Жаңалықтар

Көлік министрлігінің шешімімен «Ақтөбе – Маңғыстау» бағыты бойынша жолаушылар теміржол қатынасы қайта жанданып, пойызға Ұлттық тасымалдаушы қызмет көрсетіп жатыр.

Бұған дейін аталған бағытта жеке тасымалдаушы Otpan Logistik ЖШС жұмыс істеген. Алайда вагондардың техникалық жай-күйіне қатысты жолаушылар шағымдарының көбеюі және жылжымалы құрамды жаңарту міндеттемелерінің орындалмауына байланысты компаниямен жасалған келісімшарт бұзылған.

Қазір жолаушылар тасымалы Ұлттық тасымалдаушы – «Жолаушылар тасымалы» АҚ құрамындағы пойыздармен жүзеге асырылуда. Пойыз отандық өндірісте шығарылған жаңа жолаушылар вагондарымен қамтамасыз етілген. Пойыз құрамында 5 купе және 6 плацкарт вагоны бар. Бір бағыттағы жалпы сыйымдылығы 400-ден астам жолаушы.

Вагондар қауіпсіздік және жайлылық бойынша заманауи талаптарға толық сәйкес келеді. Купе...

Қазақстандық шахматшы Бибісара Асаубаева Дохада өтіп жатқан блицтен Әлем чемпионатында топ жарып, шахматтың осы түрінен үшінші мәрте Әлем чемпионы болды. Бұл туралы Қазақстан Шахмат Федерациясы хабарлады.

Ақпаратқа сүйенсек, Қатар астанасы Дохада өткен блиц бойынша әлем чемпионатында Бибісара финалға шығып, тартысты бәсекеде Анна Музычукты жеңіп, блицтен әлем чемпионы атанған.

Осылайша, 21 жастағы тараздық спортшы блицтен үш дүркін әлем чемпионы атанды. Осыған дейін ол 2021 және 2022 жылдары жеңімпаз болған. 2021 жылы Бибисара рапидте Әлемнің вице-чемпионы болды.

Бұл жеңіс отандасымызға 2026 жылы әлемдік шахмат тәжі үшін өтетін Үміткерлер турниріне қатысуға жолдама береді.

Қазақстан аумағының басым бөлігінде тұрақсыз ауа райы болады, яғни боран, тұман және көктайғақ болжанады. «Қазгидромет» 31 желтоқсанға ауа райы болжамын ұсынды.

«Қазақмыс» мыс өндіруші компаниясының жаңа иесі ресми түрде Qazaq Stroy көп салалы тобы болды, оның бенефициары Нұрлан Артықбаев.

CMN.KZ басылымының хабарлауынша, мәміленің аяқталуы туралы ақпаратты Qazaq Stroy растады.

Құжатқа «Қазақмыс» президенті Владимир Ким мен директорлар кеңесінің төрағасы Эдуард Огайдың бірлескен шешімі бойынша қол қойылды. Нәтижесінде, жоспарланғандай, мәміле жыл соңына дейін аяқталды.

Естеріңізге сала кетейік, 2025 жылғы қарашаның аяғында Qazaq Stroy құрылыс компаниясының қожайыны, кәсіпкер Нұрлан Артықбаевтың «Қазақмысты» сатып алу үшін келіссөз жүргізіп жатқаны хабарланған.

«Қазақмыс» корпорациясының негізгі акционері – Владимир Ким. Ол Kazakhmys Holding Limited компаниясының 70% акциясына ие. Ал Эдуард Огай құнды қағаздардың 30%-ын ұстап отыр. Екеуі холдинг арқылы «Kazakhmys...

Алматы бюджетіне бес жыл ішінде «Сергек» жүйесінің айыппұлдарынан 94 млрд теңге түсті. Бұл туралы Алматы мәслихаты депутаттарының отырысында белгілі болды.

Депутат Алтынай Көбеева жобаның тиімділігін атап өтіп, оның қаладағы жол көлік оқиғасына және қалалық бюджетке қалай әсер еткенін туралы сұрақ қойды.

«Шарттың қолданылу мерзімінің 5 жылы ішінде барлығы өндірілді. 14 миллиард теңге мемлекеттік міндеттемелерді алып тастағанда 5 жыл ішінде 94 миллиард теңге айыппұл өндірілді. Бұл қаржы Алматы қаласының бюджетіне түседі», – деді Қала цифрландыру басқармасы басшысының міндетін атқарушы Мейрам Дүйсеков.

Сондай-ақ, ол мегаполис жолдарындағы жол көлік оқиғасын салдарынан болатын өлім-жітім 30 пайызға төмендегенін, ал ЖКО-ның жалпы...

2026 жылғы 5 қаңтардан бастап Қазақстанда «Халық бухгалтері» акциясы басталады. Ол жеке кәсіпкерлер мен шағын бизнеске арналған және 30 маусымға дейін жалғасады.

Мемлекеттік кірістер комитетінің хабарлауынша, жоба бухгалтерлік есеп, салық және электрондық жүйелермен жұмыс істеу бойынша тегін кеңес береді. Негізгі формат-қалалар мен облыс орталықтарындағы мемлекеттік кірістер басқармаларында күндізгі қабылдау: қаңтар-ақпан айларында олар аптасына үш рет сағат 10:00-ден 13:00-ге дейін, наурыздан бастап екі рет өтеді. Қабылдау орындары «Халық бухгалтері» деген белгілермен көрінеді.

«Астана, Алматы және Шымкентте мүмкіндігінше қаланың барлық аудандарында консультациялар өткізудің жекелеген орындарын анықтау жоспарлануда. Өңірлерде консультациялар аудандық деңгейде, қажет болған жағдайда мамандардың баруымен ұйымдастырылатын...

Ішкі істер министрлігі жаңа жылдық мерекелер кезінде цифрлық қауіпсіздікті сақтау қажеттігі туралы қазақстандықтарға ескертті, деп хабарлайды Polisia.kz.

«Мереке күндері интернет-алаяқтар күшіне енеді. Күмәнді сілтемелерге кірмеңіз, бөгде адамдарға жеке деректерді, банк карталарының деректерін және SMS-хабарламалардың кодтарын бермеңіз», – делінген хабарламада.

Бұған қоса, полиция банктердің, құқық қорғау және мемлекеттік органдардың қызметкерлері құпия ақпаратты қашықтан сұрамайтынын тағы бір мәрте еске салды.

Бұған дейін Kursiv.Media WhatsApp аккаунтыңызды алаяқтардан қалай қорғауға болатыны жайлы егжей-тегжей нұсқаулық жазған.  

2025 жылы 1 желтоқсанда тек бір қазақстандық банк реттеуші белгілеген пруденциялық нормативтерді орындамады. Бұзылған норматив меншікті капиталдың минималды мөлшеріне қатысты. Ұлттық банк дерегіне сүйенсек, бұл жазда ғана микро қаржы ұйымынан банк дәрежесіне көтерілген корейлік BNK Commercial Bank.

Пруденциалдық норматив – дегеніміз қаржы ұйымдарының (капитал, өтімділік, тәуекелдер) негізгі көрсеткіштері, оларды ҚР Қаржы нарығын реттеу және дамыту агенттігі (АРРФР) белгілейді. Оларды сақтау банктердің қаржылық тұрақтылығын қамтамасыз ету үшін қажет.

Ұлттық банктің мәліметінше, еліміздегі 22 банктің тек біреуі ғана пруденциалдық нормативтерді сақтамады. Бұл BNK Commercial Bank, оның капиталы белгіленген минимумға сәйкес келмейді. Айта кетейік, 1 қарашадағы жағдай бойынша BNK Commercial Bank капиталы...

Ауа райының нашарлауына байланысты Астанадан шығатын барлық негізгі трассалар автокөліктің барлық түрлерінің қозғалысы үшін уақытша жабық, деп хабарлайды «ҚазАвтоЖол».

Ақмола облысы

Павлодар облысы

Президент Қасым-Жомарт Тоқаев «Құқық бұзушылық профилактикасы туралы» заңға және заңнамаға ілеспе түзетулерге қол қойды, деп хабарлады Ақорда.

Құжат полицияның қоғамдық көмекшілерінің өкілеттіктерін кеңейтеді. Енді олар құқық қорғау органдарына бұқаралық іс-шаралардағы тәртіпті сақтауға, жоғалған адамдарды іздеуге, оқиға орындарын күзетуге және қылмысты ашуға көмектесе алады.

ІІМ мәліметінше, Қазақстанда 20 мыңнан астам қоғамдық полиция көмекшісі бар. Жаңа заңның қабылдануымен олар одан да көп болады. Егер бүгінде олар тек ішкі істер органдарында болса, енді оларды басқа құқық қорғау органдары да жинай алады.

Заңда ақшалай төлемдерді қоса алғанда, қоғамдық көмекшілерді ынталандыру шаралары да қарастырылған. Марапаттар мен сыйақылар туралы шешімді әкімдіктер қабылдайды.

ІІМ басшысы Ержан Сәденовт...

Астанада 30 желтоқсанда кешке дейін 265 адам жарақат алып, травматологиялық пункттерге жүгінген.

Қаланың денсаулық сақтау басқармасының хабарлауынша, ішінде 185 адам көшеде жүрген кезінде жарақат алған.

Алайда басқарма көктайғақ салдарынан болған жарақаттар бойынша жеке статистика жүргізілмейтінін еске салды. «Көшеде алған жарақат» санатына көшеде болған барлық жағдай кіреді.

Айта кетейік, бұған дейін қаладағы аялдамалардың бірінде ер адам қайтыс болды. Әлеуметтік желіде оның көктайғақта құлап қайтыс болғаны айтылды.

Қасым-Жомарт Тоқаев Ресей президенті Владимир Путинмен телефон арқылы сөйлесті. Ақорданың хабарлауынша, мемлекет басшылары екіжақты ықпалдастықтың қазіргі жай-күйін талқылаған.

Сондай-ақ Қазақстан-Ресей қарым-қатынасы биыл мазмұнды әрі нәтижелі болғанын атап өткен.

«Негізгі жетістіктердің бірі ретінде екі елдің байланысы жан-жақты стратегиялық серіктестік және одақтастық деңгейіне жеткенін айтуға болады. Бұл мемлекеттер арасындағы ынтымақтастықтың маңызды кезеңіне айналды.

Қазақстан президенті Украина қақтығысын реттеу бойынша келіссөз процесінің ілгерілеуін құптап, өзара берік уағдаластыққа қол жеткізуге бағытталған саяси-дипломатиялық тәсілдерді жалғастыру қажет екеніне тоқталды», – деп хабарлады Ақорда.

Сонымен қатар Қасым-Жомарт Тоқаев Ресей Федерациясы президентінің мемлекеттік резиденциясына шабуыл жасау әрекеттерін айыптайтынын жеткізіп, мұны...

«Алматы халықаралық әуежайы» 2022 және 2023 жылдағы таза пайдасынан 26,3 млн долларды жалғыз акционері – «ТАВ Қазақстан» компаниясына дивиденд ретінде төлейді. Жалғыз акционердің шешімі Қаржы есептілігі депозитарийінде жарияланған.

Қабылданған шешімге сәйкес, 2022 жылдың қорытындысы бойынша акционерге 16,04 млн доллар, ал 2023 жыл үшін 10,3 млн доллар есептелген. Бұл сома тиісінше 2022 жылғы таза пайданың 27%-ын және 2023 жылғы таза пайданың 13%-ын құрайды.

Дивиденд Ұлттық банктің ресми бағамы бойынша теңгеде қайта есептеліп төленеді.

Бұл шешім «Алматы халықаралық әуежайы» АҚ-ның аудиттен өткен қаржы есебіне негізделген. Аудит қорытындысына сәйкес, әуежайдың таза пайдасы 2022 жылы 59,4 млн АҚШ...

Бүгін, 30 желтоқсанда Алматы қаласы мәслихатының кезектен тыс XI сессиясы өтті. Сессия барысында «Сергек» жобасы бойынша «Көркем Телеком» компаниясымен серіктестікті тағы бір жылға, яғни 2026 жылдың 31 желтоқсанына дейін ұзарту туралы шешім бірауыздан қабылданды.

Қала цифрландыру басқармасы басшысының міндетін атқарушы Мейрам Дүйсековтің айтуынша, келесі жылы Алматыда қосымша 350 «Сергек» кешені орнатылады. Бұл шығындарды компания өз есебінен көтереді.

Айта кетейік, қазіргі таңда Алматыда 1641 аппараттық-бағдарламалық кешен жұмыс істеп тұр. Бұл – жол белгілері мен тоқтау және тұрақ ережелерін бұзу, бағдаршамның тыйым салатын сигналына өту, автобус жолағымен жүру, жаяу жүргіншіні өткізбеу сынды тәртіпбұзушылықтарды тіркейтін 9000-нан астам жеке камера.

Еске салсақ, Астанада «Сергек...

Абай облысы Үржар ауданына қарасты Бестерек ауылында балаларды қағып кеткен ер адамға сот үкімі шықты.

Оқиға 2025 жылдың 19 тамызында болған. Toyota жүргізушісі көлікті басқара алмай, тұрғын үйдің қоршауына соққан. Сол жерде жүрген алты бала көлік астында қалған. Салдарынан төрт бала қайтыс болды.

2025 жылдың 30 желтоқсанында Абай облысында сот үкімі шықты. Эпилепсиясы бар 55 жастағы ер адам 9 жылға сотталды. Жазасын қауіпсіздігі барынша төмен мекемеде өтейді.

Сотталған балаларынан айырылған екі отбасыға 50 млн теңге төлеуге міндетті.

2026 жылы да бірқатар мемлекеттік бағдарлама жұмысын жалғастырады. Осы ретте krisha.kz сайты келер жылы қандай бағдарламалармен баспана алуға болатынын жазған.

«Наурыз» бағдарламасы

Отбасы банкінің мәліметінше, «Наурыз» бағдарламасы кемінде 2031 жылға дейін жұмыс істейді. 2026 жылы жаңа өтінімдер қабылдау мерзімі әзірге нақтыланбаған, алайда көктемде басталуы мүмкін.

Бағдарлама аясында пайыздық мөлшерлеме – 9%, ал әлеуметтік осал топтағы азаматтар үшін 7% болып белгіленген. Алғашқы жарна таза әрлеудегі пәтер үшін 10%, қара әрлеудегі тұрғын үй үшін 20% болмақ.

Несие сомасының шегі Астана мен Алматыда – 36 млн теңгеге дейін, басқа өңірлерде 30 млн теңгеге дейін. Қарыз...

«Kundelik» ЖШС желіде жеке деректердің таралуы жөніндегі ақпаратқа байланысты мәлімдеме жасады.

Компания мемлекеттік органдар жүргізген тексеру пайдаланушылар үшін елеулі қауіп жоқ екенін растағанын хабарлады.

«Біз Ақпараттық қауіпсіздік комитетінің және ҚР ҰҚК қызметкерлері «Күнделік» ЖШС-ны пайдаланушылардың жеке деректерінің ықтимал таралуы туралы Telegram мессенджерінде таратылған мәлімдемелерге қатысты тексеру жүргізгенін хабарлаймыз. Тексеру нәтижелері бойынша қоғамдық талқылауға түскен ақпарат «Күнделік» жүйесінің 2016 жылғы пайдаланушыларына тиесілі тек тіркеу деректеріне қатысты екені анықталды. Аталған деректер қазір өзектілігін жоғалтқан және пайдаланушыларды сәйкестендіруге мүмкіндік бермейді», – делінген мәлімдемеде.

Атап айтқанда, бүгінде пайдаланушылардың аты-жөні, сыныбы мен мектебі, сондай-ақ парақшаларға сілтемелер жарамсыз әр...

Алматы атмосферасын қорғауды көздейтін жаңа ережеге сай мегаполиске немесе оның жекелеген аумақтарына ақылы кіру туралы тәртіп жоқ. Қалалық мәслихат сессиясында шаһар әкімінің орынбасары Алмасхан Сматлаев осылай деп мәлімдеді.

Оның айтуынша, әзірге ауаны қорғаудың жаңа ережелері енді ұйымдастырылып жатыр.

«2026 жылдан бастап ақылы жүйені енгізу жоспарланбаған, өйткені ол үшін заңнаманы өзгерту қажет. Алдымен жоба сыналады. Оның артық-кем тұстары сараланып, содан кейін ғана әрі қарай дамыту бағыты айқындалады», – деді шенеунік.

Сматлаев қаланың шығыс, батыс және солтүстік бөліктерінде көлікке ауысып міну тораптары салынатынын айтты. Ол жерге жаңа метро желілері мен LRT бағыттары тартылады. Сонымен бірге...

Астанада аялдамада ер адам қайтыс болды. Оқиға А 108 көшесінде болған.

Astanovka98 Telegram арнасының жазуынша, ер адам көктайғақ салдарынан құлап қайтыс болған.

Қаланың денсаулық сақтау басқармасы бұл ақпаратты жоққа шығарды.

«Автобус аялдамасында ес-түссіз жатқан ер адам табылды. Жедел жәрдем ер адамның қайтыс болғанын тіркеді. Мәйіт полиция қызметкерлеріне берілді», – деп хабарлады басқарма.

Тоқаев «Қазақстан Республикасының кейбір заңнамалық актілеріне архив ісі және құқыққа қайшы контенттің таралуын шектеу мәселелері бойынша өзгерістер мен толықтырулар енгізу туралы» заңға қол қойды. Бұл туралы Ақордадан хабарлады.

Құқыққа қайшы контент таралуын шектеу туралы құжат – ең даулы заң жобасы болды. Депутаттар ЛГБТ өкілдерінің семинар, мастер-класс өткізуіне, тікелей эфирге шығуына қарсы болды. Ал олардың қатысуымен түсірілген фильмдер болса, фрагменттерін алып тастайды. Жалпы осы ұғымға сәйкес келетін контентті бұқаралық ақпарат құралдарында, интернетте және телекоммуникация арналарында таралуына тыйым салады.

Егер заң бұзылса, 20 АЕК айыппұл салынады, екінші рет қайталаса он күнге қамалуы мүмкін.

18 желтоқсанда Сенат бұл заңды...

Астана қаласындағы Нұржол бульварында шығармашыл еріктілер құрастырған ерекше арт-нысан – құрақ-көрпе стиліндегі эко-шырша таныстырылды. Бұл туралы елорда әкімдігі хабарлады.

Осыған дейін де қала тұрғындарының ыстық ықыласына бөленген бұл жоба биыл тұрғындардың сұранысы бойынша жаңартылған әрі мазмұны тереңдетілген форматта ұсынылды. Жоба дәстүрлі қолөнерді заманауи креативті индустриямен ұштастырып, өнер, экологиялық сана және әлеуметтік бірліктің бір арнада тоғыса алатынын көрсетті.
Ұйымдастырушылардың айтуынша, бастаманың басты мақсаты – ұлттық құндылықтарды қазіргі қалалық кеңістікке бейімдеу.

«Құрақ-көрпе стиліндегі эко-шырша жобасы қалаға тұрғындардың тікелей сұранысы бойынша қайта оралды. Ол алғаш рет 2020 жылы жүзеге асырылған еді.

Шыршаға арналған барлық тоқыма ойыншықтар балалардан бастап...

Ауа райының қолайсыздығына байланысты жаңа жыл қарсаңында қосымша пойыздар іске қосылады. Бұл туралы «ҚТЖ» хабарлады.

«Қолайсыз ауа райы салдарынан тас жолдарда уақытша қозғалыс шектеулері енгізілуіне байланысты ҚТЖ өңірлер арасындағы көлік қатынасының қолжетімділігін қамтамасыз ету және жолаушыларды тасымалдауды ұйымдастыру мақсатында 13 қала маңындағы пойызды тағайындады, – деп хабарлады ҚТЖ баспасөз қызметі. 

Іске қосылған пойыздар:

Астана – Павлодар бағыты бойынша:

• №7502 Астана – Павлодар

• №6832 Астана – Павлодар

Павлодар – Астана бағыты бойынша:

• №7501 Павлодар – Астана

• №7509 Павлодар – Астана

Астана – Жалтыр / Атбасар бағыты бойынша:

• №6804 Атбасар – Астана

Нұрдәулет Сүйіндіков Активтерді қайтару жөніндегі комитет төрағасы қызметінен босатылды. Бұл туралы Ақорда хабарлады.

«Мемлекет басшысының өкімімен Нұрдәулет Сүйіндіков Бас прокуратураның Активтерді қайтару жөніндегі комитетінің төрағасы лауазымынан босатылды», – делінген ақпаратта.

Нұрдәулет Сүйіндіков бұл қызметке 2023 жылы тағайындалған.

Айта кетейік, заңсыз иемденілген активтерді заңды жолмен қайтаратын арнайы мемлекеттік мекеме 2023 жылы құрылды.

Renault компаниясы Үндістан нарығына арналған жаңа Duster кроссоверінің тизерін ресми түрде жариялады. Көлік 2026 жылдың 26 қаңтарында таныстырылады. Бұл – танымал модельдің үшінші буыны.

Франциялық бренд бұл жолы заманауи дизайн мен жергілікті тұтынушылар талғамына сай бейімдеуге басымдық берген.

2026 жылғы Үндістанға арналған Duster еуропалық нұсқасынан едәуір өзгеше. Оның жарықдиодты күндізгі шамдары өзгерген, ал артқы шамдары тұтас LED жолақпен біріктірілген. Бұл шешім көліктің заманауи келбетін айқындап, бәсекелестер арасында ерекшеленуіне ықпал етеді.

Жаңа Duster бұрын дәлелденген платформа негізінде жасалғанымен, стиль тұрғысынан жаңартылып, техникалық жағынан да жетілдірілуі мүмкін. Қозғалтқыштар, трансмиссия және жабдықталуы туралы нақты мәліметтер көліктің таныстырылымына жақын кезде белгіл...