Жаңалықтар

Әлия Назарбаева қазақстандық кәсіпкерлер – Нұрлан Бимурзин мен Медғат Қалиевтің үстінен «рейдерлік бойынша жала жапты» деп сотқа шағым түсірген. Алайда экс-президенттің қызы сотта жеңіліп қалған. Бұл туралы ҚазТаг агенттігі хабарлайды.

«Әлия Назарбаева адвокаттары арқылы Н.С.Бимурзин мен М.Г. Қазиевті жала жапқандары үшін жауапкершілікке тартуды сұраған. Өткен аптада сот еш заң бұзылмаған соң, істі қысқарту туралы шешім шығарды», – деді Нұрлан Бимурзин.

Наурыздың ортасында Бас прокуратура Назарбаева рейдерлік жолмен бизнесті басып алды деп айыптаған мәлімдемені қабылдағанын растады.

Кәсіпкердің айтуынша, 2003 жылы «Ескі Қазақстан» өкілі әкесінің кәсібін тартып алған. Конституциялық Кеңес төрағасы Игорь Роговтың әйелі Валентина...

Allur корпоративтік университетінің басшысы Людмила Олкинян KURSIV/AUTO 2024 форумында қазақстандық авто өндірушілердің отандық автомобиль брендін жасауға толыққанды мүмкіндігі бар екенін атап өтті. 

Людмила Олкинянның айтуынша, қазірдің өзінде қазақстандық екі компания тек авто құрастырып қана қоймай, сондай-ақ автокөліктің кейбір бөліктерін жасауды бастаған.

«Қазір қазақстандық Allur мен Astana Motors компаниялары көлік құрастырып қана қоймай, кейбір бөлшектерді өндіруді бастады. Егер әлемдік тәжірибеге қарасаңыз, корей, қытай авто өндірісі де осы жұмыстан бастап, өз брендтерін жасауға дейін көшкен. Сондықтан біз өзіміздің автомобильді брендімізді құруымыз керек. Оған толыққанды мүмкіндігіміз бар», – дейді Людмила Олкинян.

Оның сөзінше, Қазақстан авто өндірісіндегі негізгі мәселелердің бірі кадрлардыңи жетіспеушілігі.

Алматыда жақын маңдағы үйлердің тұрғындары үшін ақылы тұраққа абонемент енгізу мәселесін қарастырып жатыр. Ол үшін арнайы рұқсат қажет.  Абонементтік төлем енгізу биыл тамыз-қыркүйек айында жүзеге асады деп күтілуде. Бұл жайында «Алматы паркинг» мәлімдеді.

«Жергілікті тұрғындарға басымдық беріледі. Олар үшін тұрақ орындарын қайта ұйымдастыру, әсіресе, Алматы орталығының резиденттеріне таптырмас нәрсе. Жергілікті тұрғындар арнайы рұқсат алады. Абонемент арқылы көлігіңізді тұрақ аймағына (үйдің айналасындағы бірнеше блок) қоюға болады. Абонемент сатып алған автокөлік жүргізушісі тұраққа  сағаттық төлем төлемейтін болады», – деді «Алматы паркинг» басшысы Владимир Ни.

Оның айтуынша, жеңілдетілген санатқа жататын адамдар үшін де арнайы режим қарастырылады. Атап айтқанда, Ұлы Отан...

«Астана Моторс» компаниясының бас директоры Бекнұр Несіпбаев алдағы жылдары 2023 жылдың тренді болған электромобильдер сұранысқа ие болмайды деп есептейді. Оның пайымынша, олардың орнын гибридті көліктер басады.

Спикердің сөзінше, нарық үнемі құбылып отырады. Бұл ретте ол қытайлық BYD электромобильдерін мысалға алды. Компания көрші Өзбекстанда «жаңа қуат көздерімен жұмыс істейтін» 9 мыңнан астам автокөлікті сатқан.

«Алдағы жылдары гибридті көліктер басым болады. Бұл қуатталатын гибридтер немесе ұзақ қашықтыққа жүре алатын гибридтер. Яғни, бұл көлікке қажет болған жағдайда бензин құйып алуға болады, сонымен қатар электр энергиясымен қуаттап алуға да болады», – деді Бекнұр Несіпбаев KURSIV/ AUTO 2024 форумында.

Ол...

Бүгінде Қытай автонарығы тұралап тұр. Сондықтан Аспан асты елі билігі ішкі нарықта көлік саудасын ынталандыру, жаңа көліктер саудасын арттыру үшін ескі автолар экспортын арттырады. Бұл туралы Алматыда өтіп жатқан KURSIV/AUTO 2024 форумында Автокөлік нарығын мониторингтеу және талдау агенттігінің басшысы Артур Мискарян айтты.

«Бүгінде Қытай автонарығында темір тұлпар саудасы тұралап тұр. Сондықтан Аспан асты елінің үкіметі «ішкі нарықта жаңа көліктер саудасын арттыру үшін не істеу керек?» деген мәселені көтереді. Осы мақсатта ҚХР билігі шетелге ескі автокөліктер экспортын арттыруды барынша қолдайтыны анық. Бұған Қазақстан нарығындағы ойыншылар мен Қазақстан нарығындағы реттеуші дайын болуы керек», – деді Артур Мискарян.

27-29 маусымда Алматы қаласында алғаш рет «New Vision: Бизнес күші» жаһандық бизнес-форумы өтеді. Оған Ричард Брэнсон, Джефф Хоффман, Брайан Трейси сынды белгілі бизнесмендер мен отандық кәсіпкерлер қатыспақ.

Форум барысында AI дәуіріндегі жаһандық мегатрендтерге, бизнес пен нарықтарға және өзгерістер дәуіріндегі көшбасшылық талқыланбақ,

Іс-шараға түрлі сала өкілдері: бизнесмендер, инвесторлар, технологиялық көшбасшылар, коучтер мен өнер қайраткерлері, олардың ішінде интернет новаторы — Джефф Хоффман, Virgin Group негізін қалаушы — Ричард Брэнсон, жетістік психологиясы саласындағы әлемдік сарапшы — Брайан Трейси, Astana Group иесі, меценат — Нұрлан Смағұлов, Kusto Group негізін қалаушы-серіктесі, YPO Kazakhstan төрағасы — Қанат Көпбаев, Freedom Holding иесі —Тимур Турлов, «Mr...

Германияда  Қазақстан азаматы жоғалып кетті. Бір аптадан бері хабар-ошарсыз кеткен қазақстандық әйел Астана қаласы Сарыарқа ауданының бұрынғы судьясы, «Болашақ» түлегі. Осы жағдайға қатысты Сыртқы істер министрлігінің ресми өкілі Айбек Смадияров пікір білдірді.

СІМ ресми өкілінің айтуынша, 5 маусымда Майнда Франкфурт қаласындағы ҚР-ның бас консулдығына Қазақстан азаматтары 2024 жылғы 3 маусымда қызының жоғалып кеткенін айтып арыз түсірген.

«Бас консулдық осы өтінішті ерекше бақылауға алды. Ақпарат түскен сәттен бастап дипломаттар жергілікті полицияға хабарласып, полиция жедел іздестіру іс-шарасын бастап кетті. Елдің қолданыстағы заңнамасына сәйкес, қылмыстық істің мән-жайы жария етілмейді және оған біздің тікелей араласуға құқығымыз жоқ», – деді ресми...

Сыбайлас жемқорлыққа қарсы іс-қимыл агенттігі Ақтау қалалық сотының төрағасы ұсталғанын хабарлады. Судья 18 млн теңге пара алды деп күдіктеледі.

«Сыбайлас жемқорлыққа қарсы іс-қимыл агенттігі ҚР ҚПК 550-бабына сәйкес Бас прокурормен келісілген сотқа дейінгі тергеу шеңберінде Маңғыстау облысының қылмыстық істер жөніндегі Ақтау қалалық сотының төрағасын ұстады», – делінген хабарламада.

Ол сенімді адамы – Ақтау қаласының тұрғыны арқылы сотталушыдан бас бостандығынан айырудан басқа жазаға үкім шығару сылтауымен 18 млн теңге көлемінде ақшалай қаражат алған деп күдіктеледі.

Ол бүгінде Ақтау қаласының тергеу изоляторына қамалған.

Еске сала кетсек, жыл басында Алматы қаласы Жетісу ауданы әкімін...

21-23 маусымда Қазақстанда қазақстандықтардың сүйікті Kaspi.kz-тің тиімді сатып алу мерекесі –  Kaspi Жұма тағы өткізіледі.  

Kaspi.kz-тің басшысы әрі негізін қалаушылардың бірі Михаил Ломтадзе:

«Жаз – әрқайсымыз үшін белсенді маусым. Сүйікті клиенттеріміз үйлеріне жөндеу жүргізеді, саяжайларын абаттандырады, спортпен шұғылданады, отбасымен және достарымен демалысқа аттанады. Сондықтан Kaspi Жұманы жазда өткізейік деп шештік. Мерекеге дәстүрлі түрде қазақстандық және халықаралық жетекші брендтер, сондай-ақ  бүкіл ел бойынша үздік дүкендер қатысады. Сүйікті клиенттеріміздің тиімді сатып алуына, серіктестеріміздің  керемет сатуына тілектеспіз!»

Саяжай бассейндерін, мангалды, ыдысты, велосипед пен роликті, ең жақсы курорттарға тиімді турларды, сондай-ақ құрылыс тауарларын, тұрмыстық техниканы, электрониканы, киімді, аяқкиімд...

Қытай автокөлік брендтері Қазақстан нарығына тың серпіліс алып келіп, жаңа әрі арзан автокөлік сатып алуды қалайтын қазақстандықтардың көңілінен шығып келеді. Бұл туралы KURSIV/AUTO 2024 форумы аясында сарапшылар айтты.

JAC Motors Qazaqstan компаниясының Маркетинг және клиенттерге қызмет көрсету департаментінің директоры Нариман Бектұровтың айтуынша, Қытай автокөліктерінің артуына бірінші кезекте қаржылық жағдай әсер еткен.

«Қытайлық автокөліктердің артуы бірінші кезекте қаржылық жағдайға байланысты. Бюджетті брендтер Қазақстан нарығынан кетіп қалғаннан кейін, бағасы арзан Қытай көліктеріне сұраныс арта түсті», – деді Бектұров.

Екінші себеп, Қытайлардың жақсы көлік жасап үйренгенінде. Яғни Қытай көліктерінің ыңғайлы әрі барлық мүмкіндікті арзан бағаға беруі қазақстандықтар үшін басты құндылық болып отыр.

«Қазақтелеком» компаниясын 14 жыл басқарған Қуанышбек Есекеев Президент Қасым-Жомарт Тоқаевтың кеңесшісі болып тағайындалды. Бұл туралы Ақорда хабарлайды.

«Мемлекет басшысының өкімімен Қуанышбек Бақытбекұлы Есекеев Қазақстан Республикасы Президентінің кеңесшісі лауазымына тағайындалды», – делінген хабарламада.

Қуанышбек Есекеев 1975 жылы 10 маусымда дүниеге келген. 1996 жылы Қазақ мемлекеттік ұлттық университетін қолданбалы математика мамандығы бойынша бітірген. Математика ғылымдарының кандидаты.

Есекеев «Қазақтелеком» АҚ-ны 2010 жылдың 15 наурызынан бері басқарып келді. Сонымен қатар Qazaq Cybersport федерациясының және Қазақстан Республикасы Дзюдо федерациясының президенті.

Әр жылдары «Кселл» АҚ және «Парасат» ҰҒТХ директорлар кеңесінде қызмет еткен.

Көліктегі санитариялық-эпидемиологиялық бақылау департаменті Қазақстан азаматтарына экваторлық-тропикалық елдерге саяхаттар алдында вакцинасын түгендеп алуды ескертеді.

Қазіргі таңда Түркия, Египет, Индонезия, Мальдив араладары, Үндістан, Вьетнам, Қытай және басқа да экзотикалық туристік бағыттар танымалдыққа ие. Осы орайда Көліктегі санитариялық-эпидемиологиялық бақылау департаменті басшысының орынбасары Айгүл Каспанова саяхатқа шықпас бұрын сол елдің эпидемиологиялық жағдайы туралы алдын-ала ақпарат алу маңызды екенін айтады.

«Сапарды жоспарлаған елдегі эпидемиологиялық жағдай туралы ақпаратты алдын ала туроператорлардан нақтылау және туристік қызметтерге шарт жасасу кезінде медициналық сақтандырудың бар-жоғын тексеру маңызды. Сонымен бірге инфекциялық аурулардың алдын алу үшін профилактикалық екпелер мен дәрі-дәрмектердің қабылдау мүмкіндігін нақтылау қажет...

Қазақстандықтар көбіне бағасы 5 млн теңгеден төмен автокөлік сатып алғылары келеді. Бұл туралы KURSIVAUTO 2024 форумында Koleso Group компаниясының CEO басшысы Дмитрий Ботанов айтты.

Дмитрий Ботановтың айтуынша, 2023 жылы Қазақстанда жаңа көліктер көп сатылғанымен, елдегі тіркелген жаңа көліктердің саны артпаған.

«Қазақстандықтар көбіне біздің қосымшадан бағасы 5 млн теңгеден аспайтын көліктер іздейді. Көлік іздеушілердің 50%-ы бағасы 10 млн теңгеге дейін жүрілген көлік іздейді. Жаңа көлік іздейтін қазақстандықтар саны 30-35%-дан аспайды. Оның ішінде 6% адам ғана жаңа көлік туралы білу үшін диллерлерге тікелей хабарласады», – дейді Ботанов.

Қазақстан автокөлік одағының басшысы Анар Мақашеваның айтуынша, Қазақстанда ескі автокөліктер үлес...

«ҚазМұнайГаз» Ұлттық компаниясы (ҚМГ) акционерлеріне 2023 жыл үшін 300 млрд теңге дивиденд төлейді. Компания акционерлерінің жылдық жалпы жиналысында осындай шешім шығарылған.

Дивиденд көлемі ҚМГ-ның 2023 жылғы қаржы көрсеткішінің негізінде дивидендтік саясатын ескере отырып бекітілген. 1 қарапайым акцияға төленетін дивиденд көлемі 491,71 теңге болады. Жалпы сомасы 300 млрд теңгеге тең.

«Акционерлер компанияның дивидендтік саясатын және Директорлар Кеңесінің ұсынымын басшылыққа ала отырып, 2023 жылғы аудиттелген қаржылық көрсеткіштер негізінде «ҚазМұнайГаз» ҰК АҚ-ның 2023 жылғы пайдадан төленетін 491,71 теңгеге (төрт жүз тоқсан бір теңге жетпіс бір тиын) бір жай акциясына есептегенде дивиденд мөлшерін бекітті. Осылайша, дивидендтерд...

Балаларды спорт секцияларына қабылдау тәртібі өзгерді. Өзгерістерге сәйкес секцияларға қабылдау кезінде девиантты мінез-құлықты балаларға басымдық берілмек. Бұл жайлы Туризм және спорт министрлігінің баспасөз қызметі хабарлады.

«ҚР Туризм және спорт министрлігі 2024 жылғы 17 мамырдағы бұйрықпен балалар мен жасөспірімдерге арналған спорт секцияларына мемлекеттік спорттық тапсырысты орналастыру және олардың жұмыс істеуі қағидаларына өзгерістер енгізді», – делінген баспасөз хабарламасында.

Өзгерістерге сәйкес, спорт секциясына қабылдау кезегі ақпараттық жүйеде автоматты режимде жүргізіледі. Онда баланың және заңды өкілінің тегі, аты, әкесінің аты, спорт секциясының түрі, өтініштің нөмірі мен уақыты, секундына дейін көрсетіліп тұрады. Сол мәліметтер бойынша реттік нөмір беріліп, ақпаратты...

Мемлекетке опасыздық жасады және билікті басып алмақ болды деген айыппен сотталған ҰҚК-нің бұрынғы басшысы Кәрім Мәсімов Президенттен кешірім сұрап хат жазды.

Informburo.kz порталының хабарлауынша Кәрім Мәсімов рақымшылық жасау туралы өтініш берген. Қазіргі уақытта ол Сыбайлас жемқорлыққа қарсы іс-қимыл агенттігінің шешімімен Астанадағы Ұлттық қауіпсіздік комитетінің тергеу изоляторында отыр.

«Шынында да, осы мекемеден ол 2024 жылдың наурыз айында Қазақстан Республикасы президентінің атына кешірім жасау туралы өтініш жолдады», – деп растады ҰҚК.

Онда Кәрім Мәсімовке қатысты Қылмыстық кодекстің 218-бабы, 3-бөлігі, 3-тармағы («Қылмыстық жолмен алынған ақшаны және өзге де мүлікті заңдастыру (жылыстату)») және 366-бабы, 4-бөлігі («аса ірі мөлшерде пара алу...

2023 жылы Қазақстанда сатылған жаңа көліктің 20-25% Ресейге кетеді. Бұл туралы Astana Motors компаниясының CEO басшысы Бекнұр Несіпбаев KURSIV/AUTO 2024 форумында айтты.

KURSIV/AUTO 2024 форумында Қазақстан авто нарығының өкілдері елдегі көлік тапшылығының себебін түсіндірді. 

Бекнұр Несіпбаевтың сөзінше, Қазақстанда автомобильдің аз болуына бірінші кезекте пандемия кезіндегі сұраныстың артуы, одан кейінгі мемлекеттік жеңілдіктер әсер еткен. 

Екінші және басты себеп ретінде қазақстандықтардың өз көліктерін сатып жатқанын, әсіресе, Ресейге сатылып жатқан көліктердің саны артқанын атап өтті. Маманның айтуынша, Қазақстанда соңғы жылда сатылған жаңа көліктердің 20-25%-ы алыпсатарлар сатып алып, үстеме баға қосып, Ресейге сатқан.

«2022 жылы Ресей мен Украина арасындағы соғыстың басталуы әсерінен әлемдік автомобиль компаниялар көрші елге...

Қазақстанда екінші ай қатарынан автокөлік сатылымы төмендеп келеді. Бұған 2024 жылдың 1 сәуірінде енгізілген борыштық жүктеме коэффицентін қатаңдату әсер етті. Бұл туралы Алматыда өтіп жатқан KURSIV/AUTO 2024 форумында Қазақстан автобизнес қауымдастығының басшысы Анар Мақашева айтты.

«Қазір мемлекет барынша халықтың борыштық жүктемесін төмендету бағытында жұмыс істеп келеді. Сондықтан 2024 жылғы 1 сәуірден бастап автонесие рәсімдеу кезінде борыштық жүктеме коэффициенті есепке алынатын болды. Нәтижесінде соңғы екі ай қатарынан Қазақстанда автокөлік сатылымы төмендегені байқалады», – деді спикер

Бұл ретте ол автонесие беру кезінде борыштық жүктеме коэффициентін есепке алмау туралы туралы қаулы жобасын атап өтті.

«Қаржы нарығын...

QIWI банктің тұтынушыларына 2024 жылдың қыркүйегінен бастап ақшасы қайтарыла бастайды. Бұл жайлы «Депозиттерге кепілдік беру агенттігі» мемлекеттік корпорациясының бас директоры Андрей Мельников мәлімдеген.

Агенттік басшысының хабарлауынша, қаражат банк кредиторлары мен QIWI-әмиянының иегерлеріне қайтарылады. Мельников тұтынушылардың барлық талабы қанағаттандырылатынын айтқан. Агенттік өкілі бұл жұмыстардың қыркүйекке дейін аяқталатынын атап өткен.

«Мен ақша жеткілікті екенін айтқым келеді. Алдағы айларда Qiwi Bank кредиторларымен есеп айырысу тұрғысынан не күтіп тұрғанын айтып өтейін. Бірінші кезең 13 маусымда басталады. Біз ол күні кредиторлар жиналысын өткізіміз. Ал 19 маусымда өтініштерді тіркеу тізілімін жабамыз. Алайда бұл өтініш бермегендер ақша ала алмайды дегенді білдірмейд...

Алматыда автомобиль нарығына қатысушылардың KURSIV/AUTO 2024 І тәуелсіз форумы өтіп жатыр. Аталмыш шара – Қазақстанның автомобиль нарығының барлық негізгі қатысушысын біріктіретін бірегей салалық форум.

Былтыр автомобиль нарығы 10 жылда алғаш рет өсті. 2023 жылдың қаңтар-қыркүйек айларында еліміздегі жеңіл автокөліктердің саны 14,4%-ды құраса, 2015-2021 жылдар аралығында бұл көрсеткіш жыл сайын орта есеппен 0,7%-ға төмендеген. Нарық ұзаққа созылған тоқыраудан шықты.

Бұдан әрі не болады? Сарапшылар, автодилерлер, салалық қауымдастық пен реттеуші органдардың өкілдері осы сұраққа жауапты KURSIV/AUTO 2024 форумында табатын болады.

2024 жылы автоөнеркәсіп саласында көптеген өзгеріс болмақ. Былтыр Қазақстанда 150 мың автокөлік шығарылды (ішкі нарықтағы сатылымның 75%-ы), ал қазақстандық 10 автокөліктің біреуі ғана шағын...

Қызылордада адам ұрлап, мүлкін тартып алған қылмыстық топ ұсталды. ІІМ және ҰҚК, Бас прокуратураның үйлестіруімен мамыр айында қылмыстық топтың жетекшісі мен мүшелерін ұстау бойынша арнайы операция жүргізілген. Алайда бұл туралы енді ғана белгілі болды. 

Ішкі істер министрлігінің мәлімдеуінше,  оларды ұстаудың алдында ұзақ мерзімді жедел іздестіру шаралары жүргізілген.

«Күдіктілердің қылмыстық әрекеттерін дәлелдеу олардың криминалдық байланыстарының көп болуымен қиынға соқты. Барлық факті бойынша тексеру жүргізілуде. Топ мүшелері өз мақсаттарын іске асыру үшін адамдарды ұрлап әкетіп, мүлкін тартып алып, қылмыстық қақтығыстарға қатысқан»,- деді ІІМ ұйымдасқан қылмысқа қарсы күрес департаментінің өкілі Қуандық Алпыс.

Бұдан бөлек олардың ойын-сауық мекемелеріне «қамқорлық» көрсетуге...

«E-Petition.kz» ресми порталында «Біз ҚР-дағы ЛГБТ-ны ашық және жасырын насихаттауға қарсымыз» петициясы 50 мың қол жинаған. Осыған байланысты петиция Үкімет қарауына жіберілген. Бұл жайлы Мәдениет және ақпарат министрлігі хабарлады.

«E-Petition.kz» ресми порталында «Біз ҚР-дағы ЛГБТ-ны ашық және жасырын насихаттауға қарсымыз» петициясы ресми қаралуы үшін қажетті қол жинады.
ҚР ӘРПК-нің 90-4-бабына сәйкес, 50 000 қол жиналғаннан кейін, ҚР Мәдениет және ақпарат министрлігі өтінішті қарауға қабылдады. ҚР ӘРПК-нің 90-5-бабына сәйкес, петицияны қарау мерзімі – оны тіркеген сәттен бастап 40 жұмыс күніне дейінгі уақыт аралығын қамтиды», – делінген министрлік хабарламасында.

Мәдениет және ақпарат министрлігі мүдделі тараптарды...

9 маусым, жексенбіде Астанадағы LRT-да өрт шықты. Бұл жайлы Төтенше жағдайлар министрлігінің баспасөз қызметі хабарлады.

Баспасөз қызметінің хабарлауынша, құрылыс жүріп жатқан алаңда өрт шықққан.

«Есіл ауданында 80 шаршы метр алаңда шүберек материал жанған. ТЖМ күштерімен жану шақырту түскен сәттен бастап 17 минут ішінде оқшауланды», – делінген хабарламада.

Осы орайда айта кетсек, LRT құрылысына 2023 жылы 50 млрд теңге бөлінген. Ал жалпы жобаға 600 млн доллар керек. Бұл жайлы 2023 жылдың мауысымында Астана қаласының әкімі Жеңіс Қасымбек айтқан болатын.

«Осы жылы LRT құрылысын жалғастыруға 50 млрд теңге бөлінді. Бұл...

Қазақстанда құс суреті бар петроглифтер өте сирек кездеседі. Ал аңшы құс бейнеленгені тіптен ерекше. Qalam.global редакциясы осы бағытта танымдық материалды назарға ұсынады.

Жыртқыш құстармен аңшылыққа арналған петроглифтердің бірі Құлжабасы (Жамбыл облысы) киелі кешенінің солтүстік-батыс бөлігіндегі Шу-Іле тауында салынған. Петроглифте оң қолындағы құсты ұшыруға қамдап тұрған адам бейнеленген. Кейбір ғалымдар бұл петроглифті қола дәуірінеi жатқызуға болады десе, ал енді бірі ерте темір дәуірінеi теліп жүр.

Жазбаша дереккөздер мен қазба деректері бойынша андроновтықтардыңi арасында жыртқыш құстармен аң аулау туралы сенімді мәліметтер алынған. Сонымен қатар сұңқаршылықпен сақтар, скифтер, сарматтар (темір дәуірі) айналысқаны белгілі.

Жалпы, сұңқармен аң аулау — Азияның бұрыннан келе жатқан әуестігі. Біздің дәуірімізге...