Жаңалықтар

Қырғызстанда президенттің жарлығымен төтенше жағдайлар министрі Урматбек Шамырканов атқарып отырған қызметінен босатылды.

Президенттің баспасөз хатшысы Асхат Алагөзов әлеуметтік желідегі парақшасында отставканың себебін түсіндірді.

«Жаңа министрді қызметінен босатуға Урматбек Шамырканов ТЖМ басшысының орынбасары болып тұрған кезде «пара алды» деген күдікке ілінуі себеп болды», – деп жазды ол.

Мәліметтерге сәйкес, 2025 жылдың жазында ол осы министрлік бөлімшелерінің бірінің қызметкерінен лауазымын өсіру үшін пара талап еткен. Қызметкердің айтуынша, ол келісілген соманың жартысын сол кездегі ТЖМ басшысының орынбасары У. Шамыркановтың электронды әмиянына аударған.

«Шамырканов министр болып тағайындалғаннан кейін, әлгі қызметкер соманың қалған бөлігін...

2026 жылдың екі айында Алматыда жаңа тұрғын үй 4% астам, ал Астанада 2% қымбаттап үлгерді. Бұл ретте ақпан айында еліміздің ірі қалаларында пәтер бағасы тұрақты болды, деп хабарлайды Ұлттық статистика бюросы.

Алматы

2025 жылдың желтоқсанынан 2026 жылдың ақпанына дейін Алматының жаңа салынған нысандарындағы тұрғын үй бағасы 4,3%-ға өсіп, шаршы метріне орташа есеппен 719,6 мың теңгені құрады. Сонымен қатар, ақпан айының өзінде баға өзгерген жоқ.

Жыл басынан бері Алматыда қолданыстағы (вторичный) баспана айтарлықтай қымбаттаған жоқ – 1,9%-ға өсіп, шаршы метрі 752 мың теңгеге жетті. Тек ақпан айында баға 1,5%-ға көтерілді. Жалдау ақысы екі айда 1,1%-ға жоғарылап, шаршы метріне...

Air Astana әуе компаниясы Дубайға билет сатып алу мен ұшуға салынған тыйым мерзімін ұзартты. Шектеулер Алматы және Астана қалаларына қатысты.

Таяу Шығыстағы шиеленісті жағдайға байланысты әуе компаниясы Алматы – Дубай және Астана – Дубай бағыттары бойынша тұрақты рейстерді орындамайды. Әскери іс-қимылдар басталғалы бері компания тыйымды қысқа мерзімге ұзартып келген болатын. Енді ұшулар 11 наурыздан бастап 31 наурызды қоса алғанда тоқтатылады.

Тоқтатылған рейстердің жолаушыларына мынадай мүмкіндіктер ұсынылады:

Осыған дейін компания соғыс аймағында қалған қазақстандықтар үшін бірнеше репатриациялық рейстер ұйымдастырған болатын. СІМ...

Президент Қасым-Жомарт Тоқаев Түркістан облысының әкімі Нұралхан Көшеровті қабылдап, өңірдің әлеуметтік-экономикалық дамуы мен алдағы кезеңге арналған жоспарлары туралы есеп тыңдады.

Әкімнің айтуынша, облыстың экономикалық өсімі 113,9 пайызды құраған. Мемлекеттік бюджетке түсетін салық түсімдері 1 триллион теңгеге артқан. 2025 жылы өңірге 1,7 триллион теңге инвестиция тартылып, оның 1,4 триллионы жеке инвестиция болған. Ал тікелей шетелдік инвестиция көлемі 1,4 миллиард долларға жеткен.

Өткен жылы жалпы құны 340 миллиард теңгені құрайтын 58 инвестициялық жоба іске қосылып, 8 мыңнан астам жаңа жұмыс орны ашылған. Қазіргі таңда облыста 21 индустриалдық аймақ жұмыс істейді. «Turan» арнайы экономикалық аймағында құны 315 миллиард теңгені құрайтын 26 жоба...

Forbes-тің 2026 жылғы жаһандық миллиардерлер рейтингіне екі қазақстандық бай азамат қосылды. Тізімге алғаш рет дәулеті 1 млрд доллардан асқан кәсіпкерлер Нұрлан Смағұлов пен Айдын Рахымбаев енді.

Forbes.kz мәліметінше, Нұрлан Смағұловтың байлығы шамамен 1,3 млрд долларға бағаланып отыр. Ол әлемдік миллиардерлер рейтингінде 2858-орында тұр. Ал дәулеті 1,1 млрд долларға бағаланған Айдын Рахымбаев тізімнің 3185-сатысына жайғасты.

Өзбекстанның Қоқан қаласында 17 жастағы Хуршид Хайдаровтың өліміне қатысты іс бойынша сот үкімі шықты.

Kun ақпаратына қарағанда, бұған дейін тергеушілер жасөспірімнің өлімін «суицид» деп қарастырған. Алайда жәбірленуші түсінде марқұм ұлын көрген.

Ол: «Өз-өзіме қол салған жоқпын. Мені өлтіріп, теміржолға тастады», – деп аян берген.

Осыдан кейін әйел істі қайта қарауға қол жеткізіп, кісі өлтіру фактісі ашылған.

Бұл іс бойынша, үш жасөспірім сотталды. Екеуі қасақана кісі өлтіру, мәйітті қорлау және ұрлық жасағаны үшін, ал тағы бірі қылмысты хабарламағаны үшін кінәлі деп танылды.

Тергеу дерегінше, 2025 жылғы 20 маусымда Шохжахон Ганиев пен Муртозхон Мансуров Хайдаровты далаға шақырып, бірге сыра ішкен...

Польшада жоғалып кеткен қазақстандық әйел әлі де іздестіріліп жатыр. Бұл жайлы Сыртқы істер министрлігінің ресми өкілі Ерлан Жетібаев айтты.

«Польша тарапына сауал жолданды. Қазір іздестіру жұмыстары жүргізілуде, мәселе елшілік бақылауында тұр», – деді ол.

Еске салайық, ақпанның соңында  Екатерина Шилова есімді әйелдің Польшада жоғалып кеткені хабарланған еді. Ол Варшавадан Астанаға ұшып шығуы керек еді, бірақ рейске отырмаған. 19 ақпаннан бері байланысқа шыққан жоқ.

Екатерина әпкесі Ирина (суретте) Бас прокуратураға үндеу жасап, бауырын табуға көмектесуін өтінді.

Елде ЖИ технологияларын мектеп тәжірибесіне енгізудің әдістемелік негіздері бекітілді. Құжатты Ы.Алтынсарин атындағы Ұлттық білім академиясы әзірлеген. Бұл жөнінде Оқу-ағарту министрлігі мәлімдеді.

Министрлік дерегінше, әдістемені әзірлеудегі басты ұстаным – жасанды интеллект мұғалімді алмастырмайды. ЖИ тек сабақ дайындауға, оқу материалдарын бейімдеуге және талдау жасауға арналған көмекші құрал ретінде қарастырылады.

 «Оқушыны бағалау, оқу мазмұнын таңдау және соңғы шешім қабылдау құқығы толықтай мұғалімнің құзырында қалады. Білім нәтижелерін толық автоматтандыруға жол берілмейді. Сондықтан жасанды интеллект дайындаған кез келген материал мұғалімнің тексеруінен өтуі тиіс», – делінген министрлік хабарламасында.

Құжатта цифрлық қауіпсіздік мәселесіне ерекше назар аударылған. Оқушылардың жеке деректерін бөгде...

Қазақстанда 50 мың адам апатты үйде тұрады. Өмірге қауіпті деген ғимараттар саны жыл сайын артып келеді деп жазады Ranking.kz.

Тізімнің көш басында Атырау облысы тұр. Өткен жылы өңірдегі тозығы жеткен 705 үй болды, ол жерде 13 мыңнан аса адам тұрады. 2024 жылмен салыстырғанда апатты үйлер саны 49-ға көбейген.

Екінші орында – Ақмола облысы. Мұнда тұруға жарамсыз деген 270 үй тіркелді.

Үшінші орында 262 апатты үйі бар Батыс Қазақстан облысы тұр. Бір жыл ішінде тағы 55 үй ескіріп, тозығы жеткендер қатарына қосылды.

Апатты үйлер саны көп өңірлер қатарында Астана қаласы (191) мен Абай (172) облысы бар...

Сыртқы істер министрлігінің ресми өкілі Ерлан Жетібаев Вьетнамның Хошимин қаласында жоғалып кеткен қазақстандық Әсем Әубәкірдің оқиғасына қатысты пікір білдірді. Ресми өкіл қазір бойжеткенді елге қайтару мәселесі шешіліп жатқанын айтты.

«Вьетнамдағы дипломаттар мен құқық қорғау органдары жүргізген жедел шаралардың нәтижесінде аталған азаматша табылды. Ол тірі, аман-есен. Қазір оның жанында консул бар. Қазіргі уақытта қызды Қазақстанға қайтару мәселесі қарастырылып жатыр, – деп мәлімдеді Ерлан Жетібаев брифинг барысында.

Естеріңізге салайық, 26 жастағы бойжеткен алтыншы наурызда Вьетнамда жоғалып кеткен еді. Ол Ханойға баратын рейске мінуі керек болған, бірақ әуежайға жақындағанда байланыс үзіліп, хабар-ошарсыз кетеді. Жақындарының сөзінше, Әсем артынан біреулер аңдып жүргенін...

Қабылданып жатқан шараларға қарамастан, эпидемиологиялық мониторинг жұқтырғандар санының өскенін көрсеткен.

Бұл туралы Денсаулық сақтау министрлігі хабарлады.

Министрлік ақпаратынша, бұл жас балалардың вакцинация алмауымен байланысты.

Қызылша жұқтыру бойынша жағдайды тұрақтандыруға бағытталған профилактикалық іс-шаралар жалғасып жатыр.

«2026 жылдың басынан бері елде қызылшаның 4 184 жағдайы тіркелді. Ауру жұқтырғандардың 83,8%-ы – 14 жасқа дейінгі балалар. Өткен аптада сырқаттанушылық көрсеткіші алдыңғы кезеңмен салыстырғанда 1,3 есеге артты», – делінген хабарламада.

Министрліктің дерегінше, жұқтырғандардың 77%-ы – екпе алмаған. Ата-аналар вакцинадан бас тартқан.

Мұның алдында елде қызылшаға қарсы қосымша екпе басталатыны белгілі болды.

Қазақстан азаматтары қақтығысқа қарамастан Таяу Шығыс елдеріне демалуға баруын жалғастырып жатыр. Бұл туралы Сыртқы істер министрлігінің ресми өкілі Ерлан Жетібаев мәлімдеді.

СІМ өкілі нақты жағдайлар туралы жеке өзіне белгілі емес екенін, алайда қазақстандықтардың мұндай елдерге барғаны жөнінде ақпараттың бар екенін растады.

«Маған нақты жағдайлар жеке белгілі емес, алайда мұндай ақпараттар түсіп жатыр. Әлеуметтік желілерден де кейбір азаматтардың бұл елдерге барғысы келетінін көріп отырмын. Сол себепті біз бірнеше рет ескерту жарияладық. Мен де бірнеше мәрте азаматтарды бұл мәселеге өте мұқият қарауға шақырамын. Қауіпсіздік ең бірінші орында тұруы тиіс, сондықтан жағдайды жан-жақты ескеріп, салмақты шешім қабылдау қажет...

Қазақстан Сыртқы істер министрлігінің ресми өкілі Ерлан Жетібаев Таяу Шығыстағы әскери іс-қимылдар жалғасып, көптеген ел әуе кеңістігін жаппақына байланысты ел азаматтарына үндеу жолдады.

«Қазақстан азаматтарына белсенді әскери іс-әрекеттер толық тоқтағанға дейін келесі елдерге барудан бас тартуға қатаң түрде ұсынамын: Бахрейн, Мысыр, Израиль, Йемен, Иордания, Ирак, Иран, Қатар, Сауд Арабиясы, Кувейт, Ливан, БАӘ, Оман және Сирия», – деді Жетібаев.

Сонымен қатар ҚР СІМ осы елдерде жүрген азаматтарды жеке қауіпсіздігін күшейтуге, қауіпті аудандарға бармауға, жергілікті билік органдарының нұсқауларын орындауға, соның ішінде зымырандар қаупі туындаған жағдайда дереу паналау орнына баруға кеңес береді. Одан бөлек Қазақстан елшілігімен, туроператорларымен тұрақты...

Түркістан облысы Ақниет ауылында 3 жасар бала жеке тұрғын үйдің ауласындағы дала дәретханасына құлап түскен. Абырой болғанда оны жақындары уақытылы көріп қалып, төтеншеліктерді көмекке шақырған.

Облыстық төтенше жағдайлар департаментінің дерегінше, баланы тұрғындар өздігінен сыртқа шығара алмаған.

«Оқиға орнына ТЖМ жедел-құтқару жасағының күштері мен құралдары жіберілді. Құтқарушылар баланы шығарып алып, оны 103 қызметінің мамандарына тапсырды» делінген облыстық төтенше жағдайлар департаментінің хабарламасында.

Төтеншеліктер балаларды қысқа уақытқа да қараусыз қалдырмау керектігін ескертеді.

Осыған дейін Сингапурде дәретхана кезегіне таласып, соңы өліммен аяқталған жанжал туралы жазып едік. Екі ер адам кезекке таласып, төбелесіп, 73 жастағы Чу оқиға...

Эвакуация басталғалы Таяу Шығыстан 8,5 мыңнан аса қазақстандық елге қайтарылды. Бұл туралы Сыртқы істер министрлігінің ресми өкілі Ерлан Жетібаев мәлім етті. 

«Қазақстан Сыртқы істер министрлігі уәкілетті мемлекеттік органдармен бірлесіп, Таяу Шығыстағы қақтығыс аймағынан қазақстандықтарды елге қайтару жұмыстарын жалғастыруда. Біз отандастарымыздың қауіпсіздігін қамтамасыз ету үшін бар күш жігерімізді салудамыз және кез укелген жағдайда жан-жақты қолдау көрсетеміз», – деді ресми өкіл брифинг барысында.

Ерлан Жетібаев атап өткендей, қазіргі уақытқа дейін Қазақстан азаматтарының арасында зардап шеккендер немесе қаза болғандар туралы ақпарат тіркелмеген.

«Эвакуация басталғалы бері уәкілетті мемлекеттік органдары резидент және резидент емес...

Таяу Шығыстағы қақтығысқа байланысты шетелдегі дауыс беру учаскесі саны қысқарды. Бұл туралы орталық референдум комиссиясының төрағасы Нұрлан Әбдіров хабарлады.

«Бастапқыда 62 елде 80 дауыс беру учаскесін ашу жөнінде шешім қабылдаған едік. Әлемдегі қақтығысқа байланысты, оның ішінде Таяу Шығыс өңіріндегі жағдайға байланысты учаскелер саны қысқартылды. Қазір қолда бар ақпаратқа сәйкес, 54 елде 71 учаске болады», – деді Нұрлан Әбдіров.

Осылайша, 10 елдегі 11 учаскенің жұмысын тоқтату туралы шешім қабылданған. Ал шетелдердегі дауыс берушілер саны – 14,2 мың адам.

Бұл тізімде Иран, Израиль, Иордания, Катар, БАӘ, Оман, Ливан, Кувейт, Украина және Эфиопия бар.

Бұған дейін Украина мен...

Қазақстандық әнші Сивиетта Махмуди иелік ететін Marsel Gold компаниясы Қызылорда облысындағы Қарамұрын кен алаңында алтын құрамды кен өндіруді бастамақ.

Компания ұсынған құжаттарға сәйкес, қазіргі уақытта жер қойнауын пайдалану құқығын қалпына келтіру және тау-кен жұмыстарын қайта бастау бойынша жұмыстар жүргізілуде. Қазір кен орнын игеру жоспары дайындалып жатыр. Онда ашық әдіспен жүргізілетін тау-кен жұмыстарының жылдар бойынша көлемі қайта қарастырылады. Жобаны іске асыру мерзімі 2027–2033 жылдарды қамтиды.

Айта кетейік, Қызылорда облысындағы Қарамұрын кен алаңындағы алтын кенін игерудің алдыңғы жоспары 2017–2018 жылдары орындалған. Алайда кен өндіру іс жүзінде басталмаған болуы мүмкін. Бұрын салынған «Қарамұрын» тау-кен металлургиялық кәсіпорнының барлық нысандары консервацияланған.

Сондықтан өндірісті іске қосу...

Бұл туралы қалалық сот хабарлады. Сот дерегінше, қалалық азаматтық істер жөніндегі ауданаралық сотында Шымкент қаласының жер қатынастары басқармасына мемлекет мұқтажы үшін алынған жер учаскесіне өтемақы құнын төлеуді міндеттеу туралы талап-арыз қаралған.

Талап қоюшы жалпы алаңы 0,1900 га жер учаскесінің иесі. Шымкент қаласы әкімдігінің қаулысымен оның жер учаскесін мемлекет мұқтажы үшін өтемақы төлеу арқылы алып қою белгіленген. Алайда жергілікті әкімдік жердің құнын 46 млн теңге деп бағалаған. Бұған тұрғын келіспеген соң қала әкімдігі сотқа жүгінген. Жер учаскесін мемлекет мұқтажы үшін сатып алып, мәжбүрлеп иеліктен шығару туралы талап қойған. Десе де арызды қайта алған.

Әкімдіктің қабылдаған қаулы негізінде тұрғынға тиесілі жер учаскес...

Желіде қызу талқыға түскен ақын Танакөз Толқынқызының қазақ қоғамы туралы өткір сыны жөнінде әнші Меруерт Түсіпбаева пікір білдірді. Ол парақшасында даулы жазба авторын ашық қолдайтынын жазды.

«Анау ақындар бар ғой, Аманжол және Ринат, солардың орнына қолдан келсе, Танакөзді сайлауымыз керек», – деп жазды.

Ақынның өткір сыны

Еске салсақ, Танакөз Толқынқызы желідегі жазбасында қазіргі қазақ қоғамын қатты сынға алған. Ақынның сөзінше, ел ішінде принципсіздік, жағымпаздық пен екіжүзділік белең алған.

«Қазақтар тәуелсіздігін сақтап қала алмайды. Себебі ол сапасыз ұлтқа айналған. Принципі жоқ надан ұлт қалыптасты. Жағымпаз, өтірікші, екіжүзді, сатқын...

Атырауда жоғалып, артынан мәйіттері табылған отбасының ісіне қатысты жаңа жайттар белгілі болды. Олардың өліміне ұзақ уақытқа созылған тұрмыстық жанжал себеп болуы мүмкін. Бұл туралы ҚР ІІМ Криминалдық полиция департаментінің бастығы Қанат Нұрмағамбетов айтты.

«Қылмысқа ұзақ уақытқа созылған тұрмыстық жанжалдар себеп болған. Тергеу екі және одан да көп адамды өлтіру бабы бойынша жүргізілуде, іс министрліктің бақылауында», – деді ол.

Басты күдікті – отбасының күйеу баласы Сұлтан Сәрсемәлиев. Қазір оның жұбайы, отбасының кіші қызы Ақбаянның іске қатысы бар-жоқ екені анықталып жатыр. Полиция мәліметінше, психикалық жағдайын анықтау мақсатында ол сот-психиатриялық сараптама жүргізу үшін медициналық ұйымға жіберілген.

Атырауда жоғалған...

10 наурыздан 11 наурызға қараған түні Чемпиондар лигасының ширек финалындағы алғашқы матчта Испанияның Барселона клубы Англияның Ньюкасл Юнайтед командасымен кездеседі.

Кездесу Қазақстан уақыты бойынша 01:00-де басталады. Қазақстандық жанкүйерлер ойынды Qazsport телеарнасынан тікелей эфирде тамашалай алады.

Ал 22:45 «Галатасарай» мен «Липерпуль» ойыны көрсетіледі.

Астана қаласының орталығында дәрет сындырған шетелдікке бес жылға Қазақстанға келуге тыйым салынды.

Әлеуметтік желілерде бейне таралды. Онда шетел азаматының тапатал түсте Астанадағы Достық көшесі бойындағы бір мекеме маңында дәрет сындырып жатқаны көрінеді.

Полиция қызметкерлері құқық бұзушылардың тұлғасын анықтады. Олар 35 және 49 жастағы екі шетел азаматы болып шықты. Оларды анықтағанға дейін олар Қазақстаннан кетіп қалған.

Дегенмен, кінәлі адамдарға қатысты полиция Қазақстанға бес жылға кіруге тыйым салу шешімін қабылдады.

Бұл факті бойынша ІІМ шетелдіктерге қатысты қажетті шаралар қабылдау үшін Сыртқы істер министрлігін хабардар етті.

10 наурызда Ыстанбұл қаласында Чемпиондар Лигасының 1/8 финалының бірінші матчында Галатасарай Англияның Ливерпуль командасын қабылдайды.

Матчтың тікелей трансляциясын Қазақстан уақыты бойынша 22:45-те Qazsport арнасынан көруге болады.

Естеріңізге салсақ, «Ливерпуль» 1/8 финалға тікелей өтті, өйткені жалпы кезең қорытындысы бойынша үздік сегіз команданың қатарына енді. Ал «Галатасарайға» плей-офф кезеңінде ойнауға тура келді: 1/16 финалда италиялық Ювентус командасымен кездесті де екі матч қорытындысы бойынша 7:5 есебімен жеңіске жетті (қосымша уақытпен).

Айта кетейік, осы кезеңде «Галатасарай» және «Ливерпуль» бір-бірімен кездескен: жалпы кезеңнің екінші турында Түркия командасы өз алаңында сенсациялық түрде 1:0 есебімен жеңіске жеткен еді.

Жаңа Changan CS55 Plus кроссовері Қазақстан нарығына шықты. Үшінші буын ретінде ұсынылған модельдің бағасы 11,09 млн теңге.  

Қытай көліктерінің ақпаратына қарағанда, Changan CS55 Plus алғаш рет Қытай нарығында 2019 жылы пайда болды. Сол кезде дизайны CS95 моделіне ұқсас болды. Ал 2021 жылы Қытайда екінші буын сатылымға шықты, сыртқы түрі Uni стилінде болды. 2023 жылы модельге жоспарлы сыртқы жаңарту енгізілді. Қытайда оны «үшінші буын» деп атайды.

Changan CS55 Plus ерекшеліктері

Жаңа CS55 Plus бұрынғысына қарағанда алдыңғы бөлігінде өзгеріс бар. Кроссоверде рамасыз радиатор торы, бамперлер мен шығарылатын түтікшелер өзгертілген. Жалпы пропорциялар, терезе сызығы мен алдыңғы фаралар бұрынғысынша. Өлшемдер...