Жаңалықтар

Сотталған кәсіпкер Анатолий Балушкинге тиесілі болған «Азия Авто» аяқталмаған автозауыты бойынша сауда-саттық өтті. Сауда-саттық өтті деп танылып, сондықтан нысан жаңа иесінің билігіне өтуі тиіс, оның есімі әзірге белгісіз.

Кешеннің бастапқы бағасы 0 теңгені құрады. Бар болғаны бір ғана өтінім берілгенін ескерсек, іс жүзінде мүлік тегін берілді. Бұл нысанның 23,2 млрд теңгеге бағаланғанына қарамастан орын алып отыр. Сатушы ретінде Шығыс Қазақстан облысының мемлекеттік мүлік және жекешелендіру департаменті шықты.

Зауытты тек мемлекеттік ұйымдар немесе әлеуметтік сала мекемелері ғана ала алатын еді. Сауда-саттық басталмай тұрып-ақ, сатып алуға бір өтінім түскен жағдайда зауыт автоматты түрде сол бойынша сатылуы тиіс екені белгілі болған.

Кешен құрамына 57 нысан – әкімшілік ғимараттар...

Аты аңызға айналған тұңғыш кәсіпқой балуан, «күш атасы» Қажымұқан Мұңайтпасұлының туғанына 7 сәуір күні 155 жыл толды. Түркістан облысына «Балуан тас сапары» экспедициясы аясында бабамыздың өмірі мен өнерінің беймәлім тұстарына үңіліп, оның тікелей ұрпақтарымен тілдесудің сәті түсті. 

Сапар барысында Ордабасыдағы Қажымұқан атындағы облыстық спорт музейіне бардық. Бізді балуанның шөбересі, музей қызметкері Меруерт Ескермесқызы қарсы алып, жәдігерлердің сыры туралы айтты.

«Ұлы Отан соғысы басталғанда Қажымұқан атамыз әскери комиссариатқа өз еркімен барып, майданға жіберуді сұрайды. Ол: «Бойымдағы осы қара күшіммен бір немісті болса да жеңіп, Отан алдындағы берешегімді өтегім келеді, жеңісті жақындатуға үлес қосамын», – деп ниет білдіред...

АҚШ президенті Дональд Трамп «Иран өркениеті бүгін түнде жойылады» деп қатаң мәлімдеме жасады.

Haberler ақпаратына қарағанда, АҚШ пен Израильдің Иранға жасаған шабуылдарынан басталған соғыс 39-күнге аяқ басты. Қақтығысушы тараптар мен делдалдар дипломатиялық шешім іздеп жатқанымен, әскери әрекеттер әлі де жалғасып жатыр.

Трамп Truth платформасындағы жазбасында ықтимал шабуылға ишара жасаған.

 «Бүгін түнде алып өркениет жойылып, ешқашан қалпына келмейді. Мен мұның болғанын қаламаймын, бірақ, бәлкім, солай болады. Алайда толық әрі түбегейлі режим ауысқан жағдайда, ақылдырақ әрі радикалды емес күштер үстемдік ететін ортада жаңа өзгерістер болуы мүмкін. Кім білсін? Мұны біз бүгін түнде, әлем тарихындағы ең маңызды сәттерд...

Жезқазғандық «өрмекші адам» көпқабатты үйдің терезесінен құлап кете жаздады. Оны полиция қызметкерлері құтқарып алды.

Polisia.kz ақпаратына қарағанда, 6 сәуір күні сағат 22:27-де кезекші бөлімге Росков көшесіндегі тұрғын үйлердің бірінде ер адамның үшінші мен екінші қабаттың арасында ілініп тұрғаны туралы хабарлама түскен.

42 жастағы қала тұрғыны кез келген сәтте құлап кету мүмкін еді. Төменге секіру өте қауіпті. Ал жоғарыға қайта көтерілуге шамасы жетпеген. Уақыт өткен сайын оның күш-қуаты таусыла бастаған.

«Оқиға орнына шұғыл жеткен полиция қызметкерлері жағдайдың күрделілігін бірден бағамдап, жедел әрекет етті. Үшінші қабаттағы пәтердің есігін ешкім ашпаған соң, олар төменгі қабаттағы көршілер арқылы көмек...

Қытайдың Beijing Fuxing Yihua Technology компаниясы Алматы қаласында тау-кен өнеркәсібіне бағытталған ғылыми-зерттеу институтын ашуды көздеп отыр. Бұл туралы «Алматы – Шанхай» бизнес форумында мәлім болды.

Қытай компаниясы өкілінің пікірінше, Қазақстанда табиғи байлық көп болғанымен, ғылыми-технологиялық сараптама тапшы. Институт минерал шикізатының құрамын талдап, оны байыту сынақтарын өткізеді.

Инвестор жобаны қолдағаны, оны жүзеге асыруға қолайлы жағдай жасағаны үшін Алматы әкімдігіне алғыс айтты, деп таратты мегаполис билігі. Инвестиция көлемі туралы айтылмады.

«Алматы – Шанхай» бизнес форумы екі қала арасындағы сауда-экономикалық және инвестициялық байланысты нығайтуға арналған. Алаң мемлекеттік органдардың, бизнес өкілдерінің және сарапшылардың басын қосып, бірлескен жобалар мен жаңа әріптестік бағыттарын талқылауға...

«Қаражанбасмұнай» (ҚБМ) компаниясы Маңғыстау облысы әкімдігі ғимаратының алдына ереуілге шыққандарды жұмысқа қабылдай алмайды. Өйткені олар – мердігер компания қызметкерлері. Бұл туралы Kursiv.Media-ға берген ресми жауабында компанияның баспасөз хатшысы Абай Түзелбай мәлімдеді.

«Ақпаратты зерделеу барысында видеодағы қызметкерлер компанияның мердігер ұйымдарында жұмыс істейтіні белгілі болды. Олардың талаптары негізінде ҚБМ мердігер ұйымдардың қызметкерлерін өз штатына жұмысқа қабылдамайтынын ресми түрде мәлімдейді», – делінген жауапта.

Баспасөз қызметінің мәліметіне сәйкес, мердігер ұйымдар автокөлікке қызмет көрсету, ғимарат тазалау, бұрғылау ерітінділерін дайындау, вахта нысандарына қызмет көрсету сияқты бірнеше бағыт бойынша келісімшарт негізінде жұмыс істейді.

«Оларды...

7 сәуірден 8 сәуірге қараған түні УЕФА Чемпиондар лигасының ширек финалдық алғашқы кездесуі өтеді. Испаниялық «Реал Мадрид» өз алаңында немістің «Бавариясын» қабылдайды.

Қайдан көруге болады?

«Реал» – «Бавария» матчының тікелей трансляциясы Астана уақытымен 00:00-де басталады. Қазақстандық жанкүйерлер бұл ойынды Qazsport телеарнасынан тікелей эфирде тамашалай алады.

Командалардың ширек финалға дейінгі жолы

Биылғы плей-офф кезеңі екі ұжым үшін де нәтижелі болды. Маусым ортасында бас бапкерін ауыстырған «Реал Мадрид» жорығын 1/16 финалдан бастап, португалиялық «Бенфиканы» (жалпы есеп 3:1) қапы қалдырды. Ал 1/8 финалда ағылшын футбол клубы «Манчестер Ситиді» ірі есеппен (5:1) жеңді.

«Бавария» болса плей-оффты 1/8 финалдан бастап, италиялы...

АҚШ-тың Огайо штатында қайғылы оқиға болды. Орындықты бүктеу жүйесіндегі ақаудан бала қаза тапқан.

Бұл қайғылы жағдай Қазақстан нарығына да әсер етті.

Astana Motors құрамындағы Hyundai ресми дистрибьюторы Hyundai Palisade кроссоверіне қатысты сервистік науқан басталғанын хабарлады.

Науқанның мақсаты – артқы орындықтардың электр жетегін басқаратын бағдарламаны жаңарту.

500 көлік тексеріледі

Қазақстанда шамамен 500 Hyundai Palisade көлігі осы науқанға ілігеді. Мәселе орындықтарды автоматты бүктеу алгоритміне байланысты. Бұған дейінгі зерттеулер жүйе кедергіні анықтамай, қозғалысты жалғастыруы мүмкін екенін көрсеткен. Бұл жолаушыларға, әсіресе балаларға қауіп төндіреді.

Иелеріне не істеу керек

VIN-кодты Қазақстандағы ресми дилерлік орталықтарда тексеру. Көлік тізімде болса, сервиске жазылу қажет. Артынша...

Шығыс Қазақстан облысында қос азаматтыққа қатысты заңбұзушылықтар үшін 7 миллион теңгеден астам айыппұл өндірілді.

YK-news.kz ақпаратына қарағанда, көші-қон қызметі басқармасы қос азаматтық фактілерін анықтау және жолын кесу бойынша жүйелі жұмыс жүргізіп келеді.

Полиция департаментінің мәліметінше, жыл басынан бері 250-ден астам адам Қазақстан азаматтығынан шығарылған. Көбіне бұл – басқа елдің азаматтығын алып, қолданыстағы заң талаптарын орындамаған азаматтар.

Жүргізілген шаралар аясында 17 адам әкімшілік жауапкершілікке тартылып, оларға салынған жалпы айыппұл 7 миллион теңгеден асқан.

Мәселен, тексеру барысында облыс орталығының 43 жастағы тұрғыны анықталған. Ол 2026 жылдың ақпан айында көрші елдің азаматтығын алып, белгіленген мерзімде уәкілетті органдарға бұл туралы хабарламаған.

Соны...

7 сәуірде Израильдің Ыстанбұлдағы консулдығы маңында атыс болды. Reuters мәліметінше, полициямен арадағы қарулы қақтығыстан кем дегенде шабуылдаушы екі адамның көзі жойылып, тағы біреуі ауыр жараланған.

Reuters түсірген суреттер мен видеолардан полицияның қару ұстаған қызметкерлері оқтан жасырынып тұрғанын, сонымен бірге 10 минут атыс жүргенін білуге болады. Тағы бір жаралы адамның денесі қанға боялған.

Агенттік видеосына шабуылдаушы болуы мүмкін бір адамның бірнеше минут бойы автоматпен, тапаншамен оқ атқаны да түсіп қалған. Оққа ұшқан екі адамның денесі көше маңындағы көгалда жатыр.

Түрік баспасөзі Израиль консулдығы орналасқан аудандағы атыстан полицияның екі қызметкері жараланғанын жазды. Консулдық ғимараты Ыстанбұлдың қаржы ауданында орналасқан.

Reuters мәліметінше...

Қазақстанда БЖЗҚ-дан зейнетақы жинағын алу үшін ең төменгі жеткілікті шек басқаша есептелетін болады. Еңбек және халықты әлеуметтік қорғау министрлігі әзірлеген тиісті қаулы жобасы «Ашық НҚА» порталында жарияланды. Құжатты қоғамдық талқылау 21 сәуірге дейін жалғасады делінгенмен, порталда әдеттегідей жобаның құжаты жоқ.

Өзгерістің мәні неде?

Министрліктің жазуынша, жобаның басты мақсаты – азаматтардың болашақтағы зейнетақы көлемін сақтап қалу және жинақтаушы жүйеден берілетін төлемдердің тиімділігін арттыру. Қарапайым тілмен айтқанда, мемлекет азаматтардың қазір ақшасын жұмсап қойып, қартайғанда табыссыз қалуының алдын алуды көздеп отыр.

Есептеу әдісі қалай өзгереді?

Егер бұрын жеткіліктілік шегі белгілі бір көрсеткіштерге негізделсе, ендігі жерде «кейінге қалдырылған өмірлік...

Алматы облысында жазғы шомылу маусымына дайындық жұмыстары жүргізіліп жатыр. Өңір әкімі Марат Сұлтанғазиев тиісті сала басшыларына қауіпсіздік шараларын күшейтіп, демалыс орындарын талапқа сай ету жөнінде нақты тапсырмалар берді.

Әкімнің айтуынша, ең басты міндет – адам шығынына жол бермеу. Әсіресе, рұқсат етілмеген жерлерде шомылу жағдайлары жиі қайғылы оқиғаларға әкелетінін атап өтті. Осыған байланысты мұндай қауіпті аумақтарды бақылауды күшейтіп, жер иелерімен жүйелі жұмыс жүргізу қажеттігі айтылды. Сонымен қатар, ресми түрде белгіленген жағажайларда қауіпсіздік белгілері мен ескерту тақтайшалары толық орнатылуы тиіс.

Қапшағай жағалауында да дайындық жұмыстары басталып кетті. Алматы облыстық Төтенше жағдайлар департаментінің мәліметінше, су айдындарының түбін тазалау, санитарлық жағдайды бақылау және инфрақұрылымды...

Қырғызстан жолдаған гуманитарлық көмек Иранға жетті. 129 тонна жүк иран-түркімен шекарасына жақын маңдағы Серахс қаласында тұр.

Қырғыз қырғыз төтенше жағдайлар министрлігінің хабарлауынша, гуманитарлық жәрдем 7 сәуірде кедендегі рәсімдеу толық аяқталған соң Иранға тапсырылады.

Министрлік жариялаған видеодан қырғыз азаматтарын иран азаматы күтіп алғанын көруге болады.

Соғыс жүріп жатқан Иранға гуманитарлық көмек көрсету туралы шешімді Қырғызстан президенті Садыр Жапаров қабылдаған. Жүк тиелген жеті көлік 3 сәуірде жолға шыққан. Гуманитарлық көмект...

Geely Galaxy компаниясы жаңа қосылатын гибридті жол талғамайтын көлік – Geely Galaxy M7 моделіне алдын ала тапсырыс қабылдайды.

Сarnewschina ақпаратына қарағанда, тапсырыс қабылдау 9 сәуірде басталмақ. Көлік сәуір айының соңында нарыққа шығарылады.

Электр қуатымен жүріс қоры CLTC стандарты бойынша 225 шақырымға дейін жетеді. Ал аралас режимдегі жалпы жүріс қоры 1730 шақырым болады.

Модель сипаттамасы

Galaxy M7 – Geely-дің жаңа Galaxy желісіндегі ықшам кроссовер. Оның ұзындығы – 4770 мм, ал доңғалақ базасы –2785 мм.  Бұл отбасылық SUV сегментіне жатады.

Көлік Geely-дің жаңа дизайнында жасалған. Алдыңғы бөлігінде ұзындығы 2 метрден асатын, 362 жарықдиодтан тұратын LED-жарық жолағы орнатылған. Шанақтың 20-дан астам...

Моңғолия астанасы Ұлан-Батырда өтіп жатқан бокстан Азия чемпионатында Қазақстан ерлер құрамасының мүшесі Оразбек Асылқұлов алтын медаль үшін таласу мүмкіндігіне ие болды.

Жартылай финалдағы тартыс

60 келіге дейінгі салмақ дәрежесінде өнер көрсететін отандасымыз жартылай финалда өзбекстандық боксшы Абдурахмон Махмуджоновпен қолғап түйістірді. Жекпе-жек тартысты өтті.

Кездесу қорытындысы бойынша төрешілердің шешімі екіге жарылды: 3:2 есебімен жеңіс қазақстандық боксшыға бұйырды. Осылайша, Асылқұлов турнирдің финалдық кезеңіне жолдама алды.

Алдағы жекпе-жектер

Бүгін, 7 сәуірде, кешкі сессияда тағы бір қызықты текетірес күтіп тұр. 90 келі салмақта Қазақстан намысын қорғайтын Сағындык Тоғамбай өзбекстандық Халимжон Мамасолиевпен кездесіп, финал жолдамасын сарапқа салады.

Бұған дейін, ағайынды Айбек пен Нұрбек...

Семей мен Өскемен қаласында бой көтеретін жылу-электр орталығын Ресей емес, қазақ-сингапур компаниялары салады. Бұл туралы брифинг барысында Энергетика вице-министрі Сұңғат Есімханов айтты.

Көкшетау қаласындағы станцияны Қазақстан ешкімнің көмегінсіз, өз күшімен тұрғызбақ. Қазірдің өзінде болашақ нысанның орнына инфрақұрылым тартылып, жобалау жұмыстары қызу жүріп жатыр. Құны 300 млрд теңгеге бағаланған бұл орталық 2029 жылдың басында іске қосылады.

Ал Семей мен Өскемендегі жаңа станция құрылысын қазақ-сингапур консорциумы қолға алды. «Самұрық-Энерго» холдингі жобаның негізгі операторы болып бекітілді. Тараптар биыл қаңтар айында келісімшарқа қол қойған. Қос жобаның әрқайсысына 400 млрд теңгеден қажет.

Сәуір айынан бастап мамандар құрылыс алаңдарын дайындап, қажетті зерттеу жұмыстарына кіріспек.

Жобаны...

2026 жылғы 7 сәуірден бастап Қазақстан Ұлттық Банкі «Спорт» сериясы аясында FIFA World Cup 2026 турниріне арналған коллекциялық монеталарды айналысқа шығарады.

Монеталардың сатылымға нақты қашан түсетіні туралы ақпарат Ұлттық банктің ресми сайтында қосымша жарияланады.

Халықаралық жоба

Аталған коллекциялық монеталарды әзірлеу барысында немістің MDM Münzhandelsgesellschaft mbH & Co. KG Deutsche Münze (MDM) нумизматикалық компаниясы серіктес болды. Бұл компанияда 2026 жылғы әлем чемпионатына арналған монеталарды шығаруға FIFA тарапынан берілген ресми лицензия бар.

Айта кетейік, бұл – футбол тарихындағы 23-ші әлем чемпионаты. Турнир алғаш рет бірден үш елде АҚШ, Канада және Мексика аумағында өтеді. Сонымен қатар, қатысушы құрамалар саны 48-ге дейін көбейді.

7 сәуірде Алматы қаласында World Schools Team Championship 2026 турнирінің Азия құрлығындағы кезеңі басталды. Қазақстан намысын Астана мен Алматы қаласының үш мектеп командасы қорғайды.

Тарихта алғаш рет

FIDE және Халықаралық мектеп шахмат федерациясы (ISCF) осындай форматтағы турнирді алғаш рет ұйымдастырып отыр. Жарыстың бас серіктесі – Тимур Турлов басқаратын Freedom Holding Corp.

Биыл төрт құрлықта іріктеу кезеңдері өтеді. Әр құрлықтың жеңімпаздары жыл аяғында Гранд-финалда кездесіп, мектеп командалары арасындағы әлем чемпионы атағын сарапқа салады.

Алғашқы іріктеу турнирі Алматыда басталды. Оны Қазақстан шахмат федерациясының президенті Тимур Турлов ашты.

«Қазір мектептерде 60 мыңнан астам бала жүйелі түрде шахматпен айналысады...

Freedom Media онлайн-кинотеатры спорттық трансляциялар әлеміне заманауи тренд – мультикаст форматын енгізді. Енді УЕФА Чемпиондар лигасының шешуші кезеңдерінде «қай матчты көрсем екен?» деген қиын таңдау жасаудың қажеті жоқ.

Мультикаст дегеніміз не?

Мультикаст – бір уақытта өтіп жатқан бірнеше матчтың ең қызықты сәттерін бір арнаға тоғыстыратын бірегей көрсетілім.

Форматтың артықшылықтары

Барлық голдар бір жерде. Бір стадионда гол соғылса немесе қауіпті сәт болса, трансляция бірден сол оқиғаға ауысады. Арналарды үздіксіз ауыстырып, жүйке жұқартудың қажеті жоқ. Ойынның ең маңызды және шешуші эпизодтары ғана назарыңызда болады.

«Мультикаст – матчтар арасында таңдау жасамай-ақ, бүкіл ойын кешін толық сезінуге мүмкіндік беретін...

Премьер–министрдің орынбасары Қанат Бозымбаев Түркістан облысының шағын өндіріс парктерін құру тәжірибиесін елдің басқа өңірлерінде қолдануды тапсырды.

Облыс әкімдігінің мәліметінше, осы мәселені пысықтау мақсатында қаржы, өнеркәсіп және құрылыс министрліктері, сонымен бірге барлық облыстардан 40-қа жуық делегация өкілі Түркістан облысына арнайы іссапармен барды.

Олар Сауран ауданындағы «SAURAN» өндірістік паркінде болып, жаңбырлатып суғару технологияларын шығаратын «BNK Group», жиһаз өнімдерін өндіретін «Aqniet Holding», өндірістік тоңазытқыш шығаратын «UBC Групп» жұмысын бақылады. Сонымен бірге осы аудандағы«Иассы», «Ескі Иқан», «Дәморда» және «Қарашық» шағын өндірістік парктердің құрылысымен танысты.

«Делегация өкілдері өңірде құрылып жатқан шағын өндіріс парктерінің жұмысын оң бағалап, бастаманың шағын және...

2026 жылдың бірінші тоқсанында қазақстандықтар балаларына қандай есімді жиі қойғаны белгілі болды. Ұлттық статистика бюросының дерекгіне сүйенсек, жаңа туған нәрестелер арасындағы есімдер тренді айтарлықтай қызық өзгерістерді көрсетіп отыр.

Қыздар есімі: «Айлин» есімі екі жыл қатарынан көш бастады

Қыздар арасындағы бәсекеде Айлин есімі алғашқы үш айдағы ең танымал: жыл басынан бері бұл есім 1140 кішкентай аруға бұйырған. Бұл көрсеткіш тізімдегі басқа есімдермен салыстырғанда айтарлықтай жоғары және оқшау тұр. 2025 жылдың қорытындысы бойынша Айлин есімі бірінші орынға шығып, 5 595 сәбиге қойылған.

Үздік үштікке нәзіктік пен сұлулықтың символы іспеттес Асылым (853) және Медина (842) есімдері жайғасқан.

Ата-аналардың тарихи рух пен...

11 сәуірден BI Group холдингі баспананы кейіннен сатып алу құқығымен жалға алуға мүмкіндік беретін «BIG Qadam» жаңа тұрғын үй бағдарламасын іске қосады, деп жазады Finratings.

Бұл жоба нарықтағы ипотеканың тапшылығы мен базалық мөлшерлеменің жоғары болуына байланысты баламалы қаржы құралы ретінде ұсынылып отыр.

Бағдарламаның басты артықшылығы – бастапқы кезеңде банктен қарыз рәсімдеу талап етілмейді және небәрі 10%-дық бастапқы жарна арқылы жылжымайтын мүлік құнын бекітуге мүмкіндік береді.

Бағдарлама аясында екі негізгі бағыт қарастырылған: 15% жылдық мөлшерлемемен 5 жылға дейінгі мерзім және 18% мөлшерлемемен 7 жылға дейінгі өтеу.

Пәтерлердің бөлме санына байланысты ай сайынғы төлемдердің төменгі шегі белгіленген: бір бөлмел...

Павлодар облысының әкімі Асайын Байханов өңірге Google, Amazon, Meta, Apple сияқты IT алыптарын тартып, дерек өңдеу орталықтары алқабын салғысы келеді. Microsoft және Oracle компанияларын да осы орталыққа тарту мақсаты қойылды.

IT алыптарды тарту жобасы

Павлодар әкімдігінде өңірлік инвестициялық штабтың кезекті отырысы өтті. Әкім Байханов төрағалық еткен жиналыста экономиканы әртараптандыруға бағытталған жобалар қаралды.

Отырыста жаңа инвестициялық жобалар көрсетілді. Онда 507 млрд теңгенің 8 жобасы бар. Солардың бірі – мәліметтерді өңдеу алқабының құрылысы. Жиында көрсетілген инфографикада осы жоба аясында халықаралық IT компанияларды тарту қажеттігі көрсетілген. Олардың арасында Google, Amazon, Meta, Apple, Microsoft және Oracle сияқты алыптар бар.

Алматыда екі аптаға жуық іздестірілген Қазақстанның Еңбек сіңірген әртісі, танымал әнші Гүлнар Сиқымбаеваның жалғыз ұлы Баирдың денесі табылды.

Оқиғаның мән-жайы

Баирдың жоғалғаны туралы ақпарат наурыз айының соңында тараған еді. Туыстарының айтуынша, ол 24 наурыз күні Алматы қаласындағы Коперник көшесінде орналасқан үйінен шығып кетіп, содан қайтып оралмаған. Содан бері еріктілер мен тәртіп сақшылары оны іздеумен айналысты.

Қайғылы хабарды журналист Жазира Бегалы әлеуметтік желідегі парақшасында растады:

«Танымал әнші Гүлнар Сиқымбаеваның ұлы табылды. Ол Қазақстанның еңбек сіңірген әртісі Гүлнар Сиқымбаеваның жалғыз ұлы. Жаны жәннатта болсын», – деп жазды журналист.

Өлім себебі

Қазіргі таңда марқұмны...