Жаңалықтар

«Самұрық-Қазына» ұлттық әл-ауқат қоры» АҚ мемлекетке 2022 жылдың бөлінбеген кірісі есебінен қарапайым акциялар бойынша дивиденд төлемек. Төленетін дивиденд көлемі 100 млрд теңгені құрайды. Қордың жалғыз акционері – Қаржы министрлігінің Мемлекеттік мүлік және жекешелендіру комитетінің шешімі KASE-ге жолданған.

«Облигациялары Қазақстан қор биржасының (KASE) ресми тізімінде тұрған «Самұрық-Қазына «ұлттық әл-ауқат қоры» АҚ (Астана) 2024 жылдың 18 сәуірінде қарапайым акциялар бойынша 2022 жылдың бөлінбеген кірісі есебінен жалпы сомасы 100 002 138 766,40 теңгеге дивидендтер төленетіні туралы хабарлады», – делінген.

Қордың 2022 жылғы бөлінбеген кірісінен 100 млрд дивиденд төлеу туралы Үкімет қаулысы 2024 жылдың 13 сәуірінде...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты қылмыстық іс қаралып жатыр. 16 сәуірде өткен сот отырысында Бишімбаевтың анасы сотталушының қоғамдық қорғаушысы ретінде алғаш рет пікір білдірді.

Бұған дейінгі сот отырысында Бишімбаевтың адвокаттары Нүкенованың мәйітіне қатысты мәскеулік сарапшы берген қорытындыны қылмыстық іс материалдарына қосуды сұрады.

Қорғау тарапының бұл өтінішхатына мемлекеттік айыптаушылар мен жәбірленуші тарап қарсылық білдірді. Олар шетелдік мамандар жалған қорытынды берген жағдайда жауапкершілік арқаламайтынын алға тартты.

Бишімбаевтың анасы Альмира Нұрлыбекова ұлына өзін толық қорғауға мүмкіндік беруді сұрады.

«Сіз мәскеулік мамандардың қорытындысын қабылдамасаңыз, менің ұлымның конституциялық құқығы – өзін...

2024 жылы Қазақстанда автокөлік сату көлемі төмендейді. Қытай автокөліктерінің нарықты «жаулап алуы» жалғасады, электрокөліктер көбейеді. Жыл басында Freedom Finance Global бастамасымен қазақстандық автонарыққа қатысты зерттеу жарияланған еді. 

Ондағы деректерге сүйенсек, Қазақстанда 5,09 млн автокөлік тіркелген. Оның 4,47 млн-ы немесе 88%-ы  – жеңіл авто, 507,5 мыңы немесе 10%-ы –  жүк көлігі, 105,5 мың немесе 2%-ы  – автобустар. Халық мініп жүрген көліктердің шығарылған уақытына келсек, 47%-ның нарыққа шыққанына 10 жылдан асып кеткен. 3 жылға дейінгі, яғни жаңа көліктердің саны 6%-дан аспайды. 87,5%-ы бензинмен, 8%-ы аралас отынмен, 2%-ы дизельмен жүрсе, 0,1%-ы ғана электрокөліктер.

Электрокөліктерге сұраныс 2023 жылы қатты өсті

Алайда...

Gold Tengry Estate компаниясы Атырау облысының Құлсары қаласынан 43 шақырым жерде жатқан «Масабай» кен орнынан мұнай өндіруді бастамақ. Бұл кен орны бірнеше жыл қараусыз қалған.

«Масабай» кен орны Каспий маңы ойысының оңтүстік-шығысында орналасқан. Атырау қаласынан солтүстік-батыс бетте 250 шақырым жерде жатыр. Ең жақын деген елдімекендер – Құласары қаласы мен Қосшағыл ауылы. Кен орында өткен ғасырдың 80-ші жылдары мұнай бар екені белгілі болғанымен толық игерілмеген. Бірнеше мәрте қолдан-қолға өтіп сатылған. 2022 жылға дейін «ЕМЕ» компаниясының иелігінде болған.

«Масабай» кен орнында мұнай өндіру жұмыстарын жүргізуге мемлекеттік экологиялық сараптаманың оң қорытындысы және қоршаған ортаға эмиссияларға рұқсаты болмаған соң, «ЕМЕ» ЖШС-нің жұмысы...

5 жыл ішінде Қазақстанда энергетика саласындағы метан шығарындылары айтарлықтай азайды. Еуропалық қайта құру және даму банкінің (ЕҚДБ) өкілдерімен кездесу өткізген Энергетика министрі Алмасадам Сәтқалиев осылай деп мәлімдеді.

Алмасадам Сәтқалиев Қазақстанның энергетика саласында парниктік газдардың төмендеу үрдісі байқалатынын атап өтті. Оның айтуынша, бес жыл ішінде саладағы метан шығарындылары СО2 эквивалентіне 1,2 миллион тоннаға азайған.

Сондай-ақ кездесу барысында Сәтқалиев ЕҚДБ өкілдеріне сутегі стратегиясын әзірлеу жөніндегі жоспарлармен бөлісті. Қазір бұл іс министрлікте талқылануда. Аталған құжат сутегін өндіру, тасымалдау және сақтаудың үздік технологияларын әзірлеу мақсатында ғылыми-зерттеу жұмыстарын жүргізуге арналған.

«Сонымен қатар сутегі энергетикасы саласындағы озық тәжірибені насихаттау құралы ретінде Қазақстанда...

Мемлекет басшысы Қасым-Жомарт Тоқаев Солтүстік Қазақстан облысына жұмыс сапарымен келіп, өңірдің жағдайымен танысты. Бұл жайлы Ақорда хабарлады.

Ақорданың хабарлауынша, Президент Сергеевка су қоймасының жағдайымен танысқан. Сонымен қатар тікұшақпен Қызылжар ауданын және Петропавл қаласының төңірегін аралаған.

Облыс әкімі Ғауез Нұрмұхамбетов мемлекет басшысына Солтүстік Қазақстан облысының Қызылжар, Есіл, Шал ақын аудандары мен Петропавл қаласындағы су тасқыны жағдайын баяндады.

Өңір әкімінің айтуынша, алты ауданда төтенше жағдай жарияланған. Өңір бойынша су тасқынына қарсы шараларға 5270 адам және 906 техника жұмылдырылған. Халықтың тұрмыс-тіршілігіне қажетті инфрақұрылымдарды қалпына келтіру жұмыстары жүргізіліп жатыр. Табиғи апаттан зардап шеккен азаматтардың материалдық шығындарын есептеу және өтеу жөнінде комиссия...

1 желтоқсаннан бастап Сингапурде барлық компания қызметкерлерге икемді жұмыс кестесін таңдауға мүмкіндік беруге міндеттеледі.

Bloomberg ақпаратына сүйенсек, жұмысшылар төрт күндік жұмыс аптасын, үйдегі жұмыс күндерін талап ете алады. Бұл талантты қызметкерлерді ел компанияларында ұстап тұру үшін жасалған.

Жаңа бұйрықты 16 сәуірде елдің Еңбек министрлігі, Ұлттық кәсіподақтар конгресі және Ұлттық Жұмыс берушілер Федерациясы құрған үшжақты әділ және прогрессивті жұмыспен қамту тәжірибесі альянсы жариялады. Осы жылдың соңына дейін қызметкерлер икемді жұмыс жағдайлары сияқты басқа шарттарды сұрауға құқылы болады.

«Икемді жұмыс кестесіне ауысу жұмыс істейтін әйелдер және егде жастағы қызметкер үшін жұмысқа бару және қайту қиындағандықтан талқыланып отыр...

16-17 сәуір күндері Батыс Қазақстан облысына Ресейдің Ириклі су қоймасынан мол көлемде су келеді. Бұл жайлы Су ресурстары және ирригация министрі Нұржан Нұржігітов айтты.

Министр «Қазсушар» мекемесінің Батыс Қазақстан филиалының мамандарымен өткізген жиында тасқын суды жинау және өткізу үшін гидротехникалық нысандардың қауіпсіз жұмысын қамтамасыз ету мәселесін талқылаған.

Болжам бойынша Батыс Қазақстан облысына Ресейдің Ириклі су қоймасынан жіберілген су 16-17 сәуірде жетеді. Осыған орай негізгі каналдарға механикалық тазалау жұмыстары жүргізіліп жатыр. Өңірдегі 14 су қоймасының орташа су жинау көрсеткіші 73%-ды құрайды.

Осыған орай Нұржігітов Ресей Федерациясындағы әріптестерімен байланыста болып, су көлеміне қатысты ақпарат алмасып отыру маңызды...

Америкалық Tesla компаниясы электромобильдерге сұраныстың баяулауына байланысты әлем бойынша қызметкерлерінің 10%-дан астамын қысқартпақшы. 

Bloomberg басылымы мәлімдегендей, Илон Масктің мұндай шешімге келуінің бір себебі  – шығындарды қысқарту. Сондай-ақ компаниядағы көптеген лауазымдық функциялар бір-бірін қайталайтыны айтылған.

Қазірдің өзінде  Tesla-дан екі бірдей вице-президент кетіп қалған. Tesla-ның қоғамдық саясат және бизнесті дамыту жөніндегі вице-президенті Рохан Пател мен қуат беру және энергетика жөніндегі вице-президенті Дрю Баглино журналистерге жұмыстан кеткендерін растады. Жұмыстан шығу және отставкаға кету Cybertruck автокөліктерінің сатылымы жоспар аясында жүзеге аспай қалған соң, көп ұзамай орын алған.

2024 жылдың бірінші тоқсанында Tesla 386 810 электр көлігін сатты. Бұл 2023 жылдың осы кезеңімен салыстырғанда...

Алматылық Элина Лю қазақ халқы мен тілі туралы айтқан бейәдеп сөздері үшін екі жылға сотталды. Сот оны араздық тудырғаны үшін кінәлі деп тапты. 

Әуезов аудандық сотының үкімінде 2023 жылы қазан айында 21 жастағы Элина Лю Тиктокта тікелей эфирде отырғанда жазылушылардың бірі оның ұлты, діні туралы сұрап, балағат сөздер жазып, қазақ тілінде сөйлеуді талап еткені жазылған. Жауап ретінде Лю қазақ тілін ұнатпайтынын айтып, бұл тілде тек ауылдан келген «мәмбеттер» сөйлейтінін айтқан (Ескерту! Сот «мәмбет» сөзін қазақ ұлтын және тілін кемсіту деп бағалаған). Сондай-ақ ол Алматыдағы кептелістерге ауылдан келгендер кінәлі деп айтқан.

Журналист Михаил Козачков телеграм-арнасындағы ақпаратқа сүйенсек, Людің эфирдегі сөз...

15 сәуір күнгі сауда-саттықта Ресей рублінің долларға қатысты бағамы қатты әлсіреп, 1 доллар 93,6 рубльді құрады. Экономистер көрші ел валютасының күрт құнсыздауы теңгені қосымша қысымға ұшыратады деп тұжырымдайды.

Ресей валютасының бұлай арзандауы – кейінгі жарты жылдағы ең жоғары көрсеткіш. Оған Ресей Орталық банкінің кор биржасында сатылатын шетел валютасын күніне 7,1 млрд рубльден 0,6 млрд рубльге дейін төмендету туралы шешімі ықпал еткен.

Экономист Ғалымжан Айтқазинов рубль бағамына Ресейге достық пиғылдағы мемлекеттерді қоса алғанда, контрагенттер төлемінің кешігуі қосымша қысым көрсеткенін жазады. Бұл өз кезегінде экспорт-импорт көрсеткіші мен нақты валюталық түсім арасында айырмашылық тудырады. Нәтижесінде биржада шетел валютасына деген сұраныс...

Президент Қасым-Жомарт Тоқаев қол қойған әйелдердің құқығы мен балалардың қауіпсіздігіне қатысты заңдар ресми жарияланғаннан кейін, 60 күн өткенде күшіне енеді. Яғни 2024 жылдың 16 маусымынан қолданыста болады. Ал кейбір нормалар 2025 жылдың 1 қаңтарынан күшіне енбек. Бұл жайлы атаулы құжатта жазылған.

«Неке және отбасы», Қылмыстық және Еңбек кодекстеріне өзгеріс енгізілген.

Неке және отбасы туралы заң

Өзгерістерге сәйкес мемлекеттік отбасы саясаты саласындағы уәкілетті орган мемлекеттік отбасы саясатын қалыптастыруға басшылықты және сала аралық үйлестіруді жүзеге асыратын орталық атқарушы орган ретінде танылады. Мұндай орталықтар дәстүрлі отбасылық құныдылықтарды дәріптеуге, неке және отбасы, әке, ана және бала институтын нығайту бағытында жұмыстар...

Ұлыбритания Қазақстанға су тасқынына қарсы күресте көмектесуге дайын. Бұл туралы британдық СІМ басшысының орынбасары Нусрат Гани Х (бұрынғы Twitter) желісіндегі парақшасында жазды.

«Қазақстандағы су тасқыны елдің солтүстігі мен батысындағы аймақтарға зиян келтірді. Біз зардап шеккендер мен әсіресе эвакуациялауға тура келген азаматтармен бірге екенімізді айтқымыз келеді. Орталық Азия елдері климаттың өзгеруіне қарсы күрестің алдыңғы қатарында. Ұлыбритания Қазақстанға көмектесуге дайын», – деп жазды Нусрат Гани.

Осыған дейін Түркия су тасқынына байланысты Қазақстанға көмек көрсетуге дайын екендігін хабарлаған. Елдің Сыртқы істер министрлігі сайтында 7 сәуір күні ауқымды су тасқынына байланысты Қазақстан халқына көңіл айту хаты жария болды. Түркия Қазақстанға кез келген қажетті көмекті көрсетуге...

2023 жылы әлемдік әуежайлардағы жолаушылар ағыны 27 пайызға өсіп, 8,5 млрд адамды құраған. Халықаралық әуежайлар кеңесі (Airports Council International, ACI) әлемдегі үздік 10 әуежай рейтингін жариялады.

Бұл көрсеткіш пандемияға дейінгі деңгейден шамамен 6% төмен. Әлемдегі жолаушылар ағыны ең үлкен әуежай – Атлантадағы Хартсфилд-Джексон әуежайы. Ол бір жылда 104,7 миллион жолаушыға қызмет көрсеткен. 2022 жылы да бұл әуежайдан ең үлкен жолаушылар ағыны өткен.

Дубай халықаралық әуежайы бесінші орыннан екінші орынға көтерілген. Бұл әуежай былтыр 87 млн-ға жуық жолаушыға қызмет көрсеткен.

Ал АҚШ-тың Даллас/Форт-Уэрт әуежайы екінші орыннан үшінші орынға жылжыған. Былтыр бұл әуежайдан 81,8 млн жолаушы діттеген жеріне ұшып...

Миллиардер, филантроп Джордж Соростың Open Society Foundations қоры Қырғызстандағы қызметін толықтай тоқтатады.

24kg басылымының ақпаратына сүйенсек, елде халықаралық ұйымдардан қаржыландырылатын жергілікті үкіметтік емес ұйымдардың қызметіне шектеу ережелерін енгізетін жаңа заң қабылданғаннан кейін, Сорос қоры Қырғызстандағы ұйымын жабуды жөн көрген.

Сорос-Қырғызстан қоры ел тәуелсіздік алғаннан соң, 1993 жылы елдегі әлеуметтік-экономикалық дағдарыс басталған кезде құрылған.

Елде жұмыс істеген 30 жыл ішінде қор елдегі азаматтық қоғамның жобаларын қаржыландыруға 115 млн доллар жұмсаған. Олардың ішінде білім беру және денсаулық сақтау салаларындағы бастамаларды қолдау, жаңа цифрлық технологияларға қол жеткізуді қамтамасыз ету жұмыстары болған. 

Сорос-Қырғызстан қорында Қырғызстан азаматтары жұмыс істеген. Тек қаржыландыру шетелден болған. 

Тұрмыстық зорлық-зомбылықтан зардап шеккендерді қорғайтын заңда айыпталушыны қылмыстық жауапкершілікке тарту тетігі нығайды.

«Бұл гендерлік зорлық-зомбылықты жою жолындағы алға жасалған қадам», – дейді БҰҰ-ның Қазақстандағы тұрақты үйлестірушісі Микаэла Фриберг-Строй.

Микаэла адам құқығын, әсіресе, балалар мен әлжуаз топтарды қорғауға арналған шаралардың тиімділігін атап өтті.

«Бұл маңызды қадам гендерлік теңдікті ілгерілетіп қана қоймайды, сонымен қатар тұрмыстық зорлық-зомбылықтан зардап шеккендердің өмірін қалпына келтіру үшін сот төрелігі мен қолдау қызметтеріне қол жеткізуін қамтамасыз етеді», – деді ол.

2024 жылдың 15 сәуірінде Мемлекет басшысы «Қазақстан Республикасының Әкімшілік құқық бұзушылық туралы кодексіне әйелдердің құқықтары...

Су  тасқынынан зардап шеккендер алдағы уақытта мобильді қосымша арқылы өтінім бере алады. Бұл жайында Орталық коммуникация қызметі брифингінде ҚР Еңбекті қорғау және әлеуметтік қорғау министрлігінің ресми өкілі Мадияр Уақпаев  хабарлады. Әзірше бұл қызмет түрі Ақмола облысында қолданысқа енеді.

«Су тасқыны болған аймқатардағы тұрғындар  үшін «Электронды үкімет» мобильді  қосымшасында өтінім беру тетігі іске қосылды», – деді Мадияр Уақпаев.

Оның мәліметінше, балаларды қоса алғанда, 4 мыңға жуық адамға мүгедектікті қайта куәландыру мерзімдері автоматты түрде ұзартылды. Мүгедектігі бойынша жәрдемақы төлеу бұрын белгіленген топ бойынша жүзеге асырылады.

Су басқан аймақтардан  мүгедектігі бар 96 адам көшірілді. Республика бойынша қарттар мен мүгедектігі бар азаматтарға...

Жайық өзеніндегі су деңгейі 771 сантиметрге жетті. БҚО төтенше жағдайлар департаменті мен Орал қаласының әкімдігі орталық тұстағы тұрғындар эвакуацияға қамдануы керек екенін мәлімдеді.

Орал қаласының Коминтерн, Курени, Самал, облыстық экологиялық-биологиялық орталық (Жас натуралистер станциясы), облыстық аурухана (Елизаров көшесі) аудандарындағы тұрғындар шұғыл түрде эвакуацияға дайындалуы қажет.

«Барлық отбасы мүшелері жеке құжатын, ақшасы мен бағалы затын, қажет дәрі-дәрмек секілді эвакуацияға қажетті заттарды дайындасын.

Жақын жердегі уақытша орналастыру пунктерінің мекенжайын Орал қаласы әкімдігі, БҚО төтенше жағдайлар департаменті, Орал қаласы төтенше жағдайлар басқармасының ресми сайттарынан, Яндекс, 2Gis қосымшаларынан нақтылауға болады.

8 (7112) 55-40-88 сенім телефоны және 101, 112 шұғыл...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты қылмыстық іс бойынша кезекті сот отырысы өтті.

15 сәуірдегі сот отырысында сотталушы Байжановтан жауап алу процесі жалғасты. Алдымен алқабилердің бірінің сот отырысына денсаулығына байланысты келмегені айтылды. Алқабилер құрамында 10 негізгі және 2 қосалқы алқаби болатыны белгілі. Соған сәйкес, қосалқы алқаби негізгі алқабидің орнына отырды.

Тараптардың өтінішхаты барысында істі қарап жатқан судья Айжан Құлбаева Байжановтан жауап алу аяқталмағанын айтып, кезекті тараптардың сұрағына берді.

Адвокат қарсылығы

Алайда Бишімбаевтың адвокаты Ерлан Ғазымжанов өтінішхат білдіруге сот тарапынан мүмкіндік берілмей жатқанын алға тартып, судья Құлбаеваға тағы да...

Астана қаласында 2024 жылы 13-14 сәуір күндері жылдам шахматтан «Fizmat Chess Open 2024» турнирі өтті. Байқауға Қазақстанның әр өңірінен 1-9 сынып аралығындағы 300 оқушы қатысты. Бұл шараны Қазақстан шахмат федерациясы мен Республикалық физика-математика мектебі жыл сайын ұйымдастырады.  «Fizmat Chess OPEN» – жыл сайын өтетін ауқымды турнирлердің бірі.

Шара екі бөлімнен тұрады. Оның біріншісі, Астанада, екіншісі, Алматыда ұйымдастырылды. Елордада 302 жас шахматшы сынға түсті.

Көптеген жүлдеден бөлек,  ең басты олжа  – республикалық физика-математика мектебінде оқуға тегін грантын ұтып алуға болады. Осы жолы Алдияр Аңсат бірінші орынды иемденді. Ол 11 ойында да ешкімге дес бермеді. Одан кейін Сүлейман Ахмет екінші, Әмір Төлегенов...

Kaspi.kz АҚ өз акционерлері тізілімінің үзінді көшірмесін Қазақстан қор биржасына ұсынды. Онда Kaspi.kz басшысы және тең құрылтайшысы Михаил Ломтадзе финтех холдингіндегі үлесін 21,53%-ға дейін қысқартқаны жазылған.

2024 жылдың 1 қаңтарындағы акционерлердің құрамы туралы мәліметтерге сүйенсек, Михаил Ломтадзенің финтех холдингіндегі үлесі 23,42%-ды құраған.

KASE-де соңғы жаңартылған мәліметтерге сәйкес, 1 сәуірдегі жағдай бойынша оның үлесі 21,53%-ға дейін қысқарды.

Kaspi.kz-тің тағы бір ірі акционері Вячеслав Ким жыл басынан бері финтех холдингіндегі үлесін 22,27%-дан 20,39%-ға, ал Baring Funds – 26,13%-дан 24,24%-ға дейін төмендетті.

Нәтижесінде жыл басынан бері үш ірі акционердің жалпы үлесі 71,82%-дан 66,16%-ға дейін қысқарды.

Үзінді көшірмеге сәйкес:

Наурызда қазақстандық банктердегі депозит көлемі 0,97%-ға өсіп, 34,5 трлн теңгеге жетті. Бұл туралы Ұлттық банк хабарлады.

Қаржы ұйымдарындағы жинақ көлемі екі ай қатарынан артып келеді. Жылдық динамикада көрсеткіш 12,3%-ға өсті.

Ұлттық валютадағы депозиттер көлемі бір айда  1,6%-ға артып, 26,6 трлн теңгені құрады. Шетелдік валютадағы депозиттер наурызда 1,1%-ға төмендеп, 7,89 трлн теңгеге жетті.

Бұл ретте ұлттық валютадағы жеке тұлғалардың депозиттері 1%-ға өсіп, 14,7 трлн теңгені құрады. Ал шетел валютасындағы жеке тұлғалардың салымдары 1,3%-ға артып, 3,99 трлн теңге болды. Теңгемен жинақталған заңды тұлғалардың депозиттері 2,4% динамика көрсетіп, 11,8 трлн теңгені құрады. Ал доллармен көрсеткіш 1% өсіп, 3,9 трлн теңгеге жетті. Бұл...

Еуразиялық даму банкінің (ЕАДБ) сарапшылары орта мерзімді болашақта Қазақстан Ұлттық банкі базалық мөлшерлемені біртіндеп төмендетеді деген болжам жасайды. 

Бұған дейін 12 сәуір реттеуші бұл көрсеткішті 14,75 пайыз деңгейінде сақтау туралы шешім қабылдады. Ұлттық банк басшысы Тимур Сүлейменов биылғы су тасқыны негізгі үш мәселеге әсер ететінін атап өтті. Оның ішінде әлеуметтік сала, кәсіпкерлік белсенділіктің төмендеуі, зардаптарды жою үшін қажет қаржы көлемінің артуы сынды факторлар бар.

«Экономикадағы инфляциялық қысым ішкі сұраныс пен тұрақты инфляциялық болжамдардың әсерінен жалғасып жатыр. Орта мерзімді перспективада Қазақстан Республикасының Ұлттық Банкі инфляциялық мақсатқа қол жеткізу үшін қалыпты қатаң монетарлық шарттарды сақтай отырып...

Freedom Broker Қазақстан қор биржасына кезекті шолуын жариялады. Оған сәйкес, бірнеше қазақстандық компанияның құнды қағазы қымбаттағанын байқауға болады. 

Мәселен, «Қазмұнайгаз» акциялары 1,8%-ға қымбаттады. 

«Компания бағалы қағаздары IPO-дан кейін қалыптасқан ұзақ мерзімді өсу тенденциясы бойынша ілгері жылжып барады. Алдағы уақытта да компания бағалы қағаздары өседі», – деп жазды сарапшылар. 

Freedom Broker сарапшыларының шолуына сүйенсек, бұған дейін Kaspi акциялары осыған ұқсас динамика көрсеткен. 

«Компания акциялары ең жоғары меже 27%-ға өсті», – деп жазды мамандар. 

Бұған дейін KASE индексі 0,6%-ға өсті. 3 сәуірден 10 сәуірге дейін нарықта 6 сауда сессиясы төмен нәтижемен...