Жаңалықтар

Әйелдердің зейнетке шығу жасы біртіндеп ұлғаяды. Бұл туралы Бірыңғай жинақтаушы зейнетақы қорының баспасөз қызметі хабарлады.

Дегенмен, 2026 жылы зейнетке шығу ережесі өзгеріссіз қалатыны белгілі болды. Ерлер 63 жасында, әйелдер 61 жасында зейнетақыға шыға алады.

БЖЗҚ ақпаратына қарағанда, әйелдердің зейнетке шығу жасы ақырындап ұлғая береді. 2031 жылға қарай нәзік жандылар да 63 жастан шығатын болады.

«Зейнет жасы – көптеген елдерде талқыланатын маңызды тақырып. Қазақстан да бұл мәселеден тыс емес. Әлемдік экономикалық және демографиялық өзгерістер жағдайында зейнет жасын арттыру халықаралық тәжірибеге айналып келеді. Халықтың өмір сүру ұзақтығының артуы мен қарттардың көбеюі жұмыс істейтін азаматтарға түсетін салмақты арттырады...

Алматыда алдағы жылдары қалада жаңа кітапханалар, мұражайлар мен театрлар ашылып, тарихи нысандар қайта жаңғыртылып, заманауи мәдени кеңістіктер құрылмақ. Бұл туралы Алматы қаласы әкімінің орынбасары Азамат Қалдыбеков Өңірлік коммуникациялар қызметінде өткен баспасөз конференциясында мәлімдеді.

«Мәдениет – бұл қаланың келбеті. Алматы әрдайым шығармашыл адамдарды біріктіретін рухани орталық болып келді және қаладағы әр аудан осы мәдени энергияны сезінетіндей жағдай жасау бағытында жұмыс жүргізіп жатырмыз», – деді Азамат Қалдыбеков.

Бүгінде Алматыда театрлар мен мұражайлардан бастап галереялар мен кітапханаларға дейін 100-ден астам мәдениет мекемесі жұмыс істейді. Жыл сайын оларды миллиондаған тұрғын мен қала қонақтары тамашалайды. Ал алдағы жылдары бұл...

ҚР Еңбек және халықты әлеуметтік қорғау вице-министрі Асқарбек Ертаев отбасылық ай сайынғы шығыны 500–600 мың теңге көлемінде болатынын айтты.

Вице-министр отбасында төрт бала бар екенін, оның екеуі қазірдің өзінде жұмыс істейтінін айтты.

«Жұбайым жұмыс істемейді, себебі кенже ұлым балабақшаға барып жүр, жасы – 3-те. Орта есеппен 500–600 мың теңгеге дейін жұмсаймыз. Бұл – балабақшадағы оқу ақысы, өздеріңіз білесіздер, еліміздегі балабақша бағаларын. Қызым түрлі үйірмелерге барады, отбасы қажеттіліктерін ескере отырып, айына шамамен 600 мың теңге жұмсаймыз», – деді вице-министр.

Ертаев өзінің жалақысы туралы ақпаратты құпия деп санап, ашып айтудан бас тартты. Сонымен қатар ол елдег...

2025 жылдың 1 қыркүйегіндегі жағдай бойынша Қазақстан қор нарығының жалпы капитализациясы 39,6 трлн теңге болды. Бұл тамыз айындағы өсімге қарағанда 5,1 % артық, ал жылдың басынан бері көрсеткіш 20,4 % өскен. Бұл туралы Қаржы нарығын реттеу және дамыту агенттігі хабарлады.

Нарықтағы өсімге негізінен Kaspi.kz (+6,6 %), Қазатомөнеркәсіп (+8,7 %) және ForteBank (+15,5 %) акцияларының қымбаттауы әсер етті.

Индекс және сауда көлемі

KASE индексі тамыз айында 9 % өсіп, 6 993,05 пунктке жетті. Жыл басынан бері индекс 25,4 % өсім көрсетті.

Сонымен қатар акциялармен сауда көлемі бір айда 12,2 % төмендеп, 24,8 млрд теңге болды. Сауда белсенділігін...

Израиль мен Газа секторының тұрғындары атысты доғарып, тұтқын алмасу туралы келісім жасалғанын тойлай бастады. Кепілге алынғандар үш күннің ішінде босатылады. Бұл туралы Reuters жазды.

Израиль шабуылынан 2 миллионнан астам адамы босқынға ұшыраған Газа секторында жастар қираған көшелерге шығып, бейбіт келісімге қол соқты. Дегенмен анклавтің кейбір аудандарында израиль соққылары әлі де естіліп жатты.

«Атыс тоқтағанына мың да бір шүкір. Қантөгіс пен кісі өлтіру аяқталды. Мен ғана емес, Газа секторының бүкіл халқы, арабтар, бүкіл әлем қуанды», – дейді Газа тұрғыны Абдул Мәжид Әбд Раббо.

Бұл уақытта Тель-Авивте туыстары кепілде отырған адамдар алаңға жиналып, тойлатты. Олардың арасында...

Алматы қаласының Бағанашыл шағынауданында орналасқан №2 Балаларды қолдау орталығының ғимаратына толық қайта жаңғырту жұмыстары жүргізіледі.

Жөндеу кезінде орталықтың тәрбиеленушілері уақытша №1 мектеп-интернатына орналастырылады. Бұл туралы Алматы қаласы әкімінің орынбасары Азамат Қалдыбеков Өңірлік коммуникациялар қызметінде өткен баспасөз мәслихатында мәлімдеді.

Қазіргі уақытта орталықта 100 бала тәрбиеленіп жатыр, оның ішінде 13-і мектепке дейінгі, ал 87-сі мектеп жасындағы балалар. Бұған дейін кейбір ақпарат құралдарында тәрбиеленушілерді басқа облысқа көшіру мәселесі көтерілген еді. Алайда әкімдік бұл ақпаратты жоққа шығарып, барлық балалар Алматы қаласында қалатынын ресми түрде растады.

Азамат Қалдыбековтың айтуынша, Президенттің тапсырмасы аясында ғимарат толық жаңартылып, балаларға қолайлы жаңа жағдай жасалады.

2026 жылы азаматтық мемлекеттік қызметкерлер үшін ең төменгі жалақы 99 мың теңгеге дейін өсуі мүмкін. Бұл туралы Еңбек және халықты әлеуметтік қорғау бірінші вице-министрі Асқарбек Ертаев мәлімдеді.

Вице-министрдің айтуынша, медианды жалақы мен еңбек өнімділігінің көрсеткіші жыл сайын артып келеді.

«Сол себепті ең төменгі жалақыны 85 мыңнан жоғары өсіруге мүмкіндік бар. Осы жылы бюджетте бұл мәселені қарастырмадық, дегенмен азаматтық қызметкерлеріне ең төменгі жалақыны 99 мың деп көрсетіп қойдық. 2026-2028 жылғы республикалық бюджет жобасында азаматтық қызметкерлердің ЕТЖ-сын 99 мың көрсеткіш қылып енгіздік. Бұл көрсеткішті барлық министрдің қарауына енгіземіз. Әдістеме бар, конвенцияның ратификациясын жасадық. Менің ойымша е...

Financial Times басылымының туризм туралы жазатын журналисі Эрик Кендалл Қазақстанға сапары туралы көлемді мақала жариялады. Шетел турисін Шымбұлақтағы мейрамханалардың қымбат бағасы шошытты.

Журналист Алтай мен Алатауда шаңғы теуіп, Риддер мен Алматы қалаларының тыныс-тіршілігімен танысқан.

Риддер туралы

Кендалл Қазақстанның шығысындағы Риддер қаласында сегіз күн болды. Сырт көз мұнда адамдарды тауға алып шығатын арнайы техника жоқ екенін, жоғарыға ратрактармен, шаңғымен көтерілуі тура келетінін айтып өтті.

Ол қала орталығында бұрынғы совет заманынан қалған көп қабатты үйге тоқтағанын жазып, өте көне жылыту жүйесінің әлі күнге дейін жұмыс істеп тұрғанына таңқалған.

Одан әрі турист бірнеше күнді Ресей шекарасынан біршама шақырым жерде орналасқан...

Шетелде 126 мыңға жуық қазақстандық азамат еңбек етіп жүр. Оның ішінде 102 мыңы Ресейде, 15 мыңы Оңтүстік Кореяда, 2 мыңы Ұлыбритания және Еуропалық одақ елдерінде жұмыс істейді. Бұл туралы Еңбек және халықты әлеуметтік қорғау бірінші вице-министрі Асқарбек Ертаев айтты.

Бірақ бұл елдердің барлығымен бірдей еңбек саласында келісімдер жасалмаған.

«Мысалы, ЕуроОдақ елдерімен мұндай келісім әзірге жоқ, бірақ көші-қон саясатының тұжырымдамасы аясында оны бекіту жоспарда бар. Онда еңбек қатынастарында қандай да бір мәселе туындаса, қалай әрекет ету керек, қандай шара қабылданатыны нақты жазылады», – деп атап өтті ол.

Ертаевтың сөзінше, Кореяда жұмыс істеп жүрген 15 мың қазақстандықты...

10 қазан, жұма күні Астанада футболдан 2026 жылғы әлем чемпионатының іріктеу кезеңі аясында Қазақстан – Лихтенштейн құрамалары кездеседі.

Кездесу Астана уақытымен 19:00-де басталады. Ойынды тікелей эфирде «Qazsport» телеарнасынан тамашалауға болады.

Құрамалардың турнир кестесіндегі жағдайы

Қазіргі таңда Қазақстан құрамасы 5 ойыннан кейін 3 ұпаймен өз тобында төртінші орында келеді. Ал қарсылас Лихтенштейн әзірге ұпай жинай алмай, соңғы орында тұр.

Бұл іріктеу цикліндегі Қазақстанның жалғыз жеңісі дәл осы Лихтенштейнге қарсы алғашқы ойында тіркелген болатын. Наурыз айында өткен сол кездесуде біздің жігіттер 2:0 есебімен сырт алаңда жеңіске жеткен еді.

Группа J турнирлік кестесі (ағымдағы жағдай):

1. Солтүстік Македония...

Қаржы министрлігі салық төлеушілерді биометриялық сәйкестендіру тәртібін енгізу жөніндегі жаңа ережені бекітті. Құжат 18 қазаннан бастап күшіне еніп, 2025 жылдың соңына дейін қолданыста болады. Бұл жаңашылдық салық жүйесінде қауіпсіздік пен ашықтықты арттыруды көздейді.

Енді салық төлеушілердің тұлғасы арнайы биометриялық технология арқылы тексерілетін болады. Бұл тәсіл электрондық шот-фактуралар ақпараттық жүйесіне тіркелу және тәуекелдерді басқару жүйесі арқылы тексеру барысында қолданылады.

Министрлік бекіткен ережелерге сәйкес, егер салық төлеушіге қатысты тәуекелдер анықталса, ол туралы хабарлама ақпараттық жүйе порталы арқылы жіберіледі. Мұндай жағдайда кәсіпкер электрондық шот-фактура жазу алдында күніне бір рет биометриялық сәйкестендіруден өтуі тиіс.

Қалай жұмыс істейді

Биометриялық сәйкестендіру үдерісі үш кезеңнен...

Алматыда NEW VISION 2025 форумы басталды. Биыл екінші рет ұйымдастырылып отырған үш күндік форумға Booking.com құрылтайшыларының бірі Джефф Хоффман, Disney және Warner Brothers студияларының бұрынғы басшысы Макс Ховард, InDrive компаниясының негізін қалаушы. Арсен Томский қатыспақ. Сонымен қатар әлемдік бестселлердің авторы Робин Шарма келеді.

Сонымен бірге, форумда Александр Высоцкий, Михаил Гребенюк, Игорь Манн сияқты бизнес-коучтар мен қазақстандық кәсіпкерлердің қатысуымен түрлі сессия өтеді.

Ұйымдастырушылардың мәліметінше, шараға 10 мыңнан астам адам қатыспақ. Олардың қатарында кәсіпкерлер, инвесторлар, халықаралық компаниялар мен бизнес-клубтардың өкілдері қатысады деп күтілуде.

Форумның биылғы тақырыбы — Future Ready. 2026 жылға арналған жаңашыл стратегиялар. Ол экономикалық трансформация мен технологиялық өзгерістер...

Германияда Қытайдың Temu онлайн-сауда алаңына қарсы іс қозғалды. Федералдық монополияға қарсы ведомство компанияны Германия нарығындағы сатушылардың баға саясатына заңсыз талаптар қоюы мүмкін деп айыптап отыр. Осыған байланысты Temu қызметіне ресми тергеу басталды.

Сонымен қатар, Брюссельде Temu-ге қатысты ЕО-ның тұтынушылар құқығын қорғау және онлайн-платформаларға арналған ережелерін бұзуы мүмкін деген күдікпен бөлек тергеу жүргізіліп жатыр.

Қытайда құрылған Temu онлайн-дүкені өте арзан тауарлар ұсынуымен танымал және Еуропа елдерінде кеңінен қолданылады. Қазір Еуропада бұл сервисті ай сайын 100 миллионнан астам адам пайдаланады. Шамамен бір жыл бұрын Temu неміс сатушыларына да өз платформасында жұмыс істеуге мүмкіндік берген еді.

Осыған дейін АҚШ-та қытайлық платформаға қатысты...

Қазақстандық миллиардер Болат Өтемұратов Майами, Мадрид ірі теннис турнирлерін ұйымдастыратын MARI компаниясына инвестиция құйды. Кәсіпкер жаңа жобаның теннис активтерін дамытумен айналысады.

Ғаламдық жаңа жобаның иесі Ари Эмануэль 3 млрд доллар инвестиция тартқанын Financial Times басылымына мәлімдеп үлгерді. Олардың арасында Өтемұратов қана емес, Apollo және Qatar Investment Authority секілді ірі инвесторлар да бар.

MARI Мадрид пен Майамидегі ірі теннис турнирлерін ғана емес, Frieze жәрмеңкесін де ұйымдастырады. Осыған қатысты келісім аяқталып жатқанын компания бір күн бұрын жариялады. Бұған қоса, MARI премиум-класс санатындағы қымбат автокөліктер аукционын ұйымдастыратын Barrett-Jackson компаниясын да сатып алды.

Қазақстандық миллиардер Болат Өтемұратов теннис активтерін дамыту стратегиясын анықтау...

Ресей Қазақстаның солтүстік өңірінде ірі газ құбырын жүргізеді. Сонымен қатар Қарашығанақ кен орынан өндірілетін газ көрші елде өңделмек. Санкт-Петербургтегі Халықаралық газ форумында «Газпром» басшысы Алексей Миллер мен Қазақстан Республикасының бірінші вице-премьері Роман Скляр екі маңызды құжатқа қол қойды.

Бірінші құжат — Қарашығанақ кен орнынан өндірілетін газды Орынбор газ өңдеу зауытында (ГӨЗ) ұзақ мерзімді негізде қайта өңдеу туралы келісім. Құжат тараптардың газды өңдеу саласындағы серіктестігін бекітеді және Орынбор ГӨЗ-ін жаңғыртуды көздейді. Келісім 20-25 жылға есептелген.

Онда Қарашығанақ газын жаңа формула бойынша өңдеу қарастырылған: «ҚазРосГаз» компаниясы КПО-дан газды қазіргі бағадан жоғары бағада сатып алып, оны Ресейде өңдеуге жібереді.

Бұл шешім...

Сенат отырысында Қазақстан азаматтарын Қатарда жұмысқа орналастыруды реттеу туралы келісім ратификацияланды. Бұл дегеніміз екі тарап ресми келісіп, қазақстандықтар Қатарда заңды жұмыс істей алады, олардың құқығы билік тарапынан әлеуметтік қорғалады.

Келісім бойынша, қазақстандықты қатарлық тарап жұмысқа шақыратын болса, мынадай міндеттемелерді орындауы керек:

Жұмыс беруші бұл шарттың ережелерін өз бетінше өзгерте алмайды. Бірақ жұмысшы тәртіп бұзушылық жасаса...

Қазақстан тарихында алғаш рет отандасымыз, кәсіпкер Дана Қарағұсова ғарышқа ұшып, аман-есен жерге оралды. Бұл тарихи сапар америкалық миллиардер Джефф Безостың Blue Origin компаниясына тиесілі New Shepard ғарыш кемесі арқылы жүзеге асты.

Дананың ұлы Айтуар Әлібеков әлеуметтік желіде анасының ғарыштан оралғанын қуана хабарлады.

Айтуар экипаж мүшелеріне Қазақстан туралы айтып, ел мәдениетіне ерекше әсер қалдырған. Сол себепті миссия мен экипаж өз сапарын Space Nomads («Ғарыш көшпенділері») деп атауды шешкен.

8 қазан...

21 қазанда Rixos Almaty қонақүйінде Қазақстандағы тұрақты даму мәселелеріне арналған тәуелсіз конференция – Kursiv ESG Conference өтеді. Шара Yandex Qazaqstan компаниясының қолдауымен ұйымдастырылып, алаңда 200-ден астам қатысушы, 15 спикер, бірқатар министрліктердің өкілдері мен ірі отандық компаниялардың топ-менеджерлері бас қосады.

«Kursiv ESG Conference – бұл барлық мүдделі тараптарды біріктіретін басты алаң», – дейді Kursiv Media компаниясының бас директоры Анастасия Новикова.
– Бұл жерде ESG қағидаттарын енгізу тәсілдерін талқылап қана қоймай, оларды біріздендіруге мүмкіндік бар. Тұрақты дамуға бағытталған инвесторлар үшін конференция үздік тәжірибелі мамандармен әрі ESG-трансформацияға дайын компаниялармен танысуға мүмкіндік береді. Бұл жауапты жобаларға капитал ағынын арттырып, «жасыл» қаржы нарығын ынталандырады. Конференция барысында ұжымды...

Қызылордадағы колониядан Астанадағы Ұлттық нейрохирургия орталығына жіберілген ер адам аурухананың әрекеті заңсыз екенін дәлелдеп шықты. Жоғарғы соттың хабарлауынша, сот актісі күшіне енген жоқ.

Оқиға қалай басталды?

Түзеу мекемесінде жазасын өтеп жатқан сотталушы нейрохирургтың қорытындысы бойынша бел омыртқасына ота жасау үшін Астанаға жіберілген.

Орталық «Емдеуге жатқызу бюросы» порталы арқылы жоспарланған ауруханаға жатқызуды мақұлдап, операция жасайтын болған.

Сотталушы ем алу үшін конвоймен Астанаға жеткізілген. Алайда медициналық мекемеге келгеннен кейін, сотталғандарға мамандандырылған палата болмауына байланысты оны ауруханаға жатқызудан бас тартқан.

Сотталушы аурухананың бұл әрекетіне қатысты сотқа шағым түсірген.

Орталықтың әрекеті заңсыз

Бірінші сатыдағы сот істі қарап, Орталықтың бұл...

Душанбеде электросамокат пен электроскутерлердің автомобиль жолдары мен жаяу жүргіншілер аймақтарында жүруіне уақытша шектеу қойылды. Бұл шешім Душанбе халық депутаттары мәжілісінің шешіміне сәйкес қабылданған.

Қалалық милицияның хабарлауынша, шектеу Душанбенің барлық ауданына қатысты, тек арнайы белгіленген аймақтар ғана бұл тыйымнан босатылады.

Ресми мәліметте айтылғандай, мұндай шара электросамокаттар мен электроскутерлердің ретсіз қолданылуын азайту, олардың қатысуымен болатын жол апаттарын төмендету, сондай-ақ көлік қозғалысына және жаяу жүргіншілерге кедергіні жасамау мақсатында қабылданған. Бұл шектеу тиісті инфрақұрылым толық жасалғанға дейін күшінде болады.

Полицияның дерегінше, жыл басынан бері Душанбеде электроскутер мен электросамокат қатысқан 26 жол-көлік оқиғасы тіркелген. Нәтижесінде 3 адам қаза тауып, 24 адам әртүрлі дене жарақатын алған.

ЕуроОдақ елдерінің елшілері Ресейден мұнай мен газ импорттауға тыйым салу жөніндегі Еурокомиссия жоспарын мақұлдап, оны сыртқы істер министрлеріне қарауға жіберді. Reuters агенттігінің хабарлауынша, бұл мәселе 20 қазанда ЕО сыртқы істер министрлерінің отырысында талқыланады.

Негізгі мақсат — 2028 жылға дейін Ресей энергия ресурстарынан бас тарту
Құжатқа сәйкес, барлық ЕО елдері, оның ішінде Ресеймен энергетикалық тұрғыда тығыз байланысты Венгрия мен Словакия, ұлттық жоспарын жасап, ресейлік мұнай мен газдан біртіндеп бас тартуы тиіс. Бұл үшін Еуропалық заңнамаға өзгерістер енгізіледі.

Алғашқы ұсыныс бойынша толық бас тарту мерзімі 2028 жыл деп белгіленген, бірақ Bloomberg дерегінше, кей елдер бұл процесті 2027 жылдың басына дейін жеделдетуді талқылаған...

Netflix «Өте қызық жайттар» сериалын көріп болған соң Boggle  немесе Tetris ойнауды ұсынады. Компания сериал ғана емес, видеоойындар да болуы керек деп шешті. Бұл туралы Bloomberg хабарлайды.

Осы уақытқа дейін тұтынушылар видеойындарды смартфондармен ғана ойнай алатын. Ал Netflix оларды үлкен экранға шығарғалы отыр.

Компанияның бас директоры Грег Питерс стриминг сервисі алғаш рет ойындарды телевизорда да ойнауға мүмкіндік жасайтынын мәлімдеді. Netflix топ болып ойнауға болатын ойындарды ұсына алады. Олардың арасында Boggle Party , Pictionary: Game Night , Tetris Time Warp және Lego Party секілді танымал видеоойындар бар.

Бастапқыда ойындардың бәрі тегін болады. Lego Party әдетте 40 доллар тұрады, деп жазды агенттік.

Компания болашақта ойындарға да...

Қазақстанның бірінші ракеткасы Елена Рыбакина (WTA рейтингінде – 10-орын) Қытайдың Ухань қаласында өтіп жатқан WTA-1000 турнирінің алғашқы кездесуінде жеңіске жетті. Румыниялық Жаклин Кристианды (48-орын) сенімді түрде ұтып, келесі кезеңге өтті — 6:4, 6:3.

Бұл екі теннисшінің биылғы маусымдағы екінші кездесуi болды. Бұған дейін Рыбакина Кристианнан Монреаль турнирінде айқын басымдықпен басым түскен еді — 6:0, 7:6 (7:5). Бұл жолы есеп тартыстырақ болғанымен, Еленаның артықшылығы айқын сезілді.

Еске сала кетейік, бұған дейін Алматыда теннистен өтетін Almaty open турниріне қазақстандық теннисші Александр Бубликтің қатыспайтынын жазған едік.

Алтынның бір унциясы 4 мың доллардан асып кетсе, артынша күміс те қымбаттап, тарихи рекорд орнатты. 8 қазан, сәрсенбі күні күміс құны 3,5%-ға артып, бір унциясының бағасы  49,54 долларға дейін жетті.

Дегенмен 9 қазан, бейсенбіде, күміс бағасы біршама түсті. Қазір ол шамамен 48,88 доллардан саудаланып жатыр. Алтынның бір унциясы шамамен 4 025 доллардан сатылады.

Естеріңізге сала кетейік, 8 қазанда алтынның бір унциясының бағасы тарихта алғаш рет 4 мың доллардан асты. Қауіпсіз актив іздеген инвесторлар алтынды көптеп сатып алуға көшті. Әлемнің бас банктері де ертеңгі күнді ойлап, алтын қорын көбейтіп жатыр. Осының бәрі бағаға әсер етпей қоймайды.

Нарық заңы: сұраныс артқан...