Жаңалықтар

Гонконг сотының шешімі әлемдегі ірі құрылыс компанияларының бірі China Evergrande-ні жауып тынуы мүмкін.

Reuters ақпаратына сүйенсек, сот компанияның 300 млрд доллар қарызын өтеуге қатысты шешім шығарған. Шешімді Линда Чен есімді судья қабылдаған. Оның айтуынша, компания бірнеше айлық кідірістерге қарамастан, нақты қайта құрылымдау жоспарын ұсына алмаған. Сол себепті осы шешімді қабылдауға мәжбүрлеген. Осылайша қарызын өтей алмаған компания біржола жабылып қалуы мүмкін.

240 млрд доллар активі бар China Evergrande компаниясының жабылуы Қытайдағы жылжымайтын мүлік нарығына айтарлықтай өзгеріс алып келеді. Сарапшылар алдағы уақытта тұрғын үй бағасы күрт құбылуы мүмкін деп болжап отыр. Инвесторлар мен тұтынушылардың сенімін жоғалтқан жағдайда Қытай экономикасы тежеліп қалатынын да баса айтып жатыр.

Осыған дейін Сингапур...

Республикалық маңызы бар жаңа жолдардың ұзындығы үш есе артқан. Бұл жайлы Бірінші кредиттік бюро жазды.

Бюро жаңа жолдарға кеткен қаражат шығынын да есептеген. Солайша республикалық маңызы бар жолдардың орташа құны 1 км үшін 0,8 млн долларды құрайды екен.

Ұлттық статистика мәліметтерінде, өткен жылы 358,5 км жол пайдалануға берілгені жазылған. Бұл 2022 жылмен салыстырғанда 221%-ға көп екен. Ал 2021 жылмен салыстырғанда 90% артық. Бірақ бұл айтарлықтай үлкен көрсеткіш емес. Себебі, 3-4 жыл бұрын пайдалануға берілген жолдар бұл көрсеткіштен екі есе артық болған. Мәселен, 2020 жылы 710 км, 2018 жылы 716 км жол пайдалануға берілген.

Республикалық маңызы бар...

28 қаңтар күні таңертең қарулы екі адам Ыстанбұл христиан шіркеуінде оқ жаудырып, қастандықтан кейін бір адам қайтыс болды.

TRT Haber агенттінің хабарлауынша, атыс Ыстанбұл уақытымен сағат 11:40 шамасында қаланың Еуропа бөлігіндегі Босфор маңында Сарыер ауданындағы Әулие Мария шіркеуінде болған. Бақылау камерасындағы бейнеге сәйкес, бетперде киген екі адам шіркеуге қару көтеріп кіргенде шіркеу ішіндегі адамдар діни рәсім жасап жатқан.

Ресми ақпаратқа сай, күдіктілер шіркеуге қайтыс болған адамның артынан еріп кіріп, дәл сол адамға оқ жаудырған. Оған оқ тигеннен кейін күдіктілер оқиға орнынан қашып кеткен. Билік қылмыстың дәл осы қайтыс болған адамға қарсы жасалғанын хабарлаған.

Haberturk агенттігінің хабарлауынша, қаза тапқан адамның кім екені әлі белгісіз...

Қарағанды облысының Ақтоғай ауданында іс жүзінде жоқ жолды жөндеуге конкурс жарияланып, 328 млн теңге бөлінген. Облыстық прокуратура мәселені зерттеп, конкурсты өткізбей тастады.

«Ақтоғай ауданы прокуратурасының наразылығы бойынша ауданның Экономика және қаржы бөлімінің жалпы сомасы 328 миллион теңгеден асатын іс жүзінде жоқ «Ақжарық-Аппаз» тас жолын ағымдағы жөндеуге ашық конкурс өтпей қалды. Жолдың бұл учаскесінде жергілікті және облыстық деңгейдегі уәкілетті органдардың балансында ешқандай жол жоқ екені анықталды», – делінген облыстық прокуратура хабарламасында.

Өңірлік экономика бөлімі «Автомобиль жолдары туралы»  заңды бұзған, яғни қолданыстағы емес, салынбаған жолды жөндеуге тырысқан. Екіншіден, «Қазақстан Республикасындағы сәулет, қала құрылысы және құрылыс қызметі туралы» заңды бұзып, құрылыс жобалық құжаттама жоқ жаңа жол салуға...

Алматы әкімдігі 200-ден астам жер учаскесін мектеп пен емхана, саябақтар үшін сатып алған. Бұл жайлы Алматы қалалық әкімдігінің баспасөз қызметі хабарлады.

«Былтыр Алматы қаласының жер қатынастары басқармасы қоғамдық маңызы бар жобаларды жүзеге асыру үшін 222 жер учаскесі сатып алынды», – делінген хабарламада.

Жекеден мемлекеттің меншігіне өткен 222 жер учаскесі келесідей аймақта орналасқан:

«Солтүстік Шығыс Дощан» кен орнын игеру бойынша қоғамдық тыңдау өтеді. Бұл туралы Қазақстандағы қытайлық «ПетроҚазақстан Венчерс Инкорпорейтед» компаниясы хабарлады.

«ПетроҚазақстан Венчерс Инк.» ҚФ «Солтүстік Шығыс Дощан кен орнын игеру жобасы» жобалық құжатының «Қоршаған ортаға әсерін бағалау жобасы» бойынша қоғамдық тыңдау өткізілетіндігі туралы хабарлайды. Тыңдау: 16.02.2024 жылы сағат 11:00-де Қызылорда облысы, Жалағаш ауданы, Жалағаш кенті, Әйтеке би көшесі, №12 мекен-жайында өтеді», – делінген компанияның мәлімдемесінде.

Қоғамдық тыңдауға ҚР Экологиялық кодексінің талабы негіз болды. Жобаның мақсаты – өнеркәсіптік қауіпсіздік және қоршаған ортаны қорғау саласындағы ұлттық заңнама талабына сай келетін «Солтүстік-Шығыс Дошан» кен орнының бүлінген жерлерін қалпына келтіру. Сонымен қатар экологиялық, әлеуметтік-экономикалы...

Финляндияда жексенбі күні президенттік сайлау өтті. Сайлаудың бірінші кезеңінде негізгі кандидаттардың бірі 27% дауыс жинаса, екіншісі 26% дауыс жинаған. Сайлаудың екінші кезеңі 11 ақпанға белгіленген.

Бұл сайлау Финляндияның НАТО құрамындағы ел ретінде өткізіп жатқан алғашқы сайлауы. Бұл орайда екі кандидаттың да көрші ел Ресейге деген ұстанымдары қатаң. Президенттік сайлауға бұрынғы премьер-министр Александр Стубб пен бұрынғы Сыртқы істер министрі Пекка Хависто түсіп жатыр. Сайлаушылардың 27%-ы Стубты қолдаса, 26%-ы Хавистоны қолдаған.

Сайлауға түскен үшінші үміткер «Нағыз финдер» партиясының әсіре оңшыл кандидаты Джусси Халла-ахо. Оған сайлаушылардың 19%-ға жуығы дауыс берген.

Жалпы сайлау бюллетенінде барлығы тоғыз кандидат болған. Оның алтауы ер...

29 қаңтарда Қазақстанның 7 қаласында ауа райы бұзылып, қар, тұман, көктайғақ болып, ауа сапасы төмендейді.

«Қазгидромет» хабарлауынша, 29 қаңтарда Астана, Ақтөбе, Қарағанды, Петропавл, Теміртау, Өскемен, Риддер қалаларында ауа райы бұзылады.

Синоптиктер жел мен тұманның әсерінен өңірлерде көктайғақ болып, ауаның беткі қабаты ластанатынын жазған. Ластану деңгейінің қалыптасуын анықтайтын маңызды факторлардың бірі – синоптикалық жағдай екенін де атап өткен.

Ал жалпы республика бойынша тұман, көктайғақ күтіледі.

Айта кетейік, осыған дейін еліміздің алты облысында дауылды алдын ала ескерту жарияланғанын жазған едік. Елдің кейбір аймақтарында жел секундына 23 метр жылдамдықпен соғады. 

Солтүстік Қазақстан облысының оңтүстігінде қарлы боран болады деп күтілуде. Аймақтың батысында тұман болады. Сонымен қатар, Түркістан облысында...

Таиландтың Вице-премьері және сыртқы істер министрі Панпри Пхиттханукон мен Қытайдың Сыртқы істер министрі Ван И жексенбіде Бангкокта азаматтардың 30 күнге дейінгі өзара визасыз сапарлары туралы келісімге қол қойды. Бұл туралы РИА Новости хабарлады.

«Екі елдің Сыртқы істер министрлері бүгін Бангкокта Таиланд Корольдігінің Үкіметі мен Қытай Үкіметі арасындағы өзара келісімге қол қойды», – делінген баспасөз хабарламасында.

Келісім 2024 жылы 1 наурызда күшіне енеді.

Ван И Таиландта 26-29 қаңтар аралығында жұмыс сапарымен болады. Сапар барысында тараптар 2023 жылы қол қойылған екі елдің СІМ арасындағы ынтымақтастықты тереңдету туралы хаттама шеңберінде Таиланд пен Қытайдың арасындағы консультациялық тетіктің бірінші отырысын...

Атырау облысында 38 ақбөкен өлексесі табылды. Бұл оқиғаны тергеу ҚР Қылмыстық Кодексі шеңберінде жүргізіліп жатыр.

Орман шаруашылығы және жануарлар дүниесі комитетінің деректері бойынша, 2024 жылы 26 қаңтарда Махамбет аудандық ІІБ Қазақстан Республикасы Қылмыстық кодексінің 339-бабының 2-бөлігімен тіркелді.

Комитет Атырау облысының аумағында киік санын реттеу шаралары киіктерді және оның дериваттарын реттеу механизмі бойынша бекітілген алгоритмге сәйкес 2024 жылғы 16 қаңтарда басталғанын атап өтті.

Алайда киіктердің санын реттеу «Охотзоопром» ӨБ» РМҚК инспекторларының тікелей қатысуымен жүзеге асырылады.

«Бекітілген Алгоритмге сәйкес реттеу нәтижесінде алынған киік ұшалары міндетті түрде асқазан-ішек жолын алып тастап, ішкі мүшелері, басы және терісімен ветеринарлық бақылау...

Павлодарлық тұтынушылар «Vetlab» ветеринарлық жүйесі арқылы малдың еркек немесе ұрғашы, қай өңірде жайылған, иесі кім болғандығын, қай уақытта сойылғаны туралы ақпаратты біле алады. Бұл туралы ҚазАқпарат хабарлады.

«Vetlab» ветеринарлық жүйесі

«Vetlab» – цифрлы ветеринарлық-санитарлық сараптама жүйесінің пилоттық жобасы.

«Кез келген тұтынушы етке соғылған QR-кодты телефон камерасы арқылы сканерлеп, барлық ақпаратты бірден біледі. Ветеринарлық-санитарлық жүйе мал қай күні сойылып, қай өңірден жеткізілгенін, иесі кім болғанын толықтай дыбыстап айтып береді»,  – делінген сайтта.

Қазіргі кезде QR-кодты сканерлеу арқылы тексеру жүйесі «JAILAU» фермерлік нарығында ғана істеп тұр.

Мамандардың айтуынша, әр сойылған малға бірегей QR-код...

Солтүстік Корея жексенбіде бірнеше қанатты зымырандарды ұшырды. Бұл туралы Bloomberg Оңтүстік Корея әскери күштері хабарлағанын айтты.

Басылымның хабарлауынша, зымырандарды ұшыру жексенбіде жергілікті уақыт бойынша таңғы сағат 8-де болған. Оңтүстік Кореяның әскери күштері өз кезегінде «күзетшілерін күшейтті».

«Біз Солтүстік Кореяның қосымша белгілері мен әрекеттерін бақылауды жалғастырамыз», — деді Оңтүстік Кореяның Штаб бастықтары комитеті мәлімдемесінде.

Естеріңізге сала кетейік, бұған дейін Шығыс теңіз аймағында Оңтүстік Корея, АҚШ және Жапонияның бірлескен жаттығуларына жауап ретінде «Хэиль-5-23» су астындағы ядролық қару жүйесін сынақтан өткізді.

Бұл туралы Кореяның орталық телеграф агенттігі елдің Қорғаныс министрлігіне сілтеме жасап хабарлады.

«Бұл жаттығулар біздің қауіпсіздігімізге үлкен қауіп төндірді. Бұған...

Атыраудағы мектептерде терроризм актісі туралы жалған хабарлама фактісі бойынша тергеу жүргізіліп жатыр. Бұл туралы қалалық полиция департаментінен хабарлады.

Полицияның мәліметінше, ІІБ-де терроризм актісі туралы жалған хабарлау фактісі бойынша сотқа дейінгі тергеу жүргізілуде.

«Әлеуметтік желілерде белгісіз тұлғалар Атырау қаласындағы мектептерде қылмыс жасауға дайындалып жатқаны туралы тағы да ақпарат таралуда. Осы факті бойынша полиция департаменті терроризм актісі туралы көрінеу жалған хабарлағаны үшін сотқа дейінгі тергеп-тексеру жүргізіп жатқанын хабарлаймыз»-делінген Атырау полиция департаментінде.

Қалалық полиция департаменті азаматтардан арандатушылыққа берілмеуін және тыныштықты сақтауға шақырды.

«26 қаңтардан бері құзіретті органдармен бірлесіп оқу орындарының қауіпсіздігін қамтамасыз...

Дауылды ескерту еліміздің алты облысында жарияланды. Елдің кейбір аймақтарында жел секундына 23 метр жылдамдықпен соғады. Бұл туралы «Қазгидромет»РМК хабарлады.

Синоптиктердің мәліметінше, 28 қаңтарда Солтүстік Қазақстан облысының оңтүстігінде қарлы боран болады деп күтілуде. Аймақтың батысында тұман болады. Сонымен қатар, Түркістан облысында да тұман мен боран болады деп болжануда. Жел екпіні 23 м / с.

Шымкентте жел екпіні 15-20 м/с, Түркістанда тұман, жел екпіні 15-20 м/с дейін жетеді деп күтілуде.

Ақмола облысының солтүстігінде, шығысында қарлы боран болады . Солтүстік-батыстан жел соғып, екпіні 15-20 м/с дейін жетеді.

Қызылорда облысының орталығына жел 15-20 м/с жылдамдықпен соғады.

Жамбыл облысында  жел секундына 15-20 метр жылдамдықпен...

Ұлттық қауіпсіздік комитетіне жаңа өкілеттіктер беру туралы құжаттың жобасы жарияланды. Бұл туралы Ашық НҚА порталында жарияланған болатын.

Президенттің 2023 жылғы 23 желтоқсандағы «Қазақстан Республикасының кейбір заңнамалық актілеріне ұлттық қауіпсіздікті қамтамасыз ету және ҚР арнаулы мемлекеттік органдарында қызмет көрсету мәселелері бойынша өзгерістер мен толықтырулар енгізу туралы» заңымен жоғарыда аталған жарлығын іске асыру үшін ұлттық қауіпсіздік органдарының қызметінде бірқатар тиісті өзгерістер енгізілді.

Жарлықпен бекітілген Қазақстан Республикасының Ұлттық қауіпсіздік комитеті туралы ережеде:

«Ақпараттық жүйелерді және электрондық ақпараттық ресурстарды, арнайы техникалық құралдарды, байланыс жүйелерін, арнайы мақсаттағы телекоммуникациялар желілерін, деректерді беру жүйелерін, ақпараттың техникалық арналар арқылы таралып кетуінен қорғау құралдарын...

Көз алдыңызға мынадай жағдайды елестетіп көріңізші: Астанаға ұшқалы жатырсыз. Қолыңызда билет бар. Тіркелейін деп барсаңыз, «ұшақта орын таусылып қалды, овербукиңге тап келдіңіз» десе, қалай қабылдар едіңіз? Қазақстанда әуекомпанияларына заң тұрғысынан бұлай жасауға тыйым салынған. Десе де, арагідік басқа ұшаққа ауыстырып, соның кесірінен жолаушылар сыймай қалатын жағдай болып тұрады. Kursiv Media тілшісі әлемдік тәжірибеде қолданылатын overbooking стратегиясына шолу дайындады.

Артық бронь немесе овербукиң деген не?

Ағылшын тілінен аударғанда «артық брондау» дегенді білдіреді. Бұл дегеніміз — әуекомпаниясы ұшақтағы орын санынан артық билет сатқан кез. Айталық, негізі 120 орындық ұшақ болса, компания 130 билет сатуы мүмкін. Мұндай тәжірибе қайдан шыққан...

Бір салада, бір кәсіптің қазанында қайнап жүргендердің басы қосылып, ортақ тақырыпты талқылайтын кездесулер болады. Оның әдеттегі үлкен көлемді конференция, семинарлардан біршама айырмашылығы бар. Мұндай форматтағы жүздесуді «митап» деп атайды. Бұл кездесуді қалай ұйымдастырады, нендей ерекшеліктері бар, қандай түрі болады — осы туралы айтамыз.

Ағылшынның meet-up сөзінен шыққан. Яғни «кездесу» дегенді білдіреді. Митап — бір салада жұмыс істейтін мамандарға жиналып, пікір алмасып, кәсіби білім алмасуға мүмкіндік беретін формат. Кейде белгілі бір тақырып һәм мәселені талқылап, шешімге келу мақсатында да ұйымдастырылады. Бәрімізге етене таныс конференцияларға қарағанда ауқымы шағындау келеді. Әрі толық бір күнді алмайды, шамамен 2-2,5 сағатқа созылады. Тағы бір айта...

Астанада қазақстандықтар үшін Еуропалық одақ визалық режимін жеңілдету туралы талқы болды. Қазақстан Сыртқы істер министрінің орынбасары Әлібек Бақаев пен Еуропалық одақтың Қазақстандағы Елшісі Кестутис Янкаускаспен кездесу өткізді.

«Кездесу барысында тараптар консулдық саладағы ынтымақтастықтың бірқатар мәселелерін қозғап, ҚР азаматтары үшін ЕО елдерінің визалық режимін жеңілдету бойынша консультациялардың екінші кезегін өткізу мәселесін талқылады», – делінген министрлік хабарламасында.

Еуропалық визалық режимді жеңілдетудің бастапқы кезеңдері:

Келіссөздердің нәтижесі бойынша, ҚР мен ЕО арасындағы консулдық саладағы достық қарым-қатынастарды одан әрі нығайту бойынша уағдаластыққа қол...

Ақтөбеден Қостанайға газ құбырын тартуға техникалық-экономикалық негіздеме әзірленіп, сараптамаға жіберілді. Бұл туралы облысқа қатысты кеңес отырысында Үкімет басшысы Әлихан Смайылов айтты.

Премьер-министр Ақтөбе облысынан Қостанайға дейін жаңа газ құбырын салу туралы шешім қабылданғанын атап өтті.

«Жобаның техникалық-экономикалық негіздемесі әзірленіп, сараптамаға жіберілді. Энергетика министрлігі мүдделі мемлекеттік органдармен және QazaqGaz-бен бірге осы бағытта жұмысты жеделдетуі қажет. Әкімдік өңірді газдың қосымша көлемімен қамтамасыз етуді ескере отырып, инвесторлармен олардың жобаларын іске асыруды үйлестіру бойынша жұмыс жүргізуге тиіс», — деді Смайылов.

Сонымен қатар 2023 жылдың тамыз айында Үкімет Амангелді және Жангелді аудандарын, Арқалық, Жітіқара және Лисаков моноқалаларын дамытудың кешенді жоспарларын бекітті. Оларды...

Жапырақтарды қағаз ақша қылып ойнап өскендердің қатарында барсыз ба? Дүкенші болып, сатырлатып ақша санау бала кезде ойын болып көрінгенімен, ол ересек өмірде пайдасы тиетін түрлі машықты дамытқан екен. Балаға қаржылық сауат негіздерін санаға ерте сіңірген дұрыс. Өйткені өскенде шешім қабылдағанда, қысқа және ұзақ мерзімді жоспарлар жасағанда, математикалық есептер шығарғанда, тәуекелерді бағалап, анализ жасағанда аса қажет болады. Kursiv Media тілшісі баланың жасына қарай қаржылық сауат жайлы қалай сіңіру керегіне шолу жасап шықты. 

5-7 жасар балаларға нені үйрету керек?

Мектепке әлі бармаған балаларға ақпаратты барынша қызық, ойын форматында берген абзал. Өйткені күрделі тақырыптарды ол әзірге қорыта алмайды. Сондықтан ақшамен таныстыру үшін түрл...

Төтенше жағдайлар министрлігі Сейсмологиялық байқау және зерттеулер ұлттық ғылыми орталығы 23 қаңтардан бастап Қазақстан аумағында 1900-ден астам жер сілкінісін тіркеді, оның 11-і сезілді. 

Орталық хабарлауынша, сейсмикалық белсенділік Қытай мен Қырғызстан шекарасында болған қатты жер сілкінісіне тікелей байланысты. Оның сейсмикалық толқындары жақын маңдағы елдердің, соның ішінде Қазақстанның аумағына тараған.

«Әдетте, мұндай қарқындылықтағы жер сілкіністерінен кейін көптеген афтершоктар орын алады, бұл әлі де байқалады. Бұл процестің қанша уақытқа созылатыны көптеген факторға, соның ішінде жер сілкінісінің эпиорталығы орналасқан аймақтың сейсмикасына және жер жағдайына байланысты. Бірте-бірте сейсмикалық белсендіру процесі әлсірейді және ол қалыпты режимге оралады», –делінген орталық хабарламасында.

Бұдан бөлек, министрлік дағдарыс жағдайлардағы басқару...

Елімізде 2,2 млн шамасында шағын және орта бизнес (ШОБ) кәсіпорыны жұмыс істеп тұр. Аз да емес. Көп те емес. Оның өзінің басым бөлігін көтерме және бөлшек сауда иеленеді. Оның да өркендегені маңызды. Бірақ шағын өндірістің жұмыс істеуі, қосылған құны бар тауарлардың нарыққа шығарылғаны тіпті қажетті. Қазір ШОБ бірнеше өзекті түйткілмен бетпе-бет қалып отыр. Олар: ең бірінші кезекте инфляция, теңге курсының құбылмалы болуы, несие пайызының қымбаттап отырғаны, көлеңкелі экономика үлесінің көбейіп кеткені. Тиісінше экономикадағы мемлекет үлесінің көптігін де осы қатарға қоса аламыз. 

Қаржыгер Ғалым Құсайыновтың айтуынша, ШОБ-ты қолдаудың амалы көп. Бірақ мемлекет пайыздық ставкаларды субсидиялауға көбірек мойын бұрып кетті. 

Қызыл теңізде Йемен хуситтері шабуылынан кейін Trafigura танкері отқа оранып, оған әскери кемелер көмекке келді.

Bloomberg басылымының ақпаратына сүйенсек, кемеде жүк танкі өртеніп, әскери кемелер көмекке келген. 

Хуситтер бұған дейін Аден шығанағындағы Марлин Луанда мұнай танкеріне шабуыл жасағанын айтқан.

Қызыл теңіздегі хусит зымыраны әлемдегі ең ірі Trafigura шикізат трейдерінің танкеріне тиген. Кеме толықтай өртеніп кетті.

«Бортта жүк цистерналарының бірінде пайда болған өртті сөндіру және бақылау үшін өртке қарсы жабдық орналастырылған», — деді Trafigura өкілі. 

Компания кемемен байланыста, төтенше жағдай орнына көмек көрсету үшін әскери кемелер келеді.

Басылым ақпаратына сүйенсек, кеме Маршалл аралдары туын тағынған. Ол  Лаконикос шығанағынан (Грекия) Сингапурға қарай жол тартқан. Сингапурға 8 ақпанда жету...

Ресейлік Газпромбанк теңгемен аударымдарды тоқтатады. Шектеу 2024 жылдың 1 ақпанынан бастап өз күшіне енеді.

Frank media басылымының ақпаратына сүйенсек, бұл барлық қызмет сегментінің клиенттеріне әсер етеді. Осыған дейін теңгемен аударымдарға корреспондент «Қазақстан Халық банкі» болған.

Теңгемен аударымдарды тоқтата тұру туралы банк тарифтерінің жаңа редакциясында жазылған. 

Бұрын теңгемен ақша аударымы үшін комиссия 300 рубль мен 1500 рубль арасындағы болған жағдайда аударым сомасының 1% құраған.

22 қаңтардан бастап «Газпромбанк» жеке тұлғалар үшін түрік лирасына аударымдарды тоқтатқан. Алайда өзге сегменттегі клиенттерге бұл мүмкіндік ашық болып қалған.

Айта кетейік, 2023 жылы қазан айында «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ («ТКШ ҚазОрталығы») мен ресейлік Газпромбанк ынтымақтастық туралы меморандумға қол қойды. 

Өнеркәсіп және...