Жаңалықтар

Әл-Фараби атындағы ҚазҰУ-да тағы да жанжал. Студенттердің жеке өмірі, денсаулығы, жеке басы туралы жазылған деректер көпшілікке тарап кетті деп жазады Ulysmedia. Университеттегі кураторлардың бірі құжаттардың чаттарда ашық таралып, студенттерге ешбір тексерусіз жіберіле салатынын айтты.

Қандай деректер қолды болды?

Таралған құжаттарда студенттердің аты-жөні, оның денсаулығы, қыздардың гинекологиялық мәселелері, бұзақылық жасағаны, ішкі тәртіпті бұзғаны жайлы ақпарат толық жазылған. Мәселен, 2026 жылдың 19 қаңтары деп көрсетілген құжатта бір студенттің жатақханаға ішімдік ішіп келгені көрсетілген. Ал 27 қаңтарда толтырылған есепте жатақханада шу шығарған, жедел-жәрдем шақырып, ауруханаға кеткен студенттердің аты-жөнін толық тізіп шыққан. Мұндай бірнеше құжат ашық ресурстарда жүр.

Тексеріс басталды

ҚазҰУ...

Моңғолия астанасы Ұлан-Батырда өтіп жатқан құрлық біріншілігінде 70 келіге дейінгі салмақ дәрежесінде финалдық жекпе-жек өтті. Бұл сында Қазақстан намысын қорғаған жас талант Төрехан Сабырхан иорданиялық боксшы Зеяд Ишаишпен кездесті.

Тартысты өткен үш раунд

Жекпе-жек тартысқа толы болды. Төрехан кездесуді сәтті бастап, бірінші раундта төрешілердің 4:1 деген есебімен басымдық танытты. Алайда екінші раундта Иордания өкілі есе қайтарып, таразы басын теңестіріп кетті.

Шешуші үшінші раундта Ишаиш ширақ қимылдап, соққыларын дәл тигізе білді. Нәтижесінде төрешілер шешімімен жеңіс Зеяд Ишаишқа бұйырды.

Жалпы есеп: бір алтын, бір күміс

Бұған дейін 60 келі салмақта Оразбек Асылқұлов үндістандық боксшыны жеңіп, чемпион атанды. Төрехан...

Қазақстан қор биржасы алаңында «KASE Индексіне» байланған алғашқы ETF саудасы басталды. Бұл негізінен жеке инвесторларға ыңғайлы құрал болмақ.

Оның маркет-мейкері – BCC Invest. ETF – биржада сатып алуға болатын инвестициялық құрал. «KASE индексіне» биржадағы ең өтімді 10 қазақстандық компанияның акциялары кіреді.

Яғни, инвестор бір компанияның акциясын емес, бірден бірнеше ірі компанияның акция топтамасына ақша сала алады.

Мұндай құралдың ерекшелігі, қарапайым инвесторларға қор нарығына кіруді жеңілдетеді. Бұған дейін жеке акцияларды таңдап алу қиын болса, енді бір ETF арқылы KASE индексіне кіретін негізгі компаниялардың жалпы қозғалысына қатысуға мүмкіндік туады.

Құралдың номиналды құны 1 теңге деп белгіленген. Оны брокер арқылы да...

Моңғолия астанасы Ұлан-Батыр төрінде өтіп жатқан бокстан Азия чемпионатында ерлер арасындағы алғашқы алтын медаль Қазақстан қоржынына түсті. 60 келі салмақ дәрежесінде ұлттық құраманың намысын қорғаған Оразбек Асылқұлов құрлық біріншілігінің чемпионы атанды.

Финалдық айқаста отандасымыз үндістандық Сачин Сачинмен кездесті.

Бірінші раунд: Қарсылас белсенділік танытып, төрешілердің шешімімен 5:0 есебімен алға шықты. Екінші раундта Оразбек тактикасын өзгертіп, жүйелі соққылардың арқасында басымдықты қолға ала бастады (3:2). Шешуші сәтте Асылқұлов қайтпас қайсар мінез көрсетіп, соққыларды жаудырды.

Қорытынды есеп бойынша 3:2 есебімен жеңіске жеткен Оразбек Асылқұлов Азия чемпионы атағын иеленді.

Оразбектің бұл жеңісі бүгін шаршы алаңға шығатын өзге де қазақ боксшыларына үлкен серпін берері сөзсіз. Естеріңізге...

Қорғаныс министрлігі «2026 жылы әскери міндеттілерді әскери жиындарға шақыру туралы» бұйрықты жариялады.

Құжатқа сәйкес, биыл міндетті әскери жиынға үш мың әскери шақырылады.

Бұйрықтың орындалуын Қазақстан Қарулы күштері Бас штабының басшылығы бақылауға алады. Бұйрық 2026 жылғы 19 сәуірден бастап күшіне енеді.

Әскери жиындардың негізгі мақсаты – бейбіт уақытта қысқартылған құрамда ұсталатын әскери бөлімдердің жауынгерлік және жұмылдыру әзірлігін арттыру. Бұл жиындар 2007 жылдан бастап жыл сайын 30 күндік мерзіммен өткізіледі.

Айта кетейік, бұған дейін Қорғаныс министрлігі биыл елімізде Жеңіс күніне арналған әскери парад өтпейтінін хабарлаған еді.

Түркістан облысында Жетісай, Мақтаарал аудандарының шаруалары 45 күнде қырыққабат өсіріп шығарды. Қазір өнімдерді сатылымға шығаруға дайындап жатыр деп хабарлады Су шаруашылығы және ирригация министрлігі.

Фермерлердің сөзінше, өнім тез пісіп шығуына суару жүйесі әсер еткен.

«Биыл 10 гектарға жуық жерге егін ектік. Қырыққабат пен қауын өсіріп жатырмыз. Тәжірибе ретінде төрт гектар жерге тамшылатып суару жүйесін орнаттық. Нәтижесі жаман емес, сондықтан алдағы уақытта да мұндай жүйелерді енгізуді жоспарлап отырмыз. Сондай-ақ субсидия алуға өтінім береміз. Биыл «Қазсушар» мекемесімен келісімшартқа отырдық, соның арқасында су уақытылы келіп тұр», – деді Жетісай ауданының фермері Ермахан Тасов.

Министрлік мәліметінше, Шымкент...

«Транстелеком» компаниясын миллиардтаған теңгеге шығынға батырды деп айыпталған күдікті Грузиядан Қазақстанға экстрадицияланды. Ол наурыз айында сол елде ұсталған.

Бас прокуратура мәліметінше, күдікті «Транстелеком» арқылы мемлекетті 4 миллиард теңгеден астам шығынға» батырған. Аса ірі мөлшерде ұрлық жасағаны үшін күдікті Грузиядан елге жеткізілді. Құзырлы мекеме күдіктінің аты-жөнін атамады.

«Тергеу барысында аталған тұлға компания басшысы бола отырып, адамдар тобының алдын ала сөз байласуымен, қаражатты ұрлау мақсатында, мемлекеттік сатып алу нормасын қолданбай, спутниктік және телекоммуникациялық жабдықты жалға алудың заңсыз шартын жасағаны анықталды», – деп таратты прокуратура.

Бас прокуратура түсірген видеодан күдіктіні Алматы әуежайына ұшақпен жеткізгенін, оның қолы...

Моңғолия астанасы Ұлан-Батыр төрінде өтіп жатқан Азия чемпионатында әйелдер арасында топ жарып, алтын тұғырдан көрінген Дина Исламбекованы отандасы, әлем чемпионы Махмұд Сабырхан ерекше құттықтады.

Махмұд Сабырхан қазақы салт-дәстүрмен, чемпион қызға «көрімдік» ретінде банк картасына 500 000 теңге аударды. Бұл сыйлық спортшының алтын медалі үшін көрсетілген құрмет пен қолдаудың нышаны болды.

Жаңалық әлеуметтік желілерде тез тарап, көпшіліктің ыстық ықыласына бөленді. Желі қолданушылары Махмұдтың бұл қадамын:

«Нағыз қазақы мәрттік», «Спортшылардың бір-біріне деген сыйластығының көрінісі», «Көрімдіктің ең заманауи әрі пайдалы түрі» деп бағалап жатыр.

Қазақстандық пара дзюдо жұлдызы, Париж Паралимпиадасының жеңімпазы Ақмарал Науатбек сәбилі болды. Бұл туралы спортшы өзінің Instagram парақшасында жариялады.

Ақмарал Науатбек спорт әлеміне ерте қадам басқан. Ол 11 жасынан бастап дзюдомен кәсіби түрде айналыса бастады. 2017–2019 жылдар аралығында жасөспірімдер арасындағы әлем чемпионаттарында бақ сынап, өзінің мықтылығын дәлелдеген болатын.

Алайда 2021 жылы көру қабілетінің нашарлауына байланысты Ақмарал пара дзюдоға ауысып, жаңа биіктерді бағындыруға бел буды.

Еске сала кетейік, Ақмарал 2024 жылы Париждегі Паралимпиада ойындарында тарихи алтын медаль алып, ел мерейін үстем еткен еді.

Танымал кәсіпкер, меценат Дулат Тастекейге Қазақстан Жазушылар одағының Халықаралық «Алаш» әдеби сыйлығы табысталды.

Дулат Тастекей сыйлыққа тиесілі қаражатты жеке қажеттілігіне жаратпай, оны ел игілігі мен ұрпақтың рухани дамуына бағытталған жобаларға жұмсайтынын жеткізді.

«Алаш атындағы сыйлық – мен үшін марапат емес, аманат. Бұл өткен үшін берілген баға емес, болашақ алдындағы жауапкершіліктің жүгі. Оған тиесілі қаражатты елге, білімге, ұрпақтың рухани кемелденуіне қызмет ететін ізгі бастамаларға бағыттау – мен үшін әлдеқайда маңызды», – деп жазды кәсіпкер әлеуметтік желідегі парақшасында.

Бүгінде Дулат Тастекейдің бастамасымен әдебиетті ұлықтауға және оқырман мәдениетін қалыптастыруға бағытталған бірнеше ірі жоба сәтті жүзеге асып келеді:

...

Ауыл шаруашылығы министрлігі Атырау облысында мал арасында тарап жатқан ауру туралы қауесетті теріске шығарды. Ведомство Kursiv Media-ға берген жауабында белгісіз дерт емес нақты диагноз туралы сөз болып отырғанын және жағдай жыл басынан бері бақылауда екенін мәлімдеді.

Ауыл шаруашылығы министрлігі ветеринарлық бақылау және қадағалау комитетінің хабарлауынша, жыл басында Исатай және Құрманғазы аудандарында ірі қара малдан ауру анықталған. Зертханалық зерттеулердің нәтижесі бойынша инфекциялық ринотрахеит диагнозы қойылды.

«Ауылдық округ әкімінің шешімімен шектеу іс-шаралары енгізілді. Өңірде республикалық эпизоотияға қарсы отряд мамандары жұмыс істеп, кешенді сауықтыру шараларын ұйымдастырып жатыр. Шаруашылықтарда барлық мал басын клиникалық тексеру ұйымдастырылды, сезімтал жануарларға вакцина егу, сондай-ақ ауырған малды...

АҚШ-тың бірінші ханымы Меления Трамп 9 сәуір күні Ақ үй дәлізінде қаржыгер Джеффри Эпштейн туралы мәлімдеме жасады. Ол интернетте таралған қауесеттерді жоққа шығарды.

Эпштейн құрбаны емеспін

Америка президентінің әйелі Мелания Трамп Эпштейннің құрбаны еместігін айтты. Бұған қоса, бірінші ханым Трамп екеуін қаржыгер таныстырды деген болжамның да өтірік екенін мәлімдеді. Сонымен бірге Мелания Конгрестен Эпштейн құрбандарына ашық тыңдау өткізуге мүмкіндік беруді сұрады.

«Мені Джеффри Эпштейнмен байланыстырған қаңқу сөз бүгін тыйылуға тиіс», – деп мәлімдеді президенттің әйелі. Оның айтқандарын Reuters жариялады.

Бірінші ханым Ақ үй дәлізінде алдын ала дайындалған мәлімдемесін ғана оқып беріп, журналистер...

«Қайрат» футбол клубының шабуылшысы Дастан Сәтбаев жоғары мемлекеттік марапатқа ие болды. Мәдениет және ақпарат министрі Аида Балаева талантты футболшыға «Дарын» мемлекеттік жастар сыйлығын салтанатты түрде табыстады.

Министр өз құттықтауында спортшының жетістіктері өскелең ұрпақ үшін үлкен үлгі екенін атап өтті:

«Бүгінде сіз үздік нәтижелер көрсетіп, балаларды және бүкіл қоғамды футбол ойнауға, спортты қолдауға жігерлендіріп жүрсіз. Президентіміз атап өткендей, кез келген еңбек ел дамуы үшін құнды әрі маңызды. Сіздің табыстарыңыз жалғаса беретініне сенімдімін. Бұл марапат жаңа белестерге жол ашып, өзгелерге мотивация берсін», – деді Аида Балаева.

«Дарын» сыйлығы туралы

Бұл беделді марапат жыл сайын талантты...

Ресей президенті Владимир Путин христиандардың Пасха мерекесіне орай атысты доғаруды тапсырды. Украина президенті Владимир Зеленский екі апта бұрын осындай ұсыныс жасаған.

Кремль мәліметінше, уақытша бітім 11 сәуірде Астана уақытымен сағат 19:00-де басталып, 12 сәуір аяқталғанға дейін созылады. Путин осы уақытта әскери қолбасшыларға барлық бағыт бойынша әскери қимылды тоқтатуды тапсырды. Дегенмен федерация әскері қарсыластың арандату әрекетіне дайын болуға тиіс.

Наурыздың аяғында украин президенті Владимир Зеленский мереке күндері атыспауды ұсынған. Ол апта басында ұсынысын АҚШ арқылы тағы да Ресейге жеткізгенін мәлімдеген.

2025 жылы да Ресей мен Украина Пасха мерекесінде атыспаған.

Католиктер мен протестанттар Пасха мерекесін 2026 жылғы 5 сәуірде атап...

Моңғолия астанасы Ұлан-Батырда өтіп жатқан Азия Чемпионаты өз мәресіне жетті. Бүгін 10 сәуір күні финалдық жекпе-жектерде бес қазақстандық боксшы ел намысын қорғайды.

60 келі: Оразбек Асылқұлов – Сачин Сачин (Үндістан)

70 келі: Төрехан Сабырхан – Зейад Ишайш (Иордания)

75 келі: Сабыржан Аққалықов – Жавохир Абдурахимов (Өзбекстан)

85 келі: Нұрбек Оралбай – Жасурбек Юлдошев (Өзбекстан)

+90 келі: Айбек Оралбай – Данабек Байкенже (Қытай)

Сағат 10:00 де басталатын жекпе-жектерді Qazsport арнасы тікелей эфирден көрсетеді.

Бұған дейін, әйелдер арасындағы бәсекеде Надежда Рябец пен Дина Исламбекова алтын алып, Азия чемпиондары атанған еді.

Қазақстан мұсылмандары діни басқармасында биылғы қажылық маусымына дайындық жұмыстары қорытындыланды. Қасиетті сапардың нақты мерзімі, тасымалдаушы компаниялар тізімі және қажыларға қойылатын басты талаптар жарияланды.

Дайындық қалай жүріп жатыр?

ҚМДБ алаңында өткен онлайн-жиында Қазақстан қажылық миссиясы мен 14 ресми туроператор басшылары бас қосты. Наиб мүфти Кенжетай Байкемелұлының төрағалығымен өткен жиынның басты мақсаты сапарды жоғары деңгейде, қауіпсіз әрі қолайлы ұйымдастыру болды.

Сапар мерзімі және ұшу бағыттары

Биылғы қажылық маусымының уақыты нақтыланды:

Қажыларды қай әуекомпания тасымалдайды?

Биылғы маусымда қажыларды тасымалдау құқығы конкурстық негізде мына әуе...

Шеф Абузар деген лақапатпен танымал өзбекстандық блогер Илхомжон Йолчиев Маңғыстау облысында жол талғамайтын көлікпен тікелей Каспий теңізінің суына кіріп, ерекше видео түсірмек болған. Видеоны автордың өзі Instagram-дағы парақшасында жариялады.

Кейін бұл кадрлар қазақстандық пабликтерде, соның ішінде Threads желісінде де пайда болды. Қолданушылар жағалау аймағында көлікпен жүру фактісіне назар аударған.

Бейне ролик әлеуметтік желіде тез тарап, желі пайдаланушыларының ашу-ызасын тудырды. Нәтижесінде бұл оқиғаға полиция қызығушылық танытты.

Ресейлік гроссмейстер Сергей Шипов норвегиялық Әлем чемпионы Магнус Карлсен мен қазақстандық шахматшы Алуа Нұрманға қатысты дауға пікір білдірді.

Еске сала кетейік, осыған дейін Grenke Chess Open турнирінде әлем чемпионы Магнус Карлсен мен қазақстандық шахматшы Алуа Нұрман арасында қызықты, әрі оғаш жағдай орын алған еді. Карлсен бойжеткенмен суретке түсуге келісім бергенімен, артынша төрешілерге оның телефоны туралы шағым түсірген.

Шиповтың сөзінше, Карлсен төрешілерге шағымданбай-ақ, Алуаға жеке ескертіп, телефонды тапсыруын сұрауы керек еді.

«Оның әрекеті жағымды емес, бірақ әділетті болды. Негізі жеке өтініш айтып, одан (Алуадан) телефонды тапсыруын өтінуі керек еді. Ал, шын мәнінде, мұндай турнирлерде телефон алып кіруге...

13 сәуірден бастап курортқа тек эко-автобустармен немесе таксимен көтерілуге болады. Шымбұлақтағы аспалы жолдарда жоспарлы профилактикалық жұмыстар басталады.

Қай аспалы жолдар және қашан жабылады: 

13 сәуірден бастап курортқа тек эко-автобустармен немесе таксимен көтерілу мүмкін болатыны атап өтілді.

Еске сала кетейік, бұған дейін Kursiv Media  Қазақстан, Қырғызстан және Түркиядағы тау-шаңғы курортындағы бағаларды салыстырған еді.

Қазақстанның шығысында қатты жаңбыр мен бұршақ жауады. Ал солтүстік, оңтүстік пен батыста тек нөсер болады. «Қазгидромет» 10 сәуірге ауа райы болжамын ұсынды.

Көлік министрі Нұрлан Сауранбаев Арменияның Территориялық басқару және инфрақұрылымдар министрі Давид Худатянмен кездесу өткізіп, ынтымақтастық перспективаларын талқылады.

Кездесу барысында тараптар Қазақстан мен Армения арасындағы көлік-логистикалық ынтымақтастықты дамыту мәселелерін сөз етті. Көлік саласындағы өзара іс-қимылдың басым бағыттарына, соның ішінде инфрақұрылымды дамытуға, озық технологияларды енгізуге, сондай-ақ жүк тасымалы көлемін арттыруға ерекше назар аударылды.

Астана – Ереван және Ақтау – Ереван бағыттары бойынша әуе қатынасын қайта бастау мәселесі бөлек қаралды. Бұл рейстердің жақын арада іске қосылуы күтілуде, бұл сауда-экономикалық байланыстарды нығайтуға және туризмді дамытуға қолайлы жағдай жасайды.

Кездесу қорытындысы бойынша тараптар ынтымақтастықты одан әрі тереңдетуге өзара мүдделілікті растап, белсенді іс-қимылға дайын екендіктерін білдірді.

Өскемен қаласындағы Қабанбай батыр көшесінің бойында орналасқан көпқабатты үйлердің бірінде өрт сөндіру кезінде құтқарушылар ес-түзсіз жатқан қарт адамды тауып алды.

Төтенше жағдайлар министрлігінің хабарлауынша, өрт үшінші қабаттағы пәтердің бірінен шыққан. Өрт сөндірушілер оқиға орнына жеткенде, пәтер терезесінен қою түтін шығып жатқан. Құтқарушылар жедел түрде газ-түтіннен қорғау қызметінің тобын құрып, түтінге басқан бөлмеге кірді.

«89 жастағы ер адамды пәтерден алып шығып, бірден көмек көрсетуге кірісті. Өрт сөндірушілер реанимациялық шараларды жүргізіп, зардап шегушіні есін жиғызды. Осыдан кейін зейнеткер жедел медициналық жәрдем бригадасына тапсырылып, ауруханаға жатқызылды», – деп хабарлады ТЖМ өкілдері.

Өртті шамамен 10 шаршы метр аумақта...

2026 жылғы негізгі Ұлттық бірыңғай тестілеуге өтініштерді қабылдау 11-25 сәуір аралығында жүргізіледі. Бұл кезеңде талапкерлерге негізгі ҰБТ-ны екі рет тапсыру мүмкіндігі беріліп, грант конкурсына ең үздік нәтижемен қатысуға жол ашылады.

Өтініштер Ұлттық тестілеу орталығының app.testcenter.kz сайты немесе UTO.kz қосымшасы арқылы қабылданады. Тестілеудің өзі 10 мамыр мен 10 шілде аралығында өтеді, ал талапкерлер тест тапсыру күнін, уақытын және пунктін өздері таңдай алады.

Тестілеу форматы биыл өзгеріссіз қалады. Талапкерлер 3 міндетті және 2 таңдау пәні бойынша барлығы 120 сұраққа жауап береді. Максималды көрсеткіш – 140 балл. Сынаққа барлығы 4 сағат (240 минут) уақыт беріледі, ал ерекше білім беру қажеттіліктері бар талапкерлер...

Премьер-министрдің бірінші орынбасары Роман Скляр президенттің атынан Таяу Шығыс елдерінен қазақстандықтарды эвакуациялауға қатысқан мемлекеттік орган қызметкерлері мен авиация саласының өкілдеріне наградалар табыс етті, деп хабарлайды Үкімет баспасөз қызметі.

Таяу Шығыс өңірінде әуе кеңістігінің жабылуына байланысты 2026 жылдың ақпан айында эвакуациялық іс-шараларды ұйымдастыру мен өткізуге елеулі үлес қосқан авиация саласы өкілдерін марапаттау рәсімі өтті. Наградаларға мемлекеттік органдар мен ұйымдардың, авиакомпаниялардың, әуежайлардың қызметкерлері, ұшу экипаждарының мүшелері, жерүсті қызметтерінің мамандары және саланың басқа да өкілдері ұсынылды.

«Барлық жұмыстың нақты әрі үйлесімді ұйымдастырылғанын атап өткім келеді. Осынау лайықты ордендер, медальдар мен Президенттің алғысы сіздер үшін кәсіби тұрғыда одан әрі өсуге...