Motors Manufacturing Kazakhstan» жауапкершілігі шектеулі серіктестігі, фарфор плиткаларын өндіру бойынша «Ақтөбе Зерде-Керамика» және  автомобиль шиналарын өндіру бойынша «KamaTyresKZ» компанияларына қолдау көрсетілд...

Заңсыз активтерді қайтару жөніндегі комиссия мемлекетке тағы 40 млрд теңге қайтарған. Бұл туралы Үкіметтің баспасөз қызметі хабарлады. Қайтарылған қаражат әлеуметтік мақсаттарға, оның ішінде су тасқыны салдарын жоюға бағытталады.

40 млрд теңгенің – 38 млрд теңгесі ақшалай қаражат болса, Астанадағы бизнес-орталық құны 2 млрд теңге деп есептелген.

«Комиссия жалпы көлемі 40 млрд теңгеден астам сомаға заңсыз иемденілген активтерді мемлекетке ерікті түрде қайтару жөніндегі келісімдерді мақұлдады, оның 38 млрд теңгеден астамы – ақшалай қаражат, сондай-ақ Астанадағы құны 2 млрд теңге тұратын бизнес-орталық», – делінген хабарламада.

Бұған қоса 7 млрд теңге сомасына инвестициялық келісімдерге қол...

Үкімет толықтай мемлекет меншігіндегі энергия өндіруші компаниялардың қарызын субсидиялауға өз резервін пайдалана алады. Бұл туралы «Ашық НҚА» порталында жария талқыға шығарылған құжатта жазылған.

Атап айтқанда, Үкімет пен жергілікті әкімдіктердің резервтерін пайдалану қағидаларына толықтай мемлекет меншігіндегі энергия өндіруші ұйымдардың шығындары мен берешектерін субсидиялауға мүмкіндік беретін толықтыру енгізілген.

«Акцияларының жүз пайызы (жарғылық капиталға қатысу үлестерінің) мемлекетке тиесілі және бір мезгілде электр энергиясын, суды (дистиллятты) және жылуды өндіру жөніндегі қызметті жүзеге асыратын коммуналдық меншіктегі энергия өндіруші ұйымдардың шығындарын (борыштарын) субсидиялау», – деп жазылған құжатта.

Құжатта жаңа талап Үкімет пен әкімдіктерге Премьер-Министр Олжас Бектеновтің 20 сәуірдегі тапсырмасы негізінде іске...

Сәуір айында Қазақстандағы қос ипотекалық ұйым – «Қазақстан Тұрғын үй компаниясы» мен «Эскпресс Финанстың» таза пайдасы 21,3 млрд теңгені құрады. 2023 жылдың сәйкес кезеңінде бұл көрсеткіш 17,5 млрд теңге болған. Ұлттық банк ипотекалық ұйымдарға қатысты статистикалық мәліметтерді жариялады.

Айлық көрсеткіш 22,9%-ға өскен. 21,3 млрд теңге таза пайданың 21,24 млрд теңгесі – Қазақстан тұрғын үй компаниясына тиесілі. Ал «Экспресс Финанстың» таза пайдасы 32,7 млн теңгені құраған. Статистикада 1 сәуірдегі жағдай бойынша, бөлінбеген таза пайдасы 21 млрд теңгені құрайтыны жазылған.

Активтері наурыз айымен салыстырғанда 1%-дай өсіп, 1,51 трлн теңгеге жетті. Қос ұйымның міндеттемелері 1,25 трлн теңгеге жетті, бұл...

ChatGPT нейрон желісін пайдаланып үйрену оп-оңай. Ол үшін міндетті түрде техникалық білім керек емес. Бір меңгеріп алсаңыз, өміріңізді біршама жеңілдетуге көмектеседі. Бастысы, пайдалы промпт үлгілерін білсеңіз болғаны. Промпт деген — нейрон желісіне тапсырма ретінде беретін сұраныс. Kursiv Media тілшісі күнделікті қолданысқа керек болатын сұраныстарды тізіп шықты.

Нейрон желісі қазақша түсінеді. Әрине, өте жақсы меңгерген деп айта алмаймыз. Бірақ қарапайым да пайдалы промпттарды емін-еркін құрастыра бересіз. Бір жақсысы, жасанды интеллект бір сұранысты өңдеп жіберген соң диалогты әрмен қарай жалғастырып, әлденені қостырып, алып, дамытып, күрделендіре беруге болады. Яғни барынша сапалы генерация жасау үшін ыңғайға келтіре аласыз.

ChatGPT-ге арналған күнделікт...

Еуразиялық экономикалық одақ жанындағы тұрақтандыру және даму қоры Қырғызстанның салық жүйесін жетілдіру үшін салық қызметіне 1,45 млн доллар грант бөледі.

«Салық төлеушілерді санатқа бөліп, «салық төлеушінің рейтингі» автоматтандырылған ақпараттық жүйесін және Қырғыз Республикасындағы салық төлеушінің цифрлық бейін модулін әзірлеу» жобасын іске асыру үшін ЕТДҚ гранттық негізде елге 1,45 млн доллар бөлді», – делінген қор хабарламасында.

Жоба Қырғыз Республикасының Мемлекеттік салық қызметінде салық төлеушілерді санаттау, оларды статистикалық және математикалық модельдерді пайдалана отырып сегменттеу, сондай-ақ салық төлеушінің цифрлық бейінді модулін әзірлеу үшін автоматтандырылған ақпараттық жүйені құруды көздейді.

Жүйені құру нәтижесінде бизнес жүргізудің ашықтығы қамтамасыз етіліп, республикадағы...

Өнеркәсіп және құрылыс министрі Қанат Шарлапаев Qarmet АҚ-ның жаңа инвесторы Андрей Лаврентьевтің инвестиция салу туралы уәдесі қалай орындалып жатқанын айтты.

Мәжілістегі Үкімет сағатында Қарағандыдағы шахталардың мәселесін көтерген депутат Анас Баққожаев ArcelorMittal АҚ-ның (қазіргі Qarmet) өзгергеніне бүкіл халық қуанғанын еске салды. 

«Себебі көптеген цех енді металдың сапасы түзеледі, оның бағасы жақсарады, біз әртүрлі бұйым шығарамыз деп ойлады. Ауыл шаруашылығын айтсақ, оның ішінде тамшылап суаруды қолға алған қаншама цехтар бар. Міне, осы кәсіпорын – біздің экономикамызға ең үлкен ықпал ететін кәсіпорын. Миттал мырза соның барлық рәсуасын шығарып кетті. Енді жаңа инвестор пайда болды, Лаврентьев мырза. Сол Лаврентьев...

Өнеркәсіп және құрылыс министрі Қанат Шарлапаев Парламентте өткен үкімет сағатында дамудың шикізаттық моделінен бас тарту мүмкіндіктері жайлы айтты.

Министрдің айтуынша, өткен жылдың 12 айының көрсеткіші бойынша өңдеу өнеркәсібі тауарларының экспорты 25,3 млрд долларды құраған.

«Тұтастай алғанда, өнеркәсіптік саясаттың негізгі мақсаты ішкі өңдеуді ұлғайта отырып, дамудың шикізаттық моделінен бас тарту. Бұл мақсатқа инвестицияларды тарту, жобаларды іске асыру және жүйелі шараларды іске асыру есебінен жоспарлы түрде қол жеткізіледі», – дейді министр.

Сонымен бірге министр өңдеу өнеркәсібіндегі инвестициялардың мен өзге көлік құралдарын өндірудегі инвестициялардың 7 есеге артқанын айтты. Бұл көрсеткіштер киім өндіруде 5,6 есе, жиһаз...

Ислам даму банкі Қазақстанның су шаруашылығы саласындағы жобаларды жүзеге асыруға түрлі грант пен қаржы бөледі. Ұлттық экономика министрлігінің хабарлауынша, алғашқы транш биыл түседі.

Ұлттық экономика министрі Нұрлан Байбазаров Сауд Арабиясына сапары барысында ИДБ тобының президенті Мұхаммед Әл-Джассер, сондай-ақ инвестициялар мен экспорттық кредиттерді сақтандыру жөніндегі Ислам корпорациясының (ICIEC) бас атқарушы директоры Усама Каиссимен кездескен.

Мұхаммед Әл-Джассермен өткен кездесуде Қазақстанның су шаруашылығы инфрақұрылымын жаңғырту жобаларын қаржыландыру мәселесі талқыланған. Бұл мәселе – биылғы су тасқынына байланысты Үкіметтің басым міндеті болып тұр.

Қазір су қоймалары, гидротехникалық құрылыстар, ирригациялық жүйелерді салу әрі реконструкциялау, су үнемдеу технологияларын цифрландыру бойынша бірқатар шұғыл шара...

Титаниктегі ең ауқатты жолаушылардың біріне тиесілі болған алтын қол сағат 1,46 млн долларға сатылды. Бұл тарихтағы аукциондарда жеке заттарға ұсынылған ең қымбат баға болып отыр. 

Henry Aldridge & Son аукцион үйі қираған кемеден табылған құнды дүние шамамен 125-190 мың доллар шамасында бағаланады деп болжаған. Сөйтіп өткен сенбідегі аукционда Джон Джейкоб Астордың Waltham брендінен шыққан 14 карат алтын сағаты 75 000 доллардан бастап саудаланады. Оны 1,46 млн долларға Америка азаматы сатып алды.  

Сағатқа JJA деп бұрынғы иесінің аты жөнінің бас әріптері басылып жазылған. Құтқарушылар Джон Джейкоб Асторды Титаник батып кеткеннен бірнеше күн өткен соң тапқан (Титаник 1912 жылғы сәуірдің 14-нен...

Financial Times басылымының есептеуінше, Ресейде жұмысын жалғастырып жатқан ірі еуропалық банктер 2023 жылы Ресей бюджетіне 800 млн еуродан астам салық төлеген. Бұл Ресей әскерлері Украинаға кіргенге дейінгі көрсеткіштен 4 есе көп.

2023 жылы Raiffeisen Bank International, Unicredit, ING, Commerzbank, Deutsche Bank, Intesa Sanpaolo және OTP сынды банктердің жиынтық пайдасы 3 млрд еуродан асқан. Бұл 2021 жылмен салыстырғанда 3 есе көп. Табыстың артуына байланысты банктер 2023 жылы 800 млн еуро салық төледі. Бұл 2021 жылғы 200 млн еуромен салыстырғанда 4 есе көп. 

Басылымның жазуынша, Батыс банктерінің Ресей Федерациясындағы жоғары табысы Ресейде жұмысын жалғастырып жатқан шетелдік компаниялардың санкциялар жағдайында елге қаржылы...