Жаңалықтар

Қазақстанда су тасқыны қаупі сейілген жоқ. Елдімекендерді әлі де су басып жатыр. БҚО, СҚО, Ақтөбе, Ақмола, Қостанай облыстары әлі де қарғын сумен күресіп жатыр.

Батыс Қазақстан облысында Жайық өзені мен сол маңдағы шағын өзендер арнасынан шығып аймақтағы елдімекендерге қауіп төндірді.

Батыс Қазақстан әкімдігінің хабарлауынша, Оралдағы Шаған және Деркөл өзендері қауіпті деңгейден асып кеткен.

«Деркөл өзенінің гидробекетінде судың деңгейі 708 сантиметрді құрады. Қауіпті деңгей 600-650 см. Ал Шаған өзенінің гидробекетінде 1264 см құрады. Сонымен қатар Жайық өзенінің деңгейі бүгінгі күні 583 см-ді құрады. Шаған мен Деркөл өзені максималды деңгейде бір арнада тоғысты. Жайық өзенін...

Түркияда Ван провинциясының сайлау комиссиясы DEM партиясының кандидатын науқаннан шығарып тастағаннан кейін бірнеше қалада қарсылық акциялары болды.

NTV арнасының ақпаратына сүйенсек, наразылық Ван провинциясында күрт партиясының кандидаты Абдулла Зейданның сайлаудан шеттетілуі туралы шешімінен кейін басталды.

Хаккари, Диярбакир, Сиирт, Батман, Битлис, Ширнак және Измир қалаларында демонстранттар көшеде от жағып, бөгеттер қойып, гүлзарларды бұзып, көліктерге зақым келтірген.

Қарсылық акцияларына шыққан азаматтар орталық алаңдарға жиналып, кейін шеруге ұласқан. Жергілікті БАҚ-тың ақпаратына сүйенсек, елде 89 адам ұсталған.

Түркияда сайлау қорытындысы

Түркия президенті Режеп Тайып Ердоғанның Әділет және даму партиясы муниципалдық сайлауда алғаш рет оппозициядан жеңілген. Ердоғанның партиясы оппозициядағы Халықтық-республикалық партиясынан жеңіліп, Ердоған партиясы 35,6%, оппозициялы...

Алматыда баспананы жалға беру құнының өсу қарқыны баяулаған. Оны numbeo.com мәліметтері көрсетіп отыр. Соңғы жарты жылда жалдамалы пәтерлер бағасы 2,9%-ға ғана өскен. Соған қарамастан, Алматыдағы пәтерді жалға беру құны әлемнің танымал туристік жерлерінің жалға беру құнынан қалыспайды. «Курсив» баспананы жалға беру бағасы Алматымен бірдей немесе одан да төмен әлемнің курорттық және бас қалалары жайлы ақпаратты ұсынады.

Алматының жалға беру нарығы ресейліктердің қоныс аударуы кезіндегі шарықтап кеткен бағадан саябырсыған. Егер 2022 жылдың қазаны мен 2023 жылдың наурызы аралығында оңтүстік астананың орталығында пәтер жалдау 53%-ға күрт өскен болса, 2023 жылдың сәуірі мен қыркүйегі арасында тек 6,1%-ға ғана көтерілген. Ал соңғы...

Қырғызстанда 5 сәуірден бастап ресейлік «Мир» төлем карталары жұмысын тоқтатады. Бұл жайлы Қырғызстанның «Елкарт» төлем жүйесінің операторы хабарлаған.

АҚШ қазынашылығы «Мир» төлем жүйесінің операторына қарсы санкция салғаны себепті «Елкарт» операторы санкциялар тәуекелін азайту мақсатында осындай шешімге келген.

«Қайталама санкциялардың тәуекелін барынша азайту мақсатында «Елкарт» Банкаралық процессингтік орталығы ұлттық төлем жүйесінің үздіксіз жұмысын қамтамасыз ету мақсатында 2024 жылдың 5 сәуірінен бастап «НСПК» АҚ-мен қарым-қатынастың тоқтауына байланысты оның инфрақұрылымындағы «Мир» банк карталарына қызмет көрсетуді тоқтататыны туралы хабарлайды», – делінген хабарламада.

Солайша 5 сәуірден бастап «Мир» карталарының Қырқызстандағы тұтынушылары қолма-қол ақшасыз төлемдер жасау, банкоматтардан қолма-қол...

Тайвань аралының шығыс жағалауында 7,4 баллдық жер сілкінісі болды. Аралда және көрші елдерде цунами қаупі туралы ескерту жария болды.

АҚШ Геологиялық қызметінің мәліметі бойынша, эпицентр Тайваньның Хуалян қаласынан оңтүстікке қарай 18 км жерде орналасқан. Сейсмологтар бұл Тайваньдағы соңғы 25 жылдағы ең ірі жер сілкінісі болғанын айтады. Нақты уақыты Гринвич бойынша 23:58 деп жазылған.

BBC ақпаратына сүйенсек, жер сілкінісінен кейін көп ұзамай Жапония мен Филиппинде цунами туралы ескерту жарияланды. Кейінірек жапондық метеорологиялық агенттік ескерту деңгейін төмендетті. Дегенмен қуаттылығы 7,5 деңгейіндегі жер сілкінісі бір апта ішінде тағы болуы мүмкін екені ескертілді.

Тынық мұхиты цунами туралы ескерту орталығы жер сілкінісінен екі сағат...

Астанада KazChess Awards – шахмат әлеміндегі Оскар сыйлығын табыстау шарасы ұйымдастырылды.

Қазақстан шахмат федерациясының президенті Тимур Турлов шахмат қауымының үздік өкілдерін марапаттады. Олардың арасында спортшылар, жаттықтырушылар мен төрешілер бар. Биыл аталымдар тізімі 12 санатқа дейін артты, былтыр 9 аталым болды. Бұл шараға Freedom Holding Corp қолдау білдірді.

«KazChess Awards жүлдесі дәстүрге айналып келеді. Осымен екінші жыл қатарынан үздік спортшыларды, жаттықтырушыларды, төрешілерді және Қазақстандағы шахмат спортының дамуына белгілі үлес қосқандарды марапаттадық. Бұл – өте маңызды шара, өйткені табанды еңбек жолы әділ бағалануы керек және лайықты түрде ынталандырылуы керек. Ал 2023 жыл оқиғалар мен жетістіктерге толы жыл...

Қазақстанда ең төменгі күнкөрістің деңгейі наурыз айында 48 692 теңгеге жетті. Бұл туралы Ұлттық статистика бюросы хабарлады.

Ресми есеп бойынша елімізде тұрғындар азық-түлік алуға 26 781 теңге, басқа тауарлар мен ақылы қызметтерге 21 911 теңге жұмсайды. Маңғыстау облысында ең төменгі күнкөріс деңгейі – 59 404 теңге. Ең жоғары деңгей осы облыста. Ал Ақтөбе облысының тұрғындары үшін 43 611 теңге жеткілікті. Күнкөріс деңгейінің есебі бойынша ең аз көрсеткіш Ақтөбеде. Ал Астана 53 173 теңгені, Алматы 51 615 теңгені, Шымкент 48 545 теңгені қанағат тұтады.

Айта кетейік, күнкөріс деңгейі ең төменгі тұтыну себетіне тең. Себет бойынша азық-түлік, коммуналдық қызмет, көлік, медициналық, білім...

Елде су тасқынының қатері әлі сейіле қоймады. Адамдар баспанасын тастап, пана болатын жерлерге бас сауғалап жатыр. «Мал ашуы – жан ашуы» демекші төрт түлігінен айырылып қалып, атқамінерлерге өкпе-базынасын айтып жатқан шаруалар да жеткілікті. ҚР Ауыл шаруашылығы министрлігі малды қауіпсіз жайылым жерге айдау үшін шұғыл шаралар қабылдап жатқандарын хабарлады. Бұған дейін қамсыз отырған ведомстволар енді қауырт қимылдауда.

«Жедел деректер бойынша шамамен 30 мың бас мал қауіпсіз жерге айдалды. Сонымен қатар қауіп-қатердің әлі де сейілмей отырғанына және су тасқынының болжамды екінші толқынына байланысты жергілікті атқарушы органдар халықты ақпараттандыру және қауіпті жерлерден малды алдын ала айдап әкету бойынша...

Qarmet (бұрынғы ArcelorMittal Temirtau) активтері бизнесмен және Allur Auto компаниясының иесі Андрей Лаврентьевке сатылғанға дейін берілген Qazaqstan Investment Corporation (QIC) мемлекеттік қорының таза пайдасы 2,7 есеге, 3,8 миллиард теңгеге дейін қысқарды. Бұл туралы Қазақстан қор биржасының (KASE) сайтында жарияланған қордың қаржылық есебінде жазылған.

Таза пайда мөлшері

Таза пайда шетел валютасымен операциялар бойынша шығындардың ұлғаюына байланысты төмендеді. 2022 жылдың аяғында 728,8 млн теңге кіріс түсті. Ал 2023 жылдың соңында – 88 млн теңге шығын тіркелді. Негізгі қызметтен түскен кіріс 5,6 млрд теңгеге азайып, 11,1 млрд теңгеге жетті.

Клиенттерге берілген несие көлемі үш есеге өсіп, 15,9 млрд теңгені құрады...

Премьер-министр Олжас Бектенов депутаттық сауалға жауап бере отырып, жаңа Салық кодексінде қандай өзгерістер болатынын айтты.

«Салық кодексінің жобасында бірқатар салық режимдері, соның ішінде жаңаларын, атап айтқанда, «Платформаны жұмыспен қамту» және мобильді қосымша арқылы арнайы салық режимі енгізілген», – деді Олжас Бектенов.

Ол жеке кәсіпкерлікпен айналыспайтын қазақстандықтар да «Жұмыспен қамту платформасы» арнайы салық режимін қолдана алатынын атап өтті. Олардың табысы айына 1 миллион теңгеден аспауы керек. Салық мөлшерлемесі 4% деңгейінде жоспарлануда (1% – жеке табыс салығы, 3% – әлеуметтік төлемдер).

Патент жойылады. Өйткені ол мобильді қосымша арқылы арнайы салық режимін қайталайды. Соңғы мөлшерлеме 4% (1% – жеке табыс салығы...

Америкалық Forbes журналы әлемдегі ең бай адамдардың рейтингін жариялады. Тізімге алты қазақстандық кірді.

Әлемдегі ең бай адам кім?

Louis Vuitton Moët Hennessy (LVMH) тобының президенті Бернар Арно Forbes журналының нұсқасы бойынша әлемдегі ең бай адамдар тізімінде бірінші тұр.

Арноның активтері 233 млрд долларды құрады. Бір жыл бұрын да LVMH басшысы рейтингте бірінші орынды иеленіп, оның байлығы 211 млрд долларға бағаланған.

Екінші орында SpaceX негізін қалаушы, Tesla компаниясының бас директоры және X (Twitter) иесі Илон Маск. Оның байлығы бір жыл бұрынғы 180 млрд-тан 195 млрд долларға өсті.

Тізімдегі үшінші орынды Джефф Безос иеленді. Forbes Amazon интернет-дүкенінің негізін қалаушының байлығын...

Мұнай бағасы қымбаттады. Лондонның ICE Futures биржасында Brent мұнайының маусым айындағы фьючерстерінің құны барреліне 88,87 долларды құрады. Бұл алдыңғы сауданың жабылуындағы көрсеткіштен 1,45 доллар (1,66%) жоғары.

Нью-Йорк тауар биржасында (NYMEX) электронды саудада мамыр айындағы WTI мұнай фьючерстерінің бағасы 1,52 долларға (1,82%) өсіп, барреліне 85,23 долларды құрады.

Бұл көрсеткіштер өткен жылдың қазан айында қазіргі деңгейден жоғары болған.

«Нарыққа геосаяси оқиғалар қолдау көрсетіп жатыр», – деп хабарлайды Trading Economics.

Израильдің Сириядағы Иран елшілігіне әуе шабуылынан кейін, Таяу Шығыстағы шиеленіс күшейді.

Бұған қоса, Мексиканың мемлекеттік мұнай компаниясы Pemex алдағы айларда мұнай экспортын қысқартуды жоспарлап отыр. Бұл шикізат тапшылығына қатысты алаңдаушылық тудырады.

Қазақстанда соңғы жылдары ажырасу көбейді. Мұны 2021-2023 жылдары некені бұзу туралы соттар қараған істер санының артқанынан байқауға болады.

Жоғарғы соттың баспасөз қызметі хабарлағандай, соттарға 2021 жылы 80 мыңнан астам, 2022 жылы 82 мың, 2023 жылы 78 мыңнан астам іс пен арыз түскен. Олардың тең жартысына жуығын сот қанағаттандырған.

Ажырасқысы келетіндер Алматыда, Алматы мен Қарағанды облыстарында көбірек. Ең азы Ұлытауда тіркелген.

«Апелляция 89 (шешімге шағымғандардың 8,1%-ы), кассация 4 сот актісін (3,7%) бұзды. Бұл ретте жыл сайын некелескісі келетіндердің азайып бара жатқанын атап өткен жөн. Мәселен, 2021 жылы АХАТ органдары 120 мыңнан астам неке тіркесе, 2022 жылы 128,4 мың, 2023 жылы...

«Қазақстан даму банкі» өзінің өтелмеген облигацияларын сатып алу жөніндегі ұсынысын жариялады. Банк ұсынысы Қазақстан қор биржасында орналастырылған.

ҚДБ доллардағы облигацияларын 5,75% мөлшерлемесімен сатып алмақ. Өтеу мерзімі – 2025 жыл. Ал теңгедегі облигацияларын 10,75% мөлшерлемемен сатып алмақ. Теңгедегі облигациялардың өтеу мерзімі бірдей.

Ұсыныс 30 сәуірге дейін қолданылады. 15 сәуірге дейінгі ерте сатып алуға сыйақы ұсынылған. Ерте сатқысы келгендерге облигациялардың негізгі құнының әр 1 000 доллар үшін – 30 доллар, әр 250 мың теңге үшін 7500 теңге сыйақы да қарастырылған.

Банк бағалы қағаздарын еурооблигацияларды орналастырудан алынған қаражатты пайдалана отырып, кері сатып алуды жоспарлап отыр.

Қазақстанның Даму Банк...

Calvin Klein және Tommy Hilfiger брендтеріне иелік ететін PVH Corp-тың  бағалы қағаздары 25% – ға төмендеді. Мұның себебі сатылымның төмендеуі туралы болжам. Бұған дейін Gucci иесі I тоқсандағы кірістің айтарлықтай төмендеуі туралы ескерткен болатын. Сарапшылардың айтуынша, киім өндірушілері әзірге абай болуды жөн санайды. Сондай-ақ осы жылдың соңында болжамдарды жақсарта алатындарына сенеді.

Толығырақ

Нью-Йорктегі премаркеттегі PVH Corp акцияларының құны 24,9% – ға төмендеді. Негізгі сауда-саттықта баға деңгейі 2023 жылдың желтоқсан айынан бастап төмендеген жоқ. 1 сәуірдегі негізгі сауда сессиясы аздап құлдыраумен аяқталды-0,6% – ға, яғни 139,73 долларға дейін.

2024 жылдың басымен салыстырғанда PVH Corp акциялары 14,4% – ға қымбаттады...

Энергетика министрі Алмасадам Сатқалиев Қазақстандағы ең ірі мұнай-газ кен орнының бірі Қарашығанақта мұнай мен газ конденсатының қанша қалдық қоры қалғанын мәлімдеді.

«Осы жылғы 1-қаңтардағы жағдай бойынша мұнай мен конденсаттың қалған алынатын қоры 253,2 миллион тоннаны, газ – 791,7 млрд текше метрді құрайды»,- деді министр Үкімет отырысында.

Министр мәлім еткендей, бүгінгі таңда кен орнын болашақта игеру жоспарында Қарашығанақ І кезеңін кеңейту бойынша инвестициялық жобаларды іске асыру көзделген. Бұл өндірісті жылына 11 млн тонна деңгейінде ұстауға мүмкіндік береді.

Үкімет «ӨзенМұнайГаздың» мұнай өндіру салығын 2,6 пайызға түсірді

Бұдан бөлек Сәтқалиев «ӨзенМұнайГаз» компаниясына қатысты қабылданған шешімдерді жариялады...

Қазақстан Республикасы Цифрлық даму, инновациялар және аэроғарыш өнеркәсібі министрлігі қазақстандықтардың жеке деректерінің таралуына жол берген Zaimer.kz микоқаржы ұйымына 1 846 000 теңге көлемінде айыппұл салды. Бұл жайлы министрліктің баспасөз қызметі хабарлады.

Министрлікке қарасты «Мемлекеттік техникалық қызмет» АҚ Қазақстан азаматтарының арасынан Zaimer.kz (МФО Robokesh.kz ЖШС) клиенттерін анықтай отырып, таралған деректерге талдау жүргізген.  

«Министрліктің Ақпараттық қауіпсіздік комитеті Қазақстан Республикасы Қаржы нарығын реттеу және дамыту агенттігімен бірлесіп, «Robokesh.kz» ЖШС-не Қазақстан Республикасының дербес деректер және оларды қорғау туралы заңнамасының талаптарын сақтауына қатысты жоспардан тыс тексеру жүргізді. Бүгінгі таңда аталған фактіге қатысты министрлікке азаматтардан 5200-ден астам өтініш келіп түст...

Электр энергиясымен жабдықтаушы ондаған компанияның лицензиясы осы салада жүргізіліп жатқан реформа аясында тоқтатылған. Бұл туралы Энергетика министрі Алмасадам Сәтқалиев мәлімдеді. Бұған дейін энергиямен жабдықтаушы компаниялар қауымдастығы үкіметтің осы салада монополия орнатуға тырысып жатқанына айтып дабыл қаққан.

«Реформаның бірінші кезеңінде реттелетін энергиямен жабдықтаушы ұйымдарды ғана қалдыру жоспарланған. Олардың қызметін, көрсетілетін қызметтердің сапасын бағалау мақсатында Тиісті министрліктің шешімімен реттелмейтін компаниялардың лицензиялары тоқтатылды», – деді ол журналистерге.

Министр Ұлттық экономика және Энергетика министрлігі электр энергиясы нарығының инфрақұрылымын реформалау аясында компаниялардың лицензиясын не үшін тоқтатқанын айтып өтті.

«Өздеріңіз білесіздер, нарық құрылымында: электр энергиясын...

Қазақстан Бокс федерациясы Париждегі олимпиада ойындарында алтын медаль алған спортшыларға 220 мың доллар төлейді. Бұл мемлекеттен алтын алған спортшыларға төленетін 250 мың долларға қосымша, яғни үздік шыққан боксшылар 470 мың доллар алады.

Қазақстан бокс федерациясы Париж олимпиадасында жоғары нәтиже көрсететін спортшыларға қанша сыйақы төлейтінін жариялады:

Ұлттық құрама жаттықтырушылары жүлде алған әр боксшы сыйлығының 30% тең сыйақы алады. 

Қазірдің өзінде федерация олимпиадалық лицензияларды жеңіп алған боксшыларға және олардың жаттықтырушыларына жүлделер беріп үлгерді. Спортшылар 20 мы...

Қытайлық смартфондар мен тұрмыстық техника өндірушісі Xiaomi-дің акциясы Гонконгтағы сауда-саттықтың бірінші күнінде күрт өсті. Өткен аптаның соңында компания өзінің алғашқы электромобилін сатуды бастады. Электромобильге деген тапсырыстар  жоспардан да  асып түсті.

Толығырақ

Сейсенбі күні Гонконгта Xiaomi акциясы 16% – ға өсті. Өткен аптаның соңында Xiaomi өзінің алғашқы  SU7 электромобилінің бағасын жариялап, тапсырыстарды қабылдай бастады. Алғашқы тәулікте компания 90 мыңға жуық тапсырыс алды. Бұл электромобиль Tesla Model 3-ке дес бермейтін, бірақ бағасы  4 мың долларға арзан,- деп жазды Bloomberg.

Сарапшылар не дейді

Bloomberg-тің мәліметтері бойынша, алғашқы Xiaomi электромобиліне тапсырыс нарық талдаушыларының күткеннен жоғары болды. Сатудың осылай сәтті басталуы Su7-д...

Бірнеше ай бұрын дау шыққан Атырау мұнай өңдеу зауытына жаңа басшы келді. «ҚазМұнайГаз» компаниясы баспасөз қызметінің хабарлауынша, зауытқа Абзал Досжанов басшы болып тағайындалған.

Баспасөз қызметі мәліметіне сүйенер болсақ, Абзал Досжанов Атырау қаласының тумасы. Еңбек жолын 2006 жылы Атырау мұнай өңдеу зауытында технологиялық қондырғылардың операторы болып бастаған. Кейін гидрогенизациялық процестер ауысымының бастығы, кәсіпорынды жаңғырту жобасын сүйемелдеу тобының технология бойынша бас маманы болып қызмет еткен.

Ал 2010 жылдан бастап KMG International компаниясында жұмыс істей бастаған. Кейін Петромидия зауытының процестерді жақсарту жөніндегі менеджері қызметін атқарған. Содан кейін Rompetrol Rafinare мұнай өңдеу зауыты бас директорының бірінші орынбасары-бас инженер лауазымына дейін көтерілген...

Беларусь президенті Александр Лукашенко өз елінің шекара маңында жер қазып, соғысқа дайындалып жатқанын айтты. 

БелТА агенттігінің ақпаратына сүйенсек, Лукашенко елдің соғысқа дайындалып жатқанымен, соғысқа қатысуды қаламайтынын атап өткен.

«Бізді соғысқа қатысқысы келеді дейтіндердің сөзіне сенбеңіз. Соғысқа дайындалып жатырмыз, бұл туралы ашық айтамын. «Бейбіт елде өмір сүргің келсе, соғысқа дайындал» дейді. Мұны мен ойлап тапқан жоқпын. Бірақ өте дұрыс айтылған», – деді Лукашенко Гродно қаласына барған ресми сапарында.

Ол өз елінде қажетті дайындық жүргізіліп, әскерге түрлі қару-жарақ пен техника жеткізіліп жатқанын атап өтті.

Оның сөзінше, «достық ниеті жоқ» елдерден біреу ренжіп, Беларусь елін сынға алса...

Президент Қасым-Жомарт Тоқаев Алматыдағы Наурыз мерекесіне арналған іс-шарада 12 мың шақырым жолды жөнделетіні туралы айтқан еді. Бүгін ҚР көлік министрі Марат Қарабаев жобаның жүзеге асуы туралы баяндады. 

«9,5 мың, оған қоса 2,5 мың шақырым, барлығы 94 жол, негізінен облыс арасындағы жолдар. Бұған қаражат қазірдің өзінде қарастырылған. Мәселен жұмысы басталған 2,5 мың шақырымына Еуразиялық қайта құру және даму банкінен 450 млрд теңге аламыз», – деді Марат Қарабаев. 

Министр атап өткен 2,5 мың шақырым республика бойынша орташа жөндеу бойынша жоба. 

«Бұл жобаның ерекшелігі орташа жөндеуге жобалық құжаттамалық смета керек емес, ведомстолық сараптама ғана жеткілікті. Бұл сәйкесінше жобаны жүзеге асыру мерзімін қысқартады. Құнына...

Төтенше жағдайлар вице-министрі Бауыржан Сыздықов су тасқынының алдын алуға 7 млрд емес, тек 3 млрд теңге бөлінгенін мәлімдеді.

Үкімет отырысынан кейін журналистер Бауыржан Сыздықовтан «су тасқынының алдына алуға бөлінген 7 млрд теңге қайжа жұмсалғанын» сұрады. Вице-министрдің айтуынша, ондай қаржы бөлінбеген.

«Шын мәнінде су тасқынына қарсы 7 миллиард қаржы бөлінбеді. Бұл тек осы мақсатта «қарастырылған сома». Осыны дұрыс түсінейік. Бұл қаржы жергілікті әкімдіктердің бюджетінен қарастырылады. Қазіргі кезде әкімдіктердің мәліметінше, осы қаржыдан 3 миллиард теңге бөлінген. Қаржы су тасқынының алдын алу және онымен күресуге бағытталып жатыр», – деді Бауыржан Сыздықов.

Министрдің орынбасары су тасқыны салдары жоюқа нақты...