Жаңалықтар

Қазақстанда әскери қызметшілерді азаматтық еңбек нарығына ауысуға алдын ала дайындап, оларға қызметін аяқтамай тұрып жұмыс табуға көмектесу жоспарланып отыр, деп хабарлайды Кursiv.Media.

Еңбек және халықты әлеуметтік қорғау министрлігінің ақпаратына сүйенсек, Қазақстанда еңбек еткен жылдары бойынша зейнетке шыққан 148,7 мың адам бар. Министрлік мүдделі мемлекеттік органдармен және қоғамдық ұйымдармен бірлесіп, осы санаттағы азаматтарды қолдаудың қосымша тетіктерін қарастырып жатыр.

Ведомство басшысы Асқарбек Ертаев «Әскери қызметтен кейінгі өмір» қоғамдық қорына барған кезде күштік құрылымдардағы қызметін аяқтап жатқан азаматтарды кәсіби бейімдеу және жұмыспен қамту мәселелерін талқылады.

Кездесуде ұсынылған тетіктердің бірі таныстырылды. Оған сәйкес, әскери қызметшілерді сүйемелдеу жұмысы қызметтен босатылуына шамамен алты ай қалғанда басталуы мүмкін. Оның аясында:

5 қыркүйекте Алматыдағы Орталық стадионда испаниялық әнші Enrique Iglesias-тің концерті өтеді. Осыған байланысты қала әкімдігі көрермендерге қауіпсіздік шаралары мен көлік қозғалысына қатысты ескертті, деп хабарлайды Kursiv.LifeStyle.

Іс-шара кезінде қауіпсіздікті қамтамасыз етуге екі мыңға жуық полиция қызметкері жұмылдырылады. Олар қоғамдық тәртіпті сақтап, көрермендердің қауіпсіздігін қамтамасыз етеді және төтенше жағдайларға жедел әрекет етеді.

Стадион маңында көлік қозғалысына уақытша шектеулер енгізілуі мүмкін. Сондықтан көрермендерге маршрутты алдын ала жоспарлап, концерт өтетін жерге ертерек келу ұсынылады.

Концертке кіру сағат 16:00-де Абай даңғылы мен Байтұрсынов көшесі жағынан ашылады. VIP Standing санатындағы билет иелері Сәтбаев көшесі жағындағы бөлек кіреберісті пайдалана алады. Концерт 20:00-де басталады.

Кіреберісте бақылау ұйымдастырылады. Келушілерге концертке кіру ережелерімен алдын...

Филиппинде сот 4 қыркүйекте елдің вице-президенті Сара Дутертені мемлекет басшысы Фердинанд Маркос кішіге қастандық жасайтынын айтып қорқытқаны үшін қамауға ордер берді, деп хабарлайды Кursiv.Media.

Associated Press ақпаратына сүйенсек, Сара Дутерте әзірге қамауға алынған жоқ. Филиппин ішкі істер министрінің айтуынша, вице-президенттің адвокаттары ордерді алған және кепіл енгізуді жоспарлап отыр. Бұл оған сот процесі кезінде бостандықта қалуға мүмкіндік береді.

Сара Дутерте президент Фердинанд Маркосты, оның жұбайын және өкілдер палатасының бұрынғы спикері Мартин Ромуальдесті өлтіремін деп қорқытқаны үшін үш айып бойынша жауапқа тартылады. Кесон-Сити соты әр айып бойынша 120 мың песо (шамамен 874 мың теңге) көлемінде кепіл белгіледі. Осылайша кепілдің жалпы сомасы...

Еңбек және халықты әлеуметтік қорғау министрлігі салықтық деректерді алу тәртібін өзгертуді жоспарлап отыр, деп хабарлайды Кursiv.Media.

Ведомство салық құпиясына жататын қосымша мәліметтерді алғысы келеді. Тиісті бұйрық жобасы қоғамдық талқылауға шығарылды.

Не өзгереді

Құжатта мемлекеттік кірістер органдары Еңбек және халықты әлеуметтік қорғау министрлігіне ұсынатын мәліметтер туралы сөз болып отыр. Қазір мұндай ақпарат алмасу тәртібі қолданыста болады. Алайда оған өзгерістер енгізу ұсынылды.

Енді министрлік қажетті мәліметтерді екі ведомствоның ақпараттық жүйесінің өзара іс-қимылы арқылы ала алады. Яғни деректердің бір бөлігі мемлекеттік ақпараттық базалар арасында автоматты түрде беріледі.

Еңбек министрлігі өзгерістерді мәселелерді неғұрлым толық әрі объективті қарастыру үшін қосымша мәліметтер алу қажеттілігімен түсіндіред...

Алматыда ер адам қоғамдық орында бір қызбен танысуға тырысқан. Ал қыз танысудан бас тартқан кезде оның үстіне су шашып жіберген, деп хабарлайды Kursiv.Media.

Оқиғадан кейін жәбірленуші қыз көмек сұрап полицияға жүгінген.

Құқық қорғау органдары ер адамның жеке басын анықтады. Ол ұсталып, жиналған материалдар сотқа жолданды.

«Ұсақ бұзақылық дерегі бойынша әкімшілік іс сотқа жолданды. Істі қарау қорытындысы бойынша сот ер адамды кінәлі деп танып, әкімшілік қамаққа алу туралы шешім шығарды», – деп хабарлады полициядан.

2022 жылдың желтоқсанында Қасым-Жомарт Тоқаев ел үкіметі мен Ұлттық банкке Ұлттық қордағы қаражатты 2030 жылға дейін 100 млрд долларға жеткізуді міндеттегені белгілі.

Қордан қисапсыз қаржы алынған жылдар

Алайда 2023-2025 жылдары бюджет тапшылығын жабу үшін Қазақстанның «қауіпсіздік жастығынан» қисапсыз қаржы алынды. 2023 жылы 4,1 трлн теңге бөлінсе, 2024 жылы алынған қаржы 5,6 трлн теңгеге жетті.

Ал 2025 жылы бюджет қажеттілігі үшін қордан 5,25 трлн теңге бөлінген. Осы қарқынмен ақша алына берсе, қордың орталанып қалатынын түсінген сарапшылар мен депутаттар дабыл қағып, «қор қаржысын күмәнді мақсаттарға жұмсауды...

BMW стартер релесіндегі ақауға байланысты 189 130 көлікті қайтарып алып жатыр. Өйткені, бұл өрт шығу қаупін тудырады.

Rbc ақпаратына қарағанда, BMW компаниясы қысқа тұйықталу мен өрт шығуына әкелуі мүмкін стартер релесінен ақау тапты. Кері қайтарылатын тізімге 2014-2020 жылдар аралығында шығарылған 3-ші, 5-ші және 7-ші сериялы көліктер кірді.

Гәп стартер релесі судан жеткілікті түрде қорғалмағандығында. Ұзақ уақыт ылғалдың әсер етуінен бөлшек ішіндегі түйіспелер тотығады. Бұл қысқа тұйықталуға әкелуі мүмкін. Нәтижесінде өрт шығу қаупі туындайды.

Кері қайтару науқаны 2014 жылдың 29 шілдесі мен 2020 жылдың 12 қарашасы аралығында шығарылған автомобильдерге қатысты.

Қажет болған жағдайда BMW су тамшыларының кіру мәселесін болдырмау үшін...

Қазақстанда фармацевтика саласының өндіріс көлемі соңғы үш жылда 37%-ға өсіп, 191 млрд теңгеге жетті. Өсім биыл да жалғасып отыр: 2026 жылдың алғашқы алты айында елімізде 126,6 млрд теңгенің дәрілік заттары мен медициналық бұйымдары өндірілді. Бұл өткен жылдың сәйкес кезеңімен салыстырғанда шамамен 30%-ға көп. Бұл туралы Денсаулық сақтау министрлігі хабарлады.

200-ден астам кәсіпорын жұмыс істейді

Бүгінде Қазақстанда фармацевтикалық және медициналық өнім өндіретін 209 кәсіпорын бар. Оның 43-і дәрілік заттар шығарады. Отандық өнімнің заттай көрсеткіштегі үлесі 40,3%-ға жеткен.

Министрлік мәліметінше, өндірісті одан әрі арттыруға бағытталған ірі жобалар да іске асырылып жатыр.

494-тен астам дәрі шығарылады

Сегіз ірі жоба...

Қазақстанда бір апта ішінде әлеуметтік маңызы бар бірқатар азық-түлік тауарларының бағасы арзандады, деп хабарлайды Кursiv.Media.

Картоптың бағасы 3,2%-ға арзандап, республика бойынша орташа есеппен келісі 234 теңгені құрады.

Картоптың ең төмен бағасы Павлодарда тіркелді. Қостанайда оның бір келісі 183 теңгеден сатылды.

Сонымен қатар бір аптада пияз 7,2%-ға, сәбіз 4,6%-ға, ақ қырыққабат 3,1%-ға, алма 1%-ға арзандаған.

Ал қызанақтың республика бойынша орташа бағасы 546 теңге болды. Ең арзан қызанақ Таразда сатылып, оның келісі 315 теңгені құрады.

Ет өнімдерінің ішінде сүйекті сиыр етінің орташа бағасы 3 804 теңге, ал тауық етінің бағасы 1 746 теңге болды. Ел бойынша картоптың орташа бағасы 1 келі үшін...

Алматы қалалық Перинаталдық орталығында бір айдың ішінде екі үшем дүниеге келді.

Бұл туралы Алматы қаласының Қоғамдық денсаулық сақтау басқармасы хабарлады.

14 тамызда 27 жастағы алматылық Мөлдір Советханова екі ұл мен бір қыз босанды. Үшемдер жүктіліктің 32-аптасында кесарь тілігі арқылы дүниеге келген. Сәбилерге Айхан, Айбын және Айза деген есім берілді. Туған кездегі салмақтары 1800, 1480 және 1400 грамм болды.

Дәрігерлердің көмегімен балалардың жағдайы тұрақтандырылып, олар жансақтау бөлімінде қажетті ем алды. Қазір сәбилер мамандардың бақылауында.

31 тамызда осы орталықта екінші үшем дүниеге келді. Рахат Бигелдиева екі қыз бен бір ұлды босанды. Сәбилер де жүктіліктің 32-аптасында кесарь тілігі арқылы туған.

Нәрестелерд...

Бүгін Ақордада президент Тоқаев Экология және табиғи ресурстар министрлігінің жаңа басшысы Әлібек Қуантыровты қабылдады. Бұл туралы Kursiv Media хабарлайды.

Кездесуде президент Қуантыровқа Астана, Алматы және Шымкент қалаларында қалдықтарды энергетикалық кәдеге жарататын зауыт салуды тапсырды. Сондай-ақ өзге өңірлерде де осындай зауыттар салуға да назар аударды.

Одан бөлек орман қорын қалпына келтіру жұмыстарын жалғастыру, ұлттық парктер инфрақұрылымын дамыту деген міндеттер қойды. Кездесуде экологиялық мәдениетті арттыру мен «Таза Қазақстан» бастамасын іске асырудың маңызына да мән берді.

Еске салайық, 2 қыркүйекте Әлібек Қуантыров Экология және табиғи ресурстар министрі болып тағайындалған. Бұл қызметке дейін ол сыртқы істер министрінің орынбасары болған еді.

Қазақстанда қоғамдық тамақтану орындарының саны артып келеді. 2025 жылдың қорытындысы бойынша елде 19 588 тамақтану орны жұмыс істеген. Бұл 2024 жылмен салыстырғанда 17,5%-ға көп, деп хабарлайды Кursiv.Media.

Ұлттық статистика бюросының мәліметінше, 2024 жылы елде 16 674 қоғамдық тамақтану орны болған. Қоғамдық тамақтану орындарының ең көп саны Алматыда 3 522, Астанада 2 761 және Қарағанды облысында 1 275 тіркелген. Бір жыл ішінде кафелердің саны артқан.

Олардың саны 5 202-ден 5 987-ге дейін көбейіп, 15,1%-ға өскен. Асханалар саны да 5,7%-ға артып, 5 940-қа жетті. 2025 жылдың соңында Қазақстанда 3 024 мейрамхана жұмыс істеген. Бұл бір жыл бұрынғы көрсеткіштен 666 орынға көп. Мейрамханалар саны бойынша Астана, Алматы және Батыс Қазақстан облысы көш бастап тұр.

Ал кафелерд...

Танымал испаниялық әнші Энрике Иглесиас Астанадағы концертінен кейін тыңдармандарына үндеу жасады, деп хабарлайды Kursiv.media.

Елордадағы концерттен кейін өнер иесі Instagram парақшасында жазба жариялады.

«Астана!!! Қазақстандағы алғашқы шоуымды ұмытылмас еткендеріңіз үшін рақмет!», – деп жазды әнші.

Өз кезегінде қазақстандықтар да өнер иесіне алғысын білдіріп, жылы лебіздерін жеткізді.

«Рақмет, Энрике, Gracias, Enrique, Франциядан Қазақстанға арнайы келіп, халықтың сізге деген сүйіспеншілігіне...

Шығыс Қазақстан облысында дәрі деген таңбамен есірткі сатқан. Бұл туралы облыс прократурасына сілтеген Kursiv Media хабарлайды.

Өскеменде Wildberries маркетплейсінде есірткі арықтауға арналған кәдімгі биологиялық белсенді қоспалар (БАД) ретінде сатылып келген. Ал Зайсан ауданында медициналық ұйым қызметкерлері пациенттерге есірткі және қатаң рецептімен берілетін дәрілерді заңсыз сатқан. Қазір осы деректер бойынша тергеу басталды.

Прокуратура мәліметінше, 2025–2026 жылдары өңірде прекурсорлардың заңсыз айналымына қатысты 3 қылмыстық іс қозғалып, 21 әкімшілік хаттама толтырылған. Салынған айыппұлдардың жалпы сомасы 4 млн теңгеден асқан.

Прокуратура дәрі-дәрмекті бақылаусыз қабылдау мен өз бетінше емделу денсаулыққа қауіп төндіретінін ескертті. Медицина қызметкерлеріне дәрілерді босату тәртібін қатаң сақтау, ал азаматтарға дәрігердің тағайындауынсыз дәрі сатып алмау...

Ақмола облысында екі ұйымның басшысы ақпараттық жүйеге ірі қара мал саны туралы жалған мәлімет енгізіп 50 млн теңге көлемінде инвестиция алған, деп хабарлайды Kursiv.Media.

Қаржылық мониторинг агенттігі прокуратураның үйлестіруімен мал шаруашылығын дамытуға бөлінген бюджет қаражатын жымқыру дерегі бойынша тергеу жүргізіп жатыр.

Тергеу деректеріне қарағанда, «Медина» кооперативінің директоры мен Шортанды аудандық ветеринариялық станциясының басшысы ақпараттық жүйеге ірі қара мал саны туралы жалған мәлімет енгізіп, мемлекеттік субсидияны заңсыз алуды ұйымдастырған.

Олар 57 асыл тұқымды бұқа бар деген жалған мәлімет жасап, бюджеттен 9 млн теңгені өздеріне аударып алған. Кейін осы деректерге сүйеніп, іс жүзінде жүргізілмеген селекциялық жұмыстарға тағы 17 млн...

5 қыркүйекте Орталық стадионда өтетін Энрике Иглесиастың концерті кезінде Алматыдағы қоғамдық көлік, метро да қалыпты режимде жұмыс істейді.

Бұл туралы Алматы қаласы әкімдігінің баспасөз қызметі хабарлады.

Көрермендерге ыңғайлы болу үшін әрі қауіпсіздікті қамтамасыз ету мақсатында концерт аяқталғаннан кейін 50 тегін шаттл ұйымдастырылады. Олар стадионның Абай даңғылы мен Байтұрсынұлы көшесі жағынан жолға шығады.

Шаттлдар әуежай, Орбита шағынауданы, Алматы-1 теміржол вокзалы, Райымбек-Алатау, Алматы Арена бағыттары бойынша қатынайды.

«Қосымша бағыттардың ұйымдастырылуы көрермендерге іс-шара аяқталғаннан кейін қаланың негізгі көлік тораптары мен аудандарына жылдам жетуге мүмкіндік береді. Алматы тұрғындары мен қала қонақтарына Орталық стадионға бару және кері қайту бағытын алдын ала...

Ұлттық банк төрағасы Тимур Сүлейменов ақшасын теңгедегі депозитте сақтайды. Бас банкирдің айтуынша, оның басқа валютадағы депозиті жоқ. Бұл туралы ол базалық мөлшерлеме шешіміне қатысты брифинг барысында мәлімдеді, деп хабарлайды Kursiv.Mediа.

Бас банкир базалық мөлшерлеме төмендегенімен, халықтың теңгедегі депозитке деген сенімі азаймайды деген пікірде. Өйткені теңгеде сақталатын депозиттердің пайыздық сыйақысы жоғары.

Оның айтуынша, кезінде долларды 550 теңгеден сатып алған азаматтар қазір айтарлықтай қаржылық шығынға батқан. Бағам айырмашылығынан бөлек, олар ұлттық валютадағы тиімді депозиттер ұсынған жоғары кірісті де жіберіп алды.

Қазір халықтың депозитте жинаған ақшасы 30 трлн теңгеге жеткенімен, соның 5,9 трлн теңгесі ғана шетел валютасында...

Subaru сенімділігімен танылған жапон маркаларының бірі. Алайда оның да сәтсіз шыққан модельдері бар. Америкалық SlashGear журналы көлік иелерінің пікірлері мен АҚШ Ұлттық жол қозғалысы қауіпсіздігі басқармасының (NHTSA) деректерін зерттеп, сатып алар алдында мұқият тексерген жөн болатын Subaru-дың бес моделін атады.

2013 жылғы Outback

Төртінші буындағы Outback көліктері 12 рет кері шақырылған. Оған электр жүйесі, руль бағаны, қауіпсіздік жастықтары, электронды тұрақ тежегіші және оталдыру құлпына қатысты мәселелер себеп болған.

Бұдан бөлек, көлік иелері басқа да ақауларға, соның ішінде машинаның өздігінен күтпеген жерден жылдамдық қосу жағдайларына шағымданған.

2014 жылғы Forester

Бұл Forester моделіне қатысты негізгі шағым – қозғалтқыш майының шамадан...

Алматыдағы тұрғын үйлердің бірінде құбырдан лай су ағып жатыр. Бірақ жауапты мекеме оның себебінен хабарсыз деп хабарлайды Kursiv Media.

Аталған жағдай «Өркендеу» тұрғын үй кешенінде болған. Құбырдан таза су орнына қоңыр, қоймалжың сұйықтық ағып жатыр. Видео Halyqstan телеграм арнасында жарияланды.

Видео авторларының сөзінше, бұл бірінші болып тұрған жағдай емес. Лай суды ішу мүмкін емес болғандықтан отбасы бөтелкемен су сатып алады. Жазда кейде тек су үшін 40-50 мың теңгеге дейін жұмсайды екен.

Болған жайтқа «Алматы Су» мекемесі пікір білдірді. Жауапты мамандардың сөзінше, су құбырлары қалыпты режимде жұмыс істеп тұр, санитарлық нормаларда өз деңгейінде.

Ресейдің Иркутск облысында да аю қаптай бастаған. Братскіде аюларға қарсы жоғары дайындық режимі енгізілді.

Коммерсантъ ақпаратына қарағанда, бұл туралы қала әкімі Александр Дубровин мәлімдеді. Соңғы тәулікте Братск пен оған жақын аумақта екі аю атылған.

Дубровин аюлардың орманнан шығып, қала шетіне және саяжай алқаптарына келе бастаған. Осыған орай жағдайды «оңай емес» деп бағалады.

Приангарьенің оңтүстігіндегі Слюдянка қаласында да аюларға байланысты сағат 21:00-ден 07:00-ге дейін коменданттық сағат енгізілді. Жергілікті билік ашық аспан астындағы мектеп жиындарын, оқушылардың туристік слеттерін және денсаулық күндерін өткізуді тоқтатты.

Иркутск облысының билігі аюлардың санын азайту үшін тәжірибелі аңшыларды тартты. Иркутск облысының жануарлар дүниесі нысандарын қорғау және пайдалану...

Қазақстанда алма импортына уақытша тыйым салынды. 1 қыркүйекте ауыл шаруашылығы министрі тиісті бұйрыққа қол қойды деп хабарлайды Kursiv Media.

Құжатқа сәйкес, 3 қыркүйек пен 31 желтоқсан 2026 жыл аралығында Қазақстанға үшінші елдерден және ЕАЭО-ға мүше мемлекеттерден алманы көліктің барлық түрімен әкелуге болмайды.

Дегенмен тыйым салынбайтын жағдайлар да бар. Атап айтқанда, Қазақстан аумағы арқылы транзитпен өтетін алмаға, сондай-ақ экспортқа шығарылуы 3 қыркүйекке дейін рәсімделген және тиісті құжаттары бар өнімге шектеу қойылмайды.

Сондай-ақ Қазақстанға 3 қыркүйекке дейін нақты әкелінген, оның ішінде уақытша сақтауда тұрған алмаға да шектеу жоқ. Бұл жағдайда өнімнің елге осы күнге дейін кіргенін растайтын құжаттар қажет.

Ауыл шаруашылығы министрліг...

Шығыс Қазақстан облысында 69 жастағы Татьяна Ригер өмірінде алғаш рет Қазақстан Республикасы азаматының жеке куәлігін алды.  

Polisia.kz хабарлауынша, ол ұзақ уақыт бойы қазіргі үлгідегі жеке басын куәландыратын құжатсыз өмір сүрген. Бұған дейін әйел 1974 жылғы үлгідегі КСРО паспортын пайдаланған. Алайда кейіннен оны жоғалтып алған.

«Өмірлік жағдайларға байланысты Татьяна Владимировна ұзақ уақыт бойы құжаттарын қайта рәсімдеуге мүмкіндік таппаған. Жуырда ол Риддер қаласының көші-қон қызметіне жүгінді. Қызметкерлер оған қажетті құжаттарды жинауға көмектесіп, тиісті тексеру жұмыстарын жүргізіп, құзырлы мемлекеттік органдарға сұрау салулар жолдады», – делінген ақпаратта.  

Тамыз айының соңында Татьяна Владимировна Қазақстан...

Ұлттық банк төрағасы Тимур Сүлейменов зейнетақы жинақтарын азаматтардың жас ерекшелігіне қарай инвестициялау тетіктері қарастырылып жатқанын хабарлады. Оның айтуынша, бұл реформаны жүзеге асыруға қажетті нормативтік құжаттар 2027 жылы әзірленеді, деп хабарлайды Кursiv.Media.

«Қазірдің өзінде бір басқарушы компанияда бірнеше стратегияның болу мүмкіндігі бар. Азаматтар қаржысын БЖЗҚ-дан алып, жеке басқарушыларға сенім білдірген кезде бұл мүмкіндікті пайдалана алады. Бұл реформа осыдан жарты жыл бұрын енгізілген. Ал жас ерекшелігіне қарай диверсификациялауға келсек, мұнда қарапайым қаржылық әрі әлеуметтік логика жатыр. Мысалы, университетті жаңа бітірген 22 жастағы азаматтың алдында зейнетке дейін 40–50 жыл еңбек жолы бар, сондықтан ол тәуекелі жоғары стратегияны таңдай...

Ұлттық банк биыл базалық мөлшерлемені одан әрі төмендетпеуі мүмкін. Бас банкир Тимур Сүлейменов бұл бағыттағы мүмкіндік шектеулі екенін ашық айтты.

Қазір тәуекелдің таразы басы инфляцияның өсу жағына ауып тұр. Ішкі сұраныс артып, қаржылық ынталандыру күшейе түскен. Инфляциялық күтулер де әлі тұрақтала қойған жоқ.

Оның үстіне жанар-жағармай бағасы мен коммуналдық қызмет тарифтерінің қымбаттауы қысымды үдетіп отыр. Сыртқы қатерлер де аз емес. Геосаяси ахуалдың шиеленісуі әлемдегі азық-түлік пен энергия ресурстарының құнын өсіруге ықпал етеді.

«Ресейде инфляция орнықты күйде сақталуда. Отын нарығындағы іркілістер аясында проинфляциялық тәуекелдер сақталып отыр. Негізгі мөлшерлеменің төмендеуіне қарамастан, биылғы шілдеде Ресей Банкінің риторикасы қатаңдады...