Жаңалықтар

Тамыздың соңына қарай Отбасы банк «Ұмай» бағдарламасына өтініш қабылдайды. Аталмыш бағдарлама арқылы тек 2016 жылдан бері салынған үйлерден пәтер алуға болады. Сонымен қатар «Ұмай» арқылы сатып алынған пәтерді жалға беруге тыйым салынады. Бұл туралы «Отбасы банктің» Kursiv.Mediа ресми сауалына берген жауабында жазылған.

Бағдарламасы бойынша клиентке алдын ала тұрғын үй заемы беріледі. Қарыз алушы пәтердің 50 пайызын жинаған соң, тұрғын үй заемына көшіп, сыйақы мөлшерлемесі төмендейді. Ипотека нақты қанда пайызбен берілетіні әзірге белгісіз. Бұған дейін «Отбасы банк» Ляззат Ибрагимова 14 пайыздан басталуы мүмкін екенін айтқан.

Қанша қаржы бөлінді?

2026 жылдың 10 сәуірінде Отбасы...

Шарын ұлттық паркінде қара тазқараға алғаш рет GPS/GSM трекері орнатылды. Жыртқыш құстың осы түрі Қазақстанда ерекше қорғалады.

«Қазақ орманы» мекемесінің мәліметінше, ұлттық парк қызметкерлері 25 шілдеде тазқара ұясына көтерілген. Олар қара тазқара балапанына алғаш рет сақина салып, GPS/GSM трекерін орнатқан.

«Құрылғы құстың қозғалысын, қоныс аудару бағыттары мен қыстайтын аумақтарын бақылауға мүмкіндік береді», – деп есептейді табиғат жанашырлары.

Жұмыс Биоалуантүрлілікті зерттеу және сақтау орталығы (BRCC) мен Ресейдің қауырсынды жыртқыштарды зерттеу және қорғау желісі (RRRCN) орнитологтарының қатысуымен жүргізілді.

Қазақстанда тазқараларды GPS/GSM-трекерлер арқылы белгілеу бағдарламасы 2024 жылдан бері жүзеге асырылып келеді. Қазір елде сегіз құс белгіленген.

«Евровидение» ұйымдастырушылары байқау ережелеріне біршама маңызды өзгерістер енгізді. Байқауда жеңген елде соғыс болса немесе геосаяси жағдай күрделенсе, ол елде ән байқауы өтпейді. Бұл туралы DW жазады.

«Енді байқауда жеңіске жеткен елде соғыс өрті тұтанып жатса немесе геологиялық-саяси жағдай өте күрделі болса, ол ел автоматты түрде келесі «Евровиденияны» өз жерінде өткізу құқығынан айырылады. EBU арнайы тәуелсіз тексеріс ұйымдастырып, жеңімпаз елдің хабар таратушы компаниясы шоуды қауіпсіз өткізе ала ма, жоқ па – соны анықтайды. Егер тәуекел жоғары болса, ұйымдастыру құқығы басқа, қауіпсіз елге беріледі», – деп жазылған ұйымдастырушылар хабарламасында.

Сондай-ақ сахнадағы фонограмма мен жазылған дыбыстарды пайдалану ережес...

Қазақстанның бірінші, әлемнің екінші ракеткасы Елена Рыбакина Торонтода (Канада) өтіп жатқан WTA турнирінің жартылай финалында тартысты матч өткізіп, бас жүлдеге таласуға мүмкіндік алды.

АҚШ өкілі Коко Гауффқа (WTA: 4) қарсы өткен текетірес 2 сағат 2 минутқа созылды.

Ойын Рыбакина үшін оңай басталған жоқ. Алғашқы сетте америкалық теннисші тай-брейкте басым түсіп, есепті ашты:

1-сет: 7:5 Гауффтың пайдасына аяқталды. 2-сетте 2:6 Рыбакина таразы басын теңестірді.

Үшінші шешуші сетте тағыда 2:6 есебімен Елена ойынды толық бақылауына алып, сенімді жеңісті жұлып алды.

Тарихи финал: Әлемнің 1-ракеткасы атануы мүмкін

Енді турнирдің шешуші финалында Елена Рыбакина поляк теннисшісі Ига Швёнтекпен кездеседі.

Бұл матчтың маңызы өте жоғары...

Қытайда Chery Arrizo 8 Pro седанының жаңартылған нұсқасы сатылымға шықты. Көлік жергілікті нарықта бес түрлі жинақтамада ұсынылады. Бағасы 113,9 мыңнан 145,9 мың юаньға дейін, яғни шамамен 7,9–10,1 млн теңге.

Жаңа седанға 1,6 немесе 2,0 литрлік турбокомпрессорлы бензин қозғалтқышы орнатылады. Екі литрлік нұсқада артқы бөлікте қосарланған шынайы шығару құбырлары бар. Ал 1,6 литрлік нұсқада олардың орнына сәндік төртбұрышты қаптамалар қойылған, ал нақты шығару жүйесі бампердің астына жасырылған.

Қазақстандағы нұсқадан көлемдірек

Chery Arrizo 8 Pro 2027 Қазақстанда ресми сатылатын Chery Arrizo 8-ден сәл ірі. Жаңа модельдің ұзындығы 4800 мм, ені 1843 мм, биіктігі 1469 мм, ал дөңгелек базасы ...

Facebook, Instagram әлеуметтік желілеріне ие Meta компаниясы 750 мыңнан астам австралиялық бала мен жасөспірімнің аккаунтын бұғаттады.

Австралия 16 жасқа толмаған балаларға әлеуметтік желілерді пайдалануға ресми түрде тыйым салды. Парламент осындай заңды 2024 жылғы қарашада қабылдап, құжат 2025 жылдың аяғында күшіне енді.

Алайда кәмелет жасқа толмаған балалар желілерге тіркелуін тоқтатпаған. Соған байланысты Meta күдік туғызған тағы 756 мың аккаунтты бұғаттады. Олардың 462 мыңы Instagram-да, ал 294 мыңы Facebook-те тіркелген.

Meta жыл басында 500 мыңға жуық аккаунтты өшірген еді.

Алып корпорация адам жасын суретіне қарай анықтауға көшті. Соған байланысты Meta арнайы бағдарлама қосуға мәжбүр болды.

Австралия тәжірибесі көрсеткендей, балалар мен жасөспірімдерді әлеуметтік...

Google компаниясы жасанды интелект мүмкіндіктері артқан және камерасы жұқарған жаңа Pixel смартфондарын таныстырды. Бұл жаңарту арқылы компания пайдаланушыларға жаңа модельдерді ұсынып, өз AI құралдарын кеңінен таратуды көздейді.

Жаңа фукнциялар қатарына видеодан фото бөліп алу, телепромптер, видеоны тұрақтандыру және дауысты мәтінге айналдыру қосылды.

Сондай-ақ жаңа смартфондардың жады екі есе артып, минималды көлемі 256 гигабайттан басталады. Құрылғылар 30 сағаттық батарея қуатымен және жылдам сымсыз қуаттаумен қамтамасыз етілген. Компания ең арзан 800 долларлық 128 гигабайттық Pixel 11 моделінен бас тартты.

Pixel 11, Pixel 11 Pro және Pixel 11 Pro XL модельдеріне тапсырыс сәрсенбі күннен басталды. Олардың бағасы сәйкесінше...

Астанада Fasoollka лақап атымен танымал шетелдік стример қыз тікелей эфирде айтқан арандатушылық сөздері үшін әкімшілік жауапқа тартылды. Бұл туралы Астана полиция департаменті хабарлады.

Тәртіп сақшылары әлеуметтік желілерге мониторинг жүргізу кезінде оның эфирлерінің жазбаларын тауып алған. Трансляция кезінде стример Қазақстан тұтастығы туралы сөз қозғап, ел азаматтарына, мәдениеті мен салтына құрметсіздік танытқан. Дегенмен өзі жақында ғана Ресейден көшіп келген.

«Қазақстанға таңғалдым, өркениет бар екен ғой… Павлодар біздікі емес пе?», – дейді ол стримдердің бірінде.

Желі қолданушылары блогерлерді жауапқа тартуды талап етіп, әсіресе Fasoollka-ның Павлодар қаласының қай елге тиесілі екені туралы айтқан арандатушылық сөздеріне наразылық білдірген...

Қарағанды облысындағы Топар мемлекеттік аудандық электр станциясы экологиялық талаптарды бұзған. Кәсіпорынға 8 млн теңгеден астам айыппұл салынды.

Қарағанды облысының Экология департаменті «Топар ГРЭС» ЖШС-не жоспарлы тексеру жүргізді.

Тексеру барысында сарқынды сулардағы мұнай өнімдерінің мөлшері нормадан асқаны анықталды. Атап айтқанда, рұқсат етілген шекті мөлшер 0,054 мг/дм³ болса, нақты көрсеткіш 0,169 мг/дм³ болып шыққан.

Сонымен қатар мамандар қалдықтарды жинақтау және сақтау кезінде де бірқатар заңбұзушылықты тіркеді. Атап айтқанда, пайдаланылған майларға арналған ыдыстардың герметикалық еместігі, майлы сұйықтықтардың төгілуі, әртүрлі қалдық түрлерін бірге жинақтау және оларды арнайы белгіленбеген орындарға орналастыру деректері анықталды.

Тексеру қорытындысы бойынша кәсіпорынға анықталған кемшіліктерді жою туралы міндетті нұсқамалар берілд...

Қайрат Нұртас пен Жұлдыз Әбдікәрімова отбасында айтулы қуаныш өтті. Өнерлі жұп өздерінің бесінші қызы – Рәбия Сұлтанның тұсауын кестіріп, ұлттық салт-дәстүрді ұлықтады.

Жұлдыз Әбдікәрімова әлеуметтік желідегі жеке парақшасында бұл маңызды күннен әсерлі жазба бөлісіп, қазақтың тұсаукесер салтындағы әрбір детальдың терең мән-маңызына тоқталды.

Актрисаның айтуынша, дәстүр бойынша бүлдіршін жерге жалаңаяқ тұрғызылған: 

«Табанымен көкті басып, жер қуатын алып, жылуын сезініп, тіршілігін жалғастырсын. Әр қадамың Жер-анаға аманат! Бұл – сенің тағдырыңның бастауы. Салтымызды сақтап, дәстүрді жалғап, Рәбия Сұлтанның тұсау кесу рәсімін жасадық», – деп түйіндеді Жұлдыз Әбдікәрімова.

Тай-тай басқан баланың тұсауын журналист Динара Сәтжан кесті. Қуанышты жаңалықты естіген...

Шымкенттік «Ордабасы» клубы жаңа ойыншыларын талдау кезінде жасанды интеллектті пайдаланады. Бұл туралы клубтың тең иесі Бейбіт Әлібеков «Бизнес-Ниндзя подкастында мәлім етті.

Әлібеков жасанды интеллект көмегіне жиі жүгіне бермейтінін айтқан. Алайда жұмысының барлығын автоматтандырып отыруға болатын ЖИ-ассистент алу идеясы жақсы екенін жеткізді.

Оның сөзінше, клубта арнайы футболдық-аналитикалық платформалармен қатар, футболшылар туралы қосымша ақпарат алу үшін кейде ChatGPT көмегіне де жүгінеді.

«Қазір трансферлерді қарастыру кезінде жасанды интеллектіні қолданамыз. Жаттықтырушылар штабында ойыншыларды талдауға арналған кәсіби бағдарламалар бар. Бірақ кейде ақпаратты ChatGPT-ге, Сlaude-қа жүктеп, «футболшыға не жетіспейді, ол біздің командаға қаншалықты сәйкес келеді және тез бейімделе ала ма?» дегендей...

Оқу-ағарту министрі Жұлдыз Сүлейменова бірінші вице-министр болып тағайындалған Шынар Ақпарованы ұстаздар қауымына таныстырды.

Ақпарова 2025 жылғы қарашадан бері вице-министр қызметін атқарған. Енді Сүлейменованың бірінші орынбасары болады.

Министрлік мәліметінше, Шынар Ақпарова 1972 жылы Қарағанды облысында дүниеге келген. Целиноград қаржы-экономикалық техникумын, Е.А. Бөкетов атындағы Қарағанды мемлекеттік университетін және Қазтұтынуодағы Қарағанды экономикалық университетін тәмамдаған.

Еңбек жолын орыс тілі мен әдебиеті пәнінің мұғалімі болып бастаған. Әр жылдары мектеп директорының тәрбие жұмысы жөніндегі орынбасары, әдіскер болып жұмыс істеп, білім сапасын бақылау және қамтамасыз ету жүйесінде түрлі қызметтер атқарған.

2020-2023 жылдары Қарағанды облысының білім саласында сапаны қамтамасыз ету департаменті басшысының орынбасары, 2023-2025 жылдары аталған...

12 тамызда кейінгі бірнеше жылдағы ең ірі астрономиялық оқиғалардың бірі болды – Күн толықтай тұтылды. Ай жұлдыздың бетін тұмшалады.

Өткен сәрсенбі Астрономия тарихында сирек кездесетін үш бірдей құбылыстың бір уақытқа тұспа-тұс келуімен ерекшеленді.

Тағы бір қызықты мәлімет, Еуропа аумағында 1999 жылдан бері алғаш рет Күн толы...

Футбол әлемінің қос аңызы – Криштиану Роналду мен Лионель Месси арасындағы бәсекелестік жылдар бойы жанкүйерлердің назарында болып келеді. Дегенмен, бұл жолы португалиялық жұлдыз аргентиналық қарсыласына ең қиын сәттердің бірінде жылы лебізін білдіріп, шынайы адамгершілік пен өзара құрметтің үлгісін көрсетті.

Әлеуметтік желідегі тебірентерлік сәт

Лионель Месси өзінің Instagram парақшасында әкесімен түскен суретін жариялап, «Жақсы көремін, әке ❤️» («Te amo, pa») деп жазба қалдырған еді. Бұл жазба қысқа мерзім ішінде миллиондаған лүпіл жинап, әлемнің түкпір-түкпірінен қолдау хаттары жауа бастады.

Олардың арасында Криштиану Роналдудың қалдырған пікірі жанкүйерлердің ерекше ықыласына бөленді:

«Осындай ауыр сәттерде саған және жақындарыңа үлкен құшақ жолдаймын, Лео. Мықты...

Қостанайда 47 жастағы ер адам бұрынғы әйелін өлтіргені үшін 12 жылға бас бостандығынан айырылды. Үкімді облыстық қылмыстық істер жөніндегі мамандандырылған ауданаралық соты шығарды.

Тергеу мәліметінше, ер адам бұған дейін қаржы полициясында жұмыс істеген. Кейін «Азаматтарға арналған үкімет» КЕАҚ филиалында қауіпсіздік жөніндегі уәкіл қызметін атқарған. Ол қызғаныштан бұрынғы әйелінің үйіне оқталған карабинмен барған. Пәтерге кіру үшін 9 жасар қызын пайдаланып, код құлыпты аштыртқан. Үйге кірген соң бұрынғы әйелін атып өлтірген. Кейін қызын туыстарына қалдырып, полицияға өзі барған.

Судья Нұрман Айгелов айыпталушыны ҚР ҚК-нің 99-бабы 1-бөлігі (Адам өлтіру) бойынша кінәлі деп танып, орташа қауіпсіздік мекемесінде жазасын өтеуді белгіледі. Сонымен қатар бұған дейінг...

Қазақстанда қатты ыстық, кей жерлерде күн күркіреп, жаңбыр жауады, дегенмен елдің басым бөлігінде жоғары өрт қаупі сақталады. «Қазгидромет» 13 тамызға ауа райы болжамын ұсынды.

Астанада көшпелі бұлт, жауын-шашынсыз, жел 9-14 м/с. Ауа температурасы түнде +11…+13°C, күндіз +29…+31°C.

Алматыда көшпелі бұлт, жауын-шашынсыз, жел 3-8 м/с. Ауа температурасы түнде +21…+23°C, күндіз +34…+36°C.

Шымкентте көшпелі бұлт, жауын-шашынсыз, жел 8-13 м/с. Ауа температурасы түнде +22…+24°C, күндіз +38…+40°C.

Ақтауда көшпелі бұлт, жауын-шашынсыз, жел 9-14 м/с. Ауа температурасы түнде +23…+25°C, күндіз +30…+32°C.

Ақтөбеде көшпелі бұлт, жауын-шашынсыз, жел 5-10, екпіні 15 м/с. Ауа температурасы түнде +17…+19°C, күндіз +31…+33°C.

Атырауда көшпелі бұлт, жауын-шашынсыз, жел 7-12 м/с. Ауа температурасы түнде +23…+25°C, күндіз +34…+36°C.

Жезқазғанда көшпелі бұлт...

Ақмола облысында болған жол апатынан төрт адам қаза тапты. Бұл туралы өңірлік полиция хабарлады.

Оқиға 12 тамызда Көкшетау–Атбасар автожолының 16-шақырымында болған.

«Алдын ала анықталғандай, Mini Cooper маркалы автокөліктің жүргізушісі қарсы қозғалыс жолағына шығып кетіп, Audi маркалы автокөлігімен соқтығысқан. Апат салдарынан Audi жүргізушісі мен үш жолаушысы оқиға орнында көз жұмды. Mini Cooper автокөлігінде болған тағы үш адам түрлі жарақаттармен медициналық мекемеге жеткізілді», – деп хабарлады Ақмола облыстық ПД.

Адам өліміне әкеп соқтырған жол-көлік оқиғасы фактісі бойынша қылмыстық іс қозғалды. Қарсы қозғалыс жолағына шығып кеткен Mini Cooper автокөлігінің жүргізушісі ұсталды.

Айта кетейік, осыған дейін Алматыда жолдағы жанжал...

Өскеменнің 25 жастағы тұрғыны бірнеше құқықбұзушылық жасады деген күдікпен ұсталды. Ол екі автокөлікті заңсыз иемденіп, көлікті есірткіге мас болып жүргізген. Бұл туралы Polisia.kz хабарлады.

Eр адам тұрғын үй ауласында ұзақ уақыт тұрған Mazda Cronos көлігін байқап қалған. Ол мобильді қосымша арқылы эвакуатор шақырып, бөтен көлікті металл қабылдау пунктіне өткізген. Бұл үшін өскемендік 35 мың теңге алған.

Кейін сол ер адам қонақта болған кезде үй иесінің рұқсатынсыз Lada 21703 көлігінің кілтін алып, көлікпен кетіп қалған.

«Күдіктінің бұған дейін көлік құралдарын басқару құқығынан жеті жыл мерзімге айырылғаны анықталды. Патрульдік полиция қызметкерлері көлікті тоқтатқан кезде медициналық куәландыру оның есірткіге...

Солтүстік Қазақстан облысының Прибрежное ауылында ірі өрт болды, деп хабарлайды ТЖМ.

Жұмыртқа науаларын өндіретін кәсіпорын аумағында қайта өңдеуге арналған макулатура өртенген. Өрт кәсіпорын ғимаратына тараған.

«Өртті сөндіруді қиындатқан фактор – қатты екпінді жел болды. Ол өрттің тез таралуына ықпал етіп, жақын орналасқан ғимараттар мен нысандарға қауіп төндірді», – деп хабарлады ТЖМ.

Өрттің аумағы 120 шаршы метрді құрады. Өрт басқа нысандарға таралмай тұрып сөндірілді.

Өрттің шығу себебі анықталып жатыр.

Алматыда жүргізушілер арасында болған жанжал әлеуметтік желіде тарады. Полиция оқиғаға қатысты қылмыстық іс қозғады.

Полиция қызметкерлері әлеуметтік желілерге мониторинг жүргізу барысында Алматыдағы жүргізушілер арасындағы жанжал түсірілген бейнежазбаны анықтады.

Жарияланған кадрларда жанжалға қатысушылардың бірінің екінші жүргізушіге күш қолданғаны көрінеді.

Осы факті бойынша полиция дереу сотқа дейінгі тергеп-тексеруді бастады. Күдікті анықталып ұсталды. Қазір ол уақытша ұстау изоляторына қамалды.

Оқиғаны...

Астанада «Тәуелсіздік ұрпақтары» гранттар конкурсының жеңімпаздарын марапаттау рәсімі өтті.

Елордада еліміздің барлық өңірінен келген 3000-ға жуық белсенді жас: еріктілер, ғалымдар, кәсіпкерлер, жастар ұйымдарының өкілдері, жастар ресурстық орталықтарының мамандары, мемлекеттік органдардың өкілдері, қоғам қайраткерлері, өнер адамдары мен спортшылар бас қосты.

Қазақстан президенті жастарға құттықтау сөзін жолдады. Мемлекет басшысының үндеуін премьер-министрдің орынбасары – мәдениет және ақпарат министрі Аида Балаева оқып берді.

Қасым-Жомарт Тоқаев жастар қоғамның қозғаушы күші, жасампаз идеялардың қайнар көзі екенін атап өтті. Қазақстандық ұл-қыздар халықаралық білім және ғылыми байқауларда, спорттық жарыстарда жоғары нәтижелер көрсетіп, көк туымызды биікке көтеріп жүр.

«Жастарды қолдау саясаты әрдайым мемлекетіміздің негізг...

Жасанды интеллект және цифрлық даму министрлігі eGov жүйесінің бұзылғаны және 15 миллион қазақстандықтың деректері таралғаны туралы ақпаратты жоққа шығарды.

«Министрлік құзыретті органдармен бірлесіп техникалық тексеріс жүргізді. eGov ақпараттық жүйелерінің бұзылғаны анықталған жоқ. Бұдан бөлек, даркнетте сатылымға шығарылған файлдарға қол жеткізіп, оларға талдау жасадық. Олар eGov жүйесінен жүктелген мәліметтер емес, әртүрлі файлдар мен суреттердің жиынтығы болып шықты», – делінген хабарламада.

Ведомство өкілдері мұны растайтын өзге де айғақтарды алға тартты: жарияланған деректердің мәлімделген көлемі мен мазмұны бір-біріне сәйкес келмейді. Сонымен қатар, eGov жүйесінде хабарландыру авторы ұсынған пішіндегі төлқұжат скандарының базасы мүлдем жоқ. Себебі цифрлық құжаттар мүлде...

Армения жаңа атом электр станциясын салу бойынша халықаралық серіктестермен келіссөздерді бастап кетті, деп хабарлайды Armenpress.

Бұл туралы Әзербайжан президенті Ильхам Әлиевтің жақында жасаған мәлімдемесіне пікір білдірген «Азаматтық келісім» парламенттік фракциясының депутаты Арман Егоян мәлімдеді.

Оның айтуынша, жұмыс істеп тұрған Армян АЭС-ін пайдалану мерзімі станцияны физикалық пайдаланудың рұқсат етілген кезеңіне және тиісті техникалық әрі нормативтік құжаттарға сүйене отырып белгіленген. Егоян Армения жаңа атом электр станциясын салуды қарастырып жатқанын және бірқатар халықаралық серіктестермен келіссөздер жүргізіп жатқанын атап өтті.

Депутат 2017 жылы қол қойылған Армения мен Еуропалық одақ арасындағы жан-жақты және кеңейтілген серіктестік туралы келісімнің ережелеріне де жеке тоқталды. Оның сөзінше, бұл...

Алматы қаласының Бостандық ауданында орналасқан Яссауи көшесінің бір бөлігінде орташа жөндеу жұмыстарын жүргізуге байланысты қозғалысқа уақытша шектеулер енгізіледі.

Сонымен, 12 тамыз сағат 23:00-ден 13 тамыз сағат 10:00-ге дейін көшенің төменгі бөлігі, яғни Жандосов көшесінен Шаляпин көшесіне дейінгі бөлікте қозғалыс жабылады.

Жөнделетін аумақта ескерту белгілері мен мердігер ұйым басшысының байланыс ақпараты көрсетілген стендтер қойылады.

Әкімдік жүргізушілерден бағыттарын алдын ала жоспарлауды сұрады.

Айта кетейік, осыған дейін 11 тамыз сағат 20:00-ден 15 тамызға дейін Кәкімбек Салықов көшесінен Жәңгір хан көшесіне дейінгі учаскеде автокөлік қозғалысы толығымен жабылатыны туралы жазған едік.