Жаңалықтар

Армения ҰҚШҰ-ға мүшелігін де-юре тоқтатуы мүмкін. Бұл жайлы Армения премьер-министрі Никол Пашинян айтты. Ол ҰҚШҰ-ның республика үшін қиындықтар туғызып отырғанын мәлімдеді.

Пашинян егер ұйым республика алдындағы қауіпсіздік міндеттемелерін орындамаса, ҰҚШҰ-ға мүшелігін заңды түрде тоқтататынын айтты. Ол қазіргі уақытта ұйыммен байланыс іс жүзінде тоқтап тұрғанын мәлімдеді. Яғни қазіргі уақытта Ереван ұйымға мүшелігін де-факто тоқтатқан, бірақ бұл шешімін де-юре мәртебесіне көшіруге дайын екенін жеткізді.

«ҰҚШҰ Армения алдындағы қауіпсіздік саласындағы міндеттемелерін орындаудың орнына, керісінше, Армения Республикасы үшін қиындықтар туғызып отыр»,  – дейді Армения басшысы.

Пашинян альянста Арменияның тұрақты өкілінің жоқ екенін және ұйымның жоғарғы деңгейде...

Орал қаласының полициясы 600-ге жуық киік мүйізін тәркіледі. Бұл жайлы Ішкі істер министрлігінің баспасөз қызметі хабарлады.

Ақбөкен мүйіздері Атырау облысы тұрғынының атокөлігінен табылған. Бұл заңбұзушылық «Браконьер» жедел профилактикалық іс-шарасы барысында анықталған. Тексеру барысында автокөліктен 593 дана киік мүйізі табылған.

Баспасөз қызметінің хабарлауынша, қазіргі таңда автокөлік жүргізушісі уақытша ұстау изоляторына қамауға алынған. Ал аталған факті бойынша қылмыстық іс қозғалып, Тергеу жұмыстары басталған.

Еске ала кетсек, киік жануары қазір саны реттелетін жабайы жануарлар санатына енді. Соған байланысты киікті атуға ресми түрде рұқсат берілген болатын. Киікті сақтау бойынша қабылданған шаралардың нәтижесінде олардың саны 1,9 млн дараққа дейін жеткені жазылған. Ал...

Келер жылы бөлшек инвесторларға жалпыға бірдей салық декларациясын толтыру қиынға соғуы мүмкін. Олар Салық кодексінің 363-бабы бойынша 240.00 кіріс нысанын тапсырады. Бұл туралы Алматыда өткен Freedom Tax Talks конференциясында брокерлік компаниялар мен сауда алаңдарының өкілдері бөлшек инвесторларда қандай проблемалар туындайтынын және Қазақстанда салықтық әкімшілендіру институты пайда болуы мүмкін екенін талқылады.

2023 жылдың соңында брокерлерге салық агенттерінің функцияларын беру ұсынылған еді. Қазір қазақстандық қор нарығындағы операциялар бойынша салықтар мүлдем алынбайды. Талқылау шетелдік биржадағы операциялар салығына қатысты болып отыр.

Freedom Finance Global директорлар кеңесінің төрағасы Сергей Лукьянов клиенттердің тәжірибесін сипаттай отырып, азаматтарға салық декларациясын толтыру тәртібі толық түсіндірілмегенін айтады. Әсіресе, «шетелдегі мүлік» тармағы сұрақтар туғызады. Оны активтер сақталған немесе операция жасалған жерде...

Қазақстанда 2023 жылдың аяғында 2 миллионға жуық инвестор тіркелген. Алайда оның ішінде тек 1 673 инвестор ғана өзінің инвестициялық табысы туралы декларация тапсырған. Бұл туралы Алматыда өткен Freedom Tax Talks конференциясында EY салық кеңесшісі Владимир Фесенко айтты. 

Оның пікірінше, мәселе 10% жоғары мөлшерлемеде емес, салық салу заңнамасындағы әділетсіздікте болып тұр. Сарапшы қазақстандық заңнаманың алты проблемасын атап өтті. 

«Ең маңызды мәселе – бізде инвестициялық қызметтен түскен жиынтық табыс қосылмайды. Яғни брокерлік есебімізді аламыз және оны нарықпен салыстырып, айырмашылықты білеміз. Кейбір эмитенттер құлдырады, кейбірі өсті. Біз таза қаржылық нәтижеге қараймыз. Нені таптық, не жоғалттық. Өзге елдердегі ережелер бойынша...

Мойындалмаған Приднестровье республикасы Молдованың «экономикалық блокадасына» байланысты Ресейден көмек сұрады. Бұл туралы республика депутаттарының съезінде қабылданған қаулыда жазылған, деп хабарлайды РБК.

Құжатта мәтініне сүйенсек, Приднестровьеде 220 мың Ресей азаматы тұрақты тұрады.

«Федерация Кеңесі мен Ресей Мемлекеттік Думасына Приднестровьеде 220 мыңнан астам ресейлік азаматтың тұрақты тұратынын ескере отырып, Молдова тарапынан қысымның күшеюі жағдайында Приднестровьені қорғау шараларын жүзеге асыру туралы өтінішпен жүгіну туралы шешім қабылданды», – деп жазылған қарарда.

Сондай-ақ депутаттар БҰҰ Бас хатшысына «халықаралық нормалармен» кепілдік берілген Приднестровья халқының ажырамас құқықтарын ескеруді сұрады.

«Молдавияның Приднестровье азаматтарының құқықтары мен бостандықтарын бұзуын тоқтатыңыз және шиеленістің ушығуына әкелетін арандатушылықтарға жол бермеңіз...

Қазақстан халықтық партиясының депутаттары «Отбасы банкінің» ипотекалық несиенің барлық сомасына пайыз есептеу әділетсіздік деп санайды. Олар Премьер-Министр Олжас Бектеновке жолдаған депутаттық сауалында бұл механизмді қайта қарауды ұсынды.

Депутат Ислам Сұңқар «Отбасы банкінде» ипотека алған азаматтар қаржы ұйымында сол соманың жартысын жинайтынын айтады. Кейінірек банк клиентке қалған бөлігін береді. Бұл ретте тұрғын үйдің барлық құнына пайыз жүреді. Яғни адамның өз қаражаты есебінен де, берілген сомаға да есептеледі.

«Мысалы, клиент 10 миллион әкелсе, банк оған 10 миллион береді, ал сыйақы мөлшерлемесі 20 миллион теңгеге есептеледі. Адамға өз ақшасын пайызбен беру және бұл үшін қосымша банк комиссиясын алу қаншалықты әділетті? Салымшылардың наразылығына...

Мемлекет басшысы Қаржылық мониторинг агенттігінің төрағасы Дмитрий Малаховты қабылдады.

Дмитрий Малаховтың айтуынша, қылмыстық жолмен түскен кірістерді жылыстатуға қарсы күрес саласында 5,7 мыңнан астам тұтынушымен іскерлік қарым-қатынас тоқтатылған. Сонымен қатар криптовалюта айырбастайтын 1,5 мыңнан аса заңсыз онлайн-сервис анықталып, бұғатталған. Тағы 49 заңсыз майнер әшкереленген. Қазір оларға қатысты тексеру жұмысы жүргізіліп жатыр.

Сондай-ақ террористік және экстремистік ұйымдардың шоттарына қаржы аударуға қатысты 1,2 мың әрекет анықталды. Оларға шектеу қойылған.

«41 қаржы пирамидасы жойылды. Зардап шеккендерге 4,6 миллиард теңге қайтарылды. Алаяқтық белгілері бар 8 мыңнан астам сайт пен аккаунт бұғатталды. 4,8 мың онлайн-казино сайтының қызметі тоқтатылды. Екінш...

Әлия Назарбаеваға қарсы арыз Активтерді қайтару жөніндегі комитетке жолданды. Ұлттық баспасөз клубында осы тақырыпқа қатысты баспасөз мәслихаты өтті.

Нұрсұлтан Назарбаевтың қызы Әлия Назарбаева мен Конституциялық кеңестің бұрынғы төрағасы Игорь Роговтың әйелі Валентина Рогова рейдерлік шабуыл жасады деп айыпталуда.

«2003 жылы танымал әулет өкілі өз ықпалын пайдалана отырып, құны 170 миллион долларды құрайтын (2003 жылғы есеп бойынша) жеті мұнай базасын тартып алды. Сонымен қатар 96 жанармай құю станциясынан тұратын жұмыс істеп тұрған кәсіпорынды меншіктеді», – деп жазылған хабарламада.

Ұйымдастырушылардың ақпаратынша, күдіктілер бұрынғы иелерін түрмеге қамап, күш көрсетеміз деп қорқытқан. Тіпті күндіз Алматының орталығындағы кәсіп иелерінің бірінің әкесін ұрлап кеткен.

«Куәгерлерд...

Ресей «Украинадағы соғысқа арналған зымырандарды қазақтарға сынақтан өткізіп» жатқан жоқ, Қорғаныс министрінің орынбасары Шайх-Хасан Жазықбаев БАҚ-та тараған ақпаратты жоққа шығарды. Алайда ресейлік зымырандарды Қазақстанда қауіпсіз сынақтан өткізу жайлы айтқанда, Жазықбаев БАҚ-та хабарланған емес, басқа полигонды мысалға келтірді.

21 ақпанда «Новая газета – Европа» басылымы «Ресей Украинадағы соғысқа арналған зымырандарды қазақтарға сынақтан өткізіп жатқаны» жайлы репортаж жариялады. Журналистер Капустин Яр полигонында Ресей сынақтан өткізіп жатқан зымыран сынықтары түскен БҚО-дағы Бөкей орда ауданында болып қайтқан. Полигон Ресей мен Қазақстан шекарасында орналасқан. Жергілікті тұрғындар зымырандарды сынақтан өткізуден келіп жатқан экологиялық және әлеуметтік мәселелерге шағымданған. Олардың ойынша, бұл сынақтар Украинадағы соғыспен байланысты.

ҚР Көлік министрлігі Азаматтық авиация комитетінің төрағасы Салтанат Томпиева Жапонияның Қазақстан Республикасындағы Төтенше және Өкілетті Елшісі Ямада Джунмен кездесті.

Кездесу барысында тараптар Қазақстан мен Жапония арасындағы әуе қатынасын қалпына келтіру мәселесін талқылады.

Салтанат Томпиева жағымды жаңалығымен бөлісті. Оның айтуынша, 2025 жылдың бірінші жартысында екі ел арасында тікелей әуе қатынасын ашу мүмкіндігі қарастырылуда. Қазақстандық әуе компаниялар осы бағытта жұмыс істеп жатыр.

Ямада Джун өз кезегінде бұл мәселеде жан-жақты қолдау көрсетуге дайын екенін хабарлады.

Кездесу қорытындысы бойынша тараптар елдер арасындағы әуе қатынасын қалпына келтіру бойынша бірлескен жұмысты жалғастыруға келісті. Әуе қатынасы экономикалық, іскерлік және мәдени ынтымақтастықты кеңейту үшін маңызды.

Sony компаниясы PlayStation ойын бөлімінің 900 қызметкерін қысқартпақ. Бұл туралы компанияның сайтында хабарланды.

Қабылданған шешімді Sony Interactive Entertainment бас директоры Джим Райан өз қызметкерлеріне пошта арқылы хабарлаған.

«Біз бүкіл әлем бойынша қызметкерлердің жалпы санын 8% – ға немесе шамамен 900 адамға қысқарту жайлы өте күрделі шешім қабылдадық»,- делінген хабарламада.

PlayStation London Studioсы толық жабылады. Қысқарту Ливепульдегі Firesprite студиясына, Оңтүстік және Солтүстік Америкадағы, Жапониядағы және Азия-Тынық мұхитындағы бөлімшелерге де әсер етеді.

Компанияның мәлімдемесіне сәйкес, бұл шешім одан әрі табысқа жетуге кепілдік беретін ресурстарды оңтайландыру үшін қабылданды.

2022 жылы америкалық компанияларда қызметкерлерді жаппай қысқарту басталды...

«Ақжол» партиясының депутаттары еліміздегі ірі банктерді бөлуді ұсынады. Олар нарықты монополиядан арылту қажет деп санайды. Оған қоса мобильді аударымдарды толық бақылаудан бас тартуға шақырды. Премьер-министр Олжас Бектеновтің атына жолдаған сауалында Азат Перуашев 6 ірі банк ЕДБ активтерінің 67 пайызына иелік етіп отырғанын айтты.

Депутаттың пайымдауынша, 6 банктің нарықтың үштен екі бөлігін иеленуі дұрыс емес. Банк секторындағы бәсекені арттыру мен несие беруді ынталандыру үшін ірі қаржы ұйымдарын бөлу қажет.

«Ақша-несие саласында Ұлттық банктің базалық мөлшерлемесін барынша төмендетіп, банк нарығын монополиясыздандыру орынды деп санаймыз.  Бүгінгі таңда алты ірі банк барлық екінші деңгейлі банктер активтерінің 67 пайызын (үштен екі бөлігін...

Бас прокурордың орынбасары Әсет Шындалиев Ұлттық қауіпсіздік комитеті төрағасының бұрынғы бірінші орынбасары Самат Әбіш ісіне қатысты қосымша ақпарат берді.

«Мен тек істің сотта қаралып жатқанын білемін. Ол – Қазақстанда. Бұған дейін одан ешқайда кетпеу туралы қолхат алынған. Қалғанын айта алмаймын. Іс сотта қаралып жатқандықтан, оның мәртебесі сотталушы», – деді Әсет Шындалиев.

Сондай-ақ қылмыстық істе мемлекеттік құпия барын атап өтті.

Былтыр қазан айында Бас прокурордың орынбасары Әсет Шындалиев Назарбаевтың немере інісі Самат Әбіштің ешқайда кетпеу туралы қолхатпен жүргенін айтты. Оның пікірінше, тергеушілер оның қашып кетпейтініне сенімді болуы мүмкін.

«Тергеу органдары өз тергеу жұмыстарына сүйенеді. Олар...

1 наурыздан бастап республиканың біртұтас уақыт белдеуі UTC+5 болады. Маңғыстау, Атырау, Батыс Қазақстан, Ақтөбе және Қызылорда облыстарынан басқа барлық аймақта уақыт өзгереді. Осыған байланысты көптеген қазақстандық банктер клиенттерге техникалық жұмыстар мен уақытша ақаулар болатыны туралы хабарлайды.

Банктердің жұмысында не өзгереді

29 ақпаннан 1 наурызға қараған түні Қазақстан бірыңғай уақыт белдеуіне көшеді. Бұл уақытта елдегі банктердің жұмыстарында кідірістер болуы мүмкін.

Мысалы, Halyk Bank  29 ақпан күні сағат 23:00-ден 1 наурыз күні сағат 8:00-ге дейін Onlinebank-те техникалық жұмыс жүргізетінін ескертті. Сондықтан 1 наурызда кейбір қызметтер қолжетімді болмауы мүмкін. Банктің баспасөз қызметі 29 ақпанға дейін өзара есеп айырысу мен төлемдерді аяқтауға кеңес...

Beyond Meat котлет өндірушісінің құнды қағаздары Нью-Йорктегі негізгі сауда-саттықтан кейін күрт қымбаттады. Дегенмен компанияның тоқсандық шығыны Уолл-стрит күткеннен де нашар болды.

Сейсенбіде негізгі сауда-саттықта  Beyond Meat акциялары 0,9% өсім деңгейінде жабылды. Құнды қағаздар бағасы 13,17 долларды құрады. Бұл негізгі сессияның жабылу бағасынан 75% – ға асып түсіп, 103% -ға жетті, деп жазды MarketWatch.

Beyond Meat есебі

• Сауда-саттық біткеннен кейін, компания төртінші тоқсанда шығыны 155,1 миллион долларға немесе бір акцияға 2,4 долларға дейін өскенін хабарлады. Бұл көрсеткіш сарапшылар болжамынан әлдеқайда нашар болды. FactSet сауалнамасына қатысқан сарапшылар бір акцияға 89 цент шығын күткен, деп атап өтт...

Депутат Мархабат Жайымбетов биыл елімізде бюджет тапшылығы болуы мүмкін екенін айтады. Оның есебінше, Қазақстанның биылғы шығыны 24 трлн теңгеге жетеді. Бұл мәселені шешу үшін ол квазисектордың таза пайдасын бюджетке беруді және салық жеңілдіктерін 30-50 пайызға дейін қысқартуды ұсынды.

«Биыл еліміз бойынша бюджет тапшылығы болу қаупі жоғары. Бүгіннің өзінде, бюджетті толтыру бойынша көрсеткіштер көңіл көншітпейді. Еліміздің биылғы шығыны – 24 трлн теңге. Оның 16,5 трлн теңгесі табысымыз, 3,6 трлн теңгені Ұлттық қордан аламыз, 4 трлн теңге құнды қағаздарды шығарудан түсіп отыр. Яғни тапшылық 7,5 трлн теңгені құрап отыр», – деді депутат премьер-министрге жолдаған сауалында.

«КТК-Р» және «КТК-Қ» компаниялары (Каспий құбыр консорциумының (КҚК) еншілес компаниялары) 2023 жылы салығы төленбеген 2,3 млрд доллар пайда тапқан. Бұл туралы КҚК-ны басқарушы мекемелер отырысында белгілі болды.

«КТК-Р» АҚ мен «КТК-К» АҚ салық төлегенге дейінгі пайдасы шамамен 2,3 млрд АҚШ долларын құрады», – делінген хабарламада.

Жыл басынан бері КҚК құбыр жүйесі арқылы 11 миллион тонна CPC Blend мұнайы жеткізіліп, 100 танкер тиелген. КҚК құбыр жүйесіндегі тар құбырларды кеңейту жобасы аяқталып қалды. Ескі жабдықтар ауыстырылып жатыр. Бұл жоба Теңіз-Новороссийск мұнай құбырының Қазақстан аумағы арқылы өткізу қабілетін жылына 72,5 млн тоннаға, Ресей аумағы арқылы жылына...

Байланыс оперторлары мүгедектігі бар адамдарға жеңілдікті тарифтер беруге міндеттеледі. Мәжілісте депутаттар тиісті заң жобасын екінші оқылымда мақұлдап, Сенат қарауына жіберді.

Депутаттар әзірлеген заң жобасы негізінде 36 заңнамалық актіге, оның ішінде 8 кодекске және 28 заңға өзгерістер мен толықтырулар енгізу көзделген. Депутат Екатерина Смышляева заң жобасы негізінде елдің шалғай өңірлерін интернетпен қамту мүмкіндігі кеңейіп, жолдағы байланыс инфрақұрылымдарының жақсартуға мүмкіндік туатынын айтты.

«Пилоттық жоба шеңберінде геостационарлық емес OneWeb, Starlink спутниктерін пайдалана отырып, байланыс технологияларын реттеу көзделеді. Мұны байланыс саласындағы уәкілетті орган және Ұлттық қауіпсіздік комитеті айқындайды. Бұл шалғай ауылдардағы әлеуметтік нысандарды интернетпен қамтамасыз етуге мүмкіндік беред...

2023 жылы банк секторы бизнеске 16 трлн теңге жаңа несие берген. Бұл 2022 жылмен салыстырғанда 22% немесе 2,9 трлн теңгеге артық. Қазақстан қаржыгерлер қауымдастығының сарапшылары былтырғы көрсеткіш Президент Қасым-Жомарт Тоқаев белгілеген межеден асып түсті деп тұжырымдайды.

2023 жылдың қыркүйегіндегі жолдауында Президент банктерге экономикаға берілетін несиені арттыруды тапсырды. Сонда «нақты секторға берілетін несие көлемінің жыл сайын 20 пайыз және одан да жоғары деңгейде өсуін қамтамасыз ету – маңызды міндет» деген. ҚҚҚ сарапшылары былтыр банк секторы берген 16 трлн теңге несие (22%) жоспарлы көрсеткіштен асып түскенін айтады.

Ел экономкасының кейінгі 10 жылдағы қарқынды өсімі несиеге деген сұранысты арттырды...

Алматыда жер сілкінісі болған жағдайда өңірлерден көмек қанша уақытта келеді? Бұл сұраққа Мәжіліс кулуарында Төтенше жағдайлар министрінің орынбасары Бауыржан Сыздықов жауап берді.

«Жер сілкінісі болған жағдайда бірінші кезекте жергілікті күштер жұмыс істейді. Ол – бірінші эшелон. Оның құрамында ТЖД ғана емес, барлық күштік құрылымдар, мемлекеттік мекемелер жұмыс істейді. Одан кейін жоспар бойынша жақын орналасқан өңірлер, кейін алыстағы өңірлер күштерін жұмылдырады. Оған дейін бізге 4 сағаттан 24 сағатқа дейін уақыт керек болады», – деді вице-министр.

Сонымен қатар Бауыржан Сыздықов Алматыда 23 қаңтардағы дүмпулер кезінде дабыл қағу жүйесі қосылмағаны үшін ТЖД қызметкерлері жазаланғанын айтты.

Бұрынғы Әділет министрі Марат Бекетаевты қамауда ұстау мерзімі тағы ұзарды. Бұл туралы Астана қаласының мамандандырылған ауданаралық тергеу соты хабарлады.

«Астана қаласының мамандандырылған ауданаралық тергеу сотымен күдікті М. Бекетаевқа қатысты күзетпен ұстау түріндегі бұлтартпау шарасын 2024 жылғы 21 наурызға дейін ұзарту санкцияланды. Өзге мәліметтер ҚР Қылмыстық-процестік кодексінің 201-бабына сәйкес жариялануға жатпайды», – деп жазылған хабарламада.

Еске сала кетсек, былтыр 23 қазанда Сыбайлас жемқорлыққа қарсы іс-қимыл агенттігі бұрынғы Әділет министрі Марат Бекетаевтың ұсталғанын растады.

«Ұсталған адамның бұрынғы әділет министрі М. Бекетаев екенін растаймыз.
Қазіргі уақытта күдікті соттың санкциясымен қамауға алынды. Тергеу мүддесіне орай өзге ақпарат жария етуге жатпайды...

Уолл-стриттің жетекші банкирлері 2024 жылдың басындағы жақсы нәтижелерге қарамастан, бірігу мен кірігудің жағдайына қарап, мұқият зерттеу жасайтын болған. Мәселен, сарапшылар алтынның 2025 жылы 3000 долларға, мұнайдың 100 долларға жететінін, ал биткоинның 2021 жылдан бері жоғары нәтиже көрсетіп келе жатқанын жоққа шығармайды. Әлемдік БАҚ-дың мәліметтеріне сүйене отырып Қор биржасына шолу жасайық.

Yahoo Finance жазғандай, бірқатар қаржыгерлер 2024 жылдың басында байқалған бірігу мен сатып алу санының қалпына келуін бағалауға әлі асықпайды.

Goldman Sachs компаниясының бас директоры Дэвид Соломон UBS қаржылық қызметтер конференциясында 2022 және 2023 жылдардағы «азғантай» белсенділікпен салыстырғанда «жағдай жақсарды» деп мәлімдеді. Алайда, ол инвестициялық банк секторы соңғы онжылдықтағы тарихи...

13 ақпанда Қазақстан Республикасы Президентінің Жарлығының жобасы жарияланды. Онда Бәсекелестікті қорғау және дамыту агенттігі (БҚДА) туралы ережеге өзгерістер мен толықтырулар енгізу арқылы БҚДА функцияларын кеңейту көзделген. Бұл туралы пікірімен Halyk Finance Талдау орталығының сарапшысы Мадина Қабжалялова бөлісті.

Ең алдымен, өзгертулер Агенттіктің нормативтік құқықтық актілерді, соның ішінде заңдарды шектеулер мен бәсекелестіктің болмауын қарастырады.

«Бәсекелестікті қорғау және дамыту агенттігі мемлекеттік және квазимемлекеттік кәсіпорындар үшін қызмет түрлерін қалыптастыру қағидаларын әзірлеу және бекіту мүмкіндігіне ие болуы мүмкін. Тағы бір маңызды жаңалық, ведомство мемлекеттік бағдарламалардың операторларына мониторинг жүргізу қағидаларын әзірлеуі ықтимал», – деп жазылған талдауда.

Осылайша, мемлекеттік секторға...

Қазақстанның депозиттерге кепілдік беру қоры наурыз айына жеке тұлғалардың теңгедегі депозиті бойынша шекті мөлшерлемені бекітті. Ақпан айындағы көрсеткішпен салыстырғанда, кейбір депозиттердің мөлшерлемесі сәл азайған. Дегенмен мерзімі 24 айдан асатын, толықтыруға болмайтын депозиттердің мөлшерлемесі екі есе дерлік өсіп, 6,4%-дан 12,3%-ға жеткен.

Өзге депозиттер бойынша мөлшерлеме аздап төмендеп, не бұрынғы деңгейінде қалған. Мерзімсіз салымдардың мөлшерлемесі 14,3% деп белгіленген. Бұл ақпан айындағы көрсеткіштен 0,5%-ға аз.

Толықтыру құқығы бар салымдардың арасында 6 және 24 айлық депозиттердің мөлшерлемесі азайды. Сәйкесінше 17,5% бен 8,1% деп белгіленген. Мерзімін 24 айдан асатын, толықтыру құқығы бар депозиттердің мөлшерлемесі 11 пайыз болмақ.

Толықтыру құқығынсыз мерзімді салымдар...