Жаңалықтар

Apple компаниясы iOS 27 жүйесіне iPhone Handoff функциясын іске қоспақ. Жаңа функция арқылы бір телефон нөмірін екі iPhone-ға қатар қосып, екі құрылғыдан да пайдалануға болады. Осылайша, пайдаланушы бір смартфоннан екіншісіне ауысқанда SIM-картаны қайта салып әуре болмайды.

Жаңа функцияның жұмысын MacRumors форумының қатысушысы көрсетті. Ол Xcode 27 жүйесіндегі Device Hub арқылы екі виртуалды iPhone іске қосып, мобильді байланысты бір құрылғыдан екіншісіне ауыстыру мүмкіндігін көрсетті.

iPhone Handoff баптауы «Ұялы байланыс» бөлімінде пайда болуы мүмкін. Пайдаланушы екі смартфонның қайсысын негізгі, ал қайсысын қосымша құрылғы ретінде қолданатынын таңдай алады.

Бұл ретте негізгі eSIM бірінші құрылғыда сақталады, ал екінші iPhone-ға қосымша eSIM берілед...

Марат Сұлтанғазиев Алматы облысының әкімі қызметінен босатылды. Тиісті жарлыққа Қазақстан президенті Қасым-Жомарт Тоқаев қол қойды. Бұл туралы Kursiv Media Ақордаға сілтеме жасап хабарлады.

«Мемлекет басшысының жарлығымен Марат Елеусізұлы Сұлтанғазиев Алматы облысының әкімі қызметінен босатылды», – делінген жарлықта.

Айта кетейік, бүгін, 4 қыркүйекте облыстағы мәслихат депутаттары өңір әкімін тағайындау мәселесін қарауы керек.

Тараздың Ұлы дала шағын ауданында бес қабатты тұрғын үйдің пәтерлерінің бірінде жиһаз өртенді деп хабарлайды Kursiv Media.

Оқиға бүгін таңертең болған. Өрт сөндірушілер тұрғындардың қауіпсіздігі үшін үйден 79 адамды, оның ішінде 23 баланы эвакуациялады.

Өрт 2 шаршы метр аумақта сөндірілді. Зардап шеккендер жоқ.

Оқи отырыңыз: Алматы облысында ХҚКО қызметкері адам қағып оқиға орнынан қашып кетті

OpenAI компаниясы GPT-6 Astra атты жаңа жасанды интеллект моделін таныстырды деп хабарлайды Kursiv.Media. Компания президенті Грег Брокманның айтуынша, модель жалпы жасанды интеллект (AGI) деңгейіне жетті.

AGI деп адамның әртүрлі саладағы тапсырмаларды орындау, үйрену және өздігінен ой қорыту қабілеттеріне барынша жақын жасанды интеллектті айтады. Яғни мұндай жүйе әртүрлі жұмысты өздігінен орындап, үйреніп, шешім қабылдай алады.

«Біз мақсатқа жеттік деп ойлаймын», – деді Брокман журналистермен кездесуде.

Оның айтуынша, AGI-ге жету бір сәтте емес, бірнеше кезең арқылы жүзеге асады. Брокман болашақта дәл GPT-6 Astra жасанды интеллекттің жаңа дәуірін бастаған модель ретінде бағалануы мүмкін екенін атап өтті.

Компания GPT...

Батыс Қазақстан облысының Орал қаласына жақын Круглоозерное ауылында электр қосалқы станциясының аумағында 10 жастағы бала тоққа түсіп, көз жұмды, деп хабарлайды Кursiv.Media 

БҚО полиция департаментіне сүйенсек, қайғылы оқиға 1 қыркүйек күні кешке болған. 2015 жылы туған бала электр қосалқы станциясына көтеріліп, ток соққан. Ол жерге құлап, оқиға орнында қайтыс болған.

Осы факті бойынша қылмыстық іс қозғалып, сотқа дейінгі тергеу басталды. Құқық қорғау органдары оқиғаның барлық мән-жайын анықтап жатыр.

«Мой город» басылымының жазуынша, қосалқы станцияның аумағы қоршалмаған, ал нысанның есігі құлыпталмаған. Ауыл тұрғындары қосалқы станциядағы кернеу 10 мың вольт болғанын айтқан. Алайда бұл ақпарат ресми түрде расталған жоқ.

Куәгерлер оқиға...

Сәрсенбі күні кешке әлемнің әр түкпірінде ChatGPT, Claude, Grok, Google Gemini және басқа да жасанды интеллект сервистерінің жұмысында ақау болған, деп хабарлайды Kursiv.LifeStyle.

OpenAI мәліметінше, ақауға байланысты ондаған мың шағым түскен. Пайдаланушылар хабарлама жібере алмай, жауап ала алмаған. Чаттарды қолдануға тырысқанда қате туралы хабарлама шыққан.

Жаппай ақауларды Downdetector мониторинг сервисінің деректері де көрсетті. Шағымдардың ең көп бөлігі қызметтегі ақаулар туралы хабарламаларға қатысты болды. Олардың үлесі жалпы өтініштердің 46%-ын құрады. Тағы 38% пайдаланушы сервистің толық істен шыққанын хабарлаған. Ал 7% қолданушы сайтқа қатысты мәселеге тап болғанын, тағы 7%-ы жеке кабинетке кіруде қиындық болғанын айтқан.

Ақаулар туралы хабарламалар әлемнің бірнеше елінен түскен...

Қазақстанның оңтүстігіндегі тау бөктерінде жаңбыр жауса, шығыс пен солтүстікте үсік жүреді. «Қазгидромет» 4 қыркүйекке арналған ауа райы болжамын ұсынды, деп хабарлайды Кursiv.Media .

Астанада көшпелі бұлт, жауын-шашынсыз, жел 5-10 м/с. Ауа температурасы түнде +7…+9°C, күндіз +25…+27°C.

Алматыда көшпелі бұлт, жауын-шашынсыз, жел 3-8 м/с. Температура түнде +12…+14°C, күндіз +22…+24°C.

Шымкентте көшпелі бұлт, жауын-шашынсыз, жел 8-13, екпіні 15-20 м/с. Ауа температурасы түнде +15…+17°C, күндіз +28…+30°C.

Ақтауда көшпелі бұлт, жауын-шашынсыз, жел 9-14 м/с. Ауа температурасы түнде +18…+20°C, күндіз +30…+32°C.

Ақтөбеде ашық, жауын-шашынсыз, жел 3-8 м/с. Ауа температурасы түнде +12…+14°C, күндіз +28…+30°C.

Атырауда ашық, жауын-шашынсыз, жел 9-14 м/с. Ауа температурасы түнде +15…+17°C, күндіз +29…+31°C.

Жезқазғанда көшпелі бұлт, жауын-шашынсыз, жел 7-12 м/с. Ауа...

Атырау облысының Жангелдин ауылында бұрынғы әйелінің төрт туысын өлтіргені үшін сотталған Сұлтан Сәрсемалиевке қатысты өмір бойына бас бостандығынан айыру үкімі заңды күшіне енді, деп хабарлайды Кursiv.Media басылымы «Ақ Жайыққа» сілтеме жасап.

Сотталған Сұлтан Сәрсемалиев пен оның адвокаты апелляциялық шағым түсірмеген. Процестің басқа қатысушылары да үкімге шағымданбады.

Айта кетейік, процесс аяқталғаннан кейін түскен жалғыз шағым банк өкілдерінен болды, бірақ ол Сәрсемалиевке кесілген үкімге емес, соттың қаржы мекемесінің атына шығарған жеке қаулысына қатысты.

Жақын арада Сәрсемалиев өмір бойы жазасын өтеу үшін қылмыстық-атқару жүйесі мекемесіне жіберілуге тиіс.

Сот Сұлтан Сәрсемалиевке өмір бойына бас бостандығынан айыру үкімін 14 шілдеде шығарған еді.

Төрт...

Қазақстан Қытаймен мәңгілік жан-жақты стратегиялық серіктестікті одан әрі нығайтып, сауда, логистика, цифрлық технологиялар және басқа да салалардағы ынтымақтастықты кеңейтуді көздейді. Бұл туралы Қазақстан президенті Қасым-Жомарт Тоқаев «Синьхуа» агенттігіне берген жазбаша сұқбатында айтты.

Президенттің айтуынша, бүгінде Астана мен Бейжің арасындағы қарым-қатынас бұрын-соңды болмаған жоғары деңгейге жеткен. Бұған екі ел арасындағы ұзын ортақ шекара мен ғасырлар бойғы тату көршілік тарихы негіз болып отыр.

«Жолы бірдің – жүгі бір» деген қазақ мақалы бар. Екі елдің қарым-қатынасы халықтарымыздың түбегейлі мүддесіне сай келеді әрі бүкіл Еуразия кеңістігіндегі бейбітшілік пен тұрақтылыққа ықпал ететін маңызды фактор», – деді Тоқаев.

Президент Қытай...

Қарағанды тұрғыны суретін әлеуметтік желіде рұқсатсыз жариялаған ер адамнан моральдық шығын үшін 100 мың теңге өндіріп алды, деп хабарлайды Кursiv.Media.

Қазыбек би аудандық №2 сотының баспасөз қызметінің ақпаратына сүйенсек, Қарағанды тұрғыны 20 ақпанда Instagram желісінен өз суретін ер адамның парақшасынан кездейсоқ көрген. Жазбада оның тегі көрсетіліп, суреттің астына «500 000 теңге» деген жазу қойылған.

Әйел ер адамға сотқа дейінгі талап жолдап, жарияланымды өшіруді және 250 мың теңге көлемінде моральдық зиянды өтеуді талап еткен. Кейін сотқа жүгінген.

Жауапкер талапты мойындамаған. Оның айтуынша, сотқа дейінгі талапты алғаннан кейін, 30 наурызда суретті парақшасынан өшірген.

Сот суреттің әйелдің келісімінсіз парақшаға жарияланғанын және ұза...

3 қыркүйекте Алматыдан Ақтауға ұшатын FlyArystan әуе компаниясының FS7177 рейсінен жолаушы бомба туралы әзіл айтқаны үшін түсірілді, деп хабарлайды Кursiv.Media.

Оқиға ұшаққа отырғызу кезінде болған. Блогер Айгерім Сүлейменованың айтуынша, жасы үлкен жолаушы бортсерікке ауыр сөмкесін жоғарыдағы сөреге қоюға көмектесіп, кейін «Бұл сөмкеде қорғасын ба, әлде бомба ма?» деп әзілдеген.

Осыдан кейін көлік полициясы мен авиациялық қауіпсіздік қызметкерлері тексеру жүргізді. Тексеру барысында тыйым салынған заттар мен жарылғыш заттар табылған жоқ. Әуежай штаттық режимде жұмысын жалғастырды.

Полиция мәліметінше, жолаушы ұсақ бұзақылық жасағаны үшін жауапкершілікке тартылып, материал сотқа жолданды.

FlyArystan компаниясы кез келген қауіп төндіруі мүмкін мәлімдеме, оның ішінде әзілдің өзі де, авиациялы...

VI Дүниежүзілік көшпенділер ойындарында Қазақстан құрамасының қол күрес шеберлері 7 алтын, 4 күміс және 1 қола медаль иеленді, деп хабарлайды Kursiv.Sport.

Жарыста ел намысын алты спортшы қорғап, өз салмақ дәрежелерінде жүлдеге ие болды.

Ұлжан Оралбай 65 келіге дейінгі салмақта сол және оң қолмен күрестен екі күміс медаль алды.

Малена Сыдықжан 65 келіден жоғары салмақта екі алтын медаль жеңіп алды.

Бахит Ақжигитов 70 келіге дейінгі салмақта сол қолмен күрестен күміс, оң қолмен күрестен қола жүлдеге ие болды.

Данил Устинов 80 келіге дейінгі салмақта сол қолмен күрестен алтын, оң қолмен күрестен күміс медаль жеңіп алды.

Нұрдәулет Айдархан 90 келіге дейінгі салмақта сол және оң қолмен күрестен ек...

Қазақстан премьер-министрі Олжас Бектенов үш министрліктің ұжымына президенттің жарлықтарымен тағайындалған жаңа басшыларды таныстырды, деп хабарлайды Кursiv.Media.

Экология және табиғи ресурстар министрлігін Әлібек Қуантыров басқарды. Бектенов оның алдындағы Ерлан Нысанбаевқа атқарған жұмысы үшін алғыс айтып, ведомствоның жаңа басшысына міндеттерді белгіледі. Басымдықтардың қатарында — «Таза Қазақстан» бастамасын одан әрі жүзеге асыру, ормандарды қалпына келтіру, тұйық циклді экономиканы, қалдықтарды қайта өңдеуді және ұлттық парктердің инфрақұрылымын дамыту бар.

Бектенов Астана, Алматы және Шымкент қалаларында қалдықтарды энергетикалық кәдеге жарату зауыттарын салу жобаларын, кейін мұндай тәжірибені басқа өңірлерге таратуды бақылауда ұстауды тапсырды.

Төтенше жағдайлар бойынша жаңа министр Мұрат Мұханов болды. Бектенов ТЖМ бұрынғы басшысы...

Президент Қасым-Жомарт Тоқаев сыртқы істер министрі Мұхтар Тілеубердіні қабылдады. Кездесуде елдің сыртқы саяси ведомствосының алдында тұрған негізгі міндеттер мен алдағы жоспарлар талқыланды, деп хабарлайды Кursiv.Media.

Мемлекет басшысы министрлікке Қазақстанның ұлттық мүдделерін дәйекті түрде ілгерілетуді, теңгерімді сыртқы саясатты одан әрі нығайтуды және экономикалық дипломатияны белсенді дамытуды тапсырды.

Кездесу барысында бірқатар маңызды бағыттарға басымдық берілді:

Кездесу қорытындысы бойынша мемлекет басшысы сыртқы саяси бағытты сапалы жүзеге асыруға...

Атырауда бір отбасыны өлтіргеннен кейін өмір бойына бас бостандығынан айырылған Сұлтан Сәрсемалиевтің әйелі Ақбаян Мұқанғалиева психикалық денсаулық орталығынан шығарылды. Кейін ол кәмелетке толмағандарды бейімдеу орталығы мен балалар үйіне барып, балаларымен кездесті, деп хабарлайды Кursiv.Media басылымы ҚазАқпаратқа сілтеме жасап.

Атырау облысы кәмелетке толмағандарды бейімдеу орталығының директоры Құндыз Ғиниятованың айтуынша, Ақбаян Мұқанғалиева балаларымен алғаш рет өткен аптада кездескен. Екінші рет 1 қыркүйекте жүздесті.

«Ол балаларға олардың заңды өкілі ретінде келді. Ол ата-аналық құқығынан айырылмаған. Жалпы, балалармен кездесулер кестеге сәйкес әр жұма сайын сағат 17:00-ден 19:00-ге дейін ұйымдастырылады. Ол бұл ерекшелікті бастапқыда білмеген. 27 тамызда келді. Кейін балаларды...

Ақтөбе облысында жол-көлік оқиғасы салдарынан алты адам қаза тапты, деп хабарлайды Кursiv.Media.

Облыстық полиция департаментінің ақпаратына сүйенсек, жол апаты Ақтөбе – Астрахань тасжолының 94-шақырымында, Қандыағаш қаласына жақын маңда, Мұғалжар ауданында болған. Жолда екі Toyota Camry автокөлігі соқтығысқан.

Полицияның мәліметінше, жол апатынан алты адам көз жұмған. Осы факті бойынша қылмыстық іс қозғалып, оқиғаның барлық мән-жайын анықтауға бағытталған сотқа дейінгі тергеу басталды.

Полиция жүргізушілерді жол қозғалысы ережелерін қатаң сақтауға, көліктің қауіпсіз жылдамдығын таңдауға және жолда барынша мұқият болуға шақырды.

Оқи отырыңыз: Жетісу облысында екі көлік соқтығысып, алты адам қаза тапты

Музарт тобының әншісі Сәкен Майғазиев халықтан сүйінші сұрап, Кенжебек Жанәбіловтың Ақтауға ұшып келгенін хабарлады.

Кенжебек Жанәбілов бұған дейін жүрек ұстамасынан кейін ауруханаға түсіп қалған еді. Әнші емделгеннен кейін жағдайы жақсарып, дәрігерлер ұшақпен ұшуға рұқсат еткен.

«Сүйінші, қазақ елі. Дәрігерлер рұқсат беріп, Кенжебек бүгін Ақтауға ұшып келді. Бірге боламыз, құдай қаласа..», – деді әнші.

«Алла шипа берсін! Музарт үшеу боп жүріңіздер. Алдындағы бір концертте екеу боп қалып еді. Жаман екен! Ауырмаңыздар», – деп оқырмандары Кенжебекке саулық тіледі.

Мамандар бұған дейін әншіге ота жасалса, ол 3-4 ай бойы сахнаға шықпай, емделуі әрі демалуы тиіс екенін айтқан.

Америкалық GoBankingRates порталы автокөлік жөндеу маманы Грег Деймонның сатып алуға кеңес бермейтін жүрілген көліктерін атады. Сарапшының пікірінше, мұндай көліктерді сатып алудағы үнем кейін қымбат жөндеу шығынына айналуы мүмкін.

«Апта сайын көліктерді тексеріп, жөндейтін адам ретінде кейбір модельдердің иелеріне қомақты шығын әкелетінін талай көрдім», – деді Деймон.

BMW X5

Тізімде бірінші болып BMW X5 тұр. Маманның айтуынша, еуропалық премиум көліктердің басты мәселесі – кепілдік мерзімі аяқталғаннан кейін оларды жөндеудің күрделілігі мен қымбаттығы. X5 моделінде жиі кездесетін ақаулардың қатарында майдың ағуы, пневматикалық аспаның істен шығуы және электроникадағы ақаулар аталады.

Nissan Altima

Деймон 2013–2015 жылдары шығарылған...

Қазақстан Қырғыз Республикасына алғашқы мұнай партиясын 2026 жылдың 15 тамызында жөнелтті, деп хабарлайды Kursiv.Media «ҚазТрансОйл» компаниясының баспасөз қызметіне сілтеме жасап.

Компания мәліметінше, тамыз айында Қазақстан аумағы арқылы Қырғызстанға жеткізілген мұнайдың жалпы көлемі 35 мың тоннаны құрады.

«Қырғыз Республикасы бағытындағы мұнай тасымалы «ҚазТрансОйл» АҚ магистральдық мұнай құбырлары жүйесі арқылы «Шағыр» мұнай құю пунктіне дейін жүзеге асырылады. Аталған пунктте мұнай теміржол цистерналарына құйылады», – делінген хабарламада.

Қырғызстан бағыты бойынша мұнай транзитінің іске қосылуы Қазақстан аумағы арқылы мұнай жеткізудің жаңа бағытын ашып, «ҚазТрансОйл» АҚ көрсететін тасымалдау қызметтер аясын кеңейтеді.

Сонымен бірге «ҚазТрансОйл» компаниясы Қытай Халы...

Балқаш қаласына кіре берістегі көпір астында орналасқан теміржол учаскесінде жүк пойызы 34 жастағы ер адамды қағып кетті, деп хабарлайды Кursiv.Media.

Ер адам алған жарақаттарынан оқиға орнында көз жұмды.

Көліктегі полиция департаменті қозғалыс қауіпсіздігі ережелерін бұзу бабы бойынша қылмыстық іс қозғалғанын хабарлады.

«Қарағанды-Сұрыптау станциясында абайсызда адам өліміне әкеп соқтырған теміржол көлігін пайдалану немесе қозғалыс қауіпсіздігі ережелерін бұзу фактісі бойынша қылмыстық іс тергеліп жатыр. Қазақстан Республикасы Қылмыстық-процестік кодексінің 201-бабына сәйкес басқа ақпарат жария етуге жатпайды», деп хабарлады көліктегі полиция департаменті.

Осыған дейін Қарағанды – Маңғыстау жолаушылар пойызы Ұлытау облысындағы Атасу – 117-ші разъезд теміржол учаскесінде үш жылқыны қағып...

Бүгін Тараз қаласында «Жансая» шағынауданындағы бес қабатты тұрғын үйдің үшінші қабатында өрт шықты.

112 пультіне пәтер балконының жанғаны туралы хабарлама келіп түскен. Өрт үшінші қабаттағы балконнан басталып, төртінші және бесінші қабаттардың балкондарына тараған.

«Өртті сөндіру барысында үшінші қабаттағы пәтерден ер адам құтқарылды. Қазіргі уақытта ол жедел медициналық жәрдем бригадасының қарауында», – делінген өңірлік ТЖД ақпаратында.  

Сонымен қатар, ТЖД қызметкерлері баспалдақ арқылы 23 адамды, оның ішінде 8 баланы эвакуациялап үлгерген.

Ал Алматыда көпқабатты үйден өрт шығып, 100 адам эвакуацияланған еді.

Әлемдік нарықта мұнай төртінші күн қатарынан қымбаттап, кейінгі алты аптадағы ең жоғары деңгейге жетті. Brent маркалы мұнайдың бағасы 1,8%-ға өсіп, барреліне 97,39 доллар болды, ал WTI 2,1%-ға қымбаттап, 92,92 долларға жетті.

Мұнай неге қымбаттады?

Бағаның көтерілуіне Таяу Шығыстағы жағдайдың қайта шиеленісуі себеп болды. АҚШ Иран аумағына соққы жасағаннан кейін Израиль де шабуыл болған жағдайда Иранның инфрақұрылымына жауап беретінін мәлімдеді.

Нарықтағы басты қауіп — Парсы шығанағынан мұнай тасымалданатын Ормуз бұғазының жұмысы. Соңғы күндері бұғаз арқылы өткен кемелер саны қалыпты деңгейден едәуір азайып, мұнай жеткізіліміне қатысты алаңдаушылықты күшейтті.

Бұған дейін, 1 қыркүйекте Brent бір күнде 4,16 долларға...

Алматыда екі көшеде қозғалыс шектеледі деп хабарлайды Kursiv Media қала әкімдігіне сілтеме жасап.

LRT жобасын іске асыруға байланысты Төле би көшесінің бір бөлігінде көлік қозғалысы уақытша тоқтайды. 3 қыркүйек сағат 22:00-ден 4 қыркүйек сағат 06:00-ге дейін Аносов көшесінен Бруно көшесіне дейінгі аралықта көлік қозғалысы толық жабылады. Ал 4 қыркүйек сағат 10:00-ден 19:00-ге дейін Аносов көшесінің Төле би көшесінен Артем көшесіне дейінгі бөлігінде көлік жүрмейді.

Сондай-ақ жөндеу жұмыстарына байланысты Жұбанов көшесінің бір бөлігінде көлік қозғалысы уақытша тоқтатылады.

3 қыркүйек сағат 23:00-ден 4 қыркүйек сағат 05:00-ге дейін Өтеген батыр көшесінен Алтынсарин даңғылына дейінгі аралықта көлік қозғалысы толық жабылады. Бұл уақытта жолға асфальтбетон жабындысының жоғарғы...

Алматы облысында әкім ауысуы мүмкін. Ертең, 4 қыркүйекте мәслихат депутаттары өңір әкімін тағайындау мәселесін қарайды деп хабарлайды Kursiv.Media

Жиынға облыстық, қалалық және аудандық мәслихаттардың депутаттары қатысады.

Қолданыстағы тәртіпке сәйкес, президент өңір әкімі қызметіне кемінде екі кандидат ұсынады. Кандидаттар алдағы жұмысының бағдарламасын таныстырып, кейін депутаттар дауыс береді. Облыс әкімін президент мәслихат депутаттарының келісімімен тағайындайды.

Жиын 4 қыркүйек күні сағат 10:00-де Қонаев қаласындағы қалалық мәдениет үйінде (Жамбыл көшесі, 13/1) өтеді. Депутаттарды тіркеу сағат 09:00-де басталады.

Айта кетейік, Алматы облысын 2022 жылғы маусымнан бері Марат Сұлтанғазиев басқарып келеді. Ол бұл қызметте Қанат Бозымбаевты алмастырған. Сұлтанғазиев әкім болып тағайындалғанға дейін Қаржы...