Жаңалықтар

2023 жылы Қазақстанда 175 адам жұмыс орнында қайтыс болған. Бұл былтырғы көрсеткіштен 12% көп. Бұл туралы Орталық коммуникациялар қызметінде өткен брифингте Еңбек және халықты әлеуметтік қорғау комитетінің төрағасы Төлеген Оспанқұлов айтты.

«Биыл жұмыс орнында 175 адам қайтыс болды, былтырғы осы кезеңмен салыстырғанда 12% көп. Ал жұмыс орнында зардап шеккендер саны – 1119, былтырғымен бірдей деуге болады», – деді комитет төрағасы.

Кәсіпорындардағы төтенше жағдай көбіне Қарағанды, Шығыс Қазақстан, Павлодар, Қостанай, Абай облыстары мен Алматы қаласында болады. 

Брифинг барысында Оспанқұлов кәсіпорын жұмысшыларының еңбек қауіпсіздігін толық сақтамайтынын айтты.

«Мемлекеттік бақылау нәтижесі 20% еңбек...

Энергетика министрі Алмасадам Сәтқалиев Қазақстанда АЭС салу мәселесі жалпы халықтық референдумда шешілетінін айтты. Бірақ соған қарамастан, министрлік атом электр станциясын салуға қатысты консультациялар жүргізіп жатыр.

«Өздеріңіз білесіздер, атом электр станциясын салуға дайындық процесі жалпыхалықтық референдум өткізу туралы шешім қабылданбай тұрып басталған. Яғни осы уақытқа дейін біршама маңызды жұмыстар атқарылып, әлеуетті тендерлер де анықталған. Біз нақты шешімді референдумнан кейін қабылдаймыз. АЭС салу немесе салмау мәселесін халық шешеді. Қазіргі таңда тендерге қатысушылармен консультациялар жүргізіп жатырмыз. Біз таңдау жасауға қатысты шешім қабылдау процесін тоқтатып қойдық. Бірақ консультация жүргізу – әдеттегі техникалық процесс саналады», – деді министр.

«Торғай Петролеум» АҚ-ның Қарағанды облысындағы «Құмкөл» және «Шығыс Құмкөл» мұнай-газ кен орындарының рентабельділігі төмен, тұтқырлығы жоғары, дебиті аз. Сондықтан оларды игерілген санатқа жатқызылатын көмірсутек кен орындарының тізбесіне қосу қажет.

Энергетика министрі Алмасадам Сәтқалиевтің «Кен орындарының тізбесін бекіту туралы» ҚР Үкіметінің 2019 жылғы 27 маусымдағы №449 қаулысына өзгеріс енгізу туралы» Үкіметтің қаулы жобасын түсіндіруге арналған жазбасының мазмұны осындай.

Бұл компания Қазақстан-Ресей үкіметтерінің 1993 жылы 2 желтоқсанда Алматы қаласында отын-энергетикалық кешенді бірлесіп дамытуға уағдаласуы негізінде пайда болды. Осы бағыт бойынша 1995 жылы Қазақстанның Мұнай және газ өнеркәсібі министрлігі «Лукойл» мұнай компаниясымен келісімге келді. Бұл ресейлік мұнай алыбының Қазақстан аумағында көмірсутек...

Қазақстанда еңбек инспекторлары жалақы төлемеген жұмыс берушілерге 1224 ұйғарым беріп, 170 млн теңгеден астам сомада айыппұл салған. Бұл туралы Орталық коммуникациялар қызметінде өткен брифингте Еңбек және халықты әлеуметтік комитетінің төрағасы Төлеген Оспанқұлов айтты.

Оның айтуынша, биыл 940 кәсіпорын 24 мың қызметкерге 6,3 млрд теңгеден астам қарыз екені анықталған. Арнайы комиссияның жұмысынан кейін 22 мыңнан астам қызметкердің құқықтары қорғалып, оларға 5,4 млрд теңге өндіріліп алынған. Ал 1 900 қызметкер 34 кәсіпорыннан 910 млн теңге қарызды әлі алмаған.

«8936 еңбек бұзылысын анықтадық. Оның 6600-і еңбек саласына, 2094-і еңбек қауіпсіздігіне, 242-сі жұмыспен қамтуға қатысты болды. Жұмыс берушілерге 3741 ұйғарым...

Үкімет 6 жыл бұрынғы қаулысына өзгеріс енгізді/ tipdoma.com

Үкіметтің осыдан 6 жыл бұрынғы «Көмірсутектер саласында екінші санаттағы рұқсаттарды беруге уәкілетті органды және екінші санаттағы рұқсаттарды беруді келісуді жүзеге асыратын мемлекеттік органдарды айқындау туралы» қаулысына өзгеріс енгізілді. Қаулы «Ашық НҚА» порталында жарияланды.

Құжатты Энергетика министрлігі әзірлеген. Үкімет қаулысында: «Кіріспе жаңа редакцияда жазылсын!» – деп нақтыланған.

Үкімет қаулысының жобасына түсіндірме жазбада Экология және табиғи ресурстар министрлігі Су ресурстары және ирригация министрлігін бөлу арқылы қайта құрылғаны, оған су қорын пайдалану, қорғау, сумен жабдықтау, су бұру саласындағы функциялар мен өкілеттіктер берілгені баяндалған.

«Қазақстан Республикасы Экология, геология және табиғи...

«ҚазМұнайГаз» АҚ Маңғыстаудағы «Доңға» кен орны жобасын игеріп жатқан Total E&P Dunga GmbH компаниясының жарғылық капиталындағы 100% акциясын сатып алғанын хабарлады. Нәтижесінде ҚМГ Доңға жер қойнауын пайдалану жобасының 60 пайыз үлесіне иелік ететін болды.

«ҚазМұнайГаз» ҰК АҚ «TotalEnergies EP Danmark A/S» компаниясынан (TotalEnergies еншілес ұйымы) «Total E&P Dunga GmbH» жарғылық капиталындағы 100% акциясын сатып алғаны жөнінде хабарлайды. Осылайша, ҚМГ «Total E&P Dunga GmbH» компаниясы арқылы «Доңға» жер қойнауын пайдалану жобасында 60 пайыз үлесіне иелік етеді. Аталған мәміле бұған дейін ҚМГ мен «TotalEnergies EP Danmark A/S» арасында қабылданған сатып алу-сату келісімшартының аясында жасалды,» – делінген...

Қазақстанда Starlink желісін іске қосу үшін осы бағыттағы заңға өзгеріс енгізу қажет. Бұл туралы Үкіметтегі брифингте Цифрлық даму, инновация және аэроғарыш министрі Бағдат Мусин айтты.

«Қазақстан ғана емес барлық ел байланыс саласын реттеу үшін заңға өзгеріс енгізуге мәжбүр болып отыр. Себебі – Starlink жаңа байланыс технологиясы. Үш жыл бұрын ғана іске қосылған. Оларға біздің елде желіге кіру үшін ел аумағында жабдық орнатып қажеті жоқ. Сондықтан бізге заңды өзгерту қажет», – деді министр.

Ол заң күшіне енбейінше, жеке немесе заңды тұлғалар Starlink желісін ел аумағында жабдықтауға тыйым салынғанын айтты.

«Біз тиісті заң жобасын келесі жылы дайындап береміз...

Фото: kursiv.media

Қазақстан Ұлттық Банкі Ұлттық төлем корпорациясымен бірлесіп, цифрлық теңге енгізу жобасының бірінші кезең қорытындысын жариялады.

Цифрлық теңге деген не?

Цифрлық теңге – ұлттық валютаның үшінші түрі. Қолма-қол ақша секілді, цифрлық теңге де – Ұлттық Банктің міндеттемесі. Сәйкесінше, цифрлық теңге төлем құралы, құн өлшемі және айналым құралы қызметін атқарады.

Цифрлық теңгені POS-терминалдар, QR-код, банктердің мобильді қосымшалары, биометрия сияқты әдеттегі банктік сервистер арқылы қолдануға болады.

Интернет жоқ жерде де цифрлық теңге арқылы қолма-қол ақшасыз төлем жасауға болады.

Цифрлық теңгеге арналған цифрлық карталар екі халықаралық төлем жүйесі – Visa мен Mastercard және екінші деңгейл...

«Қазақстан темір жолы» Ұлттық компаниясы» АҚ басқарма төрағасы Нұрлан Сауранбаев Тынышпаев атындағы Қазақ көлік және коммуникациялар академиясын рейдерлік жолмен тартып алу мәселесі мен ҚТЖ-ның Әлия Назарбаеваға тиесілі компаниямен серіктестігіне қатысты пікір білдірді.

Үкімет отырысынан кейін өткен брифингте журналистер ҚТЖ басшысынан Көлік және коммуникация академиясына қатысты Гүлзана Серікованың президентке үндеуі туралы сұрады.

«Акдемия басшысы осыған дейін президентке үндеу жолдап, онда сіздің және сіздің қызметкерлеріңіздің өзіне қысым көрсетіп жатқаны туралы айтты. Ол сізді рейдерлік жолмен өз бизнесін ьартып алды деп айтаптады. Акдемияны қызыңызға бергелі жатқаныңызды айтты. Бұл оқиғаны бүкіл ел естіді. Бірақ не сіз, не сіздің қызыңыз үндеуге қатысты...

Астана қаласының әкімі Жеңіс Қасымбек қала тұрғындарына тегін автотұрақтарды қайтаруға уәде берді. Алайда тек әлеуметтік нысандардағы тұрақтар ғана тегін болады. Бұл туралы әкім кәсіпкерлермен «Ашық микрофон» форматында өткен жиында мәлімдеді.

Жеңіс Қасымбек қала кәсіпкерлерімен кездесу өткізген. Әкімнің айтуынша, елордада жарты миллион адамды жұмыспен қамтып отырған 230 мыңға жуық шағын және орта бизнес субъектісі бар. Кездесуде кәсіпкерлер әлеуметтік нысандар салу, көлік және инженерлік инфрақұрылымдарды дамыту, ақылы тұрақ орындары, ШОБ үшін жеңілдіктер және т.б. мәселелерді көтерген.

«Тұрақ алаңдарының орындарын қайта қарастырамыз. Әлеуметтік нысандардағы тұрақтар тегін болады», – дейді қала әкімі.

Сонымен қатар келер жылдан...

Kcell немесе Tele2 мобильді операторларының біреуін «Қазақтелеком» ұлттық компаниясының құрамынан шығару рәсімі келесі жылға қалды. Бұл туралы Үкіметте өткен брифингте цифрлық даму, инновациялар және аэроғарыш өнеркәсібі министрі Бағдат Мусин айтты.

«Бұл рәсімге негізінен бір жылдан үш жылға дейін уақыт кетеді. Бірақ «Қазақтелеком» бұл тапсырманы келер жылы орындауы керек деп есептеймін. Себебі тапсырманы премьер-министр беріп, мемлекет басшысының бақылауында екені белгілі»,– деді Мусин.

Ол «Қазақтелеком» активтері сатылмас бұрын, инвесторлар тексеру шараларын жүргізетінін айтты. 

Ол Kcell және Tele2 компанияларының қайсысы ұлттық компания құрамынан шығарылылатынын айтудан бас тартты. Алайда ол екі компанияның да тексеруден өтіп, бағаларды анықтап жатқанын айтты.

«Екеуі де тексеріліп жатыр, біреуі нақты сатылымға шығады. Алайда мен...

Ұлыбритания санкция режимін сақтау мәселесінде Қазақстанмен серіктестік деңгейін оң бағалайды. Бұл туралы Ұлыбританияның өнеркәсіп және экономикалық қауіпсіздік министрі Нусрат Гани айтты.

Интерфакс жазуынша, Британия бірінші кезекте Қазақстанның санкцияларды айналып өту құралы болмауына назар аударып отыр.

«Қазақстанның санкцияларды айналып өту құралы болмайтынына көз жеткізу үшін Қазақстан үкіметімен тығыз жұмыс істейміз. Бүгінгі таңда Қазақстанмен ынтымақтастықтың деңгейі бізді қуантады»,– деді Гани.

Алайда британдық министр санкцияларды айналып өтті деген күдікке ілінген компанияларды атаудан бас тартқан.

«Біз қандай компаниялардың алдағы уақытта санкцияға ұшырайтынын және қазір қандай компаниялармен жұмыс істеп жатқанымыз жайлы ақпарат бермейміз. Ақпарат ресми жария болғанша, бұл туралы айта алмаймыз»,– деп қосты...

Қазақстан +9 кодына өтпейді, +7 кодында қалады. Ал +77 кодын біржола бекітуге Ресеймен келісу керек. Бұл туралы Үкімет кулуарында Цифрлық даму, инновация және аэроғарыш өнеркәсібі министрі Бағдат Мусин айтты.

«+997 коды бізде резерв ретінде сақтаулы тұр. Алайда біздің оған өтуіміз міндетті емес, оған өтпеймізде», – деді Мусин.

Министрдің айтуынша, Қазақстан мен Ресей арасында +7 және +77 кодын қолдану туралы келісім бар. Алайда бұл келісімдегі бір бөлімге министр Мусиннің көңілі толмайды.

«Құжатта кез келген тарап біржақты негізде екінші тарапқа алты ай бұрын ескертіп, +77 кодын ала алады деген пункт бар. Осы...

Таяу Шығыс пен Орталық Азия бойынша Халықаралық валюта қоры директорының орынбасары Николя Бланше 2023 жылы Қазақстанда ЖІӨ-нің өсуі 4,8% болатынын мәлімдеді.

Бұл туралы ол 2023 жылғы IV бап (жыл сайынғы экономикалық шолу) және Қаржы секторын бағалау бағдарламасы (ҚСББ) бойынша консультациялардың алдын ала қорытындыларына арналған брифингте айтты.

«Экономикалық белсенділік тұрғысынан алып қарайтын болсақ, биылғы жылы экономикалық өсу айтарлықтай тұрақты және жоғары болды, яғни келер айдың соңында өсу жалпы жыл бойынша 4,8% болады деп болжап отырмыз. Бұл барлық сектордың, оның ішінде мұнай және мұнай емес сектор жұмысының нәтижесінде қамтамасыз етілді», – деді.

Оның айтуынша, Украинадағы соғыстың әсер...

2023 жылы ҚТЖ түсімі 2 трлн теңгеге жетеді. Бұл жайлы «Қазақстан темір жолы» Ұлттық компаниясы» АҚ басқарма төрағасы Нұрлан Сауранбаев айтты.

«2023 жылы ҚТЖ кірісі шамамен 2 трлн теңге болады деп күтілуде. 2020 жылдан бастап компания тұрақты түрде оң қаржылық нәтижеге ие. 2023 жылдың 10 айында 139 млрд теңге мөлшерінде таза пайда алынды. Соңғы үш жылда Компания өндірістік персоналдың жалақысын көтеруге 241 млрд теңге бөлді. Тек ағымдағы жылдың өзінде өндірістік қызметкерлер жалақысы екі рет көтерілді: қаңтар және наурыз айларында – 5% және 15%-ға өсті»,– деді ҚТЖ басшысы.

Ол сонымен бірге жүк тасымалының артып...

2023 жылы он ай ішінде Цифрлық даму, инновация және аэроғарыш өнеркәсібі министрлігі байланыс желісі белгіленген стандартқа сай болмағаны үшін байланыс операторларына 3 млрд теңге айыппұл салған. Бұл туралы Үкімет кулуарында ведомство басшысы Бағдат Мусин айтты.

Байланыс операторларына биыл салынған айыппұл көлемі былтырғыдан шамамен екі есе көп, биыл – 3 млрд теңге, былтыр – 1 млрд теңге. Цифрлық даму министрінің сөзінше, бұған басты себеп министрліктің тексерісті көбейткені болып отыр. Ол 2020 жылы тек 50 тексеріс болса, биыл оның көлемі 1 мыңға жеткенін айтты. 

Алайда бұл айыппұлдың барлығы тек белгіленген стандартқа сай интернет орнатылмаған кезде ғана салынған. Себебі министрлік тек байланыс сапасына...

Фото: kursiv.media

Jusan Bank-тің еншілес ұйымы – Jusan Invest басқарушы компаниясының басқарма құрамы өзгерді. Бұл туралы Қазақстан қор биржасына жолданған ақпаратта жазылған. Басқарма құрамынан Мейірман Көшербаев шығарылды.

Көшербаевтың жұмыстан босатылу себебі нақтыланбаған. Енді басқарма құрамы үш адамнан тұрады: Тимур Салимов, Дана Оразбаева және Шынар Қасымбаева.

Күздің басында компания директорлар кеңесінің құрамын өзгертті. Қыркүйек айында басшысы Нұрдәулет Айдосов қызметінен кетті. Оның орнына директорлар кеңесінің жаңа төрағасы First Heartland Securities (Jusan Bank негізгі акционері) басқарма басшысының бұрынғы орынбасары Ерке Нүркенов тағайындалды.

Қазан айында директорлар кеңесін KAZ Minerals және Bank RBK-нің негізгі акционерімен аттас Владимир Ким басқаратыны хабарланды.

Jusan Invest...

Биыл электронды форматта көрсетілген қызметтердің үлесі 93%-ға, ал смартфон арқылы алатын электронды қызмет саны 6 есеге артқан. Бұл жайлы Цифрлық даму, инновациялар және аэроғарыш өнеркәсібі министрі Бағдат Мусин айтты. Дегенмен, министрдің бұл есебіне Үкімет басшысы Әлихан Смайыловтың көңілі толмаған секілді. Өйткені ол халыққа қызмет көрсету орталықтарында ұзын-сонар кезек болатынын сынға алды.

«Жалпы, биыл  қызметтердің 93% электрондық түрде көрсетілді. Былтырмен салыстырсақ, тек смартфон арқылы алатын қызметтердің саны биыл 6 есеге өсті. Kaspi, Halyk сияқты танымал қосымшаларда 50-ден астам қызмет көрсетіледі. Олардың саны 33 миллионға жетіп, 3 есе өсті«, – деді министр Үкімет отырысында.

Министр сонымен бірге азаматтарды...

Citi компаниясы кең ауқымды қайта құруды қолға алды. Үндістанның қор нарығы қаржы секторына қойылатын талаптардың қатаюына байланысты құлдырап жатыр, ал Германияда Конституциялық соттың несие қарызын қайта бөлуге тыйым салуына байланысты, бюджет дағдарысы туындар жатыр. Осы және өзге де тақырыптарды әлемдік БАҚ-қа шолудан оқыңыздар.

Citigroup қызметкерлерін жұмыстан шығарып, басшылықты өзгертеді

Citigroup бас директоры Джейн Фрейзер компанияны қайта кұру аясында басшылық құрамды өзгертіп жатыр, деп хабарлайды Reuters. Басылым дереккөзінің хабарлауынша, кадрлық ауыс-түйіс аясында еуропалық бөлім басшысы лауазымына испандық банкир Начо Гутьеррес-Оррантия тағайындалады.

Дегенмен, қайта ұйымдастыру мыңдаған жұмысшының қысқаруына әкеп соғуы мүмкін. Фрейзер қайта реттеуге қатысты соңғы хабар 2024 жылдың басында жарияланатыны...

Freedom Broker Kazakhstan Халық банктің 3 тоқсандағы қаржылық есебінен кейін, оның акцияларын сатып алуды ұсынады.

3-тоқсанда сақтандыру кірісінің төмендеуі салдарынан банктің таза кірісі азайды. Дегенмен жылдық өсімге қарасақ, осы тоқсанда несие портфелі өсуін жалғастырып, оның деңгейі де көтерілген. Сондай-ақ, компания өзі осыған дейін болжаған «700 млрд теңгеден астам пайда табу» деңгейіне жете алады. Алайда табыстың бұдан әрі асы кетуі екіталай.

Үшінші тоқсанда пайыздардан түскен табыс 426 млрд теңгеге жетті. Алдыңғы тоқсанмен салыстырғанда 6,4% өсті. Ал пайыздық шығындар 1% өскен. Басты себеп депозиттер көлемінің 2,5% төмендеуі болып отыр. Комиссиялық кірістер 5%, ал өзге кірістер 14% өскен. Алайда екінші тоқсандағы өсімнен 33% аз, басты себеп сақтандырудан түскен кірістің төмендеуі. Осы кірістерді есептегенде түскен табыс 426 млрд...

Тоқаев ҰҚШҰ сессиясына қатысу үшін Минскіге барады / akorda.kz

Президент Қасым-Жомарт Тоқаев  Минск қаласында өтетін ҰҚШҰ Ұжымдық қауіпсіздік кеңесінің сессиясына қатысады, деп хабарлайды Ақорданың баспасөз қызметі.

«Президент Қасым-Жомарт Тоқаев 23 қарашада Минск қаласында өтетін ҰҚШҰ Ұжымдық қауіпсіздік кеңесінің сессиясына қатысады», –деп жазылған сейсенбі күні таратылған хабарламады.

Ұжымдық қауіпсіздік шарты ұйымына Ресей, Армения, Беларусь, Қазақстан, Қырғызстан және Тәжікстан кіреді.

Ақорданың баспасөз қызметінің ақпараты бойынша,  келесі күні, яғни 24 қараша күні Мемлекет басшысы БҰҰ-ның Орталық Азия елдері экономикаларына арналған арнайы бағдарламасының (СПЕКА) саммитіне қатысу үшін Бакуге жұмыс сапарымен барады. Бұл бағдарламаға қатысушы-елдер: Ауғанстан, Әзербайжан, Қазақстан, Қырғызстан...

18-20 қараша аралығында Қазақстанның кей өңірлерінде қатты дауыл тұрып, аймақ басшылары төтенше жағдай жариялаған. 

Павлодар облысы әкімдігінің хабарлауынша, аймақ басшысы Асайын Байханов сенбіден жексенбіге қараған түні болған дауылдан кейін жиын өткізіп кінәлілерді іздеген. Әкім қала, аудан әкімдері мен бірнеше өңірлік ведомство басшыларына қатаң талаптар қойып, облыстық энергетика және тұрғын үй-коммуналдық шаруашылық басқармасының басшысы Ержан Салхановты қызметінен босатқан. Отырыстан кейін жергілікті деңгейде ТЖ жариялау шешімі қабылданған.

Дауыл салдарынан Баянауыл, Павлодар, Шарбақты, Май, Успен, Аққулы аудандарындағы 83 әлеуметтік нысанның шатырлары ұшып кетті. Олардың ішінде 61 мектеп, 10 аурухана, 9 мәдениет үйі және 3 спорт кешені бар. Сонымен қатар, қатты жел 63 көпқабатты және...

Қосылған құн салығын 16%-ға дейін көтеру инфляцияның жоспарланған дәлізден ауытқуына әкелмейді. Бұл жайлы Қарағандыда өткен дөңгелек үстел барысында ҚР ҰЭМ вице-министрі Азамат Әмрин айтты.

Жиында жаңа Салық кодексі жобасы, оның ішінде ҚҚС мөлшерлемесін 12%-дан 16%-ға дейін көтеру мәселесі талқыланды. Азамат Әмрин қосымша құн салығының артуы көлеңкелі экономиканың деңгейінің өсуіне алып келмейтінін айтты.

«2006 жылы ҚҚС мөлшерлемесі 15% болған кезде ЖІӨ–ге шаққанда көлеңкелі экономиканың деңгейі 19,8%, ал сауда саласындағы көлеңкелі экономиканың мөлшері ЖІӨ-ге шаққанда 2,7%-ды құрады. Кейінгі жылдары ҚҚС мөлшерлемесі кезең-кезеңімен 12%-ға дейін төмендеді. Алайда саудадағы көлеңкелі экономика көлемі жыл сайын артып, 2016 жылы ЖІӨ-де 9,2%-ға...

Қашаған кенішінен мұнай өндіретін компаниялары 5 млрд долларлық экологиялық айыппұлға қатысты дауды шешуге тырысып, Қазақстан үкіметімен келіссөздер бастады, деп хабарлайды Вloomberg.

Наурыз айында ҚР Экология және табиғи ресурстар министрлігі билігі Қашағанды ​​басқаратын NorthCaspian Operating Company жұмысына тексеріс жүргізіп, жобада күкіртті шектен тыс сақтағаны үшін айыппұл салады. Атап айтқанда, Атырау облысының экология департаменті Қашаған операторы «Болашақ» зауытының қоймаларында 1 млн тоннадан астам күкіртті шектен тыс сақтағанын анықтаған. Экологтардың айтуынша, NCOC қоршаған ортаны қорғау жоспарын толық орындамай отыр: ағынды сулар тиісті тазартусыз булану тоғанына жіберіліп, шикі газ экологиялық рұқсатсыз жағылады. Алайда оператор бұл айыптармен келіспей, бұл шешімді сотта даулап, ішінара жеңд...