Жаңалықтар

2026 жылдың 1 сәуірінен бастап Алматыда жылу энергиясының тарифі көтеріледі. Алматы жылу желілері жаңа тарифтерді енгізеді. Орташа есеппен жылумен қамтамасыз ету, тарату және жеткізу құны 6%-ға өседі деп күтілуде.

Жаңа жылу тарифі

Қосылған құн салығын (ҚҚС) есепке алынған орташа тариф – 5237,37 теңге/Гкал. Халық үшін өсім айтарлықтай байқалады – шамамен 9,8%.

Жеке тұлғалар үшін жаңа тарифтер:

Ыстық су тарифі қаншаға қымбаттайды

Ыстық сумен қамтамасыз ету тарифі де өседі. 1 сәуірден бастап баға шамамен 9% қымбаттайды.

Мамандарды...

Украинаның Қазақстандағы елшісі Виктор Майко Ресей мен Украина арасындағы соғыстың биыл аяқталатынын мәлім етті.

Ол бұл туралы The Times of Central Asia-ға берген сұхбатында айтты.

«Менің ойымша, бұл шектеулер тез арада шегіне жетіп келеді. Сондықтан мен әлі де соғыс биыл аяқталады деп сенемін. Мен бұған шын жүректен сенемін», – деді елші.

Оның айтуынша, Украина Қазақстанның экономикасына немесе инфрақұрылымына ешқашан соққы жасаған емес.

«Қазақстанның біздің егемендігіміз бен аумақтық тұтастығымызды өзгермейтін түрде қолдап келе жатқанын жоғары бағалаймыз және Қара теңіз арқылы энергия тасымалдаушылардың сенімді жеткізілуін қамтамасыз етуге ұмтыламыз», – деді ол.

Әлеуметтік осал топтағы азаматтарға үйге газ құбырын тартуға қандай да бір жеңілдік қарастырылған ба? Осы сауалды мәжіліс депутаты Кенжеғұл Сейтжан сәрсенбі күні парламентте газға қатысты заң жобасын таныстырған әріптесі Еділ Жаңбыршинге жолдады.

«Әлеуметтік осал топтағы азаматтарға газ магистралынан үйіне дейін жеткізіп беру мәселесі заң жобасында қарастырылған ба? Қарастырылмаса, біз өзгерту енгізсек, ұсынысты министрлік қолдай ма?» – деп сұрады депутат.

Құжат авторы Еділ Жаңбыршин мұндай мәселе жобада қарастырылмағанын айтып, сауалды «QazaqGaz» ұлттық компаниясына жолдады.

«Газ жүйелерін үйге дейін жеткізу «QazaqGaz» бен жергілікті атқарушы органдардың құзыретінде. Оған қаражат бөлінеді. Ол жұмысты біз солармен...

Қазақстан Миланда өтетін қысқы Олимпиада ойындарына дайындық аясында спортшыларды төрт жыл бойы даярлауға 13,3 млрд теңге бөлді. Бұл қаражат биатлон, хоккей, шаңғы жарысы, мәнерлеп сырғанау және фристайлды қоса алғанда, жалпы 13 спорт түрін дамытуға бағытталды.

Туризм және спорт министрлігі қысқы олимпиадалық спорт түрлеріне бөлінген қаржы туралы мәлімет Kursiv.Media ресми сауалына берген жауапта айтылған.

Негізгі қаржылық жүктемені өңірлер көтерді. Мәселен, жалпы соманың 50%-ы (6,65 млрд теңге) жергілікті бюджеттерден бөлінген. Республикалық бюджет шығындардың 35%-ын қамтамасыз етсе, қалған 15%-ы бюджеттен тыс және демеушілік қаражат есебінен түскен.

Қаражат бірнеше негізгі бағыт бойынша бөлінді:

Астанада ауа райына байланысты оқушылар қашықтан оқуға жіберілді.

Білім басқармасының хабарлауынша, 11 ақпанда екінші ауысымның 0-7 сынып оқушылары қашықтан оқыту форматына ауыстырылады.

Бұған қалада желдің күшейіп, көктайғақ болып жатқаны себеп болған.

Айта кетейік, 11 ақпанда Ақмола, Солтүстік Қазақстан, Түркістан, Шығыс Қазақстан, Жамбыл, Ақтөбе, Алматы, Атырау, Ұлытау, Абай, Жетісу, Қарағанды, Павлодар және Қостанай облыстарының кей жерінде қар жауып, боран соғады.

2025 жылдың шілде-қыркүйек айларында TikTok Қазақстан аумағында шыққан 1,5 млн видеоны өшірді. Ал сәуір-маусым аралығында 1,4 млн видео бұғатталған. Олар платформа қағидасын бұзған деп хабарлайды компаниядан.

Миллиондаған контенттің 99,7%-ы проактивті түрде яғни қолданушылардан шағым түскенге дейін өшірілген. Басым көпшлігі жарияланғанына 24 сағат өтпей тұрып бұғатталған.

Жалпы өткен жылдың үшінші тоқсанында TikTok әлем бойынша платформа қағидаттарын бұзды деп 200 млн видеоны өшірді. 32 млн LIVE-трансляция бұғатталды.

«Алдымен авторларға ескерту жіберіледі, олардың контенті ережелерге қайшы келеді деп, оны түзетуге мүмкіндік береді. Егер одан әрі жалғаса берсе, TikTok автордың тікелей эфирлердегі монетизация мүмкіндіктерін шектейді», – деп түсіндіред...

Аталған ұсынысты арнайы заң жобасын әзірлеген Мәжіліс депутаттары енгізді.

Мәжілісте газбен жабдықтау және газды үнемді пайдалану мәселелері бойынша заң жобасы қаралып жатыр. Құжатты Еділ Жаңбыршин бастаған бір топ депутат әзірлеген. Олардың айтуынша, қазіргі заңнама газ тарифіне келгенде қолданыстағы баға белгілеу жүйесі газды нақты тұтыну көлемін ескермейді. Сонымен қатар өңірлердің климаттық ерекшеліктері назарға алынбайды.

«Мәселен, жылы өңірде орналасқан ауданы 200 шаршы метр тұрғын үй суық климатты өңірдегі осындай үйге қарағанда газды көбірек тұтынады. Алайда бұл айырмашылық баға белгілеуде көрініс таппайды. Бұл әлеуметтік әділеттілік қағидатын бұзып, газды үнемдеуге ынталандырмайды. Осыған байланысты заң жобасында тұтыну нормаларын бекіту және белгіленген...

Әлеуметтік желіде әнші Ерболат Құдайбергенді полиция қызметкері ұстап, наркологиялық орталық алдында тұрған видео тарады. Бейнежазба 100Baksoff парақшасында жарияланды.

Видеода Ерболат Құдайбергенге ұқсайтын ер адам полиция көлігінің алдында темекі шегіп тұр. Кадр сыртындағы дауыс: «Ерболат Құдайберген ғой, танисыңдар ма», – дейді.

Kursiv Media әншінің директорына хабарласты. Ол әртістің өзі сұхбат бермейтінін айтты. Ал видеода Ерболат па деген сұрақты растаған да жоқ, теріске де шығармады. Тек біраз уақыттан кейін ғана оны жалған деді.

«Бұл жалған ақпарат. Әркім өз шаруасын істесін. Ал біз шығармашылықпен айналысамыз. Жақында Ерболат ағаның әлеуметтік желідегі осы тақырыпқа қатысты жаңа синглінің релиз...

Мәжіліс депутаты Ринат Зайыт пен Аманжол Әлтай Конституция жобасындағы тіл туралы баптағы өзгеріске қатысты пікір білдірді. Депутаттар «тең» мен «қатар» сөздерінде үлкен айырмашылық бар деп есептейді.

Ринат Зайыт: «Тең тұрған жоқпыз, бірақ қатар тұрмыз»

Оның айтуынша, бұл өзгеріс – халық талабымен жасалған жалғыз шегініс.

«Өте жақсы қабылдадым. Себебі бұл осы реформаның ішіндегі халықтың қалауымен болған жалғыз шегініс. Бұл аз жетістік емес. Өзгерісті енгізудің өзі – халықтың талабымен санасу», – деді депутат.

Kursiv.Media тілшісі депутаттың «тең» және «қатар» ұғымдарын қолдануына қатысты сұрақ қойды. Бұл сөздердің синоним екенін, мұндай ажырату манипуляция емес пе екенін нақтылады.

Ринат...

Президент Қасым-Жомарт Тоқаев Иран Президенті Масуд Пезешкианға құттықтау жеделхатын жолдады.

Ақорданың ақпаратына қарағанда, Тоқаев оны Иранның төл мерекесі – Ислам Революциясы күнімен құттықтаған.

«Президент екі ел арасындағы қарым-қатынас қос халықтың игілігі жолында қарқынды дами беретініне сенім білдірді. Қасым-Жомарт Тоқаев Масуд Пезешкианның жауапты қызметіне толағай табыс, ал Иран халқына құт-береке тіледі», – делінген хабарламада.

Айта кететін жайт, Тоқаев мұның алдында Жапония премьер-министріне көңіл айтқан еді.

Мәжілісте газбен жабдықтау және газды үнемді пайдалану мәселелері бойынша заң жобасы қаралып жатыр.

Заң жобасын депутаттар әзірлеген. Оны қорғаған Еділ Жаңбыршиннің айтуынша, жылыту маусымында газдың бағасы бір тоннасына 150-ден 200 мың теңгеге, 250-ден 300 мың теңгеге дейін өседі. Газ бағасының себепсіз қымбаттап кетпеуі үшін көпқабатты үйлер мен әлеуметтік нысандарды жылытуға қолданылатын сұйытылған газдың бағасын бекіту құқығын Табиғи монополияларды реттеу комитетіне беру ұсынылып отыр.

«Тағы бір маңызды мәселе – автогаз құю станцияларының қауіпсіздігі ерекше алаңдаушылық туғызады. 3000 автогаз құю станциясының 90 пайызының сыйымдылықтары жер үстінде орналасқан, оның ішінде модульдік станцияларда бар. Дәл осындай станцияларда 2025 жылы Түркістан...

Ресей президенті Владимир Путин 2026 жылы Қазақстанға келуі мүмкін. Бұл туралы Ресейдің Қазақстандағы елшісі Алексей Бородавкин «Россия 24» телеарнасына берген сұхбатында айтты.

Оның сөзінше, 2025 жылдың қарашасында Қазақстан президенті Қасым-Жомарт Тоқаевтың Мәскеуге сапарынан кейін Ресей кері сапарға дайындалып жатыр. Алайда бұл сапардың нақты күні әзірге белгіленбеген.

Одан бөлек елші сұхбатында Қазақстанда Ресей салатын мектептер туралы айтқан. Сөзінше, ресейлік мектептер Қызылорда, Тараз және Түркістанда салынады. Одан бөлек Қазақстанның Омбы, Астрахань және Орынборда мектеп салу мәселесі талқыланып жатыр. Ресей салатын мектептерде Қазақстанның сұранысы бойынша физика және химия пәндеріне ерекше назар аударылады.

Айта кетейік, Қазақстанның Ресейде мектеп салатыны туралы 2024 жылы...

Мәжілісте газбен жабдықтау және газды үнемді пайдалану мәселелері бойынша заң жобасы қаралып жатыр. Құжатты депутаттар алдында мәжілісмен Еділ Жаңбыршин қорғады.

Депутаттың айтуынша, біріншіден, тауарлық газ – шектеулі әрі стратегиялық ресурс, оны тиімсіз пайдалану болашақта энергетикалық және экономикалық тәуекелдерге әкелуі мүмкін. Бүгінгі таңда елімізде газдың ресурстық базасы шамамен 3,8 трлн текше метрді құрайды, ал жылдық өндіру көлемі 60 млрд текше метрдің айналасында. Екіншіден, газ көмірге қарағанда экологиялық тұрғыдан анағұрлым таза энергия көзі ретінде климаттық күн тәртібіндегі міндеттерді орындауда маңызды рөл атқарады.

Заң жобасы үш ірі жүйелік блокты қамтиды. Біріншісі – газбен жабдықтау саласындағы құқықтық және ұйымдастырушылық тетіктерді жетілдіру. Екіншісі – тауарлы...

Жогорку Кенеш депутаты Умбеталы Кыдыралиев президент Садыр Жапаров пен Қамшыбек Тәшиевті ел игілігі үшін басараздықты тоқтатуға шақырды.

24 ақпаратынша, бұл туралы ол бүгін парламент отырысында мәлімдеме жасаған.

Оның айтуынша, соңғы күндері республикада сілкініс тудырған оқиғалар болып жатыр. Жағдай салмақты шешімдер қабылдауды талап етеді.

«2006 жылы «Ата жұрт» партиясы құрылған болатын. Оның басында Садыр Жапаров пен Қамшыбек Тәшиев тұрды. Мен оларды әуел бастан қолдағандардың бірі болдым. Екеуіне де ешқашан өтірік айтқан емеспін. Қалыптасқан жағдай туралы түні бойы ойландым. Олар да ұйықтамаған шығар деп ойлаймын. Менің жасым олардан үлкен. Сондықтан келіспеушіліктерді жоюға шақыру жауапкершілігін өз мойныма аламын...

Қаржы мониторинг агенттігі заңсыз онлайн-казино ұйымдастырған қылмыстық топқа іздеу жариялады.

Құзырлы органдардың дерегінше, күдіктілер 1Win интернет-платформасын ұйымдастырып, спорттық және киберспорттық оқиғаларға бәс тігуге мүмкіндік берген. Жалпы казино арқылы 11 мыңнан астам онлайн ойынға бәс тігілген.

Ал заңсыз қызметін жасыру үшін басқа адамдардың атына рәсімделген компаниялар құрып, оларды бір-бірімен байланыстырып, үлкен желі ретінде жұмыс істеген. Бұл жүйе онлайн-казиноның негізгі иесін анықтауды қиындатады.

Қазір күдіктілерге халықаралық іздеу жарияланып, сырттай қамауға алу түріндегі бұлтартпау шарасы санкцияланды.

Сот қаулысымен, олардың 420 млн теңгеден асатын мүлкі тәркіленді. Оның ішінде Mercedes Maybach S500, Lamborghini Huracan, Toyota Land Cruiser автокөліктері, банк шоттарындағы 151 млн теңге, 14 600 доллар және...

Атырау тұрғыны Жансая Әшім бірнеше аптадан бері анасының қайтыс болғаны туралы құжатты рәсімдей алмай жүр.

Қайғылы жағдай 2026 жылдың қаңтарында болған. Гипертония диангозы қойылған әйел үйдің алдында құлап қайтыс болған. Содан кейін туыстары жедел жәрдем мен полиция шақырған. Бұл туралы жергілікті «АқЖайық» басылымы жазды.

Оқиға болған күні жедел жәрдем қызметкерлері әйелдің өлгенін тіркеген, құжаттар рәсімделгенге дейін мәйітті үйде қалдырған.

«Бірден жедел жәрдем мен полицияға хабарластық. Қызметкерлер келіп, өлімді тіркеді. Мәйітті үйде қалдырды», – дейді Жансая.

Қалалық полиция бөлімі ақпаратты растап, туыстарына өлім тіркелгені туралы анықтама берген. Алайда отбасы әлі күнге дейін қайтыс болғаны...

Маңғыстау облысында 10 ақпанда тағы тоғыз аққудың өлексесі табылды. Бұған дейін 11 аққудың сүйегі жиналған. Осылайша өңірде қырылған аққу саны жиырмаға жетті. Бұл туралы Kursiv.Media жергілікті Lada басылымының мәліметіне сүйене отырып хабарлайды.

Сейсенбі күні Каспий теңізінің Сайын Шапағатов ауылы маңындағы жағалауынан тоғыз аққудың өлексесі табылды. Аудандық ветеринария мамандары өлген құстардан сынама алса, экология басқармасының қызметкерлері теңіз суын тексеріп жатыр.

Қырылған аққулардың өлекселері жиналып, арнайы белгіленген орында өртелді.

Бұған дейін Маңғыстау облысының орман шаруашылығы және жануарлар әлемі инспекциясы 8-9 ақпанда өңірде 11 аққудың өлексесін тапқан. Олар Ақтау қаласының теңіз жағалауында, сонымен бірге Ақжелкен ауылы маңында...

Қостанай тұрғыны полиция қызметкеріне пара бермек болғаны үшін мемлекеттік қызметте өмір бойы жұмыс істеу құқығынан айырылды.

НГ ақпаратына қарағанда, Қостанай қаласының №2 сотында лауазымды тұлғаға пара беруге оқталу фактісі бойынша (ҚР ҚК 24-бабы 3-бөлігі, 367-бабы 1-бөлігі) Д.-ға қатысты қылмыстық іс қаралды.

2026 жылғы қаңтар айында ер адамды бағдаршамның сары белгісіне өтіп кеткені үшін патрульдік полиция тоқтатқан. Құжаттарын тексергеннен кейін инспекторлар Д.-дан әкімшілік хаттама толтыру үшін қызметтік көлікке өтуді сұраған.

Полиция көлігінде отырған қостанайлық қызметкер Т.-ға өзін жауапкершілікке тартпау үшін бірнеше рет 10 000 теңге ұсынған. Алайда инспектор пара алудан бас тартып, Д.-ның заңсыз әрекеті туралы құқық қорғау органдарына хабарлаған.

Түркия президенті Реджеп Тайып Ердоған ұлы Біләл мұрагері ретінде дайындап жатыр. Бұл жайлы басқарушы партия ішіндегі дереккөздеріне сілтеме жасаған Bloomberg жазады.

Агенттіктің дерегінше, Ердоғанның ұлы соңғы кездері көпшілік алдына жиі шығып жүр. Мемлекеттік БАҚ оны сюжеттерде жиі көрсетеді, ал президент баласын шетелдік сапарларға да көбірек алып шығатын болған. Тіпті партия мен үкімет ішіндегі кадрлық шешімдерге араласып, саяси көшбасшы болуға дайындалып жатыр.

«Әділет және даму партиясының» ішінде де билікті тапсыру мәселесі жиі айтыла бастаған көрінеді. Қазір Біләл Ердоғанды саясатқа біртіндеп тарту нұсқасы қарастырылып жатыр. Болашақта оны партиядағы басшылық қызметтерге, тіпті партия жетекшілігіне ұсыну мүмкіндігі де талқыланған.

Түркияда келесі президент сайлауы...

Канаданың Британиялық Колумбия провинциясындағы мектептердің бірінде атыс болып, 10 адам қайтыс болды. Шабуылдаушының өзі де тірі қалмады деп жазады Global News.

Оқиға орнына полицейлер келгенде сегіз адамның мәйіті шыққан, тағы біреуі ауруханаға бара жатқан жолда қайтыс болды. Мектепке оқ атты деген күдіктінің денесі де сол маңайдан табылды. Ол өзіне қол жұмсады деген нұсқаны қарастырып жатыр. Қайтыс болғандардың ішінде қаншасы ересек, қаншасы бала екені де айтылмады.

Жалпы 27 адам зардап шеккен, екеуінің жағдайы ауыр.

Канадалық журналистердің дерегінше, оқ атқан адам әйел болуы мүмкін. Бірақ полиция әлі оны растамады. Шабуылдаушының не себеппен мұндай әрекетке барғаны да белгісіз.

Тамблер-Ридж деп аталатын...

Қызыл кітапқа енген қар барысы үш күшігімен фототұзаққа түсіп қалды. Олар Шығыс Қазақстан облысындағы Қатонқарағай ұлттық бағында өмір сүреді. Бұл туралы Kursiv.Media хабарлайды.

Оқиға 2025 жылғы 26 желтоқсанда болған, бірақ ұлттық бақ видеоны енді ғана жариялап отыр.

Жасырын камераға әуелі ілбістің анасы аса сақтықпен жақындайды. Бір сәттен соң оның артынан үш күшік еріп келе жатқанын көруге болады. Олар камера маңында аз уақыт кідіріп, жөнімен кеткен.

Ұлттық саябақ тау ішінде...

Freedom Holding Corp. Қазақстанда ел дамуына үлес қосатын толыққанды цифрлық инфрақұрылым құруды мақсат етеді. Бұл туралы Тимур Турлов 25-29 қаңтар аралығында Кипрдің Лимассол қаласында өткен FRHC Директорлар кеңесінің саммитінде мәлімдеді.

Жаһандық корпорация ауқымы

Freedom Holding Corp. (FRHC) экожүйесіне Freedom Broker, Freedom Bank Kazakhstan, Freedom Finance Europe, сондай-ақ топтың сақтандыру, технологиялық және lifestyle-компаниялары кіреді.

Freedom Holding Corp. компаниясының 2026 қаржы жылының тоғыз айындағы (31.12.2025 жылы аяқталған) түсімі $1,7 млрд-қа жуықтады. Осы кезеңдегі таза пайда шамамен $145 млн құраса, бір акцияға шаққандағы пайда (EPS) $2,43 болды. Бұл көрсеткіштер бизнестің тұрақтылығын және компанияның ауқымын кеңейту аясында табыстылықты сақтай алу қабілетін...

Ауа райының күрт нашарлауына байланысты елдің бірнеше өңірінде мектеп оқушылары қашықтан оқу форматына ауыстырылды.

Қалалық мониторинг орталығының хабарлауынша, 11 ақпанда елордада қатты жел мен көктайғаққа байланысты бірінші ауысымдағы 0–6 сынып оқушылары қашықтан форматта білім алады.

Бұған дейін Павлодар облысы мен Семей қаласында да бірінші ауысымдағы мектеп оқушылары мен студенттердің қашықтан оқитыны хабарланған еді.

Ал Ақтөбе облысында ауа райының қолайсыздығына байланысты барлық білім беру мекемелеріндегі бірінші және екінші ауысымда оқитын 1–11 сынып оқушылары түгелдей онлайн форматқа көшірілді.

Әнші Алмас Кішкенбаев әлеуметтік желідегі парақшасында сторис жариялап, жанайқайын жеткізді.

Өнер иесі кейбір телеарналардың «қара тізімінде» жүргенін меңзеп, соған қарамастан тыңдармандары барда өнер жолын жалғастыра беретінін айтты.

Стористе әнші:

«Менің атымды тарихтан өшіргісі келеді екен. Бірақ өмір жалғаса береді. Сіздер барда мен өшпеймін», – деп жазды.

Сондай-ақ өзін қарапайым халықтың алдында тек әнші ретінде көретінін, өнерін бағалайтын тыңдармандары бар екенін атап өтті. Әнші бұл мәселеге қатысты артық сөз айтпайтынын да жеткізген.

Еске сала кетейік, бұған дейін Алмас Кішкенбаев кәмелетке толмаған жасөспірімге тиіскені үшін 15 тәулік қамауда отырып шыққан.