Жаңалықтар

ҚР ҚМ Мемлекеттік кірістер комитеті спиртке акцизді енгізуге байланысты құрамында спирті бар дәрілер қаншалықты қымбаттайтынын айтты.

«2022 жылы Салық кодексіне енгізілген өзгерістерге сәйкес 2024 жылғы 1 қаңтардан бастап дәрілік заттарды өндіру кезінде пайдаланылатын спиртке 1 литр спирт үшін 600 теңге мөлшерлеме бойынша акциз салынатын болады. 1 мл спиртте акциздің сомасы небәрі 60 тиынды яғни 1000 мл үшін 600 теңгені құрайды», – делінген баспасөз хабарламасында.

Баспасөз қызметінің хабарлауынша, дәрілік заттарды өндіруде спирттің аз ғана мөлшері қолданылатындықтан, бағаның өсуі де соғұрлым елеусіз болады.

Мәселен, бекітілген Технологиялық регламентке сәйкес 25 мл көлемдегі аналық шөп тұнбасын өндіру үшін...

eGov.kz арқылы отбасы, білімі мен әскери қызметі туралы мәліметтерді түзетуге болады/shutterstock

eGov.kz электрондық үкімет порталында және eGov Mobile мобильді қосымшасында мәліметтерді түзетудің сегіз сервисі қолжетімді, деп хабарлады «Ұлттық ақпараттық технологиялар» АҚ баспасөз қызметі.

«Сервистер мемлекеттік органдардың ақпараттық жүйелеріндегі қате деректерді өзектендіруге және болашақта қандай да бір кедергісіз мемлекеттік қызметтерді алуға мүмкіндік береді», деп жазылған таратылған хабарламада.

Сервис арқылы отбасы (неке, туу, некені бұзу, бала асырап алу, әке болуды анықтау, аты-жөнін өзгерту, қайтыс болу), вакцинация паспортындағы аймақ, көлік құралдарының қате мәліметтерін, міндетті мемлекеттік тіркеуге жатпайтын жылжымалы мүліктің кепілі және әскери қызмет туралы мәліметтерді, сондай-ақ білім туралы мәліметтерін түзетуге болады...

Мәжілісмен Ермұрат Бәпи Үкімет басшысы Әлихан Смайыловқа бүгін жолдаған депутаттық сауалында «Тарбағатай-Мұнай» компаниясын салық және прокуратура органдары «қылқындырып» тастағанын айтып дабыл қақты.

«Салықтық міндеттерді тексерудің көпе-көрнеу бұрмалануы салдарынан серіктестікке 10 млрд теңгенің қосымша салығы мен өсімпұлы салынған. Егер «саусақтан сорылып» салынған осы салықтың салдарынан серіктестік өз жұмысын тоқтататын болса, 200-ден астам газөндіруші жұмыссыз қалайын деп тұр», – деді депутат.

Ермұрат Бәпи Үкіметтен қытайлық инвестор бас-көз болып отырған Шығыс Қазақстан облысындағы «Тарбағатай-Мұнай» компаниясының 10 млрд теңге салық дауын шешуге және 100 млн тонна мұнай бар кен орнын игеруге көмектесуді сұрады.

Соңғы кезде «Қазақстан ҰҚШҰ құрамынан шығуы керек» деген пікірлер көп айтыла бастады. Бұл мәселеге қатысты Сыртқы істер министрінің орынбасары Қайрат Омаров жауап берді.

Министрлік өкілі мұндай ұйымның сыртында қалғаннан гөрі, ішінде болған әлдеқайда дұрыс деп біледі.

«Қазақстанның бұл ұйымға кіруіне байланысты көптеген пікірлер айтылады. Бірақ осы уақытқа дейін бірде-бір мемлекет бұл ұйымдағы мүшелігін тоқтатуға ресми түрде өтініш білдірген жоқ. Сондықтан біз ҰҚШҰ құрамында ешқандай өзгеріс болады деп күтпейміз. Мұндай ұйымның сыртында болғаннан гөрі, ішінде болған жақсы. Қазақстанның мұндай жоспары мүлде жоқ. Бұл ұйымды құрудың бастауында өзіміз тұрмыз. Бұл біздің мүддеміз үшін жұмыс істейді деп...

Қараша айының ортасында IPO өткізген қытайлық дайын тағамдар мен жартылай фабрикаттар өндірушісі DayDayCook (DDC) өз акцияларының құнын түсірмеу үшін оның бір бөлігін қайта сатып алады. Бұл туралы «Курсивке» компанияға жақын екі дереккөз айтты. Сейсенбі күнгі сауда-саттық жабылғанда DDC акциялары бастапқы кезеңге қарағанда 33% арзан болды.

Өз акцияларын сатып алудан бөлек, DDC Қытайдағы акцияларына қосымша сұраныс туғызужолдарын іздеп отыр. «Курсив» дереккөзінің айтуынша, компания андеррайтерлермен құндықағаздар бойынша қысқа позицияларды шектеуді талқылайды. Егер бұл шара іске асса, жақын арада акциялар құнының өсу динамикасына оң әсер ете алады.

DayDayCook 2012 жылы Гонконгта құрылған. Бұл бастапқыда рецепттер мен басқа да аспаздық туралы ақпаратты тарату қызметі болды. Бірақ 2019 жылдан бастап компания дайын тағамдар мен рецепт бойынша пісірілетін тағам жиынтықтарын сата бастады...

«АрселорМиттал Теміртау» АҚ акционерін ауыстыруға қатысты қандай шешім қабылданды/ primeminister.kz

«АрселорМиттал Теміртау» АҚ акционерін ауыстыруға қатысты қандай шешім қабылданды? Бұл сұраққа Мәжілістің кулуарында Өнеркәсіп және құрылыс министрі Қанат Шарлапаев жауап берді.

«Өздеріңіз білетіндей, Үкіметте осы мәселені талқылауға бір жарым, екі апта бұрын 2 сағат уақыт арнадық. Әзірге менде жаңа ақпарат жоқ, пайда болған кезде міндетті түрде алдарыңызға шығамыз, барлығын айтамыз», – деді Қанат Шарлапаев

Өнеркәсіп және құрылыс министрінің мәлімдеуінше, Үкіметке инвесторды өзгерту үдерісіне назар аударуға және осы істі аяқтауға мүмкіндік беру қажет.

9 қарашада өткен Сенат отырысында Қанат Шарлапаев «АрселорМиттал Теміртау» АҚ жаңа инвесторларына билік...

Осыған дейін БАҚ-та 1,5 трлн теңге БЖЗҚ қаражаты инфрақұрылым жобаларына салынуы мүмкін деген ақпарат тарады. Бұл ақпаратқа қатысты «Бәйтерек» холдингі түсініктеме беріп, шешім қабылданса, инвестициялық жобаларға қор қаражаты тартылуы мүмкін екенін мәлімдеді.

«Қазіргі уақытта «Бәйтерек» Ұлттық басқарушы холдингі» АҚ инвестициялық жобаларды одан әрі іске асыру үшін түрлі қаржыландыру жолын қарастырып жатыр. Бұл мақсатқа «БЖЗҚ» АҚ қаражаты да тартылуы мүмкін. Қазір осы мәселе күн тәртібіне шықты. Тек облигациялар шығару бойынша нақты шешім әлі қабылданған жоқ. Егер ұсыныс мақұлданса, БЖЗҚ қаражаты нарық шарттары негізінде тартылатын болады»,- делінген хабарламада.

«Бәйтерек» холдингінің Энергетика министрлігіне жолдаған құжатында бұл...

QazaqGaz-дың еншілес компаниясына қатысты тергеу жұмыстары жүріп жатыр. Ақпаратты Сыбайлас жемқорлыққа қарсы іс-қимыл агенттігінің ресми өкілі Арман Тілеукенов растады.

Алайда Тілеуханов осыған дейін желіде тараған QazaqGaz орталық аппарат басшысы мен «ҚазТрансГаз-Өнімдері» ЖШС еншілес компаниясының басшысы ұсталғаны туралы ақпаратты жоққа шығарды.

«QazaqGaz басшылары мен қызметкерлері ұсталды делінген ақпарат тарап жатыр. Осы ұйыммен оның еншілес компания қызметкерлерінің өкілеттігін асыра пайдалануы фактісі бойынша сотқа дейінгі тергеу жүріп жатыр. Қазіргі уақытта аталған іс бойынша ешкім ұсталған жоқ, ешкімге айып тағылмады. Басқа ақпарат тергеу мүддесіне орай жарияланбайды», – деді Тілеуханов.

Бұған қоса, QazaqGaz компаниясының баспасөз қызметі тергеу жұмыстары жүріп жатқанын растады.

«QazaqGaz ұлттық компаниясы жемқорлы...

Ауа райының қолайсыздығына байланысты елімізміздің бірқатар өңірінде күре жолдар жабылды. Шектеу енгізілген жолдардың жалпы ұзындығы 2,9 мың шақырымды құрайтын, 26 күре жол. Бұл республикалық маңызы бар жолдар желісінің 12%.

Ал, Астана қаласының әкімдігі «Қазгидромет» РМК болжамына сәйкес, қалада ауа райы күрт бұзылатынын хабарлап, тұрғындарды сақ болуға шақырады.

«Қазгидромет» РМК болжамынша, Астана қаласында 22 қарашада екпіні 16-21 м/с болатын жел болады, 23 қарашада көктайғақ пен желдің екпіні 15-20 м/с, ал кейде 23-28 м/с болады.

«Астана әкімдігі ауа райының қолайсыздығына байланысты қала тұрғындары мен қонақтарынан жазатайым оқиғалар болмас үшін көшеде жүргенде өте мұқият және...

«ҚазМұнайГаз» АҚ еншілес компаниясы Oil Construction Company бас директорының орынбасары пара алды деген күдікпен қамауға алынды.

Сыбайлас жемқорлық қарсы күрес агенттігінің ресми өкілі Арман Тілеукеновтің айтуынша, лауазымды тұлға бизнес өкілдерінен бірнеше рет пара алған. Ол Маңғыстау облысы Кендірлі демалыс аумағы Тоқмақ елдімекенінде теңіз суын тұщыландыру зауытын салуға бөлінетін қаражатты кедергісіз жіберу үшін пара алған.

«Маңғыстау облысы бойынша сыбайлас жемқорлыққа қарсы агенттігі тексерілген жедел-тергеу іс-шараларының нәтижесінде Oil Construction Company ЖШС Бас директорының орынбасарын бизнес өкілдерінен бірнеше рет пара алу фактісі бойынша әшкереледі», — деді Тілеукенов.

Сот санкциясынан кейін күдікті қамауға алынған. Тергеу жұмыстары жалғасып жатыр.

Мәжілісте тұрғын үй саясатын реформалау бойынша арнайы әзірленген заң жобасы бірінші оқылымда қабылданды. 2021 жылғы 31 желтоқсанда Парламент Мәжілісінің қарауына енгізілген заң жобасы реттеліп жатқанымен, баспанамен қамту қарқыны сол қалпы баяу. Бұл мәселені мәжіліс отырысында депутат Елнұр Бейсенбаев көтерді.

Тұрғын үй саясатын реформалауға қатысты баяандама оқыған Өнеркәсіп және құрылыс министрі Қанат Шарлапаев тұрғын үй кезегінде тұрған адамдарға қатысты мәліметтерге тоқталып, кезекте тұрған 646 мың азаматтың 232 мыңы тізімнен шығарылатынын мәлімдеді. Оның айтуынша, 96,1 мың адамда соңғы 5 жылда тұрғын үйі болған, 533 адамның азаматтығы жоқ, 91,4 мың адамның тіркеу орны кезекте тұрған өңірмен сәйкес келмейді, 29 мың адамда...

Францияның Total компаниясы Жамбыл облысында қуаты 1 ГВт болатын жел электр станциясын салады. Аталмыш келісімді Энергетика министрі Алмасадам Сәтқалиев мәжіліс депутаттарына таныстырып, төменгі палата келісімді ратификациялады.

ЖЭС салуға шамамен 820 миллиард теңге инвестиция тартылған. Болашақта станцияда қосымша 3,6 млрд кВт/сағ жасыл энергия өндіріледі деген жоспар бар.

«Арнайы келісімнің мақсаты – Қазақстан аумағында жаңартылатын энергия көздерін орнықты даму саласындағы ірі жобаларды әзірлеп, іске асыру. Келісім шеңберінде Жамбыл облысындағы Мирный кентінің маңында жалпы қуаты 1 ГВт жел энергиясын пайдаланатын жел электр станциясының жобасын салу жоспарланған», – деді министр.

Министрдің айтуынша, жоба аясында 250-ге дейін тұрақты жұмыс орны, 2500-ге дейін уақытша жұмыс орны...

Уран бағасы 15 жылдан астам уақыт ішінде алғаш рет бір фунт үшін 80 доллардан асты. Бұған ядролық энергияға деген қызығушылықтың артуы мен әлемдегі геосаяси жағдай себеп болып отыр.

Bloomberg ақпаратына сәйкес, уран бағасы сатылымға бір фунт үшін 80,25 доллармен шыққан. 2011 жылы Жапонияның «Фукусима» АЭС-та болған апаттан кейін алғаш рет уран бағасы осынша шарықтап отыр. Себебі осы апаттан кейін көптеген елдер АЭС салу туралы жоспарларынан бас тартқан.

Ресей Украинаға басып кіргеннен кейін жағдай біржола өзгерді. Әртүрлі елдер шығыны аз ядролық энергияны тиімді энергия көзі ретінде қарастыра бастады. Еуропа елдері Ресей газынан бас тарту үшін реакторларының қызмет мерзімін ұзартса, Қытай атом флотыны...

Республика бойынша құлақтандыру жүйесін тексеру жүргізіледі / shutterstock

Бейсенбі, 23 қарашада, Астана уақыты бойынша сағат 12:55-те республика бойынша құлақтандыру жүйесін тексеру жүргізіледі. Бұл туралы Төтенше жағдай министрлігі хабарлады.

Электр сиреналар, сиреналық-сөйлеу құрылғылары іске қосылып, теле-радио хабарларын тарату тоқтатылады. Бұл іс-шара «Қыс-2023» республикалық командалық-штабтық оқу-жаттығуы аясында өткізіледі.

Естеріңізге сала кетейік, электр сиреналар, сиреналық-сөйлеу құрылғылары немесе басқа да дабыл құралдары жалпы төтенше жағдай орын алған кезде халықтың назарын аудару үшін қосылады. 

Ол «Баршаның назарына!» бірыңғай құлақтандыру дабылын білдіреді. Бұл дабылды естіген кезде тұрғындар орын алған жағдай кезінде әрекет ету туралы мәліметтер мен нұсқаулар алу үшін қолжетімді ақпарат қабылдау құралдарын (телеарналар, радиолар, интернет...

Армения Сыртқы істер министрі Арарат Мирзоян және Қорғаныс министрі Сурен Папикян 22 қарашада Минскіде ҰҚШҰ аясында өтетін отырысқа қатыспайды.

Бұл туралы Мирзоян беларусь әріптесі Сергей Алейникке Беларусь тарапы бастамасымен сейсенбі күні болған телефон арқылы әңгімеде айтқан, деп хабарлады Интерфакс.

Армения СІМ хабарламасында әңгіме барысында ҰҚШҰ жұмысына қатысты мәселелер қозғалғаны айтылған.

Кейінірек Армения Қорғаныс министрлігінің баспасөз хатшысы Арам Торосян «Азаттық» Армения радио қызметіне Папикиян ҰҚШҰ-ға қатысушы-елдердің қорғаныс министрлері кеңесінің отырысына қатыспайтынын мәлімдеді.

Сейсенбі күні ҰҚШҰ хатшылығы ұйымның Ұжымдық қауіпсіздік кеңесінің бұрын қабылданған шешімдеріне сәйкес Арменияға мониторинг миссиясын жіберу бойынша жұмысты жалғастыратынын хабарлады.

«ҰҚШҰ Ұжымдық қауіпсіздік...

Мәжілісте тұрғын үй саясатын реформалау бойынша арнайы әзірленген заң жобасы талқыланды. Онда «Отбасы банкті» ұлттық даму институты ретінде қайта құру ұсынылып отыр.

Қолданыстағы заңнама бойынша тұрғын үйге есепке қою, тұрғын үйді бөлу және беру бойынша функцияларды жергілікті атқарушы органдары атқарады. Ал жаңа заң жобасына сәйкес бұл функциялар «Отбасы банкке» берілмек.

«Бұл ретте азаматтарды тұрғын үймен қамтамасыз ету  жергілікті атқарушы органдардың құзыретінде қалады. Оны тұрғын үй салу және сатып алу арқылы іске асыратын болады. Осыған байланысты «Отбасы банкін» ұлттық даму институтына айналдыру көзделіп отыр. Отбасы банк берілетін функцияларды орталықтандырылған түрде жүзеге асыратын болады...

QazaqGaz ұлттық компаниясы топ-менеджерлері, аппарат басшысы Дидар Сағымбеков пен «ҚазТрансГаз-Өнімдері» ЖШС басқарма төрағасы Ернар Құлқыбаевтың ұсталғаны туралы ақпаратты жоққа шығарды.

Ұлттық компания аппарат басшысының қабылдау бөлмесіне хабарласқан ҚазТАГ агенттігі екі қызметкердің де жұмыс орнында отырғанын анықтаған.

«Дидар Маратұлы (Сағымбеков – ред.) жұмыста, Ернар Құлқыбаев та жұмыста отыр», – деп жауап берген компания өкілдері.

Олар толығырақ ақпарат алу үшін баспасөз қызметіне хабарласуды ұсынған. Алайда QazaqGaz баспасөз қызметі Курсив қоңырауына жауап бермеді.

Осыған дейін Қазақстанның мұнай және газ кеңесі телеграмм арнасы 21 қарашада QazaqGaz жүйесіндегі топ-менеджерлері ұсталғаны туралы хабар таратқан.

«Біздің дереккөздеріміз 21 қарашада QazaqGaz-да тінту жүргізіліп...

Израиль үкіметі Газада тұтқында отырған әйелдер мен балаларды босату туралы Хамаспен келісімге келу туралы шешім шығарды. Аймақта уақытша үнсіздік жарияланады.

Reuters жазуынша, Израиль Хамас 7 қазан күні ұстаған 200 адамды тұтқында ұстап отыр деп болжаған. Келісімге сәйкес, 50 тұтқын, яғни әйелдер мен балалар босатылып, төрт күн тыныштық орнауы қажет.

Тұтқындарды босату кезең кезеңімен өтеді. Күніне 10-12 адам босап шығуы керек. 

«Әр 10 адам босатылған сайын тыныштық келісімі 1 күнге созылады», – деп жауап берді Израиль үкіметі «4 күн ішінде келісім күшінде сақтала ма?» деген сұраққа.

Израильде тұтқындалған палестиналықтарды босату туралы нақты ақпарат жо...

Әлемдегі ірі критовалюта биржасы Binance басшысы Чанпэн Чжао АҚШта басталған тергеу жұмыстарынан кейін өз кінәсін мойындауға дайын екенін айтып, қызметтен кетті.

The Wall Street Journal мәліметіне сүйенсек, Чанпэн Чжао АҚШтың Сиэтл қаласы сотына барып, куәгерлік етеді. Ал ол негізін қалаған Binance ақшаны жылыстату (заңсыз ақшаны заңды айналымға шығару) бойынша заңды бұзғаны туралы кінәсін мойындап, 4,3 млрд доллар айыппұл төлеуге дайын. Бұл келісім криптобиржаға қатысты тергеуді ұзақ мерзімді тергеуді тоқтатуға мүмкіндік береді.

Айта кетейік, Чжао 2017 криптобиржа компаниясын құрып, оның әлемдегі маңызды нарықтың біріне айналдырған. Тергеу жұмыстары компания жұмысына кедергі келтіріп, оған деген сенімді әлсіреткен. Сот ісіне байланысты Binance басшылығындағы бірнеше адам қызметтен кетіп, компания қызметкерлерінің бір бөлігін жұмыстан шығарған.

Бүгінгі таңда мемлекетке қайтарылған активтер құны шамамен 1 трлн теңгеге жеткен. Бұл жайлы президенттің сайлауалды бағдарламасына қатысты Үкімет үйі жариялаған есепте жазылған.  

«Бүгінгі таңда мемлекетке құны шамамен 1 трлн теңге сома болатын активтер қайтарылды. Оның шамамен 600 млн доллары басқа юрисдикциялардан қайтарылған. Мысалы, БАӘ-ден шамамен 15 млн доллар, Австриядан 82 млн доллар, Лихтенштейннен 260 млн доллар, Гонконгтан 2 млн доллар қайтарылды» – делінген онда. 

Сонымен бірге 2022-2023 жылдары 41,3 млрд доллар тікелей шетелдік инвестициялар тартылған. Ал экономиканы демонополизациялау бойынша жүйелі жұмыс жүргізіліп, демонополизациялау жөніндегі комиссия жұмысының нәтижелері бойынша республикалық меншікке ірі 14 акционерлік қоғам, ЖШС акция пакеттері мен...

Қаржы пирамидасын құрғаны үшін Қазақстанда іздеу жарияланған азамат Грузия аумағында ұсталды.

Тергеу ісіне сәйкес, аталмыш қаржы пирамидасы қазақстандықтарға 3,6 млрд теңгеден астам шығын келтірген. Қылмыстық іс бойынша 600-ден астам жәбірленуші бар.

«Бас прокуратураның үйлестіруімен Ішкі істер министрлігінің қызметкерлерімен 2020 жылдың наурыз айынан іздеуде жүрген күдікті Қазақстан азаматы Грузия аумағында ұсталды», – деп хабарлады Бас прокуратура.

Қазіргі уақытта ведомство күдіктіні экстрадициялау мәселесін шешуге тырысып жатыр.

Осыған дейін салымшыларды 1,2 млрд теңге шығынға батырып, Украинада жасырынып жүрген «LIDER»  қаржы пирамидасының басшысы елге қайтарылғанын хабарлаған едік.

Бұған дейін «Елімай-2019» тұтыну кооперативін ұйымдастырушылары қаржы пирамидасын құрған ерлі-зайыптылар 6 және...

2023 жылдың тоғыз айының қорытындысы бойынша «Қазақтелеком» кірісін 6 пайызға немесе 30 млрд теңгеге өсіріп, жалпы 504 млрд теңгеге жеткізді. Бұл жайлы Қазақстан қор биржасының (KASE) сайтында жазылған.

Мұндай көрсеткіштерге компания қызметінің негізгі сегменттері: тіркелген және ұялы байланыста кірістің артуы себеп болған. Нәтижесінде EBITDA 3,2%-ға артса, сатудан түскен табыс та 3,2%-ды құраған.

Қаңтар-қыркүйек айларында оператордың таза табысы 0,7%-ға өсіп, 89,3 млрд теңге болды. «Қазақтелеком» мұндай нәтижелерді 5G жиіліктерін енгізуге қатысты ірі жобаларға жұмсалатын шығындардың артуымен байланыстырады. Оған қоса, өткен жылдың соңында Қазақтелекомға тиесілі екі компания – Mobile Telecom Service (Tele2 және Altel брендтері) және Kcell (Kcell және Activ...

«ҚазТаг» агенттігі Бірыңғай жинақтаушы зейнетақы қорындағы қаражаттың 1,5 трлн теңгесі инфрақұрылым жобаларына салынуы мүмкін деген ақпарат таратты. Сайттың хабарлауынша, «Бәйтерек» холдингінің Энергетика министрлігіне жолдаған құжатында қаржы энергетика саласын жаңғыртуға жұмсалатыны жазылған.

Қаржы қандай жобаларға салынбақ?

Құжатта қаржы сәуір айындағы экономиканы жаңғырту жөніндегі мемлекеттік комиссияның шешіміне сәйкес бөлінетіні жазылған. Биыл жыл соңына дейін 500 миллиард теңге, 2024 жылы тағы 1 триллион теңге инвестициялануға тиіс. Қаражатты Қазақстанның Даму банкі (ҚДБ) мен Индустриялық даму қоры (ИДҚ) тікелей алмақ.

Сондай-ақ құжатта энергетика саласындағы жобаларды қаржыландыру негіздемесі келтірілген. Авторлардың айтуынша, қолданыстағы инфрақұрылымның, ең алдымен, генерациялау қуаты тозған, ал инвестициялы...

Астана қаласының қылмыстық істер жөніндегі мамандандырылған ауданаралық сотында аса ірі мөлшерде пара алу фактісі бойынша экс-депутат Нұржан Әлтаевтың ісі қаралды.

Сотта Әлтаевтың 2018 жылдың ақпанынан 2020 жылдың шілдесіне дейін «Атамекен» ҰКП мүдделері үшін тиімді ресми шешім қабылдауға ықпалдасып, делдал арқылы Мырзахметовтен жалпы сомасы 115 мың АҚШ доллары және 8 млн 150 мың теңге ақшаны пара ретінде алғанын анықтаған.

«Сотталушының кінәсі куәгерлердің айғақтарымен, ұялы телефондағы хат-хабарлармен, жасырын тергеу әрекеттерінің жазбаларымен, сараптама актілерімен, заттай дәлелдемелермен дәлелденді», – делінген Астана соты таратқан ақпаратта.

Сотта прокурор айыптауды қолдап, 12 жыл мерзімге бас бостандығынан айыру жазасын тағайындауды сұраcа, сотталушы өзін...