Жаңалықтар

31 мамыр – Саяси қуғын-сүргін және ашаршылық құрбандарын еске алу күніне орай, Қазақстандағы саяси қуғын-сүргін құрбандарына біржолғы ақшалай өтемақы және арнайы мемлекеттік жәрдемақы беріледі. Биыл сол мақсатта бюджеттен 2,7 млрд теңгеден астам қаржы бөлінеді. Бұл жайлы Еңбек және халықты әлеуметтік қорғау министрлігі хабарлады.

Бұл қаражаттың 1,5 млрд теңгесі жәрдемақы ретінде берілсе, 1,2 млрд теңгесі біржолғы ақшалай көмек ретінде берлімек.

«2003-2023 жылдар аралығында республикалық бюджеттен 2,9 млрд теңге сомасында біржолғы ақшалай өтемақы төленді. Өтемақы мөлшері 2 769 теңге мен 369 200 теңге аралығында. 2024 жылға республикалық бюджетте аталған мақсаттарға 1,2 млрд теңге қарастырылған», – дейд...

«Қазақтелеком» 2024 жылдың І тоқсанында 25,6 млрд теңге табыс тапқан. Бұл 2023 жылдың үш айымен салыстырғанда төрттен бір есе аз. Былтыр бұл кезеңде компания пайдасы 33,3 млрд теңгені құраған еді.

Компанияның активтері 11,2 млрд теңгеге немесе шамамен 0,008%-ға қысқарды. Міндеттемелер 37,2 млрд теңгені құрап отыр. Қаржы есебінен компания міндеттемелерінің де сәл азайғанын байқауға болады.

Былтыр «Қазақтелекомның» таза табысы 2022 жылмен салыстырғанда 19%-ға азайған болатын. Компания 2023 жылы 04,403 млрд теңге табыс тапқан.

Компанияның салыққа дейінгі пайдасы 18,4%-ға, 134,237 млрд теңге, операциялық пайдасы – 11%-ға төмендеп, 161,311 млрд теңгені құрады. Жалпы пайда 1%-ға өсіп, 237, 728 млрд...

Армения Алматыда өтіп жатқан ҰҚШҰ-ға мүше мемлекеттердің Қорғаныс министрлері Кеңесінің отырысына қатыспайды. Бұл жайлы ұйымның ресми өкілі Юрий Шувалов мәлімдеген.

«Армения Кеңес отырысына қатыспайды, бірақ Алматыда шектеулі форматта қабылданған шешімдерге қарсы емес», – деп мәлімдеген Шувалов.

Шара Қазақстанның ҰҚШҰ-ға төрағалығы аясында өтіп жатыр. Жиында ҰҚШҰ-ның ұжымдық қауіпсіздік аймақтарындағы әскери қауіпсіздік пен Ұйымның әскери құрамдас бөлігін дамыту мәселелері талқыланады.

Айта кетейік, ҰҚШҰ жиыны 30 мамыр мен 6 маусым аралығына жоспарланған. Бүгін, 31 мамырда ҰҚШҰ-ға мүше мемлекеттердің Қорғаныс министрлері Кеңесінің отырысы өтеді.

Ал 2-3 маусым аралығында Алматыда ҰҚШҰ Парламенттік Ассамблеясы Кеңесінің отырысы өтед...

Ұлттық Банктің Ақша-кредит саясаты комитеті базалық мөлшерлемені +/- 1 п.т. дәлізімен жылдық 14,50%-ға дейін 25 базистік тармаққа төмендету туралы шешім қабылдады.

«Ортамерзімді келешекте 5%-дық инфляция бойынша мақсатқа жету ұзақ уақыт бойы ұстамды қатаң ақша-кредит саясатын жүргізуді қажет етеді. Инфляцияның орнықты бөлігінің тұрақты түрде баяулауы базалық мөлшерлемені бұдан әрі байыппен төмендетуге жағдай жасайды. Қазіргі ақша-кредит шарттары инфляциялық үдерістердің баяулау қарқынын бекітуге және инфляциялық күтулерді тұрақтандыруға бағытталған», – деп түсіндірді бас банк басшылығы.

Бас банктің хабарлауынша, жылдық инфляция 2024 жылғы сәуірде 8,7%-ға дейін баяулап, болжам траекториясына сәйкес келеді. Азық-түліктің сыртқы бағасының қолайлы жағдайына байланысты инфляцияның азық-түлік компонент...

«Шұбаркөл Премиум» компаниясы Қарағанды ​​облысындағы Шұбаркөл кен орнының Орталық 2 учаскесінде 92,7 миллион тонна көмір өндіруді жоспарлап отыр. Аталмыш компания бай қазақстандықтардың бірі – Тимур Құлыбаевқа тиесілі.

«Өндіріс кезінде жер қойнауын пайдалану мерзімі – 15 жыл. Кен орнында жылына 2-8 млн тонна көмір өндіру жоспарланғанын ескере отырып, қалған келісімшарттық кезеңде 92,7 миллион тонна көмір өндірілмек», – делінген құжатта.

Шұбаркөл кен орнының ауданы 70 шаршы шақырымды құрайды. Орталық екінші уческе ауданы – 25,17 шаршы шақырым. «Шұбаркөл Премиум» 2013 жылдың қарашасындағы келісімшарт бойынша 2014 жылдың екінші жартыжылдығында өндірісті бастады.

Шұбаркөл көмір кен орны мен...

Қазақстанның әуе тасымалдаушыларынан Еуропалық Одақ елдеріне ұшуға барлық шектеулер біржола алынып тасталды. Бұл туралы ҚР Азаматтық авиация комитеті хабарлады.

«2024 жылғы 30 мамырдағы хатында ЕК-нің ұтқырлық және көлік жөніндегі Бас директоратының авиация Департаментінің Директоры Филип Корнелис мырза «Еуропалық Комиссия Қазақстан қызметінің күшейтілген мониторингін тоқтату туралы шешім қабылдады»,-делінген хабарламада.

Азаматтық авиация комитетінің мәліметінше, бұл бағыттағы жұмыстар 2009 жылдан бастап жүргізіліп келеді. Қазақстандағы авиациялық билік ЕО сарапшыларының биыл ақпан айындағы ұшу қауіпсіздігі жүйесін техникалық бағалау тексерісінен сәтті өткен.

Қазақстандық авиатасымалдаушылар алғаш рет 2009 жылы Еуроодақтың «қара тізіміне» енді. Халықаралық Азаматтық авиация ұйымы аудит барысында ICAO стандарттарының көрсеткіші төмен екенін анықтады...

Алматыда бірнеше күн қатарынан ҰҚШҰ жиыны өткізілуіне байланысты, қалалық полиция департаменті қаладағы жол қозғалысына шектеулер енгізілетінін хабарлады.

Департаменттің хабарлауынша, 30 мамыр мен 6 маусым аралығында Алматыда бірқатар халықаралық іс-шаралар өтеді.

30 мамыр күні ҰҚШҰ-ға мүше мемлекеттердің Қорғаныс министрлері Кеңесінің отырысы басталған. Бұл жиын бүгін де жалғасын табады.

Ал 2-3 маусым аралығында Алматыда ҰҚШҰ Парламенттік Ассамблеясы Кеңесінің отырысы өтеді. Ал 5-6 маусым күндері ҰҚШҰ Қауіпсіздік кеңестері хатшылары Комитетінің отырысы өтпек.

«Осыған байланысты, іс-шаралардың ауқымын, сондай-ақ қатысушылар мен қонақтардың санын ескере отырып, Алматы қалалық полиция Департаменті көлік қозғалысына ішінара шектеу қойылғаны туралы хабарлайды...

ҚТЖ Әскерилендірілген теміржол күзетінің басшылары сотталды. Бұл жайлы Сыбайлас жемқорлыққа қарсы іс-қимыл агенттігінің баспасөз қызметі хабарлады.

«Астана қаласының қылмыстық істер жөніндегі ауданаралық соты «Әскерилендірілген теміржол күзеті» ЖШС бас директоры Б.Нахановқа, оның орынбасары А.Мұқатаеваға және менеджер Р.Сидиковқа қатысты үкім шығарды»,- делінген хабарламада.

Агенттік хабарлауынша, олар бейнебақылау жабдықтарын сатып алуға бөлінген қаражттан 159,4 млн теңге қаражатты жымқырған. Cот оларды кінәлі деп таныған.

Сондай-ақ, Наханов әскерилендірілген теміржол күзетінің жүргізушісі ретінде адамды жұмысқа орналастыру кезінде де лауазымдық өкілеттіктерін асыра пайдаланған.

Нәтижесінде сот Нахановқа 8 жыл бас бостандығынан айыру жазасын тағайындаған. Ал оның сыбайластары Мұқатаева мен Сидиковқа

Мемлекет басшысы Қасым-Жомарт Тоқаев 31 мамыр – Саяси қуғын-сүргін және ашаршылық құрбандарын еске алу күніне орай Х әлеуметтік желісіндегі парақшасында арнайы жазба жариялады.

Онда президент репрессия мен қуғын-сүргін құрбандарын ақтаудың маңыздылығына тоқталған. Сонымен бірге өткеннің қасіретін естен шығармай, өркениетті қоғам құруға талпыну қажеттігін айтқан.

«Біз жыл сайын 31 мамыр күні өткен ғасырдағы саяси қуғын-сүргін және ашаршылық құрбандарын еске аламыз. Мемлекетіміз қуғын-сүргіннен жазықсыз жапа шеккен жандарды ақтау, төл тарихымыздың ақтаңдақ беттерін объективті әрі тыңғылықты зерделеу жұмыстарына баса мән беріп отыр. Біз өткен замандағы қасіретті оқиғалардан тағылым алып, оны ұлт жадында сақтай білуіміз керек. Сонда ғана...

Иранда Эбрахим Раисидің ұшақ апатынан қайтыс болуына байланысты мерзімінен бұрын президент сайлауы өтеді. 5 күнге созылатын үміткерлерді тіркеу 30 мамырда ресми түрде басталды. 

DW ақпаратына сүйенсек, мерзімінен бұрын сайлау 28 маусымда өтеді. Тіркелу үшін үміткерлер 30 мамыр мен 3 маусым аралығында Иранның ішкі істер министрлігіне келуі керек.

Кандидаттар тіркелгеннен кейін 12 мүшеден тұратын Конституциялық қамқоршылар кеңесі идеологиялық критерийлер бойынша үміткерлерді сайлауға өткізу туралы шешім шығарады. Кеңес мақұлданған кандидаттардың соңғы тізімін 11 маусымда жариялайды. 

Саясаткерлер сайлау науқанына дайындалып, үгіт-насихат жұмыстарын жүргізуге екі апта уақыт беріледі. Егер кандидаттардың ешқайсысы сайлаудың бірінші турында көп дауыс жинамаса, 5 шілдеде сайлаудың екінші туры өтеді.

Нью-Йорк сотының алқабилері АҚШ-тың бұрынғы президенті Дональд Трампты 2016 жылғы сайлау қарсаңында іскерлік құжаттаманы бұрмалағаны үшін кінәлі деп тапты.

Politico ақпаратына сүйенсек, Трамп 2016 жылдың сайлауы алдында порно актриса Сторми Дэниэлске төленген қаржыны жасыру үшін құжаттарды бұрмалаған.

Жалпы алғанда, бұрынғы президентке 34 тармақ бойынша айып тағылды. Алқабилер барлық тармақ бойынша Трампты кінәлі деп тапты. Айыпталушы президенттің өзі 34 баптың ешқайсысына қатысты өз кінәсін мойындамады. 

Манхэттенде болған процесске сарапшылар «Тарихи процесс» деген ат берді. Себебі Трамп сотта кінәлі деп танылған АҚШ-nың тұңғыш президенті.

Бір жарым айға созылған процессте алқабилер бірауыздан айыптау немесе ақтау үшін дауыс беруі керек болған. 

Алқабилердің шешімінен...

Мәскеуде өткен Еуразиялық экономикалық комиссия кеңесінің отырысында кедендік реттеу, салық және дәрілік препараттар саласындағы бірқатар рәсімдер бойынша шешімдер қабылданды.

2029 жылға фильтрлі темекіге акциздердің бірыңғай индикативтік ставкасының мөлшері акциздердің нақты ставкаларынан 20%-дан аспайтын (36 еуродан 54 еуроға дейін, шамамен 17 мың теңгеден 25 мыңнан астам теңгеге дейін) ауытқу диапазонымен 1 мың данасы үшін 45 еуро (21 мың теңгеден астам) мөлшерінде бекітілді. Бұған дейін, яки 2019 жылы қабылданған 2024 жылға арналған темекіге акциздердің индикативтік мөлшерлемесі 35 еуроны (16 мың теңгеден астам) құраған. 

Бұл – индикатив темекіге акциз ставкаларын жоспарлайтын ЕАЭО елдерінің мемлекеттік органдары мен темекі өнімдерін өндірушілер үшін бағдар.

Сондай-ақ ЕЭК кеңесін...

Қазақстанда 20 триллион теңге қарызы қордаланған, мемлекеттің қарамағына алынған 6,3 мың кәсіпорын бар. Бұл туралы Орталық коммуникациялар қызметінде өткен брифинг барысында Бәсекелестікті қорғау және дамыту агенттігі төрағасының бірінші орынбасары Рустам Ахметов айтты.

«Бүгінгі таңда тауар өндіруге мемлекеттің қатысу үлесі 55%-ға жетеді. Қызмет көрсету саласындағы мемлекеттің үлесі 44%-ды құрайды. Мемлекеттің қатысуымен 6,3 мыңнан астам нарық субъектілері бар. Экономиканың 30 секторының кем дегенде 20 секторында мемлекеттің үлесі  бар», – деді БҚДА төрағасының орынбасары.

Мемлекеттің қатысуының жоғары деңгейін халықаралық институттар да атап өткен. Жекеменшік көрсеткіші бойынша Қазақстан ЕурАзЭО және Шығыс Еуропа елдері арасында рейтингтің белортасында.

Қазақстан қор биржасының (KASE) таза табысы 2023 жылы 171%-ға (немесе 2,7 есе) 2022 жылға қарай 18,5 млрд теңгеге дейін өсті. Шығындар 52%-ға өсіп, 6,1 млрд теңге болды. Бұл ретте кірістер 129%-ға өсіп, 27,5 млрд теңгеге жетті. Бұл туралы «Курсив» қолданған биржаның хабарламасында айтылды.

KASE активтері аудиттен өткен 2023 жылғы шоғырландырылған қаржылық есептілікке сәйкес 3,2 млрд теңгені құрады (өсім 308,5%). Міндеттемелердің сомасы – 3,2 млрд теңге. 2023 жылы KASE-дегі жалпы сауда көлемі 411 трлн теңге болды. 2022 жылға қарай өсім 57%-ға көбейді. Транзакциялар саны да 1,4 млн-ға дейін өсті (53%-ға өсті).

2023 жылдың қорытындысы бойынша KASE индексінің мәні 28,8%-ға өсіп...

Қазақстан Ұлттық банкі 28 маусымда 2024 жылғы үлгідегі жаңа дизайнмен номиналы 10000 теңгелік банкнотаны айналымға шығарады. 

Он мың теңгелік екінші банкнота «Сақ стилі» жаңа сериясы бойынша дайындалған. Онда қазақы ою-өрнектің бастауы саналатын және көшпенділердің бірегей мәдениетінен бастап бүгінгі ел мұрасын бейнелейтін «Сақ стилі» элементтері бейнеленген.

Банкноталар жаппай қолданысқа 2024 жылғы қыркүйекте беріле бастайды.

Ақша белгісінің дизайны мен формасы

Банкноталардың түсі – күлгін-көк.

Банкнотаның бет жағында:

– көкте қалықтап ұшқан құспен «Өмір ағашының» бұтағы (Есік қорғаны, б. д. д. 5-4 ғғ., Алтын адам бас киімінің бір бөлігі, табиғат пен наным байланысының қасиетті мағынасы);

– ДНҚ спиралін және адамның табиғатпен байланысын білдіретін ою-өрнекпен стильдендірілген...

Сарапшылардың зерттеуінше алдағы жылдары Қазақстанда тұрғын үйге сұраныс арта түседі. Болжам бойынша, 2030 жылға қарай жалпы республика халқының саны 1,6 млн адамға өседі. Оның ішінде Астана, Алматы, Шымкент тұрғындарының саны 1,2 млн адамға көбейеді. Нәтижесінде 6 жылдан кейін халықтың 28%-ы ірі қалаларға қоныстанады.

«Мәселен, ірі мегаполистерде 6,1 млн адам, қалаларда 7,8 млн адам, ауылдарда 7,7 млн адам тұруы мүмкін», – дейді Dasco Consulting Group компаниясының басқарушы директоры Дәрмен Сәдуақасов.

Сәйкесінше Halyk Finance зерттеуінше алдағы жылдары тұрғын үйдің бағасы да қымбаттайды. Мәселен, 2024 жылы жаңа үйлердің бағасы 4,3%, 2025 жылы 5,8%, 2026 жылы 6,8%-ға дейін өсуі мүмкін. Қайталама...

Ресейдің тағы бір шенеунігі Қазақстанға қатысты жағымсыз пікір білдірді. Бұл жолы Ресей Думасының вице-спикері Петр Толстой «Украина мәселесі дұрыс шешілмесе, алдағы уақытта дәл осындай жағдай Қазақстан және Армения елдерімен қайталанатынын» айтқан. Оның бұл пікіріне қатысты Сенат төрағасы Мәулен Әшімбаев жауап берді.

Толстой «Комсомольская правда» радиосына берген сұхбатында:

«Егер біз Украина тақырыбын жаппасақ, Қазақстанмен де, Армениямен де, бізді қоршап тұрған басқа елдермен де проблемалар туындауы мүмкін. Қазақстанда қазіргі таңда қазақ мемлекеттігін қалыптастыруға қатысты ұлтшылдық мифология белең алып барады», – деп мәлімдеген Ресей шенеунігі.

Ол сонымен бірге қазақстандықтарға Алматының казактар құрған ескі Верный қаласы...

Қаржы министрлігі Алматыда жұмыс істейтін Польша елінің компаниясынан 600 миллион теңгеден астам салық өндіріп алу арқылы халықаралық конвенцияны бұзған.

«Алматы қаласы соттарының поляк компаниясының («Exalo Drilling» АҚ) салықтық тексеру нәтижелеріне шағымдану туралы талабын қарауы шеңберінде Қаржы министрлігінің халықаралық конвенцияны бұзғаны анықталды», – делінген Бас прокуратура хабарламасында.

Ақпаратқа сүйенсек, Қаржы министрлігінің Мемлекеттік кірістер департаменті Exalo Drilling атты поляк компаниясының резиденттік сертификатын қабылдамаған. Өсімпұлды ескере отырып, коммерсанттарға 600 миллион теңгеден астам корпоративтік табыс салығы қосымша есептелген.

Алайда Қазақстан мен Польша арасында қосарланған салық салуды жою туралы конвенция жасалған.

«Польшаның Қаржы министрлігі даулы...

Таразда гидромелиоративтік-құрылыс институты қалпына келтіріліп, оған ұлттық университет мәртебесі беріледі. Бұл жөнінде Ғылым және жоғары білім министрі Саясат Нұрбек айтты.

Оның айтуынша, Кеңес Одағының тұсында мұндай оқу орындары бесеу ғана болған- Ресейде екеу, Украина, Өзбекстан және Қазақстанда бір-бірден.

«Мемлекет басшысының тапсырмасы бойынша біз атақты Тараз гидромелиоративтік құрылыс институтын қайта құрамыз, бірақ су шаруашылығы университеті түрінде. Қазір бізде қалған барлық кадрды сол жерге жинайтын боламыз. Бұл университетке  мықты қызметкерлер, соның ішінде жастардың көптеп келуі үшін оқу орнына Ұлттық мәртебе берілуі мүмкін.  Қазір Үкімет бұл мәселені өте байыпты түрде пысықтауда», – деді  Саясат Нұрбек Сенат кулуарында.

Жаңа...

«Отбасы Банкті» ұлттық даму институтына трансформациялау қазақстандықтардың ипотекалық тұрғын үйді бөлу жүйесіне деген сенімін арттырады. Бұл туралы Алматыда БАҚ өкілдерінің қатысуымен өткен жабық дөңгелек үстел барысында «Курсив» тілшісі сұрақтарына жауап берген қаржы ұйымының басшысы Ләззат Ибрагимова мәлім етті.

Мақсат – мемлекеттік тұрғын үйді бөлу жүйесіне деген сенімді арттыру

Қаржы ұйымы басшысының пайымынша, «Отбасы банк» ұлттық даму институты ретінде тұрғын үй кезегін бақылап қана қоймай, оның ашықтығын да қамтамасыз ете алады. Қазір мұның бәрі Мәжілісте «Тұрғын үй саясатын реформалау» туралы заң жобасы аясында қарастырылуда.

«Ұлттық даму институты ретінде жұмыс істеу бізге «Наурыз» ипотекалық бағдарламасын бақылап, жобаны...

Жоғары аудиторлық палата Алматы облысында мемлекеттік ресурстардың пайдаланылу тиімділігіне аудит жүргізіп, нәтижесінде 16,7 млрд теңгеге қаржылық бұзушылықтарды анықтады. Бұл жайлы палата төрағасы Әлихан Смайыловтың төрағалығымен өткен жиында айтылды.

Аудиторлық іс-шаралардың қорытындысы бойынша жергілікті атқарушы органдардың республикалық бюджеттен трансферттерге тым тәуелді екені анықталған.

«Жеке инвестициялардың ресурстары толық қолданылмайды. Мердігерлік ұйымдардың бюджеттік инвестициялық жобаларды іске асыру мерзімдерін кешіктіруі салдарынан болатын жүйелік проблемалар жергілікті бюджетке қосымша жүктеме салған»,- делінген баспасөз хабарламасында.

Осындай бұзушылық салдарынан, 2022 жылы құны 129 млрд теңгеден асатын 110 жоба және 2023 жылы 110 млрд теңгеден асатын 81 жоба нормативтік мерзімде...

Қазақстан Украинадағы әскери іс қимылдарын тоқтатуды және мәселені келіссөздер жүргізу арқылы шешуді жөн деп санайды. Бұл туралы Сенат баспасөз алаңында палата спикері Мәулен Әшімбаев айтты.

Спикер бұл сөздерімен Украина президенті Владимир Зеленскийдің «Қазақстанның Киев пен Мәскеу арасындағы соғыстағы ұстанымының нақты еместігіне қатысты» мәлімдемесіне жауап берді.

Журналистер Мәулен Әшімбаевтан Украина президенті Владимир Зеленскийдің «Орталық Азия елдері Кремльге қарап, әрекет етіп, Украинаға тиісті қолдау көрсетпейтіндігі туралы» айтқан сөздеріне түсініктеме беруді сұраған. 

Әшімбаев Қазақстанның ұстанымы нақты екенін және оның бірнеше рет қайталап айтылғанын атап өтті. Сонымен қатар Президент Қасым-Жомарт Тоқаевтың Ресейде «квазимемлекеттік құрылымдарды» (Луганск мен Донецск облыстарының тәуелсіздігің – ред.) мойындамайтынын мәлімдегенін...

Бизнес процестерін роботты-автоматтандыру бағдарламаларын жасайтын UiPath компаниясының акциясы сәрсенбі, 30 мамырда, кеңейтілген саудада 30%-ға арзандады. Оған компанияның бас директоры Роб Энслиннің 1 маусымнан бастап отставкаға кететіні, оның орнына құрылтайшының бірі Дэниел Дайнс келетіні жайлы хабарландыру түрткі болды. Дэниел Дайнс 31 қаңтарда бірлескен бас директор қызметінен кеткен болатын деп жазады CNBC.

Толығырақ

Инвесторлар америкалық UiPath бизнес-процестерді автоматтандыру платформасының акцияларын оның бас директоры Роб Энслиннің 1 маусымнан бастап кететіні мәлім болғалы бері сата бастады. Оның орнына компанияның негізін қалаушы Даниэль Данс келеді. Ол 31 қаңтарға дейін тең бас директордың бірі болып қызмет атқарды.

Энслин жұмыстан шығу туралы шешімді «ұза...

Freedom Holding Corp басшысы және компания негізін қалаған Тимур Турлов Қарағандыдағы ​​«Сары-Арқа» әуежайына иелік ететін компания – Sky Service акцияларының басым бөлігін сатып алған. Қазір оның Turlov Private Holding компаниясы әуежайдың 60% акциясына иелік ететінін «Курсивке» растады.

Мәміле мамыр айында жасалған. Алайда оның шарттары жарияланбады. Egov порталында Sky Service құрылтайшылары – Turlov Private Holding, «Верный Капитал» холдингінің бұрынғы бас директоры Ерлан Оспанов және сол компанияның қазіргі топ-менеджері Айдан Ақанов деп көрсетілген. Турлов Sky Holding капиталына кіргенге дейін компанияның 95%-ы Оспановқа тиесілі болған. Қазір Оспанов – 35%, Ақанов 5% акциясына иелік етеді.

Оспанов пен Ақанов әуежайдағы үлестерін былтыр жыл соңында...