Жаңалықтар

Қазақстанда ірі бизнестің тізгінін біртіндеп кәсіпкерлердің балалары ұстай бастады. Олар әлеуметтік желі жүргізбейді, жиі сұхбат бермейді, миллиондаған оқырмандары да жоқ. Бірақ соған қарамастан ірі бизнестің иесі атанып үлгерген. Бірі ата-анасы құрған компанияларды басқарса, енді бірі отбасылық капиталға сүйеніп, өз жобаларын дамытып жүр. Kursiv.Media елдегі ықпалды кәсіпкерлердің бизнесін жалғастырып жүрген кей мұрагерлер туралы материалды ұсынады.

Шухрат Ибрагимов

Қазақстандағы ең ықпалды бизнес-әулеттің бірі – Ибрагимовтар әулеті. Әулеттің әкесі Әлижан Ибрагимов – ірі қазақстандық кәсіпкер, ERG негізін қалаушының бірі. 2021 жылы 68 жасында қайтыс болған Ибрагимовтың артында жесірі Мұқадасхан Ибрагимов пен төрт ұлы қалды: Дастан, Даврон, Шухрат және Фурхат...

Қытай гуманоид роботтарды әзірлеу мен өндіруде әлемдік көшбасшыға айналып, енді оларды әскери мақсатта қолдану мүмкіндігін зерттеп жатыр деп хабарлайды Kursiv.Media. Reuters зерттеуінше, Қытайдың әскери құрылымдары роботтарды сатып алып, оларды сарбаздармен бірге қолдану мүмкіндігін сынап жатыр.

Әзірге мұндай роботтар Қытай армиясының әскери бөлімдеріне жеткізілмеген. Алайда Ұлттық қорғаныс технологиялары университеті (NUDT) қалалық ұрыста гуманоид, төрт аяқты және басқа да роботтарды қолдану тұжырымдамасын әзірлеген. Зерттеу бойынша, әр екі шабуыл тобына алты роботтан бөлінуі мүмкін. Олар сарбаздармен бірге ғимараттарды бөлме-бөлмесімен тексеруге қатысады.

Зерттеу авторлары мұндай бөлімшелер алдағы 5-10 жылда пайда болуы мүмкін деп есептейді.

Мамандардың пікірінше, роботтарды қолданудың негізгі артықшылығы – адам өміріне қауіп төнетін жерлерге...

Үкімет пен Ұлттық банк шетелдік инвесторларды қазақстандық нарыққа тартудың жаңа жолдарын қарастырып жатыр. Соның бірі – квазимемлекеттік сектордың облигацияларын Euroclear және Clearstream сияқты халықаралық депозитарлық жүйелер арқылы сату. Алайда бастамаға қолданыстағы Салық кодексіндегі бір олқылық кедергі болып отыр.

Премьер-министрдің орынбасары – Ұлттық экономика министрі Серік Жұманғариннің төрағалығымен өткен Жобалық кеңсенің 27-отырысында осы мәселе арнайы талқыланды.

Биржадан тыс сатса, салық төлемейді

Бүгінде шетелдік инвестор (бейрезидент) квазимемлекеттік компаниялардың облигацияларын Қазақстан қор биржасында (KASE) сатса, одан түскен құн өсіміне салық төлемейді. Заңда бұл жеңілдік анық жазылған.

Ал сол бағалы қағазды биржадан тыс нарықта (OTC) сатса, мұндай жеңілдік қарастырылмаған. Ұлтты...

Астана, Алматы және Шымкентте әлі жаздың жылуы сезіліп күн жаймашуақ болғанымен, елдің басым бөлігінде ауа райы құбылады. Жел күшейіп, жаңбыр жауады. «Қазгидромет» синоптиктері 8 қыркүйектегі ауа райына қатысты осындай болжам жасап отыр, деп хабарлайды Kursiv.Media.

Батыста ауа райы бұзылады

Батыс өңірлерде ауа райы нашарлайды. Атырау, Ақтөбе, Маңғыстау және Батыс Қазақстан облыстарында жаңбыр жауып, күн күркірейді.

Көшпелі бұлт арты бұршақ пен дауылға ұласуы мүмкін. Сонымен қатар бұл аймақтарда екпіні 15-28 м/с-қа жететін қатты жел соғады.

Батыс Қазақстанның солтүстігі мен шығысында, Атыраудың оңтүстігінде және Маңғыстаудың солтүстік-батысында нөсер жауын күтіледі. Атырау, Орал және Ақтөбе қалаларында...

Минскіде өткен XXIII «Искусство книги – 2026» халықаралық байқауында қазақстандық баспалардың кітаптары тоғыз жүлделі орын алды деп хабарлайды Kursiv.Media.

Жалпы Қазақстан баспалары байқаудың негізгі номинацияларына – 10, ал арнайы дипломдарға 3 басылым ұсынған. Қазылар алқасының шешімімен отандық авторлардың еңбектері екі бірінші, төрт екінші және үш үшінші орынды иеленді.

I орын:

II орын:

III орын:

7 қыркүйек күні биржадағы сауда-саттықта АҚШ доллары бірден 2 теңгеге арзандап, 454,31 теңгені құрады. Ұлттық банк 8 қыркүйектегі валюта бағамын бекіткенде осы көрсеткішке сүйенеді.

KASE-дегі саудада көкқағаз 452,59 бен 455,50 теңге аралығында саудалаған. Жалпы 387 млн долллардан аса валюта сатылған.

Ал ақша айырбастау пункттері долларды 454 теңгеден сатып алып, 456 теңгеден сатып жатыр.

Доллар тап осылай  2024 жылғы 17 маусымда  арзандаған. Сол күні KASE-дегі орташа сараланған бағам 453,06 теңгені құрады. Ал 18 маусымда доллар бірден 458,15 теңгеге дейін қымбаттаған.

Алматы полициясы психатриялық денсаулық орталығынан қашып кеткен екі адамды іздестіріп жатыр, деп хабарлайды Kursiv.Media.

Қалалық полиция департаменті хабарлағандай, екі адам бірге қашпаған. Олар емханадан әртүрлі күндері шығып кеткен. Қазіргі уақытта Бостандық аудандық полиция басқармасы екі факт бойынша іс қозғап, оларды емдеу мекемесіне қайтару үшін іздестіріп жатыр.

Жоғалғандар туралы ресми ақпаратты Lider.kz еріктілер ұйымы жариялады. Мәліметтерге сәйкес, Нелли Шахрай 16 сәуірде таңғы сағат 09:00 шамасында орталықтан кетіп қалған. Екінші пациент Денис Антипин дәл осы мекемеден 13 мамырда қашып кеткен

Іздеудегі азаматтарды жолықтырған жағдайда оларға жақындауға немесе жанжалдасуға болмайды.

Бұған дейін анасына пышақ ала жүгірген жігіт Вьетнамнан табылып, елге қайтарылғаны...

Қасым-Жомарт Тоқаев Бразилия президенті Луис Инасиу Лула да Силваны Тәуелсіздік күнімен құттықтап, жеделхат жолдады. Бұл туралы Ақорда хабарлады деп жазады Kursiv.Media.

«Президент Қазақстан Бразилиямен достық қарым-қатынасты одан әрі нығайтуға баса мән беретінін атап өтті. Сонымен қатар бірлескен күш-жігердің арқасында екі елдің ынтымақтастығы халықтарымыздың игілігі жолында қарқынды түрде дами түсетініне сенім білдірді», – делінген хабарламада.

Мемлекет басшысы Луис Инасиу Лула да Силваның жауапты мемлекеттік қызметіне табыс, ал Бразилия халқына бақ-береке тіледі.

Бразилия қашан тәуелсіздік алды

Бразилияның Португалия отарынан азаттық алу тарихы 1808 жылдан бастау алады. Сол жылы Наполеон әскерін...

Кезінде Назарбаевтың канцеляриясын басқарған Махмуд Қасымбеков тағы бір жаңа компанияны тіркеді, деп хабарлайды Kursiv.Media.

Көп жыл мемлекеттік аппаратта жауапты қызмет атқарған шенеуніктің бұл бизнес құрылымы да, оның өзге активтері сияқты, тау-кен өндірісі саласында жұмыс істейді.

Қасымбеков Астана халықаралық қаржы орталығының алаңында «New Mining Ltd» фирмасы ресми түрде тіркелді. Жаңа ұйым холдингтік қызметпен қатар, пайдалы қазбаларды іздеу, барлау және өндіру бағытын ұстанады.

Махмуд Қасымбеков кәсіпорынның басшысы әрі президенті болып бекітілген.

Бұдан бөлек, Қасымбеков «Shygys-Zhetisu Minerals» ұйымына иелік еткен еді. Бұл фирма ұлы Ардақпен қатар, «Шор» мыс-молибден кен орнын игеруге басым құқық алған «Шығыс Молибден» серіктестігінің құрылтайшысы саналады.

Ұлттық қауіпсіздік комитеті Астана қаласы Көші-қон полициясы басқармасының бұрынғы бастығы Ербол Махметовке қатысты сотқа дейінгі тергеу амалдары жүріп жатқанын ресми түрде растады. Бұл туралы Kursiv.Media BES.media сайтына сілтеме жасап хабарлайды.

Бұған дейін белгілі журналист Михаил Козачков ішкі істер органдарынан босатылған бұрынғы шенеуніктің ұсталғанын хабарлаған. Ол шетелдіктерге заңсыз құжат, оның ішінде тұруға ықтиярхат рәсімдеуге көмектескен қылмыстық топ құрамында болды деген күдікке ілінген.

Журналистің мәліметінше, осы іс аясында бұған дейін елордалық Көші-қон полициясы басқармасы бастығының орынбасары Әлия Мақаева да тұтқындалған.

Сондай-ақ іске басқа да күштік құрылым өкілдері қатысты болуы мүмкін.

Алайда ҰҚК Махметовтің тұтқындалғанын және...

2026 жылдың бірінші жарты жылдығында Қазақстанның Жалпы ішкі өнімі (ЖІӨ) былтырғы жылмен салыстырғанда 4,1%-ға өсті, деп хабарлайды Kursiv.Media.

Ұлттық статистика бюросының мәліметінше, қаңтар-маусым айларында өндірілген ЖІӨ көлемі 70,9 трлн теңгеге жетті.

Нақты өсім бойынша ең жоғары көрсеткішті құрылыс саласы көрсетті, 15,2%. Алайда құрылыс саласы инфрақұрылымдық жобалар мен мемлекеттік бюджет есебінен қарқын алып жатыр.

Ал экономикаға ең үлкен үлес қосқан – өңдеу өнеркәсібі. Сала 9,8%-ға өсті. Ел экономикасының жалпы құрылымында өнеркәсіптің үлесі басым – 28,6%. ЖІӨ-нің 4,1%-дық өсімінің 1,25 пайызын дәл осы өңдеу өнеркәсібі камтамасыз етті. Салыстырмалы түрде алсақ, жоғары серпін көрсеткен құрылыс саласының өсімге қосқан...

Қант диабеті анықталмай тұрып-ақ, адамның есте сақтау қабілеті нашарлай бастауы мүмкін. Невроздар мен альцгеймер ауруын емдеу орталығының жетекшісі Жібек Жолдасованың айтуынша, инсулинге төзімділік есте сақтау қабілетінің төмендеуіне әсер етеді.

«Инсулинге төзімділік – ағза жасушаларының инсулиннің әсеріне жауап бермейтін жағдайы. Қарапайым тілмен айтқанда, инсулин глюкоза молекуласының жасуша ішіне өтуіне көмектесіп, оны энергия көзіне айналдыруы керек. Ал инсулинге төзімділік кезінде глюкоза қанда жиналып қалады да, жасушаның ішіне өте алмайды. Сондықтан қант диабетінің дамуы оңайлайды», – деп жазды дәрігер әлеуметтік желідегі парақшасында.

Оның айтуынша, инсулинге төзімділік қалыптасқан кезеңнің өзінде ми жұмысы нашарлай бастайтыны дәлелденген. Әсіресе миды...

Алматыда жедел жәрдем шақырған екі ер адам медицина қызметкерлерін пышақпен қорқытқан. Оқиға туралы полицияға жедел жәрдем бригадасы хабарлаған, деп хабарлайды Kursiv.Media.   

Оқиға орнына патрульдік полиция қызметкерлері шұғыл жеткен. Пышақпен шабуыл жасаған екі ер адам да ұсталды. Алдын ала мәлімет бойынша, олар есірткіге мас күйде болған. Күдіктілер медицина қызметкерлері келгенге дейін синтетикалық есірткі қолданғанын мойындады.

Абырой болғанда, жедел жәрдем қызметкерлерінің ешқайсысы зардап шеккен жоқ. Ұсталғандар полиция бөлімшесіне жеткізілді. Қазір оқиғаның барлық мән-жайы анықталып жатыр.

Соның ішінде пышақтың қайдан келгені, оны не үшін сақтап, алып жүргені тексеріледі. Әр адамның әрекетіне құқықтық баға берілмек.

Тамызда Алматыда полицейлер көшеде...

Непалда апатты су тасқынынан кейін дүйсенбі күні елде аза күні жарияланды. Мемлекеттік мекемелерде тулар төмен түсірілді, қаза тапқандардың отбасылары дәстүрлі рәсімдер өткізуде, деп хабарлайды Euronews. 

Ресми мәліметтер бойынша, су тасқыны Непал мен Тибетте 1300-ден астам адамның өмірін қиды. Оның ішінде шетелдіктер бар, шамамен 5000 адам хабар-ошарсыз кетті деп саналады.

Непалда дәстүр бойынша аза 13 күнге созылады: жақын туыстар үйде қалады, ал өзгелері көңіл айтуға келеді. Соңғы күні арнайы рәсімдер жасалып, дұға оқылады. Кейбір отбасылар жоғалған туыстарының денесі табылмағанына қарамастан символикалық жерлеу рәсімдерін өткізді.

Бүгінде хабар-ошарсыз кеткендер қатарында жүрген жүздеген адамды іздеу жұмыстары жалғасуда.

Құтқарушылардың негізгі күші 12 гидроэлектр станциясына жұмылдырылған...

Биыл 6 айда Қазақстанның банк секторында қызық тенденция байқалды: халыққа берілетін жалпы несие көлемі азайғанымен, ипотека нарығы қарқынды өсті, деп хабарлайды, Kursiv.Media.

Қазақстан қаржыгерлер қауымдастығының дерегінше, банктердің жаңа несие беру көрсеткіші төмендегеніне қарамастан, ипотека рәсімдеу 12,4%-ға артып, 1,1 трлн теңгеге жетті.

Алайда көрсеткіш халықтың төлем қабілеті артып, баспанаға сұраныс артқанын білдірмейді. Нарықтағы бұл өсімнің негізгі қозғаушы күші – тек мемлекеттік жеңілдетілген бағдарламалар мен «Отбасы банк».

Бүгінде банктердің коммерциялық ипотекасы халық үшін қымбат болып отыр. Себебі банктердің пайыздық мөлшерлемесі жоғары, ал халықтың табысы баспана бағасының өсу қарқынына жетер емес.

Мысалы, жаңа салынған үйлердің бағасы 15,5%-ға...

Петропавлда түрмеде ширек ғасыр отырған «балталы маньяк» лақап атымен белгілі қылмыскер бостандыққа шыққан соң қайтадан ескі әдетіне басқан.

Halyqstan ақпаратына қарағанда, 90-жылдардың үрейіне айналған, жеті жасар қызды өлтіріп, зорлаған, 11 қарақшылық шабуыл жасап, әйелдерге қатыгездік көрсеткен 62 жастағы Валерий Кричиневскийге қатысты үкім шығарылды.

Ол 25 жылдық жазасын өтеп, 2024 жылдың қаңтар айында бостандыққа шыққан болатын.

Бастапқыда оны Әлеуметтік бейімдеу орталығына орналастырып, пробациялық бақылаудағы тұлға ретінде есепке алды. Алайда қылмыскер баяғы әдетіне қайта басқан.

Биыл шілде айында қала шетінде саяжайдан қайтып келе жатқан 54 жастағы әйел оның кезекті құрбаны бола жаздаған. Маньяк оны аңдып тұрып, «жоғалған сиырды көрмедің бе...

Қазақстанмен көршілес елдердің арасында баға ең қатты өсіп жатқан ел Қырғызстан болып отыр. Соңғы қолжетімді деректер бойынша Қазақстан инфляция деңгейі жағынан Қырғызстаннан кейінгі орында тұр. Ал Қытайда баға өсімі 1%-ға да жетпейді деп хабарлайды Kursiv.Media.

Қырғызстанда инфляция 11,7%-ға жетті

Қырғызстанда жылдық инфляция 11,7%-ды құрады. 2026 жылдың басынан бері елдегі тұтыну бағалары 7,3%-ға өскен. Қырғызстан Ұлттық банкі бағаның өсуіне сыртқы факторлар, импорт құнының қымбаттауы, жанар-жағармай мен азық-түлік бағасының өсуі әсер етіп отырғанын айтады. Бұл туралы реттеуші 25 тамыздағы мәлімдемесінде жазды.

Салыстырар болсақ Қазақстанда тамыз қорытындысында жылдық инфляция 9,8% болды. Шілдеде көрсеткіш 10,2% еді. Бір жылда азық-түлік бағасы 9,5%, азық-түлік...

Қазақстандық ғалымдар жоғары өнімділігі және ауруға төзімділігімен ерекшеленетін «Айтхожин» атты жаңа картоп сұрыпын шығарды. Жаңа өнімді Қазақ жеміс-көкөніс шаруашылығы ғылыми-зерттеу институты мен М.Ә. Айтхожин атындағы Молекулалық биология және биохимия институтының мамандары бірлесіп әзірлеген деп хабарлайды Kursiv Media.

Ғалымдар дәстүрлі селекция әдістерін биотехнологиялық және молекулалық-генетикалық тәсілдермен ұштастырып, Қазақстанның топырақ-климаттық жағдайына бейімделген сортты іріктеген.

«Айтхожин» – ерте пісетін, жоғары өнімді сорт. Ол гектарына 35 тоннаға дейін өнім береді. Түйнектері сары түсті, домалақ-сопақша пішінді, көзшелері ұсақ әрі аз. Құрамындағы крахмал мөлшері 14,1–18,3%, С дәрумені 21,1–24,3 мг% деңгейінде.

«Бұл сорт – бірнеше жыл бойы зерттеу жүргізіп, тиімді шешімдерді іздеген ғалымдар ұжымының бірлескен еңбегінің нәтижесі. Селекциялық және...

Қырғызстан тарапы VI Дүниежүзілік көшпенділер ойындарының қорытынды медаль есебінде Қазақстан бірінші орын алғанын мәлімдеді. Ел президентінің баспасөз хатшысы Аскат Алагөзов ұйымдастыру комитеті Қазақстан спортшыларының медальдарын қайта есептегеннен кейін осындай шешім қабылдағанын айтты.

Алагөзовтің сөзінше, ойындар жоғары деңгейде өтіп, спорттық бәсекелер достық жағдайда аяқталған. Оның айтуынша, әсіресе көк бөрі мен жер улақ жарыстарында Қырғызстан және Қазақстан құрамалары тартысты өнер көрсеткен.

«Командалық есептегі жалғыз техникалық сәйкессіздік медальдарды санау кезінде туындады. Бүгін ұйымдастыру комитеті Қазақстанның үш спортшысының әрқайсысының медальдарын бөлек санау туралы шешім қабылдады. Осылайша, Қазақстан жалпы командалық есепте бірінші орын алды. Қазақ бауырларымызды жеңісімен құттықтаймыз...

Apple компаниясының алғашқы бүктелмелі iPhone Ultra смартфоны бренд тарихындағы ең қымбат модель болуы мүмкін. Kursiv LifeStyle жаңа смартфонның Қазақстандағы болжамды бағасын есептеп көрді.

Әлеуметтік желіде Apple-дің жаңа құрылғысына қатысты ақпарат қызу талқыланып жатыр. Болжам бойынша, австралиялық Vodafone операторы iPhone Ultra-ға қатысты тауар карточкаларын сайтында мерзімінен бұрын жариялап қойған. Соның арқасында желіде смартфонның болжамды бағалары пайда болды.

Алдын ала мәлімет бойынша, смартфонның Австралиядағы бағасы мынадай болуы мүмкін:

Ливанның оңтүстігіндегі ауылға жасалған Израильдің әуе соққыларынан кем дегенде тоғыз адам қаза тапқан.

ВВС ақпаратына қарағанда, бұл туралы Ливан Денсаулық сақтау министрлігі мәлімдеген.

Министрлік деректері бойынша, түнде Кфар-Румман ауылындағы тұрғын үйді қиратқан бір соққыдан сегіз адам, соның ішінде бір бала мен екі әйел қаза тапқан. Автомобильге жасалған екінші соққыдан фельдшер қаза тапты.

Израиль әскерилері бұл хабарламаларды зерттеп жатқанын мәлімдеді.

Жексенбі күні Ливанның оңтүстігінде израильдік соққылардан жеті адам қаза тапты. Израиль әскерилері бұған шииттік мұсылманның «Хезболла» қарулы топтарының елдің басып алынған аумақтарындағы әскерилерге жасалған ұшқышсыз ұшу аппараттарының шабуылдарына жауап бергенін мәлімдеді.

Ливан президенті Джозеф Аун маусым айында АҚШ-тың қолдауымен қол...

Биыл қыста Щучинскідегі дәмханада болған жарылысқа қатысты істің нүктесі қойылды. Бурабай аудандық соты үш адамды кінәлі деп тапты. Сондай-ақ облыс әкіміне қатысты жеке қаулы шығарды деп хабарлайды Kursiv Media.

Судья «Центр плова» кафесінде болған жарылысқа қатысты іс бойынша өңір басшысы Марат Ахметжановтың атына жеке қаулы шығарды. Сот мәліметінше, мемлекеттік органдар қоғамдық тамақтану орындарындағы өрт қауіпсіздігін сақтау бойынша қажетті алдын алу жұмыстарын тиісті деңгейде жүргізбеген және өзара дұрыс үйлеспеген. Қаулы қайғылы жағдайға әкелген себептер мен жағдайларды жою бойынша шаралар қабылдау үшін облыс әкіміне жолданды.

Үш адам айыпты деп танылды

Іс бойынша жауапқа тартылғандар адамдардың абайсызда жаппай қаза болуына әкеп соққан қауіпсіздік талаптарын...

Forbes тізіміндегі миллионер Сәрсеновтердің әулетіне тиесілі Nur Bank былтыр топ менеджерлеріне 210 млн теңге төлеген. Бұл туралы Kursiv.Media қаржы есептілігі депозитарийіндегі хабарламаға сілтеме жасай отырып хабарлайды.

2025 жылы банктің басқарма құрамында үш адам болған. Олар: Гүлнар Мұсатаева, Алексей Магужа және Нұрбек Толымбеков. Толымбеков басқарма құрамына 2025 жылдың қыркүйек айында енген. Гүлнар Мұсабаева 2026 жылдың маусыз айында банктің басқарма төрағасы қызметінен кеткен.

Банктің топ-менеджерлеріне төлеген қаржысы 2024 жылы да 210 млн теңгені құраған. Ол кезде басқарма құрамында жоғарыда аты аталғандардан бөлек, Элиза Козыкеева да болған.

«Нұрбанк» акционерлік қоғамының 77,8 пайыз акциясын «JP Finance...

Оңтүстік Корея мен Қазақстан ет өңдейтін цех салуды жоспарлап отыр. Жобаны қазақстандық тараптан Samsar Investment жүзеге асырады. Құрылыс саласында тіркелген Samsar holding limited жеке компаниясы екі ай бұрын ғана ашылған. Жетекшісі ретінде Нұрлан Әбіш көрсетілген. Ол Ғылым қорында да қызмет еткен, деп хабарлайды Kursiv.Media.   

Екі тараптың жобаға салатын инвестициясы 1,3 млн АҚШ долларын құрайды. Алматыда өткен Қазақстан–Корея бизнес форумында келісім жасалған. Сонымен қатар Қазақстан Кореяға 13 млн доллар тұратын 1 мың тонна сиыр етін экспорттауды жоспарлап отыр. Samsar Investment кореялық нарыққа ай сайын 3 мың тонна тазартылған күнбағыс майын жеткізу жөнінде де келісімге келген.

Бизнес...