Жаңалықтар

Freedom QJ лигасы қандай әлеуметтік функциялармен айналысатынын хабарлады. Freedom QJ League футболдан Қазақстанның жасөспірімдер лигасы. Ол 2023 жылы құрылған.

Ақпаратқа сүйенсек QJ лигасы көптеген әлеуметтік функцияларды орындайды. Ұйым «Қазақстан халқына» қорына 2024 жылдың көктемінде Қазақстанның барлық өңірлерінде су тасқынынан кейін 5,5 млн теңге аударды. Лиганың ұйымдастырушылары 2024 жылы маусымның ашылу матчынан түскен барлық қаражатты қорға аударды. Сонымен қатар, бастапқы турларда арнайы акция жарияланды: трибуналарға келген әрбір көрермен үшін Лига 100 теңге аударды. 

Лиганың қамқоршылар кеңесінің төрағасы, Freedom Holding Сorp. негізін қалаушы Тимур Тұрлов су тасқынынан зардап шеккендер үшін «Демеу Қазақстан» қорына 1 млрд теңге бөлді. 

Сондай-ақ, Лига Ақтауда өткен үлкен...

31 мамырда Қазақстан шахмат федерациясы (KazChess) шахматтан студенттік спорт лигасының қорытындысын шығарды. Финал Назарбаев университетінде өтті.

Қазақстанның ғылым және жоғары білім министрлігі мен Freedom broker компаниясының қолдауымен KazChess ұйымдастырған турнирге 15 ЖОО студенттері қатысты. 

Ерлер арасындағы командалық есепте бірінші орынды NU ерлер құрамасы, екінші орынды Әл-Фараби атындағы Қазақ ұлттық университеті, үшінші орынды Гумилев атындағы Еуразия ұлттық университетінің жастары иеленді. 

Қыздар арасында бірінші орынды ҚазҰУ құрамасы, екінші орынды Назарбаев университеті, үшінші орынды Нәрікбаев университеті иемденді. Студенттер ең жақсы жеке нәтижелері үшін мақтау қағаздары мен сыйлықтарға ие болды. 

Бірінші студенттер лигасында тек грамоталар мен кубоктармен ғана емес, ақшалай сыйлықтар да берілді. Турнирд...

АҚШ-та миллиардер Илон Масктың SpaceX компаниясы зымыранының бір бөлігі Солтүстік Королинадағы Кентон таулары маңындағы кемпингке құлаған. 

Space ақпаратына сүйенсек, Солтүстік Каролинадағы кемпинг қызметкері Джастин Клонц көміртекті талшық пен металлдың күйдірілген фрагментін тапқан. Ол өзі тапқан қоқысты экспонатқа айналдырып, арнайы орында сақтап, туристерге көрсетуді көздеп отыр.

Бұл Crew-7 миссиясы үшін ұшқан Dragon зымыранының қызмет көрсету модулінің бөлігі. Зымыран наурыз айында Халықаралық ғарыш айлағынан жерге оралған.

SpaceX компаниясы алдағы маусым айында Starship ғарыш кемесінің прототипі болып есептелінетін зымыран тасығышының төртінші сынақ кезеңіне дайындалуда. Компания басшысы Илон Маск Х желісінің (бұрынғы Twitter) парақшасында кеме суретін жариялап, оны ұшыруға қамданып жатқаны туралы...

Қорғаныс министрлігі қазақстандықтардан әскери техниканың қозғалысы туралы жалған ақпарат таратпауды сұрады.

«Жаңа оқу кезеңінің басталуына орай биылғы жылдың 3-6 маусым аралығында Қазақстан Қарулы күштері бөлімшелерінің жауынгерлік дайындығы бойынша жаттығулар өтпек. Осыған байланысты жеке құрам жауынгерлік техникамен марш жасау арқылы және теміржол көлігімен еліміздің әртүрлі өңірлеріндегі полигондарға жеткізіледі. Онда әскери қызметшілер практикалық оқу-жауынгерлік тапсырмаларды орындайды», – делінген хабарламада.

Әскери жаттығу кезінде бөлімшелердің міндеттерді орындау қабілеті мен үйлесімділігі, әскери қызметшілердің оқытылуы, сондай-ақ командирлердің бағынысты және берілген бөлімшелерді басқару дағдылары бағаланбақ.

Осыған байланысты министрлік әлеуметтік желілерді әскери техниканың қозғалысы туралы жалған хабарламалар мен бейнематериалдарды таратпауды сұрады.

Қорғаныс министрлігі 11-19 наурызда Қарағанды облысының аумағында...

Алматы әуежайының жаңа терминалы 1 маусымнан бастап іске қосылып, таңертең терминалға Лондоннан Алматыға ұшып келген алғашқы жолаушыларды қарсы алды.

Көлік министрлігінің ақпаратына сүйенсек, Лондон-Алматы бағыты бойынша Air Astana әуекомпаниясының КС–664 рейсі әуежайға сағат 08.50-де қонды. Airbus-А321 әуе кемесінің бортында 94 жолаушы болған.

Алматыдағы жаңа терминалдан алғашқы болып Алматы-Доха бағыты бойынша Air Astana-ның КС–653 рейс жолаушылары ұшқан. Бортта 166 жолаушысы бар рейс сағат 09.50-де көкке көтерілген.

Жаңа терминалдың ауданы – 53 мың шаршы метр. Енді әуежайдың өткізу қабілеті жылына 14 миллион жолаушыға дейін өседі. Болашақта әуежайда қазақстандық және шетелдік авиакомпаниялардың 10 елге жасалатын бағыты бойынша 15 халықаралық бағыт іске қосылады...

Президент Қасым-Жомарт Тоқаев қазақстандықтарды Халықаралық балаларды қорғау күнімен құттықтады.

«Баршаңызды Халықаралық балаларды қорғау күнімен құттықтаймын! Жарқын жаз өскелең ұрпаққа қамқорлықтың символына айналған осы мерекеден басталады», – делінген Ақорда хабарламасында.

Тоқаев өз құттықтауында мемлекеттің басты басымдығы жас ұрпақтың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтауекендігін атап өтті.

«Мен жас ұрпақ Әділетті Қазақстанның негізгі қағидаттарын нақты жүзеге асырып, «Адал азамат» тұжырымдамасының озық идеалдарына толық сай болады деп сенемін. Ол үшін біз бүкіл қоғам болып жалпыұлттық құндылықтарымызды ұрпақтың бойына сіңіруіміз және оларды еңбекқорлық пен білімпаздыққа баулуымыз керек. Сондай-ақ төл тарихымыз бен мәдениетімізді құрметтеуге...

Демалыс күні асықпай оқу үшін, Qalam порталында жарияланған қызықты материалдар топтамасын ұсынамыз. 

Топтамада Гетенің өмір сүру салтымен танысып, қазақтар неге орыс патшасын «ақ патша» деп атады деген сұраққа жауап алып, Алтын Орда ыдыраған соң 15 ғасырдапайда болған Астрахан хандығының тарихына тоқталамыз. 

Одан бөлек қазақ танымында «іңкәр сағыныш» пен «азат рухты» қандай түспен бейнелейтіні туралы оқып, Qalam таңдаған түсініксіз, бірақ желіде кеңінен танымал мамыр айының сөзімен танысамыз.

Гетенің өмір сүру салты

Иога́нн Во́льфганг фон Гёте (1749-1832) – неміс халқының бары мен нәрі: ұлы ақын, драматург, энциклопедис, мемлекет қайраткері. Оның өмір, әйелдер, шарап, математика және жеке басының ұлылығы туралы ойы керемет болғанмен келіспейтін тұстары да бар. Материал сілтемеде.

Қазақтар неге орыс патшасын «ақ патша» деп атаған?

Тарихшылар осы күнге дейін неше түрлі болжам жасап, біраз нәрсені былықтырып үлгерген. Бірақ бәрі біз ойлағаннан да қарапайым, дегенмен ашылмаған сырлары әлі де бар сияқты. Материал...

Бір топ Мәжіліс депутаты Қызылорда облысында геологиялық барлауды ширату қажет екенін айтып, Премьер-министрдің бірінші орынбасары Роман Склярға сауал жолдады. Олар  Қызылорда облысының әлеуметтік-экономикалық дамуының 2019-2022 жылдарға арналған кешенді жоспарында жүргізілген барлау жұмыстарының нәтижесін сұрады.

Роман Скляр депутаттар сауалына берген жауабында жаңа кен орындарын іздеу мақсатында Шу-Сарысу, Сырдария және Арал бассейндерін зерттеу жұмысы жүргізіліп жатқанын айтты.

2022 жылы Шу-Сарысу бассейнінде республикалық бюджет қаражаты есебінен 2,2 млрд теңгені құрайтын жер қойнауын зерттеу бойынша жұмыстар аяқталған.

Биыл Арал бассейнінің шикізат әлеуетін бағалау үшін «Батыс» және «Шығыс» бөліктерінде жүргізіліп жатқан геологиялық-геофизикалық жұмыстар тәмамдалды. Соның нәтижесінде Үкімет ресурстарды бағалау мен перспективалық құрылымдарды анықтау үшін...

2 маусым күні Сауда Арабиясындағы Эр-Риядта ОПЕК+ өзінің 188-отырысын, Бірлескен Министрлік мониторинг комитетінің 54-отырысын және ОПЕК+ министрлерінің 37-отырысын өткізеді.

Осы жиындарға Энергетика министрі Алмасадам Сатқалиев қатысады. Бұл туралы министр кеңесшісі Шыңғыс Ілиясов хабарлады. ОПЕК+ құрамындағы мемлекеттер альянстың қазіргі саясатын талқылауды жоспарлап отыр.

ОПЕК+ Бірлескен министрлік мониторинг комитетінің (JMMC) 53-отырысында Ирак Республикасы мен Қазақстан Республикасының міндеттемелерді толығымен сақтауы және артық өндірісті өтеуі мақұлданды. Сонымен қатар Ресей Федерациясы 2024 жылдың екінші тоқсанында экспорт емес, өндіріс есебінен ерікті түрде қысқартатыны белгілі болды.

Былтыр ОПЕК келісімі бойынша Сауд Арабиясы, Ресей және басқа ОПЕК+ мүшелері жалпы мұнай өндіруді шамамен 5 миллион баррельге қысқартуға уәде берді.

2023 жылдың сәуірінде мұнай...

Заңсыз активтерді қайтару жөніндегі комиссия қосымша 235 млрд теңгені мемлекетке қайтарады.  Бұл жөнінде Премьер-министр Олжас Бектенов өткізген комиссияның отырысында белгілі болды.

Активтерді ерікті түрде қайтару туралы бірқатар келісім бойынша 230 млрд теңге ақшалай түрде Қаржы министрлігінің шотына аударылады. Сондай-ақ жер қойнауын пайдалану кәсіпорындарындағы акциялар, жер телімдері және Алматыдағы әкімшілік ғимарат мемлекеттің меншігіне өтеді.
 
Сонымен қатар комиссия заңсыз дүние-мүлік, қаражатты қайтаратын тұлғалармен жалпы құны 28 млрд теңгеден астам инвестициялық және әлеуметтік жобаларды іске асыру туралы келісімдер жасасуды қолдады. Қаражатты ел экономикасына қайта инвестициялау – аталған заңда көзделген шаралардың бірі.
 
Жыл басынан бері комиссия шешімдерінің негізінде мемлекетке 325 млрд теңгеден астам соманың активтері қайтарылды. Оның ішінде...

Ұлттық банктің есебінше, банктер мен «Қазпочтаның» айналымдағы карточкаларының саны 76,6 млн жеткен. Биыл 4 айда қолданыстағы (кемі бір рет қолданылған) карталар саны 38,8 млн дана немесе шығарылған төлем карталарының 50,6%-ын құрап отыр.

Кеңінен таралған карта түрі – дебеттік карталар, олардың үлесі 80,5%, екінші орындағы кредиттік карталардың үлесі – 16,1%. Кредиттік лимиті бар дебеттік карталар мен алдын ала ақысы төленген карталардың үлесі 3,5%-ды құрайды.

2024 жылдың сәуір айында қазақстандық эмитенттердің төлем карталары арқылы жүргізген транзакция көлемі 14,4 трлн теңгеге жетіп, транзакция саны 1,1  млрд бірлікті құрады. Оның ішінде қолма-қол жасалмайтын транзакция саны 17,1% өсіп, 1,0 млрд құрады және көлем...

Ұлттық банк жариялаған статистикаға сүйенсек, 21 қазақстандық банктің таза кірісі сәуірде наурызбен салыстырғанда 30,2%-ға өсіп, 776,7 млрд теңгеге жетті.

Бір жыл ішінде банктердің таза пайдасы 11,8%-ға (694,6 млрд теңге) өсті. Салыстырар болсақ, өткен жылдың наурыз-сәуір айларында осыған ұқсас жағдай байқалған. Бір айда бұл көрсеткіш 36,2%-ға, бір жыл бұрынғымен салыстырғанда (2023 жылғы сәуірде 2022 жылдың сәйкес айымен салыстырғанда) 85,2%-ға өсті.

Көп табыс тапқан қаржы ұйымдары

2024 жылдың сәуір айының соңында Halyk Bank ең көп пайда тапты – 241,4 млрд теңге немесе жалпы кірістің үштен бірі. Ай сайынғы көрсеткіш 49,2%-ға өсті.

Екінші орында 153 млрд теңге табыспен Kaspi...

ҚР Энергетика министрлігі дайындаған «Мұнай өңдеу саласын дамытудың 2024-2050 жылдарға арналған тұжырымдамасына» сәйкес, Қазақстан өндірілетін 27 млн тонна мұнай өнімдерінің 10%-ын шетелге экспорттауды жоспарлап отыр. Бұл туралы Ашық НҚА порталында жарияланған құжатта жазылған.

Тұжырымдаманың түпкі мақсаты – тұрақты және озық даму арқасында қазақстандық мұнай өңдеу зауыттардың бәсекеге қабілеттілігін қамтамасыз ету, инвестициялар тарту.

«2-нысаналы индикатор – ішкі нарықтағы профицит жағдайында өндірілген мұнай өнімдерінің 10%-ға дейінгі бөлігін экспорттау. Экспортқа бағытталған индустрия құру жоспарлануда», – деп жазылған қоғамдық талқылау үшін жарияланған құжатта.

Құжатқа сүйенсек, осы кезеңде мұнай өңдеу қуаттылығын жылына 17 млн тоннадан 27 млн тоннаға...

Алдағы күндері солтүстік, шығыс өңірлерде үсік жүріп, батыс өңірлерде күн қатты ысиды. «Қазгидромет» осыған орай дауылды ескерту жариялады.

«Қазгидромет» болжамынша, Павлодар облысының солтүстігінде 31 мамырдан 1 маусымға қараған түнде үсік жүріп өтеді. Сәйкесінше солтүстік өңірлерде жауын жауып, соңы бұршаққа ұласуы мүмкін.

Солтүстік Қазақстан облысында қатты жаңбыр күтіледі. Күндіз облыстың солтүстігінде, батысында, оңтүстігінде найзағай ойнап, бұршақ пен дауыл болады. Дауыл күші 15-20 м/с құрап, облыстың солтүстігінде, батысында, оңтүстігінде екпіні 23 м/с жетпек.

Ал Қостанай облысының солтүстік-батысы мен оңтүстігінде найзағай ойнап, жауын жауады. Оның соңы бұршақ пен дауылға ұласуы мүмкін.

«Оңтүстік-батыстан соғатын жел...

Кеңес Одағында болған қуғын-сүргінді әдетте Иосиф Сталиннің есімімен ғана байланысты дейді, алайда мұндай пайым ақиқатқа қайшы. Елде орнаған билік режимі о бастан репрессияға арқа сүйеген. Қазақстандағы 60 жылға созылған қуғын сүргін жайлы профессор Зәуреш Сақтағанованың материалын ұсынамыз.

Профессор бұл мақаласында халық бастан кешкен қуғын-сүргіннің мәні мен механизмдерін айқындап, Қазақстан тарихының түрлі кезеңдерінде жүрген қудалау науқандарының ауқымын бағалауға тырысқан.

Репрессиялардың түп-тамыры

Кеңес мемлекетінде тоталитарлық жүйенің орнығу үрдісі мен жүйелі, жоспарлы әрі жаппай сипаттағы саяси репрессиялар қатар жүрді; олар бұрын-соңды болмаған ауқымда өрбіп, халықтың барлық топтарын қамтыған. Алайда қуғын-сүргінді тек Сталин саясатының ажырамас бөлігі деп түсіну ағаттық болар...

Ресейлік «ЭКО-культура» компаниясы Түркістан облысында жылына 240 мың тонна көкөніс өсіруге мүмкіндік беретін әлемдегі ең үлкен жылыжай кешенін салады. Премьер-Министр Олжас Бектенов пен «ЭКО-культура» агроөнеркәсіптік холдингінің президенті Александр Рудаковпен жылыжай құрылысын талқылады.

«ЭКО-культура» — 13 жыл бойы тұрақты дамып келе жатқан, жабық топырақта экологиялық таза көкөніс өсіретін ірі агроөнеркәсіптік холдингтің бірі. Бір жыл ішінде өндірген өнім көлемі 300 мың тоннадан асады.  Холдингтің иелері – 49% акцияға ие Ирина Ашинова және 51% үлесі бар Рудаков. Жылына өндірілетін өнім көлемі 300 мың тоннадан асады. Холдингтің президенті – Вадим Шаблаков.

Жылыжайдың жалпы ауданы 500 га жерді құрайды. Бүгінгі таңда 51 га жер...

E-commerce нарығы қарқынды өсіп келе жатқандықтан, онлайн-дүкендердің сату үлесі азайып келеді. Сатып алушылар агрегаторларды көбірек таңдайды. Маркетплейстер көлемін қалай арттырып жатыр және қазақстандықтар көбінесе олардан не сатып алады? «Курсив» материалынан оқыңыз.

Ұлттық статистика бюросының деректері бойынша, Қазақстанда электронды коммерция нарығы (бөлшек сауда бойынша) бір жылда 24,3%-ға өсіп, 2,44 трлн теңгеге жетті. PwC Kazakhstan консалтинг агенттігі Цифрлы Қазақстан қауымдастығымен бірлесіп жүргізген жылдық талдауында нарықты одан сәл азырақ – 2,418 трлн теңге деп бағалайды. ҰСБ мен PwC-тің зерттеу дерегі бірінші рет теңесіп тұр. Бірақ жылдық өсімді олар әртүрлі бағалайды – PwC Kazakhstan зерттеуі бойынша 2023 жылы e-com өсімі 79% болды (бұл айырмашылы...

Жоғары аудиторлық палата 2023 жылғы республикалық бюджеттің шоғырландырылған қаржылық есептілігіне аудит жүргізіп, нәтижесінде 87,7 млрд теңгенің тиімсіз жұмсалғанын анықтаған. Бұл жайлы Жоғары аудиторлық палатаның баспасөз қызметі хабарлады.

Жоғары аудиторлық палатаның хабарлауынша, республикалық бюджет активтерінің жиынтық көлемі 2024 жылғы 1 қаңтардағы жағдай бойынша 7% өсіп, 25,5 трлн теңгені құраған.

Дегенмен, аудиторлар соңғы 5 жыл қатарынан республикалық бюджет кірісінен шығысы жыл сайын асып түсіп отырғанын байқаған. Бұл жайт жинақталған қаржылық нәтиженің төмендеуіне әкеп соқтыруы мүмкін.

«Аудиторлық тексеріс нәтижесінде 87,7 млрд теңге тиімсіз жұмсалғаны, 26,3 млн теңгеге активтерді тиімсіз пайдалану, сондай-ақ 25 рәсімдік бұзушылық пен 17 жүйелік кемшілік...

Ұлттық экономика министрі Нұрлан Байбазаров «Даму» кәсіпкерлікті дамыту қоры» директорлар кеңесінің төрағасы болып сайланды. Бұл туралы Қазақстан қор биржасына жолданған ақпаратта жазылған.

Қазір «Даму» қорының директорлар кеңесінің құрамы 5 адамна тұрады: Нұрлан Байбазаров, Елена Бахмутова, Райымбек Баталов, Рустам Қарағойшин, Гаухар Бурибаева.

«Даму» кәсіпкерлікті дамыту қоры 1997 жылы сәуірде құрылды. Шағын және орта бизнесті дамытуды қолдаумен айналысады. «Даму» АҚ – жалғыз акционері «Бәйтерек» холдингі, ол өз кезегінде Қазақстан үкіметіне тиесілі.

Байбазаров Ұлттық экономика министрі лауазымына 2024 жылдың 6 ақпанында тағайындалған еді. Сонымен қатар Премьер-Министрдің орынбасары қызметін қоса атқарады.

2023 жылдың қазан айына дейін «Бәйтерек» ұлттық басқарушы...

Ұлттық банк 2024 жылдың 1 шілдесінен бастап Open API технологиясына негізделген Open Banking жобасын толығымен іске қосуды жоспарлап отыр. Бұл туралы ҚР Ұлттық банкінің басшысы Тимур Сүлейменов базалық мөлшерлемені төмендетуге арналған баспасөз мәслихатында айтты.

«OpenAPI, Switch ұлттық картасы – бұл біз өткен жылы пилоттық режимде іске қосқан жобалар. 1 шілдеден бастап оларды толық режимде іске қосамыз деп үміттенеміз. Бұл туралы алдағы баспасөз мәслихаттарында айтатын шығармыз», – деді Сүлейменов.

Бұл технология банктердің дамуына қалай әсер етеді? Қазақстан қаржыгерлер қауымдастығының соңғы форумында кейбір сарапшылар OpenAPI банктерге қауіп төндіреді және олардың жабылуына әкелуі мүмкін деген пікір білдірді.

Кәсіпкерлерден бірнеше мәрте пара алды деп айыпталған Балық шаруашылығы комитетінің басшысына қатысты сот үкімі шықты. Экс-шенеунік 6 жылға бас бостандығынан айырылды.

Астана қаласының қылмыстық істер жөніндегі ауданаралық соты Экология, геология және табиғи ресурстар министрлігінің Балық шаруашылығы комитетінің төрағасына және жалпы қамқорлығы үшін алдын ала сөз байласу арқылы адамдар тобымен айтарлықтай мөлшерде пара алған балық ресурстарын қорғау және балық аулауды реттеу басқармасының басшысына қатысты істі қарады. Сотталушыларға екі эпизод бойынша айып тағылды. 

«Бірінші эпизод бойынша – 2021-2024 жылдар аралығында Комитет төрағасы өз қарамағындағы басқарма басшысымен алдын ала сөз байласу арқылы Комитетке бағынысты ұйымның бас директорынан жалпы қамқорлығы үшін...

Елордада өткен брифингте БАҚ өкілдері ҚР Ұлттық банк төрағасы Тимур Сүлейменовтен «Air Astana акцияларының арзандауына байланысты БЖЗҚ қанша шығынға ұшырады?» деп сұрады.

«БЖЗҚ Air Astana IPO-ға 20 млрд теңгеден астам инвестиция салды. Қазіргі уақытта акциялар ұсыныс деңгейінен төмен тұрады. Бұл жиі кездесетін жағдай. Ол көптеген шарттарға байланысты. Бұл ретте БЖЗҚ тез сатып алып, тез сата алмайды. Бұл біздің инвестициялық стратегиямызға сай емес. Бізде ұзақ мерзімді қор бар. Сәйкесінше, біздің және жетекші инвестициялық менеджерлердің бағалауы бойынша компания акцияларының баға өсу әлеуеті жоғары», — деді Сүлейменов.

Сонымен қатар ол әзірге ешқандай шығын тіркелмегенін атап өтті.

Аяқ киім өндіретін Birkenstock компаниясының қағаздарының бағасы тоқсандық есеп жарияланғаннан кейін 14%-дан аса, тарихи максимумға дейін өсті. Компанияның кірісі мен пайдасы туралы есебі бұған дейінгі топшылаудан әлдеқайда жоғары боп шықты және ағымдағы жылға қатысты болжам жақсара түсті. Қазір бірде-бір сарапшы аяқ киімі өткен жылдың ең табысты «Барби» фильмінде көрініс тапқан Birkenstock акциясын сатуды жөн санамайды.

Толығырақ

Бейсенбі күні Birkenstock акциясы бір мезетте 14,7%-ға қымбаттады. Оның құны 57,36 долларға жетті. Бұл – өткен жылдың қазан айында ғана акциясын сатылымға шығарған компания үшін жаңа рекорд. Нью-Йоркте түстен кейін қағаздар аздап күш жоғалтты және жарияланған мезетте жоғарылап, 12%-ға, 56 доллардан саудаланды.

«Грейс Қазақстан Каталистс» компаниясы жыл соңына дейін Қазақстанда сирек кездесетін металдарды пайдалана отырып, катализатор өндіру мүмкіндігіне зерттеу жүргізбекші.

 Бұл жайында «ҚазМұнайГаз» Басқарма төрағасы Асхат Хасеновтің «W.R. Grace» компаниясының өңдеу технологиясы бөлімшесінің президенті Луис Сирихалмен кездесуінде белгілі болған.

 «Тараптар бірлескен кәсіпорын – «Грейс Қазақстан Каталистс» ЖШС-нің қазіргі қызметін талқылады, сондай-ақ Қазақстан Республикасында каталитикалық крекинг катализаторының өндірісін құру перспективаcын қарастырды. Жыл соңына дейін жобаның техникалық-экономикалық негіздемесін әзірлей отырып, жергілікті шикізатты (оның ішінде сирек жер элементтерін) пайдалану арқылы өндіріс мүмкіндігін бағалауды жүргізу туралы шешім қабылданды»,- делінген хабарламада.

Айта кетейік, былтыр Grace мұнай химия зертханасы отандық мұнай...