Жаңалықтар

Jet сервисінің тең құрылтайшысы Серік Оспановтың Алматы А-cars компаниясы 2024 жылдың тоғыз айында 50,1 млн теңге табыс тапса, биыл қаңтар-қыркүйекте 623,4 млн теңге пайда тапты. Яғни электромобильдерді жалға беретін компания пайданы бірден 12,4 есеге арттырды.

Автокөлікті жалға беруден түскен түсім 2024 жылғы қаңтар-қыркүйекте 450 млн теңгеге қарағанда 1,9 млрд теңгені құрады. 2025 жылғы 30 қыркүйектегі жағдай бойынша компанияның бөлінбеген пайдасы 2025 жылғы 1 қаңтардағы жағдай бойынша 453,4 млн теңгеге қарағанда 1,1 млрд теңгеге жетті.

A-Cars 2024 жылдың қорытындысы бойынша 2023 жылғы 31,9 млн теңгемен салыстырғанда 146,95 млн теңге таза пайда тапты. Компания қарыз ақшаға сатып алған электромобильдерді жалға береді. Бұл...

Түркістан облысы Түлкібас ауданында болған атысқа қатысы бар екі адам әлі ұсталған жоқ. Есесіне тұрғындар оқиға қайталана ма деп алаңдап отыр.

Оқиғаға қатысты күдіктілерді полиция әлі іздеп жатыр. Аудан орталығына полиция күзеті қойылған. Ал арада екі күн өтсе де, жергілікті тұрғындардың қорқынышы сейілмеген.

Куәгер Динара Бейсембаева оқиға 2 қараша күні түнгі сағат 23:00 шамасында болғанын айтады. Оның сөзінше, үсті-басын жапқан, бетіне маска киген жігіттер көше бойында тұрған жігіттерге оқ ата бастаған.

«Жол жиегінде тұрғандар айқайлады. Сол кезде оқ атқандар көлігіне мініп қашты. Дәріханаға бір жігіт жүгіріп керді. Бинт беріңізші деді, бердім. Дірілдеп өз...

Қазақстанда проблемалық қарыздарды коллекторларға сатуға мораторийді ұзарту жоспарланып отыр.

Мәжіліс кулуарында Қаржы нарығын реттеу және дамыту агенттігінің төрайымы Мадина Әбілқасымова мораторийдің былтырдан бері күшінде екенін еске салды.

«Біз оны тағы бір жылға ұзартуды жоспарлап отырмыз. Банктер мен микроқаржы ұйымдарына қарыздарды реттеу міндетін жүктегіміз келеді. Өйткені олар несие алушының төлем қабілеттілігін бағалап, несие берген, кейін ол қарыз проблемалық болып кеткен», – деді ол.

Агенттіктің деректеріне сәйкес, 2024 жылы жеке тұлғалардың коллекторларға берілген проблемалық микронесие қарыздары 3%-ға артқан. Яғни, 358 млрд теңгеден 370 млрд теңгеге дейін жеткен. Оның ішінде банктер берген қарыздар – 285 млрд теңге, ал...

Маркетплейс FBO жүйесімен (тауарды Ozon қоймасынан сату) жұмыс істейтін кәсіпкерлерге арналған тарифтерді екі есе төмендетті. Бұл жеңілдік қазақстандық заңды тұлғамен келісімшарт жасаған сатушыларға қолданылады.

Енді Ozon Қазақстан қоймаларында тауарларын сақтайтын сатушылар (FBO жүйесі) шығындарын екі есеге азайта алады. Ол үшін кәсіпкерлер Ozon маркетплейсінің жергілікті серіктесі – «OZON Маркетплейс Казахстан» ЖШС-мен келісімшарт жасауы жеткілікті. Бұған дейін мұндай мүмкіндік тек өз қоймасымен жұмыс істейтін (FBS жүйесі) сатушыларға ғана берілген еді. Жаңа шарттар бойынша FBO сатушыларына Алматы мен Астанадағы Ozon фулфилмент-орталықтарында тауарды тегін сақтау мүмкіндігі ұсынылады.

FBO жүйесі бойынша жұмыс істеу қанша тұрады

Ozon Қазақстан енді FBO жүйесімен жұмыс істейтін немесе сол форматқа...

Bek Air ұшағы апатынан зардап шеккендер қылмыстық іс аясында өздеріне 5 миллиард теңге өндіріп беруді сұраған. 2025 жылдың 5 қарашасында іс бойынша сот үкімі шықты. Соған сәйкес, 12 адам қаза тапқан апатқа марқұм екі ұшқыш кінәлі деп танылды.

Істі қараған судья Дастан Алмағамбетовтің сөзінше, жәбірленуші тарап қойған азаматтық талап-арыздың жалпы сомасы шамамен 5 миллиард теңге, оның 90 миллион теңгесі – мүліктікке келген залал.

Қылмыстық-процестік кодекстің 170-бабының 3-бөлігіне сәйкес, талап-арыз сомасын нақты есептеу мүмкін болмаған жағдайда іс азаматтық сотқа беріледі. Осылайша сот жәбірленушілердің азаматтық талап сомасын анықтау мәселесін азаматтық сотқа жолдады.

Сонымен қатар «Bek Air» АҚ-ға тиесілі мүлікке салынған...

Қазақстанда ресми түрде Chery Arrizo 6 моделі таныстырылды. Жаңа «халық седаны» атағына үміткер  автокөлік  Алматыдағы Astana Motors Manufacturing Kazakhstan зауытында шығарылады және ресми дилерлік орталықтарда 8 490 000 теңгеге қолжетімді.

«Жаңа Chery Arrizo 6 технология, дизайн және тиімділіктің үйлесімін ұсынып, сонымен бірге қалың көпшілікке қолжетімді болып қала береді. Жаңа модель брендтің Қазақстан нарығындағы орнын нығайту және өз сегментіндегі ең тартымды ұсыныстардың біріне айналу үшін жасалған», – деді Astana Motors құрамына кіретін Қазақстандағы Chery дистрибуциясының директоры Нұрлан Шамғонов.

Жаңа модельдің тұсаукесері қала сыртында, Алматы маңындағы көркем жерде өтті. Қатысушылар бір күнін автокөлік қауымдастығының ортасында өткізіп, Chery...

2019 жылы басында борышы көп біраз азаматтардың қарызы кешірілген еді. Алайда бұл шара нәтижелі болмады. Қаржы нарығын реттеу және дамыту агенттігінің төрағасы Мәдина Әбілқасымова бұл бастамадан кейін кей азаматтар қайтадан несие алып, тағы да қарызға батқан дейді.

Әбілқасымованың айтуынша, амнистиядан кейін халықтың бір бөлігі қайта қарыз алып, тағы да төлемеуге көшкен.

«Кей адамдар бес-алты жыл сайын несие кешіріледі деп ойлап, қарызды қайтаруға немқұрайлы қарай бастайды. Бұл – бюджетке ауыр салмақ және жауапкершілікті төмендететін жағдай», – деді ол.

Жаңа амнистия болмайды

ҚНРДА басшысы мемлекет енді жаңа амнистия жүргізбейтінін айтты.

«Мұндай шаралар...

Қазақстандықтар азық-түлікті кредитке сатып алып жүр. Мұндай қарыз үлесінің жалпы көлемі шамамен 10%-ға жуықтайды.

Бұл туралы Қаржы нарығын реттеу және дамыту агенттігінің төрағасы Мәдина Әбілқасымова мәлімдеді.

Ол қазақстандықтар тұтынушылық несиелерді тағы қандай мақсаттарға алатынын айтты.

«Жылдар бойынша, орта есеппен алғанда, тұтыну тауарларына арналған несиелер бар. Бірақ олардың үлесі онша үлкен емес, 10%-дан төмен», – деді ол Мәжілістегі брифингте.

Сонымен қатар, тұтынушылық несиелердің елеулі бөлігі ұзақ мерзімді пайдаланылатын тауарлар мен тұрғын үй жағдайын жақсартуға бағытталған.

Әбілқасымованың айтуынша, азаматтар шамамен 20% несиені ұзақ мерзімді тұтыну тауарларына, мысалы, тұрмыстық техника мен жиһазға жұмсайды.

Тағы шамамен 10% жөндеу жұмыстарына...

Қазақстандық банктер соңғы бес жылда ағымдағы шоттарға пайыз төлеуге тыйымның арқасында 4 трлн теңге пайда тапқан. Мәжіліс депутаты Ерлан Саиров мұны «мемлекеттің банктерге жасаған сыйы» деп атады.

«Банктер және банк қызметі туралы» заң жобасын талқылау кезінде Саиров соңғы жылдары банктер азаматтардың және квазимемлекеттік сектор компанияларының ағымдағы шоттарына пайыз есептеуге 2018 жылдан бастап енгізілген тыйымның есебінен триллиондаған теңге пайда тапқанын айтты. Депутат бұл шешім ірі қаржы институттарының мүддесін қорғауға бағытталған деп санайды.

Депутат дерегінше, соңғы бес жылда банктердің жиынтық табысы 8,2 трлн теңгені құраған. Оның ішінде тек өткен жылы банктердің 2,5 трлн теңге таза табысының шамамен 1 трлн теңгесі осы тыйымны...

Алматыда 2019 жылдың желтоқсанында болған Bek Air ұшағы апатына қатысты сот үкімі шықты.

Марқұм екі ұшқыш Марат Мұратбаев пен Миржан Молдақұлов 12 адам қайтыс болған апатқа кінәлі деп танылды.

Оларға қылмыстық кодекстің 344-бабы 3-бөлігінде көрсетілген қылмыстық құқық бұзушылықты жасады деген айып тағылған. Бұл бапта әуе көлігі жүрісі немесе оларды пайдалану қауіпсіздігі қағидаларын бұзу екі немесе одан да көп адамның өліміне әкеп соққан жағдай көрсетілген.

«Марат Мұратбаев пен Миржан Молдақұлов Қылмыстық кодекстің 344-бабының 3-бөлігінде көзделген қылмыстық құқық бұзушылықты жасағаны үшін кінәлі деп танылсын», – делінген сот үкімінде.

Екі ұшқыш қайтыс болған, соған байланысты жаза тағайындалмайтын болды.

Қылмыстық-процестік кодекстің 178-бабының 10-бөлігіне сәйкес...

Қазақстанда енді қаржы алаяқтарының құрбаны болған азаматтардың несиесін банктердің өзі өтейтін болады. Бұл туралы Мәжіліс кулуарында Қаржы нарығын реттеу және дамыту агенттігінің төрағасы Мәдина Әбілқасымова хабарлады.

Жаңа заң не дейді

Әбілқасымованың айтуынша, биыл жазда қабылданған жаңа заң 30 қыркүйекте күшіне енген. Енді азаматтарды несиеге қатысты алаяқтықтан қорғаудың екі тетігі бар: соттан тыс және сот арқылы шешу.

«Соттан тыс және сотпен шешу тәртібі бекітілді. Соттан тыс тәртіп бойынша, биометрия жоқ болса, азаматтар өздігімен кредиттен бас тартса, ішкі істер органдары кредитпен алданған адам жәбірленуші деп таныса, банктер сот тәртібінен тыс сол қарыздан босатады. Ал сот тәртібі бойынша...

Президент Қасым-Жомарт Тоқаев «Ішкі саясаттың негізгі қағидаттары, құндылықтары мен бағыттарын бекіту туралы» жарлыққа қол қойды. Онда «Алға, Қазақстан!» ұлттық ұран ретінде көрсетілген. Құжат мәтіні Ақорда сайтында жарияланды.

Мемлекет басшысы қабылдаған жарлық төрт тараудан, сонымен бірге кіріспе мен қорытындыдан тұрады.

Күшті президент

Бірінші тарауда ішкі саясаттың мақсаты мен қағидаттары айқындалған. Құжатқа сәйкес, билік жүргізетін ішкі саясат мақсаты – «мемлекеттілік пен ел бірлігін нығайту, елді тұрақты дамыту үшін қоғамдық-саяси ахуалдың тұрақтылығын қамтамасыз ету».

Басты идея – әділетті Қазақстанды құру.

«Оны жүйелі жүзеге асыру үшін ішкі саясаттың «Заң мен тәртіп», «Халық үніне құлақ асатын мемлекет», «Әртүрлі көзқарас – біртұтас ұлт...

Қаржы министрлігі салық төлеуден жалтарып, тұрғын үйді жалға беретіндерді анықтауға білек сыбана кірісті. Вице-министр Ержан Біржанов жалдау ақысынан түскен табысын жасырып жүргендерді қалай анықтайтынын айтып берді.

Тексеру қалай жүргізіледі?

Біржановтың айтуынша, «жасырын» жалға берушілерді анықтау жұмысы бұрыннан жүргізіліп келеді. Дегенмен қазір деректерді біріктірудің арқасында бұл жұмыс тиімді бола түскен. Министрлік 74 мемлекеттік органның базасына қосылып, Мемлекеттік кірістер комитетінде BigData жүйесін іске қосты.

«Бұл кімнің жылжымайтын мүлікке иелік ететінін, бірақ өзі онда тұрмайтынын дәлірек көрсетуге мүмкіндік берді. Шартты түрде айтқанда, банктік аударымдар арқылы да анықтаймыз. Мұның бәрі сапалы талдау жүргізу үшін қажет. Құқық қорғау органдарымен, учаскелік...

Қазақстандықтар енді телефонмен сөйлесу кезінде банк қосымшасы арқылы ақша аудара алмайды. Бұл ереже алаяқтықтың алдын алу мақсатында енгізілді.

Неліктен мұндай шектеу қойылды

Қаржы нарығын реттеу және дамыту агенттігі мен Ұлттық банк азаматтарды телефон арқылы сөйлесіп, «қолмен басқаруға» тырысатын алаяқтардан қорғау үшін жаңа ақпараттық қауіпсіздік талаптарын бекітті.

«Егер мобильді қосымшаны пайдалану кезінде микрофон қосулы болса (мысалы, сөйлесу жүріп жатса), қаржылық операция уақытша бұғатталады. Бұл клиенттің іс-әрекетіне телефон арқылы әсер етуге тырысатын алаяқтарға тосқауыл қояды», – делінген хабарламада.

Екі факторлы аутентификация

Жаңа ережелер тек аударымдарға ғана емес, қосымшаға кіруге де қатысты. Енді қолданушы...

Қазақстанда көз ауруларын емдеуге зейнетақы жинақтарын пайдалануға түскен өтініш саны күрт артты. БЖЗҚ дерегі бойынша, қазанда 15,4 мың өтініш орындалған. Бұл қыркүйекпен салыстырғанда шамамен 10 есе көп. Ал жыл басынан бері сегіз ай ішіндегі орташа көрсеткіштен 73 есе жоғары.

Бұған назар аударған Бірінші несие бюросының хабарлауынша, қазанда жалпы зейнетақы қорынан 13,3 млрд теңге төленген. Бұл қыркүйекпен салыстырғанда 9 есе, ал қаңтар-тамыз аралығындағы орташа көрсеткіштен 83 есе жоғары. Қыркүйекте көз ауруларын емдеуге зейнетақы жинақтарын пайдалануға қатысты 1611 өтініш орындалған. Жалпы сомасы – 1,4 млрд теңге.

Мұндай өсім зейнетақы жинағын стоматологиялық қызметтерге жұмсау мүмкіндігі тоқтатылғаннан кейін байқалды. Қаржы мониторинг...

2025 жылдың қазан айында Қазақстанның қызмет көрсету саласындағы белсенділік соңғы он айда алғаш рет төмендеді. Freedom Holding Corp пен S&P Global дайындаған соңғы PMI индексі 50,8-ден 49,3-ке түсті. Бұл көрсеткіш 50-ден төмен болғанда, іскерлік белсенділіктің қысқарғанын білдіреді. Индекстің төмендеуі саладағы жалпы сұраныстың баяулауымен және жаңа тапсырыстар көлемінің азаюымен байланысты.

Жылдың басынан бері байқалған өсім тенденциясы жаздан кейін әлсірей бастаған еді. Қазан айында бұл үрдіс нақты байқалып, өндіріс көлемі азайып, жұмыспен қамту деңгейі төмендеді. Сауалнамаға қатысқан компаниялардың 94%-ы жұмыс күшін сақтағанымен, қалғандары қысқартуға барған.

Сұраныстың қарқыны бәсең

Соңғы 12 ай бойы жаңа тапсырыстар өсімі жалғасып келеді, алайда оның қарқыны біртіндеп...

Дариға Бадықова мен Мөлдір Мұқанованың отбасындағы жағдай қазір елдің аузынан түспей тұрғаны анық.

Бұл мәселелер әйел құқығы, адалдық пен отбасы құндылығына қатысты болғандықтан, қоғам назарын қатты аударғаны байқалады. Десе де, кейбіреулер мұны басқа дүниеге жорып жүр.

Айталық, Дариға Бадықованың бірнеше фильм түсіріп, миллиардтаған теңге табыс тапқаны жасырын емес. Мөлдір Мұқанованың да жаңа фильмі экрандардан көрсетілуге жақын тұр. Бұрын туындаған отбасы мәселесі көрсетілім қарсаңында шаң беруі «пиар емес пе» деген сауал тудырып отыр.

PR маманы, спикер дайындайтын бизнес-тренер Салтанат Әскербекқызы жұлдыздардың жеке өміріне қызықпайтынын айтады. Десе де, маман ретінде жарнаманың ерекше түрлері туралы пікір білдірді.  

«Жарнаманы...

Қаржы нарығын реттеу және дамыту агенттігінің төрайымы Мадина Әбілқасымовадан депутат Үнзила Шапақ банк туралы жаңа заң жобасы азаматтардың несиелік жүктемесін қалай азайтатынын сұрады.

Парламенттегі жиында бұл сұраққа жауап берген Мадина Әбілқасымова қазақстандықтардың автонесиеге деген қызығушылығы айтарлықтай артқанын айтты.

«Былтыр тұтынушылық кредиттердің өсімі 33,5% болған, ал қазір өсімі 17,8%-ды құрап отыр. Қарыз алушылардың портфелін қарасақ, автонесие алушылардың сегменті өте жоғары. Жалпы несиелерге көп үлес қосып отырған да осы сегмент. Тұтынушылық несиелердің ішінде үлесі 25%-ды құрайды. Былтыр 54 %-ға өссе, биыл 35%-ға өскен (9 айда)», – дейді Мадина Әбілқасымова.

Ал кепілсіз тұтынушылық кредит 29%-ға өссе, биыл...

Мәжілістің жалпы отырысында депутат Тілектес Адамбеков Қаржы нарығын реттеу және дамыту агенттігінің төрайымы Мәдина Әбілқасымоваға ипотекалық несиелердің шекті мөлшерлемесін қайта қарау туралы сауал қойды.

Депутаттың айтуынша, қазіргі тұтынушылық несиелердің жылдық тиімді мөлшерлемесі 46%-ға, ал ипотекалық несиелер бойынша 25%-ға дейін төмендеген.

«Қаржы секторындағы бәсекелестікті арттыру шаралары несиелік мөлшерлемелерді төмендетуге әкеледі ме? Тұтынушылық несиелер бойынша жылдық мөлшерлемені 35%-ға, ал ипотекалық несиелер бойынша 25%-дан да төмендету мәселесін қарастыру қажет деп ойламайсыз ба? Бұл мәселе жұмыс топтарында да көтерілді»  – деді депутат.

Агенттік не дейді

Мәдина Әбілқасымованың айтуынша, былтыр заң қабылданғаннан кейін жылдық тиімді сыйақы мөлшерлемелерін төмендеткен.

Мәжіліс депутаты Мұрат Ергешбаев Қаржы нарығын реттеу және дамыту агенттігінің төрайымы Мәдина Әбілқасымовадан банктер мемлекеттен алған көмегін қалай қайтарып жатқаныны сұрады. Жыл басында Президент банктер 2017 жылы алған көмегін мерзімінен бұрын қайтаратын уақыт жекенін айтқан. Осы ретте депутат қаржы ұйымдары берешегін ертерек қайтаруға қамданып жатыр ма, оларға қандай талап қойылып жатқанын сұрады.

Депутаттың айтуынша қазіргі кезде Halyk bank пен Банк ЦентрКредит 2017-жылдары үкіметтен алған қарызынан толық құтылған.

Дегенмен әлі бірнеше банк алған көмекті қайтаруға асығар емес. Мәселен, RBK Bank алған 244 млрд теңге көмегінің 48 млрд теңгесін төлеген. Ал «Еуразиялық банкке» 150 млрд теңге...

Италияның атақты «Интер» (Милан) футбол клубы әлеуметтік желіде қазақ тілінде жазды. Бүгін түнде жергілікті клуб «Сан-Сиро» стадионында «Қайрат» (Алматы) командасымен кездеседі.

Қазақ жанкүйерлерінің әлеуметтік желідегі белсенділігін бірден байқаған «Интер» Instagram парағына латын қаріптерімен қазақ тілінде жазды.

«Симеоне дербиде нақтылық пен қабілетке толы гол соқты. Осындай контент үшін «follow» бас».

Даңқты футболшы Диего Симеоне соққан голға осындай сипаттама берілген.

Бұған қоса, видеоға қазақ әншісі Баян Сұлудың «Ауа райы» әні қоса берілген. Екі ай бұрын жарыққа шыққан осы әнді Youtube-те 16 млн адам тамашалаған.

Әлбетте, миландық клубтың қазақ тілінде жазғанына біздің жанкүйерлер дән...

Қазақстан экономикасы үшін шетелдік тікелей инвестициялар (ШТИ) – экономикалық өсімнің, технологиялық жаңғырудың және жаңа өндірістер ашудың негізгі факторы болып қала береді. 2025 жылдың алғашқы жартыжылдығында елге 10,55 млрд АҚШ доллары көлемінде ШТИ тартылды. Бұл – геосаяси тәуекелдер күшейген, әлемдік капиталдың дамушы нарықтарға құйылуы баяулаған кезеңде Қазақстанның инвестициялық тартымдылығы әлі де жоғары деңгейде екенін көрсетеді.

1. Инвестиция қай елдерден келді?

2025 жылдың қаңтар–маусым айларында Қазақстанға инвестиция құйған мемлекеттер арасында Еуропалық Ода...

Мәжіліс депутаты Темір Қырықбаев Түркістан облыстық мәслихатының депутаты Нұрайым Шақимергенмен қарым-қатынасы және одан ұлы бар деген қауесетке қатысты пікір білдірді.

Қырықбаев бұл тақырыпқа қатысты түрлі қауесетті бұрыннан естіп жүргенін айтады. Сондай-ақ, бұл әрекетті депутат ретіндегі беделін түсіруге бағытталған деп санайды.

«Депутаттық кресломды сыйға тартты деген де әңгіме тарап жатыр. Бұл миға қонымсыз әңгіме. Ол халықтың дауысымен сайланған. Өңірде сайлау коммиссиясы бар, солардан барып сұраса болады. Халыққа депутат болсын деп үгіт-насихат айтқан емеспін. Бірақ депутат болғаннан кейін танысқанмын»,- деді депутат Мәжіліс кулуарында.

Депутаттық роман

Мәжілісмен Нұрайым Шақимерген оның тоқалы деген әңгімеге нақты жауап бермед...

Мәжілісте банк туралы заң жобасы қызу талқыланып жатыр. Депутаттардың бір сағаттық сұрақ қою регламенті мәселенің маңыздылығына байланысты жарты сағатқа ұзартылды.

Қаржы нарығын реттеу және дамыту агенттігінің төрайымы Мадина Әбілқасымова заң жобасының негізгі жаңалығы – активтердің жаңа класы ретінде цифрлық қаржы активтерін реттеуді енгізу және олардың Қазақстан аумағындағы айналымына рұқсат беру екенін айтады. Атап айтқанда, цифрлық қаржы активтерінің үш түрін енгізу көзделген:

Біріншіден, базалық активі ақша болып табылатын цифрлық қаржы активтері, яғни стейблкоиндер. Стейблкоиндерді шығару, айналысқа жіберу және өтеу тәртібіне, шарттарына қойылатын талаптарды Ұлттық Банк айқындайды.

Екіншіден, базалық активі қаржы құралдары, қаржы активі, мүліктік құқықтар, тауарлар немесе өзге де мүлік болып...