Жаңалықтар

Елде жұмыс берушіге қарағанда, жұмыс іздеушілер әлі де көп. 2026 жылдың наурызында Enbek.kz платформасында 102,6 мың бос жұмыс орны жарияланған, бірақ 107,1 мың адам түйіндеме қалдырған. Жыл басынан бері жалпы 304,3 мың вакансия мен 394,4 мың түйіндеме тіркелген деп хабарлады еңбек және халықты әлеуметттік қорғау министрлігі.

Қай салада жұмыс көп, кімдер көбірек іздейді?

Жұмыс берушілер ең көп адам іздейтін салалар:

Өңірлер бойынша көшбасшылар: Түркістан, Қарағанды облыстары, Астана, Павлодар және Атырау.

Диплом сұрамайды

Еңбек министрлігінің зерттеуіне...

Дүниежүзілік банктің жаңа есебіне сәйкес, 2026 жылы Қазақстан экономикасының өсімі баяулауы мүмкін. Орталық Азия елдерінің жалпы ішкі өнімі былтырғы 7 пайыздан 4,9%-ға дейін төмендеп, геосаяси шиеленіс пен энергия ресурстарының қымбаттауы экономиканың даму қарқынына тежеу болмақ.

2025 жыл Орталық Азия елдері үшін соңғы 14 жылдағы ең қарқынды даму кезеңі болды. Аймақтық экономика 5,8%-дан 7%-ға дейін көтеріліп, серпінді даму көрсетті.

Әсіресе, Қазақстан 2011 жылдан бергі ең жоғары көрсеткішке қол жеткізіп, экономикасы 6,5%-ға өсті. Бұл табысқа ішкі тұтынудың артуы, мұнай өндірісінің артуы және мемлекеттік ірі инфрақұрылымдық жобаларға салынған инвестициялар тікелей септігін тигізді.

Көршілес Өзбекстанда да өсім қарқыны...

Ақтөбеде Халыққа қызмет көрсету орталығының ғимаратында отырып, заңсыз делдалдық қызмет ұйымдастырған бір топ ұсталды. Бұл туралы Ұйымдасқан қылмысқа қарсы күрес басқармасы хабарлады.

Тергеу мәліметіне сәйкес, күдіктілер бірнеше кабинетті жалға алып, жалған құжат жасатқан. Сол жерде шетел азаматтарын тіркеу бойынша ақылы, делдалдық қызмет көрсеткен. Нақты айтқанда, Орталық Азия елдерінен келген шетелдіктерге заңсыз құжат рәсімдеп берген. Қазір күдіктілер ұсталып, тергеу жүріп жатыр

«Жалған құжаттарды дайындау, қолдан жасау және өткізу фактісі бойынша тіркелген қылмыстық іс аясында күдіктілердің қылмыстық әрекеттерін құжаттандыруға бағытталған жедел-тергеу іс-шаралары жалғасуда», – деп мәлімдеді ведомство.

Құзырлы органдар құжатты тек ресми, мемлекеттік органдарға барып рәсімдеу...

Атырау облысы, Исатай және Құрманғазы аудандарында 6 мың ірі қарадан ауру анықталды. Қазір алты сиыр өлген деп хабарлайды КТК телеарнасы.

Ауырған малдың аузынан сілекей ағып, ауыз қуысының шырышты қабығында жаралар пайда болған. Сараптама қорытындысы бойынша жануарларға инфекциялық ринотрахеит диагнозы қойылды.

«Осыған байланысты қазіргі таңда емдеу шаралары жүргізіліп жатыр. Исатай және Құрманғазы аудандарында бүгінгі күні мал басының 80 пайызы сауықты, тағы 500-ге жуық бас емделуде. Жалпы, облыс ішінде мал тасымалдауға рұқсат берілген, алайда көрші өңірлерден мал әкелуге және сыртқа шығаруға әзірге тыйым салынды», – деп атап өтті Атырау облыстық ауыл шаруашылығы басқармасының басшысы Амангелді Саламат.

Үш күн бұрын...

Алматы қаласындағы екінші жылу электр орталығын (ЖЭО) көмірден газға көшіру қашан аяқталатыны мәлім болды. Жоба 326 млрд теңге тұрады.

Экология жақсарады

Мегаполис әкімдігінің мәліметінше, бұрын тек қана көмір жаққан орталық жыл сайын шамамен 37 мың тонна зиянды зат шығарған. Жаңа газ станциясы іске қосылғаннан кейін бұл көрсеткіш 90%-ға қысқарады. Алматы экологиясы жақсарады.

Екінші жылу электр орталығын жаңғырту жобасы 2023 жылғы мамырда жүзеге асырыла бастады. Сол кезде инвестициялық келісімге төрт компания қол қойып, консорциум құрған. Олар:

Келісім...

Иран ислам революциясының сақшылары Ормұз бұғазын қайтадан жауып тастағанын мәлімдеп, Ливанға шабуылдаған Израильді атысты доғару бітімін бұзды деп айыптады.

9 сәуірге қараған түні Израиль Ливанға жойқын соққы жасады. Reuters мәліметінше, шабуылдан 254 адам қаза тауып, 1100-ден аса адам жараланды. Осындай мәліметті Ливанның азаматтық қорғаныс қызметі таратқан.

Артынша Иран билігі маңызды мұнай жолы – Ормұз бұғазын жауып тастады. CNN телеарнасының мәліметінше, қазір бұғазда кеме көрінбейді. Ақпаратты MarineTraffic кеме қозғалысын бақылау жүйесі де растайды.

Сейсенбі күні ғана АҚШ пен Иран атысты екі аптаға доғаруға келіскен. Артынша Тегеран Ормұз бұғазын ашып, танкерлер сол арқылы мұнай...

Алматы облысының аумағында жерасты дүмпулері сезілді. ҚР Төтенше жағдайлар министрлігіне қарасты Сейсмологиялық бақылау және зерттеу ұлттық ғылыми орталығының мәліметінше, жер сілкінісінің сезілу қуаты 2 балды құраған.

Сейсмикалық станциялар желісінің ақпараты бойынша, жер сілкінісінің эпицентрі Алматы қаласынан оңтүстік-шығысқа қарай орналасқан.

Жер сілкінісінің негізгі көрсеткіштері Алматы облысының кейбір елдімекендерінде 2 балл.

Зілзала тіркелгеннен кейін, тиісті органдарға хабар беріліп, зардап шеккендер мен қираулар туралы ақпарат жиналды. Алдын ала мәлімет бойынша, зардап шеккендер мен ғимараттардың қирауы туралы ақпарат түскен жоқ.

Төтенше жағдайлар департаменті тұрғындарды сабыр сақтауға және тек ресми ақпарат көздеріне сенуге шақырады. Мамандар бұл қуаттағы дүмпулердің жоғары сейсмикалық аймақтар үшін қалыпты жағдай екенін...

Алматы полициясы ойын-сауық мекемелеріне бақылауды күшейтті. Бұл туралы Алматы қалалық полиция департаментінің бастығы Айдын Қабдулдинов жұртшылыққа есеп беру кезінде мәлімдеді.

Оның айтуынша, әрбір мекеме қатаң түрде заң аясында жұмыс істеуге міндетті. Ал талапты сақтамағандарға қатысты қатаң шаралар қолданылады – тіпті қызметі толық тоқтатылуы мүмкін.

2026 жылдың басынан бері полицияның бастамасымен бұрын құқық бұзушылықтар мен қылмыстар тіркелген 10 нысанның қызметі тоқтатылды. Бұл шаралар заңсыз әрекеттердің жолын кесуге ғана емес, сонымен қатар ондаған ықтимал оқиғалардың алдын алуға мүмкіндік берді.

Бұдан бөлек, тиісті шаралар қабылдау үшін уәкілетті органдарға 845 кәсіпкерлік субъектісіне қатысты ұсынымдар жолданды.

Бұған дейін Медеу ауданында бір мекенжайда және көршілес орналасқан екі ойын-сауы...

Елдің басым бөлігінде найзағай соғып, жаңбыр жауады. Ал солтүстік өңірлерде қатты жел болады деп күтілуде. «Қазгидромет» 9 сәуірге ауа райы болжамын ұсынды.

Шымкент қаласындағы Ө. А. Жолдасбеков атындағы №9 IT-лицейінің 8-сынып оқушысы өз үйінде жан тәсілім етті, деп жазады «ҚазАқпарат«.

Тергеудің алдын ала болжамы бойынша, жасөспірім өз-өзіне қол жұмсаған. Қайғылы оқиға 2026 жылдың 6 сәуірінде сағат 17:21-де болған.

«Жасөспірімді туыстары тауып алған. Оқиға орнына жедел жәрдем бригадасы шақырылғанымен, келген медицина қызметкерлері баланың қайтыс болғанын растады», – деп хабарлады қалалық білім басқармасынан.

Мәлім болғандай, оқушы бұған дейін медициналық есепте тұрмаған. Жасөспірімнің өліміне не себеп болғанын тергеу анықтайды. Полиция департаменті қылмыстық істің қозғалғанын растап отыр.

«Аталған дерек бойынша қылмыстық іс қозғалды. Қазіргі уақытта оқиғаны...

Таразда мамандандырылған ауданаралық экономикалық сот жеке кәсіпкердің «Таразтрансэнерго» мекемесіне материалдық шығынды өтеу туралы талап-арызын қарады.

Оқиға 2025 жылдың шілдесінде болған. Талап қоюшының көлігі жер асты жылу құдығының ашық люгіне түсіп кетіп, қатты зақымданған.

«Істі қарау барысында жолдың бұл учаскесі мен жылу құдығы жауапкердің қарауында екені анықталды. Сондай-ақ бұған дейін кәсіпорынның лауазымды тұлғасы қарау құдығын тиісті деңгейде күтіп ұстамағаны және қозғалыс қауіпсіздігіне қатер төндіргені үшін әкімшілік жауапкершілікке тартылғаны белгілі болды», – деп хабарлады соттың баспасөз қызметі.

Сот апат нысанды күтіп ұстау және жолдағы қауіпсіздікті қамтамасыз ету міндеттерін тиісінше орындамау салдарынан болды деген қорытындыға келді. Маманның қорытындысына...

Солтүстік Қазақстан облысының Ольшанка ауылында түзеу мекемесінің бұрынғы бастығына қатысты үкім шықты, деп жазады «ҚазАқпарат«.

2026 жылдың ақпан айында СҚО бойынша Қылмыстық-атқару жүйесі департаментінің №52 мекемесінің бастығы пара алды деген күдікпен ұсталған. Ол алаяқтыққа әрекеттену және пара беруге итермелеу баптары бойынша жауапқа тартылды.

Іс материалдарына сәйкес, 45 жастағы Рүстем Рахметов түзеу мекемесін 2024 жылдың желтоқсан айынан бастап басқарған. Өткен жылдың соңында ол жазасын өтеушінің үкімді жеңілдету туралы Қызылжар аудандық сотына өтініш бергенін біліп, оң шешім шығаруға ықпал ете алатынын айтқан. Рахметов бұл ақшаны алдау жолымен иемденбек болып, шенеуніктерге беру үшін 200 000 теңге көлемінде пара талап еткен.

Алайда сотталушы...

Абай облысында полицей елдімекеннен үш шақырым жерде жүрген үш жасар баланы тапты.

Өңірлік полиция департаменті хабарлағандай, бала ауладан үлкендерге байқатпай шығып жоғалып кеткен. Туыстарының айтуынша, іздеу жұмыстары таңертең ерте басталған. Сағат 11:00 шамасында олар полицияға жүгінген, содан кейін бірден барлық күштер жұмылдырылды.

Полицейлер ой-қырды шарлап, аумақтың әр метрін мұқият тексерді. Жағдайды уақыттың тығыздығы қиындатты – бала ашық жерде бірнеше сағат бойы жалғыз қалып қоюы мүмкін еді.

Бірнеше сағаттан соң сәбиді Ақсуат аудандық полиция бөлімінің аға криминалисі, полиция майоры Бақытбек Лиясқанов тапты.

Ат үстіндегі полицей айдаладан кішкентай баланы байқап қалған. Бала елдімекеннен шамамен үш шақырым жерде жалғыз болған. Бала дін аман, өмірі мен...

Ақтөбе облысының әкімдігінде болған ірі өртті ауыздықтағаны үшін 172 адам марапатталды. Облыс әкімі Асхат Шахаров құтқарушыларға төзімділік пен батылдық танытқандары үшін алғыс айтты.

«Кеше күрделі тапсырманы орындау барысында сіздер ерлік көрсетіп, кейінгі ұрпаққа үлгі болдыңыздар. Өртті сөндіруге қатысқандардың барлығы да жедел әрі жанқиярлықпен әрекет етті. Нәтижесінде бір сағаттың ішінде қойылған міндетті абыроймен атқарып шықтыңыздар», — деді әкім.

Еске сала кетейік, облыстық әкімдіктің алты қабатты ғимаратының шатыры 7 сәуір күні кешке өртенген болатын. Алғашқы өрт сөндіру бөлімдері бес минуттан кейін жеткен кезде, шатырда бірден үш жерден лаулаған от шығып жатқан. Оқиға орнында жедел штаб құрылды.

Жалын тез таралды: ғимарат конструкциясыны...

Түркия Парламентінің комиссиясы әлеуметтік желілерге 15 жасқа дейінгі балалардың тіркелуіне тыйым салатын заң жобасын мақұлдады. Жаңа құжат балалардың цифрлық қауіпсіздігін қамтамасыз етудегі «революциялық қадам» деп бағаланып отыр, деп жазады TRTHaber.

Түркия Ұлы Миллет Мәжілісінде (ТҰММ) қаралып жатқан «Әлеуметтік қызметтер туралы» заңға енгізілген өзгерістер осы аптада түпкілікті қабылдануға тиіс. Жаңа ережелер тек әлеуметтік желілерді ғана емес, онлайн ойын платформаларын да қатаң бақылауға алады.

15 жасқа дейін тыйым, 18-ге дейін – арнайы режим

Заң жобасына сәйкес, бұдан былай әлеуметтік желі провайдерлері 15 жасқа толмаған балаларға қызмет көрсете алмайды. Платформалар әр пайдаланушының жасын нақты тексеру (age verification) жүйесін енгізуге міндеттеледі.

Ал...

2025 жылдың қыркүйегінен 2026 жылдың наурызына дейінгі аралықта астық пен ұн экспорты (астық баламасында) 9,9 млн тоннаны құрады. Бұл туралы Ауыл шаруашылығы министрлігінің баспасөз қызметі хабарлады.

«Қазақстан темір жолы» акционерлік қоғамының мәліметінше, 2025 жылдың наурызына жақын бұл көрсеткіш 8,7 млн тонна болған. Бұл сыртқы нарықтарға жеткізілім көлемінің артқанын көрсетеді.

Экспорт көлемі

Мәселен, Өзбекстан еліне астық экспорты 15%-ға өсіп, 7,3 млн тоннадан 8,4 млн тоннаға жетті. Қырғызстан бағытына 1,7 есеге ұлғайып, 233 мың тоннадан 393 мың тоннаға артты.

Сонымен қатар, Ауғанстан бағыты бойынша экспорт 35%-ға өсіп, 1,1 млн тоннадан 1,5 млн тоннаға дейін жетті. Түрікменстанға жіберілген астық көлемі де...

Белгілі әнші Төреғали Төреәлі Instagram парақшасында жетінші перзентінің дүниеге келгенін жазды.

«Аллаға шүкір, бүгін жетінші перзентім дүниеге келді. Бұл – жай ғана жаңалық емес. Бұл – өмірдің жаңа тынысы. Жауапкершіліктің жаңа деңгейі. Толқында (жұбайы) бұл жолы төртінші рет кесар тілігі болды. Шынымды айтсам, қатты уайымдадым. Бірақ ер адам ретінде тек сырттай күтіп тұруды емес, осы сәттің ішінде болуды таңдадым. Қызымды өз қолыммен қарсы алдым», – деп жазды әнші.

Қыздың есімін Мәриям деп нағашы атасы мен әжесі қоюды ұсынған.  Ал продюсер Жан Мұқанов пен оның жары кіндік әке-шешсі болған. 

Әнші жұбайының да, жаңа туған нәрестесінің де...

АҚШ президенті Дональд Трамп Иранға қару жеткізетін елдерге қатаң шара қолданылатынын мәлімдеді.

Оның айтуынша, мұндай елдердің АҚШ-қа экспорттайтын барлық тауарына бірден 50% баж салығы енгізіледі.

«Иранға әскери қару жеткізген кез келген мемлекет АҚШ-қа сататын барлық тауарға 50 пайыздық баж салығына тап болады. Ешқандай ерекшелік болмайды», – деді Ақ үй басшысы Truth Social желісінде.

Ал АҚШ вице-президенті Джей Ди Вэнс Вашингтон мен Тегеран арасында уақытша бітімге қол жеткізілгенін мәлімдеді. Оның айтуынша, Иран Ормұз бұғазын кеме қатынасына ашуға уәде берген.

Вэнстің сөзінше, Дональд Трамп Иранға осы талаптар бойынша ультиматум қойған.

Айта кететін жайт, Қазақстан президенті Қасым-Жомарт...

Петропавл соты ресейлік әнші Акмальдың Қостанайда өтпей қалған концертіне билет алған адамдарға 5,3 млн теңгені қайтару туралы шешім шығарды. Бұл туралы Сауда және тұтынушылардың құқықтарын қорғау департаменті хабарлады.

Оқиғаның мән-жайы

2025 жылдың қазан айында ресейлік әнші Акмаль (Акмаль Ходжаниязов) Петропавлдағы концертінде көк және сары түсті пакетті өртеп жіберуге кеңес берген. Ол бұл түстер өзіне ұнамайтынын айтқан. Айта кетейік, дәл осы түстер Қазақстан мен Украина туларында бар.

Осы мәлімдемеден кейін әлеуметтік желіде қызу талқылау туындап, қоғамда резонанс пайда болды. Нәтижесінде әншінің Қазақстан бойынша жоспарланған туры тоқтатылды. Петропавлдан кейін Қостанайда және өзге қалаларда өтуге тиіс концерттер де, билет толы...

Қазақстанға келген жаңа Boeing 737 MAX 8 ұшақтары алғашқы тұрақты рейстерін орындай бастады.   

Жақында SCAT әуекомпаниясының флотын толықтырған екі жаңа Boeing 737 MAX 8 әуе кемесі Шымкент – Астана – Шымкент бағыты бойынша алғашқы тұрақты рейстерін орындайды.

«Отандық әуе компаниясының паркіне бірден екі жаңа әуе кемесінің қосылуы Қазақстанның авиация саласы үшін елеулі оқиға және қазақстандық авиация нарығының белсенді дамуының тағы бір дәлелі болды», – делінген Көлік министрлігінің хабарламасында.  

Министрліктің ақпаратынша, осы жылдың соңына дейін қазақстандық әуе компанияларының әуе кемелері паркін 118 ұшаққа дейін ұлғайту жоспарланып отыр.

Жалпы, Қазақстанның SCAT әуе компаниясында 35 замануи...

8 сәуірден 9 сәуірге қараған түні Парижде Чемпиондар лигасының алғашқы ширек финалдық матчы аясында франциялық «ПСЖ» мен англиялық «Ливерпуль» кездеседі.

Трансляция уақыты мен арнасы

Қазақстандық жанкүйерлер бұл ойынды сағат 00:00 де тікелей эфирде Qazaqstan арнасынан тамашалай алады.

Командалардың ширек финалға дейінгі жолы

Былтыр турнирдің чемпионы атанған «ПСЖ» жарысты ерте, яғни 1/16 финалдан бастауға мәжбүр болды. Париждіктер бұл кезеңде отандастары «Монаконы» (екі ойын қорытындысы бойынша 5:4) қапы қалдырса, кейіннен Лондонның «Челсиін» (8:2) ойсырата жеңіп, ширек финалға жолдама алды.

Ал «Ливерпуль» плей-офф кезеңін 1/8 финалдан бастап, түріктің «Галатасарайын» (4:1) сенімді түрде тізе бүктірді.

Өткен маусымдағы есеп

Бұл...

Енді жұмыс беруші қызметкердің медициналық тексеруден өткен уақыты үшін де ақы төлеуі керек. Бүгін мәжіліс депутаттары еңбек заңнамасын жетілдіру мәселелеріне қатысты заңды екінші оқылымда қабылдады.

Құжатта көрсетілгендей, енді қызметкерлердің медициналық тексеруден өтуге жұмсаған уақыты үшін ақы төленеді. Яғни бұл процесс жұмыс уақыты ретінде есептеледі. Ал медициналық ұйымдар жұмыс берушіге де, қызметкерге де тіркелген жері бойынша скринингтік зерттеулерден өту туралы хабарлама жіберуге міндетті.

Жұмыс берушілер үшін тағы бір маңызды міндет жүктелді: егер еңбек жағдайлары өзгерсе (жалақы, кесте немесе міндеттер), бұл туралы қызметкерге міндетті түрде жазбаша хабарлау қажет.

Заңда жұмыстан шығу тәртібі де нақтыланды. Әсіресе, материалдық жауапкершілігі бар қызметкерлердің мүлік пен құжаттарды өткізу мерзім...

Қазақстанның халық әртісі Мақпал Жүнісова SCAT әуекомпаниясының бортсеріктерінің үстінен шағым айтты.

Әншінің сөзіне қарағанда, ұшақта терезе жақтағы бос орынға отырмақ болады. Бірақ бортсеріктер орын ауыстыруға үзілді-кесілді қарсы шығады.

«Басеке, мына орындықтар бос тұр. Ана жерге отырайын десем, сенің стюардессаң «бұл ақылы орын» дейді. Ұшақтың есіктері жабылды. Ешкім отырмайды. Бұны қалай түсінуге болады?» – деп сауал тастады SCAT басшыларының біріне.

Мақпал Жүнісова ұшақтың ішін, үш орын қатарынан бос тұрғанын көрсетті. Қай орында отырғанның не айырмасы бар екенін түсінбей дал болды.

«Мен билетті ақша төлеп алдым. Осыны түсіндіріңізші. Меніңше, оныкі (бортсеріктікі – ред...

8 сәуірде АҚШ пен Иран атысты доғаруға келісіп, мұнай арзандаған күні, Қазақстанда доллар бағасы күрт көтерілді. Қазақстан қор биржасында (KASE) сағат 15:30-да 1 доллар 475,31 теңге болды. Ақша айырбастау мекемелері оны 482 теңгеден сатып жатыр.

Теңге құнын жоғалтты

Ұлттық валюта бір тәуліктің ішінде ғана 12 теңгеге құнсызданды. Доллардың нығаюы әлі де тоқтаған жоқ. АҚШ валютасы биржадағы сауда барысында 480 теңгеге қарай өрлеп келеді.

Айта кетейік, күні кеше ғана KASE-дегі валюта саудасы барысында 1 доллар 459 теңгеге дейін арзандаған еді. Алайда түстен кейін қайта көтеріліп, қордағы сауда 468,21 теңгемен жабылған.

Елдегі валюта айырбастау мекемелерінде доллар 482 теңгеден сатылып...