Жаңалықтар

30 қаңтар түнгі сағат 03:03 пен таңғы сағат 04:27 шамасында Алматыда жер тербелді. Екі тербелістің де негізгі ошағы Қытайда болған.

Алматы қалалық төтенше жағдайлар департаментінің хабарлауынша, сағат 03:03 кезінде болған дүмпудің тербеліс ошағы Алматы қаласынан оңтүстік-шығысқа қарай 278 шақырым жерде, Қытай аумағында. Зілзаланың энергетикалық санаты — 10.5. MPV магнитудасы — 4.5. Тереңдігі — 10 шақырым. Алматыда сезілмеген.

Екіншісі таңғы 04:27 кезінде Алматыдан оңтүстік-шығысқа қарай 293 шақырым жерде, Қытай аумағында тіркелген. Энергетикалық санаты — 13.3. MPV магнитудасы — 5.8. Тереңдігі — 10 шақырым. Жер сілкінісі алматылықтарға 2 балл көлемінде сезілген.

Ведомствоның жазуынша, бұл дүмпулердің барлығы 23 қаңтарда болған жер сілкінісінен кейінгі афтершок.

Еске сала кетер болсақ, 2024 жылғы 23 қаңтарда Алматы уақытымен 00 сағат 09 мин 02 сек жер сілкінісі тіркелді. Жер...

МКК хабарламаны электронды поштаға жолдай ала ма? Бұл сауалнамаға Мемлекеттік кірістер комитетінің баспасөз қызметі түсініктеме берді.

«Мемлекеттік кірістер комитетіне салық төлеушілер камералық бақылау аясында заң бұзушылықтардың бар-жоғы туралы хабарламалардың таратылып жатқаны туралы шағыммен жүгінді», – делінген хабарламада.

Бұл хабарламалар салық төлеушілердің электрондық мекенжайларына жіберілген.

«Мемлекеттік кірістер комитеті камералық бақылау туралы хабарламалар салық төлеушілерге жеке қол қою арқылы немесе салық төлеушінің электрондық жеке кабинетіне хабарлама арқылы жеткізілетінін хабарлайды. Мұндай хабарландыруларды электрондық пошта арқылы жіберу қарастырылмаған»,– деп атап өтті Мемлекеттік кірістер комитеті.

Тиісінше, Мемлекеттік кірістер комитетінің салық төлеушілердің электронды мекенжайларына жіберілген мұндай...

Денсаулық сақтау министрлігі МӘМС жүйесіне жарна мен аударымдарды есептеу үшін ең төменгі жалақыны (ЕТЖ) 10-нан 50-ге дейін ұлғайтуды ұсынды. Егер заң жобасы қабылданса, бұл өзгерістер жұмысшылардың жалпы санының 9%-на әсер етуі мүмкін. Өкілдік денсаулық сақтау саласының қаржыландырылмауына байланысты төлемдердің бес есе өсуі қажет екенін түсіндірді.

Денсаулық сақтау министрлігі заң жобасын «Ашық НҚА» порталында 7 ақпанға дейін қоғамдық талқылауда болатынын хабарлады.

ДСМ 2025 жылдан бастап МӘМС жүйесіне аударымдар мен жарналарды есептеу үшін ең төменгі табысты -10-нан 50 ЕТЖ дейін арттыруды ұсынады.

Заң қабылданса, МӘМС-ке ең жоғарғы аударым жұмыс берушілер үшін 2024 жылы 25 500 теңгеден 127 500 теңгеге дейін...

Қазақстанда боран, қар көктайғақ және тұман күтіледі. Бұл туралы «Қазгидромет» сайты хабарлаған болатын.

Еліміздің солтүстік аймақтарында қар жауып, оңтүстігінде де қар мен жаңбыр күтіледі. Сондай-ақ боран мен жел күшейеді. Ал Оңтүстіктің таулы аймақтарында қатты жаңбыр, қар, көктайғақ және тұман болады.

«Температуралық фонда айтарлықтай өзгерістер күтілмейді», – делінген хабарламада.

Естеріңізге сала кетейік, 29 қаңтарда Қазақстанның 7 қаласында ауа райы бұзылып, қар, тұман, көктайғақ болып, ауа сапасы төмендейді деп хабарладық.

Синоптиктер жел мен тұманның әсерінен өңірлерде көктайғақ болып, ауаның беткі қабаты ластанатынын жазған. Ластану деңгейінің қалыптасуын анықтайтын маңызды факторлардың бірі – синоптикалық жағдай екенін де атап өткен.

ҚазМұнайГаз және CITIC өзара ынтымақтастықты нығайтады. Келісім аясында Ақтау битум зауытының қуаты 750 мың тоннаға артады, деп хабарлады компанияның баспасөз қызметі.

Осы мақсатта ҚМГ басшысы Мағзұм Мырзағалиев және CNCEC компаниясының бас төрағасы Хао Вэйбао кездесті.

«Тараптар Ақтау битум зауытының («CASPI BITUM» БК» ЖШС) қуатын жылына 500 мың тоннадан 750 мың тоннаға дейін арттыру жобасының іске асу барысын талқылады»,– делінген хабарламада.

Былтыр қазан айында Тоқаев ҚМГ мен CITIC Group жобасы бойынша келісімге қол қойған болатын.

Компанияның мәлімдемесіне сәйкес, қазіргі уақытта жоба дайындық үстінде. Қытай тарапымен биыл жыл соңына дейін құрылыс жұмыстардың құрылысы басталады. Ал...

Ұлттық банк таяуда ғана базалық пайыздық мөлшерлемені 15,75 пайыздан 15,25 пайызға төмендету туралы шешім қабылдап, енді бұдан былай жұмсақ ақша-несие саясатын ұстануға құлықты екенін аңғартты. Базалық ставка осымен төртінші мәрте төмендеп отыр. Инфляция былтыр жыл соңында бір таңбалы мәнге түсіп, 9,8 пайыз болды. Үкімет те, Ұлттық банк те инфляция әрі қарай төмендейді, қымбатшылық өсімі баяулайды деп отыр. Демек, базалық ставканың да төмендеу перспективасы айқын деген сөз. Әрине, саяси-экономикалық тәуекелдер әрқашан ескеріледі.

Базалық мөлшерлеме құралын қалай пайдалану керек?

Сарапшы Тимур Әбілқасымовтың айтуынша, 2023 жылдың аяғында жылдық инфляция баяулағанымен, айлық инфляция өсім көрсетті. Әлемдік азық-түлік бағасының төмендеуі және орталық банктердің шектеул...

Астанада 6 мыңнан астам бизнес субъектілерінің құқықтары бұзылғаны анықталды. Бұл туралы Астана қаласының прокуратурасы хабарлады.

 «Алматы ауданының прокуратурасы кәсіпкердің мемлекеттік органның іс-әрекетіне берген жолданымын қарау барысында елорданың 6 мыңнан астам бизнес субъектілерінің құқықтарының бұзылғанын анықтады»-делінген хабарламада.

    Мәлімдемеге сәйкес, уәкілетті орган жеке кәсіпкердің табысының ең төменгі жалақының 1 еселенген мөлшерінен кем екендігін тексермей, тиісті түрде анықтамай және заң бұзушылықтар сомасын көрсетпей, міндетті зейнетақы жарналары мен әлеуметтік аударымдарды төлеу туралы хабарламаларды негізсіз жолдаған.

      «Мұндай хабарламалардың орындалмауы үшін әкімшілік жауапкершілік, сондай-ақ салдарынан кәсіпкерлік қызметті тоқтата тұруға әкеп соғатын банк шоттарына тыйым салу көзделген...

Бұрынғы әділет министрі Марат Бекетаевты қамауға алу мерзімі 21 ақпанға дейін созылды. Бұл туралы ақпаратты «Курсив» тілшісіне Астана сотынан растады.

«Астана қалалық мамандандырылған ауданаралық тергеу соты күдікті М.Бекетаевты қамауда ұстау мерзімін 2024 жылғы 21 ақпанға дейін ұзартты», – делінген хабарламада.«

Осының алдында экс-министрді қамауда ұстау мерзімі 2024 жылдың 21 қаңтарына дейін ұзартылған болатын.

21 қазан күні бұрынғы Әділет министрі ұсталғаны хабарланды. Оған үлестес компанияның мүдделерін қолдап, мемлекетке үлкен зиян келтірді деген күдік тағылды. Алайда қай экс-министр екені нақтыланбаған болатын. Ол «Мемлекет басшысының заңсыз шығарылған активтерді іздеу және қайтару жөніндегі тапсырмасын орындау шеңберінде лауазымдық өкілеттіктерін асыра пайдаланды» деген күдікке...

Қазақстан 22 әуежайын Еуропа инвесторларына беруі мүмкін. Бұл жайлы Көлік министрі Марат Қарабаев Брюссельде өткен кездесуде айтқан.

Марат Қарабаев Астана мен Алматының ірі әуежайлары қазірдің өзінде шетелдік холдингтермен бақыланатынын айтқан.

«Қазақстандағы қалған 22 әуежайды еуропалық инвесторлардың басқаруымен жеке секторға беруге дайынбыз, бізде Азия мен Еуропа арасындағы транзиттік хабқа айналу үшін үлкен әлеует бар», – деді министр.

ТАСС басылымының хабарлауынша, Қарабаев республика билігі Каспий теңізінің жағасындағы Ақтау және Құрық порттарын кейіннен жекешелендіру мүмкіндігімен еуропалық компанияларға беруге дайын екенін де айтқан.

«Біз Транскаспий халықаралық көлік бағыты қатысушылары мен Еуропалық Одақ арасында осы...

Қазақстан Ресей мұнайын тағы он жыл 2018 жылы бекітілген бағамен тасымалдайтын болды. 1 тонна мұнай транзиті құнын еліміздің Энергетика министрлігі бекітті.

Ресейден Қытайға Қазақстан арқылы жылына 10 млн тонна мұнай тасымалданатыны белгілі. Ресей шекарасынан Атасу– Алашанькоу бекетіне дейін мұнай тасымалдау құны осыдан 5 жыл бұрын 1 тонна үшін – 15 АҚШ доллары (ҚҚС есебінсіз) деп бекітілген.

Соның ішінде Ресейден келген мұнайды шекарада Атасу БМАС-қа ауыстырып тиеу құны 4,23 АҚШ доллар. «Атасу – Алашанькоу» учаскесімен тасымалдау бағасы – 10,77 доллар.

Энергетика министрінің бұйрығына сәйкес, 2024 жылғы 1 қаңтардан 2033 жылғы 31 желтоқсанға дейін осы баға өзгеріссіз қалмақ.

Мансапты да, басқалардың өзі туралы не ойлайтынын да шетке ысырып қойып, өзіне ұнайтын, жаны жай табатын іспен айналысуға бел буғандарды «дауншифтер» дейді. Былайша айтқанда, «жұрт не дейді?» деп бас қатырмай, қарапайым да бақытты ғұмыр кешуді таңдағандардың өмір сүру философиясы осылай аталады. Мұндай адамдар бірінші кезекте өзінің жан тыныштығын ойлайды. Бұл пәлсапаның артықшылықтары мен кемшіліктеріне тоқталайық.

Downshifting деген не?

Downshifting термині алғаш рет 1990 жылдары америкалық баспасөз беттерінде қолданылған. Кейінгі кездері тіпті танымал болып жатыр. Мұның астарында өзіңмен үндесе өмір сүру керек деген философия бар. Яғни мансап жолында жетістікке жету, ақшаның артынан қуу, тума-туыстың көңілін табу үшін бәйек болуды...

Сада мерекесіне байланысты өткен жиында Тәжікстан президенті Эмомали Рахмон әр отбасы екі жылдық азық-түлік қорын сақтауы керек екендігін атап өтті.

Ховар агенттігінің жазуынша, президент бұл ойға климаттың өзгеруі, жылынуы және әлемдегі әлеуметтік-экономикалық жағдайдың өзгеруіне байланысты келгенін айтты. Ол әлем халқының саны өсіп, азық-түлікке қажеттілік артуы әлемдегі басты проблемалардың бірі екенін атап өтті.

«Қазір әлемдегі қиын жағдайда бірінші кезекте көп жұмыс істеуіміз керек. Су мен жерді тиімді қолдану шарт. Неғұрлым көп азық-түлік өндіру қажет. Ұлттық стратегиялық мақсатымыз – азық-түлік қауіпсіздігін қорғауымыз керек», – деді Рахмон.

Ол бұрынғы азық-түлік тасымалдау жолдарының жабылып, азық-түлік бағасының өскенін де ескере...

Ішкі істер министрлігінің Қылмыстық-атқару комитеті бас бостандығынан айырылған адамдардың түрмеден кейінгі өмірге бейімделуін көздейтін арнайы құжат дайындады.

«Бұл бұйрықтың мақсаты бас бостандығынан айыру орындарынан босатылған адамдарға әлеуметтік және өзге де көмек алу бөлігінде өзара іс-қимылды ұйымдастыру», – делінген түсіндірме құжатта.

Бұл құжатқа сәйкес түрме әкімшілігі сотталғандардың түзелуі мақсатында оның қоғамның толық құқылы мүшесі ретінде әлеуметтік мәртебесін қалпына келтіруіне ықпал етеді. Тәртіптің жалпыға бірдей қабылданған нормалары мен құқық нормалары негізінде қоғамда өз бетінше өмір сүруіне оралуына көмектеседі.

Мекеме бас бостандығынан айырылған азаматтың жаза мерзімін өтеуіне бір жыл қалғанда шара қабылдайды. Жергiлiктi атқарушы органдармен...

Ұлттық банк 5 мың теңгелік жаңа банкноталардан жалған ақшаны қалай ажырату керек екенін түсіндірді. Сонымен қатар 2023 жылы шыққан жаңа дизайндағы банкноталардың қорғаныш элементтерін ұсынды.

Жаңа дизайндағы банкнота қандай?

Ұлттық банк номиналы 5 000 теңгелік банкноталарды 2023 жылы 25 желтоқсанда айналымға шығарды.

Бұл – «Сақ стилі» жаңа сериясының алғашқы банкнотасы. Ол қазақы ою-өрнектің бастау негізі саналатын және көшпенділердің бірегей мәдениетінен бастап бүгінгі Қазақстанға дейінгі ел мұрасын бейнелейтін «Сақ стилі» элементтеріне негізделген.

Ақша белгісінің қандай қорғаныш элеметтері бар?

Банкнотада рельефті қалыптастыратын – алтын интаглио арнайы баспа тәсілі қолданылған. Қазақстан Республикасының елтаңбасы алтын металл бояудың жоғары бедерл...

Алаяқтар Әділет министрлігінің атын жамылып, халықты алдай бастаған. Бұл туралы Әділет министрлігінің ресми өкілі Талғат Уәли хабарлады.

«ҚР Әділет министрлігі алаяқтар өздерін әділет органдарының қызметкерлері немесе сот орындаушылары ретінде таныстырып жүргенін ескертеді. Олар азаматтарға хабарласып, атқарушылық құжаттардың талаптарын орындауды, банк шоттарын бұғаттап, жүргізуші куәлігін тоқтата тұрумен және т. б. түрлі жолдармен қорқыта отырып, берешекті өтеуді талап етеді», – дейді Талғат Уәли.

Мұндай қоңыраулар келіп түскен жағдайда ресми деректерді тексеру керек. Ол деректерді атқарушылық іс жүргізудің мемлекеттік автоматтандырылған ақпараттық жүйесінің мобильді қосымшасынан көруге болады. Ол қосымша арқылы атқарушылық іс жүргізудің бар немесе жоқ екеніне...

Air Astana IPO-ға бағасы 2,13 доллардан 2,75 долларға дейінгі баға ауқымында қарапайым акциялар ұсынуды жоспарлап отыр. 

«Ұсыныстың болжамды баға ауқымы (IPO-да) бір ҒДҚ үшін 8,50 доллардан 11 долларға дейін және бір акция үшін 2,13 доллардан 2,75 долларға дейін белгіленді»,– делінген хабарламада.

Роуд-шоу 2024 жылдың 29 қаңтарында басталады деп күтілген. Өтінішті қабылдау 8 ақпанға дейін аяқталуға тиіс. Толықтай өтініш қабылданып, букбилдинг тізіліп болғаннан кейін, яғни 9 ақпанда нақты баға белгілі болатыны хабарланды.

Әуе компаниясы акцияларының сатылымы 14-15 ақпанда басталады.

Компанияның IPO-ға шығуына байланысты баспасөз брифингінде «Самұрық-Қазына» ҰӘҚ өкілі Дастан Адиходжаев IPO-дан кейін қордың компаниядағы...

Ұлттық банк 173 млрд теңге БЖЗҚ қаржысына «Бәйтерек» холдингінің облигацияларын сатып алды.

Бас банк бұл қаржы экономиканың нақты секторындағы ұзақмерзімді ірі жобаларды қаржыландыруға жұмсалатынан атап өтті. Холдинг облигацияларын жылдық 13% кірістілік және 15 жылға есептелген айналым мерзімімен сатып алды.

«Қазақстан қор биржасында орналастырылған облигациялардың жалпы көлемі 190 млрд теңгені құрады. Осы облигацияларды орналастыруға жалпы сомасы 17 млрд теңгеге БЖЗҚ-дан өзге де инвесторлар қатысты», – делінген Ұлттық банк хабарламасында.

Жоғарыда аталған облигациялар эмиссиясының проспектісінде борыштың негізгі сомасын мерзімінен бұрын қайтару көзделген. Мәселен, эмитент 5 жылдан соң жыл сайын облигация ұстаушыларға тиесілі облигациялардың бір бөлігін олардың талабы бойынша бастапқы орналастыру көлемінің 10%-на дейін номиналды құнына сай сатып алуға...

Жедел-іздестіру іс-шараларын өткізу барысында Ақтөбе қаласында есірткі сатқан орта мектептің 9-сынып оқушысы ұсталған. Бұл жайлы ҚР ІІМ Есірткі іс-қимылына қарсы іс-қимыл департаменті бастығының орынбасары Бақытжан Әміржанов айтты.

«Қазір біз виртуалдық кеңістікпен және қашықтықта қарым-қатынас жасаумен тығыз байланысты өзіндік жастар субъективтік мәдениетімен бетпе-бет келдік. Есірткі заттарын сату бойынша интернет-дүкендердің иелері де осы жағдайды пайдаланады. Есірткі бизнесіне тартылатын жасөспірімдер саны көбейіп келеді. Мұндағы жағдай көңіл көншітпейді және, өкінішке қарай, теріс үрдіске әкеп соқтырады. Тек өткен жылы синтетикалық есірткі таратқаны үшін 40-тан астам жасөспірім және кәмелетке толмағандар ұсталды. Ал осы айдың өзінде 4 кәмелетке толмаған баланы...

Қазақстанда өз балаларын тәрбиелеу бойынша міндеттерін орындамайтын 8 мың ата-ана есепке қойылған. Бұл жайлы Ішкі істер министрлігі ұйымдастырған брифингте Әкімшілік полиция комитетінің аса маңызды істер жөніндегі аға инспекторы Ақмарал Серікбаева айтты.

«Өз балаларын тәрбиелеу бойынша міндеттерді орындамайтын 8 мың ата-ана есепке қойылды. Оның ішінде 1 057 ата-ана әкімшілік жауапкершілікке тартылды. 201 факті бойынша кәмелетке толмағандардың істері жөніндегі комиссияға ата-ана құқығынан айыруға материалдар жіберілді», – деді Серікбаева.

Полиция өкілі бүгінгі таңда есепте құқық бұзушылық пен қылмыс жасаған 120 мың адам тұрғанын айтты. Ал тұрмыстық зорлық-зомбылық жасаған 39 мың адам полиция назарына ілінген. Олармен полиция...

Шағын және орта бизнес өкілдері AIX биржасына өз облигацияларын шығара алады. Бағалы қағазын биржаға шығарған ШОБ қысқа мерзімге қаражат жинау мүмкіндігіне ие болмақ. Бұл туралы биржаның баспасөз қызметі хабарлады.

Биржаның хабарлауынша, бұл капиталды тартудың ең оңай жолы: шығарылым проспектісі бекітілген үлгі бойынша дайындалады. Листингтік комиссиялар төмендетілген, оған қоса кіру немесе жылдық қосымша төлемдер жоқ.

«Тау-кен өндіру, мұнай-газ (сервистік қызметтерден басқа), қаржы және мемлекеттік қатысуды қоспағанда кез келген ШОБ өз облигацияларын листингтен өткізе алады»,–делінген хабарламада.

ШОБ облигацияларын орналастыру бизнеске:

Әлем назары – Қызыл теңізде. Былтыр жыл соңынан бері йемендік хуситтер Қызыл теңізді кесіп өтіп, Израиль тарапына қарай бағыт алған кез келген су транспортын атқылап жатыр. Олар бұл үшін ұшқызсыз басқарылатын аппараттар мен зымырандарды қолдануда. АҚШ сауда кемелерін шабуылдан қорғау үшін әскери-теңіз жедел тобын құру туралы ұсыныс жасады. Сондай-ақ Британиямен бірігіп Йемендегі хуситтер нысанын да бірнеше рет бомбалады.

Даудың басы Израиль – ХАМАС қақтығысынан бастау алады. Йемен хуситтері палестиналықтарды жақтайтынын білдіріп, Израиль кемелерін және олардың одақтастарының транспорттарына жаппай шабуыл жасауға кірісті. Сарапшылар хуситтер йемендік болғанмен, шын мәнінде, олардың артында Иран тұрғанын айтады. АҚШ қарсы жауап қатқанымен, Қызыл теңіздегі қақтығыс тоқтаған...

2019 жылдан бері Қазақстанда баллонмен сырғанау 116%, мұз айдынына кіру 75% қымбаттаған. Бұл туралы Freedom Life компаниясы жасаған сараптамадан кейін белгілі болды.

«Ашық дерекке сәйкес, 2023-2024 жылдың қысында ересектерге арналған коньки тебу құны 1000-нан 5000 теңгеге дейін, күндізгі шаңғы және сноуборд тебуге арналған бір реттік абонемент 1500-11400 теңге, баллонмен сырғанау 1500-3500 теңге, балалар үшін коньки тебу құны 800-2500 теңге, шаңғыда – 1000-5000 теңге, баллонда – 3000 теңге»,– делінген сараптамада.

Коньки тебу құны: 

Астана

«Алау» мұз айданы, Қабанбай батыр, 47 

Құны: бала үшін – 1000 теңге, ересек адамға – 1500 теңге.

Алматы

«Медеу» , Керей-Жәнібек хандар, 465

Құны: бала үшін (0-6 жас аралығында) – тегін, ересек адамға – 1000 теңгеден бастап.

Ең ірі күміс және алтын өндіруші Polymetal International plc. негізгі акционерінің ауысқаны туралы хабарлады.

Оман үкіметіне тиесілі Mercury Investments International (MII) қорының еншілес ұйымы  –Maaden International Investment LL кен өндіруші компанияның 23,9% акциясын сатып алған. Нәтижесінде ол компанияның ірі акционеріне айналды.

Александр Несиске тиесілі ICT Holding-тің еншілес ұйымы  – Powerboom Investments Limited омандық компанияға өз иелігіндегі 113 201 189 акциясын сатқан. Мәміле нәтижесінде ICT Holding Polymetal-дағы өз үлесін толығымен өткізді. Сәйкесінше, ICT Holding өкілі Константин Янаков «Полиметал» директорлар кеңесінің құрамынан шыққан. Ал омандық компания өз өкілін директорлар кеңесінің құрамына жақын арада ұсынады. Мәміле құны жарияланбаған.

MII – Оманда тіркелген...

Жетісу облысында Сібір күйдіргісі ауруымен ауырған мал жерленген 33 орын оқшауланбай келген. Бұл жағдайды Жетісу облысының табиғатты қорғау прокурорлары анықтаған.

Прокурорлар  ветеринария туралы заңнаманы сақтау саласындағы уәкілетті органдардың қызметінен олқылықтар анықтаған.

«Облыс бойынша ветеринарияның лауазымды тұлғалары жануарларды вакцинациялау кезінде 33 мың заң бұзушылыққа, сондай-ақ жеке және заңды тұлғаларды әкімшілік жауапкершіліктен босатудың 526 фактісіне жол берген», –делінген хабарламада.

Одан бөлек ветеринарлар аса қауіпті аурумен ауырған малдардың жерленген жеріне дұрыс қадағалау жүргізбеген. Атап айтқанда, облыс аумағында «Сібір күйдіргісі» ошақтарының иесіз 33 жерленген жері анықталған. Ветеринарлар оларды оқшаулау және сәйкестендіру бойынша тиісті шараларды жүргізбеген.

Сондай-ақ прокуратура ветеринариялық мекемелерге қызметкерлердің жалған дипломмен орналасқанын анықтаған. Мұндай...