Жаңалықтар

Дүниежүзілік денсаулық сақтау ұйымы (ДДСҰ) MV Hondius кемесімен круизге шыққан тоғыз адамның хантавирус жұқтырғанын анықтады. Бұл туралы Reuters хабарлайды.

Жолаушылар вирус жұқтырды

11 мамыр, дүйсенбі күні, ДДСҰ хантавирус (Andes virus штаммы) жұқтырған азаматтар туралы мәліметті жаңартты. Алдында жетеу болған. Франция екі жолаушының вирусқа шалдыққанын анықтаған соң, науқастардың жалпы саны тоғызға жетті.

Ұйым мәліметінше, жұқпалы аурудан барлығы үш адам қайтыс болған.

Қазір круизден оралған лайнер Испанияның Тенериф аралында тұр. Жергілікті билік оны портқа кіргізбей, зәкірді ашық теңізге тастауды бұйырған.

Енді кемедегі жолаушыларды катерлермен эвакуациялап, өз елдеріне жіберіп жатыр. Олардың арасында Испания, Германия, Нидерланд, АҚШ және Франция азаматтары бар...

Қазақстан сыртқы істер министрлігі Түркияның Анталия қаласында жол апатынан қаза тапқан жас жігіттің қырғыз азаматы екенін мәлімдеді. Бұған дейін түрік баспасөзі Құбат Аманбековті Қазақстан азаматы деп таратқан.

Министрлік түрік тарапынан Анталияда 11 мамырға қараған түні болған жол апаты туралы мәлімет сұратып, 27 жастағы марқұмның Қырғызстан азаматы екенін анықтаған.

Естеріңізге сала кетейік, бес жұлдызды қонақүйлердің бірінде бармен болып істеген Аманбековті велосипедпен жұмыстан қайтып келе жатқан уақытта такси көлігі қағып кеткен. Түрік баспасөзінің мәліметінше, қайғылы оқиға түнгі сағат үштер шамасында қаланың Серік ауданында болған.

Куәгерлер жедел жәрдем мен полиция шақыртқан. Дәрігерлер Құбаттың жол жерде жан тапсырғанын анықтаған.

Көлік...

Мұнай бағасы көтерілген уақытта Saudi Aramco компаниясының кірісі еселеп артты. Сауд Арабиясындағы алып корпорация 2026 жылдың алғашқы үш айында 33,6 млрд доллар табыс тапқан.

11 мамырда Saudi Aramco алғашқы тоқсанның есебін жариялады. Компания табысы мұнай қымбаттаған уақытта 26%-ға өскен. Үш айдағы 33,6 млрд доллар бір жыл бұрынғы көрсеткіштен 26,6 млрд долларға көп. Түсім шамамен 7%-ға көтеріліп, 115,5 млрд доллар болған.

Aramco мәліметінше, Ирандағы соғыстың он аптасында әлем 1 млрд баррель мұнайдан айрылды. Дегенмен араб компаниясы шикізатты балама бағыттармен экспорттау арқылы өндірісті арттыра алды. Бұған қоса ел ішіндегі, шетелдегі мұнай сақтайтын қорлардың жеткіліктіліктігі де сеп болды.

Aramco-ның басты акционері – Сауд...

Маңғыстау облысы Таушық ауылының көшелерін таудан аққан қарғын су басты. Лай үйлердің аулаларына дейін кірген. Бұл туралы жергілікті Lada басылымы хабарлайды.

Нөсерден кейін пайда болған қарғын тау жақтан 10 мамырда Таушық ауылына жетті. Үйлердің дәл қасынан ағып жатқан қарқыны күшті лай суды тұрғындар видеоға түсіріп алды.

Видео авторы ауылды Венецияға теңеген.

Таушық әкімдігінің басылымға хабарлауынша, қарғын елдімекеннің жекелеген көшелерімен жүріп өтіп, табиғи арнамен теңізге қарай ақты.

«Үйлердің кейбірінің ауласына ғана су кірді, бірақ баспаналарды баспады. Ешкім зардап шеккен жоқ. Мал өлімі туралы мәлімет жоқ. Жағдай бақылауда. Қазір ауа райы бірқалыпты, тұрғындарға қауіп жоқ», – деген әкімдіктегілер.

Жергілікт...

11 мамырға қараған түні Түркияның Анталия қаласында 27 жастағы Құбат Аманбеков жол апатынан қаза тапты. Ол жергілікті қонақүйде бармен болып істеген.

Түрік баспасөзінің мәліметінше, қайғылы оқиға жергілікті уақытпен түнгі сағат 3 шамасында Анталияның Серік ауданында болған. Жұмыстан велосипедпен қайтып келе жатқан Аманбековті такси көлігі қағып кеткен.

«Соққы жас велосипедшіні бірнеше метрге лақтырып жіберген», – деп сипаттады Alanya басылымы.

Басылым дерегінше, жергілікті тұрғындар полиция мен жедел жәрдем шақыртқан. Оқиға орнына жеткен дәрігерлер оның ауыр соққыдан жан тапсырғанын анықтады.

Қонақүйде істеген

Мәліметтерге қарағанда, марқұм Серік ауданындағы без жұлдызды қонақ үйлердің бірінде істеген...

Президент Қасым-Жомарт Тоқаев премьер-министрдің бірінші орынбасары Нұрлыбек Нәлібаевты қабылдады. Бұл туралы Ақорда хабарлайды.

Вице-премьер қызметіне жақында ғана тағайындалған шенеунік президентке өнеркәсіпті дамыту және ірі инфрақұрылымдық жобаларды жүзеге асыру мәселелері жөнінде баяндаған.

Ресми ақпаратта Нәлібаевтың мемлекет басшысына өңдеу өнеркәсібінде жүргізіліп жатқан негізгі жұмыстар туралы ақпарат бергені айтылған.

«Премьер-министрдің бірінші орынбасары қосылған құны жоғары өнім шығаруды арттыру және энергетикалық инфрақұрылымды жаңғырту жоспарына тоқталды», – деп таратты Ақорда.

Сонымен бірге вице-премьер көлік-логистика инфрақұрылымы мен құрылыс саласын дамыту жайында айтқан.

Кездесу соңында Тоқаев инфрақұрылымдық жобалардың сапалы жүзеге асырылуын қамтамасыз етуді, отандық тауар өндірушілерді қолдауды және...

Бибісара Асаубаева өзбек шахматшысы Жавохир Синдаровқа ірі турнирде қолдау көрсету үшін Румыния астанасына барды. Бухарест қаласында бірге түскен видеоны қазақ қызы әлеуметтік желіде жариялады.

Grand Chess Tour 2026 турнирінің кезекті кезеңі 12 мамырда Румынияда өтеді. Оған Фабиано Каруана (АҚШ), Аниш Гири (Нидерланд), Алиреза Фирузджа (Франция), Уэсли Со (АҚШ) сынды мықты шахматшылар қатысады.

Әлем чемпионы атағына үміткерлер турнирінің жеңімпазы – Жавохир Синдаров (Өзбекстан) Гранд сериясына алғаш рет шақыртылды. Жарыстың жүлде қоры – 475 мың доллар.

Асаубаева бұл турнирге қатыспайды. Соған қарағанда, ол Бухарестке жақын досын қолдауға барған. Қазір олар қаланың түнгі тіршілігін бірге тамашалап жүр.

Қазір Бибісараның қыдыруға уақыты...

АҚШ президенті Дональд Трамп 13 мамырда Қытайға барады. Сапар үш күнге созылады. Бұл туралы Қытай сыртқы істер министрлігі хабарлайды.

«Президент Си Цзиньпиннің шақыртуымен Америка Құрама Штаттарының президенті Дональд Дж. Трамп 13-15 мамыр аралығында Қытайда мемлекеттік сапармен болады», – делінген шағын ресми ақпаратта.

Бұған дейін Ақ үйдің ресми өкілі Кэролайн Левитт Трамптың Қытайға сапары 14-15 мамырда өтетінін айтқан. Содан кейін Си Цзиньпин Вашингтонға сапарлайды деп жоспарланған.

Бұған дейін Трамп Қытайға 2026 жылғы наурыздың аяғында баратыны айтылған. Алайда Ақ үй қожайынының жоспары Ирандағы соғысқа байланысты өзгерген.

Мәліметтерге қарағанда, осы аптада өтетін кездесуде Қытай АҚШ-қа тиім...

Құтқарушылар Каспий теңізінде жағалаудан шамамен 400 метр қашықтықта қалған азаматқа көмектесті. Оны ашық теңізге жел ұшырып әкеткен.

Ашық теңізде

Төтенше жағдайлар министрлігінің мәліметінше, оқиға 10 мамырда болған. Құтқарушылар жедел түрде қайықтағы ер адамды жағаға жеткізді.

Белгілі болғандай, ер адам мотор орнатылмаған қайықпен суға шыққан. Күшті желдің салдарынан қайықты ағыс пен жел ашық теңізге қарай алып кеткен. Ол өздігінен жағаға қайта орала алмаған.

Құтқарылған азамат медициналық көмекке мұқтаж болған жоқ.

Сақтық шаралары

ТЖМ су айдындарына шығар алдында қауіпсіздік ережелерін қатаң сақтауды ескертеді:

13-14 мамыр күндері Түркия президенті Режеп Тайип Ердоған мемлекеттік сапармен Астанаға келеді. Оны Қазақстан президенті Қасым-Жомарт Тоқаев шақырды, деп хабарлайды Ақорда.

Мемлекет басшылары екіжақты байланыстардың қазіргі жай-күйі мен болашағын талқылайды.

Бұған қоса президенттер Қазақстан мен Түркия арасындағы Жоғары деңгейдегі стратегиялық ынтымақтастық кеңесінің алтыншы отырысын өткізеді.

Ал 15 мамырда Түркістан қаласында Түркі мемлекеттері ұйымына мүше елдер басшыларының бейресми саммиті ұйымдастырылады.

Жиында «Жасанды интеллект және цифрлық даму» тақырыбы талқыланады.

Түркия Қазақстан тәуелсіздігін әлемде ең алғашқы болып мойындаған мемлекет. Анкара 1991 жылғы 16 желтоқсанда Қазақстан тәуелсіздігін жариялағаннан кейін небәрі бірнеше сағат ішінде ресми түрде таныды. Екі ел арасындағы дипломатиялық байланыс 1992 жылғы...

Ливан билігінің хабарлауынша, Израильдің ел аумағына жасаған бірқатар шабуылынан кем дегенде 39 адам қаза тапты.

Бұған жауап ретінде «Хезболла» радикалды тобы Израильдің солтүстігіне және Ливанның оңтүстігіндегі израильдік әскерлерге зымырандар мен ұшқышсыз ұшу аппараттарымен соққы берді.

BBC мәліметінше, Израиль авиациясының негізгі соққылары Ливанның оңтүстігіне бағытталды. Израиль әскерилері Иран қолдайтын қарулы топтың инфрақұрылымы мен оған қатысы бар тұлғаларды нысанаға алғанын алға тартты.

АҚШ президенті Дональд Трамп 16 сәуірде Израиль мен Ливан үкіметтері арасындағы оқ атуды тоқтату туралы келісімді жариялағаннан бері Израиль мен «Хезболла» бір-біріне соққы беруді тоқтатпай келеді. Уағдаластыққа қарамастан, тараптар бір-бірін бітім шартын бұзды деп айыптап, қақтығысты жалғастырып...

Астанада 15 мамырда Әуе қорғанысы күштерінің жоспарлы іс-шаралары аясында қала үстінде жойғыш ұшақтардың демонстрациялық ұшуы өтеді. Бұл туралы Қорғаныс министрлігінің баспасөз қызметі хабарлады.

Іс-шараға дайындыққа байланысты 10 мамырдан бастап елорда әуе кеңістігінде әскери авиацияның жаттығу ұшулары басталады.

Жойғыш ұшақтардың ұшуы мен жаттығу іс-шаралары қауіпсіз биіктікте жүзеге асырылады. Қала тұрғындарының күнделікті тыныс-тіршілігіне кедергі келтірмейді.

«Елорда тұрғындары мен қонақтарынан жаттығулар мен демонстрациялық ұшу кезеңінде туындауы мүмкін қысқа мерзімді шу деңгейінің артуына түсіністікпен қарауды сұраймыз», – деп жазылған министрліктің хабарламасында.

Сонымен қатар барлық ұшулар қауіпсіздік талаптарына сәйкес ұйымдастырылады. Халыққа ешқандай қауіп төндірмейді.

Жангелдин ауылындағы бір отбасының өліміне қатысты атышулы іс бойынша сотқа дейінгі тергеу амалдары аяқталды.

Ақжайық басылымының мәліметінше, басты айыпталушы Сұлтан Сәрсемалиев қылмыстық іс материалдарымен танысып, төрт адамды өлтіру дерегі бойынша кінәсін мойындады.

Сәрсемалиевке Қазақстан Республикасы Қылмыстық кодексінің 99-бабы 2-бөлігі 1-тармағы «Екі немесе одан да көп адамды өлтіру» бойынша айып тағылды.

Бұдан бөлек, тергеу аясында ҚР ҚК-нің 188 «Ұрлық»және 190 «Алаяқтық» баптары бойынша қосымша қылмыстық істер тіркелді. Әңгіме қаза тапқан отбасының малын сату, сондай-ақ олардың банк карталарындағы ақшалай қаражатты жымқыру туралы болып отыр.

«Барлық тергеу әрекеттері аяқталды. Іс жақын арада сотқа жолданады. Сот процес...

Негізгі ҰБТ-2026 басталды, тестілеу 10 шілдеге дейін жалғасады. Бұл туралы Ғылым және жоғары білім министрлігі хабарлады.

ҰБТ-ға қатысушылар саны

240 мыңға жуық талапкер тестілеуге қатысуға өтініш берген. Тест тапсырушылардың 74%-ы қазақ тілінде, 26%-ға жуығы орыс тілінде, 851 адам ағылшын тілінде сынақтан өтпек.

«Өтініш беру кезінде талапкерлер тестілеу күнін, уақытын және пунктін өздері таңдады. ҰБТ-ның бірінші күні бүкіл еліміз бойынша 926 адам, оның ішінде елордада 359 талапкер тестілеуден өтеді», – деді Ұлттық тестілеу орталығының директора Нұрсейіт Байжанов.

Ең танымал комбинациялар

Ең көп таңдалған бейіндік пәндер комбинациясы «Математика-Физика» болып қалып отыр. Оны түлектердің 17,9%-ы таңдады.

Талапкерлерд...

Шығыс Қазақстан облысындағы «Востокцветмет» ЖШС-на қарасты Артемьев шахтасында жұмысшы қаза тапты.

Оқиғаның мән-жайы

Компанияның мәліметінше, жазатайым оқиға 2026 жылғы 9 мамырда Артемьев шахтасында болған. Алдын ала деректер бойынша, шаң-желдету қызметінің механигі жөндеу жұмыстарын жүргізу кезінде шамамен 9 метр биіктіктен құлап кеткен. Алған жарақаттарынан жұмысшы сол жерде жан тәсілім етті.

Қазіргі уақытта оқиғаның себептері мен мән-жайын анықтау үшін арнайы комиссия құрылып, тергеу амалдары жүргізіліп жатыр. Компания басшылығы қаза тапқан жұмысшының отбасына барлық қажетті көмек көрсетілетінін мәлімдеді.

Полицияның түсініктемесі

Облыстық Полиция департаменті аталған дерек бойынша сотқа дейінгі тергеу амалдарының басталғанын хабарлады.

«Аталған факті бойынша «Тау-кен немесе...

Талдықорған қаласында 1-9 мамыр аралығында өткен көкпардан ересектер арасындағы XXV Қазақстан чемпионаты аяқталды. Биылғы додаға алғаш рет 19 команда қатысып, ел тарихындағы ең ауқымды жарыс ретінде тіркелді.

19 команда төрт топқа жеребе арқылы бөлініп, алғашқы бес күнде топтық ойындардың көркін қыздырды.

Нәтижесінде топтық кезеңнен сүрінбей өткен 8 команда ширек финалға жолдама алды. Олар: Түркістан облысы, Қостанай облысы, Қарағанды облысы, Шымкент қаласы, Алматы облысы, Ақмола облысы, Жамбыл және Жетісу облыстары.

Аталған сегіз команда ширек финалда кездесіп, үздіктері жартылай финалға шықты. Бұл кезеңде Қостанай облысының көкпаршылары азулы деген Түркістан облысы командасын жеңіп жартылай финалға өткен еді. Ал, Шымкент қаласы, Жамбыл облысы және...

Бүгін, мамырдың екінші жексенбісінде, Қазақстан Аналар күнін атап өтуде. Биыл айтулы мереке 10 мамырға сәйкес келді.

Бұған дейін елімізде Аналар күні қыркүйек айында тойланатын. Алайда Үкіметтің 2023 жылғы 31 мамырдағы қаулысына сәйкес, мереке мамыр айының екінші жексенбісіне бекітілді. Мереке күні халықаралық стандарттарға сәйкестендіру мақсатында ауысты.

Аналар күнін мамырдың екінші жексенбісінде тойлау дәстүрі әлемнің 20-дан астам елінде қалыптасқан. Олардың қатарында АҚШ, Канада, Германия, Италия, Түркия, Жапония, Бразилия мен Аустралия сияқты мемлекеттер бар.

Елімізде аналардың мәртебесін көтеріп, отбасы институтын нығайту бағытында Қазақстан халқы Ассамблеясы жанынан «Аналар кеңесі» құрылған.

Бүгінде республика бойынша Аналар кеңесінің 1 713 бөлімшесі жұмыс істейді, оның ішінде...

Алматыдағы екі автобус паркіне ауаға зиянды заттардың шығарылу нормасын асырған үшін 13,3 млн теңге айыппұл салынды. Бұл туралы қала әкімдігі хабарлады.

Экологтар №3 автобус паркін тексеру барысында ондаған заңбұзушылық анықтаған. Тексеру кезінде паркте тіркелген 289 автобустың 249-ы қаралып, олардың 50-інде катализатор жоқ екені анықталды. Ал катализатор зиянды шығарындыларды азайтатын маңызды құрылғы.

Экологтардың айтуынша, мұндай жағдай алғаш рет тіркеліп отырған жоқ. Бұған дейін NEO City TRANS және TALAP T автобус парктерінде де тексеріс жүргізіліп, кейбір көліктерден зиянды қалдықтардың нормадан асқаны анықталған.

Анықталған заңбұзушылықтар бойынша әкімшілік хаттамалар толтырылып, жалпы сомасы 13,3 млн теңге айыппұл салынды. Сонымен қатар, кемшіліктерді жою туралы нұсқама...

Владимир Путин Мәскеудегі Қызыл алаңда өткен Жеңіс күніндегі сөзін Украинадағы соғысты ақтау және НАТО-ны айыптау үшін пайдаланды. Жүздеген әскери қызметшілердің алдында және бірнеше әлемдік лидерлердің қоршауында сөйлеген Ресей президенті өзінің «әділ» соғыс жүргізіп жатқанын мәлімдеді және Украинаны «бүкіл НАТО блогы тарапынан қаруланған және қолдау тапқан агрессивті күш» деп атады.

Оның бұл мәлімдемелері Кеңес Одағының нацистік Германияны жеңгеніне арналған елдегі ең ірі ұлттық мереке қарсаңында Ресейдің кейбір бөліктеріндегі салмақты мерекелік шаралар аясында айтылды. Салтанатты шаралар қарсаңында Ресей мен Украина АҚШ президенті Дональд Трамп жұма күні жариялаған үш күндік бітімді сақтауға келісті.

Әскери техникасыз өткен парад

Соңғы жиырма жылға жуық уақыт...

Stadiumdb.com порталы болашақта Чемпиондар лигасының матчтарын қабылдауы мүмкін ең таңдаулы стадиондардың жобаларын жариялады, деп хабарлайды Sports.kz. Бұл тізімге Барселона (Испания), Милан, Рим, Неаполь (Италия), Париж (Франция), Стамбул (Түркия), Лондон, Манчестер, Ньюкасл (Англия), Лиссабон (Португалия) және Алматы (Қазақстан) қалаларындағы жаңа ареналардың жобалары кірді.

Дереккөздің мәліметінше, Чемпиондар лигасы мен өзге де ірі турнирлер үшін ең көп күтілетін жобалар қатарында Милан мен Интердің жаңа жоспарлары, «Наполидің» болашақ үйі және Барселонадағы қайта жөндеуден өтіп жатқан «Камп Ноу» бар. Сондай-ақ «Арсенал» өз стадионын 80 мың орынға дейін кеңейтуді көздесе, «ПСЖ» тіпті 90 мың адамдық арена салуды жоспарлап отыр. Осы алпауыттардың қатарында Алматының «Қайраты...

Алматыда Ұлы Отан соғысындағы Жеңістің 81 жылдығына орай ауқымды еске алу және мерекелік іс-шаралар өтті. Қала тұрғындары мен қонақтары сұрапыл соғыста ерлік көрсеткен ата-бабалар рухына тағзым етіп, бейбіт күннің мәнін ұлықтады.

Мерекенің негізгі шарасы дәстүрлі түрде 28 гвардияшы-панфиловшылар атындағы саябақта ұйымдастырылды. Қала әкімі Дархан Сатыбалдының қатысуымен Даңқ мемориалындағы Мәңгілік алауға гүл шоқтары қойылды. Салтанатты рәсім барысында жиналған қауым майданда қаза тапқан жауынгерлерді бір минут үнсіздікпен еске алды.

Саябақ ішінде мерекелік атмосфера орнап, тұрғындарға «дала асханасынан» дәм ұсынылды. Сонымен қатар, қазақстандық танымал артистердің қатысуымен өткен мерекелік концерт кештің сәнін келтіріп, патриоттық әндер шырқалды.

Алматы қаласының әкімі Дархан Сатыбалды қала...

Мемлекет басшысының тапсырмасы бойынша Қазақстан Республикасының Премьер-министрі Олжас Бектенов, Парламент Сенатының төрағасы Мәулен Әшімбаев және Парламент Мәжілісінің төрағасы Ерлан Қошанов Жеңіс күніне орай Астана қаласындағы «Отан Ана» монументіне салтанатты түрде гүл шоқтарын қойды. Бұл шара сұрапыл соғыс жылдарындағы қаһармандардың өлшеусіз ерлігіне тағзым ету және өшпес рухын ұлықтау мақсатында ұйымдастырылды. Бұл туралы ҚР Үкіметінің баспасөз қызметі хабарлады.

Майдан мен тыл қаһармандарын еске алу

Салтанатты рәсім барысында жиналғандар соғыс даласында ерлікпен қаза тапқан қазақстандық майдангерлерді, тылда ерен еңбек көрсеткен қажырлы азаматтарды және барлық соғыс құрбандарын бір минут үнсіздікпен еске алды. Тағзым ету шарасы өткен тарихтың қасіреті мен жеңістің маңызын...

Қазақстан Президенті Қасым-Жомарт Тоқаев Мәскеуге жасаған жұмыс сапары аясында Ресей басшысы Владимир Путинмен келіссөздер өткізді. Кездесуде тараптар екіжақты күн тәртібіндегі маңызды мәселелерді, соның ішінде экономикалық көрсеткіштер мен алдағы мемлекеттік сапардың жоспарын талқылады. Бұл туралы Ақорданың баспасөз қызметі хабарлады

Экономикалық серіктестік пен инвестиция

Кездесу барысында Қасым-Жомарт Тоқаев соңғы бес жылдың қорытындысы бойынша Ресейдің Қазақстан экономикасына инвестиция салудағы көшбасшы елдердің бірі екенін атап өтті. Президенттің айтуынша, екі ел арасындағы сауда-саттық динамикасы жоғары қарқынмен дамып келеді.

«Алдын ала болжам бойынша, биыл тауар айналымы 30 миллиард долларлық межеден асады. Бұл — өте жақсы көрсеткіш», – деді Мемлекет...

Президент Қасым-Жомарт Тоқаев қазақстандықтарды Ұлы Жеңістің 81 жылдығымен құттықтады. Президент өз сөзінде 9 мамыр күні еліміз майдангерлер мен тыл еңбеккерлерінің өлшеусіз ерлігіне шынайы ризашылықпен тағзым ететінін атап өтті.

Ардагерлерге тағзым

Президент соғыс ардагерлері мен тыл еңбеккерлерінің қаһармандығына тоқталып, оларға деген ризашылығын білдірді.

«Бүгін біз майдан даласында Отан үшін от кешіп, ерлік жасаған жауынгерлерге және тылда табанды еңбек еткен ардагерлерге шынайы ризашылық сезіммен тағзым етеміз. Қасіретті жылдардың барлық ауыртпалығын қайыспай көтеріп, Жеңіске жеткен аға буынға айрықша құрмет көрсетеміз», – деді Қасым-Жомарт Тоқаев.

Мемлекет басшысы Қазақстанның ортақ Жеңістегі рөлін сандармен айшықтады. Оның айтуынша, миллиондаған...