Жаңалықтар

Үкімет корпоративтік табыс салығы мөлшерлемесін 25%-ға дейін ұлғайту, қызметкерлер үшін міндетті әлеуметтік сақтандыру жарналарын (МӘСМС) және жұмыс берушілердің міндетті зейнетақы жарналарын (МЖЗЖ) алып тастау мүмкіндігін қарастырып жатыр. Бұл туралы жаңа Салық кодексі жобасында жазылғаны белгілі болды.

Бұған дейін Қаржы министрі Мәди Такиев жаңа Салық кодексі жобасын 15 мамырдан кешіктірмей Мәжілістің қарауына енгізу керектігін айтқан болатын. Бірақ бұл құжат депутаттарға ұсынылған жоқ.

Кейін Мемлекеттік кірістер комитеті төрағасының орынбасары Жәнібек Нұржанов MyBuh.kz ұйымдастырған конференция барысында Салық кодексін дайындау соңғы кезеңде екенін айтты. Оның айтуынша, 2024 жылдың қыркүйегінде Мемлекеттік кірістер комитеті құжатты парламентке жіберуі керек. Ал маусым айынан бастап кодекстің нормаларын түсіндіру жұмыстары...

Пандемияда үлкен концерттер, мерекелік жиындарды сағынған жұртшылық қазір жиындардан қалмауға тырысса, әлемдік жұлдыздар да турнелерімен қуантуға барын салып жатыр. Бірақ кей кезде ел асып, асыға күткен концерттер кейінге шегеріліп не мүлде болмайтыны хабарланып жатады. Мұндайда көрермен құқығы қандай, ұйымдастырушылардан не талап ете алады?

Сүйікті әртіс не топтың жоспарланған концертінің болмауын есту қашанда көңіл  түсіретін жағдай. Әсіресе, сонша шақырымды артқа тастап барғанда мұндай жаңалықты есту екі есе ауыр тиеді. Мұндай жаңалық БАҚ бетінде жиі кездеседі. Мәселен, жақында Оливиа Родриго мен Питер Кай техникалық себептерге байланысты Манчестердегі концерті кейінге шегерілетінін хабарлаған-ды. 

Әнші Оливиа жанкүйерлеріне бұл жағдайға қатты қапаланғанын, билет ақысын барлығына қайтаратынын жеткізді. 

Президент Қасым-Жомарт Тоқаевтың төрағалығымен Қазақстан Республикасы Қауіпсіздік кеңесінің кезекті отырысы өтті.

Тоқаев экстремистік әрекеттердің алғышарттарын анықтап, олардың алдын алу, халықаралық терроризмнің таралуына жол бермеу, соның ішінде заңнамалық және ұйымдастырушылық базаны жетілдіру, дұрыс ақпараттық саясатты іске асыру жөніндегі кешенді тәсілдердің маңызды екенін атап өтті.

Ұлттық қауіпсіздік комитетінің төрағасы Ермек Сағымбаев президентпен жеке кездесіп, ведомствоның биыл жыл басынан бері терроризмге және діни экстремизмге қарсы іс-қимыл жөніндегі жұмысының негізгі нәтижелері және алдағы кезеңде қабылданатын шаралар туралы баяндады.

Ақорда ақпаратына сүйенсек, жыл басынан бері елде екі лаңкестік шабуылдың жолы кесілген. Оның біреуі шет мемлекетте шетелдік серіктестермен бірлесіп жасалмақ болған.

«Ұлттық қауіпсіздік комитеті тергеп-тексерген қылмыстық істерд...

Alvin Market зерттеу компаниялары тобының директоры, «Қазақстандық қоғамдық пікір және нарықты кәсіби зерттеушілер қауымдастығының» президенті Наталья Оспанова Алматыда өткен PR-форумда «Мәдени кодты жаңарту: Медиа арқылы жас ұрпақпен байланысу» атты зерттеуін ұсынды.

Зерттеуге сәйкес, қазақтілді аудитория өзінің басты қасиеттері қонақжайлылық (58%), жомарттық (38%), еңбекқорлық (36%), діндарлық (28%), тәуелсіздік (28%), төзімділік (28%) деп есептейді екен.

Ал Қазақстан дегенде ойға келетін сөздердің қатарында қонақжайлылық (17%), тәуелсіздік (13%), жемқорлық (11%), кең дала (9%), бесбармақ (9%) бар.

Қазақтілді аудитория үшін ата-бабамен байланыс өте маңызды. Мәселен, қазақстандықтардың 70%-ы жеті атасын білсе, 99%-ы өзінің қай жүзден екенін біледі.

Аудиторияның 76%-ы әлеуметтік желіні байланысу үшін, 64% мәтін контентт...

2024 жылдың 29 мамырындағы жағдай бойынша Қазақстан 1991 жылдан бері 2 000 147 305 тоннадан астам мұнай өндірді. Бұл туралы ҚР Энергетика министрлігінің баспасөз қызметі хабарлады. Бұл көп пе? Аз ба? Су тасқынынан мұнай саласына келген шығын көлемі қаншалықты?

Мұнай саласы бойынша сарапшы Абзал Нарымбетов су тасқыны басталғаннан бері мұнай шығыны 33,8 мың тоннаны құрағанын айтады. 25 сәуірдегі жағдай бойынша шығын 20 мың тоннаға жуық.

«Бұл елдегі жылдық өндірістің 0,05%-ы ғана. Су тасқыны мұнай өндірушілерге кедергі келтірсе де, шығын әлі де мардымсыз болып қалады», – деді сарапшы.

Еске сала кетсек, Энергетика министрлігі тасқын...

Қытайлық Tencent компаниясының жаңа мобильді ойыны алғашқы аптада-ақ 140 млн доллардан аса табыс тапқанын Niko Partners зерттеу компаниясы есептеп шығарды. Бұл әлемдегі ең үлкен нарық – Қытайдағы ең жақсы бастаманың бірі болды деп атап өтті Bloomberg. 2024 жылдың қорытындысы бойынша жаңа өнімнен түскен табыс Tencent-тің Қытайдағы ойын саудасынан түскен жалпы кірісінің шамамен 5%-н құрауы мүмкін дейді сарапшылар. Бірақ Гонконгтағы сауда барысында Tencent акциясының бағасы 2%-дан аса төмендеді.

Толығырақ

Tencent Holding 21 мамырда шығарған Dungeon & Fighter Mobile мобильді ойыны қытайлық AppStore-да (Apple-дің мобильдік қосымша сататын дүкені) бірінші аптада 63 млн доллар тапты деп жазды Bloomberg Sensor Tower компаниясыны...

Халықаралық балаларды қорғау күніне орай Астана мен Алматыда мерекелік шаралар өткізіледі. Бұл жайлы екі қала әкімдіктерінің баспасөз қызметі хабарлаған.

Астана

Астана қаласы әкімдігі жаздың алғашқы мерекесіне орай Астананың бес ауданында ондаған түрлі іс-шаралар, оның ішінде концерттер мен акциялар, көрмелер, жарыстар, шығармашылық фестивальдар өткізбек.

Бұл қалада мерекелік шаралар 30 мамыр күні басталады. Сол күні Амфитеатрда «Жасыл ел» маусымының ашылу салтанаты мен Достық үйінде «Балаларды қорғау – ел болашағын қорғау» атты дөңгелек үстел өтеді. Ал 31 мамыр күні «Бақытты шаңырақ» қоғамдық қоры балаларға арналған мерекелік іс-шара ұйымдастырады. Одан бөлек, Теміржолшылар тұрғын алабының саябағында тұрғындарды «ЮНИМОТО» мотокросы бойынша көрсетілім ұйымдастырылады...

«ШалқияЦинк» компаниясының таза шығыны 661, 337 мың теңгені құрады. 2022 жылғы шығыны 1,55 млрд теңге болған. Бұл мәлімет Қазақстан қор биржасының (KASE) сайтындағы компанияның аудиттелген қаржылық есебінде жазылған.

Активтері 118 млрд теңгеге өскен. Есепті кезеңдегі компания міндеттемелері 48,4 млрд теңгені құраса, меншікті капиталы 69 млрд теңгеге жетті.

Еске сала кетсек, «ШалқияЦинктің» 2022 жылғы шығыны 1,55 млрд теңгеге жеткен. Ал операциялық шығын 304 млн теңге болса, бір акцияға шаққандағы шығын 0,92 мың теңгеден 1,92 мың теңгеге дейін өскен.

Сонымен қатар 2024 жылдың басында «ШалқияЦинк ЛТД» АҚ директорлар кеңесінің құрамы өзгерді. Компанияның жалғыз акционері – «Тау-Кен Самұры...

Түркістан облысы, Ордабасы ауданындағы «Бөген» су қоймасының пайдалануға берілгеніне 57 жыл болған. Су қоймасының жарылу қаупіне байланысты қоймаға қажетті мөлшерде су жиналмайды. Бұл жайлы депутат Қайрат Балабиев өзінің Қанат Бозымбаевқа жолдаған сауалында айтты.

Айтуынша, Ордабасы ауданының бір топ бұрынғы су шаруашылығы қызметкері елде болған соңғы су тасқынына байланысты «Бөген» су қоймасының бөгеті мен жағалауына қауіп төніп тұрғанын айтып дабыл қаққан. Қауіптің арта бастағаны себепті олар Мәжіліс депутаттарына үндеу жолдаған.

Сонымен бірге өңірдегі жағдайдың күрделі екенін ауыл шаруашылығының белгілі сарапшысы К.Павлов та ескерткен. Ол «Бөген» су қоймасы бұзылудың аз-ақ алдында тұрғанын айтып, алаңдаушылық білдірген.

Аталмыш су қоймасы...

28 мамырда өткен «ҚазМұнайГаз» ҰК АҚ Акционерлерінің жылдық жалпы жиналысының қорытындысы бойынша Асхат Хасенов ұлттық компанияның басқарма төрағасы болып тағайындалды.

Сондай-ақ ол ҚМГ директорлар кеңесінің құрамына сайланды.

Асхат Хасенов еңбек жолын 2005 жылы «Торғай Петролеум» АҚ мұнай және газ өндіру цехының 3-разрядтағы операторы болып бастаған.

2006 — 2010 жылдары «Мұнай және газ өнеркәсібінің бас диспетчерлік басқармасы» АҚ жетекші маман, бас маман, мұнай-газ кен орындарын игеру мониторингі бөлімінің бастығы, директордың орынбасары, департамент директоры, вице-президенті болып жұмыс істеді.

2011 — 2019 жылдары ҚР Мұнай және газ министрлігінде Мұнай-газ кешеніндегі мемлекеттік инспекция комитетінің меминспекция және рұқсат беру басқармасын, мұнай химия және техникалық реттеу департаментін...

Мәжіліс «Жылу энергетикасы» туралы заңды екінші оқылымда мақұлдады. Оған сәйкес, жылу энергетикасын өндіруші компаниялар тарифтен түскен қаражаттан жылу нысандарына инвестиция құймаса, айыппұл төлейді. Бұл жайлы заң жобасын таныстырған депутат Еділ Жаңбыршин айтты.

«Жылу энергиясын өндіретін, тасымалдайтын компаниялар өздерінің тарифтерінде инвестициялық бағдарлама қабылдаған. Яғни халық тұтынуынан түскен ақшаның бір бөлігін олар өздерінің жөндеу жұмыстарына, модернизациялауға жұмсауы керек. Егер олар бағдарламада белгіленген нормаларды орындамаса оларға айыппұл салынады. ЖЭО қазандықтарында болып жатқан апаттарды болдырмау үшін осындай нормалар қарастырылған. Егер ақшаны өз кірісіне жұмсаса, айыппұл төлейді. Әрине кәсіпкерлікті қолдауымыз қажет, бірақ бизнесте өз жауапкершілігін тиісті деңгейде орындауға...

Ресейлік футболшы Александр Кержаков алматылық «Қайрат» футбол командасының бас бапкері қызметіне тағайындалды.

«Қайрат» футбол клубының баспасөз қызметі, 41 жастағы маманмен келісімшартқа отырғанын хабарлады. 

Александр Кержаков Ресейдегі Санкт-Петербург қаласының «Зенит», Испанияның «Севилья», Швейцарияның «Цюрих» және Мәскеудің «Динамо» командаларында ойнаған. Ол УЕФА Кубогының, Испания Кубогы мен Суперкубогының, Швейцария Кубогының иегері. Үш дүркін Ресей чемпионы.

Кержаков бапкер мансабын 2017 жылы «Зенит» академиясында бастап, 2018-2020 жылдары Ресей жасөспірім құрамаларын жаттықтырған. Ресейлік «Томь» және «Нижний Новгород», кипрлік «Кармиотисса» мен сербиялық «Спартак» Суботица футбол клубтарын да баптаған. 

Алматының «Қайрат» футбол командасы қазақстандық миллиардер Қайрат Боранбаевқа тиесілі. Өткен жылы клуб Қазақстан премьер-лигасын 4-орында аяқтады. Қазір 9 турдың қорытындысы бойынша 3-орында тұр.

Volkswagen Renault-пен серіктес болудан бас тартты және бюджеттік электромобильді өзі жасап шығармақ / Фото: Unsplash/Alexandru Bogdan

Неміс автомобиль өндірушісі Volkswagen басқа еуропалық брендтермен коллаборация жасағысы келмейді және 2027 жылға қарай құны 20 мың еуро (21 756 доллар) тұратын бюджеттік электромобильді өзі шығаруға ниеттеніп отыр деп жазады Bloomberg. Бұған дейін Renault VW-мен бюджеттік электромобильді бірлесіп жасау туралы келіссөз жүргізген еді. Франкфурттегі сауда барысында Volkswagen-нің қарапайым акциясы 1%-дан көбірек қымбаттаса, ал артықшылығы бар акциясының бағасы 2,5%-ға жуық өсті.

Толығырақ

Volkswagen бюджеттік электромобиль жасау барысында нарықтағы бәсекелестікті сақтау үшін, басқа автоконцерндердің көмегіне сүйенбей, өз бетінше әрекет етпек. Автокөлік өндірушінің басты міндет...

Еуропалық қайта құру және даму банкінің бағалауы бойынша, 2040 жылдарға қарай Қытай мен Еуропаны жалғап жатқан Транскаспий халықаралық көлік бағыты (ТХКБ) арқылы Орталық Азия мемлекеттері 800 мыңға дейін контейнер жөнелтетін болса, ал Қытай-Еуропа арасындағы жүк тасымалы көлемі 470 мыңға дейін жетпек. Бұл туралы Мәжілістің баспасөз қызметі хабарлады.

Айта кетейік, 2023 жылы ТХКБ арқылы контейнерлік тасымалдар 39 пайызға төмендеген (20,5 мың TEU). 2022 жылы көрсеткіш 33,6 мың болған еді. Дегенмен 2024 жылдың алғашқы төрт айында контейнерлік тасымалдау 10,4 мыңды құрап, өткен жылдың сәйкес кезеңімен салыстырғанда 70,4 пайызға өскені байқалған.

Мәжіліс 2023 жылы 17 қазанда қол қойылған Қазақстан мен Қытай үкіметтер...

«Қазатомөнеркәсіп» Ұлттық атом компаниясының 2024 жылдың І тоқсандағы жиынтық табысы 92,3 млрд теңгені құраған. Бұл 2023 жылдың сәйкес кезеңімен салыстырғанда 15,4 пайызға кем. Атом компаниясы былтыр І тоқсанда 108,7 млрд теңге жиынтық табыс тапқан. Компания 2024 жылдың І тоқсанындағы қаржы нәтижесін шығарды.

Ұлттық атом компаниясы І тоқсандағы қаржы көрсеткіштеріне уран сату көлемі әсер еткенін атап көрсетеді. Жыл басындағы 3 айда табиғи уранды сату көлемі 2023 жылдың сәйкес кезеңімен салыстырғанда 55%-ға азайған. Оған тұтынушылардан түсетін сұранысты жеткізу мерзімі мен жалпы 2024 жылы сату болжамының төмендеуі себеп. Сатылым көлемі әр тоқсан сайын айтарлықтай өзгеріп отырады.

Есесіне биыл...

Каспий құбыр консорциумы (КҚК) жүйе арқылы мұнай тасымалдау бойынша болжамын қайта қарады. Бұл туралы КҚК акционерлердің жылдық жалпы жиналысында белгілі болды.

«Жаңартылған болжамға сәйкес, 2024 жылы мұнай тасымалдау көлемі жүк жөнелтушілердің алдын ала сұраныстары негізінде бюджетте көрсетілген көрсеткіштермен салыстырғанда 7%-ға азаяды. Теңіз кенішінен жүк тасымалдау 7,9 млн тоннаға азаяды деген болжам бар. Ал Қашаған кен орнынан 3,3 млн тоннаға өседі. Жоспарланған көлемнен жалпы ауытқу 4,8 млн тонна», – деп жазылған КҚК акционерлерінің жылдық жиналысының қорытындысында.

2024 жылы жүйе арқылы 70 млн тоннадан астам мұнай тасымалданады деп жоспарланған. Осылайша, жаңартылған болжамда шикізат тасымалыны...

Көлік министрі Марат Қарабаев қазақстандықтардың танымал туристік бағыттарға билет жеткіліксіз деген шағымына жауап берді.

Мәжіліс кулуарында журналистер министрге қазақстандықтардың әлеуметтік желілердегі шағымдарын жеткізді. Онда ел азаматтары маусым басталмай жатып, танымал туристік аймақтарға пойыз билеттерінің жоқтығын айтқан. БАҚ өкілдері Марат Қарабаевтан делдалдардың мәселесі қашан шешілетінін, Алакөл мен Балқашқа билеттің қолжетімділігін сұрады.

«Алакөл бағыты бойынша қосымша пойыздар жүреді. 12 пойыз, оның үшеуі кондиционермен жабдықталған Тальго пойызы. Ал Балқаш бойынша бізде Астана мен Алматыдан билет бағасы арзандатылған әуе көлігі іске қосылады. Ол субсидияланатын болады», – деп жауап берді Марат Қарабаев.

Министр бұл мәселе түбегейлі шешіледі деп сендірді. Ол желіге қосылатын...

Көлік министрі Марат Қарабаев Qazaq Air әуекомпаниясын сатып алатын вьетнамдық компанияның ішкі нарыққа қалай әсер ететінін айтты. Министрдің айтуынша, елде борттар көбейіп, бәсекелестік артады. Бұл билет бағаларының арзандауына әкеледі.

«Qazaq air әуе компаниясының сатылуына қатысты айтар болсақ, оны сатып алатын VietJet Air компаниялар тобының 184 борты бар. Бұл компания ел нарығына кіру үшін бірталай міндеттемелерді орындауы тиіс. Біріншіден, компания Qazaq air-дің 38 млрд теңге қарызын толық жабуы керек. Содан кейін Қазақстанда қосымша жаңа 20 борт тіркеуі қажет. Ол компания бұл міндеттемені орындауға келісті. Олар Қазақстанға жалпы алғанда, жаңадан 50 борт жеткізуді жоспарлап отыр», – дейд...

Қазақстандағы ірі мыс өндіруші Kaz Minerals компаниясы 2024 жылдың бірінші тоқсанында 94 300 тонна металл өндірді. Көрсеткіш былтырғы жылдың сәйкес кезеңінен 0,8% төмен. Бұл туралы компанияның 2024 жылғы бірінші тоқсанының қорытындысы бойынша жариялаған есебінде жазылған.

2024 жылдың бірінші тоқсанында мыс сатылымы 103 000 тоннаны құрады. Бұл өндірістен 9%-ға жоғары.

«Тасымал уақытының қысқаруы транзиттегі материалдар көлемінің төмендеуіне әкелді. Жеткізу уақытын қысқарту топқа алдыңғы тоқсанмен салыстырғанда барлық жанама өнімдер саудасын арттыруға мүмкіндік берді», – деп жазылған компания есебінде.

Сондай-ақ компания 2024 жылдың бірінші тоқсанында алтын өндірісі 39 200 унцияға дейін өскенін хабарлады. 2023 жылды...

Қазақстанда ақылы жолдардың бағасы тағы қымбаттауы мүмкін. Көлік министрі Марат Қарабаев тариф құнын көтеру жоспарланып отырғанын жеткізді.

Ведомство басшысы елдегі ақылы жолдардың бағасы басқа мемлекеттермен салыстырғанда арзан екенін айтты.

«Жолдың бағасын көтеру жоспарда бар. Халықаралық көлік жүргізу конвенциясына сәйкес, отандық және шетелдіктер бірдей төлеу керек. Олай болмаса, басқа елдерде қазақстандықтарға жолда артық ақша төлеуді талап етуді бастайды. Ең арзан жол бізде. Мысалы, Ресейде Мәскеу-Қазан жолы салынды, онда 1 шақырымы 25 теңдеген тұрады.  Біздің жолдар орташа есеппен алғанда 1 теңге 20 тиынды құрап отыр», – деді министр.

Министр әртүрлі санат бойынша қазақстандық жолаушыларға жеңілдік қарастырылғанын атап өтті.

Nasdaq тарихта алғаш рет 17000 деңгейінен асты, АҚШ-тың қазынашылық облигациялары сұраныстың азайғанына қарамастан, кірісін арттырып жатыр. Ресейлік компаниялар АҚШ-тың санкцияларын айналып өту үшін криптовалютаға ойысуда. Осы және басқа тақырыптар туралы 28 мамырдағы әлемдік БАҚ шолуынан оқыңыз.

Nasdaq 17000 белгісін еңсерді

Бір күн бұрын Nasdaq технология индексі тарихта алғаш рет 17000 (+0,59%) деңгейінен асты деп хабарлайды Reuters. Бұл Nvidia акцияларының қымбаттауының арқасында жүзеге асты. Илон Маск осы компанияның чипін қолданып, суперкомпьютер жасау туралы уәде бергеннен кейін олар да өз максимумын жаңартты. S&P 500-ге 0,02% қосылса, ал өнеркәсіптік DOW 0,55%-ке төмендеді. Денсаулық сақтау секторы мен қаржы компанияларының акциялары арзандады.

Акция...

 Утильалымнан жиналған қаржыға еліміздің бірнеше өңірінде қалдықтарды қайта өңдеу зауыттары салынады.  Бұл үшін «Жасыл даму» АҚ 200 млрд теңге көлемінде қаржы бөледі. Бұл ақша зауыттан бөлек қалдықтарды жинау, тасымалдау және қайта өңдеу технологияларын енгізуге, қалдықтармен айналысатын ұйымдардың материалдық-техникалық базасын жетілдіруге жұмсалады. Экология және табиғи ресурстар вице-министрі Мансұр Ошурбаев осылай деп мәлім етті.  

Вице-министр бүгінде қоғамда утильалымға қатысты үлкен дау жүріп жатқанын атап өтті.   

«Халық қазір утильалым ақшасы қайда кетіп жатқанын білмей жатыр. Утильалымды алып тастау керек деп наразылықтарын да білдіруде. Негізі қалай болса да ол көлік құрылысы саласын дамытуға, елдің экономика және локализация мәселелерін шешуі тиіс»,- дед...

Ауылдарда медициналық мекемелерді салу және жаңғыртуға Үкімет резервінен 39,9 млрд теңге бөлінді. Бұл туралы Үкіметтің баспасөз қызметі хабарлайды.

«ҚР премьер-министрі Олжас Бектенов Ауылда денсаулық сақтауды жаңғырту» ұлттық жобасы аясында арнайы қаулыға қол қойған.

«Жобалар жобалау-сметалық құжаттаманың (ЖСҚ) әзірлігіне қарай өңірлердің әкімдіктерінен берілген өтінімдер еске отырылып қаржыландырылды. Осыған байланысты Үкімет резервінен 39 млрд 987 млн теңгеден астам қаражат ауылдық елді мекендерде ЖСҚ дайын 297 алғашқы медициналық көмек нысанын салуға бағытталады. Олардың ішінде медициналық пункттер, фельдшерлік-акушерлік пункттер және дәрігерлік амбулаториялар бар», – делінген хабарламада.

Атап айтқанда бөлінген қаражаттың бір бөлігі:

Жаһандық цифрлық оператор – VEON Ltd. компаниясы TNS+ провайдеріндегі 49 пайыз үлесін өз серіктесі – DAR компаниялар тобына сатпақ.

Мәміле сомасы 137,5 млн АҚШ долларын құрайды. Сату-сатып алу шартын қазақстандық реттеуші мақұлдағаннан кейін, мәміле жабылады.

«Бұл келісім – біздіңasset-light стратегиямыздың бір бөлігі. Beeline Қазақстан – кең ауқымды өнімдері бар Қазақстанның цифрлық локомотиві: Simply қаржылық қызметтер қосымшасынан бастап, BeeTV ойын-сауық платформасы мен инновациялық Izi брендіне дейін. Beeline Қазақстандағы бағдарламалық жасақтаманы әзірлеу еншілес кәсіпорны – QazCode елде жасанды интеллектті енгізу бастамашыларының бірі. Бұл келісім бізге осы салаларға шоғырлану және инфрақұрылым қызметтерін басқаруды оңтайландыруға, оларды серіктестеріміздің сенімд...