Жаңалықтар

Жеке тұлғаның банкроттығы бойынша Алматы қаласының тұрғындарынан 8100 өтініш түсіп, соның ішінде 1 134 адам банкрот деп танылған. Бұл жайды Алматы қаласы Мемлекеттік кірістер департаментінің қарызын өтей алмайтын борышкерлермен жұмыс басқармасының басшысы Айдос Будугулов мәлімдеді.

«Заң күшіне енген күннен бастап бүгінгі күні Алматы қаласы бойынша келіп түскен өтініштердің саны – 8100, оның ішінде, осы жылдың басынан бері – 1727 адамнан өтініш түсті»,  – деді Будугулов.

Комитет өкілінің айтуынша, банкроттыққа өтініш беру «Электрондық үкімет» порталы, «e-Salyq Azamat» мобильді қосымшасы арқылы жүзеге асырылады. Сонымен бірге «Qoldau» жеке тұлғалардың банкроттығы ақпараттық жүйесі арқылы тіркеуші Мемлекеттік органдарды...

Қазақстан Президенті Қасым-Жомарт Тоқаев Иран президенті Ибрахим Раисидің қайтыс болуына байланысты көңіл айту жеделхатын жолдады.

Ақорда ақпаратына сүйенсек, Президент Иран Ислам Республикасының президенті Ибрахим Раиси мен үкіметтік делегация мүшелерінің Шығыс Әзербайжан провинциясында тікұшақ апаты салдарынан қайтыс болуына байланысты Қазақстан халқының және жеке өзінің атынан осы елдің Жоғары лидері Әли Хаменеи мен бірінші вице-президенті Мохаммад Мохберге және барша Иран халқына көңіл айтқан.

«Тікұшақ апаты салдарынан Иран Ислам Республикасының Президенті Ибрахим Раиси мен оның сенімді серіктерінің қайтыс болғаны туралы суыт хабарды терең күйзеліспен қабыл алдым. Ибрахим Раиси – Иран мемлекеті мен халқының әл-ауқатын арттыруға, мүддесінің мұқалмауына, аймақтағы тұрақтылықты...

Freedom Broker Air Astana акцияларын сатып алуды ұсынады. Сарапшылар әуе компаниясының бағалы қағаздарының өсу әлеуетін 44%-ға бағалап отыр. Брокер мұндай болжамды компанияның 2024 жылдың бірінші тоқсанындағы қаржы нәтижесін негізге ала отырып жасаған.

Air Astana-ның тоқсандық кірісі айтарлықтай өскен. Компаниялар тобының кірісінің артуына негізінен FlyArystan-ның нәтижелі қызметі себеп болған. Оған қоса чартерлік жолаушылар тасымалынан түсетін кірістің артуына ықпал еткен. Жыл басынан бері компанияның жолаушылар тасымалы да жақсы өсім көрсетті.

Алайда компанияның операциялық шығыны да айтарлықтай өсті. Осылайша, операциялық және EBITDA маржасы төмендеп, компания таза шығынға ұшырады. 2024 жылдың I тоқсанында әуе компаниясы 5,2 млрд теңге шығын келгені туралы...

Еуропалық патенттік кеңсе (ЕПК) америкалық Pfizer Inc. (SPB: PFE) мен германиялық BioNTech және Moderna Inc. (SPB: MRNA) арасындағы патент бойынша дауға нүкте қойып, соңғысы жеңіске жетті. Бұл туралы reuters хабарлады.  

Бұл жеңіс Moderna-ға COVID-19 вакциналарын сатудан түскен пайданың бір бөлігін қалпына келтіруге көмектесуі мүмкін.

«Біз Еуропалық патенттік кеңсенің EP949 патентінің жарамдылығын растау туралы шешім қабылдағанын қуана хабарлаймыз. Бұл Еуропадағы соттарда Pfizer және BioNTech сот ісін жүргізуде бекітілген негізгі патенттердің бірі»,– деді Moderna еуропалық БАҚ-на.

EPК шешімінің мәтіні алдағы айларда жарияланады.

Іскерлік БАҚ-ның сауалына жауап берген Pfizer «апелляцияға тоғыз ай уақыт бар, компания...

Шымкент әкімінің бұрынғы орынбасары Мақсұт Исаховқа қатысты сот үкімі шықты. Ол 8 жыл 5 ай жеті күнге бас бостандығынан айырылды. Бұл жайлы Шымкент қаласы қылмыстық істер жөніндегі мамандандырылған ауданаралық сотының баспасөз қызметі хабарлады.

Шымкент қаласы әкімінің бұрынғы орынбасары аса ірі мөлшерде пара беруге оқталды деп күдіктелген. Исахов Шымкент қаласы әкімінің орынбасары бола тұра, Шымкент қаласы бойынша ҰҚК департаментінің бірінші орынбасарына әкімшіліктің лауазымды тұлғаларына қатысты қозғалған істі қысқарту үшін аса ірі мөлшерде – 200 мың доллар пара беруге оқталған деп айыпталған.

Баспасөз қызметінің хабарлауынша, сотталушының кінәсі куәлердің жауаптарымен, сот сараптамаларының қорытындыларымен, жасырын тергеу әрекеттері (ЖТӘ) нәтижелерімен және басқа...

2024 жылдың басынан бері 89 мың адам жұмысынан айырылуына байланысты төлем алуға өтініш берген. Еңбек министрлігінің дерегі бойынша, Мемлекеттік әлеуметтік сақтандыру қорынан қазір 143,3 мың адам жұмыссыздық бойынша төлем алып отыр. Оларға қордан жалпы көлемі 25 млрд теңге төленген.

Ресми дерекке сүйенсек, 1 айда Қазақастанда 22,2 мың адам жұмысынан айырылған. 1 сәуірдегі дерек бойынша, наурызда 66,8 мың адамға төлем алғаш тағайындалған. Ал ақпан айында ресми жұмысынан айырылғандардың қатары 17 мың адамға толығып, 49,8 мың болған. Қаңтар айында 25 мың адамға төлем тағайындалды. Жалпы 1 мамырда биыл жұмысынан айрылғандардың қатары 89 мың адамға жеткен.

Қазіргі заңға сәйкес, жұмыссыз...

Қазақстан Көлік министрлігі қазақстандық жүк көлік жүргізушілеріне Еуропа елдерінің 10 мыңға жуық қосымша рұқсаттама бланкілерін алды.

Министрлік ақпаратына сүйенсек, ведомство Латвия, Литва және Эстониямен автотасымалдау саласындағы бірқатар келісімдерге қол жеткізген.

«Латвия, Литва және Эстониядан алынған өзара алмастырылатын рұқсат бланкілерінің 70 пайыздан астамы қазақстандық тасымалдаушыларға берілген. Іссапар барысында қазақстандық тарапқа рұқсат бланкілерінің санын арттыру бойынша уағдаластыққа қол жеткізді. Латвия – 6 мың, Эстония – 800 және Литва – 3 мың бірлік рұқсат бланкісін бермек. Биылдың өзінде бұл елдерден алынған рұқсат бланкілерінің жалпы саны шамамен 29 мың бірлікке жетті. Қосымша рұқсат бланкілері санының артуы Қазақстан мен Еуропа елдер...

«ҚазМұнайГаз» ұлттық компаниясы» АҚ 2024 жылдың бірінші тоқсанына арналған өндірістік нәтижесін жариялады. Есепке сенсек, 2024 жылдың бірінші тоқсанында өткен жылдың сәйкес кезеңімен салыстырғанда мұнай және газ конденсатын өндіру көлемі 1,7%-ға артқан.

Осы жылдың бірінші тоқсанында ҚМГ 6 064 мың тонна мұнай, 2 522 млн текше метр газ өндірген. Өткен жылы бұл көрсеткіш 5 961 мың тоннаны құраған. Ал газ өндіру +4,6%-ға артып отыр, 2023 жылдың сәйкес кезеңінде елде 2 410 млн текше метрі газ өндірілген.

ҚМГ хабарлауынша, мұнай тасымалдау көлемі де артқан. Мұнай тасымалы биылғы жылдың алғашқы тоқсанында 14,2%-ға ұлғайып, 21 541 мың тоннаны құраған. Ал өткен жылдың сәйкес кезіңінде...

21 мамырда сағат 10:00 Алматы қаласында жалпы қалалық сейсмикалық жаттығу өтеді. Бұл туралы Алматы қаласы әкімдігі хабарлады.

«Құлақтандыру қондырғылары іске қосылған кезде білім беру мекемелерінде, адамдар көп жиналатын орындарда азаматтарды ғимараттардан алдын ала белгіленген қауіпсіз орындарға эвакуациялау элементтерін пысықтай отырып, субъектілік сейсмикалық жаттығулар жүргізіледі», – делінген әкімдік хабарламасында.

Осыған байланысты төтенше жағдайлар департаменті тұрғындар мен қала қонақтарын сабыр сақтауға шақырып, бірнеше ескерту жариялады:

Ішкі істер министрлігі 25 мамырда қаупсіздік шараларын сақтау туралы түлектер мен олардың ата-аналарына үндеу жасады.

Polisia.kz ақпаратына сүйенсек, ІІМ ресми өкілі Шыңғыс Алекешев биыл 25 мамырда еліміздің барлық мектебінде оқу жылының аяқталуына байланысты сынып сағаттары өткізілетінін еске салды.

 «Құрметті ата-аналар мен түлектер, салтанатты іс-шаралар барысында полиция органдары қоғамдық тәртіп пен жол қауіпсіздігін қамтамасыз ету бойынша барлық шараны қабылдайтын болады. Ішкі істер министрінің тапсырмасы бойынша әрбір оқу орнына жауапты полиция қызметкері бекітілді. Патрульдік нарядтар іс-шаралар өткізілетін орындарға барынша жақын болады»- деді ол.

Ведомство өкілінің айтуынша, мектептегі «соңғы қоңыраулар» аяқталғаннан кейін ата-аналардың рұқсатымен көптеген түлек...

Пәкістан Қырғызстанда оқып жатқан 540 студентін елге қайтару үшін 3 арнайы коммерциялық рейс жіберу туралы шешім қабылдады. Бұл туралы елдің Лахор қаласында өткен баспасөз мәслихатында Пәкістан сыртқы істер министрі Мухаммед Исхак Дар айтты.

ArabNews басылымының ақпаратына сүйенсек, министр елге жалпы саны 670 адамның кері қайтарылатынын айтқан.

«Кеше Пәкістанға коммерциялық рейспен 130 жуық студент оралды. Бүгін үш арнайы коммерциялық рейс ұйымдастырылады. Тағы 540 студент қайта алады, жалпы саны — 670 адам елге оралады», – деді министр.

Ол жағдайға байланысты Қырғызстан сыртқы істер министрі Жиенбек Құлыбаевпен телефон арқылы сөйлесіп, келіссөздер жүргізгенін айтқан. Сонымен қатар Бішкектегі Пәкістан азаматтарына қатысты болған оқиға туралы талқылаған. Келіссөздер барысында қандай...

Қызыл Ай ұйымының ирандық құтқарушылары ел президенті Ибрахим Раиси отырған тікұшақ құлаған сәтте оның жолаушыларының барлығы қайтыс болғанын хабарлады. 10 сағаттан артық іздеу жұмыстарымен айналысқан құтқарушылар толыққанды жанып кеткен тікұшақты ғана тапқан.

Ұйымның басшысы Пир Хосейн Коливанд Иран президентінің тірі қалғаны туралы нақты ақпарат жоқ екенін айтты. Оның сөзінше, құтқарушылар апат болған жерді тексеріп үлгерген, алайда тірі қалған адамды таппаған. Жария болғаны бейне кадрларда тікұшақтың толыққанды өртеніп кеткені байқалады.

Астана уақытымен таңғы сағат 5:30 шамасында түрік Байрактар Акинчи іздеу құралы тікұшақ құлаған орынды тапқан. Оқиға орнына жеткен құтқарушылар тікұшақты тауып, оның өртеніп кеткенін хабарлаған.

Reuters агенттігінің ақпаратына сүйенсек, Иран...

Бұрынғы Қаржы министрі Ерұлан Жамаубаев Президент кеңесшісі қызметіне тағайындалды. Бұл туралы Ақорда хабарлады.

«Мемлекет басшысының өкімімен Ерұлан Кенжебекұлы Жамаубаев Қазақстан Республикасы Президентінің кеңесшісі лауазымына тағайындалды», – делінген Ақорда хабарламасында.

Ерұлан Жамаубаев 2024 жылы ақпан айының басында Президент өкімімен тараған Әлихан Смайыловтың Үкімет үйінде вице-премьер және Қаржы министрі лауазымдарын қатар алып жүрген. Алайда жаңа премьер Олжас Бектеновтің командасына енбей қалған.

Ол 2020 жылдан бері Қаржы министрі лауазымын атқарған. Оған дейін әр жылдарда Ұлттық банкте, «Қазақстан тұрғын үй құрылыс банкінде», Президент әкімшілігінде қызмет еткен. 2018-2019 жылдары бұрынғы Президент Нұрсұлтан Назарбаевтың көмекшісі болған.

5 ақпанда Қазақстан Президенті Қасым-Жомарт Тоқаев Үкімет отставкасын қабылдап...

«Ашық НҚА» порталында Қазақстан Республикасындағы нормашығармашылықты жетілдіру жөніндегі консультативтік құжат жарияланды.

Осының негізінде әкімдіктерге заң жобалары бойынша енді қоғамдық тыңдаулар өткізуді міндеттеу қарастырылуда. Себебі заң жобаларын нормативтік құқықтық актілер порталында жариялау тиімсіз деп есептелініп отыр.

Құжатты ұсынған орган әкімдіктерді заң жобаларын дайындауға тарту жақсы нәтиже беретініне сенімді:

 «Ақпаратқа қол жеткізу туралы» заңның қабылдануымен НҚА жобалары мен заң жобаларының тұжырымдамасы «Ашық НҚА» интернет-порталында жария...

Иранның Tasnim басылымы президент Ибрахим Раиси мен сыртқы істер министрі Хосейн Амир Абдулахиан мінген тікұшақтың Шығыс Әзербайжан аймағында апатқа ұшырағанын, бірақ борттағылардың аман қалғанын хабарлады.

Жалпы үш тікұшақ бірге ұшқан. Оның ішінде шенеуніктер мен министрлер мінген екі әуе көлігі діттеген жеріне аман-есен жеткен.

Шетелдік басылымдар тұманның президент тікұшағының қонуына кедергі болғанын хабарлады. Ибрахим Раиси сапарын құрлықта жалғастырған. Кейін делегация мүшелерінің бірі байланысқа шыққан.

Құтқарушылар тобы апат орнына (немесе қатты қону) жетуге тырысуда.

Әзірге Иран билігінің ресми мәлімдемесі жоқ. Бортта Раисимен бірге Сыртқы істер министрі Хосейн Амир Абдулахиан, Аятолла аль-Хашем, имам Джума-Тебриза да болған.

Ибрахим Раисидің Әзербайжан президенті Илхам Әлиевпен...

2024 жылдың наурыз айында Өзбекстан автонесие нарығы соңғы екі жылда ең төменгі деңгейге дейін төмендеді. Жалпы көлік сатылымы да төмендеп жатыр. 2024 жылдың үш айында жаңа және жүрілген жеңіл автокөліктер бір жыл бұрынғы бірінші тоқсанмен салыстырғанда 3,2%-ға аз сатылды. Ал сәуірде сатылым наурыз айымен салыстырғанда 18,6%-ға төмендеді. Өзбекстанның көлік нарығында не болып жатқаны – «Курсив» материалында.

Шектеуге тап болды

Өзбекстандағы автокөлікті несиеге алу көлемі Өзбекстан Республикасының Орталық банкі автонесие ЕДБ портфелінде 25%-дан аспауы керек деген шектеу енгізгеннен кейін төмендей бастады. Жаңа ереже 2023 жылдың екінші жарты жылдығынан бастап қолданыла бастады.

Бір жыл бұрын, 2023 жылдың мамыр айында Өзбекстанда...

SpaceX және Tesla компанияларының миллиардер басшысы Илон Маск пен Индонезияның денсаулық сақтау министрі Буди Гунади Садикин кең архипелагтың шалғай бөліктерінде  SpaceX спутниктік интернет қызметін іске қосты.

Маск провинция астанасы Денпасардағы денсаулық сақтау орталығында өткен шараға қатысты.

Бұл жоба елдің шалғай аймақтарындағы миллиондаған адамдардың интернет  игілігін көруіне көмектесетінін айтты. Елде 270 миллионнан астам адам тұрады және үш түрлі уақыт белдеуі бар.

«Мен байланысы төмен жерлерге қосылу мүмкіндігіне қатты қуандым», – деді Маск.

Жексенбіде Starlink Индонезияның үш медициналық орталығында, оның ішінде екеуі Балиде және біреуі Малукудағы Ару аралында іске қосылды. Жоғары жиіліктегі интернет адамдардың бойының өсуі мен тамақтың аз ішуіне байланысты денсаулы...

Польша шығыс шекарасындағы қорғанысын нығайтуға 2,5 млрд доллар жұмсамақ.  Reuters басылымының хабарлауынша, бұл шара Ресей мен Беларусь жағынан қауіптің күшеюіне байланысты қолға алынып отыр.

2021 жылы Ресейдің одақтасы Минск Таяу Шығыста Еуропаға ресми емес жол ұсынатын туристік агенттік ашты. Содан бері Польшаның Беларусьпен шекарасында мигранттар шоғырланатын болды. Еуроодақ Минсктің бұл қадамы дағдарысты күшейтетінін мәлімдеді.

Ресей Украинаны басып кіргеннен кейін, бұл әскери іс-қимылды АҚШ айыптады және Минск пен Мәскеу Польшадағы жағдайдың тұрақсыз болуына себеп болып отырғанын алға тартты.

Премьер-министр Дональд Туск 10 млрд злотаға қорғаныс бағытында ірі жоба атқарылатынын  айтты. Жобаның экологиялық  тиімділігі бар екенін атап өтті. Польша-Беларусь шекарасында заңсыз мигранттардан...

Қырғызстандағы дүрбелеңге Пәкістан билігі алаңдап отырғанын жасырмай, нақты шара қабылдайтындарын мәлімдеді. 17 мамыр күні Бішкекте жергілікті тұрғындар топ болып келіп, шетелдік азаматтарға қоқан-лоқы көрсеткен. Қырғызстан денсаулық сақтау министрлігінің мәліметі бойынша жаппай төбелестен 30-ға тарта адам жараланды. Мұның алдында Бішкектегі хостелде қақтығыс болған. Қырғызстан азаматтары жерлестеріне қол жұмсағандардан кек алуға оқталған.

Қырғызстан ұлттық қауіпсіздік комитетінің басшысы Камчыбек Ташиев жергілікті азаматтардың талабына да құлақ асқанын, кінәлілерді ұстаумен қатар Қырғызстанда заңсыз жүрген мигранттарды жедел түрде анықтайтынын хабарлады. 5 мың шетелдік азаматты тексеріп, біразын елден шығарып жіберуге шешім қабылданды. Тексерілгендердің 1300-і Пәкістан азаматы екені белгілі болды.

Пәкістан премьер-министрі Шахбаз Шариф бұл оқиғаны...

Израиль соғыс кабинетінің министрі Бенни Ганц премьер-министр Биньямин Нетаньяху соғыс аяқталғаннан кейін, Газада әрекет ету жоспарын ұсынбаса, отставкаға кетемін деп мәлімдеді.

BBC мәліметі бойынша Ганц премьер-министрге қазіргі билік құрамынан шығатынын, халық сеніміне ие болатын жаңа үкімет құратынын ескерткен.

Министр Нетаньяхудан 8 маусымға дейін алты стратегиялық мақсат бойынша жоспар ұсынуды талап етті:

Нетаньяху оған қарсылық білдіріп, Ганцтың талаптарын «Израильді жеңу, кепілге алынғандардың көпшілігін тастап кету, ХАМАС билігін сақтап қалу және Палестина мемлекетін құру» деген сарындағы үндеу деп қабылдайтынын мәлімдеді.

Израильдің Газа...

Жайық өзені суының көтерілуі салдарынан Атырау облысында автожолдар қозғалысына шектеу қойылуда.

Төтенше жағдайлар жөніндегі облыстық жедел штаб Атырау-Орал республикалық маңызы бар тас жолының 71-шақырымында жол үстімен су өткізу жалғасып жатқанын хабарлады.

«Бұл шешім өр суының көп келуіне әрі су қарқынының жоғарылығына байланысты, Махамбет ауданына қарасты Жайық бойында орналасқан елдімекендерді тасқын қауіпінен сақтау мақсатында қабылданып отыр.

Махамбет және Сарытоғай ауылы тұсына жиналған жайылымдағы өр суы жолдың екінші беті, яғни батыс жақ бетіне жіберілді. Жайық өзені жағалауынан Атырау-Орал тас жолының ара  қашықтығы шамамен 6-7 шақырымды құрайды», – делінген штаб ақпаратында.

Жедел штаб Махамбет-Индер жолы уақытша жабылғанын, бірақ ауылдарға қауіп төнген жо...

700 ден астам мұғалімнің білімін шыңдап және 5000 астам баланың мамандық таңдауына септігін тигізген  профориентологтар қауымдастығының басқарма төрайымы Жадыра Тойбай  университетке грантқа түсудің бірнеше жолы бар екенін айтады. Маман ұлттық біріңғай тестілеудің төрт кезеңінен өтпей қалған жағдайда, бесінші кезеңге тапсыруға мүмкіндік барын атап өтті.  

Биыл грантқа түсу үшін бір мамандыққа екі талапкерден таласып тұр

Аз уақыттан кейін оқу жылы аяқталады. 180 мыңнан аса оқушы мектеп бітіреді. Олардың алдарында қазір екі ұлттық біріңғай тестілеу(ҰБТ) байқауы тұр. Тесті тапсырып болғаннан кейін, сол түлектердің көбі сол межелі баллды алғандардың бәрі жоғарғы оқу орындарына құжат тапсыра бастайды.

Банктердің наурыз айындағы есебінде І тоқсандағы көш басшылар мен аутсайдерлер анықталды. Бұл кезеңнің негізгі тенденциялары: жеке тұлғалар депозиттер ағынының болмауы, заңды тұлғаларға берілетін несие портфелінің тоқырауы және екі ірі ойыншы кірісінің өсу қарқыны баяулауы.

Бизнестен келген өтімділік

Наурызда заңды тұлғалардың қаражаты өсім көрсеткен. Олар бір айда (Ұлттық банк деректері, Курсив есебі) жалпы 3,04%-ға немесе 457 млрд теңгеге өсті. Наурызда теңгенің долларға шаққандағы бағамының 0,85%-ға нығаюы нәтижесінде айырбас бағамының теріс қайта бағалануы салдарынан бизнес клиенттердің ағымдағы және жинақ шоттары бойынша қалдықтардың нақты өсімі сәл жоғары болды. Бұл ретте резидент заңды тұлғалардың депозиттері наурызда 1,5% ғана өсті. Бұдан шығатын қорытынды, наурыз...

Алматыда Mass Alert жер сілкінісін ескерту жүйесі 1 маусымға дейін пилоттық режимде іске қосылады. Бұл туралы вице-премьер Қанат Бозымбаевтың Алматыда сейсмикалық қауіпсіздікті қамтамасыз ету бойынша өткізген кеңесінде белгілі болды.

Алматы қаласының әкімі Ерболат Досаевтың айтуынша, Mass Alert жүйесінде Cell Broadcast технологиясы қолданылады. Бұл технология бүкіл абонометке бірден хабарлама жіберуге мүмкіндік тудырады.

«Mass Alert» арқылы халықты құлақтандыру желіге қосымша жүктеме тудырмайтын және базалық стансалардың антеннасын жабу аймағындағы барлық абонентті бірден және жаппай хабардар етуге мүмкіндік беретін Cell Broadcast технологиясын пайдалана отырып жүргізіледі», — деді Алматы әкімі Ерболат Досаев.

Бозымбаев халықты шұғыл хабардар ету...