Жаңалықтар

Еңбек және халықты әлеуметтік қорғау министрлігі Қазақстанда қанша Ұлы Отан соғысының ардагері қалғанын мәлім етті.

Министрліктің мәліметіне сүйенсек, бүгінде көзі тірі 57 Ұлы Отан соғысының (ҰОС) ардагері қалған. Оның 14-і Алматы қаласында тұрады. Шығыс Қазақстан, Батыс Қазақстан және Қарағанды облыстарында – 6 ардагерден. Алматы, Қостанай және Павлодар облыстарында 4 ардагерден болса, Жамбыл және Түркістан облыстарында – 3 ардагерден тұрады. Ал Абай, Ақмола, Ақтөбе, Жетісу, Қызылорда, Маңғыстау облыстары мен Астана қаласында 1 ардагерден ғана қалған.

Ең қарт Ұлы Отан соғысының ардагері 105 жаста

Қазақстандағы ең қарт ҰОС ардагері 105 жаста. Ал олардың орташа жасы 101 жасты құрайды.

Екінші дүниежүзілік соғыс...

Қазақстанның мемлекеттік басқару саласында ең жиі кездесетін жалақы небәрі 223 мың теңгені құрайды. Бұл – ел астанасындағы номиналды жалақы көрсеткішінен (618 мың тг) үш есе аз сома. Finprom.kz жазуынша, шенеуніктердің кірісіне қатысты диссонанс тек лауазымға ғана емес, жұмыс істейтін өңірі мен мекемесіне тікелей байланысты.

Мемлекеттік қызметшілердің әл-ауқатын салыстыру үшін Ұлттық статистика бюросының өткен жылғы есебіне көз жүгіртсек, өңірлер арасындағы алшақтық бірден көзге түседі.

Мемлекеттік басқару, қорғаныс және міндетті әлеуметтік қамсыздандыру саласындағы орташа айлық номиналды жалақы бойынша Астана қаласы көш бастап тұр. Елордалық шенеуніктер орташа есеппен 618 мың теңге табыс табады. Бұл республикалық орташа көрсеткіштен (372,2 мың тг) 66%-ға...

Ақтөбе облысында Кенкияқ ауылдық округінің бұрынғы әкімі Қуанышбек Серікжановтің денесі табылды.

Облыс әкімдігінің мәліметінше, 4 мамыр күні ол жұмыстан босату туралы өтініш жазған. Ал келесі күні ресми түрде қызметінен босатылыпты. Ал 6 мамыр таңертең Серікжанов Кенкияқ ауылындағы үйінде өлі табылған.

Полицияның хабарлауынша, 42 жастағы ер адамның өліміне байланысты сотқа дейінгі тергеу басталды.

«1983 жылы туған ер адамның қайтыс болу фактісі бойынша сотқа дейінгі тергеп-тексеруді бастады. Тергеу барысында оқиғаның барлық мән-жайы анықталатын болады. Тергеу мүддесіне байланысты өзге ақпарат жария етуге жатпайды», – делінген Ақтөбе қаласы Полиция басқармасының мәліметінде.

Ақтөбе облысында мұндай жағдай екінші мәрте қайталанып отыр...

Солтүстік Кореяның жаңартылған конституциясына жаңа аумақтық тармақ енгізіліп отыр.

Оңтүстік Кореямен бірігу туралы барлық ескерту алынып тасталды. Бұл туралы 6 мамыр күні жарияланған құжатта айтылған.  

Yonhap агенттігі ақпаратына қарағанда, Солтүстік Корея өз аумағын солтүстігінде Қытай және Ресеймен, ал оңтүстігінде Оңтүстік Кореямен шектесетін жерлер, сондай-ақ оған іргелес аумақтық сулар мен әуе кеңістігі ретінде анықтаған.

Конституцияда Оңтүстік Корея «негізгі жау ел» ретінде көрсетілмеген. «Екі мемлекет» ұстанымына сәйкес, «бейбіт бірігу» және «ұлттық ұлы бірлік» сияқты тіркестерді қоса алғанда, қайта бірігуге қатысты барлық тұжырым конституциядан алынып тасталды.

Солтүстік Корея алғашқы конституциясын 1948 жылдың қыркүйегінде қабылдап, 1972 жылы социалистік конституцияны енгізгенге дейін...

6 мамырда күндіз Swiss International Air Lines әуе компаниясының ұшағы апатты жағдайда Алматы әуежайына қонды. Airbus Сеулден Цюрихке ұшып бара жатқан.

Flightradar24 порталының мәліметінше, жолаушы ұшағы сәрсенбі күні таңертең Астана уақытымен сағат 05:38-де Оңтүстік Корея астанасынан ұшып шыққан. Ал сағат 12:54-те Алматы халықаралық әуежайына қонған.

Ұшақ шамамен Қарағанды облысы аспанында ұшып бара жатқан уақытта кері бұрылуға мәжбүр болған. Порталда Airbus мәртебесі «Diverted to ALA» деп өзгертілген, яғни ұшақ Алматыға бағытталған.

Швейцариялық әуе компаниясына тиесілі лайнердің Қазақстанға қону себебі айтылды. Swiss мәліметінше, қосалқы ұшқыштың денсаулығы сыр берген. Жолаушылар арасында үш дәрігер болып, олар экипаж мүшесіне көмек көрсеткен. Содан кейін ғана...

6-нан 7-мамырға қараған түні футболсүйер қауым тағы бір тарихи текетірестің куәсі болмақ. УЕФА Чемпиондар лигасының 2025/26 жылғы маусымындағы екінші жартылай финалдық кездесуінде Мюнхеннің «Бавариясы» өз алаңында франциялық «Пари Сен-Жерменді» қабылдайды.

Бірінші матчтың нәтижесі

Екі алпауыттың Парижде өткен алғашқы кездесуі голдарға толы болды. 28 сәуір күні «Парк де Пренс» стадионында ПСЖ 5:4 есебімен жеңіске жетіп, аз да болса басымдыққа ие болды. Алайда, бір гол айырмашылығы «Бавария» үшін өз алаңында жағдайды түзеуге толық мүмкіндік береді.

Матчты Qazsport телеарнасы тікелей эфирде көрсетеді.

Бұл жұптың жеңімпазын финалда Лондонның «Арсеналы» күтіп тұр. «Зеңбірекшілер» жартылай финалда Мадридтің «Атлетикосын» (алғашқы ойын 1:1, қарымта матч 1:0) қапы...

Бұрынғы экономика министрі Нұрлан Байбазаров «Самұрық-Қазына» қорының директорлар кеңесінің мүшесі болып тағайындалды. Бұл туралы Қазақстан қор биржасының (KASE) сайтында хабарланды.

Шешімді 24 сәуірде қордың жалғыз акционері – Қаржы министрлігінің Мемлекеттік мүлік және жекешелендіру комитеті қабылдады. Енгізілген өзгерістерден кейін қордың директорлар кеңесі сегіз адамды құрады. Кеңеске Қазақстан Премьер-министрі Олжас Бектенов төрағалық етеді.

Директорлар кеңесінің құрамына қордың басқарма төрағасы Нұрлан Жақыпов, тәуелсіз директорлар Болат Жәмішев, Вонг Хэн Файн, Лука Сутера және Мохаммед Джамиль Аль Рамахи кіреді.

Бұдан бөлек, кеңес құрамында дауыс беру құқығы бар «цифрлық мүше» SKAI (Samruk-Kazyna Artificial Intelligence) бар.

Айта кетейік, Нұрлан Байбазаров премьер-министрдің орынбасары – Ұлттық экономика министр...

Президент, Қазақстан Қарулы Күштері Жоғарғы Бас Қолбасшысы Қасым-Жомарт Тоқаев сардарлар мен сарбаздарды, жиынға қатысушыларды Отан қорғаушылар және Жеңіс күнімен құттықтады.

Бұл туралы Ақорданың баспасөз қызметі хабарлады.

– Қос мерекенің мән-мазмұны – үндес, тағылымы – ортақ. Осы мейрамдарда еліміздің ерлік дәстүрі кеңінен дәріптеледі. Біз бұл күндері жұртымызға қорған болып жүрген ерлерге құрмет көрсетеміз. Сондай-ақ сұрапыл соғыста Отан үшін от кешкен батырлардың рухына тағзым етеміз. Қазақ – шекарасын ақ найзаның ұшымен, ақ білектің күшімен бекемдеген қаһарман халық, ержүрек ұлт. Батыр бабаларымыз ел тағдыры сынға түскен сәтте бір Тудың астына жиналған. Бірлігін нығайтып, жұртын жаудан...

Ауыл шаруашылығы вице-министрі Азат Сұлтанов Батыс Қазақстан облысында киіктердің қырылу дерегі тіркелгенін растады. Қазіргі уақытта мамандар оқиға орнында жұмыс жүргізіп жатыр.

«Қазір тексеру жұмыстары жүріп жатыр. Кейбір малдан алдын ала пастереллез диагнозы анықталған. Сынамалар алынды, жақын уақытта нәтижелері күтілуде», – деді ол.

Десе де Азат Сұлтанов жағдай тұрақты деп сендірді. Ветеринар мамандар жергілікті жерде жұмыс істеп жатыр, ауыл шаруашылығы жануарларының жаппай қырылу қаупі жоқ екенін айтады. Сонымен қатар, тіркелген мал басына жоспарлы вакцинация жүргізілуде.

Киіктерден үй жануарларына пастереллез жұқты ма деген сұраққа вице-министр нақты жауап бере алмады.

«Киіктерден үй жануарларына...

Қазақстанда жалған мемлекеттік нөмір үшін қылмыстық жауапкершілік енгізілуі мүмкін. Бұл туралы Ішкі істер вице-министрі Санжар Әділов мәлімдеді.

Мәжілістің жалпы отырысы кезінде депутат Бақытжан Базарбек жалған нөмірлер тағу фактілері жол-көлік оқиғаларынан кейін жиі анықтала бастағанын және қоғам үшін үлкен қауіп төндіретінін атап өтті.

«Қылмыстық кодекстің 386-бабы тек мемлекеттік нөмірлерді қолдан жасау және оны сатуды ғана реттейді. Ал жалған мемлекеттік нөмірді пайдаланудың өзі құрамында қылмыстық құқық бұзушылық белгілері болғанымен, әкімшілік жауапкершілікке жатқызылған. Бұл Әкімшілік құқық бұзушылық туралы кодекстің 590-бабы – жалған нөмірді пайдаланған адамға 15 АЕК (64 875 теңге) айыппұл салынады. 15 АЕК деген не? Ол айыппұлды төлейді де...

Ішкі істер министрінің орынбасары Санжар Әділов «Қазмырыш» зауытындағы жарылысқа қатысты тергеу барысы қалай жүріп жатқанын айтты. Оның мәліметінше, апатқа себепкер болған тұлға 7 жылға бас бостандығынан айырылуы мүмкін.

Тергеу қалай жүріп жатыр?

Қазіргі уақытта апаттың мән-жайын анықтау үшін арнайы топ құрылған. Топ құрамында ең тәжірибелі мамандар бар.

«Істі Қылмыстық кодекстің 156-бабы, 4-бөлігі бойынша тергеп жатырмыз. Бұл бап күдіктіні 7 жылға дейін бас бостандығынан айыру жазасын қарастырады. Бүгінде 10-нан астам сот сараптамасы тағайындалды», – деді Санжар Әділов.

Сонымен қатар апаттың негізгі болжамдарын атап өтті. Қазіргі уақытта тергеу тобы екі негізгі бағыт бойынша жұмыс істеп жатыр. Бірінш...

2026 жылдың наурыз айында екінші деңгейлі банктердегі несие нарығы айтарлықтай жанданған. Әсіресе, шағын кәсіпкерлерге берілген қарыз көлемі артқан. Мәселен, жеке кәсіпкерлердің несие қоржыны бір айдың ішінде 1%-ға өсіп, 3,2 трлн теңгені құрады.

Есепті кезеңде бизнес субъектілеріне бағытталған жалпы несие көлемі 15,3 трлн теңгеге жетті. Нарықтағы негізгі қозғалыс шағын және орта бизнес (ШОБ) сегментінде байқалады. Бұл сектордағы қарыз сомасы наурыз айында 7,4 трлн теңгені құраса, жыл басынан бері өсім қарқыны 9%-ға жуықтады.

Керісінше, ірі бизнес өкілдерінің несие портфелінде 4,7 трлн теңгеге дейін аздаған төмендеді. Бұл құбылыс экономикалық дағдарыспен емес, жекелеген банктердегі ірі қарыздардың жоспарлы түрде өтелуімен түсіндіріледі.

Шығыс Қазақстан облысы Шемонаиха ауданының Первомайский кентінде түнде үш адамның өмірін қиған жол апаты болды.

YK-news.kz ақпаратына қарағанда, жас жігіттер мотоциклмен жүйткіп келіп, автокөлікке соғысқан.

Первомайский кенті әкімдігі марқұмдардың ата-аналарына, туған-туыстарына, жақындарына көңіл айтты.

«Күш пен сабыр тілейміз. Сондай-ақ мотоцикл мен автокөлік тізгініне отыратын балалары бар барлық ата-анаға үндеу жасағымыз келеді. Өтінеміз, балаларыңызбен қауіпсіздік, жылдамдық режимін сақтау және жолдағы сақтық туралы сөйлесіңіздер», – деп хабарлады Первомайский кенті әкімдігі.

ШҚО полиция департаментінің баспасөз қызметі жол апаты туралы ақпаратты растады.

Айта кететін жайт, Қостанай облысында жедел жәрдем көлігі жаяу жүргіншіні қағып кеткен еді.

6 мамырда парламенттің төменгі палатасы Қазақстанда Қытай инвестициясын қорғауды көздейтін келісімді мақұлдады. Құжатқа 2025 жылғы 16 маусымда Қасым-Жомарт Тоқаев пен Си Цзиньпин қол қойған.

Мәжіліс депутаттары сәрсенбі күні Қазақстан мен Қытай үкіметтері арасындағы инвестицияларды көтермелеу және өзара қорғау туралы келісімді ратификациялады.

Ресми мәлімет бойынша, келісім инвестицияға қолайлы жағдай жасауға, тікелей шетел ақшасы ағынын күшейтуге, сонымен бірге көршілес екі ел экономикасын арттыруға бағытталған.

Құжат мынадай мәселелерді реттейді:

Экология вице-министрі Жомарт Әлиев Өскемендегі «Қазмырыш» зауытындағы жарылыстан кейін қаланың ауа сапасы тексерілгенін мәлімдеді.

Оның айтуынша, қаладағы ауа сапасының төмендеуі өңірдің географиялық ерекшелігі және метеорологиялық факторлармен де байланысты болуы мүмкін.

«Ауа сапасының нашарлау себептері әртүрлі болуы мүмкін. Қала ауасының желмен тазаруы қиын, ауа алмаспайды. Өскемен ойпат жерде орналасқаннан кейін, зиянды заттардың концентрациясы бірден көтеріледі», – деді ол.

Вице-министр қайғылы оқиға болған кезде экология департаментінің зертханалық қызметі оқиға орнына барып, ауа сапасын берден тексергенін айтты. Сонымен қатар «Қазгидромет» РМК «Қазмырыш» кәсіпорнына санитарлық-қорғау аймағынан тыс жерлерде атмосфералық ауа сапасына мониторинг бекеттерін орнатты.

«Қазірг...

«Әділет» жаңа саяси партиясы әлі ресми түрде тіркелген жоқ. Мәжіліс кулуарында Әділет вице-министрі Лаура Мерсалимова осылай деп мәлімдеді.

Оның айтуынша, қазіргі уақытта тек «Әділет» партиясы құрылу туралы растау алған, ал оның мүшелері съезд ұйымдастыру жұмыстарымен айналысып жатыр.

«Съезд өткеннен кейін, «Саяси партиялар туралы» заңға сәйкес барлық рәсімнен өтіп, тіркеуге өтінім беру қажет болады», – деді ол.

Журналистер Мерсалимовадан «Әділет» партиясына рұқсат неге тез берілгенін сұрады. Оның айтуынша, заңға сәйкес Әділет министрлігі өтініш түскеннен кейін қатысушылар тізімін бір күн ішінде тексереді. Егер тізім талаптарға сай болса, тиісті рұқсат беріледі.

«Сәйкесінше, бұл...

Бүгін, 6 мамырда, Қызылордада Қазақстан премьер-лигасының 20-туры аясындағы кездесуде жергілікті «Қайсар» мен турнир кестесінің көшбасшысы алматылық «Қайрат» кездеседі.

Ойынға барлық билеттер алдын ала сатылып кеткен (Sold Out), сондықтан «Қайсар Аренаның» трибуналары бүгін лық толы болмақ.

Ойынның тікелей трансляциясы Қазақстан уақытымен сағат 19:00-де басталады. Трансляцияны Qazsport және KFF League YouTube-арнасынан көруге болады.

Қазіргі таңда «Қайрат» 18 ұпаймен көш бастап тұр. Ал «Қайсар» 6 ұпаймен 13-орында болса да, өз алаңында кез келген қарсыласқа сес көрсете алатын команда.

Айта кетейік, әлемдік футболда Арсенал Чемпиондар лигасының финалына шыққаны туралы жазған едік. Бір қызығы биылғы маусымда «Арсеналдың» қақпасына бір голдан арты...

2026 жылдың 1 шілдесінен ипотекалық тұрғын үй қарызы бойынша ең жоғарыы пайыздық мөлшерлеме 25%-дан 20%-ға дейін төмендетіледі. Қаржы нарығын реттеу және дамыту агенттігі мен Ұлттық банктің бұл шешімі халықтың несие жүктемесін жеңілдетіп, баспана қолжетімділігін арттыруды көздейді.

Қаржылық жүйесіндегі жаңа тәртіпке сәйкес, 16 мамырдан банк несиелері мен микрокредиттердің шекті мөлшерлемелері бойынша кешенді өзгерістер күшіне енеді.

Атап айтқанда, мамыр айының ортасынан бастап кепілсіз банк несиелері мен микрокредиттердің жылдық тиімді сыйақы мөлшерлемесі 46%-дан, ал кепілді қарыздар 35%-дан аспауға тиіс.

Сонымен қатар халық арасында «жалақыға дейінгі қарыз» ретінде танымал, сомасы 45 айлық есептік көрсеткішке (194 625 теңгеге) дейінгі қысқа мерзімді микрокредиттерге де қата...

Қазақстанда такси қауіпсіздігін бақылау күшейтіледі. Тасымалдаушылардың хабарлама беру ережесіне өзгеріс енгізілді.

Ұлттық экономика министрлігі ақпаратынша, енді тасымалдаушы такси қызметін бастамас бұрын жергілікті атқарушы органға хабарлама жіберуге міндетті. Сонымен қатар, жаңартылған нысанда көлік құралы ауыстырылғанда және жаңадан көлік қосылғанда, яғни автопаркті жаңарту кезінде өзгеріс енгізу қарастырылған.

«Бұрынғы тәртіп бойынша, тасымалдаушы белгілі бір көлік құралына байланбайтын. Бұл жол-көлік оқиғасы кезінде жолаушыларға немесе үшінші тұлғаға зиян келтірілген жағдайда жауапты адамды анықтауды қиындататын», – делінген министрліктің ақпаратында.

Осыған байланысты хабарлама нысаны көлік құралының маркасын, мемлекеттік тіркеу нөмірін және шығарылған жылын көрсететін мәліметпен толықтырылды.

«Бұл шара жолаушыларды тасымалдау қауіпсіздігіне жауапты...

Парламентте елде жұмыс істейтін автомектептердегі жемқорлық, заңсыз ақша айналымы мәселелері көтерілді. Мәжіліс депутаты Мақсат Толықбай Ішкі істер министрлігінің өкіліне сұрақ қойды.

Күмәнді qr-код

«Заңдастырылған жемқорлықты тоқтату керек деп өткенде комитетте айтқанмын. Содан бері біраз уақыт өтті. Дегенмен бізге түсіп жатқан шағымдар көбеймесе азайған жоқ», – деп бастады сауалын төменгі палата өкілі.

Ол мәселені қарапайым тілмен жеткізуге тырысты: әр азамат жүргізуші куәлігін алу үшін екі жарым ай автомектеп базасында тіркеліп, толық курс оқуға міндетті. Соған байланысты оқу ақысын төлейді.

«Бірақ автомектепке кіреберісте жеке qr-код тұрады. Соған 8,5 мың теңге төлеуге міндеттіс...

Freedom Holding Corp. «Астана» халықаралық қаржы орталығында (АХҚО) Freedom AI Ltd. атты еншілес компаниясын тіркеді. Оның жарғылық капиталы 365,4 млн теңгені құрайды. Бұған, ең алдымен, экономист Арман Батаев назар адарған.

Компания қызметі ретінде деректерді өңдеу, қосымшаларды (бағдарламаларды) орналастыру (хостинг) және техникалық құжаттарды әзірлеу көрсетілген.

Бұған дейін холдинг салалық министрлікпен құны 2 млрд доллар болатын ерекше жасанды интеллект хабын құру туралы келісіміге келген еді.

Жоспарланған хаб тікелей Freedom Holding Corp. басқаруында болады және NVIDIA компаниясының экзамөлшерлі кластағы ерекше инфрақұрылымына негізделеді.

Аталған жоба – Қазақстан мен Орталық Азияның жасанды интеллект саласындағы көшбасшылығын...

Қазақстанда топырақты қорғау мен оны ұтымды пайдалануға арналған жеке заң пайда болады. Бұл құжат жердің тозуын азайтып, ауыл шаруашылығының тұрақты дамуына негіз болады. Осыған орай мәжіліс «Топырақты қорғау туралы» депутаттық заң жобасын және оған ілеспе түзетулерді бірінші оқылымда мақұлдады.

Заң жобасын Мәжілістің жалпы отырысында Аграрлық мәселелер комитетінің мүшесі Нұржан Әшімбетов таныстырды.

Заң жобасы туралы

Құжаттың басты мақсаты – топырақты қорғау, оның құнарлығын сақтау және арттыру, сондай-ақ жердің тозуына жол бермеу үшін бірыңғай құқықтық негіз қалыптастыру. Бұл ретте құжат жерді алып қою мәселелерін реттемейді, бірақ олардың сапасын сақтауға және одан әрі нашарлауына жол бермеуге бағытталған бірқатар талаптарды енгізеді.

АҚШ Мемлекеттік хатшысы Марко Рубио Иранға қарсы кезекті әскери операция аяқталғанын хабарлады. Саясаткер бұл туралы Ақ үйде өткен баспасөз мәслихатында айтты.

Рубио АҚШ-тың Иранға қарсы «Эпикалық қаһар» операциясының аяқталғанын мәлімдеді.

«Эпикалық қаһар» операциясы аяқталды, біз Конгреске осы кезеңді тәмамдағанымызды хабарладық. Енді біз «Азаттық» жобасы операциясына кірістік», –  деп түсіндірді Рубио.

Мемлекеттік хатшының айтуынша, қазіргі уақытта АҚШ-тың басты міндеті Ормұз бұғазы арқылы кеме қатынасын қайта жандандыру. Сондай-ақ Рубио «Азаттық» жобасы тек қорғаныс сипатында құрылғанын айтты. Яғни, енді АҚШ тек шабуыл жасалған жағдайда ғана оқ атады.

Айта кетейік, 1 мамырда АҚШ Президенті Дональд Трамп Конгреске хат...

Қазақстандық қыздар тобының эталонына айналған, еліміздің ең танымал жобасы «КешYOU» тобының сахнада жүргеніне биыл тура 20 жыл. Осы айтулы мерейтойға орай, 29 мамыр күні Алматы қаласының Орталық стадионында бұрын-соңды болмаған ауқымды мерейтойлық шоу өтеді.

Кештің басты ерекшелігі – сахнаға топтың әр жылдардағы аңызға айналған солистері қайта оралады. Тыңдармандар жиырма жыл бойы жүректен орын алған ең басты хит әндерді түпнұсқада орындаушылардың дауысымен қайта тыңдау мүмкіндігіне ие болады. Билеттер Ticketon сайтында сатылымға шықты.

Еске сала кетейік, бұған дейін КешYou-дің «алтын құрамына» айналған Жанар Дұғалова, Кәмшат Жолдыбаева, Айдана Меденованың осы концертте бас қосатынын жазған едік. Ал Мөлдір Әуелбекова мерекелік...