Жаңалықтар

Мамыр айында іскерлік белсенділік өндірісте, қызмет көрсету секторында және құрылыста жақсарды. Бұл туралы ҚР ҰБ Ақша-кредит саясаты департаментінің директоры Рүстем Оразалин айтты.

Алайда тау-кен өндіру өнеркәсібінде көрсеткіш теріс аймақта қалып отыр.

«Тау-кен өндіру өнеркәсібінде еңбекпен қамтудың төмен деңгейі іскерлік белсенділіктің өсу барысын тежеді. Мұнда индекс 49,0-ге дейін (сәуірдегі 47,1-ден) жоғарылағанына қарамастан, көрсеткіш теріс аймақта қалды», – деп жазылған бас банк хабарламасында.

Жалпы алғанда индекс 50,7 болып, жақсару үрдісін жалғастырды. Көрсеткіш төрт ай бойы оң аймақта тұр.

Өндірісте, қызмет көрсету секторында және құрылыста көрсеткіш жақсарды. Аталған секторларда іскерлік индекс тиісінше 51,5, 50,6, және 52,0 (сәуірде – тиісінше 50,8, 51,4 және...

Қазақстанда Қаламқас-теңіз және Хазар кен орындарын игеру бойынша мұнай-газ жобасын жүзеге асыру басталатыны белгілі болды. Бұл жөнінде Энергетика министрлігі хабарлады.

«Қаламқас-теңіз-Хазар» жобасының қатысушылары «ҚазМұнайГаз» ҰК АҚ (50%) және «ЛУКОЙЛ» ААҚ (50%) болып табылады. Жоба бойынша келісімдерге қол қойылды, және оны іске асыру мақсатында бірлескен кәсіпорын – жобаның операторы «Kalamkas-Khazar Operating» ЖШС құрылды,- деп мәлімдеді ведомсвто.

Жоспарға сәйкес, «Қаламқас-теңіз» кен орнында мұнай өндіруді ертерек бастау үшін 2026 жылы теңіз платформаларының құрылысы басталады. Жобаға 6 миллиард доллардан астам тікелей инвестиция тартылмақшы.  

«Құрылыс кезеңінде 2000 жаңа жұмыс орны, ал пайдалану кезеңінде...

Валюта бағамы 2024 жылғы мамырдың соңына қарай аздап әлсіреуіне қарамастан, мамырдағы орташа айлық бағам бір АҚШ долларына 442,19 теңгені құрады. Бұл теңгенің соңғы екі жылдағы рекордтық нығаюы. Ұлттық валютаның алдағы айлардағы динамикасын Halyk Finance талдау орталығының маманы Мадина Қабжалалова мен Halyk Finance басқарма төрағасының кеңесшісі Мұрат Темірханов саралады.

«Ұлттық валютаның бұл динамикасы Ұлттық қордан валюта алға байланысты болды. Мамырда шетел валютасын сатудың жалпы көлемі 800 млн доллар болса, келесі айда үкіметтің сұрауларына сүйене отырып, реттеуші осы мақсаттарға 350-450 млн доллар бөлуді жоспарлап отыр. Бұл өткен айлардағы орташа көрсеткіштен төмен», – деп есептейді сарапшылар.

Бірінші вице-премьер Роман Скляр утильалымды жою ескі көліктердің қаптауына және экологиялық жағдайдың нашарлауына әкеліп соғады деп тұжырымдайды. Бұл туралы ол primeminister.kz сайтына берген сұхбатында айтты. Сонымен қатар ол кәдеге жарату алымын енгізу себептерін түсіндірді.

Ресей және Беларусьпен біртұтас экономикалық кеңістікке кірген Қазақстан қос ел утильалымды енгізген соң, жауап ретінде осы төлемді енгізген.

«Қазақстан ДСҰ-ға кіру арқылы өзіне міндеттемелер алып, өз нарығын ашты. Кедендік баж салығы 15%-ды құрады. Дегенмен, көлік шығаратын және кәдеге жарату алымын енгізген Ресей Федерациясымен және Беларусьпен біртұтас экономикалық кеңістікте бола отырып, біз бұдан қалыс қала алмаймыз. Олар утилалымын енгізді, жауап ретінде...

Астананың қалалық сотында «Болашақ» халықаралық орталығы төңірегінде туған дауға қатысты іс апелляциялық сатыда қаралды.

Айта кетейік, 2019 жылы Валерия Гавриленко «Болашақ» орталығының қызметкерлерімен сөз байласып, 2 пәтерді кепілден заңсыз шығарып сатып жіберген. Содан кейін Ұлыбританияға қоныс аударған. Енді «Болашақ» орталығы екі журналистен оқудың ақшасын қайтаруды талап етіп отыр. Яғни кепілгер болған қос журналист шамамен 30 млн теңге ақша төлеуге мәжбүр.

4 маусымда өткен сот отырысында «Болашақ» халықаралық орталығы өкілдері туындаған дауды медиация түрінде реттеу бойынша өтінішхат жолдады. Соған байланысты іс бойынша іс жүргізуді тоқтатып, екі апта уақыт беруді сұрады.
«Болашақ» өкілі Алтынай Кенжесаринаның айтуынша, «Болашақ» халықаралық орталығы» АҚ Гавриленкоға қатысты шара...

Су тасқыны болған өңірлерде маңызы бар ауылшаруашылық нысандары мен егістік және жайылымдық жерлер, бау-бақша алқаптары мен жылыжай кешендері су астында қалған. Өңірлерде тұқым қоймаларын да су басып, 120 мың тонна тұқымдық дақылдар бұзылған. Бұл жайлы «Курсивке» Ауыл шурашылық министрлігі хабарлады.

«Облыс әкімдіктерінің деректері бойынша егіс учаскелерін су басу туралы хабарламалар бар, бұл ретте су алған учаскелер сүрі жер алқаптары есебінен қалпына келтірілетін болады», – делінген министрлік жауабында

Министрлік мәліметінше, Батыс Қазақстан облысында су тасқыны жағдайының нәтижесінде жалпы 4,9 мың гектарға жуық күздік дақылдар алқаптарын және Бәйтерек ауданында «Алтын болашақ» шаруа қожалығының 1 гектар...

Қазақстан тарихындағы ең үлкен өзгерістердің куәсі болған Сәтпаев көшесінің бойында орналасқан La voie nomade зергерлік дүкенінде осы брендтің негізін қалаушы Александра Соколовамен кездесіп, қазақ қолөнерінің тарихы мен болашағы, көшпенділер мәдениетінің ерекшелігі жайлы сөз қозғадық.

Қазақ халқының бұйымдарын табу қиын

La voie nomade зергерлік дүкенін жәй ғана дүкен деп емес, түркі халықтары қолөнерінің мұражайы деп айтуға болады. Мұнда, өзбек, ұйғыр, қарақалпақ, түркімен және қазақ халықтарының көне бұйымдарын тануға болады.

«Көшпелі халық пен отырықшы халықтың тұрмысы ғана емес, олардың өнерлері де әртүрлі. Мәселен, қазақ қолөнер бұйымдарында өзбектердегідей асыл тастар бола бермейді. Себебі тастарды бір орында отырып, мұқият орналастыру керек. Ал...

Қазақстан Үкіметінің алдында биыл жыл соңына дейін өңдеу өнеркәсібін 6%-ға дейін арттыру міндеті тұр. ЖІӨ-дегі осы сектордың үлесі 12,3%-ды құрап, бүгінде ол тау-кен металлургия кешенінің (12,6%) үлесімен теңестірілді. Бұл жайында Премьер-Министрдің бірінші орынбасары Роман Скляр мәлімдеді.

Роман Скляр Primeminister.kz сайтына берген эксклюзивті сұхбатында экономиканы одан әрі әртараптандыру және өңдеуші сектордағы өсімді қамтамасыз ету жоспарларын жайында айтты.

Ол кәсіпорындар жұмыс істеп қана қоймай,  өз өндірістерін қайта инвестициялап, өндіріс көлемін ұлғайтуы керек деп түсіндірді.

«Сондай-ақ елімізде жаңа инновациялық кәсіпорындар пайда болуы қажет. Елімізге инвестиция салу үшін шетел капиталын тартуымыз керек. Өндірілетін өнім экспортқа да шығатын...

«KEGOC» АҚ 2024 жылғы қаңтар-наурызда бойынша 21,412 млрд теңге сомасында шоғырландырылған таза пайда тапты. Бұл 2023 жылдың сәйкес кезеңімен салыстырғанда 1,6 есеге көп. Осы және компаниядағы өзге де өзгерістер туралы AIX халықаралық биржасы алаңында өткен «Эмитент күні» барысында KEGOC экономика және қаржы жөніндегі басқарушы директоры Айгүл Әкімбаева айтты.

Оның дерегінше, 2024 жылғы бірінші тоқсанда салық салынғанға дейінгі пайда да 1,6 есе өсіп, 26,616 млрд теңгені, жалпы пайда – 1,6 есе, 30,320 млрд теңгені құраған. Ал операциялық пайда – 1,7 есе артып, 27,055 млрд теңгеге жеткен.

Бірінші тоқсандағы қаржылық көрсеткіштер

«Жыл басынан бері «KEGOC» АҚ активтер...

Қаржы министрлігі бюджет тапшылығын қаржыландыру үшін маусым айында 870 млрд теңге қарыз тартпақ. Бұл туралы Қазақстан қаржыгерлер қауымдастығы хабарлайды.

Маусым айында министрлік жалпы сомасы 870 млрд теңгеге облигация орналастыруды жоспарлаған. Бұл мамыр айындағы көрсеткіштен 1,5 есе артық. Өткен айда Қаржы министрлігі ұор нарығына жалпы құны 570 млрд доллар болатын облигация орналастырып, қаржы тартқан.

Сонымен қатар қауысдастық сарапшылары Павлодар облысын әкімдігінің екі жылдық облигациялар орналастырғанын атап өтеді.Әкімдік дылдық мөлшерлемесі 0,35%-бен жалпы 1,4 млрд теңгеге облигация орналастырған.

«Қарыз нарығындағы оқиғаларга келер болсақ, Павлодар облысы әкімдігінің жылдық 0,35%-бен 1,4 млрд теңгеге екі жылдық облигация орналастырды...

Оқу-ағарту министрлігі орта білім беру ұйымдарында 2024-2025 оқу жылының басталу және аяқталу мерзімдерін бекітті. Бұл жайлы «Ашық НҚА» порталында жарияланған министрліктің бұйрығында жазылған.

Құжатта орта білім беру ұйымдарында 2024-2025 оқу жылының басталу және аяқталу мерзімдері, сондай-ақ білім алушыларды қорытынды аттестаттаудан өткізу мерзімдері айқындалатыны жазылған.

Оған сәйкес, алдағы оқу жылы 2024 жылғы 1 қыркүйектен – 2025 жылғы 25 мамырға дейін жалғасады.

Бірінші тоқсанда оқу 8 аптаға созылады. Бірінші тоқсанның күзгі демалысына 7 күн беріледі. Оқушылар 2024 жылғы 28 қазаннан бастап 3 қараша аралығында демалады.

Екінші тоқсанда да оқушылар 8 апта оқиды. Қысқы демалыс 2024 жылғы...

Балқаш әуежайында жермен жүру жолы мен перрон қайта жаңғыртылады. Көлік министрлігінің хабарлауынша, жөндеу жұмыстарына 3,8 млрд теңге қарастырылған.

Бас мердігер – «Казахдорстрой» ЖШС. Ол арнайы техника әкеліп, инженерлік құрылыс-монтаж жұмыстарын бастаған.

«Қазіргі уақытта асфальтбетон жабындарын фрезерлеу жұмыстары аяқталуда (98%), таксомотор жолының негізі бөлшектенуде (40%) және жол төсеніштері дайындалуда. Жұмыс жоспарына сәйкес бетон жабындысын орнату ағымдағы жылдың 15 маусымына жоспарланған`, -дейді Көлік минисрлігі.

Одан кейін әуежай терминалын күрделі жөндеуден өткізу және арнайы көліктік қызмет көрсету ғимараты салынбақ, Әуежай инфрақұрылымын жаңғырту қала мен туризм аймағын дамытуға жаңа мүмкіндік беруі тиіс. Нәтижесінде жолаушылар ағыны үш есе:жылына...

Бұрынғы ұлттық экономика бірінші вице-министрі Тимур Жақсылықов жаңа қызметке тағайындалды. Ол енді Қазақстанның Беларусь Республикасындағы Төтенше және Өкілетті Елшісі қызметін атқаратын болады.

«Мемлекет басшысының Жарлығымен Тимур Мекешұлы Жақсылықов Қазақстанның Беларусь Республикасындағы төтенше және өкілетті елшісі, ТМД Жарғылық органдарының жанындағы тұрақты өкіл қызметін қоса атқарушы болып тағайындалды», – деп жазылған хабарламада.

Жақсылықов жайында

Айта кетейік, Тимур Жақсылықов 1968 жылы Шығыс Қазақстан облысында дүниеге келген. Михаил Ломоносов атындағы Мәскеу мемлекеттік университетін тарихшы мамандағы бойынша, Саяси зерттеулер институтын саяси ғылымдар және мемлекеттік басқару магистры, Қазақ экономика және қаржы институтын экономист мамандығы бойынша тәмамдаған.

Ол ұзақ жылдар...

OpenAI бас директоры Сэм Альтман стартаптарға инвестиция салу кезінде мүдделер қақтығысына тап болды деп күдіктенгендер бар. Қытай шетелдік бағалы қағаздарды сатып алуға қойылған шектеулерді жеңілдетіп жатыр. Билеуші партия сайлауда жеңіске жетеді деген алдын ала мәлімет Үндістан қор индекстерін көтеріп жіберді. Осы және басқа да тақырыптар туралы 3 маусымдағы әлемдік БАҚ шолуынан оқыңыз.

Сэм Альтман OpenAI-мен ынтымақтастық орнатқан фирмаларға инвестиция салып жатыр

OpenAI бас директоры Сэм Альтман мен оның венчурлік қорлары 400-ден астам компанияға қаржы салды. Қазір Альтман шамамен 2,8 млрд доллар көлеміндегі активтерге ие деп хабарлайды The Wall Street Journal. Ол JPMorgan банкінен несие желісін тартып, стартаптарға жүздеген...

Ақтөбе облысының ардагері, спортшы Бөгежан Аманбаев 2023 жылы гір тасын көтеруден әлем чемпионатына қатысып, жүлделі орындарды иеленген. Бұл жүлдесі үшін спортшы Туризм және спорт министрлігінен сыйақы алуы керек болған. Алайда министрлік бюджетте спорт ардагерлеріне сыйақы төлеу мәселесі қарастырылмағанын айтып, қаражат беруден бас тартқан.

Бұдан соң, халықаралық дәрежедегі спорт шебері Ақтөбе облысының әкімшілік сотына шағым түсірген. Ардагер министрліктің ақшалай сыйлық төлеуден бас тартуын заңсыз деп тануды сұраған.

«Сотта гір спортынан ҚР халықаралық дәрежедегі спорт шебері 2023 жылы Әлем чемпионатында (65-69 жас аралығындағы ардагерлер тобында) екі рет 1-ші және 1 рет екінші орынды жеңіп алғаны анықталды...

Халықаралық Валюта қорының (ХВҚ) миссиясы жыл соңына қарай Қазақстанда инфляция 8% болады деп болжайды. 23-31 мамыр аралығында Қазақстан Халықаралық валюта қорының миссиясын қабылдаған.

ХВҚ сапар қорытындысы бойынша елдің бүгінгі қаржылық-экономикалық дамуына шолудан тұратын мәлімдеме жариялаған. Бұл шолуда сондай-ақ негізгі түйіндер мен ұсыныстар қамтылды.

Миссияның пікірінше, қазір Қазақстанның экономикасы тұрақты. Алайда ел экономикасы мен қаржы секторына қатысты болжамның нашарлауының әсер ететін факторлар бар.

ХФҚ миссиясы инфляция нысаналы мәнге жақындағанша ақша-несие саясаты қатаң болуы қажет деп тұжырымдайды. Биыл салық-бюджет саясаты қатаңдату жоспарланғанымен, оған деген сенімді жақсарту үшін маңызды реформалар қажет. Қаржылы жағдайы тұрақсыз банктер мәселесін...

Ірі мөлшерде алаяқтық жасады деген күдікпен он жыл бойы іздеуде жүрген қазақстандық Біріккен Араб Әмірліктерінен елге жеткізілді.

Бас прокуратура мен Интерпол қызметкерлері және ҚР Сыртқы істер министрлігінің көмегімен БАӘ-нен алдау және сенімді теріспайдалану жолымен ірі мөлшерде бөтеннің мүлкін жымқырғаны үшін күдіктіні экстрадициялады.  Ол қылмыстық жауапкершілікке тартылды.

Rolls-Royce жеткізіп беруге уәде берген…

Күдікті 2010 жылдың қазан айында жәбірленушіден АҚШ-тан «Роллс-Ройс»маркалы автокөлікті жеткізіп беруге уәде беріп, 50 млн теңгеден астам ақшасын алған. Ірі мөлшердегі ақшаны қалтаға басқан соң, бой тасалап қашып кеткен.

«Оған қатысты қылмыстық іс қозғалып, халықаралық іздеу жарияланды. Күдікті Қазақстанның құқық қорғау органдарынан...

Қасым-Жомарт Тоқаев Мемлекеттік рәміздер күніне орай Астана қаласындағы «Атамекен» этно-мемориал кешенінде өткен Мемлекеттік ту көтеру рәсіміне қатысты.

Президент жиналған жұртшылықты Мемлекеттік рәміздер күнімен құттықтап, бұл елдігімізді нығайта түсетін мерейлі мереке екенін атап өктен.

«Осы мерекеге орай біз жаңа ғана еліміздің бас байрағын көтердік. Көк туымыз әрдайым биікте желбірей берсін! Туымызды тік ұстау – әр азаматтың перзенттік парызы. Аспан түстес көк байрағымыз – біздің мақтанышымыз. Спортшыларымыз туымызды талай рет жеңіс тұғырына көтерді. Жақында қазақтың қайсар қыздары Эверестке шықты. Туымыз әлемнің ең биік шыңында тағы да желбіреді. Алда Олимпиада ойындары келе жатыр. Намысты өрендеріміз Париж төрінде...

Тимур Құлыбаевтың әкесі – Асқар Құлыбаев құны 66 млн долларды құрайтын мұнай терминалын мемлекет меншігіне қайтарды. Терминал Ақтау халықаралық теңіз сауда портының акваториясында орналасқан. Бұл туралы Бас прокуратура хабарлады.

Нысан Алматы қаласы прокурорының талап-арызы бойынша қайтарылған. Жалпы аумағы 134 гектарды құрайтын мұнай терминалы Асқар Құлыбаевтың меншігіне 2011 жылы өтіп кеткен. Ол терминалы шетелдік инвестордан заңсыз алынған.

«2024 жылдың 26 ақпанында Маңғыстау облысы Мамандандырылған ауданаралық экономикалық сотының шешімімен Алматы қаласы прокурорының талап-арызы қанағаттандырылды, мұнай терминалы мемлекет меншігіне қайтарылды, сот актісі заңды күшіне енді», – делінген хабарлама.

Жыл басында Тимур Құлыбаевқа тиесіл...

Freedom Holding Corp. компаниясы директорлар кеңесінің құрамы өзгеріп, кеңеске «Астана халықаралық қаржы орталығының» бұрынғы басшысы Қайрат Келімбетов қосылды. Бұл турала компания баспасөз қызметі хабарлады.

Қайрат Келімбетовтан бөлек, директорлар кеңесінің құрамына Эндрю Гэмбл мен Филипп Вогелер енген.

«Біз әлемдегі орнымызды одан әрі кеңейтіп жатырмыз. Әрбір юрисдикцияның өз нормативтік талаптары мен заңнамасында айырмашылықтары болады. Сондықтан біз қазіргі ДК-нің сараптамалық құрамын толықтырып, халықаралық компанияларды басқаруда әр түрлі тәжірибесі бар, жаһандық операциялық қызмет пен басқару саласында терең әрі жан-жақты білімі бар, сондай-ақ жалпы әлемдік стратегиялық позициялаудағы ноу-хауы бар мамандарды шақыру туралы шешім қабылдадық. ДК-нің жаңа мүшелерінің сараптамасы...

Мұнай экспорттаушы және оның құрамына енбейтін мемлекеттер ұйымы (ОПЕК+) мұнай өндірісі бойынша қазіргі квотаны 2025 жылдың соңына дейін созды. Бұл туралы альянстың министрлер комитеті отырысының қорытындысынан кейін хабарланды. Құжатқа сәйкес, мұнай өндірудің қазіргі деңгейі 2025 жылдың 1 қаңтарынан 2025 жылдың 31 желтоқсанына дейін ұзартылады. Сөйтіп, ОПЕК + елдері өндірісті қысқартуды 2025 жылдың соңына дейін тәулігіне 3,66 млн баррельге ұзартуға және өндірісті қысқартуды 2024 жылдың қыркүйек айының соңына дейін үш айға тәулігіне 2,2 млн баррельге ұзартуға келісті.

Яғни, ОПЕК+ 2024 жылдың қазанынан 2025 жылдың қыркүйегіне дейін бір жыл ішінде өндірісті тәулігіне 2,2 млн баррельге қысқартудан біртіндеп бас тартады. Бұл ретте...

Қазақстан футбол федерациясы футболдан Қазақстан ұлттық құрамасының жаңа бас бапкері Станислав Черчесов алатын жалақыға қатысты мәлімдеме жасады. Федерация бас бапкердің жалақысы туралы БАҚ-та тараған ақпарат асыра көрсетілген және жалған екенін айтады. Алайда ҚФФ бапкердің нақты қанша алатынын ашып жазбаған.

«Кейбір бұқаралық ақпарат құралдарында жарияланған футболдан Қазақстан ұлттық құрамасының жаңа бас бапкері Станислав Черчесовтің жалақысы туралы ақпарат асыра көрсетілген және шынайылыққа сәйкес келмейді», – делінген хабарламада.

Бұған дейін бірқатар ақпарат құралдарында оған жылына 1,2 млм еуро жалақы төленетін жайлы мәлімет тараған. Алайда Федерация келісімшарттың құпиялығына сілтеме жасай отырып, бапкердің жалақысын жария етпеді. Сонымен қатар...

1 мамырдағы жағдай бойынша негізінен «Эйр Астана» АҚ (-10,0%), «Kaspi.kz» АҚ (-7,8%) және «Кселл» АҚ (-4,4%) акциялары бағасының төмендеуі себепті акциялар нарығын капиталдандыру әлсіреді. Яки сәуірде 1,1%-ға немесе 346,2 млн теңгеге (2024 жылдың басынан бері 14,0%-ға өсті) азайып, капиталдандыру  көлемі 30,5 трлн теңге болды.

Қаржы нарығын реттеу және дамыту агенттігі бағалы қағаздар нарығына шолу жасады.

Сәуір айында «ForteBank» АҚ, «ҚазМұнайГаз» Ұлттық компаниясы» АҚ және «Қазақтелеком» АҚ  есебінен акциялармен сауда-саттық көлемі ұлғайды. Бір айда сауда-саттық көрсеткіші 61,5%-ға немесе 8,2 млрд теңгеге жетіп, 21,5 млрд теңгені құрады.

1 мамырдағы жағдай бойынша «Қазақстан қор биржасы» АҚ (KASE) сауда тізімдерінде 85 эмитенттің 100 түрлі акциясы болды.

Сәуірде KASE индексі 1,3%-ға 5 011,6 тармаққа дейін азайды (2024 жылдың басынан бер...

Қазақстандағы ең ірі микроқаржы ұйымы – KMF мемлекеттік қайта тіркеуден өтіп, жауапкершілігі шектеулі серіктестіктен акционерлік қоғамға айналды.

Заңды тұлғаны қайта құрылымдау үдерісі KMF микроқаржы ұйымы қызметіне ешқандай әсер етпейтіні атап өтілген. Кредиторлар, клиенттер және серіктестер алдындағы барлық міндеттеме өзгеріссіз қалады. Мәліметтер базасы, банк деректемелері сақталады. Компанияның бас кеңсесінің мекенжайы ауыспайды.

«Біздің компанияның акционерлік қоғамға айналуы – осы үшін мақсатты және дәйекті түрде қадам жасалған, тарихымыздағы маңызды кезең. Бұл қадам ұсақ кәсіпкерлерді қолдауға, оларға инновациялық қаржылық шешімдер ұсынуға мүмкіндік беретін тұрақты даму мен өсу жолына деген ұмтылысымызды білдіреді. Біздің миссиямыз өзгеріссіз күйінде қалады: микробизнесті дамыту арқылы Қазақстанны...