Жаңалықтар

Франция президенті Эммануэль Макрон Қазақстан мен Өзбекстанға барады. Бұл сапар Францияның уран жеткізуді кеңейтуге деген ұмтылысымен байланысты, деп хабарлайды Bloomberg екі дереккөзге сілтеме жасап.

Францияның уранға мұқтаждығы Нигерде энергия ресурстарын өндіруді тоқтатумен байланысты. Өз кезегінде Орталық Азия елдері Ресей мен Қытайдың ықпалын азайту мақсатында ынтымақтастықты кеңейтуге мүдделі.

Нигердегі әскери төңкерістен кейін Франция бұл елде уран өндірісін тоқтатты, деп жазады агенттік. Француздық Orano SA компаниясы қазақстандық «Қазатомөнеркәсіппен» бірлесіп, қазірдің өзінде Қазақстандағы уран кен орындарын игеруде.

Bloomberg ақпарат көздерінің хабарлауынша, Эммануэль Макрон алдағы сапарында осы ынтымақтастықты кеңейту мәселелерін талқылайды. Францияның Қаржы министрлігінің мәліметінше, өткен жылы Қазақстан аталған елге...

HR.Enbek.kz еңбек ресурстары порталында электрондық еңбек шарттарын жасау жөніндегі функционал іске қосылды. Қызметкерлер құжатқа Портал және Enbek HR мобильді қосымшасы арқылы қол қоя алады. Бұл туралы ҚР Еңбек және халықты әлеуметтік қорғау министрлігі хабарлады.

«Бұрын еңбек шарттары қағазда жасалып, олар туралы ақпаратты кадр қызметтері Еңбек шарттарын есепке алудың бірыңғай жүйесіне енгізген. Енді жұмыс берушілерге қажетті мәліметтерді толтыру үшін ыңғайлы конструкторды пайдалана отырып, Порталда, оның ішінде «Еңбек шарттары» бөлімінде құжаттың жобасын жасауға немесе шарттың жеке файлын жүктеп, жұмыскердің жеке кабинетіне қол қоюға  жіберуге мүмкіндік беріледі»-делінген хабарламада.

Жаңа функция Enbek HR мобильді қосымшасында қолжетімді. Қосымшаны...

Polymetal International plc үшінші тоқсанда өндіріс көлемін 12%-ға арттырып, EBITDA көрсеткіштерін 2,2 есе жақсартқан. Бұл жайлы компанияның есебінде жазылған.

Үшінші тоқсанда өндіріс көлемі өткен жылмен салыстырғанда 12%-ға өсіп, 508 мың алтын эквивалентіндегі унцияны құраған. Бұған ресейлік сегменттегі Орал активтерінің яғни Майское және Дукаттағы өнім көлемінің артуы себеп болған.

«Үшінші тоқсанда біз айналым қаражатының маусымдық төмендеуінен және бұрын жинақталған алтын құймаларының қорларын ішінара шығарудан кейін оң ақша ағынына қайта қол жеткіздік. Біз жылдық өндіріс жоспарын орындауға бар күшімізді саламыз және сатылмаған металды өткізуге тырысамыз», – деді компанияның бас директоры Виталий Несис.

2023 жылды...

Nostrum Oil & Gas PLC еншілес ұйымы «Жайықмұнай» ЖШС үшінші тоқсандағы және тоғыз айдағы операциялық нәтижелерін жариялады.

Компания есебіне сәйкес тәуліктік өнім көлемі 10288 ВОЕ (мұнай баррелінің эквиваленті) құрады. Ал 2022 жылдың сәйкес кезеңінде бұл көрсеткіш 13684 ВОЕ болған. Орташа тәуліктік сату көлемі 9 096 ВОЕ болса, өткен жылдың тоғыз айында бұл көлем 12 780 ВОЕ құраған.

Ал 2023 жылдың 29 қыркүйегінде компания «Дала барысы» кен орындарында геологиялық барлау және бағалау жұмыстарының басталғаны туралы хабарлады. Жұмыс барысында үлгілерді алу және кеңейтілген эксплуатациялық сынақтарды жүргізу үшін Тепловское кен орнының екі ұңғымасын қайта іске қосу жоспарланған. Алынған мәліметтер...

Фото: Әлтаевтың жеке парақшасынан

Астанада 2018-2019 жылдар аралығында еңбек және халықты әлеуметтік қорғау вице-министрі болған Нұржан Әлтаевқа қатысты қылмыстық іс бойынша алдын ала сот тыңдауы өтіп жатыр. Істі судья Айжан Құлбаева қарап жатыр.

Оған қылмыстық кодекстің 366-бабының 4-бөлігі – аса ірі мөлшерде ақша түрінде пара алды деген айып тағылған.

Астана қаласының қылмыстық істер жөніндегі мамандандырылған ауданаралық соты таратқан ақпаратқа сәйкес, Нұржан Әлтаев 2018 жылдың ақпанынан 2020 жылдың шілдесіне дейін «Атамекен» ҰКП мүдделері үшін тиімді ресми шешім қабылдауға ықпалдасып, делдал арқылы Абылай Мырзахметовтен пара ретінде жалпы сомасы 50 млн теңгеден астам (115 мың АҚШ доллары және 8 млн 150 мың теңге...

Фото: kursiv.media

Өнеркәсіп және құрылысы министрі Қанат Шарлапав ArcelorMittal Temirtau компаниясының кезінде қаншалықты заңды түрде жекешелендірілгеніне қатысты пікір білдіруден бас тартты.

Оның айтуынша, бұл келісімге қол қойылған 1995 жылдан бері 30 жылға жуық уақыт өткен.

«Сондықтан менің қолымда бұл келісім қалай жүзеге асқаны жайлы нақты ақпарат жоқ», – деді министр.

Дегенмен министрдің айтуынша, акционерлердің арасында бұрынғы Президенттің туыстары мен жақындары жоқ.

«ArcelorMittal-дың бізге берген ақпараты бойынша, олар осы кәсіпорынның 100 пайыз акциясына иелік етеді. Бұл акцияларды еш кедергісіз басқаруға толық құқылы», – деді ол.

Индустрия және инфрақұрылымдық даму бұрынғы вице-министрі Тимур Тоқтабаев 7 жылға бас бостандығынан айырылды, деп хабарлайды Kursiv.media. Тоқтабаев қылмыстық кодекстің 361-бабы 4-бөлігінің 3-тармағы (ауыр салдарға алып келген лауазымдық өкілетін теріс пайдалану) бойынша кінәлі деп танылған.

Ол вице-министр қызметін атқарып жүрген кезінде министрлік атынан тікелей келіссөздер жүргізіп, Қостанай облысындағы кен орнында қатты пайдалы қазбаларды барлауға өзі жетекшілік ететін АҚ-мен келісімшарт жасасқан.

Келісімшарт жер қойнауын пайдалану құқығын одан әрі оның «С.» ЖШС-ға заңсыз беруді көздеген. Бұл ЖШС-да сенімді тұлға арқылы Тоқтабаевтың 20% үлесі болған. Ал аталған кен орнында бұрын никель-кобальт кендерінің өнеркәсіптік қорлары орнатылып, «Г.» ЖШС-мен өндіру бойынша...

Костенко шахтасындағы газ-метан қоспасының жарылуының себептері мен жағдайларын анықтау мақсатында прокуратура қызметкерлері шахтаға түсіп, оқиға орнына тексеру жүргізді. Бұл жайлы Бас прокуратураның баспасөз қызметі хабарлады.

«Ведомствоаралық жедел-тергеу тобы «АрселорМиттал Теміртау» АҚ Костенко атындағы шахтасында болған оқиғаларды тергеуді жалғастыруда. Жергілікті орында үйлестіруді Бас Прокурордың бірінші орынбасары жүзеге асыруда. Газ-метан қоспасының жарылуының себептері мен жағдайларын анықтау мақсатында шахтаға түсу арқылы оқиға орнына алғаш тексеру жүргізілді», делінген баспасөз хабарламасында.

Прокуратураның хабарлауынша сол күнгі ауысым қызметкерлерінен, «АМТ» Көмір департаментінің басшылары мен жауапты қызметкерлерінен жауап алынып бірқатар сот сараптамалары жүргізіліп жатыр. Оның ішінде жарылыс-техникалық, биологиялық, геномдық-молекулалы...

Премьер-министрдің орынбасары Тамара Дүйсенова үкімет отырысынан кейінгі баспасөз мәслихатында «АрселлорМиттал Теміртау» АҚ көмір департаменті бас директорының міндетін атқарушы Вадим Басиннің парақорлыққа қатысы бар, не жоқ екеніне қатысты сұраққа жауап берді.

Тілші: «Кеншілер шахтаға жұмысқа кіру үшін несие алған деген мәлімет бар. Схеманы Вадим Басин ойлап тапқан делінеді. Үкімет тарапынан Антикордың тексеру жүргізуін талап етесіздер ме?» – деп сұрады.

Т. Дүйсенова мәселенің ақ-қарасы үкіметтік комиссияның жұмысынан кейін анықталатынын айтты.

«Еңбек инспекциясы үкіметтік комиссия құрамына кірді. Ол инспекция тәртіп бойынша міндетті түрде жұмыс жүргізеді. Бірақ Вадим Басин туралы ештеңе айта алмаймын. Ол тексеруден кейін белгілі болатын шығар...

Жеке банкроттыққа арыз беруде ең үлкен соманы Атырау қаласының тұрғыны көрсеткен. Оның қарызы арыз бойынша – 8 130 033 900 теңгені құраған. Бұл жайлы қаржы вице-министрі Ержан Біржанов айтты.

Банкроттардың ең көп саны Алматы, Жамбыл облыстарында және Алматы қаласында тіркелген. Алматы облысында – 801 адам, Жамбыл облысына – 677 адам, Алматы қаласына – 606 адам банкрот деп танылған. Ең аз банкроттық СҚО-да – 114 адам және Ұлытау облысында – 41 адам тіркелген.

Банкрот деп танылған 645 азамат АӘК алушылары екен. Олардың берешегі 674 млн теңгені құраған. Сондай-ақ 3 538 азамат 5 жылдан астам төленбеген кредиттер бойынша банкрот деп танылды...

Фото:shutterstock

No code — бизнес-қолданушыларға техникалық білімі бар маман болмаса да, бірде-бір код жазбастан өнім жасап шығаруға мүмкіндік беретін тәсіл. Бұл тақырыпта бұған дейін көлемді сұхбат ұсынған едік. Ал бүгін No code трендтері туралы айтамыз. Бұл бағытта жұмыс істеп жүрген қазақстандық мамандар жұмыс процесін қалай ұйымдастырады? Қандай іліп алар жетістіктері бар?  

Кодсыз бағдарламалау бағытында курс жасап, осы салаға қызығатындардың басын біріктіргендердің бірі — iOs бағдарламалаушы, Booking.com компаниясының Амстердамдағы кеңсесінде істейтін Нәрікби Мақсұт. Өзі бағдарламалаушы болғанымен, техникалық білімі жоқ, бірақ тез арада өнімін жасап, сатуды ойластырып жүргендерге көмек беру үшін арнайы курс дайындап шыққан. Нәрікбидің айтуынша, қоғамда ноу-кодқа сұраныс...

Қазақстан ArcelorMittal Temirtau компаниясын басқару үшін ешқандай шетелдік инвестор тартуды көздеп отырған жоқ. Оған қоса кәсіпорынды мемлекет меншігіне қайтару барысында бюджеттен қаржы алынбайды. Өнеркәсіп және құрылыс министрі Қанат Шарлапаевтың айтуынша, компания қарашаның соңына қарай толық мемлекет меншігіне өтуі тиіс.

«Үкімет ArcelorMittal Temirtau компаниясының меншік құқығы Қазақстан Республикасына өткен соң, ешқандай шетелдік инвестор тартуды көздеп отырған жоқ. Кәсіпорындағы кәсіподақтармен жасалған ұжымдық келісім негізінде қазіргі еңбекақы, қызметкерлердің саны, барлық еңбек жағдайы өзгеріссіз сақталады», – деді Қанат Шарлапаев сейсенбі күні үкімет брифингінде.

Алайда министр «АрселорМиттал Теміртау» бойынша келісім қандай шарттар бойынша жүзеге асып жатқанын нақтыламады. Тек үкімет...

Ел азаматтарында «банкрот болсақ, қарызды жаба салады екен» деген қате түсінік қалыптаспауы керек. Қазақстандағы интернет-алаяқтықтық 65%-ын шетелдіктер жасаған. Премьер-министр Әлихан Смайлов Үкімет отырысында халықтың қаржылық сауатын арттыру туралы мәселе көтерді.
Қазақстандағы бір қарыз алушыға шаққандағы берешектің орташа мөлшері шамамен 1,5 млн, ал проблемалық тұтыну кредиттері бойынша 1 млн теңгені құрайды.
Бірінші қыркүйектегі жағдай бойынша банктердің тұтыну кредиттерінің портфелі 9,2 трлн теңгеден асты.

«Халықтың шамадан тыс кредит алуы үлкен әлеуметтік-экономикалық проблемаға айналып барады. Кейбір азаматтар мерзімі өтіп кеткен кредиттерін жабу үшін одан да жоғары пайызбен жаңа кредит алады. Осылайша шектеусіз кредит алып, қарызға белшесінен бата береді. Ал банк кредит...

Қазақстанда «Қаскелең» тау шаңғысы курорты мен Silk Road Express  турпоезды пайда болады. Бұл жайлы ҚР Туризм және спорт министрі Ермек Маржықпаев айтты.

Биылғы 9 айда елімізде туризмге 404,8 млрд теңге инвестиция тартылған. Бұл өткен жылғы көрсеткіштен 44% пайызға артық. Өңірлер бөлінісінде ең көп өсім Солтүстік Қазақстан (+698%) өңірінде байқалған. Одан кейінгі орында Павлодар (+414%), Ақтөбе (+351%) және Алматы (+341%) облыстары тұр. Ал теріс динамика 5 өңірде тіркелген. Олар – Ұлытау облысы (15%), Маңғыстау облысы (53%), Жамбыл облысы (64%), Қызылорда облысы (67%), Атырау облысы (68%).

«Инвестициялар бойынша жылдық жоспарға қол жеткізуді қамтамасыз ету мақсатында барлы...

Фото: kursiv.media

Былтырдан бері несие жүктемесінің шамадан тыс артып кеткені туралы жиі сөз бола бастады. Жеке тұлға банкроттығы, оның алдындағы халықтың несиесін кешіру, жылдық тиімді сыйақы мөлшерлемесін азайту секілді бастамалардың барлығы дерлік осынау ауыр жүкті жеңілдету жолындағы қадамдар еді. Өткен аптада мәжілісте осы мәселе кеңінен талқыланып, арнайы тыңдау өткізілді.

Мәжіліс төрағасы Ерлан Қошановтың айтуынша, несие алу процедурасының жеңілдігі және қолжетімділігі осындай ауыр салдарға әкеп соқтырып отыр.

«Қазір онлайн несиені тіпті 14-16 жастағы жасөспірімдер де рәсімдей алады. Ол үшін тек смартфон мен интернет болса жеткілікті. Мұндай жаста қаржылық жауапкершілік арқалау қажет пе? Нәтижесінде, ертеңгі күні сол кредитт...

Фото: shutterstock.com

IT саласындағы ТОП-мамандықтарға шолуымызды жалғастырамыз. Бүгін назарыңызға Data Analyst маманның кім екеніне және қандай машықтарға ие болуы керегіне тоқталамыз.

Дата-аналитик деген кім?

Деректерді талдаушы һәм дата-аналитик деген — көлемді деректермен жұмыс істейтін маман. Оны жинаудан бастап, өңдеп, талдау, интерпретация жасау да осы кәсіп иесіне жүктеледі. Нәтижесінде әлдебір қорытынды жасап, бизнеске, ғылыми зерттеулерге, менеджмент не басқа да салаларға пайдасы тиетін шешімдер ұсынады. Әдетте дата-аналитиктер data-driven бағытты ұстанатын компанияларға істейді. Яғни жұмыс барысында шешім қабылдау үшін деректерді қолданатын ұжымның мүшесі. Не үшін деректермен жұмыс маңызды? Өйткені сол арқылы компаниялар дамып, кеңейіп, жақсы беделге ие бола алады. Әр...

Қаржы министрі Ерұлан Жамаубаев үкімет отырысында жеке тұлғаның банкроттығын рәсімдеу үрдісін жеңілдету мәселесін көтерді.

Министр жекелеген борышкерлердің кейбір заңнамалық кедергілердің салдарынан банкроттық рәсімін кеңінен қолдана алмай отырғанын айтты. Осыған орай ол бірқатар жеңілдіктер енгізуді ұсынды.

«Біріншіден, соттан тыс банкроттыққа жататын қаржы ұйымдарының тізбесін кеңейтуді ұсынамыз. Яғни уәкілетті органның лицензияларынан айырылған, оның ішінде таратылған қаржы ұйымдарының міндеттемелерін қосу керек. Екіншіден, азаматтарды соттан тыс банкроттық рәсімін қолдану туралы өтінішке қосымша құжаттар беруден босату қажет. Үшіншіден, төлем қабілеттілігін қалпына келтіру жоспары бекітілгеннен кейін борышкердің шетелге шығуына тыйымды алып тастау мәселесін қарастырған жөн»,- деді министр.

Ол...

Сейсенбі күні Премьер-министр Әлихан Смайыловтың төрағалығымен Үкімет отырысы Костенко шахтасында қаза болған кеншілерді еске алумен басталды. Министрлер кабинетінің басшысы отырысты қазақстандықтардың қабырғасын қайыстырған апат салдарынан опат болған кеншілердің отбасыларына көңіл айтумен бастады. Оның айтуынша, шахтадағы апатқа кәсіпорын басшылығы кінәлі.

«Мемлекет басшысы Костенко шахтасында кеншілердің қаза болуына байланысты тергеу жұмысын жүргізіп, «АрселорМиттал Теміртау» компаниясымен инвестициялық ынтымақтастықты тоқтатуды тапсырды. Осындай апат биыл тамыз айында да болған. Ол кезде 5 шахтер қаза тапты. Көп адам өліміне әкеп соққан апат өндірістегі қауіпсіздік талаптарының сақталмауына тікелей байланысты. Бұл – бірінші кезекте кәсіпорын басшылығының кінәсі», – деді Ә.Смайылов.

Үкімет басшысы «АрселорМиттал...

ТЖМ басшысы сейсенбі күні Үкімет отырысында Костенко атындағы шахтадағы жағдай туралы баяндап, тағы бір кеншінің денесінің бөлшектері табылғанын мәлімдеді. Сырым Шәріпхановтың айтуынша, бұл болжам бойынша табылмаған 46-шы кенші болуы мүмкін.

«Бүгінгі күні іздестіру-құтқару жұмыстары барысында 45 кеншінің денесі және алдын-ала болжам бойынша 46-шы қаза тапқан адамның дене бөлшектері табылды. Қайтыс болған 40 адамның жеке басы анықталды, 6-уы анықталмады. Оларды сәйкестендіру үшін тиісті сараптамалар жүргізіледі», делінген ТЖМ баспасөз қызметі таратқан хабарламада.

Бұған дейін, хабарланғандай іздеу жұмыстары электр энергиясының болмауы, тау-кен қазбаларының ұзындығымен, көптеген бұзылған механизмдерге байланысты күрделенгені хабарланған болатын. Су басқан жекелеген тау-кен қазбаларында...

«Delta Bank» ісіне қатысты Нұрлан Тілеубаев 10 жылға бас бостандығынан айырылды. Бұл жайлы Қаржы мониторингі агенттігінің баспасөз қызметі хабарлады.

«Delta Bank» АҚ ісіне қатысты тергеуді ҚМА жалғастыруда. Forbes журналының нұсқасы бойынша Қазақстандағы ең ықпалды бизнесмендер рейтингіне енген Н.Тілеубаев 2012-2017 жылдар аралығында қайтарылмайтын несиелер беру арқылы Банктен қаражат алып шығарған», делінген хабарламада.

Бұл шығарылған қаражатқа Тілеубаев Қазақстан мен шетелден талай жылжымайтын мүлік сатып алған. Тергеу барысында Нұрлан Тілеубаев пен оның туыстарына тиесілі бұл мүлік анықталып, оған тыйым салу туралы санкция берілген.  

Атап айқанда, кәсіпкердің Чехияның Прага қаласында орналасқан элиталық мейрамханасы, төрт бөлмелі пәтер...

Хедж қорлар уран акцияларындағы үлесін арттырып жатыр. Осыған орай жақында уран бағасы қымбаттауы мүмкін. Бұл жайлы Bloomberg басылымы жазады.

Басылымның хабарлауынша, Шерил Тиан Тонг Ли Terra Capital-дағы Мэтью Лэнгсфорд, Segra Capital-дағы Артур Хайд, Argonaut Capital Partners-тегі Бэрри Норрис пен Anaconda Invest өкілі Рено Салер сияқты бірқатар хедж қор менеджерлері уран акцияларындағы үлесін арттыруды қолға алған. Яғни менеджерлердің болжауынша, жақында уранның бағасы қымбаттайды.

Сиднейлік Terra Capital компаниясындағы жалпы құны 110 млн АҚШ доллары болатын табиғи ресурстар қорының басқарушысы – Лэнгсфорд уран бағасының өсуі акциялардың 50%, 100%, тіпті одан да қымбаттауға алып келуі мүмкін екенін болжайды.

Он жылдан астам уақыт...

Альфа Банктің бұрынғы иесі, миллиардер Алексей Кузьмичев Францияда ұсталды. Кәсіпкер қаржылық қылмыс жасады және санкцияларды бұзды деген күдікке ілінген.

«Францияның қаржы прокуратурасы (Parquet National Financier, PNF) дүйсенбі күні, 30 қазан күні таңертең Альфа Банктің бұрынғы иесі Алексей Кузьмичевті қаржылық қылмыс жасады деген күдікпен, сондай-ақ санкцияларды бұзуы мүмкін деген күдікпен ұстады», деп жазды Monde газеті прокуратураның материалдарына сілтеме жасап.

PNF бұл ақпаратты растаған және кәсіпкердің «Париждегі үйінде» тінту жұмыстары жүргізілгенін хабарлаған.

Өткен жылдың наурызында Алексей Кузьмичев Еуроодақтың санкциясына ұшырады. Еуропа билігі Кузьмичевті «Ресейдегі ең ықпалды адамдардың бірі деп санайды» және оның «Ресей...

Астанаға шетел басшыларының келуіне байлынысты Полиция департаментінің жеке құрамы күшейтілген режимде жұмыс істейді. Бұл жайлы Астана қалалық полиция департаментінің баспасөз қызметі хабарлады.

«Елордада шет мемлекеттердің басшыларының қатысуымен өтетін ірі қоғамдық-саяси іс-шараларға байланысты құқық қорғау мен қауіпсіздіктің тиісті деңгейін қамтамасыз ету мақсатында Полиция департаментінің жеке құрамы өз міндетін күшейтілген режимде атқарады», делінген хабарламада.

Осыған байланысты 31 қазаннан бастап, қаланың периметрі бойынша Қарағанды, Қосшы, Көкшетау, Павлодар қалалары, сондай-ақ Қорғалжын, Астраханка ауылдары бағыттарында және халықаралық әуежайға кіре берісте 7 бақылау-өткізу пункті орнатылады.

Бұл бақылау пункттерінде азматтардың құжаттары, сондай-ақ автокөліктерде тыйым салынған заттардың бар-жоғы тексерілетін болады...

Шетелдіктер 1,5 мыңға жуық банк картасын есірткі саудасы үшін қолданған. Бұл жайлы Ұлттық банк хабаралды.

«Интернет-алаяқтықтың және электрондық құралдарды пайдалана отырып, заңсыз транзакциялардың өсуі аясында шетелдік азаматтардың қатысуымен банкке бармай немесе бір реттік негізде төлем карталарын (дренаждық карталар деп аталатын) шығару схемаларын пайдалану жағдайлары жиілеп кетті. Бұл карталар болашақта есірткі заттарын сату үшін заңсыз мақсаттарда пайдаланылуы мүмкін. Қазіргні уақытта мұндай 1,5 мыңнан шетелдік карта анықталды, айналымы бірнеше миллиард теңгені құрайды», дейді Ұлттық банк өкілі.

Осыған байланысты Ұлттық банк резидент еместердің карточка ашу шарттарын қатайтпақ. Есірткі құралдарының заңсыз таралуымен күресу үшін Қаржы мониторингі агенттіг...