Жаңалықтар

Мемлекет басшысының жарлығымен Мұрат Ергешбаев Қызылорда облысының әкімі лауазымына тағайындалды. Бұл туралы Ақорда хабарлайды.

Жаңа әкімді өңір тұрғындарына премьер-министрі Олжас Бектенов таныстырды. Үкімет басшысы бұрынғы әкім Нұрлыбек Нәлібаевқа облысқа сіңірген еңбегі үшін алғыс айтты.

Мәліметтерге қарағанда, Қызылорда облысының әкімі қызметіне екі адам таласқан. Екінші үміткер – облыс әкімінің орынбасары Ардақ Зебешев. Өңір мәслихатындағы депутаттардың 81%-ы Ергешбаевқа, қалғаны Зебешевке дауыс берген.

60 жастағы саясаткер Мұрат Ергешбаев Қызылорда қаласында туған. Алматы халық шаруашылығы институтын бітірген.

Ол Сыр өңірін жақсы біледі. Мәселен, 2008-2010 жылдары Қызылорда қаласының әкімі болса, әр жылдары өңірдің Қармақшы, Шиелі, Қазалы және Сырдария аудандарын басқарған.

Қоғам қайреткер...

Дүниежүзілік денсаулық сақтау ұйымы сирек кездесетін «Андес» хантавирусының өршуіне қатысты түсініктеме берді. Ұйымның мәліметінше, хантавирус әлем үшін қауіп төндіріп тұрған жоқ.

Қазіргі уақытта сегіз адам ауру жұқтырғаны белгілі. Үш адам қайтыс болды. ДДҰ «Андес» штамының адамнан-адамға тығыз байланыс кезінде берілуі мүмкін екенін растады. Негізінен хантавирус – кеміргіштерден жұғып, ауа арқылы таралатын вирустар тобы.

Бұл вирустың инкубациялық кезеңі алты аптаға дейін созылуы мүмкін, сондықтан ДДҰ ауру жұқтырудың жаңа жағдайлары тіркелуі мүмкін екенін айтты.

«Бұл COVID-19 секілді пандемияның бастауы емес. Хантавирус бізге бұрыннан белгілі. Ол коронавирус сияқты таралмайды», – деп толықтырды ДДҰ-ның эпидемия мен пандемияның алдын алу...

Семей төрінде қазақ спорт журналистикасының аңызы, комментатор Амангелді Сейтханды еске алуға арналған шағын футболдан дәстүрлі турнир өтті. Осымен бесінші рет ұйымдастырылған дүбірлі додаға еліміздің түкпір-түкпірінен БАҚ өкілдері жиналды.

Доп тепкен әкім

Турнирдің басты ерекшелігі жеңімпаз атанған Абай облысының тілшілер құрамасы сапында өңір басшысы Берік Уәли өнер көрсетті. Облыс әкімі тек қолдау көрсетіп қана қоймай, алаңда шебер ойын өрнегін байқатып, команданың бас жүлдені иеленуіне тікелей үлес қосты.

Еске сала кетейік...

Eurasian Resources Group (ERG) халықаралық тау-кен компаниясының айналасында үлкен өзгерістер лебі сезіле бастады. Financial Times басылымының хабарлауынша, компанияның директорлар кеңесіндегі басшылар құрамын түбегейлі ауыстыру мәселесі дауысқа салынбақ. ERG бас директоры лауазымына Қазақстан Президенті Әкімшілігінің басшысы Роман Склярдың кандидатурасы ұсынылып отыр.

Директорлар кеңесінің құрамы өзгереді

Financial Times басылымының мәліметінше, ERG-дің директорлар кеңесі жақын арада кезектен тыс жиын өткізіп, компанияның қазіргі басшысы Шухрат Ибрагимовты қызметінен босату және оның орнына Роман Склярды тағайындау мәселесін қарастырады.

Бастаманы Роман Склярдың өзі және Қазақстанның Қаржы министрі Мәди Такиев көтеріп отыр. Егер шешім мақұлданса, бас директормен қатар...

Семей тұрғыны гаражын есірткі қоймасына айналдырып, 154 келі марихуана сақтаған.

Polisia.kz хабарлауынша, мамыр айының басында Семей қаласында елдің оңтүстік өңірлерінен жеткізілген каннабис тобына жататын есірткі арнасы жойылды.

«Жүргізілген тінту шаралары барысында 35 жастағы жергілікті тұрғынның гаражынан жалпы салмағы 154 килограмм болатын аса ірі көлемдегі марихуана анықталып тәркіленді. Есірткі одан әрі Абай облысы аумағында тарату мақсатында целлофан қаптамаларына оралған», – делінген ақпаратта.

 ІІМ есірткі қылмысына қарсы іс-қимыл комитетінің басқарма бастығы Бақытжан Әмірхановтың айтуынша, қазіргі уақытта Қылмыстық кодекстің 297-бабының 3-бөлігі бойынша есірткінің заңсыз айналымына қатысы бар барлық күдіктілерді анықтау және ұстау бойынша сотқа дейінгі тергеп-тексеру шаралары жүргізілуде.

Каспий құбыр консорциумы (КТК) құрлықтан теңіздегі танкерлерге мұнай айдайтын екі құрылғыны ауыстыруға дайындалып жатыр. Бұл туралы консорциумның өзі хабарлады.

Дрондар қиратқан құрылғы

Консорциумның бас директоры Николай Горбань Теңіз терминалына барып, оның жұмысын тексерген.

«Қазір Новороссийскіде 2001 жылдан бері пайдаланып келе жатқан мұнай айдайтын екі құрылғыны ауыстыруға дайындық жүріп жатыр», – деп таратты КТК баспасөз қызметі.

Горбань дрондар шабуылынан зардап шеккен екінші құрылғыны демонтаждау жұмысын тексерген. Бұған қоса, ол жаңа құрылғыларды орнатуға қажетті іс-шараларды пысықтаған.

Бас директор Теңіз терминалын қорғау құрылғыларының жағдайына ерекше көңіл бөлгені айтылды. Төтенше жағдай бола қалған уақытта қызметкерлердің не...

Әйгілі колумбиялық әнші Шакира футболдан 2026 жылы өтетін Әлем чемпионатына арналған үшінші ресми әнін таныстырды. Бұл туынды алдағы маусымда Канада, АҚШ және Мексика стадиондарында шырқалмақ.

Жаңа хит: Dai Dai

Шакираның кезекті туындысы Dai Dai деп аталады. Бұл жолы әнші нигериялық танымал орындаушы Burna Boy-мен бірлесіп жұмыс істеген. Латын америкалық ырғақтар мен африкалық афробит стилі тоғысқан туынды қазірдің өзінде жанкүйерлер арасында үлкен қызығушылық тудырып жатыр.

Шакира футбол әлемінің бойтұмары

Айта кетсек, Шакираның 2010 жылы Оңтүстік Африка елінде өткен әлем чемпионатына арнап шығарған Waka Waka әні осы күнге дейін футбол тарихындағы ең үздік гимн саналады. Сондай-ақ 2014 жылы Бразилияда La...

Израильде хантавирус жұқтырған алғашы адам анықталды. Дәрігердің айтуынша, науқас вирусты бірнеше ай бұрын Шығыс Еуропада жүргенде жұқтырып алуы мүмкін. Жергілікті билік әзірге науқас қай қалада тұратынын және инфекция қай медициналық орталықта анықталғанын жарияламады.

Пациент ауру белгілері пайда болғаннан кейін, медициналық көмекке жүгінген. Алдымен дәрігерлер антиденеге тест жүргізген, нәтижесінде хантавирус анықталған.

Jerusalem Post мәліметінше, науқас жағдайы тұрақты және ол дәрігерлер бақылауында. Оны қоғамнан оқшаулау қажеті жоқ екені айтылды.

Айта кетейік, хантавирус кеміргіштерден жұғатын, ауа арқылы таралатын вирустар тобы. Ол өкпе немесе бүйректің зақымдануы әкеп соғады. Ауру адам бойында тез дамып, тыныс алу жолдары нашарлайды.

Диагностика қою процесі ауру белгілерінің тұмауға...

Әлемге танымал «Реал Мадрид» футбол клубының ойыншылары Федерико Вальверде мен Орельен Тчуамени жаттығу барысында төбелес шығарды.

Уругвайлық футболшы жанжал болғанын растап, оған маусым соңындағы шаршау мен сәтсіздіктер себеп болғанын айтты.

«Мұндай жағдайлар киіну бөлмесінде болып тұрады және әдетте іштей шешіледі. Бірақ биылғы титулсыз маусымда «Реалға» деген назар ерекше, сондықтан бұл оқиға тым асыра сілтеп көрсетілді. Біз сөзге келіп қалдық, сол сәтте мен абайсызда үстелге соғылып, маңдайымды кесіп алдым. Мені ешкім ұрған жоқ, мен де ешкімді ұрған жоқпын», – деді Вальверде.

Денсаулық жағдайы және жаза

Клуб бұл оқиғаға байланысты тәртіптік іс қозғады. Ресми мәлімет бойынша...

Алматыда Жетісу ауданындағы дәмханалардың бірінен өрт шығып, тұрғындарға қауіп төнді деп хабарлады ТЖМ.

Өрт шыққаны туралы хабарлама жетінші мамырдан сегізінші мамырға қараған түні 112 пультіне түскен. Құтқарушылар барғанда дәмхана толығымен отқа оранғанын көреді.

Бірден су тасымалдаушы автоцистерналарды шамамен 100 метр қашықтықта орналасқан өрт гидранттарына дереу қосып, өрт сөндіруге кіріседі. Артынша көрші үйдің екі тұрғыны қауіпсіз жерге көшірілген.

Өрт сөндіру кезінде дәмханадан 5 газ баллоны шығарылып, жарылыстың алдын алған. Қазір өрттің шығу себебі анықталып жатыр.

Жетінші мамырда Астанадағы көп қабатты тұрғын үйдің балконынан өрт шыққан. Жалын жетінші, сегізінші қабаттарға да таралып үлгерді, бірақ ешкім зардап шекпеді.

Алматы қаласының бұрынғы әкімі және «Nur Otan» партиясы төрағасының бұрынғы бірінші орынбасары Бауыржан Байбек Qazaq Kaolin компаниясының директорлар кеңесінің төрағасы болып тағайындалды. Бұл туралы ақпарат кәсіпорынның ресми сайтында жарияланды.

Бауыржан Байбек 2022 жылдың ақпанында «Nur Otan» партиясындағы қызметінен босатылып, саяси сахнадан көрінбей кетті. Артынша оның Біріккен Араб Әмірліктерінде Жапонияда жүрген суреттері тарады.

Qazaq Kaolin-дегі қызметі

Бауыржан Байбек 2022 жылдың наурыз айынан бастап Qazaq Kaolin компаниясында кеңесші болып жұмыс істеген. 2026 жылдың сәуір айының соңында компания Ақмола облысында тау-кен байыту комбинатын іске қосты. Осы оқиғадан кейін көп ұзамай, Байбектің директорлар кеңесінің төрағасы лауазымына тағайындалғаны туралы ақпарат...

7 мамырда Астанада «Әділет» жаңа саяси партиясының құрылтай съезі ашылды. Залға елдің барлық өңірлерінен – облыс орталықтарынан, шағын қалалар мен аудандардан мыңнан астам делегат жиналды.

Бүгінгі таңда партия мүшелерінің саны 9312 адамға жетті, бұл заңмен белгіленген 5000 адамдық ең төменгі шектен екі есеге жуық көп. Өтінім бергеннен бастап съезге дейінгі жол бір айдан аз уақытты қамтыды. Бастамашы топ партия құрылатынын 15 сәуірде жарияласа, келесі күні Әділет министрлігі хабарламаның қабылданғанын растады. Үш аптаның ішінде мыңдаған жақтас жиналып, жарғы мен бағдарлама дайын болды.

Съездің «Тәуелсіздік ұрпақтарының партиясы» деген атауы алғашқы минуттардан-ақ бағыт-бағдарды айқындап берді. Ұйымдастырушылар жобаның «жоғарыдан» емес, нақты қоғамдық сұранысты рәсімдеу...

Синоптиктер Қазақстанның барлық өңірінде қауіпті ауа райы құбылыстары болатынын ескертті.

2026 жылғы 8 мамырға дауылды ескерту жариялады.

Астанада жаңбыр, найзағай, бұршақ күтіледі. Кей жерлерде тұман түсіп, жел 15-18 м/с дейін күшейеді.

Ұлытау, Қарағанды, Ақтөбе, Қостанай, Ақмола, Павлодар, Солтүстік және Батыс Қазақстан облыстарында жаңбыр, найзағай, бұршақ, кей жерлерде қатты жаңбыр мен дауыл болады. Желдің екпіні 15-20 м/с дейін жетеді.

Қызылорда, Түркістан және Жамбыл облыстарында шаңды дауыл соғып, жоғары өрт қаупі сақталады. Кей өңірлерде найзағайлы жаңбыр күтіледі.

Алматы және Жетісу облыстарында аптап ыстық 35-36 градусқа дейін жетеді. Таулы аймақтарда жаңбыр мен найзағай болады. Өрт қаупі өте жоғары.

Атырау мен Маңғыстау облыстарында жаңбыр...

Ақтөбеде полиция мен банк қызметкері алаяқтарға жем болғалы тұрған тұрғынды құтқарып қалды.

Polisia.kz. ақпаратына қарағанда, Ақтөбе қаласының тұрғынына ең алдымен өзін жеткізу қызметінің курьері ретінде таныстырған белгісіз адам қоңырау шалған. Ол атына сәлемдеме келгенін айтып, оны рәсімдеу үшін телефонға келген SMS-кодты хабарлауды сұраған. Тұрғын бұл сөзге сеніп, кодты айтып қойған.

Кейіннен оған тағы қоңырау түскен. Бұл жолы қоңырау шалушылар өздерін «eGov” қызметінің қызметкерлері ретінде таныстырған. Олар оның атына несие рәсімделіп жатқанын және банк шоттарында күмәнді операциялар анықталғанын айтып, жалған ақпарат берген. Осыдан соң әңгімеге өзін құқық қорғау органының қызметкері ретінде таныстырған тағы бір адам қосылған.

Алаяқтар бірнеше күн...

Астанада өткен құрылтай съезінде «Әділет» партиясының ресми жұмысы басталып, ұйым Мемлекет басшысының реформаларын қолдайтынын мәлімдеді.

Астанада «Әділет» саяси партиясының құрылтай съезі өтті. Жиынға еліміздің барлық өңірінен мыңға жуық делегат пен партия жақтастары жиналды. Құрылтай барысында жаңа саяси бірлестікті құру, оның ресми атауын бекіту, жарғысы мен бағдарламасын қабылдау, сондай-ақ басшылық және бақылау органдарын сайлау мәселелері қаралды.

Жаңа партия құру туралы шешім қабылданды

Съез барысында делегаттар «Әділет» партиясын құру туралы шешімді қолдады. Тиісті шешімге съезге қатысқан 931 делегат дауыс берді. Сонымен қатар партияның қазақ, орыс және ағылшын тілдеріндегі ресми атауы бекітілді. Барлық рәсімдер «Саяси партиялар туралы» Қазақстан Республикасының заңы талаптарына сәйкес...

Қытайда бұрынғы екі қорғаныс министрі Вэй Фэнхэ мен Ли Шанфу өлім жазасына кесілді.

Синьхуа агенттігінің хабарлауынша, әскери сот оларды жемқорлыққа, яғни пара алу және пара беруге кінәлі деп таныған.

Екеуі де бұған дейін Қытай Халық Республикасының Орталық әскери кеңесінің мүшесі болған. Мемлекеттік кеңесші мәртебесіне ие болып, елдің қорғаныс министрлігін басқарған.

Сот оларға бірдей жаза тағайындады. Олар үкімді орындауды екі жылға кейінге қалдыра отырып өлім жазасына кесілген. Өмір бойына саяси құқықтарынан айырылып, барлық мүлкі тәркіленеді.

Қытай заңнамасына сәйкес, мұндай үкім әрдайым бірден орындала бермейді. Егер сотталған адам екі жыл ішінде түрмеде жаңа қылмыс жасамаса, өлім жазасы шартты түрде мерзімінен бұрын...

Қазақстан ардагерлерді ардақтауда алда келеді. Ұлы жеңіске үлес қосқан азаматтарға биыл біржолғы төлемдер үшін 3,3 млрд теңгеден астам қаражат бөлінген.  

Finance.kz ақпаратынша, бұл қаржы шамамен 32,9 мың адамға бөлінеді. Олардың ішінде тыл еңбеккерлері, қаза тапқандардың жесірлері, жарақат пен зақым кесірінен алған азаматтар да бар.

«Бүгінде Қазақстанда тұратын 57 Ұлы Отан соғысы ардагеріне ерекше көңіл бөлінді. Олардың әрқайсысына тұрғылықты өңіріне қарамастан 5 млн теңгеден төленді», – делінген ақпаратта.

Ардагерлерді материалдық қолдау деңгейі бойынша Қазақстан жетекші елдердің біріне айналып отыр. Республикада белгіленген төлемдер өзге мемлекеттердің көрсеткіштерінен айтарлықтай жоғары.

2026 жылы Қазақстанда майдангерлерге берілетін біржолғы көмек...

Жамбыл облысында Меркі ауданында бір отар қойымен бірге жоғалып кеткен қойшы табылды.

ТЖМ ақпаратына қарағанда, жоғалған азамат үйінен 35 шақырым қашықтықтағы шаруа қожалықтарының бірінің аумағынан табылған.

«Бүгін Жамбыл облысының Меркі ауданында жоғалған 1982 жылы туған малшыны іздестіру жұмыстары сәтті аяқталды. Ер адам 2 мамыр күні Тәтті ауылынан 40 шақырым қашықтықтағы құмды аймақта орналасқан қыстақтан мал жаюға шығып, хабар-ошарсыз кеткен», – делінген ақпаратта.

Құтқарушылар жоғалған малды да тапты. Ер адамға медициналық көмек керек болмаған.

Іздестіру-құтқару жұмыстарына ТЖМ құтқарушылары, полиция қызметкерлері, жергілікті атқарушы органдар, орман шаруашылығы қызметкерлері, кинологиялық есептоптар, ұшқышсыз ұшу аппараттары және «Қазавиақұтқару» АҚ авиациясы

Әлемнің түрлі елдері қауіпті хантавирус тараған MV Hondius круиз лайнерінің жолаушыларын іздестіріп жатыр.

Инфекция анықталғанға дейін кейбір адамдар кемеден түсіп кеткен. Қазір олардың нақты қайда жүргені белгісіз, деп хабарлайды Reuters.

Дүниежүзілік денсаулық сақтау ұйымының мәліметінше, кеме бортында үш адам көз жұмған. Олар – Нидерландтан келген ерлі-зайыпты және Германия азаматы. Тағы сегіз жолаушы вирус жұқтырған деп отыр.

Бортында шамамен 150 адам бар лайнер қазір Кабо-Верде жағалауында дрейф жасап жүр. Кеме Испанияның Тенерифе аралына бет алған, ол жерге сенбі күні жетуге тиіс.

Жолаушыларды бүкіл әлемнен іздеп жатыр

Нидерланд билігі шамамен 40 адамның аралық аялдама кезінде Әулие Елена аралында кемеден...

2026 жылғы 7 мамырда Астанада өткен «Әділет» партиясының құрылтай съезінде партия төрағасы болып Айбек Дәдебай сайланды.

Ол – Қазақстан президенті Қасым-Жомарт Тоқаев әкімшілігінің бұрынғы басшысы.

Тоқаев Айбек Дәдебайға шынайы алғысын білдіріп, оның Президент әкімшілігінің басшысы қызметіндегі жұмысын жоғары бағалады.

Айбек Дәдебайдың өмірбаяны

Айбек Дәдебай 1980 жылғы 1 сәуірде Алматы қаласында дүниеге келген. Абылай хан атындағы Қазақ халықаралық қатынастар және әлем тілдері университетін тәмамдаған. Аймақтану мамандығы бойынша магистр дәрежесіне ие.

Еңбек жолын халықаралық туризм менеджменті кафедрасының оқытушысы болып бастаған.

Кейін Сенат аппаратының парламентаралық байланыстар және халықаралық ынтымақтастық бөлімінде сарапшы, одан соң Сенат төрағасының міндетін атқарушы көмекшісі қызметтерін атқарған.

Сондай-ақ Қазақстан...

Астана қаласында Ш. Уәлиханов көшесіндегі он қабатты тұрғын үйдің алтыншы қабатындағы балконда өрт шықты.

ТЖМ ақпаратына қарағанда, жалын жетінші қабаттың балконына және ішінара сегізінші қабаттың балконына таралған.

Қара қою түтін тұрғын үй маңын басып қалды. Жедел жеткен өрт сөндірушілер тілсіз жауды қысқа уақыт ішінде ауыздықтап үлгерді.

«ТЖМ құтқарушылары балкондағы өртті сөндірді. ТЖМ бөлімшелерінің күшімен өрттің пәтер ішіне таралуына жол берілмеді. Өрт жедел түрде оқшауланып, толықтай сөндірілді», – делінген хабарламада.

Өрт кезінде зардап шеккендер болмаған. Қазіргі кезде өрттің шығу себебі анықталып жатыр.

Кеше Алматы қаласының Алатау ауданында Бөкеев көшесінде жеке тұрғын үйден өрт шығып, бір адам зардап...

Оңтүстік Кореяда апелляциялық сот бұрынғы премьер-министр Хан Док Судқа тағайындалған түрме жазасын 23 жылдан 15 жылға дейін қысқартты.

Бұл туралы Yonhap news агенттігі хабарлады.

Ол бұрынғы президент Юн Сок Ёльдің қысқа мерзімді әскери жағдай енгізуіне қатысқаны үшін айыпталды.

Сеулдің Жоғарғы соты Ханды 2024 жылғы желтоқсанда Юнның әскери жағдай енгізуіне көмектесіп, қолдау көрсету арқылы көтерілісте маңызды рөл атқарды деп танып, үкім шығарды.

Апелляциялық сот төменгі соттың үкіміне сәйкес Ханды барлық айып бойынша кінәлі деп таныды.

Ханның адвокаттары сот шешіміне Жоғарғы сотқа шағым түсіретіндерін бірден мәлімдеді.

Бұрынғы премьер-министр қаңтар айынан бері қамауда отыр. Сол кезде төменгі сот оны ...

Астанадағы полиция департаментінде Отан қорғаушылар күні мен Жеңістің 81 жылдығына арналған салтанатты іс-шара өтті.

Polisia.kz хабарлауынша, іс-шара ішкі істер органдарының ардагерлері мен қызметте ерекше көзге түскен қызметкерлерді марапаттау рәсімімен басталды.

Жергілікті атқарушы органның қолдауымен мереке құрметіне полиция қызметкерлері арасындағы көпбалалы отбасыларға пәтер кілттері табысталды.

Ішкі істер министрінің құқығымен «Ішкі істер органдарының құрметті қызметкері», «Ішкі істер органдарының үздігі» төсбелгілері, сондай-ақ «Құқық тәртібін қамтамасыз етуге қосқан үлесі үшін» ведомстволық медальдары табысталды. Сонымен қатар бірқатар қызметкерге мерзімінен бұрын арнайы атақтар беріліп, грамоталар, алғыс хаттар мен бағалы сыйлық – қол сағаттары тапсырылды.

Айта кететін жайт. Қазақстанда жеңілдікпен берілетін баспана кезегіне...

Президент Қасым-Жомарт Тоқаев барша қазақстандықтарды  Отан қорғаушы күнімен құттықтады.

Оның сөзінше, мемлекеттік әрі қоғамдық маңызы айрықша мерекеде жауынгерлеріміздің ерен ерлігі, мықты рухы мен қайтпас қайсарлығы кеңінен дәріптеледі.

«Бұл – Қазақстанның қауіпсіздігін, тұрақтылығы мен тыныштығын күндіз-түні қас қақпай күзеткен, сондай-ақ қазір Отан алдындағы борышын адал өтеп жатқан барша азаматқа құрмет көрсетілетін күн. Ел жауынгерлері мен командирлері батыр бабаларымыздың даңқты жолын жалғастырып, нағыз отаншылдық рухының жарқын үлгісін көрсетіп келеді», – деді Тоқаев.

Президенттің айтуынша, сардарлар мен сарбаздардың, барлық күштік құрылым қызметкерлерінің бітімгерлік миссиялар, арнаулы оқу-жаттығу жиындары мен түрлі халықаралық сайыстар кезіндегі кәсіби шеберлігі, темірдей тәртібі мен жауынгерлік...