Жаңалықтар

Қазақстан азаматтығын алу тәртібі өзгереді. Бұл жайлы «Ашық НҚА» порталына шығарылған құжатта жазылған.

Құжатта мемлекеттік тіл мен Қазақстан тарихын білмейтін азаматтардың өтініші қабылданбайтыны жазылған. Олар қазақ тілін қарапайым деңгейде білу керек.

«Қарапайым деңгейде мемлекеттік тілді, Қазақстан Республикасы Конституциясының негіздерін, сондай-ақ ғылым және жоғары білім саласындағы уәкілетті орган айқындайтын көлемде Қазақстан тарихын білмесе, оның өтінішхаты қабылданбайды», – делінген құжатта.

Қазақстан Республикасының азаматтығына қабылдау тәртібіне сәйкес азаматтық алғысы келетіндер арнайы құжаттармен бірге мемлекеттік тілді қарапайым деңгейде, Қазақстан Республикасы Конституциясының негіздерін және Қазақстан тарихын білу туралы сертификат тапсыруы керек болады.

Құжатта Қазақстан Республикасыны...

Астана халықарылық қаржы орталығының Қаржылық қызметтер көрсетуді реттеу жөніндегі комитеті (AFSA) криптовалюта айырбастау қызметтерін ұсынатын Astana Exchange компаниясының алаяқ екенін ескертеді.

«Бұл компания қаржылық қызметтерді көрсету үшін жалған лицензияны пайдаланады. Жүргізілген талдау нәтижесінде AFSA аталған ұйымның АХҚО-да тіркелмегенін және қаржылық қызметтер көрсетуге жарамды лицензиясы жоқ екенін анықтады. Осылайша, оның қызметі АХҚО актілерінің нормаларына қайшы келеді»,– деп хабарлады АХҚО.

AFSA жұртшылыққа лицензиясы бар немесе тіркеген компаниялар туралы ақпаратты жария тізімнен қарап алуға шақырады. Бұл тізім АХҚО сайтында жарияланған. Сондай-ақ алаяқтыққа қатысы бар кез келген хабарламаға жауап бермеуге және еш жағдайда осы компаниямен іскерлік қарым-қатынасқа түспеуге, осы алаяқтыққа байланысты кез келген...

«Отан үшін Тавуш» қозғалысының, Армян апостолдық шіркеуінің Тавуш епархиясының басшысы архиепископ Баграт Галстанян премьер-министрлікке үміткер ретінде жарияланды. Бұл туралы Ереванда өткен митингіде шығыстанушы Гурген Меликян мәлімдеді.

«Голос Армении» қоғамдық-саяси басылымы мәлімдегендей, Гурген Мелкиян Галстанянның кандидатурасын толық қолдайтындығын жеткізді.

«Бізге жауапкершілікті өз мойнына алып, барлығын біріктіре алатын адам керек. Отан дегеннің не екенін білетін адам өмірдің, бейбітшіліктің қадірін біледі. Бізге үміт сыйлаған және соғыс есігін жапқан бұл Владыка Баграт», – деді Меликян.

Бұған дейін Галстанянның өзі сөз сөйлеп, қозғалыс үшінші және соңғы кезеңге жеткенін айтты. Оның айтуынша, олардың уақытша премьер-министрлікке кандидаты үш негізгі тармақты...

Малайзиялық алтын өндіруші Public Gold Group Қазақстанмен бірлескен инвестициялық жобаларды жүзеге асыру және ынтымақтастық туралы келісімге келді. Бұл туралы «Курсивтің» ресми сауалына жауап берген «Самұрық-Қазына» қоры хабарлады.

Компания алтын бұйымдарды, құймаларды, монеталарды (Gold ATM) сату бойынша сауда аппараттарын пайдалану арқылы бөлшек бизнесті дамыту бойынша өз тәжірибесімен бөлісуді жоспарлаған.

Он жетінші мамырда «Самұрық-Қазына» және малайзиялық Public Gold Group Қазақстан-Малайзия инвестициялық дөңгелек үстелі барысында ынтымақтастық туралы келісімге қол қойды. Құжат шеңберінде бірлескен инвестициялық жобаларды пысықтау жоспарланған. 

Сондай-ақ малайзиялық компаниялардың қазақстандық тараптың бизнес-ұсыныстарына қызығушылығы басым. Ұлттық қор алтын өндіруді дамытуға және басқа да перспективалы бағыттарға инвестиция салуды жоспарланып отырғанын хабарлады.

«Қазатомөнеркәсіп» Ұлттық атом компаниясы 2023 жылға 314,65 млрд теңге дивиденд төлемек. Бұндай шешім акционерлердің жылдық жалпы жиналысында шығарылған.

Қазақстан қор биржасы сайтында жарияланған ақпаратқа сәйкес, бұл қаржы компанияның еркін ақша ағынының 75 %-ын құрайды. Акционерлердің 99 %-ы дивиденд көлемін қолдап дауыс берген.

Ұлттық атом компаниясының 1 қарапайым акциясына (1 жаһандық депозитарлық қолхат 1 жай акцияға тең) 1 213,19 тенге төленеді. Компанияның жарияланған акциялар саны 259 миллионнан асады. Нәтижесінде дивиденд төлеуге 314,65 млрд теңге бағытталады. «Қазатомөнеркәсіптің» дивиденд саясатына сәйкес, бұл қаржы компанияның еркін ақша ағынының 75 %-на тең.

«Қазатомөнеркәсіп» ұлттық компаниясының былтырғы таза пайдасы 23% артып...

Ашық НҚА порталында «Банк және микроқаржы активтерін сату жөніндегі электрондық сауда алаңының ақпараттық қауіпсіздігін қамтамасыз ету қағидаларын бекіту туралы» қаулы жобасы жарияланды.

Құжатты ҚР Қаржы нарығын реттеу және дамыту агенттігі әзірлеген. Ол 7 маусымға дейін жария талқыға шығарылған.

Жоба кейбір заңнамалық актілерге несие берудегі тәуекелдерді азайту, қарыз алушылардың құқықтарын қорғау, қаржы нарығын реттеу және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы заңды іске асыру мақсатында дайындалған.

Құжатқа сәйкес, электрондық сауда алаңындағы ақпаратты өңдеу, сақтау және беру, көшірме жасау кезінде қорғау, электрондық сауда алаңындағы ақпаратты шифрлауды қамтиды.

Сондай-ақ қатысушыны сәйкестендіру және аутентификация банктерге...

Су тасқынынан бұзылған жол төсемдерін қалпына келтіруге 8,4 млрд теңге кетеді. Бұл жайлы «Курсивке» Көлік министрлігі хабарлады. Ведомствоның хабарлауынша, бұл нақты сома емес. Шығын әлі де өсуі мүмкін.

Су тасқыны басталғаннан бері Қазақстанның республикалық тас жолдарында су тасқынымен байланысты 169 оқиға тіркелген.

«Бүгінде Солтүстік Қазақстан және Атырау облыстарында ұзындығы 660 метр екі жолдың учаскелерін еріген қар су басып жатыр. Қардың мол еруіне байланысты Қазақстанның 12 облысында республикалық маңызы бар автомобиль жолдарында су тасқыны тіркелді»,– делінген жауапта.

Атап айтқанда мына облыстардағы автожолдарға:

Қазақстандағы шағын және орта бизнестің экономикалық көңіл-күйі нашарлап, тұтынушылардың экономиканың тұрақтылығына деген сенімі азайған. Кәсіпкерлік кедергілердің артуы, кірістің азаюы мен экономикаға несие беру шарттарының нашарлағаны байқалады. Жалпы алғанда, экономикалық көңіл-күй индикаторы бір тоқсанда 12%-ға азайып, 24 пунктен 11 пунктке дейін төмендеді. United Research Technologies Group (URTG) зерттеу компаниясы ШОБ пен тұтынушылар арасында жүргізген зерттеу нәтижесі осындай.

URTG компаниясы кәсіпкерлер мен тұтынушылардың алдағы 2-3 айда ел экономикасы түрғысынан не күтетіні жайлы кезекті зерттеу нәтижесін жариялаған. Сауалнамаға экономиканың түрлі саласындағы 500-ден аса шағын және орта бизнес өкілі қатысқан. Сонымен қатар Freedom Finance Global жүргізген «Қазақстан тұтынушыларының сенімі» зерттеуінің мәліметтер...

Ұлытау облысындағы психикалық денсаулық орталығы науқастарды тамақпен қамту бойынша қызметтерді сатып алу кезінде 17,2 млн теңге мөлшерінде артық ақша бөлген. Облыс прокурорлары жалпы көлемі 3,7 млрд теңге болатын дәл осындай тағы 12 заңсыз мемлекеттік сатып алу жобасын анықтады.

Талдау нәтижелері көрсеткендей, жергілікті атқарушы органдар конкурстарды жариялау кезінде тиісті сараптамалар жүргізбеген, көбінде жобалық-сметалық құжаттамалар болмаған және әлеуетті жеткізушілерге тиімсіз талаптар қойылған.

Мәселен Жезқазған қаласының экономика және қаржы бөлімі 1,9 млрд теңгеге автомобиль жолдарын күтіп ұстауға мемлекеттік сатып алу жариялаған. Бұл ретте тапсырыс беруші конкурстық құжаттамада заңда көзделмеген біліктілік талаптарын негізсіз қойған (мемлекеттік сатып алу нысанасына жатпайтын заңнаманы сақтау бөлігінде).

Қазақстан әлемдегі газ бағасы ең төмен елге айналды. Текше метр үшін 31,1 теңге. Ресейлік РИА Новости Экономикалық зерттеулер орталығының сарапшылары дайындаған зерттеу рейтингін жариялады.

Алайда Қазақстандағы газ бағасы зерттеуде көрсетілгеннен төмен. Энергетика министрлігінің соңғы бұйрығына сәйкес бір текше метр газ 22 теңге тұрады. Сәуір айының соңында министрлік шекті көтерме бағаларға тарифтерді орта есеппен 15% көтеру туралы бұйрық жобасын дайындады.

«Тауарлық газға шекті көтерме бағалар 15% өскен кезде Қазақстандағы халық үшін бөлшек бағалар өңірге байланысты 1,1 теңгеден 3,87 теңгеге /м3-ге дейін (ҚҚС-ты есептемегенде) өседі, орташа өсім шамамен 2,7 теңгені/м3 (ҚҚС есептемегенде) құрайды», – делінген Энергетика министрлігін...

Түркістан облысында инвестициялық жобаларды арттыру мақсатында өндірістік паркте медициналық өнімдер, мектепке арналған жиһаздар мен өнеркәсіптік тоңазытқыштар шығарылады. Бұл туралы Түркістан облысы әкімінің баспасөз қызметінен хабарлады.

Баспасөз қызметі таратқан мәліметтерге қарағанда, өндірістік аймаққа тартылатын жеке инвестиция көлемі 98 млрд теңге жеткен. Өндірістік парк толығымен іске қосылған соң, 2000-нан аса жаңа жұмыс орындары ашылатын болады. Жоба кезең-кезеңімен жүзеге асырылуда.

«Осы күнге дейін 500 жаңа жұмыс орындары құрылса, екінші кезеңде 25 мың шаршы метр қолданысқа беріліп, инвестиция құны 32,3 млрд теңге құрайтын 12 жоба іске қосылатын болады. Ал үшінші кезеңде құйылғалы отырған инвестиция көлемі 35,1 млрд теңгеге...

Қуандық Бишімбаевты қылмыс орнында ұстаған полиция қызметкерлері жауапқа тартылды. Бұл ақпаратты «Курсивке» Ішкі істер министрлігінің баспасөз қызметі растады.

Нақтырақ айтсақ, Астана қалалық патрульдік полиция полкінің инспекторына қызметтік тәртіпті бұзғаны үшін сөгіс жарияланған. Ол Бишімбаевты ұстаған кезде, әңгіме барысында: «Ол өзі мазаңды алған шығар?» деп сұраған. Осы әңгіменің барлығы видео-тіркеушіге түсіп қалған. Сотта бұл видеодағы әңгіме көпшілік назарына ұсынылған болатын.

Осыдан кейін Астана қаласының полиция департаменті бұл факті бойынша қызметтік тексеру бастаған. Сол тексеріс жақында аяқталып, қызмет тәртібін бұзған ІІМ қызметкеріне қатаң сөгіс жариялаған.

Сонымен бірге қоғамдық орынды ластағаны үшін тағы бір қызметкер сөгіс алған. Ол Бишімбаевпен көшеде...

«Қазгидромет» 27 мамырға арналған күн райы болжамын жариялап, 5 өңірде үсік жүруі мүмкін екенін хабарлады.

Ақпаратқа сүйенсек, циклон және онымен байланысты суық атмосфералық ағындар Қазақстанның басым бөлігінде күн райына әсер етеді. Соның салдарынан түнде жауын-шашын, шығыста қатты жаңбыр, қар жауады, елдің солтүстік-шығысында қатты жаңбыр өтеді. Елдің оңтүстігінде ғана антициклонның әсерінен күн ашық, жауын-шашынсыз болады. Республика бойынша екпінді жел соғып, найзағай ойнайды, елдің солтүстігінде бұршақ жауады, орталығында дауыл тұрып, оңтүстік-шығыста түнде тұман түседі.

Түнде Ақмола, Қарағанды облыстарының батысында, Ұлытау, Солтүстік Қазақстан облыстарының солтүстігінде, Түркістан облысының солтүстігінде топырақ бетінде, таулы аудандарында 1-2 градус үсік жүреді.

Қостанай облысының оңтүстігінде, Атырау облысының батысында, оңтүстігінде, Қызылорда облысының шығысында, Батыс Қазақстан...

Ақмола облысы Аршалы ауданы Сарыоба станциясында жүк пойызына тіркелген цистернадан тұз қышқылы төгілді. Бұл туралы Ақмола облыстық ТЖД хабарлады.

Химиялық зат цистернада бұрыннан болған жырықтан төгілген. Қауіпті зат салынған цистерна негізгі вагондардын бөлініп, қауіпсіз жерге қойылды», – делінген хабарламада.

ТЖД мәліметіне қарағанда, дәл қазір адам өмірі мен денсаулығына қауіп төніп тұрған жоқ. Жағдай толықтай бақылауда.

2023 жылы Екібастұз-2 теміржол станциясында құтқарушылар күкірт қышқылы бар цистернадан ағып жатқанын анықталған. Бұл вагондар түскеннен кейін болды. Тасымалданатын жүктің жалпы көлемі 78,3 тоннаны (екі вагон) құрады.

Атырау қаласында Жайық өзеніндегі су деңгейі 6 метрге дейін көтерілген. Алайда облыстағы өзге аудандарда су деңгейінің төмендегені байқалады.

«Махамбет және Индер аудандарында Жайық өзенінде су деңгейінің төмендегені байқалады. Алайда Атырау қаласының өзінде таңғы сағат 8:00-ден бастап гидропостарда белгі 2 см-ге артып, 597 см-ге көтерілді», – делінген Төтенше жағдайлар министрлігінің хабарламасында. 

Облыстағы жағдайға байланысты төтенше жағдайлар министрі Шыңғыс Әрінов жағалауды нығайту жұмыстарын жалғастыруды және қорғаныс құрылыстарының жай-күйіне тәулік бойы мониторинг жүргізуді тапсырған.

Осыған дейін Махамбет ауданының Жалғансай елдімекеніндегі жасанды бөгетті су шайып кеткеннен кейін, арнайы техника 450 мыңнан астам текше метр су сорған.

Қазір Атырау облысында Қызылорда, Түркістан, Алматы, Ақтөбе, Маңғыстау облыстары менШымкент...

Арменияның Лори облысындағы Дебед өзені тасыды. Соның салдарынан бірнеше елдімекенді су басты. Апат аймағынан 232 адам қауіпсіз жерге көшірілді.

Ішкі істер министрлігі Туфенкиан қонақүй кешенінен 28 адам, Таширден 62, Алавердиден 22, Санахин станциясынан 110, Дилижаннан 2, Айрумнан 7, Агарцин ауылынан 1 адам эвакуацияланғанын мәлімдеді.

Іздестіру-құтқару жұмыстарына 30 жауынгерлік бригада мен 324 құтқарушы жұмылдырылды.

Табиғи  апат салдарынан кемінде бір адам қаза тапты. Грузияға баратын жолдар жабылды. Көпірлер бұзылды. Ереван — Тбилиси — Ереван бағытындағы пойыздар тоқтады. Арменияның Алаверди қаласында қысқа тұйықталу себебінен газ құю бекеті жарылды.

Үндістанның батысындағы Гуджарат штатында қайғылы оқиға болды. Сенбіге қараған түні Раджкот қаласындағы отбасылық ойын-сауық мекемесі өртке оранды. Соның салдарынан 30-ға тарта адам көз жұмды. Оның ішінде балалар қаза болды.

Өрт тұтанған кезде шамамен саябақтағы екі қабатты ғимаратта 300-дей адам болған. Түтін шыққаннан кейін, бәрі сыртқа қарай жүгірген. Бірақ жалын жан-жақтан қоршап алды. Өрт сөндірушілер жеткенше, ғимарат опырылып құлап түсті.

Құқық қорғау органдары тергеу амалдарын бастады. Алдын ала мәлімет бойынша оқыс оқиға кезінде 27 адам мерт болды.

Қазір біраз құнды ақпаратты смартфонда сақтаймыз. Оның ішінде түрлі логин мен құпиясөз, карта деректері мен геолокация және т.б бар. Деректер сақталатын қойманың нағыз өзіне айналды. Ескертпелер, суреттер мен контактілерде де сіз жайлы көп мәлімет сақтаулы. Өйткені телефоныңыздағы қолданбалар сіздің не істеп, не қойып жүргеніңізді бақылайды. Бақылауына рұқсатты да өзіңізден алып алған. Бірақ оны өзіңіз білмеуіңіз мүмкін. Геопозицияңызды өз гаджеті арқылы басқалар аңди алатынын білесіз бе? Егер өз еркіңізбен бөліспеген болсаңыз, ол функцияны өшіріп қойған дұрыс. iPhone иелеріне арнап Kursiv Media тілшісі смартфондағы деректерді қалай қорғауға болатыны туралы нұсқаулық дайындады.

Біреу сіздің деректеріңізді ұрламас үшін, мәліметтер қолды болмас үшін смартфонды...

Польша мен Ресей операторлары Қазақстан мұнайын Германияға транзиттеуді жалғастыруға келісті. Бұл жайында Reuters басылымы жазды.

Қазақстаннан Польшаға тәулігіне 2 млн баррель мұнай құбырдың солтүстік тармағы арқылы келеді.

«Транснефть» сәуір айында Польшадағы мұнай шығынын өлшейтін құралдарды сертификаттауға байланысты Германияға мұнай тасымалының тоқтауы мүмкін екенін ескерткен. Бір жағынан PERN компаниясының батыс санкцияларынан сескенгені айтылады.

Сонымен польшалық PERN, ресейлік «Транснефть» және германиялық PCK Schwedt мұнай өңдеу зауыты ресейлік емес компанияның Дружба құбырының поляк бөлігінде мұнай шығынын өлшейтін құралдарды күтіп-ұстауына келісім берді.

Словакиялық компания поляк аумағында бухгалтерлік есепті ұсынады. Бұл амал өз кезегінде PERN-ге бағытталатын санкциялардың әсерінен қорғайды. Талап бойынша есептегіштер ресейлік...

Қарағанды облысындағы ірі қаралардан сарып ауруы анықталды. Абай, Шет, Нұра, Қарқаралы ауылдарында инфекция таралған. Ақпарат құралдары облыс бойынша сегіз ауылға санитариялық шектеу қойылғанын хабарлады.

Ауылдардағы бруцеллезбен ауырған 18 сиыр сойылып, олардың еті кәсіпорындарға өткізілген. Етке төленетін ақыдан бөлек, мал құнының 30 пайызын Үкімет өтейді.

ҚР АШМ ветеринарлық бақылау комитетінің Қарағанды облысы аумағы инспекциясының басшысы Ержан Бекетбаев 15-20 күн сайын малдың қанынан сынама алынып жатқанын айтты. Ережеге сәйкес олардың еті өңделуге жіберілуде.

Сарып ауруы Brucella бактериясы арқылы таралады. Мал өнімдері арқылы адамдарға да жұғуы мүмкін.

Қаңтар айында Қарағанды облысының төрт ауылында малды алып келуге және тасымалдауға, ет-сүт өнімдерін шығаруға уақытша тыйым...

Ислам дінінде некелескен жарына ері «мәһр» деп сыйлық береді. Бұл – міндетті талап. Қалыңдықтың өзіне берілетін сыйлықтың  нақты құны айтылмаған, дегенмен сыйлықтың ең минимал құны белгіленген. Берілген тарту қалыңдық мүлкі саналады, алда-жалда жұп ажырасып не күйеуі бақилық болса, сол сыйды сатып, бастапқы уақытта күн көруге жарасын деген мақсаты бар. «Курсив» инвестиция тұрғысынан мәһрге не сыйлаған дұрыс деген сауалға жауап іздеп көрді. 

Қазақстан мұсылмандары діни басқармасының ақпаратына сүйенсек, исламдағы отбасы ережелерінде мәһр – некелескен еркектің қалыңдығына беретін сыйы. Бағалы сыйлық еркектің ниетін, некеге жауапкершілікпен қарауын білдірсе, қалыңдықтың бұл сыйды бағалап, ұқыпты қарауы – адалдығының  белгісі. 

ҚМДБ дерегіне назар салсақ, мәһр құны жоқ дегенде...

X басшысы Илон Маск Oracle компаниясымен жасанды интеллектіні дамытуға арналған серверлерді жалға алу туралы келісімге келу жоспарын жариялады. Негізгі міндет – пайдаланушылардың жеке параметрлеріне бейімделген жаңалықтар таспасын жасау үшін жасанды интеллекті пайдалану. Жаңа өнімнің арқасында миллиардер Google компаниясының әзірлемелерімен бәсекелесуді жоспарлап отыр. Ол өзінің AI көмекшісі Gemini-нің жаңа нұсқасын ұсынды.

Маск ствакасы

Элон Масктың xAI жасанды интеллект стартапы бұлттық серверлерді жалға алу үшін Oracle басшылығымен келіссөздер жүргізуде. Стартап бұған бірнеше жыл ішінде 10 миллиард доллар жұмсауды жоспарлап отыр. Келісім xAI-ді Oracle-нің ең ірі тұтынушыларының біріне айналдырады және компания жасанды интеллект саласында OpenAI және Google-мен бәсекеге түсе алады. Oracle...

25 мамырда Ақтөбе қаласында «Владимир Дворкович мемориалы – Aktobe Open 2024» халықаралық шахмат турнирі басталды.

KazChess/Қазақстан шахмат федерациясы ұйымдастырған турнирлерде әлемнің 21 елінен келген шахматшылар сынға түсуде. Бұл сайыс ҚР Туризм және спорт министрлігі, FIDE, Ақтөбе облысы әкімдігі мен Қазақстан теннис федерациясының қолдауымен ұйымдастырылып отыр.

Шахмат фестивалі 2024 жылғы Республика Кубогының 1-кезеңі болып есептелінеді. Классикалық шахматтан ерлер мен әйелдер арасында өтетін сайыс Шеберлер турнирі және ашық турнир болып екіге бөлінеді.

Жобаның бас демеушілері – Freedom Holding Corp және Ақтөбе мыс компаниясы.

«Жүлде қорын 100 мың долларға дейін ұлғайту арқылы нағыз мықты гроссмейстерлерді сайысқа тарттық. Осылайша...

2023 жылы 2670 жазатайым оқиға тіркелді. Қарағанды облысында жұмысшылардың көбі зардап шеккен. Осы облыс бойныша 476 жағдай (18,6 пайыз) тіркелді. Одан кейін Ұлытау облысында 408, Шығыс Қазақстан облысында 263 адамның жарақат алғаны анықталды.

Өңдеу (жағдайлардың 34,1%) және тау-кен өнеркәсібі (20,5%), құрылыс (14,1%) салаларында қауіпсіздік талаптары жиі бұзылады. Былтыр кәсіптік аурулар ішінен дорсалгия – спецификалық емес арқа ауруы (414 адам), құрамында кремний бар шаңнан туындаған пневмокониоз (136 адам) ең көп таралған.

Ұлттық статистика бюросының мәліметі бойынша 611 адам жабық сынықтан, 507 адам сыртқы жарақаттан, 276 адам шайқалудан болған жарақат және ішкі ағза жарақаттарынан, 138 адам ашық сынықтан, 102 адам термикалы...