Жаңалықтар

Елімізде су тасқыны болып жатқан аймақтардағы халықты құтақруға әскери ұшақтар қосылды. Бұл туралы Қорғаныс министрлігі хабарлады.

Қостанай, Шығыс Қазақстан, Ақтөбе және Батыс Қазақстан облыстарының жергілікті тұрғындарына Әуе қорғанысы күштері әскери бөлімдерінің әскери қызметшілері барды.

Адамдарды құтқаруға Ми-171Ш, Ми-17 және Ми-8 көліктік-жауынгерлік тікұшақтарының экипаждары кірісті.

«Қостанай облысында әскерилер Қызылжұлдыз, Екідін елді мекендерінде және жақын маңдағы су басқан қыстақтардан 102 адамды, оның ішінде 32 баланы эвакуациялады. Ұшу аралығы – 130-150 шақырым. Әскери ұшқыштардың ұшу тапсырмасы – су тасқынынан зардап шеккен жергілікті тұрғындарды іздеу және оларды көшіру», – делінген хабарламада.

Ұшқыштар күрделі ауа райында 400 шақырым қашықтықты...

Елімізде әр оныншы азамат азық-түлік сатып алуға 22,3 мың теңге жұмсайды. Бірінші кредиттік бюро мұндай статистика қалай шығатынын түсіндірді.

Ұлттық статистика бюросы табыс теңсіздігін бағалау үшін, әдетте, бүкіл халықты бірдей мөлшердегі 10 топқа бөледі. Онда кірісі аздан көпке қарай бөлу принципіне бекінеді. Нәтижесінде, бірінші топта азырақ қамтылған, ал екінші топта ауқатты азаматтар топталады.

«Демек біз азырақ қамтылған азаматтардың 10 пайызы туралы айтып отырмыз. 2023 жылғы төртінші тоқсанда олардың әрқайсының орташа айлық шығыны орта есеппен 37,6 мың теңге болған. Бұл соманың негізгі бөлігі азық-түлікке – 22,3 мың теңге (шамамен 60%) кеткен», – делінген хабарламада.

Қазақстан мен Қытай суды үнемдейтін технологияларды сынап көруге және отандық ауыл шаруашылығы өнімдері үшін «жасыл дәліз» құруға келісті.

Премьер-министрінің орынбасары Серік Жұманғарин мен ҚХР Шыңжаң-Ұйғыр автономиялық ауданы Халық үкіметінің төрағасы Эркин Тунияз кездесті. Кездесуде ауыл шаруашылығы саласындағы ынтымақтастық және ондағы өнімділікті 30%-дан 70%-ға дейін арттыратын су үнемдеу технологияларын енгізу мәселелерін талқыланды.

Қазақстанда суармалы жерлердің 50%-ына дейін су үнемдеу технологияларымен қамту жоспарланып жатыр. Әзірге бұл көрсеткіш 16% болып отыр.

«Бізде ауыл шаруашылығы мен өнеркәсіпте су үнемдеуді енгізуді қолдау және ынталандыру үшін барлық бағдарламалық құжат бар. Алматы, Түркістан және Қарағанды облыстарында жобаларды іске асыру басталды...

Оралда көшелерді су басып, қала әкімі Миржан Сатқанов жергілікті төтенше жағдай жариялады. Бұл туралы «Мой город» жергілікті басылымы хабарлады.

«Орал қаласының әкімі Миржан Сатқанованың 2024 жылғы 26 наурыздағы қаулысы бойынша қалада жергілікті табиғи төтенше жағдай жарияланды», – делінген хабарламада.

Айта кетейік, Оралда ондаған үй мен әлеуметтік нысандарды еріген қар суы басты. Автожолдарда 26 су тасқыны тіркелді.

Бұған дейін Орал қаласының әкіміне қатаң сөгіс жарияланғанын жазған едік. Батыс Қазақстан облысының әкімі Нариман Төреғалиев Орал қаласының әкімі Миржан
Сатқановқа қатаң сөгіс жариялады.

Облыс басшысы тасқын судың алдын алу бойынша облыстық жедел штабтың отырысын өткізген. Сонда жергілікті атқарушы органның су...

Премьер-министрдің орынбасары – Сыртқы істер министрі Мұрат Нұртілеу Вашингтонға сапары аясында АҚШ Сауда өкілі Кэтрин Таймен келіссөз жүргізді. Кездесуде Қазақстанда Wabtec компаниясының инженерлік орталығын ашу талқыланды. Бұл туралы министрліктің баспасөз қызметі хабарлады.

Мұрат Нұртілеу Қазақстан АҚШ-тың сенімді сауда серіктесі екенін атап өтті. Министр америкалық Сауда өкілін Астана халықаралық форумына қатысуға шақырды.

Сапар барысында ҚР СІМ басшысы америкалық Wabtec компаниясының басшылығымен кездесті.

«Кездесуде көлік және өнеркәсіп саласындағы ынтымақтастықты кеңейту, Қазақстанда компанияның инженерлік орталығын ашу туралы сөйлесті. Сондай-ақ «Болашақ» стипендиялық бағдарламасы бойынша оқитын студенттерге жұмыс тәжірибесін ұсыну перспективалары талқыланды», – делінген хабарламада.

Wabtec (Westinghouse Air...

Биыл Наурыз мейрамы 5 күн – 21-25 наурыз аралығында атап өтілді. Әр қалада жаппай мерекелік шаралар өтті. Бұдан басқа қазақстандықтар кино көрсетілімдерге, спорттық іс-шараларға, цирк қойылымдарына, концерттерге, театр қойылымдарына және басқа да ойын-сауықтық шараларға белсенді қатысты.

Кино әлеміне шолу

«Freedom Ticketon» онлайн билеттерін сату қызметінің мәліметінше, қазақстандықтар арасында демалыс күндері ең танымал фильм – «Пейіш. Жұмақ ананың табанының астында». Мереке күндері ең көп қаралған мультфильм «Кунг-фу панда 4» болды. Сонымен қатар өткен демалыс күндері 21 наурызда шыққан қазақ-қырғыз драмасы «Приговор» фильмін тамашалағандар да көп болды. Ticketon арқылы оған 10 000-нан астам билет сатылған.

Спорттық жарыстар бойынша

Спорттық шаралар...

Қазақстан 2010 жылдан бері молдова олигархтары Анатол және Габриэль Статимен соттасып келе жатқаны мәлім. «Ақ жол» фракциясының депутаттары осы дауға Қазақстан қанша қаржы жұмсағанын, кімді байытып жатқанын ашық жариялауды сұрап депутаттық сауал жолдады. Азат Перуашев осы дауда Қазақстанның мүддесін қорғаған, Марат Бекетаев пен Бауыржан Байбекке қатысы бар «Bolashak Consulting group» компаниясының қызметіне күмән келтірді.

«Стокгольм арбитраждық сотының Қазақстанның Статиге 544 миллион доллар төлеуі туралы шешімі жойылған жоқ. Осы орайда, кейбір БАҚ мәліметінше, Қазақстан бұл сот дауларына Стати талап етіп отырған қаржыдан екі есе көп шығын шығарған. Сондай-ақ осы дауларда Қазақстанның мүддесін қорғаған «Bolashak Consulting...

S&P Global рейтингтік агенттігі коммерциялық жылжымайтын мүлікті несиелеу саласындағы тәуекелдердің артуына байланысты АҚШ-тың бес аймақтық банктерінің несиелік рейтингтерінің болжамын төмендетті. Бұл  жағдай New York Community Bancorp (NYCB) баға белгілеулерінің құлдырауынан кейін инвесторлардың  алаңдаушылығын арттыруы мүмкін.

Толығырақ

S&P америкалық банктердің First  Commonwealth Financial, M & T Bank, Synovus Financial, Trustmark және Valley National Bancorp несиелік ұпайлары бойынша «тұрақтыдан» «теріс» болжамға өзгерді.

Рейтингтік агенттіктің пікірінше, жылжымайтын мүлік бағасының төмендеуі және жұмыс істемейтін аудандардың ұлғаюы. Әсіресе инвестициялық кеңсе жылжымайтын мүлік сегментінде, несиелік тәуекелдері бар банктер үшін қиындық туғызады.

«Рейтингі бар банктердің көпшілігі мерзімі өткен несиелердің күрт өскенін...

Қазақстан қаржыгерлер қауымдастығының талдау орталығы өмірді сақтандыру нарығына қатысты талдауын жариялады.

«2023 жылы заңнамалық ынталандыру өмірді сақтандыру нарығының барлық негізгі көрсеткіштерінің өсуіне ықпал етті», – деп жазылған талдауда.

Өмірді сақтандыру компанияларының активтері 1 118,7 млрд теңгеге (+199,1 млрд теңге немесе 21,7%) дейін өсті. Бұл бүкіл сақтандыру нарығының жиынтық активтерінің 44,8%-ын құрайды.

Активтер құрылымы

2024 жылғы 1 қаңтардағы жағдай бойынша активтер құрылымына тоқталсақ:

Азаматтық некедегі әйелін өлтірді деп айыпталған бұрынғы ұлттық экономика министрі Қуандық Бишімбаев сот процесінде өзіне тағылған айыпты мойындамады.

«Осы уақытқа дейін іс бойынша өз пікірімді айтатын мүмкіндік болмады. Прокурор айтқанның көбі ойдан шығарылған, дәлел жоқ. Қылмыстық кодекстің 110-бабына келсек, менің тарапымнан мұндай қылмыстық әрекет ешқашан жасалған емес, айыпты толық мойындамаймын», – деді Бишімбаев сот отырысында.

Судья Айжан Құлбаева Қылмыстық кодекстің 99-бабы (аса қатыгездікпен адам өлтіру) бойынша сотталушының кінәсін мойындап-мойындамайтынын нақтылады.

«Бұл бап бойынша да дәл сондай пікірдемін. Адамды аса қатыгездікпен әдейі өлтірген жоқпын», – деді сотталушы Бишімбаев.

Қылмыстық іс бойынша сотталушы Бақытжан Байжанов қылмыс жасаған-жасамағанын білмейтінін жеткізді.

«Құрметті сот, видеоны...

Елімізде бір лудоманды емдеуге кемінде  2-3 миллион теңге жұмсалады. Бұл туралы Мәжіліс депутаты Нартай Сәрсенғалиев айтты.

Мәжілістің комитет отырысында «Ойын бизнесі, лотерея және лотерея қызметі туралы» заң жобасы таныстырылды. Заңды талқылау барысында Нартай Сәрсенғалиев Қазақстанда лудомандарды емдеу концепциясы әлі бекітілмегенін мәлімдеді.

«Денсаулық сақтау министрлігіне қарайтын Алматыда республикалық психикалық ғылыми практикалық орталық бар. Ол ресми түрде түрлі деңгейдегі психологиялық дертке жататын ауруларды зерттейді, себебін анықтайды және емдеудің жолдарын қалыптастырады. Аталмыш орталық директоры және осы бағытта жұмыс істейтін өзге де орталық өкілдерімен осы лудомандар мәселесін талқыладық. Өкінішке қарай, біздің елімізде әлі күнге дейін лудомания дертінің себеб...

Қайрат Боранбаевтан қайтарылған «КОМФОРТ ОТЕЛЬ АСТАНА» қонақүйі әлі де мемлекет меншігінде. Аукционға шығарылған қонақүйді ешкім сатып алмаған.

Қонақүй «Астана қаласының Инвестициялар және кәсіпкерлікті дамыту басқармасы» мемлекеттік мекемесінің меншігінде тұр. Мекеме бұл нысанды 3 919 431 715 теңгеге аукционға шығарған. Алайда сенімгерлік басқаруға беру жөніндегі аукцион өтпей қалған.

Шартқа сәйкес объектіні алған адам берілетін мүліктің аумағын қонақүй бизнесін жүргізу мақсаты бойынша қатаң пайдалануы тиіс. Сонымен бірге құжатта сатып алу құқығымен сенімгерлік басқаруға берілген уақытта Қазақстан Республикасының заңнамасында белгіленген тәртіппен объектіні есепке алуды және сақталуын қамтамасыз етуге, қажет болған кезде оған жөндеу жүргізу, объектіге зақым келтіруі мүмкін әрекеттерге жол бермеу, ол зақымдалған немесе...

Қазақстанның ауылшаруашылық өнімдері Қытай нарығына шығарылады. «Азық-түлік келісім шарт корпорациясы» ҰК» АҚ мен қытайлық Jinmaisui Group Gangwei компаниясы өзара келісімге келген.

Келісімге Қазақстан экспорттаушыларының екінші форумы мен Сауда-экономикалық ынтымақтастық жөніндегі Қытай (Сычуань) – Қазақстан 2024 конференциясы аясында қол қойылған.

Іс-шараға Сычуань және Хубэй провинцияларының іскер топтарының өкілдері, Қазақстан мен Қытайдың мемлекеттік және квазимемлекеттік секторларының өкілдері қатысқан.

«Азық-түлік келісім шарт корпорациясы» ҰК» АҚ Басқарушы директоры Жанатаев Рустам Қытайдың қазақстандық ауыл шаруашылығы өнімді үшін негізгі нарық ртіндегі маңызын атап өткен.

Азық-түлік келісім шарт корпорациясы облыс әкімдіктерімен бірлесіп, ауыл шаруашылығы тауарын өндірушілерді қолдау мақсатында шамамен 100 миллион АҚШ доллары...

Қор нарығындағы  танымал сауда платформасының  операторы Америкалық Robinhood Markets 2 жыл бұрын  дебеттік төлем картасын шығарған еді. Енді биыл  несие картасын әлемге паш етті.  Robinhood бірте-бірте өз кәсібін брокерлік бизнестен тыс кеңейтіп келеді. 

Толығырақ

Robinhood қаржы компаниясы өзінің алғашқы Gold Card несие картасын шығарды. The Wall Street Journal басылымының  жазуынша, Visa карта лицензияланған, эмитент банкі ретінде Coastal Community Bank болды. Жаңа карта Robinhood Gold премиум саласындағы жазылушыларына қолжетімді болады.

Несие карталарының иелерінен Robinhood шетелдік транзакциялар үшін жылдық төлем мен комиссия алмайды. Карта кез- келген сауда үшін 3% көлемінде кэшбэк ұсынады.  Bloomberg-тің жазуынша, JPMorgan Chase ұсынған Chase Sapphire...

Букмекерлік кеңселер мен казиноның жарнамасына толық тыйым салынуы қажет. Ал ойында бәс тігу жасы 21 жастан 25 жасқа дейін көтеріледі. Осындай талап қойған Мәжіліс депутаттары «Ойын бизнесі, лотерея және лотерея қызметі туралы» заң жобасын жұмысқа алды.

Заң жобасын Елнұр Бейсенбаев таныстырды. Депутат аталған заң жобасына Үкіметтен қорытынды алу оңайға соқпағанын айтты.

Әдетте, басқа заңдар бойынша қорытындыны 1-2 ай күтетін болсақ,  ал бұл заңға келгенде тым созылып кетті. Демек, мұның айналасында мүдделі топтар, лоббистер бар деген сөз. Яғни мұнда үлкен қаражат айналып жатыр. Мәселен, былтыр букмекерлік кеңселердің жылдық айналымы бейресми ақпараттар бойынша 1 триллион теңгеге жеткен...

Депутат Сергей Понамарев Мәжілісте Үкіметтің де, әкімдіктердің де су тасқынына дайын болмағанын айтты.

«Бүгінде Қазақстан тасыған су астында қалып, Ақтөбе, Қостанай, Шығыс Қазақстан облыстарының тұрғындары зардап шегіп отыр. Астана іргесіндегі Қоянды ауылында үйлерді су басты. Қостанай облысында жыл сайын бірнеше ауылды су басады. Кейбір жерлерде мектептерді су алып кетті. Шығыс Қазақстан облысының Марқакөл, Қатонқарағай және Алтай аймақтарында қардың биіктігі 2 метрге жетеді», – дейді депутат.

Пономарев қар қалың жауатын өңірлерде өзендер еріген қар суын сыйдыра алмай көбінде арнасынан шығып жататынын, салдарынанын жергілікті халық жыл сайын жапа шегетінін айтады.

2024 жылдың ақпан айында Қазақстанда Қытай валютасына деген сұраныс артқан. Бұл Ұлттық банктің шетел валютасын сату/сатып алу статистикасындағы деректерден байқалады.

Өткен айда ақша айырбастау орындары 233,8 млн теңгеге юань сатқан. Бұл көрсеткіш алдыңғы аймен салыстырғанда (67,8 млн теңге) 3,4 есе артық.

Соңғы рет юаньге деген сұраныс былтыр қыркүйекте байқалған еді. Ол кезде қытай валютасының сатылымы алдыңғы аймен салыстырғанда 3,7 есе өскен болатын. Қазан айында да юань сатуы екі есеге өсіп, 270 миллион теңгеге жетті. Қарашада қытай валютасына сұраныс өткен айдағы деңгейде қалған. Алайда желтоқсанда юаньның сатылымы 2,5 есе, яғни 96,4 миллион теңгеге дейін азайды.

Алматы қаласының айырбастау...

Оңтүстік Кореяның Samsung Pay қосымшасы ресейлік банктердің «Мир» төлем жүйесіне қатысты барлық мобильді қосымшаларға тыйым салады.

Samsung Pay осы жылдың 3 сәуірінде Ресейде жұмысын тоқтатады. Осы күннен бастап Samsung Pay қолданбасында «Мир» карталарын қосу және пайдалану қол жетімді болмайды. Бұрын қосылған «Мир» карталары мобильді қолданбадан өшіріледі.

Компанияның барлық бөлімшелері Ресеймен жұмыс істеуді тоқтатты. Қазірдің өзінде Samsung Heavy Industries компаниясы «Звезда» кеме жасау компаниясымен келісімшарт жасасқан арктикалық кемелерге арналған жабдықтар өндірісін тоқтатып үлгерген. Samsung өз тауарларын Ресейге жеткізу мен тұрмыстық техника өндірісін ресми тоқтатқан. 

Известия сұхбат берген компания өкілдерінің бірі Украинадағы соғыс аяқталғаннан кейін де Оңтүстік Корея бренді Ресей нарығына...

Қазақстанда органикалық өнім өндірісі субсидиялана бастайды. Ал осы сала өкілдеріне ортақ өндірістік сертификатпен жұмыс істеуге мүмкіндік беріледі. Мәжіліс «Органикалық өнім өндірісі және айналымы туралы» Заң мен оған ілеспе екі заңды мақұлдады.

Органикалық өнім өндірісіне қатысты заңда не қамтылады?

Құжаттарды екінші оқылымда Мәжіліс депутаты Айдарбек Қожаназаров таныстырды. Заң жобасының мақсаты –  органикалық өнімді өндіру және оның айналымы саласындағы заңнаманы жетілдіру. Сондай-ақ оны халықаралық стандарттармен және органикалық өндірісті жүргізу практикасымен үйлестіру.

«Өзгерістер органикалық өндірісті сұраныстар мен өткізу нарығының қалауына байланысты таңдалған стандарттың талаптарына сәйкестігін сертификаттауға мүмкіндік береді. Сертификаттау объектілерінен органикалық өнімдер алынып тасталады, тек өндіріс...

Шетелде жұмыс істеп жүрген қазақстандықтардың еңбек құқығын қорғау үшін бірнеше елмен үкіметаралық келісімге қол қою көзделген. Бұл туралы Алматы қаласына ресми іссапары кезінде Еңбек және халықты әлеуметтік қорғау министрі Светлана Жақыпова айтты.

«Министрлік шетелге жұмыс іздеп, еңбек миграциясына кеткен азаматтардың құқығын қорғау үшін 8 үкіметаралық келісімге түрткі болды. 

Ақпан айында президенттің Қатарға сапары кезінде мемлекетаралық келісімге қол қойылды», – деді министр Алматы қаласы тұрғындарымен кездесу барысында. 

Бұдан бөлек, министр Оңтүстік Кореямен және Ұлыбританиямен келісімге келу мәселесі талқыланып жатқанын айтты.

«Оңтүстік Кореяға жұмысқа баратын азаматтарды бейімдеу, тіл үйрену және өзге де қызметтер...

Су тасқынына байланысты Ақтөбе әуежайы уақытша жұмысын тоқтатты. Бұл жайлы әуежайдың баспасөз қызметі хабарлады.

«Ұшу жолағында тазалау жұмыстарынн жүргізуге байланысты әуежай әуе кемелерін қабылдау және ұшыру жұмыстарын 6:30-дан бастап, 17:00-ге дейін жабылады», –делінген хабарламада.

Бизнесті заман ағымына қарай жүргізу маңызды. Мысалы, миллиениалдарды қазір жұмысқа салып, «қинай» алмайсыз. Өйткені бұл ұрпаққа мұндай қарым-қатынас жақпайды. Нәтижеге жету үшін жылдар бойы терлеп жұмыс істеуге шыдай бермейді. Сондықтан қалаған жетістікке жетектеу үшін оларға процестерді ойын түрінде ұйымдастырған компания ұтады. Олай болса, геймификацияның бизнес үшін маңызы қандай — осы туралы айтайық.

Бизнеске геймификацияны не үшін енгізу керек?

Геймификация дегеніміз — бизнеске ыңғайландырылған ойын техникалары. Сол арқылы қызметкерлер мен клиенттерді ұстап қалуға болады. Компаниямен байланысты нығайтып, жылы қарым-қатынас орнатуға мүмкіндік береді. Мысалы, жұмыс бастан асқан кезде қол астындағылар жұмыстан титықтап кетпес үшін басшылық бөлімдер арасында жарыс ұйымдастырады...

Қазақстандағы жаңа ислами депозиттердің көлемі 2,8 трлн теңгеге жетуі мүмкін. Мұндай деректер Қазақстандағы исламдық қаржыландыруды дамыту нарығы бойынша есепте келтіріледі. Есеп тұсаукесері «Астана» халықаралық қаржы орталығының (АХҚО, Орталық) алаңында өткен.

Зерттеу аясында діни сеніміне байланысты дәстүрлі банктерден депозит ашпайтын респонденттер ислами депозит ашуға дайын екенін жеткізген. Мұндай жаңа депозиттердің жалпы сомасы 1,9 трлн теңгеге жетуі мүмкін. Сонымен қатар, зерттеу барысында алынған мәліметтер негізінде дәстүрлі депозиттен 924 млрд теңге аударылуы мүмкін.

Қазір нарықтағы исламдық ипотека көлемі 1,6 трлн теңгені құрайды. Ал исламдық қаржыландырудың әлеуеті, оның ішінде тұтынушылық қаржыландыру, автоқаржыландыру және бөліп төлеуді қосқанда, 2,3 трлн теңгеден асуы ықтимал...

Қазақстан Ресейдің «Крокус Сити Холл» концерттік залында болған оқиғаны толық зерттеп, қажетті сабақ алуы керек. Бұл жайлы депутат Айдос Сарым айтты.

Депутат террактіде қайғылы оқиға кезінде қайтыс болғандардың үштен бірі тікелей лаңкестік әрекеттен қайтыс болса, қалған адамдардың ілеспе жағдайлардан жапа шеккенін айтады. Айтуынша, өрт пен дүрбелең және құқық қорғау органдары мен ұйымдастырушылардың іс-әрекетіндегі сәйкессіздік салдарынан адам шығыны артқан. Осы орайда депутат құрылысты салмас бұрын авариялық жағдайда адамдардың қауіпсіздігін қамтамасыз ету мәселесіне көбірек мән берген жөн деп санайды.

«Құрылыста пайдаланылатын материалдардан бастап, оларды пайдалану кезінде адамдар мен персоналдың қауіпсіздігін қамтамасыз ету мәселелеріне ден қойылуы керек...