Жаңалықтар

«ҚазАвтоЖол» Азия Даму Банкінен (АДБ) кредит алу туралы келісімге қол қойды. Оған Қаржы министрлігі кепілдік береді. Бұл туралы қаржы институтының құжаттарына сілтеме жасаған Inbusiness жазады.

Құжаттағы дерекке сүйенсек, АДБ ұлттық компанияға 58 592 млн иен немесе 370 млн доллар көлемінде кредит береді. Борышкер оны өз қалауына қарай басқа валютаға ауыстыра алады. Бұл қаражаттың 85%-ы Түркістан облысы Сарыағаш ауданынан Өзбекстанға шығатын айналма жолдың құрылысына жұмсалмақ.

Несиені 2045 жылға дейін төлеу керек, 2030 жылдан бастап пайызы мен басқа да жарналары жылына екі рет төленеді.

Пайыздық мөлшерлеме өзгермелі болады, оған лимиттер қойылуы мүмкін немесе қарыз алушы қаласа, ол бекітілген...

Астанада Болашақ ойындары өтетін күн жарияланды. Phygital Games of the Future ақпаратына сәйкес, халықаралық іс-шара 2026 жылдың 29 шілдесі мен 9 тамызы аралығында өтеді.

Phygital Games of the Future сайтындағы ақпаратқа сүйенсек, іс-шара Барыс арена, «Алау», мұз айдыны, Жақсылық Үшкемпіров атындағы жекпе-жек сарайы, Beeline Arena теннис орталығы ғимаратында өтеді.

Бұған дейін 13, 14 және 15 наурызда Астанада RIVALS ұлттық іріктеу жарысы өтетіні айтылды.

Барлық өңір мен қалалардың үздік командалары Contenders 2026 халықаралық іріктеу жарыстарында Қазақстанды таныстыру мүмкіндігі үшін Астанада кездеседі. Дәл сол жерде Rivals ұлттық кезеңінің жеңімпаздары басты аренаға – Games of the Future 2026-ға шығу үшін...

Қазақстанда Наурыз мерекесіне орай Geely Galaxy модельдер желісіндегі автокөліктердің бағасы арзандады.

Қытай көліктерінің ақпаратынша, жеңілдіктер 2,5 млн теңгеге дейін жетеді. Ал кейбір модельдердің бағасы енді 8 990 000 теңгеден басталады. Арнайы ұсыныс 31 наурызға дейін жарамды.

Акцияға брендтің бірнеше моделі қатысып отыр. Мысалы, қалалық кроссовер Geely Galaxy CityRay бұрынғы 10 990 000 теңгенің орнына 8 990 000 теңгеден сатылуда. Ал Geely Galaxy Preface седаны енді 9 990 000 теңгеден ұсынылады. Бұрынғы бағасы — 11 890 000 теңге.

Сондай-ақ электрлі кроссовер Geely Galaxy EX5 моделінің бағасы да төмендеді. Енді ол 14 490 000 теңгенің орнына 11 990 000 теңгеден басталады.

Әлемдік нарықта Brent маркалы мұнайдың бағасы бір күнде 14,3%-ға өсіп, барреліне 100,3 долларға жетті. Сауда-саттық барысында баға тіпті 119 долларға дейін шарықтап, кейін қайтадан 87 долларға дейін төмендеді.

Bloomberg басылымы бұл құбылмалылықты Оманның өз экспорттық терминалдарынан кемелерді шұғыл эвакуациялауы және Ирактың танкерлерге жасаған шабуылдармен байланыстырады. Бұл жағдай Таяу Шығыстағы энергетикалық активтерге төнген жаһандық қауіптің деңгейін көрсетіп отыр.

Өндіріс тоқтап жатыр

Қақтығыстың ушығуы аймақтағы ірі мұнай-газ алпауыттарының жұмысына тікелей соққы болып тиді. Мәселен, QatarEnergy компаниясы әлемдік сұйытылған табиғи газдың (СТГ) 20%-ын қамтамасыз ететін зауыттардың жұмысын тоқтатып, форс-мажор жариялады.

Saudi Aramco болса, Рас-Танурадағы мұнай өңдеу зауытында өндіріст...

БҰҰ Қауіпсіздік Кеңесі Иранның Парсы шығанағындағы көршілес мемлекеттерге шабуыл жасауын дереу тоқтатуды талап етті. Сәрсенбі, 11 наурызда, арнайы қарар қабылданып, БҰҰ-ның басты органына мүше 15 елдің 13-і дауыс берді.

Қарардың жобасын Парсы шығанағындағы араб мемлекеттерінің ынтымақтастық кеңесінің мүшелері (Біріккен Араб Әмірліктері, Сауд Арабиясы, Кувейт, Оман, Қатар және Бахрейн) мен Иордания ұсынды.

АҚШ пен Израиль туралы сөз жоқ

Құжатта Иранның бұл мемлекеттерге жасаған шабуылдары халықаралық құқықты бұзу деп бағаланып және «жаһандық бейбітшілік пен қауіпсіздікке елеулі қатер» төндіретіні айтылған. Ал Иранға қарсы әскери қимылдарды бастаған АҚШ пен Израиль туралы ешқандай сөз қозғалмаған.

Сондай-ақ Тегеранның «Ормұз бұғазы арқылы өтетін халықаралы...

2026 жылдың басы Орталық Азия мен Ресей экономикасы үшін түрлі сынақтармен басталды. Бір елдер баға ауыздықтаудың «жолын» тауып, инфляцияны рекордтық деңгейге дейін төмендетсе, енді бірі әлі де қымбатшылық қыспағында отыр. Өңірдегі ең үлкен бағасы өсімі қай елде? Kursiv.Media сараптап көрді.

Тәжікстан: тұрақтылықтың «аралы»

Бүгінгі таңда өңірдегі ең төменгі инфляция көрсеткіші Тәжікстанда. Биылғы қаңтарда бұл елде баға өсімі небәрі 3,6%-ды құрады. Тәжік сомониінің нығаюы мен ақша массасының қатаң бақылануы көрші елді қымбатшылықтан аман алып қалып отырғандай. Тәуелсіздік тарихындағы ең төменгі көрсеткіштердің бірін тіркеген Душанбе бүгінде баға тұрақтылығы бойынша көш басында.

Ресей: 6 пайыздық деңгей

Ресей Орталы...

Meta компаниясының мәлімдеуінше, енді WhatsApp мессенджерінде 13 жасқа толмаған пайдаланушыларға арналған балалар аккаунттары пайда болады. Оны ата-аналар құрып, басқара алады.

Компания мәлімдемесінде айтылғандай, баптаулардан кейін мұндай профильдерді ата-ана немесе қамқоршы бақылайды. Олар баланың аккаунтымен кім байланыса алатынын және баланың қандай топтарға қосыла алатынын шешеді. Сонымен қатар ата-аналар бейтаныс адамдардан келген хабарлама сұрауларын көріп, құпиялылық баптауларын басқара алады.

Әзірге қашан іске қосылатыны хабарланған жоқ.

Осы жылы бірқатар елдер жасөспірімдерге әлеуметтік желіні шектеу туралы бастаманы қолға ала бастады. Алғашқылардың бірі болып Аустралия жасөспірімдерге толығымен мессенджерлер пайдалануға тыйым салды.

Франция мен Ұлыбританияда осындай заң жобасы талқыланып жатыр.

Қазақстандық теннисші, әлемдік рейтингте үшінші орында тұрған Елена Рыбакина 1/8 финалда Ұлыбритания өкілі Сонай Карталмен кездесті. Матчтың алғашқы сетінде қазақстандық спортшы 6:4 есебімен басым түсті. Екінші сетте Рыбакина 4:3 есебімен алда тұрған сәтте Картал жарақатына байланысты ойынды жалғастырудан бас тартты.

Осылайша, Елена Рыбакина мерзімінен бұрын жеңіске жетіп, Indian Wells Open турнирінің ширек финалына шықты. Ал британдық теннисші жарысты аяқтауға мәжбүр болды.

Айта кетейік, Рыбакина турнир барысында бұған дейін де бірнеше мықты қарсыласты жеңген. Атап айтқанда, ол америкалық Хейли Баптистті 7:6, 2:6, 6:2 есебімен, сондай-ақ украиналық Марта Костюкті 6:4, 6:4 нәтижесімен ұтқан еді.

Биыл Indian Wells Open турнирінің жалпы жүлде қоры...

Қазақстан аумағының басым бөлігінде күн жылынады. «Қазгидромет» 12 наурызға ауа райы болжамын ұсынды.

Иранның әскери қолбасшылығы 11 наурызда әлем мұнай бағасының барреліне 200 долларға жетуіне дайын болуы керектігін мәлімдеді. Бұл мәлімдеме Парсы шығанағында қоршауға алынған тағы үш сауда кемесі шабуылға ұшырағаннан кейін жасалды, деп хабарлады Reuters.

«Мұнайдың барреліне 200 доллар болуына дайындалыңдар – баға сіздер тұрақсыздықты тудырған өңірдегі қауіпсіздікке тікелей байланысты», – деп мәлімдеді Иран қарулы күштерінің өкілі Эбрахим Зольфакари.

Сондай-ақ ол Иранның АҚШ немесе Израильмен жұмыс істейтін банктерге шабуыл жасайтынын қосып, адамдарды мұндай нысандардан кемінде 1 000 метр қашықтықта жүруге шақырды.

Сонымен қатар, Парсы шығанағында ирандықтардың шабуылынан тағы үш кеме зардап шекті: тайландық балкер, жапониялық контейнер...

Астанада бірінші ауысымның барлық мектеп оқушылары мен колледждердің кейбір студенттері қашықтан оқу форматына көшірілді, деп хабарлады елордалық білім басқармасы.

«Ауа райының қолайсыздығына (желдің күшеюіне) байланысты 12 наурызда бірінші ауысымдағы 0-11 (12) сынып оқушылары мен колледждердің (9-сынып негізіндегі) 1-2 курс студенттері қашықтан оқыту форматына ауысады», – делінген хабарламада.

«Қазгидрометтің» мәліметінше, 12 наурызда Астанада күн бұлтты болады, қар жауып, желдің жылдамдығы 15-20 м/с, екпіні 23-28 м/с, кей уақытта 30 м/с дейін жетеді деп күтілуде. Ауа температурасы түнде -15…-17°C, күндіз -3…-5°C болады.

Бұған дейін Астанада қатты желдің салдарынан Жеңіс даңғылындағы «Айка» тұрғын үй кешенінің қасбеті құлағаны жазған...

Атыраудағы «Геолог» мөлтек ауданындағы үйдің жанынан табылған Наурыз Мұқанғалиев пен Мейрамгүл Қарабалинаның денелерінен өткір заттың іздері анықталды.

Бұл туралы облыстық полиция департаменті бастығының бірінші орынбасары Құттыбай Садықов мәлімдеді. Оның айтуынша, өлімнің нақты себебі мен уақыты сараптамадан кейін белгілі болады.

«Денелерде өткір затпен салынған жарақаттар бар. Қазіргі уақытта сот-медициналық сараптама тағайындалды», – деді Құттыбай Садықов.

Бұған дейін полиция Атырау облысы Жангелдин ауылында бір отбасы мүшелерін өлтірді деген күдікке ілінген Сұлтан Сәрсемалиевті тергеу амалдарын жүргізу үшін оқиға орнына алып келген.

Күдікті тергеушілерге қылмыстың қалай жасалғанын көрсетіп берді. Алдын ала мәлімет бойынша, ол өзінің қайын атасы мен...

Ақмола облысында боранда алыс жайылымға кетіп, жоғалған 45 жастағы ер адамды іздеу-құтқару операциясы аяқталды.

ТЖМ мәліметінше, бақташы шаруа қожалығынан мал қайыруға атпен шығып, белгіленген уақытта оралмаған. Оның жоғалғаны туралы хабарлама бірден келіп түскен.

«Іздеу жұмыстары Макинск қаласынан 16 шақырым жерде жүргізілді. ТЖМ күштері ер адамды солтүстік-батыс өнеркәсіптік аймағындағы көпір астынан аман-есен тапты. Оған медициналық көмек қажет болмады», – деп хабарлады ТЖМ.

Ведомство алыс жайылымдарға шыққан кезде жақындарына нақты бағыт пен қайту уақытын хабарлау қажеттігін тағы бір мәрте ескертті.

Еске салайық, осы күндері елімізде ауа райы бұзылып, қатты аяз болып жатыр.

Ресейлік миллиардер Татьяна Кимге тиесілі Wildberries қазақстандық Solva («ОнлайнКазФинанс») микроқаржы ұйымының үлесін сатып алу бойынша келіссөздер жүргізіп жатыр. Бұл туралы қаржыгер Расул Рысмамбетов өзінің ArtFinanz Telegram-арнасында мәлімдеді.

«Қаржы институттары нарығында қозғалыс жалғасуда. Wildberries қазақстандық Solva-дан үлес сатып алу бойынша келіссөздер жүргізуде. Wildberries те, Ozon да өзінің қазақстандық бағытын белсенді дамытып жатқаны түсінікті», – деді сарапшы.

Kursiv.Media-ға білдірген пікірінде қаржыгер мәмілеге жақын жеке дереккөзі бар екенін нақтылады. Оның егжей-тегжейі әзірге белгісіз, ал басты сұрақтардың бірі ретінде Solva-ның бұдан былайғы тағдыры болды. Яғни МҚҰ ретінде жұмысын жалғастыра ма әлде банктік лицензия алуға тырыса ма?

Рысмамбетовтың пікірінше, егер...

Таяу Шығыстағы қақтығысқа байланысты шетелде қалып қойған қазақстандықтардың бәрі бірдей 15 наурызға дейін үйіне оралып үлгермейді. Бұл туралы Kursiv.Media сауалына жолдаған жауабында Сыртқы істер министрлігі мәлімдеді.

Ведомство эвакуация жұмыстары жалғасып жатқанын және Қазақстан өз азаматтарын отанына тезірек қайтару үшін барын салып жатқанын атап өтті. Алайда дауыс бере алмайтындардың нақты санын есептеу қазіргі уақытта өте қиын.

«Қазіргі таңда қақтығыс аймағында болған азаматтарымыздың шамамен 90 пайызы эвакуацияланды. Эвакуация жалғасуда. Кейбір азаматтар, соның ішінде шетелдегі мекемелердің қызметкерлері дауыс бере алмайды. Нақты санын айту қиын», – деп атап өтті СІМ.

Еске сала кетейік, 15 наурызда Қазақстанның жаңа Конституциясының жобасы...

Қатты желден Астанадағы Жеңіс даңғылында орналасқан «Айка» тұрғын үй кешенінің қасбеті құлады. Зардап шеккендер жоқ.

Әкімдіктің мәліметінше, оқиға 11 наурызда сағат 17:00 шамасында болған. Желдің екпінен Сарыарқа ауданындағы 2015 жылы салынған үйдің қасбетінен жылытқыш қабаты ажырап кеткен. Зардап шеккендер жоқ.

«Қазіргі уақытта ТҮК-нің басқарушы компаниясы шығын көлемін есептеп, қасбетті қалпына келтіру жұмыстарын жүргізу үшін өндірістік альпинисті жалдау мәселесін қарастырып жатыр», – деп хабарлады елорда әкімдігінің баспасөз қызметі.

Әкімдік «Тұрғын үй қатынастары туралы» ҚР Заңына сәйкес, кондоминиумның ортақ мүлкін, соның ішінде қасбеттерді күтіп ұстау ауыртпалығын пәтер иелері көтеруге тиіс екенін атап өтті.

Еске сала кетейік...

«Эпштейн тізімі» деп аталатын істің ізі Польшаға алып келді. Елдің Ұлттық прокуратурасының мәліметінше, 2026 жылғы 10 наурызда №5 тергеу тобы 2009 жылдан 2019 жылдың тамызына дейін Польшада және одан тыс жерлерде орын алуы мүмкін адам саудасы бойынша іс қозғады.

Тергеудің болжамы бойынша, қылмыстық желі кәмелетке толған және толмаған қыздарды, соның ішінде Польша азаматшаларын да тартқан. Оларға шетелде жұмыс істеуді уәде етіп, алдау жолымен елден шығарып, кейіннен сексуалдық қанау үшін басқаларға беріп отырған.

Тергеу барысында АҚШ Әділет министрлігінің Epstein Files Transparency Act заңы аясында жариялаған материалдарымен танысуға мүмкіндік туған. Осы деректер негізінде Польша аумағында қылмыс жасалды деп күдіктенуге негіз бар.

Атырауда сот ерекше әкімшілік істі қарады. Жергілікті тұрғын үйінде тиісті рұқсатсыз үлкен питон (жылан) ұстаған, деп хабарлайды соттың баспасөз қызметі.

Сот анықтағандай, әйел салмағы 30 келіге жуық, ұзындығы шамамен 3-3,5 метр болатын жыланды баққан. Питон оның үйінде тұрған, бірақ иесінде мұндай экзотикалық жануарды ұстауға арналған құжат болмаған.

Әйел жабайы жануарларды заңсыз сақтау бабы бойынша кінәлі деп танылды. Сот оған айыппұл салды. Оның мөлшері 10 АЕК-ті құрады, алайда мән-жайларды ескере отырып, сома 30%-ға қысқартылды. Нәтижесінде ол 30 275 теңге төлеуге тиіс.

Питонның өзі тәркіленіп, енді ол мемлекет меншігіне өтеді. Сот қаулысы әлі заңды күшіне енген жоқ.

Алматыда қалың жауған қардан жол қозғалысы қиындады. Полиция департаментінің мәліметінше, осы тәулікте – кешегі түстен бастап бүгінгі күнге дейін – қала жолдарында 62 жол-көлік оқиғасы тіркелді.

Осыған байланысты қалалық полиция басқармасының бастығы Серік Шумаев автокөлік жүргізушілерін жылдамдық режимін қатаң сақтауға, арақашықтықты арттыруға және шұғыл маневрлер жасаудан аулақ болуға шақырды.

Оның айтуынша, полиция қызметкерлері күшейтілген режимде қызмет атқарып, жол жағдайын бақылауда ұстап отыр және қажет болған жағдайда қаланың коммуналдық қызметтеріне көмек көрсетуде.

Кеше Алматыда жүк көлігінің жүргізушісі жер үстіндегі газ құбырына соғылып, конструкцияның 150 метрін зақымдаған, соның салдарынан бірнеше үй газсыз қалды.

Бұған дейін синоптиктер атмосфералық фронттардың әсерінен Қазақстан...

Түркістан облысында қытайлық инвесторлармен бірлесіп туризмді белсенді дамыту жоспарлануда. Әкімдік қандай жобаларды жүзеге асыруды көздеп отырғанын жария етті.

Жобалар облыс әкімінің орынбасары Қанат Қайыпбектің қытайлық компания өкілдерімен кездесуінде талқыланды. Тараптар өңірдегі туристік инфрақұрылымды дамыту мен жаңа инвестициялар тарту туралы сөйлесті.

Әлеуетті қытайлық инвесторлар бірнеше идея ұсынды. Олардың ішінде демалыс аймақтарында бақылау алаңдарын салу және капсулалы үйлер орнату бар. Әкімдік қызығушылық танытқан компанияның атауын құпия сақтауды жөн көрді.

Инвесторлар жұмысты наурыз айының соңында бастауға дайын екендіктерін және жергілікті биліктің қолдауынан үміт артатынын мәлімдеді. Әкімдік жаңа жобалар туристер ағынын көбейтуге септігін тигізеді деп күтуде.

«Түркістан облысы әрқашан шетелдік...

KASE деректеріне сәйкес, осы аптада теңге бағамы айтарлықтай құбылмалылық көрсетіп отыр. Апта басында доллар 494,00 теңгеге дейін көтерілгенімен, сейсенбі, 10 наурызда күрт төмендеп, 487,75 теңге деңгейінде бекітілді. Алайда бүгін, 11 наурызда сауда-саттық қорытындысы бойынша ұлттық валюта қайтадан әлсіреп, бағам 491,30 теңгеге дейін көтерілді.

Мамандардың пікірінше, мұндай секірістер әлемдік мұнай нарығындағы белгісіздік пен ішкі валюталық сұраныстың артуына байланысты болып отыр.

Доллар бағамына әсер етуші басты факторлардың бірі мұнай бағасы да құбылмалы болып тұр. Соңғы аптада «қара алтынның» құны барреліне 120 долларға дейін көтеріліп, 2022 жылдың маусым айынан бергі рекордтық көрсеткішке жеткен болатын. Алайда Трамп мәлімдемесінен кейін мұнай бағасы 87-94 доллар...

Атырау қаласында әлеуметтік желідегі стримнен кейін бойжеткенге ауыр жарақат келтірген 21 жастағы жергілікті тұрғын қолға түсті. Қазіргі уақытта оған қатысты қылмыстық іс қозғалып, тергеу амалдары жүргізілуде.

Күдікті әлеуметтік желіде қолында пышағы бар, өзіне зақым келтірген сәтінен видео жариялап, көпшілікпен қоштасқан. Бейнежазбада оның жанында қорыққан және үсті-басы қан болған 19 жастағы бойжеткен болған. Алдын ала мәлімет бойынша, жігіт бірнеше сағат бойы бойжеткенді соққыға жығып, пышақ жарақаттарын салған. Бұл әрекеттерінің бір бөлігін ол желіде тікелей эфир арқылы көрсеткен.

Зардап шеккен бойжеткен ауруханаға жеткізіліп, оған қажетті медициналық көмек көрсетілуде.

Ұсталған азамат өз әрекетін жақын досының суицид жасап, қайтыс болуынан кейінгі эмоционалды жағдайымен түсіндірген...

Халықаралық энергетикалық агенттік (ХЭА) 182 млн баррельден аса мұнай қорын нарыққа шығаруды ұсынды. Бұл 2022 жылғы жағдайдан кейін тарихтағы ең үлкен көрсеткіш болуы мүмкін. Аталған шешім АҚШ, Израиль мен Иран арасындағы шиеленістің күшеюіне байланысты мұнай бағасының өсуін төмендету мақсатында қабылданып отыр. Бұл туралы The Wall Street Journal хабарлады.

«Қауіпті жағдай»

Иранның Ормуз бұғазын жабуға қатысты мәлемдемелері әлемдік мұнай нарығына үлкен қауіп төндіріп отыр. ХЭА мәліметінше, «қара алтын» қорын нарыққа шығару мұнай бағасының күрт өсуін тежей алады әрі қалыптасқан жағдайды тұрақтандыруға көмектеседі. Осы шара нәтижесінде мұнай бағасы төмендеуі мүмкін. 

Мәселен, 9 наурызда Brent маркалы мұнай бағасы 119,5 доллардан жоғары деңгейге жеткен, кейіннен төмендей...

Ақтөбе облысының Алға ауданында учаскелік полицейлер босанғалы жатқан әйелге жедел көмек көрсетті деп хабарлады Төтенше жағдай министрлігі.

Полицейлер Қайыңдысай ауылы маңындағы учаскеде патрульдеп жүргенде жол жиегіндегі ВАЗ автокөлігін көреді. Жақындап сұрастырғанда, машина бұзылып ары қарай жүре алмай тұрғанын анықтайды.

Жолда келе жатқан жүргізуші полициядан көмек сұраған: көліктегі жарының толғағы қысып, жағдай қиындаған. Учаскелік инспектор келіншек пен қасындағы фельдшерді өз көлігіне отырғызып, шұғыл түрде құтқарушыларға жеткізді.

Олар әйелді бірден ауруханаға апарып, көмек көрсетті.

Полиция қиын жағдайда әрдайым 102 нөміріне хабарласуға болатынын еске салады.

Еске салайық, осы күндері елімізде ауа райы нашарлап, қатты аяз болып жатыр.