Жаңалықтар

Сыбайлас жемқорлыққа қарсы агенттікке «Әділдік жолы» қорынан Алматыдағы жер сілкінісі кезінде қосылмаған сейсмикалық дабыл жүйесіне қатысты шағым түскен. Ведомство тексеру жұмыстарын бастаған.

Агенттік «Әділдік жолы» қоғамдық бірлестігінің директоры Дидар Смағұловтың өтінішін қабылдаған. Ол құны 1,1 млрд теңге болатын жер сілкінісі туралы дабыл жүйесін орнатуға тиіс компания экс-президент Нұрсұлтан Назарбаевтың жиені Нұрәлі Әлиевке тиесілі екенін жазған.

«Біз бұл ақпаратпен танысып шықтық. Әріптесіміз Дидар Смағұловтың жазбасын да оқыдық. Аталған факті бойынша Алматы қаласы сыбайлас жемқорлыққа қарсы күрес департаменті «Әділдік жолы» қорының өтінішін тіркеді.  Тексеру жүргізу үшін материалдар уәкілетті органға жіберілді және оның нәтижелері бойынша тиісті процестік шешім қабылданатын болады», – деді агенттіктің ресми өкілі Арман Тілеукенов.

Желіде жарияланған ақпаратқа сүйенсек, Алматы қаласының төтенше жағдайлар департаменті Нұрәлі Әлиевтің компаниясынан 1,1 млрд теңгеге жер сілкініс...

Қазақстанда вейптерді әкелу, өндіру, сату және таратуға тыйым салынады. Мәжіліс «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» заң жобасын» қабылдады. Құжат Сенатқа жолданды.

Вейптердің заңсыз айналымы үшін қылмыстық жауапкершілік:

Депутат Гүлдара Нұрымованың айтуынша, заң жобасында әскери медицина қызметкерлерінің қызметін жетілдіру, медициналық көмек көрсету кезінде клиникалық хаттамаларды ұсыныстар ретінде...

Қарағанды облысындағы Достық-Мойынты теміржол учаскесіндегі екінші жолды салуға қаржы Ұлттық қордан алынады. Бұл туралы «Самұрық-Қазына» әл-ауқат қорының есеп беру брифингінде қордың экономика және қаржы жөніндегі басқарушы директоры Айдар Рысқұлов айтты.

«Самұрық-Қазына» Ұлттық қордан стратегиялық маңызы бар инфрақұрылымдық жобаларға қаржы алады. Мысалы, Достық-Мойынты екінші жолын салу жобасы транзиттік және экспорттық әлеуетті арттыруға бағытталған», – деді ол.

Оның айтуынша, Достық-Мойынты учаскесінде екінші жол салу жобасындағы қазақстандық қамту үлесі 85%-дан асады. 

«Мұндай жобаның өтелу мерзімі 20 жылдан асатындықтан, оны нарықтық ресурстар есебінен қаржыландыру мүмкін емес. Сонымен қатар Қазақстанда 400 миллиард теңгеден астам көлемде ұзақ мерзімді қаржыландыру шектелген, яғни қаржыландыру көздері жо...

Цифрлық даму, инновациялар және аэроғарыш өнеркәсібі вице-министрі Мәлік Олжабеков Starlink интернетін тек ақпараттық қауіпсіздікті қамтамасыз еткенде ғана ел бойынша пайдалану мүмкін болатынын айтты. Қазіргі кезде ол пилоттық жоба ретінде мектептерге енгізілген.

Мәжілістің жалпы отырысында байланыс, цифрландыру және ақпараттандыру саласының инвестициялық ахуалын арттыру мәселелеріне қатысты заң жобасы талқыланды. Сонда депутат Мұрат Әбенов байланыс операторларының мүддесіне сай, Starlink интернетінің келуін қолдан созып отырғандаймыз деп мәлімдеді.

«Қазір бізде Starlink технологиясы бар. Бірақ оны енгізуге тосқауыл қойып, ұзаққа созып отырмыз. Бұл мәселе комитетте қаралды. Қауіпсіздікке байланысты шектеулер бар екені түсінікті. Бірақ ең маңызды аргумент ретінде біздің байланыс операторлары...

Алдағы уақытта Қазақстанда виртуалды ұялы байланыс операторы пайда болуы мүмкін. Ол бүкіл байланыс операторының сигналын қабылдай алады.

Мәжілістің жалпы отырысында байланыс, цифрландыру және ақпараттандыру саласының инвестициялық ахуалын арттыру мәселелеріне қатысты заң жобасы талқыланды. Заң жобасы жұмыс тобының жетекшісі Екатерина Смышляеваның айтуынша, виртуалды байланыс операторлары – байланыс қызметінің агрегаторлары.

Олар станциясы жақынырақ операторлардан бүкіл сигналды қабылдайтын әмбебап SIM-карталарға қызмет етеді.

«Мұндай карталарға арналған тариф біршама қымбатырақ болады, бірақ бүкіл ел бойынша үздіксіз байланысқа мүмкіндік болады. Қазіргі уақытта әмбебап карталар «ЭВАК» апаттық түймелерінде қолданылады», – деп атап өтті мәжілісмен.

Депутаттың айтуынша, виртуалды байланыс...

24 қаңтар күні мәжіліс депутаттары депутат Динара Шүкіжанованың мандатын тапсыру туралы шешімін қолдады. Respublika партиясы «Шүкіжанованың орнына кім депутат болады» деген сұраққа жауап берді.

Партия төрағасы Айдарбек Қожаназаровтың айтуынша, Шүкіжанова партия төрағасының орынбасары қызметінде қалады.

«Бір апта ішінде партия орталық кеңесін жинап, шешім қабылдаймыз. Үміткерлер бар. Бейбіт Әлібеков парламентке келе қоймас. Өзге де мамандар бар», – деді Қожаназаров.

Ол жаңа депутат таңдау кезінде Динара Шүкіжанованың да пікірі ескерілетінін айта кетті. Партияның алдағы екі апта ішінде дауыс беру арқылы жаңа депутатты таңдайтынын атап өтті.

Партия төрағасының айтуынша, Мәжілістен кету туралы шешімді Шүкіжанова біраз уақыт бұрын қабылдап, өзі ұсынған...

Жер сілкінісін ерте хабарлау жүйесі қазір тәжірибелік пайдалануға берілген. Шетелдік тәжірибеге сәйкес, апробациялық кезеңнен өтіп жатыр және сынақ режимінде. Жүйе әлі алты ай сынақтан өтеді.

Алматы қаласы ТЖД тапсырысы бойынша 2023 жылдың соңына қарай зілзала жайлы ерте хабарлау автоматтандырылған жүйесінің 28 сейсмикалық стансасының құрылысы аяқталған.

Жоба кезең-кезеңмен жүзеге асқан. Яғни 2022 жылы 11 сейсмикалық станса салынса, 2023 жылы 17 сейсмикалық станса салынып біткен.

Тап қазіргі уақытта жүйе тәжірибелік пайдалануға берілген. Сондай-ақ жүйенің сынақтан өтуіне  жарты жыл кетеді.

Бүгінгі Мәжіліс отырысында депутаттар Алматыда жер сілкінісі кезінде алдын ала хабарлаудың автоматтандырылған жүйесі неліктен жұмыс істемеді деген мәселені көтерді.

Қаржы және инвестициялар әлемі үнемі өзгеріп отырады, ал инвесторлар тиімді мүмкіндіктер іздеуде серпінді экономикалық ортаға бағдарланып, дұрыс шешімдер қабылдау үшін сарапшыларға жиі жүгініп отырады. 2023 жылы Freedom Broker компаниясының талдаушылары инвестициялау үшін құнды идеялар ұсынды, олар көптеген инвестор үшін бағыт-бағдар болды. Кәсіби ұсынымдар талдамалық сараптаманы қамтып қана қоймай, сондай-ақ көптеген инвестордың стратегияларында негізгі фактор болды.

Талдаушылардың пікірінше, болашағы бар Global X Blockchain ETF (BKCH) әсерлі кірістілікті қамтамасыз етіп, 2023 жылы 263%-дан астам пайызға күрт өсті. Мұндай керемет нәтижелер бірнеше фактордың бірігуімен түсіндіріледі:

23 қаңтар күні Түркия парламентінің бас ассамблеясы Швецияның НАТО-ға мүше болуы туралы хаттаманы ратификациялауға дауыс берді.

Ратификацияны 287 депутат қолдап, 55 депутат қарсы болды. 

«Бүгін біз НАТО толық мүшесі болуға бір қадам жақындадық»,– деп түсіндірді Швеция премьер-министрі Ульф Кристерсон Анкарадағы дауыс беру нәтижесінен кейін.

Швеция мен Финляндия Ресейдің Украинаға басып кіруінен кейін 2022 жылы НАТО-ға кіруге өтініш берді. Финляндия ресми түрде 2023 жылдың 4 сәуірінде Солтүстік Атлантикалық альянстың мүшесі болды. Швецияның НАТО-ға қабылдануын осы уақытқа дейін екі мемлекет – Түркия мен Венгрия құптамады.

Түркия Швецияның өтінішін мақұлдаудан бас тартып келуінің басты себебі Швеция ресми...

Respublica партиясынан сайланған депутат Динара Шүкіжанова ҚР Парламенті Мәжілісінен өз еркімен кетті.

Орталық сайлау комиссиясының ақпаратына сүйенсек, депутат мандатын тапсырған.

«Қазақстан Республикасы Парламенті Мәжілісінің депутаты Динара Аманжелқызы Шүкіжанованың өтініш беруіне байланысты оның өкілеттігін мерзімінен бұрын тоқтатуға әкелетін негіз туындады деп белгіленсін», – делінген ОСК қаулысында.

Осыған байланысты оның өкілетін мерзімінен бұрын тоқтату туралы ұсыныс Қазақстан Республикасы Парламенті Мәжілісінің қарауына енгізілді.

Ол Экономикалық реформа және өңірлік даму комитетінің мүшесі болды.

Осыған дейін Мәжіліс депутаты өңдеу өнеркәсібінде жұмыс істейтін азаматтарға жаңа ипотекалық бағдарлама әзірлеу бастамасын көтерген.

Депутат өңдеу өнеркәсібінде кадрлардың тұрақсыздығы белең алып жатқанына тоқталып, мұның себебін жалақының төмендігімен байланыстырды.

23 қаңтар күні түнде болған жер сілкінісінен кейін Алматы облысында 19 ғимараттан жарықшақ табылған.

«Алматы облысының аумағында тіршілікті қамтамасыз ету объектілері мен әлеуметтік маңызы бар объектілерді көзбен шолып тексеру нәтижелері бойынша 19 объектіде жарықшақ табылды», – делінген Төтенше жағдайлар министрлігінің хабарламасында.

Ақпаратқа сүйенсек, министрлік жанынан құрылған жедел желі телефондарына азаматтардан 800-ден астам қоңырау келіп түсті.

Кеше «Ұлттық сейсмологиялық бақылау және зерттеу ғылыми орталығы» ЖШС сейсмикалық станциялар желісі 2024 жылғы 23 қаңтарда сағат 15:07-де Алматы қаласының аумағында 2 балдық жер сілкінісін тіркеген. Жер сілкінісінің эпицентрі Алматы қаласынан оңтүстік-шығысқа қарай 164 км жерде Қырғызстан мен Қытай шекарасында орналасқан...

Бельгия 2024 жылы Украинаға Ресейдің тоқтатылған активтерінен түскен кірістен 611 миллион еуро бөледі, деп жазды La Libre басылымы. Бұл туралы Корольдіктің Қорғаныс министрі Людивин Дедондер мәлімдеді.

Министр бұл жерде Бельгияда тоқтатылған ресейлік активтердің пайыздары туралы айтып отыр.

Украинада арнайы операция басталғаннан кейін ЕО мен G7 елдері Ресейдің 300 миллиард еуроға жуық валюта резервтерінің жартысына жуығын тоқтатты.

Айта кетейік, қазан айының соңында белгиялық Euroclear Халықаралық депозитарийі 2023 жылдың тоғыз айында санкция бойынша түскен ресейлік активтерді инвестициялау кезінде шамамен 3 миллиард еуро пайда тапқаны туралы есеп берген болатын.

Еске салсақ, Еврокомиссия төрағасы Урсула фон дер Ляйен Украинаға макроқаржылық көмекті ескере отырып, ЕО-ны...

️Sergek сарапшылары жер сілкінісінің Алматыдағы жол қозғалысына қалай әсер еткенін есептеді. Бұл туралы Sergek Group телеграм арнасы хабарлады.

«23 қаңтарға қараған түні Алматыда көлік қозғалысының күрт өскені байқалды. Бұл сағат 00:09-да тіркелген жерасты сілкіністерінің себебінен болған. Өткен аптамен салыстырғанда қозғалыс белсенділігі 4,5 есе өсті. Белсенділіктің ең жылдам қарқыны түн ортасының алғашқы 30 минутында байқалды. Сағат 01:00-де ең жоғарғы деңгейге жетті. Кейін қаладағы белсенділік біртіндеп азайып, тек таңғы 5:00-де бұрынғы қалпына оралды», – делінген хабарламада.

Sergek сарапшыларының айтуынша, жер сілкінісінен кейінгі алғашқы сағатта жолдағы көліктердің саны 40%-дан 168 мыңға дейін өсіп, кейін 208 мыңға жеткен.

Зілзала кезінде кез-келген адам қауіпсіз жерге жасырынғысы келеді. Қауіптен қорғайтын құрылғылардың бірі – капсула. Бұл капсуланы жапон ғалымдары ойлап тапқан. Өйткені Жапония жер сілкінісі мен цунамиден ең көп зардап шегетін мемлекеттердің бірі. Бұл – елде қазіргі кезде осы капсулаға деген сұраныс өте жоғары.

Krisha.kz сайты Жапондық құтқарушы капсулаларға зерттеу жасады. Сайттың ақпаратына сәйкес, бұл құрылғы жер сілкінісі кезінде ғана емес, цунами болған жағдайда да адам өмірін құтқара алады екен. Құтқару капсуласы тіпті суға да батпайды.

«Капсула өте берік және шамамен 20 тонна қысымға төтеп бере алады. Ол жер сілкінісі кезінде құлап жатқан жиһаздардан, әйнектер мен кірпіштен...

2023 жылдың қорытындысында шикі мұнай өндіруге 3,5 трлн теңге инвестиция тартылды. Инфляцияға енгізілген түзетуге сәйкес, 2022 жылмен салыстырғанда құлдырау көрсеткіші 0,5%-ды құрады.

Бірінші кредиттік бюроның байламынша, бұл айтарлықтай төмен көрсеткіш болмаса да, әдеттен тыс жағдай. Пандемия кезеңін ескермегенде соңғы 10 жылда Қазақстанда мұнай өндіруге салынатын инвестиция азайған емес.

Бірінші кредиттік бюро көрсеткіштің сәл төмендегеніне қарамастан, нәтиже ойдағыдай екенін атап өтті.

«Көрсеткіш 7 жыл қатарынан 2 трлн теңгеден астам деңгейде тұр. Мұны түсіндіру оңай. Осы уақыт аралығында Теңіз кен орнының жобалық қуаттын арттыру
жобасы жүзеге асырылып жатыр», – деп жазылды Бірінші кредиттік бюроның телеграм каналында.

Қазақстан авиациялық әкімшілігі FAA-мен бірлесіп АҚШ-қа тікелей рейстер ашу бойынша жұмыс жүргізіп жатыр. Бұл туралы Қазақстанның авиациялық әкімшілігі мен «Қазаэронавигация» РМК басшылығының ұшу қауіпсіздігі жөніндегі баяндамасында айтылған.

«Авиациялық әкімшілік АҚШ әуе билігі FAA-мен бірлесіп АҚШ-қа тікелей рейстерді ашу бойынша жұмыс жүргізіп жатыр. Сонымен қатар өтінім беру және FAA аудитінен өту үшін Эйр Астана флотына Boeing 787 Dreamliner жеткізіледі деп жоспарланып отыр», – деп жазылған хабарламада.

Ақпаратқа сәйкес, жалпы Қазақстанның халықаралық авиация ұйымының талаптарына сәйкестігі 82 %. Сондай-ақ ұшу қауіпсіздігін бақылау мен қадағалау жұмыстары бойынша 2023 жылы 753 тексеріс жүргізіліп, 1008 құжат берілген.

Қазақстаннан АҚШ-қа...

Алматыда зілзаладан зардап шеккендердің барлығы қажетті медициналық көмекті алып жатыр. Бұл туралы Алматы әкімдігі хабарлады.

«2024 жыл 23 қаңтардың сағат 17:00-дағы жағдай бойынша Алматы қаласының ауруханаларына 67 адам медициналық көмекке жүгінген. Оның 55-сі ересек, 12-ы бала. Сегіз адам ауруханаға жатқызылды (үш ересек және 5 бала), қалған науқастар барлық қажетті тексеруден кейін амбулаторлық емдеуге жіберілді. Үш ересек науқас Қалалық жедел шұғыл көмек көрсету ауруханасында жатыр. Науқастардың бірі отадан кейін жансақтау бөлімінде, жағдайы ауыр деп бағаланып отыр», – деді Алматы әкімдігі.

Сонымен қатар екі науқас травматология және ортопедия бөлімшесінде жатыр, олардың жағдайы орташа ауыр.

Елімізде 3 ақпаннан бастап «пойыз+ұшақ» интермодальды тасымалдау пилоттық жобасы іске қосылады. Бұл туралы «Жолаушылар тасымалы» АҚ баспасөз қызметі хабарлады.

Мәлімдемеге сәйкес, бұл жоба «Жолаушылар тасымалы» АҚ, «SCAT» әуекомпаниясы және «UvU» компаниясымен өзара ынтымақтастық аясында жүзеге асады.

«Жолаушыларға ұсынылатын бұл қызмет автобус, әуе және темір жол билеттерін бір бағыт бойынша сатып алуға мүмкіндік береді. Осылайша азаматтар өздеріне ыңғайлы бағытты таңдап, билет іздеуге жұмсайтын уақыттарын үнемдейді. Сондай-ақ, қызмет арқылы еліміздің барлық қалалары бойынша саяхаттау мүмкіндіктері кеңейеді. Пилоттық жоба (пойыз+ұшақ) «Қостанай-Астана-Шымкент» бағытында және кері бағытта сынақ түрінде өткізіледі»-делінген хабарламада.

«Қостанай-Астана-Шымкент»(пойыз+ұшақ) бағыты бойынша тақ күндерде жол жүру кестесі:

Қытайда жерасты тербелісі әлі де жалғасып жатыр. Қытай сейсмология орталығы соңғы рет жерасты дүмпу Шыңжаң автономиясындағы Қызыл аймағында болғанын жазады.

Орталық ақпаратына сүйенсек, Бейжің уақытымен сағат 18:30 дейін (Астана уақытымен 16:30) 57 жерасты тербеліс болған. Осы уақытқа дейінгі соңғы тербеліс Шыңжаң автономиясындағы Қызыл аймағында тіркелген. Магнитудасы 3,3 балл. Дүмпулердің барлығы Қытайдың Қырғызстан мен шекаралас аумағындағы Ақсу және Қызыл аймақтарында болған. Түнгі жер сілкінісінен кейін ең үлкен тербеліс сағат Бейжің уақытымен сағат 03:36 шамасында Қызылда болған, магнитудасы 5,3 баллы.

Қытайдың ССTV агенттігінің мәліметінше, жер сілкінісінен кейін аймақта 3 зардап шеккен, олардың жағдайы қазір қалыпты. Түнгі жер сілкінісінен кейін елдің оңтүстік-шығысындағы әскери...

Әлдебір елдімекенде жер сілкінсе, жаңалықтар легі де осы тақырыпта көптеп шығады. Оның ішінде «магнитуда», «сейсмикалық белсенділік», «афтершок» деген секілді кей адамға түсініксіз термин көп болады. Kursiv Media тілшісі сейсмологиялық терминдер мен түсініктер туралы глоссарий дайындады.  

Баршаға мәлім жер сілкінісі— тектоникалық плиталар қозғалған кезде пайда болатын тербеліс пен жер асты дүмпулері. Жер қыртысы бірнеше ірі тектоникалық плиталарға бөлінген. Олар соның астындағы жартылай сұйық мантияда қалқып жүреді. Жер сілкіністерінің көпшілігі осы плиталар қозғалған кезде пайда болады. Олар бір-біріне қарай қозғалғанда, қысым артады. Сөйтіп бір сәтте плиталар сырғып, сейсмикалық толқындар түріндегі энергия шығарады. Ол бізге жер сілкінгендей сезіледі.

Мұндай кезде тектоникалық плиталар...

Қайрат Сатыбалдының ұлы «Байсат» базарының жерлерін заңсыз иеленген. Бұл жайлы Алматы қалалық прокуратурасының баспасөз қызметі хабарлады.

Прокуратура тексеріс жүргізіп, нәтижесінде «Байсат» базарына қатысты жасалған мәмілерлердің заңсыз жүзеге асырылғанын анықтаған.

«2024 жылдың 17 қаңтарында Алматы қаласының мамандандырылған ауданаралық экономикалық сотының «Алматы жылу» холдинг кешенінің (қазіргі «Байсат» базары) мүлкімен жасалған барлық мәмілелерді жарамсыз деп тану туралы шешімі заңды күшіне енді»,- делінген прокуратура хабарламасында.

Сотта кешеннің заңсыз сатылғаны расталған. Атап айтқанда, сот барысында қызмет бейінін сақтау және иеліктен шығаруға тыйым салу туралы шарттың талаптарын сақтамау бойынша міндетті сату шартынсыз 4 жыл бұрынғы мүлікті бағалау туралы...

Қазатомөнеркәсіптің ұлттық атом компаниясы Fitch Ratings агенттігі рейтингінде «BBB-» деңгейінен «BBB» деңгейіне көтерілді.

Компанияға қатысты Fitch Ratings болжамы «Тұрақты» деп көрсетілген. Қазатомөнеркәсіптің кредиттік рейтингі бір саты көтерілді. 

Fitch-тің пікірінше, «BBB» рейтингі Қазатомөнеркәсіптің несие қабілетінің жоғары екенін көрсетеді. Сонымен қатар, бұл несиелік тәуекелдер болжамы төмен, қаржылық міндеттемелерді уақтылы өтеу қабілетін білдіреді. Қазатомөнеркәсіпті бағалауға негізінен уран бағасының оң динамикасымен левередждің төмен деңгейі және компанияның нарықтағы мығым орны мен баламалы көлік бағыттарының болуы әсер еткен.

Fitch Қазатомөнеркәсіпті дербес негізде бағалады. Алайда, бұл компанияның 75%-ына «Самұрық-Қазына» АҚ иелік ететінін де ескерген.

Бағалау кезінде сондай-ақ, компанияның уран өндіру бойынша әлемдік көшбасшы екендігі және уран өнімінің негізгі тұтынушыларымен тұрақты ұзақ мерзімді байланыста екендігі ескерілген.

Еске сала кетсек, Қазатомөнеркәсіп ұлттық атом компаниясы» А...

Ғылым және жоғары білім министрі Саясат Нұрбек Назарбаев университетін алдағы жылдары қаржыландыруға қатысты сұраққа жауап берді. Министрдің дерегінше, жоғары оқу орнын қазынадан қаржыландыру жалғасады.

«Біріншіден, біз қаржыландыруды сақтап қалдық. Назарбаев университеті үшін өткен жылғы деңгейде шамамен 42 млрд теңге сақталып қалды. Алдағы 3 жылда да қолдау көрсетеміз. Қолдауға мемлекеттік білім тапсырысы да жатады. Сондықтан алаңдаудың қажеті жоқ. Біз алдағы 3 жылда қаржыландыруды былтырғы деңгейде ұстап тұрамыз. Бұл бүгінге дейін бюджетте бекітілген», – деді Ғылым және жоғары білім министрі.

Журналист Саясат Нұрбектен: «Оқу ақысында өзгеріс бола ма?», – деп сұрады.

«Біз...

«Онлайн-ҚазФинанс» микроқаржы ұйымының иелері алматылық Solva Capital компаниясына тиесілі акциялардың бір бөлігін кері сатып алуға ниетті. 

KASE-де жарияланған ақпаратқа сүйенсек, өткен жылдан бастап екінші деңгейлі банкке айналуға дайындалып жатқан Solva өзінің 15,4 миллион қарапайым акциясын сатып алмақ. Бұл өткен жылдың 1 қазанындағы жағдай бойынша орналастырылған қарапайым акциялардың жалпы санының 17,3%-ын құрайды. Кері сатып алу шеңберінде бір қағаздың құны 104,14 теңгені құрайды. Операцияның жалпы құны 1,6 млрд теңге.

Бағалы қағаздарды сату туралы өтінімдер қабылдау директорлар кеңесі шешім қабылдағаннан кейін бір күн ішінде яғни 22 қаңтардан кейін басталады.

1 қазандағы жағдай бойынша компанияның екі акционері бар: АХҚО-да тіркелген Астана Solva Group және Алматы Solva Capital. Алғашқысы 11,2 миллион болатын 11,2% үлеске ие болды. Ал...