Жаңалықтар

Биыл көктемгі егіс жұмыстарын жүргізуге 413 мың тонна дизель отыны бөлінетін болады. Бұл туралы АШМ баспасөз қызметі хабарлады.

Дизель отынының тапшылығын, сондай-ақ мұнай өңдеу зауыттарының біркелкі жүктемесін болдырмау үшін дизель отынын жеткізу ақпан айынан бастап кесте бойынша біркелкі жүргізіледі.

Энергетика министрлігі ақпан айына дизель отынының кепілдік берілген көлемінің құнын МӨЗ-ден тоннасына 222 мың теңге деңгейінде айқындады. Жеткізу бойынша шығыстарды ескере отырып, қазақстандық шаруалар үшін жанармайдың түпкілікті құны жанармай құю станцияларының нарықтық бағасынан 15-20%-ға арзан болады деп күтіліп отыр.

Дизель отынын жеткізу кезеңінде Ауыл шаруашылығы министрлігі Энергетика министрлігімен бірлесіп, өңірлерге МӨЗ-ден жөнелту кестесінің сақталуына күнделікті мониторинг жүргізетін болады.

2023 жылы облыс...

Иран билігі әйелдердің қоғамдық орындарда хиджаб киюін бақылауға алмақ, деп хабарлайды Хабар 24 тілшісі.

Бұл талаптың орындалуы бейнекамералардың көмегімен бақыланатын болады. Біріншіден, әйелдерге мәтіндік хабарламалар арқылы құқық бұзушылық туралы ескертіледі, ал екінші рет айыппұл салынады.

Ақмолалық зейнеткер шетелдік «нейрохирургке» сеніп, 5 млн теңгесінен айырылды, – деп хабарлайды Polisia.kz.

Өзін Сириялық нейрохирург деп таныстырған алаяқпен хат алмасқан ақмолалық 5 млн теңгесінен айырылды. Зейнеткердің ақшасын жалған БҰҰ өкілдері әскери дәрігердің Қазақстанға ұшуын ұйымдастыру қажет деп алдап иеленген.

Щучинск қаласының 71 жастағы тұрғыны ерекше алаяққа тап болды. 5 ақпан күні зейнеткер жергілікті полиция бөліміне хабарласып, шетелдікпен хат алмасқаннан кейін 4,9 млн теңгесінен айырылғанын айтты. Алты айға жуық уақыт бойы алаяқтар шетелдіктің Қазақстанға кедергісіз ұшып келуі үшін жәбірленушіден әртүрлі себептермен АҚШ доллары түрінде қаражат сұрап отырған. Алаяқтық фактісін полицейлер ҚР ҚК-нің 190-бабы 3-бөлігі (Алаяқтық) бойынша сотқа...

АҚШ-тың азық-түлік өндірушісі Tyson Foods 2023 қаржы жылының бірінші тоқсанында таза кіріс күрт төмендеді.

Есепті кезеңде компанияның таза табысы 316 миллион АҚШ долларын немесе бір акцияға 0,88 долларды құрады. Өткен жылдың сәйкес кезеңіндегі 1,12 миллиард доллар немесе бір акция үшін 3,07 доллар болған.

Өткен тоқсанда сиыр етін сату көлемі 2,9%-ға, тауық еті – 2,5%-ға, дайын өнім – 1,2%-ға өсті. Сонымен бірге шошқа етін сату 7,4% төмендеді.

Американдық Starbucks Corp. 2025 жылдың соңына дейін Қытайдағы кофеханалар санын 9000-ға дейін арттыру жоспарын әлі де ұстануда, деп хабарлайды Синьхуа агенттігі компания басшылығының мәлімдемесіне сілтеме жасап.

Өткен жылдың соңында елдегі кофеханалар саны 6,09 мың болған. Қазан-желтоқсан айларында Starbucks 69 дүкен ашты, оның ішінде 10 жаңа қалада.

Компанияның пайымдауынша, COVID-19 пандемиясынан қалпына келетін Қытай нарығы үлкен тұтынушылық сұранысты тудырады.

Қытайдағы алғашқы Starbucks 1999 жылдың қаңтарында Бейжіңде ашылды.

Соңғы бір жылда Starbucks-тың капиталдандыруы дерлік 10%-ға (120 млрд долларға дейін) өсті, ал Standard & Poor’s 500 қор индексі осы кезеңде 8,1%-ға төмендеді.

2023 жылдың 6 ақпан күні Алматыда «Қазақстан аруы» ұлттық байқауының ұйымдастыру комитетінің баспасөз конференциясы өтті, онда жұртшылықты және шараға қатысқан әрбір адамды толғандыратын маңызды мәселелер мен соңғы жаңалықтар айтылды.

Баспасөз конференциясына байқау президенті Айдай Исаева, жоба директоры Катрин Безверхова және байқаудың PR директоры Кәмшат Әкімқожақызы қатысты.

«Қазақстан Аруы – 2022» атағының иегері Томирис Кәкімова биыл мамыр айында өтетін әлемдік сұлулық байқауына дайындықты бастап кетті. Байқаудың қай күні және қай елде өтетіні әлі белгісіз, ұйымдастыру комитеті байқау ұйымдастырушыларынан нақты ақпарат күтуде.

Томирис Кәкімованы байқауға жіберуді қаржыландыру және демеушілер іздестіру мәселесі талқылануда. Қазақстандағы «Әлем аруы» сұлулық байқауының эксклюзивті лицензиясының иегері ретінде «Қазақстан...

Мемлекет басшысына Агенттіктің былтыр атқарған жұмыстары мен оның тапсырмаларының орындалу барысы жөнінде есеп беріліп, алдағы кезеңге арналған жоспары туралы баяндалды.Бұл туралы Ақорда баспасөз қызметі хабарлады.

Президентке мемлекеттік қызметке кіру ісіндегі артық кедергілерді жою, одан шығу тәртібін жеңілдету үшін жүргізілген жұмыстар туралы мәлімет берілді. Дархан Жазықбаевтың айтуынша, мемлекеттік қызметке іріктеу және қабылдау процесін толық цифрландыру мақсатында «Е-қызмет» жүйесі жаңғыртылды және оның базасында биыл 1 наурыздан бастап жаңа іріктеу жүйесі пилоттық жоба ретінде іске қосылады.

Агенттік төрағасы бюрократиялық кедергілерді азайтуға бағытталған мемлекеттік органдардың қызметін талдау нәтижелері туралы да баяндады. Дархан Жазықбаев Агенттікті толыққанды HR-институтқа айналдыру жөніндегі жоспарлы шараларға арнайы тоқталды.

Бұдан бөлек...

«Қазақстан халқына» қоғамдық қоры ауыр және орфандық сырқаты бар азаматтарды дәрі-дәрмекпен қамтамасыз етуді жалғастыруда. Өткен жылдан бері Қор ауыр, сирек (орфандық) өмірге қауіп төндіретін және созылмалы дерті бар 131 науқасқа (оның ішінде 100-і бала) 15,5 млрд теңгеден астам сома болатын дәрі сатып алды.

Оның ішінде онкологиялық ауруы бар 24 адам жалпы сомасы 2 млрд 271 млн теңгеге «Китруда», «Лорбрена», «Алунбриг», «Рибоциклиб», «Атезолизумаб», «Ленвима», «Кискали», «Карзиба» препараттарымен қамтамасыз етілді. Сондай-ақ «Коселуго» дәрісі бойынша шарт жасалып, 3 балаға жеткізіледі деп күтілуде.

Мысалы, 2 млрд теңгеге нейробластома диагнозы қойылған 13 балаға «Динутуксимаб бета» («Карзиба») дәрісі алынды. Оның ішінде өңірлерден 9 бала Алматы қаласындағы...

Рим Папасы Франциск Ресей президенттері Владимир Путин және Украина және Владимир Зеленскиймен кездесуге әрқашан дайын екенін айтты.

«Мен Украинаның да, Ресейдің де президенттерімен кездесуге әрқашан ашықпын. Егер мен Киевке бармаған болсам, бұл қазіргі уақытта Мәскеуге бару мүмкін болмағандықтан болды», – деді понтифик журналистерге.

Рим-католик шіркеуінің басшысы да әлемдегі басқа да қақтығыстарды тоқтатуға шақырды.

«Сириядағы соғыс жылдар бойы жалғасуда, Йеменде 10 жылдан астам соғыс жүріп жатыр, Мьянмада рохинджалар отандарын тастап кетуге мәжбүр. Соғыс әрқашан өзін-өзі жою болып табылады », – деді Франциск.

«Табиғатты болжап білу мүмкін емес. Сондықтан әрбір азамат Түркияға барған кезде шешімді дербес қабылдауы және барлық сын-қатерді бағалауы тиіс. Тіпті, олар барған күннің өзінде қандай да бір мәселе туындай қалған жағдайда біз шұғыл байланысуымыз, барынша жәрдем бере алуымыз үшін Елшіліктеріміз бен консулдығымыздың дипломаттарының байланыс деректерін алғаны жөн», – деді Сыртқы істер министрлігінің ресми өкілі Айбек Смадияров. Бұл туралы Казақпарат хабарлады

Осыған дейін Түркиядағы алапат жер сілкінісі салдарынан елдің 10 провинциясында көз жұмғандар саны 284 жетіп, зардап шеккендер 2323 жеткені хабарланды.

Қасым-Жомарт Тоқаев Түркия Президентіне көңіл айтты.

Қазақстанның Сыртқы істер министрлігі Түркиядағы жер...

2022 жылғы қаңтар-қарашада Қазақстанда 288,1 мың тонна йодталған тұз өндірілді, бұл 2021 жылдың сәйкес кезеңімен салыстырғанда 55,9%-ға көп.

Өндірістің өсуімен экспорт көлемі де өсті. Мәселен, өткен жылдың 11 айында 248 мың тонна тұз экспортталса, 2021 жылы 136,7 мың тонна тұз сыртқа шығарылған.
Осылайша, өсім 81,4%-ды құрады.

Бұл ретте сырттан 28,8 мың тонна тұз импортталды, бұл 2021 жылдың сәйкес кезеңімен салыстырғанда 0,7%-ға аз. Өзге елден әкелінетін өнімнің үлес салмағы – 9,1%.

2022 жылдың 11 айының қорытындысы бойынша ішкі нарықта йодталған тұздың 68,9 мың тоннасы сатылды.

Жеңілдетілген автонесиелеу бағдарламасы бойынша өтінім берген азаматтар 60 күн ішінде несие мен автокөлік алу жұмыстарын аяқтауға тиіс. Бұл туралы «Өнеркәсіпті дамыту қоры» басқарма төрағасының орынбасары Жанар Ибрашева мәлімдеді.

6 ақпанда платформа іске қосылғаннан кейін 761 қазақстандық өтінім берді.

«Сайтқа бір миллионнан астам пайдаланушы кірді. Оның ішінде 125 мыңнан астам азамат өтінім беруге тырысты. Бағдарлама іске асырылғаннан бастап осы уақытқа дейін жиналған қаражат – 7,6 млрд теңге. Алдын ала 761 адам тіркеледі деп жоспарланды. Осы лимитке жеткен уақытта өтінімді қабылдау автоматты түрде тоқталды», деді Жанар Ибрашева.

Сондай-ақ ол бағдарламаның ұзақмерзімді екенін айтып өтті.

Сауда-саттық қорытындысы бойынша, 3 ақпанда теңгенің нарықтық бағамы бір аптада 0,4%-ға (460,43 теңгеден) нығайып, 1 АҚШ доллары үшін 458,69 теңге деңгейінде қалыптасты, – деп хабарлайды ҚР Ұлттық банкінің баспасөз қызметі.

2023 жылғы  27 қаңтар мен 3 ақпан аралығында сыртқы валюта нарығында бірқатар маңызды оқиға болды. Бірқатар жетекші орталық банктер базалық мөлшерлемені арттыруды жалғастыра түсті: АҚШ ФРЖ мөлшерлемені 4,5-4,75%-ға дейін 25 базистік тармаққа, ЕОБ 2,5-3,25%-ға дейін 50 базистік тармаққа, Англия банкі 4%-ға дейін 50 базистік тармаққа ұлғайтты. АҚШ-тың еңбек нарығы жөніндегі деректер қаңтарда сарапшылардың күткенінен жоғары болды: экономикадағы жұмыс орындарының саны 517 мыңға ұлғайды, жұмыссыздық 3,4%-ға дейін түсті. Бұл...

2022 жылы Әлеуметтік медициналық сақтандыру қорына қазақстандықтардан 24 мың шағым түсті, бұл бір жыл бұрынғы көрсеткіштен 35%-ға көп, деп хабарлады ӘМСҚ баспасөз қызметі.

«Соңғы бір жылда емделушілер қорға 24 000 шағым жолдаған. Өткен кезеңмен салыстырғанда олардың саны 35%-ға (2021 жылы 17,7 мың шағым) өсті», – делінген хабарламада.

Шағымдардың жартысына жуығы Алматы, Астана және Қарағанды ​​облысында екені атап өтіледі.

Премьер-Министрдің орынбасары – сауда және интеграция министрі Серік Жұманғарин бастаған үкіметтік делегация Түркістан облысының Сарыағаш ауданында болып, шаруалармен өңірдегі жылыжай шаруашылықтарын дамытудың жағдайын талқылады,-деп хабалайды аталмыш министрліктің баспасөз қызметі

Түркістан облысы жылыжай көкөнісін өндіру бойынша еліміздің жетекші өңірлерінің бірі. Статистикалық мәліметтерге сәйкес, республика жылыжайларының 67%-ы облысқа тиесілі (жалпы ауданы 844 га жылыжайлар). Белгілі болғандай, қалың қарға төтеп бере алмаған жылыжайлардың 94%-ы шаруалардың өз күшімен салынған жеңіл құрылыстар екен. Жиында шаруалар атап өткендей, қожалықтар шығынын тез өтеу үшін оларды мүмкіндігінше арзан етіп жасайды. Мемлекет тарапынан тұрақты қолдау немесе төмен пайыздық ұзақ несиелер болса, шаруалар жылыжайларды талап етілетін стандарттар мен технологиялар...

Түркияның оңтүстігінде, дүйсенбі таңертең күшті зілзала болған аймақта, екі халықаралық әуежай уақытша рейстер қабылдамайды және жөнелтпейді, деп хабарлады Interfax жергілікті ақпарат құралдарына сілтеме жасап.

Антакья қаласында орналасқан Хатай әуежайының жалғыз ұшу жолағына зілзала кезінде елеулі зақым келген. Сондықтан айлақ жабылды.

Газиантеп провинциясындағы осы аттас әуежайда да азаматтық авиация ұшу сапарлары тоқтады. Ұшу жолағына зақым келгені туралы ақпарат жоқ. Алайда, зілзала кезінде түсіріліп, желіге тараған видеолардан әуежай ғимаратының төбесі опырылып, ғимараттың бір бөлігі ғирап жатқанын көруге болады.

Естеріңізге саламыз, Түркия мен Сирия аймағында болған бірнеше дүркін жер сілкінісінен көптеген ғимарат қирады. Жер асты дүмпуі Ливан, Иордания, Израиль тұрғындарына...

Отбасы банкінің («Бәйтерек» холдингінің еншілес ұйымы) 1 905 484 клиентінің шоттарына демалыс күндері мемлекеттік сыйлықақы түсті. 2022 жылдың қорытындысы бойынша депозиттерге барлығы 75 млрд теңге аударылды.

Отбасы банкінің депозиттік қоры жыл сайын артып келеді, бұл халықтың тұрғын үй құрылыс жинақ жүйесіне деген сенімін көрсетеді. Соңғы 3 жылда ол 1 трлн теңгеден 2,1 трлн теңгеге дейін өсті. Өткен жылдың өзінде банкте рекордтық көлем, 618 мың жаңа депозит ашылды. Қазір банке 2,5 млн жинақ шоттары бар.

Олардың ұлғаюымен төленетін мемлекеттік сыйлықақы мөлшері де артып келеді. Мысалы 2021 жылдың соңында 1,7 млн салымшы жалпы көлемі 61,7 млрд теңге алды. Заңға сәйкес, банк клиенттеріне сыйлықақы...

Екібастұз түрғындары жылу электр орталығындағы апаттан бері екі ай ай өтсе де, пәтеріміз суық деп шағымданып жатыр. Қазақстан Президенті Қасым-Жомарт Тоқаев бұл мәселені шешуді тапсырды, деп хабарлайды Ақорда.

Мемлекет басшысы Премьер-Министрдің бірінші орынбасары Роман Скляр мен Павлодар облысының әкімі Асайын Байхановқа Екібастұз тұрғындарының пәтерлеріндегі температура режимін тұрақтандыруды тапсырды.

Бұл мәселе әлеуметтік нысандарға да қатысты, оны шеші үшін шенеуніктер барлық қажетті шараны қабылдауы қажет.

Одан бөлек, Президент жылыту маусымын және жөндеу, қалпына келтіру жұмыстарының барысын тұрақты бақылауда ұстауға тапсырма берді.

Екібастұз тұрғындары апаттан кейін суып кеткен үйлері жылымай жатқанына көп шағым жазып жатыр.

Айта кетейік...

Әлемнің түкпір-түкпірінде көптеген команиялар қызметкерлерін жаппай қысқарту жүргізіп жатып. Кейбір сарапшылар бұл экономиканың өсімі баяулап жатқанын көрсетеді деп дабыл қақса, кейбірі қызметтен босатылып жаатқан азаматтардың саны алаңдайтындай ауқымды деңгейде емес деген пікірде. «Курсив» батыстың еңбек нарығындағы жағдайды талдап көруге тырысты.  

Электр көлік өндірушісі Rivian Automotive ақпан айында қызметкерлердің 6%-ын босатқысы келетіні туралы жариялады. Тура осындай шараны компания шығындарды азайту аясында өткен жылы шілденің аяғында қолданған еді. АҚШ-тағы көлік өндіруші бұл шешімін елдегі жоғары инфляция және экономикалық жағдайдың қиындауымен байланыстырып отыр.

Қызметкерлерін жұмыстан босатқан компаниялар қатарына жақында Paypal қосылды. Төлем жүйесінің операторы осы айда қызметтен 7% не екі мың адамды...

Өңірлік коммуникациялар алаңында жүрек ауруларының алдын алуға, сонымен қатар, Алматы қаласының кардиологиялық орталығының қызметіне арналған брифинг өтті.

Алматы қалалық кардиология орталығының кардиология бөлімінің меңгерушісі, жоғары санатты дәрігер, м.ғ.к. Жәмилә Алдабекова жыл сайын ҚКО-ның қабылдау бөліміне 12000-нан 15000 науқасқа дейін қаралу мақсатында жүгінеді. 

«Біз шұғыл және жоспарлы медициналық көмек көрсетеміз. Біздің орталықта 265 төсек-орын, Алматы қаласының барлық аудандарының тұрғындарына тегін медициналық көмектің кепілдік берілген көлемі аясында шұғыл мамандандырылған медициналық көмек көрсететін 6 кардиологиялық бөлімше бар», – деді Жәмилә Алдабекова.

 Жедел медициналық көмектің сапасын арттыру үшін барлық бөлімдерде субинтенсивті терапия палаталары ашылған. Бөлімдерде науқастардың тұруына заманауи етіп, өте қолайлы жағдайлар жасалған. Кардиологияда...

Қазақстан президенті Қасым-Жомарт Тоқаев Қазақстан Түркияға жойқын жер сілкінісінен кейін көмек көрсетуге дайын екенін айтты. Мемлекет басшысы Түркия президенті Режеп Тайып Ердоғанға көңіл айтты, деп хабарлайды Ақорда

«Түркия Республикасында болған аса күшті жер сілкінісі салдарынан көптеген адамның қаза тапқаны туралы суыт хабарды зор күйзеліспен қабылдадым. Осындай қиын сәтте жақындарынан айырылған отбасыларға, сондай-ақ бүкіл түрік ағайындарымыздың ауыр қайғыларына ортақтасып, Қазақстан халқының және жеке өзімнің атымнан көңіл айтамын», – деп жазылған жеделхатта.

Жеңілдетілген автонесие алуға ай сайын өтініш беруге болады. Келесі өтінімдер autonesie.kz сайтында  наурыз айында қабылданады, деп хабарлайды Өнеркәсіпті дамыту қоры.

Бүгін автонесиеге өтінім ашылған алғашқы 18 секунд ішінде 761 өтініш келіп түсіп, бірінші минутта сайтқа кірушілер саны 125 000 болған.

Өтінішім қабылдауға лимит біткен кезде, платформа артық өтініш қабылдамаған. Қордың мәліметінше, лимитке жеткеннен кейін өтінім қабылдау автоматты түрде аяқталып, «өтініш беру» функциясы істен шыққан.

«Өтінім беру барысында  кейбір пайдаланушылар көлік өндірушісін таңдай алмады, бұл өтінім лимитіне жетуге байланысты», делінген хабарламада.

Айта кетейік, жеңілдетілген автонесиелеу бағдарламасы бойынша өтінім қабылдауға арнайы платформа іске қосылған.

ҚР Ішкі істер министрлігінің өкілі Шұғыла Тұрлыбек полиция өкіліне пара ұсынудың жазасы қандай екенін түсіндірді, деп хабарлайды ҚазАқпарат.

«Қазіргі уақытта патрульдік полицияның әрбір қызметкері, учаскелік полиция инспекторы, сондай-ақ олардың қызметтік автокөлігі мен үй-жайлары ақпаратты автоматты режимде беретін немесе ден қою үшін жедел басқару орталықтарына түсіретін азаматтармен барлық байланыстардың заманауи фиксаторларымен жабдықталған», – деді ол министрлік брифингісінде.

Оның айтуынша, Ішкі істер министрлігіндегі лауазымды адамға пара берудің аяғы 5 жылға бас бостандығынан айырылуға апаруы мүмкін.

«ІІМ лауазымды адамға пара бергені үшін айыппұл салуды немесе бес жылға дейінгі мерзімге бас бостандығынан айыруды, белгілі бір лауазымдарды атқару немесе белгілі бір қызметпен айналысу құқығынан...

2022 жылы әлемдік ірі автонарықтардағы көлік сатылымы қатты төмендеп кеткен. Ал Қазақстанда керісінше, автокөлік сатылымы өсіп, 123,8 мыңды құраған. Былтыр қаңтар-желтоқан айларында жаңа жеңіл автокөлік пен коммерциялық техника сатылымы бір жылда 5,3% өсім көрсетті деп жазады Energyprom.kz

Былтыр әлемдік автокөлік нарығы жаңа жеңіл автокөлік пен жеңіл коммерциялық техника сатылымы бойынша 2021 жылдың көрсеткіштерін қайталай алмаған.. Былтыр дүние жүзінде дилерлер 81 миллинға жетер-бетпес жаңа көлік сатты. Көрсеткіш 2021 жылғыдан 0,6% аз.

Тіпті автокөлік нарығы мен автокөлік өнеркәсібінің көш басында келе жатқан Қытайда сатылым көлемі бір жылда 4,4% өсіп, 26,6 миллионға жеткенімен, әлемдік көрсеткішті жақсарта алмаған.

АҚШ-та сатылым 7,8% азайып...