Жаңалықтар

Қостанай қаласының №2 сотында Beef Export Group ет кәсіпорнының иесі Александр Пархоменко мен оның 29 сыбайласына қатысты үкім шықты.

Қостанай соттарының хабарлауынша, айыпталушылар қатарында ветеринарлар, шаруа қожалықтарының иелері, Қостанай облыстық ауыл шаруашылығы басқармасының бұрынғы қызметкері және кәсіпорын жұмысшылары болған.

Сот оларды ұйымдасқан қылмыстық топтың мүшелері деп таныды. Тергеу деректеріне сәйкес, олар ет комбинатын пайдаланып, жалған құжат жасап, алаяқтық жолмен мемлекеттен ет сатып алуға бөлінген субсидияларды жымқырған. Келтірілген шығын көлемі 1 млрд теңгеден асқан.

Сот процесі 1 жыл 10 айға созылған. Былтыр қазан айында мемлекеттік айыптаушы істі қараған судьяның бейтараптық танытпағанын дәлелдеп, оны істен шеттеткен. Жаңа судья тағайындалып, іст...

Эстрада жұлдызы Светлана Лобода, Алматы мен Семей қалаларында өтетін концерттері қарсаңында, Threads әлеуметтік желісінде Қазақстанға сәлем жолдады. Әнші қазақ етін – дәмді тартатын жер іздейтінін жазып, көпшіліктен көмек сұрады.

Лобода көмек сұрайды

Украин жұлдызы желідегі жазбасын «Сәлем, Қазақстан» деп таза қазақ тілінде бастады.

«Қазақтар Тредсті жаулап алды деп естідім. 25 сәуірде Алматыда концерт беремін. Тәтті бешбармақ жейтін, қазақ «вайбын» сезінетін жер іздеймін«, – дейді Лобода.

Әнші ең үздік ұсыныс иелерімен концерттен кейін грим бөлмесінде танысуға уәде берді.

Лобода желіні «жарған» жазбасын «Кеттік пе, достар?» деп тағы да таза қазақ тілінде аяқтады.

Ақтөбе облысының әкімдік ғимаратында орын алған ірі өрт оқиғасынан кейін қалпына келтіру жұмыстары мен ресми тергеу амалдары басталды. Облыс әкімі Асхат Шахаров оқиға орнындағы ахуалды жеке бақылауына алып, атқарылып жатқан іс-шараларды баяндады.

Өрттің зардаптары және ғимараттың қазіргі күйі

Әкімнің мәлімдеуінше, кеше болған тілсіз жау толықтай ауыздықталып, қазіргі уақытта жағдай тұрақты әрі бақылауға алынған.

Ғимараттың техникалық жағдайына келер болсақ, өрттен ғимараттың шатыры ғана зардап шеккен.

Ал алтыншы қабаттағы жұмыс кабинеттеріне келген нұқсан соншалықты үлкен емес. Бұл ретте айта кететін жайт, ғимаратта соңғы рет 2022 жылы күрделі жөндеу жүргізіліп, жұмыс бөлмелері толық жаңартылған. Қазіргі таңда кейбір қабаттарда электр жарығы берілді, ал...

Chery мен Geely гибрид нарығында бәсекені күшейтіп, Toyota-ға бәскелес болып, артта қалдыруды көздеп отыр.

Сarnewschina ақпаратына қарағанда, Chery мен Geely 2026 жылы гибридті көліктерге көшіп, олардың отын шығынын 100 шақырымға 2-3 литрге дейін жеткізетінін мәлімдеді.

Басты бәсеке

Сарапшылардың пікірінше, бұл оларды гибрид сегментінде көш бастап тұрған Toyota-ға тікелей бәсекелес етеді.

Қытайлық өндірушілер дәстүрлі тәсілден өзгеше технология қолданып жатыр. Олар электр қозғалтқышына басымдық беріп отыр. Қозғалтқыш көбіне үнемдеу режимінде немесе генератор ретінде жұмыс істейді.  

Қуатты электромоторлар (130–180 кВт) жақсы динамика береді.

Toyota ше

Ал Toyota гибридтері қозғалтқыш пен дөңгелекті механикалық байланыстыратын жүйеге сүйенеді. Бұл үнемділікті арттырғанымен, электр...

Tiryaki Agro халықаралық агрохолдингі Солтүстік Қазақстан облысында май шығаратын зауыт салмақ. Бұл туралы облыс әкімдігі хабарлады.

Нысан Qyzyljar арнайы экономикалық аймағында бой көтереді. Кәсіпорында күнбағыс, рапс және зығыр майы өндіріліп, өндірістік қуаты тәулігіне 1 500 тоннаға дейін жетеді деп жоспарланған.

Солтүстік Қазақстан облысының әкімі Ғауез Нұрмұхамбетов Tiryaki Agro түрік компаниясының өңірлік директоры Коксал Салих Юлдузбен кездесіп жобаның мән-жайын талқылады.

«Біздің өңір дәнді және майлы дақылдар өндірісінде, оның ішінде күнбағыс, рапс және зығыр бойынша жетекші орында. Майлы дақылдарды өңдеуге бағытталған бұл жобаның жүзеге асуы облыстың өңдеу өнеркәсібін ары қарай  дамытуға септеседі», – деп атап...

Қазақстанда азаматтарға жалған хабарлама таратып, құпия дерегін, банк есепшотындағы қаржысын ұрлаған қылмыстық топ қызметі тоқтады. Оның жолын кесуге Бас прокуратура мен «ТЕЛЕ2» операторының киберқауіпсіздік мамандары қатысқан.

Қаржы мониторлық агенттігінің дерегінше, ТМД аумағында алғаш рет осындай схеманың жолы кесілді.

Күдіктілер ұялы байланыс операторлары базалық станцияларының жұмысын имитациялайтын арнайы құрылғыны пайдаланған. Ол құрылғы 300 метр радиуста күшті сигнал таратып, сол маңайдағы телефондарға автоматты түрде қосылады. Абоненттерге бірден жалған SMS-хабарламалар жібереді.

Ол хабарлама «Beeline» және «Halyk Bank» компаниялары атынан жіберілгендей көрініп, бонустарды айырбастауды ұсынады. Пайдаланушы бонус алу үшін сілтемеге өткен жағдайда телефон нөмірін, аты-жөнін, банк картасының деректемелерін, CVV-кодын, сондай-ақ SMS арқылы...

Қаржы нарығын реттеу және дамыту агенттігі «ADCB Ислам Банкі» қызметіндегі олқылықтарды анықтап, оларды жою туралы нұсқама берді. Бұл шара банктің ішкі процестерін заңнамалық талаптарға сәйкестендіруді көздейді.

Ресми мәліметке сәйкес, қаржы мекемесі «Банктер және банк қызметі туралы» Заңның 78 және 80-баптарының талабын бұзған.

Агенттік банкке олқылықты 2026 жылғы 30 маусымға дейін толықтай жоюды міндеттеді. Айта кететін жайт, жазбаша нұсқама – айыппұл немесе лицензиядан айыру емес, банктің ішкі жүйесін ретке келтіруге бағытталған түзету шарасы.

«ADCB Ислам Банкі» АҚ (бұрынғы Al Hilal Ислам Банкі) – Қазақстандағы және ТМД елдеріндегі алғашқы ислам банкі. Оның жалғыз акционері және негізгі иесі – Біріккен...

Алматы қаласында орналасқан «Байсат» көтерме-бөлшек сауда орталығы осымен төртінші мәрте электронды аукционда өтпей қалды. «Қайтарылған активтерді басқару компаниясы» (KUVA) экс-президент Нұрсұлтан Назарбаевтың туысына тиесілі болған базарды 28,6 млрд теңгеге сата алмады.

Базарға қызығушылық жоқ

8 сәуірде «Байсат» базары осымен төртінші мәрте электронды Sauda порталындағы аукционға шығарылды. Қымбат активтің бастапқы бағасы 28,6 млрд теңге деп белгіленсе, саудаға қатысу үшін ғана 2,8 млрд теңге кепілдік жарна төлеу керек болды.

Алайда бұл жолы да қайтарылған активті сатып алатын адам табылмады – аукцион бір де бір өтініш түспеуіне байланысты өтпей қалды. Осылайша, KUVA талпынысы төртінші мәрте сәтсіз аяқталды.

«Байсат» Алматы қаласының Солтүстік айналма көшес...

Алматыда 700-ден аса мас жүргізуші ұсталды. Бұл туралы Алматы қалалық Полиция департаментінің бастығы Айдын Кабдулдинов мәлімдеді.

Ол қала тұрғындарымен есептік кездесу барысында Алматыда жол қауіпсіздігін қамтамасыз ету бағытындағы жұмыс күшейтілгенін ескертті.

Оның айтуынша, мегаполистегі көлік ағыны жоғары. Осыған байланысты жолдағы тәртіп – қауіпсіздіктің негізгі факторларының бірі болып қала береді.

«Жолдағы әрбір құқық бұзушылық – адамдардың өмірі мен денсаулығына төнген әлеуетті қауіп. Біздің міндет – мұндай фактілерді анықтау ғана емес, сонымен қатар жол қозғалысына қатысушылардың барлығында жауапты мінез-құлық мәдениетін қалыптастыру», – деп атап өтті Айдын Кабдулдинов.

Жыл басынан бері қалада жол қозғалысы ережелерін бұзудың шамамен ...

Эстрада жұлдызы Қайрат Нұртастың визиттік картасына айналған «Алматының түндері-ай» әніне байланысты үлкен дау басталды. Әнші Әлішер Қайратұлының жары Сандина Threads желісінде бұл туындының авторлық құқығы іс жүзінде оның күйеуіне тиесілі екенін мәлімдеді.

Даудың басы: 12 жылдан кейін ашылған шындық

Сандинаның айтуынша, бұл ән 13 жыл бұрын жазылған. Ол өз жазбасында:

«Аты аңызға айналған «Алматының түндері-ай» әні іс жүзінде менің күйеуім Әлішер Қайратұлына тиесілі екенін білдіңіздер ме? Олар кезінде бұл әнді бірге орындаған болатын. Қайрат бұл әнді басқа орындаушылармен айтпауы керек еді не жеке, не тек автормен бірге айтуға тиіс болатын,» – деп жазды.

Авторды...

Танымал кәсіпкер Тұрсынғали Алагөзов «Парасат» орденін алды. Бұл туралы оның әйелі, продюсер Баян Алагөзова хабарлады.

Бұл марапат Тұрсынғали Алагөзовты ерекше марқайтқаны көрінеді.

«Алагөзов мырза – енді жай ғана Тұрсынғазы Тұрымович емес, бүгінде Парасат орденінің иегері. Құттықтаймын. Мен сені өте мақтан тұтамын», – деді Баян Алагөзова.

Тұрсынғали Алагөзов қоғамның әлеуметтік дамуына қосқан үлесін мемлекеттің осылай бағалағанына ризашылық білдірді.

Баян Алагөзова күйеуіне жақсы іс жасауды жалғастыра беруге, әлеуметтік жауапкершілікті әрі әрдайым бөлісуге әзір болуға шақырды. Ол күйеуінің мейірімді екенін айтып, мақтаныш көретінін айтты.  

«Елге адал қызмет ету – әр азаматтың жүрегіндегі ең үлкен жауапкершілік. Туған жеріңе пайдаңды...

2026 жылдың алғашқы үш айында Қазақстанның мемлекеттік бюджет кірісі жоспарланған межеден асып түсіп, өткен жылдың сәйкес кезеңімен салыстырғанда 17%-ға өсті. Экономикалық белсенділіктің артуы мен экспортқа шығатын тауар бағасының қолайлы болуы қазынаға қосымша 268,7 млрд теңге түсірді.

Бюджет жоспары қалай орындалды

I тоқсанда мемлекеттік бюджеттің кіріс бөлігі 104,4%-ға орындалды. Жоспарланған 6,2 трлн теңгенің орнына іс жүзінде 6,4 трлн теңге жиналды. 2025 жылмен салыстырғанда түсімдердің жалпы өсімі 930,6 млрд теңгені (+16,9%) құрады.

Республикалық және жергілікті бюджеттер де бекітілген жоспарлы көрсеткіштерді асыра орындаған. Бұл динамикаға Қазақстан экспортқа шығаратын өнімдердің, тауар мен қызметті сату көлемінің артуы, сондай-ақ салық және кедендік...

Қазақстан бас прокуроры Берік Асылов пен Ресей бас прокуратурасының басшысы Александр Гуцан Астанада кездесіп, бірқатар маңызды құжаттарға қол қойды.

Құзырлы мекеме таратқан ресми мәліметке қарағанда, ресейлік прокурорлар делегациясы азаптаулардың алдын алу, заңсыз шығарылған активтерді қайтару, сонымен бірге инвесторлардың құқықтарын қорғау бағытындағы жұмыс туралы хабардар етілді.

«Қылмыстық істер бойынша өзара құқықтық көмек көрсетуге, қылмыстық қудалауды жүзеге асыруға және іздеуде жүрген адамдарды ұстап беруге байланысты халықаралық-құқықтық ынтымақтастық мәселелері қаралды», – деп таратты қазақ прокуратурасы.

Кездесу қорытындысы бойынша көрші елдердің прокуратуралары арасындағы ынтымақтастық туралы 2009 жылғы келісімге активтерді қайтару саласындағы өзара іс-қимылын күшейтуге бағытталған қосымша хаттамаларға...

Қазақстандық ұстаздар қауымы үшін көптен күткен жаңалық жетті. Оқу-ағарту министрі Жұлдыз Сүлейменова мұғалімдерді аттестациялау барысындағы пәндік білімін бағалау (ПББ) тестін тапсырудан босату туралы шешім қабылданғанын мәлімдеді.

Министрдің айтуынша, мұғалімдер бұдан былай өз пәні бойынша біліктілігін растау үшін міндетті тест тапсырмайтын болады.

Тиісті нұсқаулық барлық өңірлік білім басқармаларына жіберілген.

Еске сала кетейік, бұған дейін Оқу-ағарту министрі Жұлдыз Сулейменова Тоқаевпен кездескен еді. Президент министрге бюджет қаражатын тиімді жұмсауды тапсырған...

Қырғызстанда кәмелетке толмағандарды саудалауға қатысты резонансты іс аяқталды. Балалар саудасымен айналысқаны үшін кінәлі деп танылған Қазақстан және Қырғызстан азаматтары сотталды деп хабарлайды елдің ұлттық қауіпсіздік комитеті.

Ведомство мәліметінше, айыпталушылар 18-ге толмаған жасөспірімдерді заңсыз шетелге алып кетіп отырған. Бір реттік емес алдын ала жоспарланған, жүйелі түрде жұмыс істейтін арна болған.

«Тергеу барысында фигуранттардың бірі ақшалай және мүліктік сыйақы алу мақсатында шетелдік азаматпен қылмыстық сөзге келіскені белгілі болды. Айыпталушылар кәмелетке толмаған үш баланы сатып алып, одан кейін оларға қатысты құқыққа қайшы әрекеттер жасаған, соның ішінде әлеуметтік желілер арқылы шетелге әдепсіз сипаттағы материалдарды дайындап, таратқан», – делінген хабарламада.

АҚШ пен Иран екі апталық уақытша бітімге келіскеннен кейін мұнай бағасы барреліне 100 доллардан төмен құлдырады. Бұл келісім Тегеранның Ормұз бұғазын қайта ашуына айырбас ретінде Америка-Израиль әскери науқанын тоқтатуды көздейді.

Мұнай 16%-ға арзандады

Brent маркалы мұнайдың бағасы 16%-ға дейін арзандап, барреліне 95 доллар шамасында саудаланды, ал West Texas Intermediate (WTI) соңғы алты жылдағы ірі құлдырауды көрсетіп, 96 доллар төңірегінде тұрақтады.

Президент Дональд Трамп атысты тоқтату режимі Иранның бұғазды ашуына тікелей байланысты екенін және бұл келісімді «түпкілікті аяқтау және жүзеге асыруға» мүмкіндік беретінін айтты.

Мұнай 80 доллардан төмен түсе ме?

Халықаралық валюта қорының (ХВҚ) 1995 жылдан 2025 жылға дейінгі кезеңді қамтитын жаңартылған деректері посткеңестік елдердің экономикалық даму моделіндегі түбегейлі айырмашылықты анық көрсетіп отыр. Отыз жылдық кезең ішінде бір кездері бірыңғай экономикалық жүйеде болған мемлекеттердің даму траекториясы бірнеше есеге алшақтап кеткен.

Моңғолия астанасы Ұлан-Батырда өтіп жатқан 2026 жылғы бокстан Азия чемпионатында (Elite Boxing Championships) Қазақстан құрамасының 8 спортшысы финалға жолдама алды.

Әйелдер құрамасы (9 сәуірдегі финалдар)

Әйелдер арасындағы шешуші жекпе-жек 9 сәуір күні өтеді. Ел намысын 3 боксшы қорғайды:

70 кг: Бақыт Сейдіш – Арундхати Чоудхари (Үндістан)

80 кг: Надежда Рябец – Рухшона Парпиева (Өзбекстан)

+80 кг: Дина Исламбекова – Алфия Пазан (Үндістан)

Ерлер құрамасы (10 сәуірдегі финалдар)

Ерлер арасындағы финалдық кездесулер 10 сәуірге жоспарланған. Алтын медаль үшін 5 боксшымыз жұдырықтасады:

60 кг: Оразбек Асылқұлов – Сачин Сачин (Үндістан)

70 кг: Төрехан Сабырхан – Зейад Ишаиш (Иордания)

75 кг:

Қазақстан президенті Қасым-Жомарт Тоқаев АҚШ пен Иран арасындағы атыстық тоқтауына байланысты мәлімдеме жасады. Бұл туралы Ақорда хабарлайды.

Мемлекет басшысы Пәкістан премьер-министрі Шахбаз Шариф пен Пәкістан Қарулы күштерінің бас қолбасшысы, фельдмаршал Асим Мунирдің араағайындығы арқылы Таяу Шығыстағы соғысты толық тоқтату және бітімге келу туралы келісім жасалғанын құптайды.

«Бұл келісім АҚШ президенті Дональд Трамптың және Иранның жоғарғы басшылығының, сонымен бірге қақтығысқа қатысқан елдердің ізгі ниеті мен парасаттылығының арқасында мүмкін болды», – деп есептейді Тоқаев.

Қазақ президенті әлемдік сауданың дамуына және барлық мемлекеттің экономикалық өркендеуіне жағдай жасау мақсатында жасалған бітім ұзаққа созылады деп үміттенеді.

Естеріңізге сала...

Ирандағы соғыс уақытша тоқтады. АҚШ президенті Дональд Трамптың мәлімдеуінше, Тегеран келіссөздерге арқау болатын 10 талапты Вашингтонға жолдады. Иран қандай талаптар қойғанын жариялады.

АҚШ Иранға шабуылдауды екі аптаға тоқтатуға келісті. Тегеран маңызды мұнай жолы – Ормұз бұғанын ашқанын жариялады.

«Біз Ираннан 10 тармақтан тұратын ұсыныс алдық. Оларды келіссөз бастауға арқау болады деп есептейміз», – деп жазды Трамп өзіне тиесілі Thruth Social әлеуметтік желісіне.

Оның айтуынша, жауласушы тараптардың ортақ бітімге келуіне Пәкістан премьер-министрі Шехбаз Шариф пен осы елдің қарулы күштерінің бас қолбасшысы Асим Мунир көмектескен.

Бітімге келіскенін Тегеран да растады. Иранның ұлттық қауіпсіздік жоғары кеңесінің мәлімдемесін сыртқы...

Көп қыздардың арманына айналған бортсерік мамандығы сырт көзге толассыз саяхат пен сұлулыққа толы болып көрінуі мүмкін. Алайда бұл жолдың өз қиындығы мен үлкен жауапкершілігі бар. Kursiv LifeStyle әлемдегі ең үздік әуе компанияларының бірі Fly Emirates-ке жұмысқа орналасқан қазақ қызы Ақжан Тұраровамен сұхбаттасты.

Алғашқы қадам: «Air Astana» – кәсіби мектеп

Ақжанның авиациядағы жолы отандық Air Astana компаниясында басталды. Онда жұмыс істеген үш жылын жеке тұлға ретінде қалыптастырған, кәсіби шыңдаған мектеп болды деп есептейді.

«Бұл жұмыс арқылы кәсіби дағдыларым дамыды, әлемді таныдым. Үш жыл ішінде жаңа мәдениетпен танысып, жаңа достар таптым. Air Astana-дағы жұмысымды...

Иран тұрғындары елдің энергетикалық нысандарын қорғау үшін «тірі тізбектер» құрды – адамдар қолдарына мемлекеттік туларын ұстап, тіз қатарға тұрды, деп хабарлайды Tasnim агенттігі.

«Рамазан соғысы кезінде елдің инфрақұрылымы мен электр станцияларына қоғамдық қолдау көрсету мақсатында Хамадандағы Шахид Мофатех атындағы электр станциясының айналасында түрлі тұрғындар мен үкіметтік емес ұйымдардың қатысуымен «тірі тізбек» құрылды», – делінген хабарламада.

Тізбекке қатысушылардың арасында балалар мен әйелдер де байқалды. Олардың барлығы қолдарына ту мен плакат ұстап шыққан. Мұндай акциялар Иранның басқа да провинцияларында өтіп жатыр.

АҚШ президенті Дональд Трамп егер Тегеран келісімге келмесе немесе Ормуз бұғазын ашпаса, елдің электр станцияларына, көпірлеріне және басқа да...

Ақтөбедегі ірі өрт болған облыстық әкімдік қызметкерлері сәрсенбі, 8 сәуір күні қашықтан жұмыс істеуге жіберіледі. Бұл туралы оқиға орнына келген өңір әкімі Асхат Шахаров мәлімдеді.

Оның айтуынша, өрттің себептерін анықтау үшін арнайы тергеу тобы құрылды.

«Ертең көптеген мемлекеттік басқарма қызметкерлерінің жұмыс күні онлайн режимде өтеді. Біз үшін ең бастысы – олардың қауіпсіздігі», – деп атап өтті Асхат Шахаров.

Сондай-ақ ол өрттің хронологиясын баяндап берді. Шатырдың өртенуі туралы хабарлама 7 сәуір күні сағат 20:21-де түскен. Өрт сөндірушілер жоғары дәрежелі шақырту бойынша жұмыс істеді. Оқиға орнында жедел штаб құрылды. Бір сағат ішінде өрт оқшауланып, кейін толығымен жойылды. Қаза болғандар...

Ақтөбедегі облыстық әкімдік ғимаратындағы өрт толығымен сөндірілді. Төтенше жағдайлар министрлігі хабарлағандай, құтқарушылар шақырту орнына бес минут ішінде жеткен.

«Алғашқы өрт сөндіру бөлімшелері келген кезде әртүрлі жерлерде үш ашық жану ошағы бақыланды. Өртті сөндіру жұмыстары оттың үлкен аумаққа қарқынды таралуына, жанғыш материалдардың болуына, қою түтінге, жоғары температураға, сондай-ақ ғимараттың конструкциялық ерекшеліктеріне байланысты қиындады», – деп хабарлады ТЖМ.

Ведомствоның нақтылауынша, өртті сөндіруге 80-нен астам адам және 30-ға жуық техника жұмылдырылды. Өрт шарпыған жалпы аумақ 300 шаршы метрді құрады. Төтенше жағдайдың себебі әлі анықталуы тиіс.

Еске сала кетейік, Әбілқайыр хан даңғылында орналасқан алты қабатты әкімшілік ғимараттың төбесіндегі қатты...