Жаңалықтар

Тимур Құлыбаев «Атамекен» ҰКП төралқа мүшелеріне үндеу жасады. Бұл туралы «Атамекен» Қазақстан Республикасының Ұлттық кәсіпкерлер палатасының баспасөз қызметі хабарлады.

«Құрметті әріптестер!

Мен бүгіннен бастап «Атамекен» Ұлттық кәсіпкерлер палатасы төралқасының сайланған төрағасы өкілеттігін доғаруды ұйғардым.

Съезд делегаттары мен төралқа мүшелеріне маған сенім білдіргені үшін алғыс айтамын. Ұлттық кәсіпкерлер палатасының жоғары бақылау органын сегіз жыл бойы  басқару мен үшін үлкен құрмет пен жауапкершілік болды.

Қатардағы сарапшылардан бастап аудандық филиалдардың басшыларына дейін – «Атамекен» ұжымына бірлескен нәтижелі жұмыс үшін айрықша ризашылығымды білдіремін.

Біздің жұмысымыздың басты қорытындысы – бизнес пен биліктің жолға қойылған сындарлы диалогы, қолайлы бизнес-ахуалды қалыптастыру.

Біздің басымдығымыз әрқашан бизнес құқығын қорғау...

ҚР Ауыл шаруашылығы министрлігі Ветеринария бойынша ұлттық референттік орталығының 2022 жылғы 14 қаңтардағы №1-S22R-38/B-01-02 сынақ хаттамасына сәйкес, Қарағанды облысы Шет ауданының Киікті ауылдық округінің Талдыбұлақ қыстағындағы «Мұрат» ФШ-да ірі қара мал арасында аусыл ауруының қоздырғышы анықталғанын хабарлайды.

Киікті ауылдық округінің әкімі Мерей Смағұловтың шешімімен 2022 жылдың 14 қаңтарында фермерлік шаруашылық аумағында карантин жарияланды.

ҚР Бас мемлекеттік ветеринариялық-санитариялық инспекторы Асқар Жақыпбаевтың шешімі бойынша дезинфекциялау жұмыстарын жүргізу үшін республикалық қордан «Глюзамин ВЕТ» құралы бөлінді.

ҚР Бас мемлекеттік ветеринариялық-санитариялық инспекторының қаулысы негізінде инфекция ошағында мал қан шығарылмай жойылып, кейін ауру және олармен жанасатын жануарларды өртеу жүргізілетін болады.

Жануарлардың өлекселерін өртеу арнайы жабдықталған инсинератор...

Алматы қалалық Полиция департаментінің бастығы Қанат Таймерденов қаладағы оқиға жайында мәлімет берді. Бұл туралы atamekenbusiness_qaz Қазақстандағы алғашқы іскерлік telegram-арна хабарлады.

Мәйітханаға 7 рет шабуыл жасалды, қайтыс болғандардың 41 мәйітін белгісіз адамдар ұрлап әкетті;

полиция департаментінің ғимаратын басып алуға лаңкестер 27 рет әрекет жасады;

5 қаңтар күні таңертең Алматыда қала орталығына бір мезгілде 20 мың адам жиналды;

Алматыда тәртіпсіздіктер барысында лаңкестер 1347 қару ұрлады;

356 көлік зақымданды және жойылды, оның ішінде полицияға тиесілі 163 қызметтік көлік бар;

қарулы қылмыскерлер қала көшелерінде бейберекет оқ жаудырып, кездейсоқ өтіп бара адамдарды, дүкендегі сатып алушылар мен көлікті беруден бас тартқан жүргізушілерді мерт қылды;

...

Елде төтенше жағдай болып жатқан кезде ұрылар банк, супермаркет, электронды тауарлар сататын дүкендерді тонап, шығынға ұшыратты. Қирап, босап қалған сөрелердің суреттері таралғаннан кейін көп ұзамай хабарландыру беруге арналған сервистерде тауарын сатуға қойған қолданушылар да көбейіп кетті. Желіде көпшілігі сол тауарлардың ұрланған болып шығуы мүмкін екенін жарысып жазып жатыр. Осы орайда оқырмандарға ұрланған тауарға ұрынып қалмау жолдарын, оның сізге қандай зияны болуы мүмкін екенін және ондай тауарды сатып алып қойған жағдайда ендігі іс-әрекеттің қандай болғаны жөн екені жөнінде нұсқаулық әзірледік. 

Әлеуметтік желіде таралған бейнероликтерден түрі көрініп қалған ұрлықшылардың суреттері де біртіндеп салынып жатыр. Яғни бақылау бейнекамерасына түсіп қалғандары да, әуесқой түсірілімнен...

Жапондық теннисші Наоми Осака 2021 жылғы ең көп жалақы алатын спортшы әйелдер рейтингінде бірінші орынды иеленді. Бұл туралы Forbes хабарлайды.

Спорт және демеушілік келісімдердің арқасында Осака маусымда өзінің банктік шотына 57,3 миллион доллар қосты, бұл спорт әлеміндегі әйел үшін рекордтық жылдық көрсеткіш.

Forbes-2021 спортшылар тізімінің алғашқы үштігінде тағы екі теннисші бар, олар апалы-сіңлілі. Екінші орында бір жылда 45,9 миллион доллар табыс тапқан Серена Уильямс, үшінші орында Винус Уильямс (11,3 миллион доллар).

Сондай-ақ үздік бестікке спорттық гимнастикадан төрт дүркін Олимпиада чемпионы америкалық Симона Байлз (10,1 миллион доллар) мен теннистің тағы бір өкілі – испаниялық Гарбин Мугуруса (8,8 миллион доллар) енді.

Алматыда тәртіпсіздікке қатысушыларды ұстау жалғасуда: бір тәулікте 2159 адам ұсталды, деп хабарлады қала комендатурасы.

Олардың барлығы заңсыз әрекеттерге, талан-таражға және басқа да қылмыстарға қатысты деген күдікке ілінген.

Қаланың Жетісу және Наурызбай аудандарында жұмыстар жүргізілді. 67 атыс қаруы мен 3112 оқ-дәрі тәркіленді, деп қосты комендатура.

Алматыда төтенше жағдай сақталады – бір күн бұрын облыстардың басым бөлігінде жағдай тұрақтанды деп хабарланғанымен, Алматы, Алматы және Жамбыл облыстарында лаңкестікке қарсы операция жалғасуда.

Қалада сағат 23.00-ден 07.00-ге дейін коменданттық сағат

Қазақстан жүк жөнелтушілері бірқатар төлемдерден, алымдардан және айыппұлдардан босатылды. Бұл туралы  ҚР индустрия және инфрақұрылымдық даму министрлігінің Telegram каналы хабарлады.

«ҚТЖ» ҰК » АҚ Қазақстанның барлық өңірлерінде төтенше жағдай кезеңінде жүк тасымалдаумен байланысты айыппұлдарды, алымдарды және төлемдерді алып тастады. Шешім «Темір жол көлігі туралы» ҚР Заңы аясында, «Атамекен» ҚР Ұлттық кәсіпкерлер палатасының үндеуін ескере отырып қабылданды.
   
Атап айтқанда, мыналар есептелмейді:

– жүк тасымалдау жоспары бойынша өтінімді орындамағаны үшін айыппұл;

– жүк жөнелтушілердің, жүк алушылардың, тармақ иеленушілердің, вагондар (контейнерлер) иелерінің кінәсінен болған, меншікті (жалға алынған) вагондардың бос тұрғаны, магистральдық, станциялық жолдарда контейнерлердің кідіргені үшін төлем.
    
Бұдан басқа...

Ресейлік иммунологтар «омикронның» қауіпті ерекшелігін анықтады. Бұл туралы Covid-19 таралуына жол бермеу жөніндегі ВАК Telegram каналы хабарлады.

Иммун тапшылығы жағдайларын, созылмалы қабыну процестерін және аллергиялық ауруларды емдеу жөніндегі маман Владимир Болибок бұл штамның тасымалдаушысы бір рет түшкіріп, бірден 100-ге жуық адамды жұқтыруы мүмкін екенін айтты.             
...

Премьер-министр Әлихан Смайылов БАӘ-мен ұзақ мерзімді стратегиялық әріптестік құру туралы келісімді ратификациялайтын заң жобасын мәжілістен кері қайтарып алды. 

Қазақстан араб инвесторларымен ынтымақтастық шеңберінде екі ірі су электр станциясы – Өскемен және Шүлбі СЭС-індегі мемлекет үлесінің 74,99 пайызын сатуға ниеттенген еді. Сәйкес қаулы  Ашық НҚА ақпараттық-құқықтық жүйесінің базасында жарияланған болатын. 

Жаңа министрлер кабинетінің өкілдері  әлі заң жобасын кері қайтарып алуға қатысты түсініктеме берген жоқ. Сондықтан, бұл шешімнің шарттарды қайта қарау үшін кейінге қалдырылғаны әлде мүлдем күшін жойғаны туралы дерек жоқ. 

privatization.gosreestr.kz порталының дерегіне сәйкес, ШҚО екі су электр станциясының негізгі мемлекеттік үлесін сату туралы келісім 2022 жылдың 15 наурызына жоспарланған болатын.  

ҚР Мемлекеттік мүлік және...

 Канадада билік вакцинацияланбаған азаматтарға салық салуға ниетті. Жаңашылдықтар Квебек провинциясына әсер етеді. Бұл туралы Covid-19 таралуына жол бермеу жөніндегі ВАК Telegram каналы хабарлады.

«Денсаулық сақтау жарнасы» деп аталатын салықты вакцинациядан бас тартқан адамдар төлеуі керек. Провинция Премьер-Министрінің айтуынша, бұл шаралар «бас тартушылардың” барлық тұрғындар үшін қаржылық ауыртпалық тудыруына байланысты қабылдануда.

Португалияда елге келген кезде коронавирусқа тестілеудің теріс нәтижесі болмаған 2200-ден астам саяхатшыға билік 1-10 қаңтар аралығында айыппұл салды. Аталған саяхатшыларға коронавирусқа тексерудің бастапқы теріс нәтижесінсіз кіруге рұқсат бергені үшін барлығы 41 авиакомпанияға айыппұл салынды. 

Бірқатар елде коронавирусқа шалдыққандардың тәуліктік өсуі бойынша анирекордтар тіркелді: Францияда — 368 149 жағдай, Италияда...

«Аэрофлот» 14 қаңтардан бастап Мәскеу-Алматы-Мәскеу бағытындағы күнделікті тұрақты рейстерді қалпына келтіреді, деп хабарлайды әуе компаниясының сайты.

Ұшу кестесі: SU1946 рейсі Мәскеуден (Шереметьево) сағат 02:35-те ұшады, Алматыға 10:30-да келеді, SU1947 рейсі Алматы әуежайынан сағат 12:00-де ұшып шығады, Мәскеуге (Шереметьево) жергілікті уақыт бойынша сағат 14:00-де келеді.

Әзірге Алматыға рейстер түзетілген кесте бойынша орындалады.

Еске салайық, 10 қаңтарда «Аэрофлот» Нұр-Сұлтанға тұрақты рейстерді қалпына келтірді. 15 қаңтардан бастап Ақтөбеге әуе рейстерін қалпына келтіру жоспарлануда. 16 қаңтардан бастап Қостанайға әуе рейсі ашылды, 17 қаңтардан бастап Қарағандыға рейстер қайта жанданды.

Аэрофлоттың Қазақстанға барлық жолаушылар рейсін тоқтатқаны Алматыдағы тәртіпсіздік пен әуежайды басып алғаннан кейін белгілі болды.

Алдағы уақытта қазақстандық мекемелер АҚШ жеке және заңды тұлғаларының есепшоттары мен қаржы операциялары хабарлауға міндетті. Өз кезегінде Қазақстан да өз азаматтары мен компанияларың АҚШ-тағы есепшоттары туралы ақпарат алып отырады. 

Бүгін мәжілісінің жалпы отырысында депутаттар мақұлдаған «Қазақстан Республикасы Үкіметі мен Америка Құрама Штаттары Үкіметі арасындағы халықаралық салық тәртібін жетілдіру жөніндегі келісімді ратификациялау туралы» заң жобасында осындай норма бар. 

Ұлттық экономика министрі Әлібек Қуантыровтың айтуынша, заңға сәйкес, АҚШ қаржылық ұйымдарымен халықаралық іскерлік операциялары бар барлық шетелдік қаржылық ұйымдар АҚШ салық төлеушілерінің шоттары туралы ақпарат беруге міндетті.

«Заң жобасы қаржылық ұйымдардың, атап айтқанда, кредиттік, сақтандыру, брокерлік және басқа да осындай компаниялардың қызметіне қатысты. Осы режімге қосылмаған жағдайда...

Алматыда өткен тәулікте лаңкестік әрекеттерге, тонауларға және басқа да қылмыстарға қатысқан 1678 адам ұсталды. Бұл туралы қалалық комендатураның ақпараттық орталығы хабарлады.

Комендатурада 36 бірлік атыс қаруы мен 1476 оқ-дәрі тәркіленді. Алатау және Медеу аудандарындағы учаскелер қарақшы топтардан тазартылды.

Сондай-ақ, қала маңында орнатылған бақылау-өткізу бекеттерінде қызығушылық танытқан 38 адам ұсталды. 102 пультіне 881 хабарлама, комендатураның колл-орталығына азаматтардан жедел жауап беру туралы өтінішпен 136 сигнал келіп түсті. Барлық хабарлар өңделді.

Жамбыл облыстық полиция департаменті тәртіпсіздіктерге қатысты деген күдікпен полицияға тәулігіне 288 адам жеткізілгенін, оның ішінде 13 адам ұсталып, уақытша ұстау изоляторына жабылғанын хабарлады.

Өңірде жүргізілген рейдтер барысында 34 қару мен 43 патрон...

Қазақстанда автокөліктерге утиль алымын салу ставкасы қайта қарастырылады. 2016 жылдан бері утиль алымын жинайтын РОП операторының қызметі тоқтатылып, ендігі кезекте аталған іс мемлекет меншігіне өткізілмек. Бұл туралы Мемлекет басшысы Қасым-Жомарт Тоқаев 11 қаңтар күні мәжіліс отырысында мәлімдеді. 

Президент нақты тапсырма берді

Президент Үкіметке РОП операторының утиль алымына иелік етуін тоқтату бойынша іс-шаралар қабылдауды тапсырды.

«Кәсіпкерлерде, жалпы қоғамда «Оператор РОП» деп аталатын компанияның жұмысына қатысты көптеген сұрақ туындап отыр. Тіпті, осы жеке компанияға қарсы қоғамдық қозғалыс та ұйымдастырылды. Үкіметке РОП операторының утиль алымына иелік етуін тоқтату бойынша іс-шаралар қабылдауды тапсырамын. Мұнымен шетелдегідей мемлекеттік ұйым айналасу керек. Ал алымның ставкасын қайта...

Бизнеске келтірілген шығын 103 млдр теңгеден асты. Бұл туралы «Атамекен» Ұлттық кәсіпкерлер палатасы мәлімдеді.

Бизнеске келтірілген шығынға қатысты (12 қаңтар сағат 09.00-дегі жағдай бойынша):

Байланыс орталығына 4 833  қоңырау түсті, соның ішінде: мародерлық мәселелері бойынша – 1988, форс-мажор – 246, блок-бекеттер – 2, зардап шеккен кәсіпкерлерді қолдау қоры бойынша – 17, бизнесті қалпына келтіру және зардап шеккен мүлікті бағалау – 271, жеке тұлғалардан түскен қоңыраулар – 1946.

Елдің 11 өңірінде  1885 нысанда орналасқан 1615 зардап шеккен бизнес субъекті анықталды, соның ішінде Алматы қаласында – 1771 нысанда орналасқан 1506 субъект.

 Зардап шеккен бизнес салалары: сауда – 1482;

 қоғамдық тамақтану – 44;

қаржы секторы...

ҚР Премьер-Министрі Әлихан Смайылов  11 қаңтардың кешінде жаңа министрлерге тапсырма берді. Сонымен қатар ол  ұлттық экономика, энергетика, индустрия және инфрақұрылымдық даму, денсаулық сақтау, ақпарат және қоғамдық даму, мәдениет және спорт, әділет министрліктерінің ұжымдарына жаңа басшыларын таныстырды. 

Премьер-министр баспасөз қызметінің хабарлауынша, ұлттық экономика министрі Әлібек Қуантыровқа  ҰЭМ ел үкіметінің негізгі құрылымы екенін айтып өткен.  

 «Сіздің министрліктің алдында еліміздің әлеуметтік-экономикалық дамуының жаңа саясатын іске асыру бойынша үлкен міндеттер тұр. Мемлекет басшысы экономикалық даму сапасын және азаматтарымыздың әл-ауқатын арттыруға бағытталған терең құрылымдық экономикалық реформалар жүргізу бойынша міндеттер қойды» деді ол.  

Үкімет басшысы энергетика министрі Болат Ақшолақовтың алдына мұнай...

Қазақстан үкіметінің жаңа құрамы бекітілді, деп хабарлайды Ақорданың баспасөз қызметі.

Мемлекет басшысының қаулысымен: 

Роман Васильевич Скляр – Қазақстан Республикасы Премьер-Министрінің бірінші орынбасары; Ералы Лұқпанұлы Тоғжанов – Қазақстан Республикасы Премьер-Министрінің орынбасары; Мұхтар Бескенұлы Тілеуберді – Қазақстан Республикасы Премьер-Министрінің орынбасары – Сыртқы істер министрі; Бақыт Тұрлыханұлы Сұлтанов – Қазақстан Республикасы Премьер-Министрінің орынбасары – Сауда және интеграция министрі; Ғалымжан Тельманұлы Қойшыбаев – Қазақстан Республикасы Премьер-Министрі Кеңсесінің Басшысы; Мұрат Кәрібайұлы Бектанов – Қазақстан Республикасының Қорғаныс министрі; Ерлан Заманбекұлы Тұрғымбаев – Қазақстан Республикасының Ішкі істер министрі; Асқар Қуанышұлы Омаров – Қазақстан Республикасының Ақпарат және қоғамдық даму министрі; Ербол Шырақпайұлы Қарашөкеев – Қазақстан Республикасының Ауыл шаруашылығы министрі; Қанат...

Қазақстан президенті Қасым-Жомарт Тоқаев бүгін парламент мәжілісі отырысында ел үкіметінің жаңа басшысын таныстырды. Бұл қызметке Әлихан Смайылов тағайындалды. 

Ол 1972 жылы Алматы қаласында дүниеге келген.

1994 жылы Әл-Фараби атындағы Қазақ мемлекеттік ұлттық университетін «қолданбалы математика» мамандығы бойынша тәмамдаған. 1996 жылы — ҚР Президенті жанындағы Қазақстан менеджмент, экономика және болжамдау институтының мемлекеттік басқару магистрі дәрежесіне ие болды.

1993–1999 жылдары — «А-Инвест» инвестициялық–жекешелендіру қорының бас маманы; бөлім басшысының орынбасары, ҚР Ұлттық статистика агенттігінің басқарма басшысы; ҚР Статистикалық жоспарлау және реформалар жөніндегі агенттігінің Статистика және талдау комитеті төрағасының орынбасары; бас сарапшы, экономика секторының меңгерушісі, ҚР Президенті Әкімшілігінің мемлекеттік инспекторы болып қызмет атқарған.

Әр жылдары...

Өткен тәулікте Алматыда лаңкестік әрекеттерге, тонаушылыққа және басқа да қылмыстарға қатысты деген күдікпен 1237 адам ұсталды, деп хабарлады қала комендатурасы.

Қаңтардың 11-і күні таңертең Әуезов, Алатау және Медеу аудандарының учаскелері, «Өжет» шағын ауданы, Алматы халықаралық әуежайына іргелес тұрғын үйлер алаптары қарақшы топтардан тазартылды.

31 дана атыс қаруы мен 1428 оқ-дәрі тәркіленді.

Бақылау бекеттерінде жедел қызығушылық танытқан 38 адам ұсталды. 102 панеліне 608 хабарлама түсті. Комендатураның колл-орталығына азаматтардан жедел әрекет етуді талап еткен 253 дабыл түскен. 

Қазақстанда 19 қаңтарға дейін төтенше жағдай жарияланды. Алматыда лаңкестікке қарсы арнайы операция жалғасуда.

Қазақстандық меценат, «ҚазАзот» АҚ басшысы Бахаридин Аблазимов бүлік кезінде зардап шеккен кәсіпкерлерді қолдап, 500 млн теңге көмек көрсетеді. Қаржы кәсіпкерлік субъектілерін қалпына келтіру үшін құрылған «Күшіміз бірлікте» қорына аударылады. Бұл – қорға түсетін алғашқы қомақты қаржы.

Бахаридин Аблазимов қайғылы оқиға кезінде қайтыс болған әскерилер мен отандастарымыздың отбасы мен жақындарына көңіл айтты. 

 «Дүрбелеңнің салдарынан еліміздің азаматтарын жоғалттық. Солардың отбасына шын жүректен көңіл айтамын. Ата-бабамыз жырлағандай, «біріншіден не жаман, іштен шыққан жау жаман» деген. Ауызбен айтса, аузың былғанатын қасіретті, үлкен ауыр күнә. Мемлекетіміздің басшысы Қасым-Жомарт Кемелұлы қабылдаған шараларын халқымыз болып бәріміз қолдап, соның арқасында бірте-бірте бейбітшілік, тұрақтылық орнап келеді», – дед...

10 қаңтар күнгі 09-00-дегі жағдай бойынша жаппай тәртіпсіздіктер кезінде бизнеске келтірілген шығын көлемі 93,7 млрд теңгеден асты, деп хабарлайды inform.kz сайты  «Атамекен» ҰКП баспасөз қызметінк сілтеме жасап.

   «Осы жылдың 10 қаңтары сағат 09.00-дегі жағдай бойынша бизнеске келтірілген шығынға қатысты байланыс орталығына 2774 қоңырау түсті, соның ішінде: мародерлық мәселелері бойынша – 1406, форс-мажор – 39, блок-бекеттер – 2, зардап шеккен кәсіпкерлерді қолдау қоры бойынша – 3, жеке тұлғалардан түскен қоңыраулар – 1324» делінген хабарламада.

Сондай-ақ, Ұлттық кәсіпкерлер палатасы таратқан мәліметке сай, елдің 9 өңірінде 1488 нысанда орналасқан 1 319 зардап шеккен бизнес субъекті анықталды, соның ішінде Алматы...

Қазақстан Республикасы Ұлттық Қауіпсіздік Комитетімен жаппай тәртіпсіздік пен террористік актіге қатысқандарды ұстау және жасалынған қылмыстардың себептерін анықтау бойынша кешенді іс-шара жүзеге асырылып жатыр. Бұл туралы ҚР ҰҚК баспасөз-қызметі хабарлады.

Соның нәтижесінде 2022 жылдың 4 мен 8 қаңтар аралығында Алматы қаласындағы жаппай тәртіпсіздікке қатынасқан 2 экстремистік топ құрықталды.

9-қаңтарда, экстремистік әрекетке алдап-арбау, экстремистік ұйымға басшылық ету және оған қатысу, сондай-ақ жаппай құқыққа қайшы акцияларды жүргізу күдігімен бір ұяшықтың 4 мүшесі ұсталды.

Тұрғылықты мекендерін тексеру барысында атылатын қару, дыбыс-жарық гранаталар, оқ-дәрілер және діни әдебиеттер заттай айғақ ретінде тәркіленді.

Ұйым жетекшісі халықаралық террористік ұйыммен байланысы бар, жаппай тәртіпсіздікке белсенді түрде ат-салысқан шетел азаматы болып...

Алматы қаласы және Маңғыстау облысымен қатар, Алматы облысында да төтенше жағдай жарияланды. Мемлекет басшысы арнайы жарлыққа қол қойды, деп хабарлайды Ақорданың баспасөз қызметі. ТЖ режимі 19 қаңтарға дейін жалғасады. 

Аталмыш облыста да кешке қарай комендаттық сағат енгізіледі. Облыс коменданты болып Алматы облысы полиция департаментінің бастығы Серік Күдебаев тағайындалды. 

Төтенше жағдай кезінде төмендегідей шектеу шаралары күшіне енеді:

1) Қоғамдық тәртіп, мемлекеттік және стратегиялық объектілердің,  халықтың тыныс-тіршілігін қамтамасыз ететін объектілер күзеті күшейтіледі.

2) Алматы облысында жүріп-тұру, көлік құралдары қозғалысы шектеледі.

3) Жеке тұлғалардың құжаттары мен көлігі тексеріледі. 

4) Алматы облысына кіріп-шығу шектеледі.

5) Бейбіт жиын, ойын-сауық, спорттық және басқа да бұқаралық іс-шараларды ұйымдастыруға және өткізуге тыйым...

Еліміздегі әлеуметтік-экономкалық жағдайға қатысты өткен кеңесте газ бен бензин, дизель бағасын мемлекет реттейтіні белгілі болды. Бұл шара 180 күнге енгізіліп отыр.

Ақорда баспасөз қызметінің хабарлауынша, Қасым-Жомарт Тоқаев инфляцияға жол бермеу атқарушы биліктің басты міндеттерінің бірі екенін, бірақ оның орындалмағанын айтып өткен. 

– Бұл ел Үкіметінің келесі құрамының және министрлер кабинетінің жаңа басшысының ең басты  міндеті болады, – деді Президент.

Қасым-Жомарт Тоқаев елімізде қалыптасқан күрделі қоғамдық-саяси және әлеуметтік-экономикалық жағдайға тоқталып, сұйытылған газ бағасының артуына байланысты халықтың наразылығын тудырғаны үшін Үкімет, соның ішінде, Энергетика министрлігі, сондай-ақ «Қазмұнайгаз» бен «Қазақгаз» кәсіпорындары кінәлі екенін айтты.

Сонымен қатар Қасым-Жомарт Тоқаев аталған саланы реформалауға қатысты жүйелі әдіст...