Жаңалықтар

Қасым-Жомарт Тоқаев жаңа Премьер-Министрді тағайындады. Сондай-ақ жаңа министрлер кабинетінің құрамын бекітті. Жаңа үкіметте 4 министр өз орындарын босатты.

Президент Әкімшілігінің бұрынғы басшысы 43 жастағы Олжас Бектенов Әлихан Смайыловтың орнына премьер-министр болып тағайындалды. Бектеновтің бұрынғы лауазымына Президент басқармаларының экс- басшысы 43 жастағы Айбек Дәдебаев отырды.

Жаңа үкімет жасақталды

ҚР Қаржы министрі Ерұлан Жамаубаев, Денсаулық сақтау министрі Ажар Ғиният, ТЖМ басшысы Сырым Шәріпханов және Ұлттық экономика министрі Әлібек Қуантыров өз қызметтерінен айырылды.

Жаңа Қаржы министрі 45 жастағы Мәди Такиев болды.

Денсаулық сақтау министрлігінің басшысы болып 52 жастағы сенатор Ақмарал Әлназарова тағайындалды.

Ал 40 жастағы Шыңғыс Әрінов Төтенше жағдайлар министр...

Мемлекет басшысының Жарлығымен Шыңғыс Сайранұлы Әрінов Қазақстан Республикасының Төтенше жағдайлар министрі болып тағайындалды.

Шыңғыс Сайранұлы Әрінов әл-Фараби атындағы Қазақ ұлттық университетін халықаралық қатынастар мамандығы бойынша бітірген. Қазақ еңбек және әлеуметтік қатынастар академиясында «Құқықтану», Азаматтық авиация академиясында «Тасымалды, қозғалысты ұйымдастыру және көлікті пайдалану» бойынша білім алған.

2006-2022 жылдары Қазақстан Республикасы Мемлекеттік күзет қызметінің кадрында әртүрлі офицерлік және басшы лауазымдарда қызмет атқарды.

2022 жылы ҚР Президентінің Өкімімен ҚР Мемлекеттік күзет қызметі бастығының орынбасары — Президент күзет қызметінің бастығы болып тағайындалды.

ІІ, ІІІ дәрежелі «Елбасының қауіпсіздігін айбынды атқарғаны үшін» медалімен және «Қазақстан Республикасы Мемлекеттік күзет қызметіне 25 жыл». Сонымен қатар «Қазақстан Тәуелсіздігіне...

Air Astana компаниясы ақпан айының ортасына жоспарланған өз акцияларын бастапқы жария орналастыру (IPO) алдында компанияның қаржылық және өндірістік жағдайы жайлы мәлімдеді. «Курсив» редакциясында тиісті ақпарат бар.

Әуе тасымалдаушысы 2023 жылдың 9 айының қаржылық көрсеткішін келтірген. Осы уақыт аралығында компанияның жалпы түсімі 900,6 млн доллар болды, бұл рекордтық 20,5%-ға өсуді көрсетеді. Сонымен бірге таза пайда өткен жылдың осындай кезеңімен салыстырғанда 18,7%-ға өсіп, 72,4 млн долларды құраған.

Қазіргі уақытта Air Astana – ішкі нарықта 69%, аймақішілік нарықта 40% , Қазақстаннан халықаралық бағыттар бойынша 47% үлеске ие. Бұл Орталық Азия мен Кавказдағы ең ірі авиакомпания болып қалуға зор мүмкіндік береді. Компания...

Мемлекет басшысының Жарлығымен Ақмарал Шәріпбайқызы Әлназарова Қазақстан Республикасының Денсаулық сақтау министрі лауазымына тағайындалды.

Ақмарал Әлназарова 1971 жылы Қызылорда қаласында туған. 

Алматы мемлекеттік медицина институтын (1994) «педиатрия», Қорқыт университетін (2006) «экономист» мамандығы бойынша бітірген. 

Қазақстанда да, шетелде де қосымша оқудан өтті.  

Медицина ғылымдарының докторы (2010)

Қызылорда қалалық балалар ауруханасының қабылдау бөлімінің дәрігері;

Педиатрия және балалар хирургиясы ғылыми орталығының Қызылорда филиалының кіші ғылыми қызметкері (1997-1999);

Бөлім бастығы, облыстық денсаулық сақтау басқармасы бастығының орынбасары (1999-2001);

Қызылорда облыстық балалар ауруханасының бас дәрігері (2001-2003);

Қызылорда облысы Денсаулық сақтау басқармасының бастығы (2003-2004);

ҚР Денсаулық сақтау министрлігі Медициналық қызмет көрсету саласындағы бақылау комитетінің облыстық басқармасының бастығы (2005-2007);

Қызылорда...

Мемлекет басшысының Жарлығымен Нұрлан Серікұлы Байбазаров Қазақстан Республикасы Премьер-Министрінің орынбасары – Ұлттық экономика министрі лауазымына тағайындалды.

Нұрлан Байбазаров 1975 жылғы 10 қазанда дүниеге келген.

Ол Қазақ мемлекеттік басқару академиясын бітірген. 

23 жылдық жұмыс өтілі бар, оның 7 жылы — «Қазақстанның Даму Банкі» АҚ-да басшылық лауазымдарда.

1997-2003 жылдары ҚР Қаржы министрлігінде жұмыс істеді.

2004 жылдан 2011 жылға дейін жобаларға агенттік қызмет көрсету басқармасының бастығы, инвестициялық жобалар жөніндегі басқарушы директор болды. Сонымен қатар корпоративтік даму департаментінің директоры қызметін атқарды. Кейін «Қазақстанның Даму Банкі» АҚ корпоративтік хатшысы лауазымына тағайындалды.

2013 жылдан 2016 жылға дейін ҚР Ұлттық экономика министрлігінің экономика салаларын дамыту департаментін...

Қаржы министрі лауазымына Мәди Такиев тағайындалды / akorda.kz

Мемлекет басшысының Жарлығымен Мәди Төкешұлы Такиев Қазақстан Республикасының Қаржы министрі лауазымына тағайындалды.

Жаңа министр VIII сайланған Қазақстан Республикасы Парламенті Мәжілісінің Қаржы және бюджет комитетінің төрағасы қызметін атқарады.

1978 жылы 1 сәуірде Алматы облысы Балқаш ауданы Бақанас ауылында дүниеге келген.

1998 жылы Қазақ мемлекеттік басқару академиясын «Бухгалтерлік есеп және аудит» мамандығы бойынша бітірген.

2005 жылы Д.Қонаев атындағы гуманитарлық университетін «Құқықтану» мамандығы бойынша бітірген.

2011 жылы Халықаралық бизнес университетінің Іскерлік әкімшілендіру магистрі дипломын алды.

Еңбек жолын 1998 жылы ҚР Ғылым министрлігі – Ғылым Академиясының мемлекет және құқық институтында бас есепшісі болып...

Qazaqstan Investment Corporation компанияның директорлар кеңесінің құрамы өзгертілді. Бұл ақпарат Қазақстан қор биржасының (KASE) сайтында жарияланды.

Директорлар кеңесінің құрамына Үсен Ғалым және Ерлан Аушарипов кірді. Айта кетейік, Үсен Ғалым «Бәйтерек» Ұлттық холдингі басқармасының орынбасары. Сондай-ақ Қазақстанның Даму Банкінің Директорлар кеңесіне кіреді. Ал Ерлан Аушарипов «Даму» Қорының Директорлар кеңесінің құрамына кіреді. Ол өткен жылдың желтоқсан айының соңында Қордың жалғыз акционері «Бәйтерек» холдингінің өкілі болды.

Вячеслав Сон директорлар кеңесінен шығарылды. Ол басқарма орынбасары қызметін атқарады. «Qazaqstan Investment Corporation» жалғыз акционерінің өкілі Әділ Мұхамеджанов өткен жылдың 4 желтоқсанынан бастап өкілеттігінен мерзімінен бұрын айырылды.

«Qazaqstan Investment Corporation» акционерлік қоғамыны...

Astana International Exchange биржасында Polymetal акцияларының саудасы артты/ shutterstock

Astana International Exchange биржасында үшінші ай қатарынан рекордтық көрсеткіш тіркеліп отыр. Оған Polymetal International акцияларының саудасы ықпал етті.

Бұл туралы AIX-тің 2024 жылдың қаңтар айындағы сауда операциялары туралы шолуында жазылған.

«Сауда-саттық көлемі үшінші ай қатарынан рекордтарды жаңартуды жалғастыруда. 2024 жылдың қаңтарында оның көлемі 43 967 805 АҚШ долларына (19 811 860 014 теңге баламасы) жетті», – деп хабарлады Astana International Exchange баспасөз қызметі.

Биржадағы жалпы сауда көлемі осыған дейінгі ең жоғары көрсеткішке жетті. Көрсеткіш 25,5 млн долларды құрады.

2024 жылдың қаңтарындағы жағдай бойынша Polymetal International Қазақстандағы ең белсенді саудаланатын акция...

Air Astana IPO барысында нарықтан $300 млн тартуды жоспарлап отыр. Соның 120 млн доллары әуе компаниясының стратегиялық даму бағдарламасына жұмсалады. Бұл туралы «Самұрық-Қазына» қорының даму және жекешелендіру жөніндегі басқарушы директоры Салтанат Сәтжан Finmentor-ға берген сұхбатында айтты. Сонымен қатар ол KEGOC акциялары неге инвесторлар үмітін ақтамағанын түсіндірді.

«IPO барысында тартылатын қаржыдан 120 млн доллар стратегиялық дамуды қолдауға жұмсалады. Өйткені компания одан әрі өсе береді. Авиациялық парк жаңарады, қосалқы бөлшектер алынады. Оқу-тәжірибелік базасын нығайтады»,– деді Салтанат Сәтжан.

Компания акцияларын жария оналастыру барысында жеке инвесторларға қандай тәуекелі бары аса ашып айтылмайды. Десе де, Қазақстанда...

Бүгін дүйсенбіде Мәжіліс депутаттары Президенттің ұсынысымен жаңа үкімет басшысын сайлады. Жаңа премьер ретінде Олжас Бектеновтің кандидатурасын 69 депутат қолдап жетеуі қалыс қалды. Қалыс қалғандар қатарында ЖСДП мен «Халық» партиясы депутаттарының фракциясы бар.

ЖСДП фракциясы жалпы Бектеновтің кандидатурасына қарсы емесін жеткізді. Олар сыбайлас жемқорлықпен, бюракратиямен күресте жаңа адамның келіп жұмыс істеуіне жалпы оң көзқараста екенін мәлімдеді.

«ЖСДП фракциясы, бір жағынан, алдағы уақытта сыбайлас жемқорлықпен және шектен тыс бюрократизммен күресті күшейтуге қатысты қалыптасып келе жатқан бейтараптықты түсінеді. Президенттік және парламенттік сайлау кезінде біздің ұстанымымыздың бірі сыбайлас жемқорлықпен күрес болды. Сондай-ақ жақында қабылданған, өте маңызды, заңсыз алынған активтерді қайтару туралы...

Жапондық Toyota Motor Corp. компаниясының III тоқсандағы таза табысы 1,9 есеге, кірісті 23%-ға артты. Бұл екі көрсеткіш те нарықтық болжамдардан жоғары, деп жазды компанияның баспасөз қызметі.

Өндіруші ақпаратына сүйенсек, оның соңғы тоқсандағы таза пайдасы өткен қаржы жылының III тоқсанындағы 727,9 млрд иенмен салыстырғанда 1,36 трлн иенді (9,13 млрд доллар) құрады.
Компанияның тоқсан сайынғы кірісі Солтүстік Америка мен Еуропадағы сауда көлемінің өсуіне байланысты жақсарды. Атап айтқанда, бір жыл бұрынғы 9,75 трлн иеннен 12,04 трлн иенге дейін өсті.

Quick сауалнамасына қатысқан сарапшылардың болжамы басқа еді. Олар Toyota-ның таза табысын орта есеппен 11,562 трлн иен, кірісін 1,07 триллион иен деңгейінде болжаған. Осылайша жапондық өндіруші таза...

Швейцариялық ірі банк – UBS Group 2 тоқсан қатарынан таза шығын алды. Оған себеп – 2023 жылы Credit Suisse банкімен бірігуге қомақты шығыс шықты.

Банк 2023 жыл қорытындысы бойынша бір акцияға $0,7 дивиденд төлеуге, сондай-ақ акцияларды сатып алуды жалғастыруға ниетті. UBS дағдарысқа ұшыраған Credit Suisse банкін сатып алуға келіскен кезде қайта сатып алу бағдарламасын тоқтатқан еді.

UBS Credit Suisse-пен заңды түрде бірігіп біткен соң, акцияларын қайта сатып алуды (buyback) жалғастырады. Бұл туралы банктің IV тоқсандағы және жылдық қаржы есебінде жазылған.

2023 жылы UBS Credit Suisse-пен бірікпей тұрып өзінің 1,3 миллиард долларлық акцияларын сатып алған. Банк 2024 жылы құны...

Президент Қасым-Жомарт Тоқаевтың Жарлығымен бекітілетін Ұлттық жоспарға сәйкес қалалар мен елдімекендерді салғанда «smart city» тұжырымдамасы қолданылады. Яғни барлық сала, барлық процесс цифрландырылуға тиіс. Бұл жайлы «Ашық НҚА» порталында жарияланған Ұлттық даму жоспарында айтылған.

«Қазақстанның барлық қаласында Астана мен басқа да елдімекендердің тәжірибесін ескеретін және ресурстарды ұтымды пайдалану мен басқару үшін жоғары технологиялық шешімдерді қолдануды көздейтін ҚР «ақылды қалаларының» эталондық стандарты негізінде «smart city» тұжырымдамасы іске асырылатын болады», – делінген құжатта.

«Smart city» тұжырымдамасына сәйкес цифрлық технологиялар білім беру, көлік және логистика, жол инфрақұрылымы, тұрғын үй-коммуналдық шаруашылық, денсаулық сақтау, қауіпсіздік, әлеуметтік сала, қала...

Ұлттық экономика министрлігі, Өнеркәсіп және энергетика министрлігі, Сауда және интеграция министрлігі және Қаржы министрлігі тиісті құжатты Ашық НҚА сайтында ашық талқыға шығарды.

Жарияланған бұйрықтың басты мақсаты – Қазақстан Республикасының 2021 жылғы 2 қаңтардағы Экологиялық кодексінің 308-баптың 2-тармағының 1-тармақшасына сәйкес, Қазақстан Республикасының 1997 жылғы 30 қазандағы Заңымен қосылған Монреаль хаттамасы бойынша Қазақстан Республикасының міндеттемелерін орындауды қамтамасыз ету.

Құжат 2024-2025 жылдар кезеңінде озон қабатын бұзатын заттарды тұтыну лимиттерін (квоталары) бекітуді көздейді. 2024 жылға 4,5 тонна, 2025 жылға 0 тонна квота белгіленген. Талқылау 2024 жылдың 20 ақпанына дейін жалғасады.

«Цифрлар Еуразиялық экономикалық одағының мүше мемлекеттерге үшінші елдермен...

Қазақстан президенті Қасым-Жомарт Тоқаев Мәжілістің пленарлық отырысына қатысып, депутаттарға жаңа премьер ретінде Олжас Бектеновтің кандидатурасын ұсынды. Мәжілісте 69 депутат Президенттің ұсынысымен келісіп, 7 депутат қалыс қалды.

Алайда президент ұсынған кандидатураны таңдау кезінде Amanat және «Ақжол», Respublika, «Ауыл» партияларының фракциясы шешіммен келісіп, ЖСДП мен Қазақстан халық партияларының фракциясы қалыс қалды.

Осыған дейін Amanat партиясы жаңа премьер-министр ретінде Олжас Бектеновтің кандидатурасын ұсынған еді.

Олжас Бектенов 2023 жылы 3 сәуірден бастап, осы уақытқа дейін Президент әкімшілігінің басшысы қызметін атқарып келген. Ал, Мәжілістің дауыс беру нәтижесімен бірге Ақорда оның қызметінен босатылғаны және жаңа қызметке тағайындалғаны туралы қаулыны жариялады.

Бектенов еңбек жолын...

Жапонияның Қаржы министрлігі G7 елдерінің қолдауымен 20 ақпаннан бастап ресейлік мұнай бағасының шекті деңгейін сақтау шараларын қатаңдатуға ниетті. Бұл туралы Nikkei басылымы хабарлайды.

Басылымның хабарлауынша, бұл шешімді Еуропалық Одақ (ЕО) елдері мен Австралия да қолдаған.

Сақтандыру компаниялары мен тасымалдаушылар ресейлік мұнайға белгіленген баға шектен аспайтынына кепілдік беруі қажет. Бұл кепілдік сақтандыру немесе тасымалдау шартының барлық мерзіміне жарамды. Жапонияның Қаржы министрлігі әрбір жүк тиеу үшін осындай құжатты ұсынуды талап етіп отыр. Осы арқылы бұл ережелерді қатаңдату ұсынылды.

2022 жылдың желтоқсанында G7 елдері, Еуропалық Одақ және Австралия баға шегі туралы келісімге келді. Соған сәйкес халықаралық компаниялар ресейлік мұнайды барреліне 60 доллардан төмен...

Қазақстандағы тұрғын үйлердің 60%-ға жуығы 1991 жылға дейін салынған. Әсіресе, ескі үйлердің үлесі ірі қалаларда көп. Бұл жайлы «Қазақстан Республикасының 2029 жылға дейінгі Ұлттық даму жоспарын бекіту туралы» Президент жарлығының жобасында жазылған. Сонымен бұл мәселені шешу жоспары да ұсынылған.

Жобада ірі қалалардың тез өсіп, 2023 жылы урбанизация деңгейі 62%-ға жеткендігі жазылған.

«2000-2010 жылдар аралығында Қазақстанда қала халқының үлесінің салыстырмалы түрде төмен өсу қарқыны байқалды. Алайда соңғы жылдары урбанизацияның қарқынды өсуі байқалды, 2023 жылға қарай 62% жетті. Бұл ретте мұндай өсу республикалық маңызы бар қалалардың (МБҚ) бақылаусыз өсуімен және басқа қалалардың өсуіндегі теңгерімсіздіктермен қатар жүрді»,– делінген...

«Ашық НҚА» порталында «Қазақстанның 2029 жылға дейінгі Ұлттық даму жоспары» жобасын жарияланды. Жоспар жобасына сүйенсек, ЖІӨ-нің өсу қарқынын 2029 жылға қарай 4 450 млрд дейін жеткізу жоспарлануда. Жан басына шаққандағы ЖІӨ 1,4 есе, ал орташа жалақы 1,9 есе өседі деп болжануда. Kursiv өзгеріс жоспарымен танысып, оны талдап шықты.

2029 жылға қарай металл және басқа да пайдалы қазбаларды өндіру 40% өсуі қажет. Ресурстық базаны дамыту, геологиялық барлауды ынталандыру үшін геологиялық-геофизикалық барлау 2,3 млн шаршы шақырымға кеңейтілмек.

Энергетика

ЖЭК генерациялау жобалары үшін Қазақстанның электр желісіне қосылуға кепілдіктер беру және рұқсаттар алуды жеңілдетіледі. Қазақстанда ЖЭК генерациясының үлесі 4,53% құрайды (гидроэнергияны есептемегенде), ал орташа әлемдік көрсеткіш — 30%. Бағыттың міндеттерін іске...

Қаржы нарығын реттеу және дамыту агенттігі «First Heartland Jusan Bank» Басқарма төрағасының орынбасары – Басқарма мүшесі лауазымына Черенкеевич Сергей Владимировичті бекітуден бас тартты. Ол банкте ақпараттық технологиялар саласына жетекшілік етуге тиіс еді.

«Қазақстан Республикасының Қаржы нарығын реттеу және дамыту агенттігі «First Heartland Jusan Bank» АҚ Басқарма Төрағасының орынбасары – Басқарма мүшесі лауазымына, ақпараттық технологиялар мәселелеріне ғана жетекшілік ететін Черенкеевич Сергей Владимировичтің кандидатурасына келісім беруден бас тартты»,– делінген хабарламада.

LinkedIn желісіндегі профиліне сүйенсек, Сергей Черенкеевич 2013 жылдан АТФБанктің IT департаментін басқарған.

2020 жылдың қараша айында Jusan Bank Ғалымжан Есеновтен АТФБанк акцияларының 99,76%-ын...

Қазақстанның ұлттық валютасы қайта құнсызданып жатыр. АҚШ валютасының 6 ақпандағы ресми бағамы – 453,16 теңге. Бұл 25 қаңтарда тіркелген көрсеткіштен 7,73 теңгеге артық.

Бірінші несие бюросының сарапшылары доллар бағамы өткен айдың басындағы деңгейге қайта оралғанын жазады.

Қажыгерлер мұндай динамикаға Ұлттық Банктің жуырдағы хабарламасы қатты әсер етті деп тұжырымдайды. Онда реттеуші ақпан айында шетел валютасын таза сату көлемі төрт есе, яғни 200 миллион долларға дейін төмендегенін хабарлаған.

Осылайша, теңгенің долларға қатысты нығаю циклі аяқталған. Бұл цикл 2023 жылдың қарашасынан 2024-тің қаңтарына дейін 3 айға созылған еді.

Freedom сарапшылары доллар жаңа өсу үрдісін бастады деп тұжырымдайды. Дегенмен...

ҚМА Еуропа елдеріне заңсыз балық жеткізіп келген компанияны тексеріп жатыр . Бұл жайлы агенттіктің баспасөз қызметі хабарлады.

«Балық өнімінің аса ірі мөлшердегі экономикалық контрабандасы бойынша сотқа дейінгі тергеп-тексеруді ҚМА Алматы облысы бойынша департаменті жүргізіп жатыр»,- делінген баспасөз хабарламасында.

Компания 2022 жылдың шілде айынан 2023 жылдың сәуір айына дейінгі аралықта Еуроодақ елдеріне 1 135 тоннадан аса көксерке сүбесін экспорттаған. Бұл факті Агенттік жүргізген тергеу барысында анықталды.

ЖШС басшысы өнімді шетелге экспорттау барысында жалған құжаттар пайдаланған. Ол құжатта балықтарды «Қырғыз Республикасынан ауланды» деп көрсеткен. Осы мақсатта елімізге сырттан кіргізілгенін растайтын жалған ветеринарлық сертефикат...

Қарашығанақ газ конденсаты кен орнының операторы «Қарашығанақ Петролиум Оперейтинг Б.В.» компаниясы қатты өнеркәсіптік қалдықтарға арналған жаңа полигон салады. Бұл жайлы «Курсивке» берген компания жауабында айтылған.

Компанияның хабарлауынша жоспарланған іс-шаралар негізінде қатты өнеркәсіптік қалдықтар полигонының құрылысы салынып, оған қосымша 16 ұяшық, кіреберіс жолдар, қоршаулар, жаңбыр суы жүйесі мен булану тоғандары орнатылады.

Қарашығанақ газ конденсаты кен орны Батыс Қазақстан облысындағы Ақсай қаласынан солтүстік-батысқа қарай 29 шақырым жерде орналасқан. Компания полигон салуда инфрақұрылымдық және технологиялық процестердің оңтайлығы үшін ыңғайлы орын таңдауға мән берген. Бұл өз кезегінде қолданыстағы полигонды кеңейтуге мүмкіндік береді. Сондықтан да полигон Ақсай қаласынан 18,4 км жерде орналасқан...

Өткен аптаны жақсы көрсеткішпен жапқан АҚШ ​​қор нарықтары дүйсенбі күні біршама төмендеді. Оған еңбек нарығының күшті деректері мен ФРЖ-ның ақша-несие саясатындағы сақтық ұстанымы әсер етті. АҚШ қор нарығындағы Dow Jones индексі 0,71%-ға, S&P 500 индексі 0,32%-ға және Nasdaq Composite – 0,2%-ға төмендеді.

S&P индесіндегі 11 сектордың тоғызы (технология мен денсаулық сақтауды қоспағанда), қызыл түспен жабылды. McDonald’s акциялары өткен тоқсандағы әрқилы көрсеткішінің аясында 3,7%-ға төмендеді. Tesla акциялары өсіп келе жатқан бәсекелестік пен тұрақты баға қысымы жағдайында 3,6% төмендеді.

Еуропа қор нарықтары сауданы теріс нотамен бастады: Stoxx 600 бен DAX 40 индекстері дүйсенбіде 0,1%-ға төмендеді. Сауда деректері Германия экспорты...

Жұмыс орнында болған кез келген жазатайым оқиғалар тергеледі. Жұмыс беруші бір тәулік ішінде жергілікті еңбек инспекциясына жазатайым оқиға жайлы толық ақпарат беруге тиіс. Еңбек қызметіне байланысты жазатайым оқиғалар тіркеу және есепке алуды жүргізу қағидаларын бекіту туралы жоба Ашық НҚА сайтына орналастырылған.

Оған сәйкес, жазатайым оқиға тергеп-тексерілгеннен кейін, жұмыс беруші 3 жұмыс күнінен кешіктірмей еңбек инспекциясына оқиғаға қатысты акт жолдайды. Құжат «Еңбекті қорғау және қауіпсіздік» автоматтандырылған ақпараттық жүйесінде есепке алынады. Еңбек және халықты әлеуметтік қорғау министрлігінің жазатайым оқиғаларды тіркеу мен есепке алуды жүргізу қағидасын бекіту туралы ережеде жазылған.

Бұйрыққа Ееңбек және халықты әлеуметтік қорғау министрі Светлана Жақыпова қол қойған. Онда...