Жаңалықтар

Қарақшылар Алматыдағы «Кенжехан» базарының басшысы Сергей Кимнің үйін тонап, құны жарты млрд теңгеден асатын люкс сағаттар мен қымбат әшекейлерді қолды қылған.

Алматы қалалық қылмыстық істер жөніндегі мамандандырылған ауданаралық сотының баспасөз хатшысы Дархан Мырзаханның айтуынша, ірі көлемдегі қарақшылық фактісі бойынша үш ер адамға қатысты сот шешімі шыққан.

Тергеу мәліметіне сәйкес, қылмыстық топ 2023 жылдың маусым айында кәсіпкердің үйіне қарулы шабуыл жасап, үй иелерін байлап тастаған.

Олар базар басшысының көпжылдық коллекциясын, атап айтқанда Rolex, Vacheron Constantin сынды қымбат сағаттар мен бриллиант бұйымдарын үптеп кеткен. Келтірілген шығын көлемі 537 млн теңгені құрады.

Полиция қызметкерлері жедел іздестіру жұмыстарының арқасында күдіктілерді көп...

Қарағанды облысының Осакаров ауданында зейнеткерлерге қатысты жасалған алаяқтық дерегі бойынша күдікті анықталды.

Полицияға 67 жастағы зейнеткер әйел жүгініп, белгісіз тұлға оның атына шамамен 1,5 миллион теңге көлемінде несие рәсімдегенін хабарлаған.

Бұл туралы Қарағанды облысы полиция департаментінің баспасөз қызметі хабарлады.

Аталған факті бойынша қылмыстық іс қозғалып, жедел-тергеу іс-шаралары жүргізілді. Соның нәтижесінде осы іске қатысы бар 36 жастағы бұрынғы банк менеджері анықталды.

Тергеу мәліметтеріне сәйкес, жәбірленуші бұған дейін банкке несие рәсімдеу үшін жүгініп, қажетті құжаттарын тапсырған. Күдікті сол деректерді пайдаланып, оның атына несие рәсімдеген. Алайда әйелге несие мақұлданбағаны туралы жалған ақпарат берген. Ал мақұлданған қаражатты өз шоттарына аударып жіберген.

8 сәуірде Астана уақытымен сағат 14:05-те Каспий теңізі аумағында жер сілкінді. Бұл туралы Қазақ ұлттық деректер орталығы хабарлайды.

Ұлттық ядролық орталыққа қарасты Геофизика зерттеулері институтының мәліметінше, жерасты дүмпуінің магнитудасы 5,4 балл деп бағаланды. Сейсмикалық белсенділік 64 км тереңдікте болған.

Мекеме дүмпу ошағының координаттарын (39.64, 50.55) жариялады. Ол Баку қаласынан оңтүстікке қарай шамамен 80 км жерде орналасқан.

Естеріңізге сала кетейік, Каспий теңізінде 2026 жылғы 27 ақпанда да жер сілкінген. Сол кезде дүмпу ошағы Әзербайжан астанасынан солтүстікке қарай шамамен 70-80 км жерде болғаны айтылған. Мамандар бір жарым ай бұрынғы сейсмикалық белсенділік қуатын 4,9 балл деп бағалаған.

Қасым-Жомарт Тоқаев Оңтүстік Корея Республикасы президентінің арнаулы өкілі – Кан Хун Шикті қабылдады. Бұл туралы Ақорда хабарлады.

Президент Корея Республикасы Қазақстанның негізгі стратегиялық серіктестерінің бірі екеніне назар аударып, екіжақты ықпалдастық қарқынына жоғары баға берген. Ресми Астана екі ел арасындағы кеңейтілген стратегиялық серіктестікті одан әрі нығайтуға ниетті екенін растады.

«Сіздің сапарыңыз қазақ-корей ықпалдастығын одан әрі нығайту тұрғысынан өте маңызды. Бірлескен күш-жігердің арқасында елдеріміздің ынтымақтастығы арта түсетініне сенімдімін», – деді Мемлекет басшысы.

Арнаулы өкіл Корея Республикасының сауда-экономикалық және инвестициялық байланыстарды күшейту, сондай-ақ түрлі салада бірлескен жобаларды іске асыру арқылы өзара қарым-қатынасты мүлдем...

Алматы қаласындағы көлік кептелісін азайтуға Қытай институты көмектесуі мүмкін. «Шанхай – Алматы» бизнес форумы барысында осындай келісім жасалды.

Мегаполис әкімдігінің хабарлауынша, жол қозғалысына қатысты меморандумға «Алматы қаласын дамыту орталығы», «IntegraConstruction KZ» және Шанхай институты қол қойды.

«Аталған келісім көлік жүктемесін төмендетуге, жол желісінің тиімділігін арттыруға, сондай-ақ қаланың жол инфрақұрылымын басқару жүйесін жаңғыртуға бағытталған нақты жобаларды жүзеге асыруды көздейді», – деп таратты әкімдіктің баспасөз қызметі.

Басты бағыттар ретінде көлік санын сараптау, цифрлық құралдарды көбірек енгізу және қала трафигін басқарудың заманауи шешімдерін әзірлеу мәселелері аталды.

7 сәуірде өткен бизнес форумға Алматы әкімі Дархан Сатыбалды мен...

Елордада жас ғалымдардың халықаралық сайысы басталды. 200 оқушы және 20 ғылыми жетекші қатысып отыр.

Байқауда Қазақстанның барлық өңірлерінен, сондай-ақ Қытай мен Түркия елдерінен келген жас ғалымдар бақ сынайды.

Оқу-ағарту министрлігінің ақпаратына қарағанда, бүгін Астанадағы №115 жалпы орта білім беретін мектеп базасында 9-11 (12) сынып оқушыларына арналған «Ғылым әлемін ашамыз» ғарыштық зерттеулер бойынша халықаралық ғылыми конкурс басталды. Шара сәуір айының 12-сі күні қорытындыланады.

«Зияткерлік сайыс Ғарышкерлер күні мен Ғылыми қызметкерлер күніне орай ұйымдастырылуда. Конкурсқа Қазақстанның барлық өңірлерінен, сондай-ақ Қытай мен Түркиядан шамамен 200 оқушы және 20 ғылыми жетекші қатысуда.Конкурстың негізгі мақсаты дарынды оқушыларды анықтау, дамыту...

Қазақ әдебиетінің көрнекті өкілі, халық жазушысы және қоғам қайраткері Мұхтар Шахановтың денсаулығы сыр беріп, аурухананың жансақтау бөліміне жатқызылды. Бұл туралы «Мұхтар Шаханов» қорының төрағасы Нұржігіт Ысқақ мәлімдеді.

84 жасқа келген абыз ақынның қазіргі жағдайы көпшілікті алаңдатып отыр. Нұржігіт Ысқақ мәлімдемесінде ақын денсаулығының нашарлағанын растап, қазақ елін дұға етуге шақырды.

«Қазір көкеміз 84 жасқа келді. Бірақ, денсаулығы сыр беріп, жансақтау бөлімінде жатыр. Ендеше, құрметті халайық! Көкеміздің тез сауығып, ортамызға оралуы үшін дұға жасап қояйық!», – деп жазды қор төрағасы.

Мұхтар Шаханов бүкіл түркі әлемі үшін орны бөлек тұлға. Оның есімі ел жадында көптеген ерліктерімен қалды:

Желтоқсан...

Бүгін Мәжілісте «Психологиялық қызмет туралы» заң жобасы талқыланды. Осыған байланысты депутат Асхат Аймағамбетов құжаттың негізгі нормаларына түсініктеме берді.

Оның айтуынша, жаңа заң аясында коучтарға психологиялық көмек көрсетуге тыйым салынады. Егер мұндай қызмет көрсетілсе, олар тиісті жауапкершілікке тартылады.

«Бұл заңның басты мақсаты – күйзеліс жағдайындағы, қиын кезеңді бастан өткеріп жатқан адамдармен жұмыс істейтін мамандарға нақты талаптар белгілеу. Мәселен, қарапайым қызметтің өзіне талап қойылады: тамақ сататын орындарда да, шаштараздарда да белгілі бір ережелер бар. Ал адамның психологиялық жағдайымен жұмыс істейтіндерге бүгінге дейін нақты талап болған жоқ», – дейді депутат.

Сөзінше, қазір әлеуметтік желілерде өзін психолог ретінде...

Адамзаттың Жерден ең алшақ қашықтыққа ұшуы, Айдың арғы бетін адам баласының алғаш рет өз көзімен тамашалауы Артемида II миссиясы арқасында жүзеге асты. NASA «Орион» ғарыш кемесінен түсірілген ғажап суреттерді жариялады.

Миссия құрамындағы төрт ғарышкер «Орион» терезесінен Жердің батуын тамашалады. Біз мекендейтін ғаламшардың қараңғы беті түнді өткеріп жатса, жарық жағынан Австралия және Океания аспанындағы бұлтты көруге болады. Сурет ғарыш кемесінен емес, Ай бетінен түсірілгендей әсер қалдырады.

Тағы бір баға жетпес суретте Ай беті анық көрінеді. Арғы жағында Жер батып бара жатыр. Бұл сурет те «Орион» ғарыш кемесінен түсірілген. Үш минуттан соң кеме Айдың арғы бетіне өтіп, Жермен байланыс 40 минутқа үзілд...

«Банк ЦентрКредиттің» топ-менеджерлері 2025 жылы 972,3 млн теңге сыйақы алған. Бұл жөнінде қаржы ұйымы Қазақстан қор биржасына жолдаған хабарламасында мәлімдеді.

Жалпы сомаға жалақы мен ақшалай нысандағы барлық үстемақы кірді.

Қазақстан қор биржасының деректеріне сәйкес, 2025 жылы банк басқармасының құрамы өзгермей, төрт адамнан тұрған. Олар: Руслан Владимиров, Нұрлан Шегебаев, Анастасия Овсянникова және Рустам Теңізов. 2026 жылғы 18 наурызда Рустам Теңізов қызметінен босатылды.

Еске сала кетейік, 2025 жылы БЦК-ның таза пайдасы 240,2 млрд теңгені құрап, 2024 жылмен салыстырғанда 23,5%-ға артқан. Банк актив көлемі бойынша Қазақстандағы 23 қаржы ұйымының ішінде 8,3 трлн теңге көрсеткішпен үшінші орында тұр.

Сауд Арабиясына Умра қажылығына барған 170-тен астам өзбек азаматы еліне қайта алмай отыр.

Бес парызының бірін өтеушілердің айтуынша, 14 күндік сапар аясында түрлі топпен қажылыққа барған.

Kun ақпаратына қарағанда, олар ұйымдастырушылардың қателігі мен жалған ақпараттың кесірінен бөтен елде қалып қойған.

Өзбекстанның Сауд Арабиясындағы дипломаттары Мекке қаласындағы «Kanari» және «Al-Ayam Elite» қонақүйлеріне барып, қиын жағдайда қалған азаматтармен кездескен. Қазіргі таңда осы қонақүйлерде елге қайта алмай қалған 170-тен астам өзбек азаматы бар. Қажылардың басым бөлігі – егде жастағы адамдар.

Олардың арасында инфаркт алған, қант диабеті мен қан қысымы сияқты созылмалы аурулары бар азаматтар да бар. Олар тұрақты түрде дәр...

2026 жылы 9 мамыр – Жеңіс күні Қазақстанда әскери парад өтпейді. Салтанатты шеру 7 мамыр – Отан қорғаушылар күні де жоспарланбаған.

Қазақстанда мамыр айындағы мереке күндері әскери парад өтпейтінін Kursiv.Media-ға Қорғаныс министрлігінің баспасөз қызметі хабарлады.

«Биыл парад өткізу жоспарланбаған. Оның орнына басқа да әскери-патриоттық іс-шаралар ұйымдастырылады», – деп жауап берді министрлік өкілі.

Атап айтқанда, ерлік дәрістері, үздік жауынгерлерді дәріптеу, ардагерлерге құрмет көрсету шаралары парадты алмастырады. Бұған қоса, көпшілікке әскери оркестр шеру, шығармашылық ұжымдардың өнері ұсынылады. Сонымен бірге мереке күндері табиғатты қорғау акциялары ұйымдастырылады.

Әскери техникалар мен қару-жарақтар көрмесі, сарбаз ботқасы акциясы, ашық есік күні секілд...

Енді елде асырауға, ұстауға тыйым салынған жануарлар тізбесі жасалады. Ал ит-мысық асырайтын азаматтар жануарларын чиптеуге міндетті болады. Бүгін мәжілісте депутат Еділ Жаңбыршин осындай өзгерістерді таныстырды.

Оның түсіндіруінше, жануарларды чиптеу иесін анықтайтын, жауапкершілікті бекітетін, қоғам алдындағы міндетті нақтылайтын құқықтық құрал. Сол арқылы жануарын көшеге тастап кеткен азаматтарды жауапқа тартып, ашық есеп жүргізеді. Жануарларды да бақылауға алады.

Иті өзгені талап, денсаулығына зиян келтірсе, иесі эвтаназия жүргізуі керек

Депутаттар ұсынып отырған маңызды өзгерістің бірі – жауапкершілікті күшейту.

«Үй жануарларын серуендету талаптарын бұзуға жол берген иесі немесе жауапты тұлға, соның салдарынан: адамның өмірі мен денсаулығына, басқа жануарларға, не...

Forbes тізіміндегі миллиардер Айдын Рақымбаевқа тиесілі «Казахдорстрой» компаниясы жол салуға қатысты кезекті тендерді жеңіп алды. Бұл туралы Protenge арнасы жазады.

Алатау ауданындағы Момышұлы, Мөңке би, Оңғарсынова көшелері мен Рысқұлов даңғылының аралығында жаңа жол салу үшін бюджеттен 67,4 млрд теңге бөлінбек.

Халық арасында «Батыс қақпасы» деп аталып кеткен бұл жоба қаланың «Батыс» полицентрін дамыту жоспарының негізгі бөлігі болады.

Конкурс жеңімпазы кім?

Қомақты сомаға жарияланған бұл конкурсқа тек бір ғана қатысушы өтінім берген. Ол – «Казахдорстрой» ЖШС. Тиісінше, заңнамаға сәйкес аталған компания жеңімпаз деп танылды.

Бұл компанияның артында кәсіпкер, «Forbes Kazakhstan» тізіміндегі миллиардер Айдын Рахимбаев тұр...

Танымал заңгер және блогер Әділетхан Молдаханның қамауда болу мерзімі ұзартылды. Бұл туралы оның ағасы Дәулетхан Ахметов әлеуметтік желідегі парақшасында мәлімдеп, биліктен әділдік пен бостандық талап етті.

Оқиға қалай басталды?

Естеріңізге сала кетейік, Әділетхан Молдахан 30 наурызда ұсталған еді. Алғашында оның 10 күнге әкімшілік қамауға алынғаны туралы ақпарат тарады. Алайда қазіргі таңда бұл мерзім екі айға дейін ұзартылып отыр.

Заңгердің ұсталуына Алматыдағы әл-Фараби даңғылында орын алған қайғылы жол апатына қатысты айтқандары себеп болған. Үш адамның өмірін қиған бұл апатқа қатысты блогер әлеуметтік желіде видео жариялап, полиция қызметкерлерінің жұмысын сынға алған. Оқиғаның мән-жайына қатысты өз...

Соңғы төрт жылда елдегі бұралқы иттердің адамға шабуылдауы 28%-ға, ал бұралқы иттер саны 13%-ға өскен. 2021 жылы қабылданған заң аясындағы иесіз жануарларды стерилизациялау, вакцинациялау, оларды табиғи мекен ету ортасына қайта жіберу деген әдіс өзінің тиімсіздігін көрсетті. Енді заң жобасы өзгеруі мүмкін. Осылай деген депутат Еділ Жаңбыршин мәжілісте жаңа түзетулерді таныстырды.

Стерилизация жасау популяцияны реттемейді

«Әлемде иесіз жануарлар санын реттеудің негізінен екі моделі бар: қайтарымды және қайтарымсыз аулау. Біз осы модельдерді пайдаланған елдердің тәжірибесін қарадық. Түркияда 20 жылға жуық уақыт бойы қайтарымды аулау моделі қолданылды. Алайда күткен нәтижеге қол жеткізілген жоқ. Керісінше, әртүрлі бағалаулар бойынша, бүгінде...

Қостанай қаласының №2 сотында Beef Export Group ет кәсіпорнының иесі Александр Пархоменко мен оның 29 сыбайласына қатысты үкім шықты.

Қостанай соттарының хабарлауынша, айыпталушылар қатарында ветеринарлар, шаруа қожалықтарының иелері, Қостанай облыстық ауыл шаруашылығы басқармасының бұрынғы қызметкері және кәсіпорын жұмысшылары болған.

Сот оларды ұйымдасқан қылмыстық топтың мүшелері деп таныды. Тергеу деректеріне сәйкес, олар ет комбинатын пайдаланып, жалған құжат жасап, алаяқтық жолмен мемлекеттен ет сатып алуға бөлінген субсидияларды жымқырған. Келтірілген шығын көлемі 1 млрд теңгеден асқан.

Сот процесі 1 жыл 10 айға созылған. Былтыр қазан айында мемлекеттік айыптаушы істі қараған судьяның бейтараптық танытпағанын дәлелдеп, оны істен шеттеткен. Жаңа судья тағайындалып, іст...

Эстрада жұлдызы Светлана Лобода, Алматы мен Семей қалаларында өтетін концерттері қарсаңында, Threads әлеуметтік желісінде Қазақстанға сәлем жолдады. Әнші қазақ етін – дәмді тартатын жер іздейтінін жазып, көпшіліктен көмек сұрады.

Лобода көмек сұрайды

Украин жұлдызы желідегі жазбасын «Сәлем, Қазақстан» деп таза қазақ тілінде бастады.

«Қазақтар Тредсті жаулап алды деп естідім. 25 сәуірде Алматыда концерт беремін. Тәтті бешбармақ жейтін, қазақ «вайбын» сезінетін жер іздеймін«, – дейді Лобода.

Әнші ең үздік ұсыныс иелерімен концерттен кейін грим бөлмесінде танысуға уәде берді.

Лобода желіні «жарған» жазбасын «Кеттік пе, достар?» деп тағы да таза қазақ тілінде аяқтады.

Ақтөбе облысының әкімдік ғимаратында орын алған ірі өрт оқиғасынан кейін қалпына келтіру жұмыстары мен ресми тергеу амалдары басталды. Облыс әкімі Асхат Шахаров оқиға орнындағы ахуалды жеке бақылауына алып, атқарылып жатқан іс-шараларды баяндады.

Өрттің зардаптары және ғимараттың қазіргі күйі

Әкімнің мәлімдеуінше, кеше болған тілсіз жау толықтай ауыздықталып, қазіргі уақытта жағдай тұрақты әрі бақылауға алынған.

Ғимараттың техникалық жағдайына келер болсақ, өрттен ғимараттың шатыры ғана зардап шеккен.

Ал алтыншы қабаттағы жұмыс кабинеттеріне келген нұқсан соншалықты үлкен емес. Бұл ретте айта кететін жайт, ғимаратта соңғы рет 2022 жылы күрделі жөндеу жүргізіліп, жұмыс бөлмелері толық жаңартылған. Қазіргі таңда кейбір қабаттарда электр жарығы берілді, ал...

Chery мен Geely гибрид нарығында бәсекені күшейтіп, Toyota-ға бәскелес болып, артта қалдыруды көздеп отыр.

Сarnewschina ақпаратына қарағанда, Chery мен Geely 2026 жылы гибридті көліктерге көшіп, олардың отын шығынын 100 шақырымға 2-3 литрге дейін жеткізетінін мәлімдеді.

Басты бәсеке

Сарапшылардың пікірінше, бұл оларды гибрид сегментінде көш бастап тұрған Toyota-ға тікелей бәсекелес етеді.

Қытайлық өндірушілер дәстүрлі тәсілден өзгеше технология қолданып жатыр. Олар электр қозғалтқышына басымдық беріп отыр. Қозғалтқыш көбіне үнемдеу режимінде немесе генератор ретінде жұмыс істейді.  

Қуатты электромоторлар (130–180 кВт) жақсы динамика береді.

Toyota ше

Ал Toyota гибридтері қозғалтқыш пен дөңгелекті механикалық байланыстыратын жүйеге сүйенеді. Бұл үнемділікті арттырғанымен, электр...

Tiryaki Agro халықаралық агрохолдингі Солтүстік Қазақстан облысында май шығаратын зауыт салмақ. Бұл туралы облыс әкімдігі хабарлады.

Нысан Qyzyljar арнайы экономикалық аймағында бой көтереді. Кәсіпорында күнбағыс, рапс және зығыр майы өндіріліп, өндірістік қуаты тәулігіне 1 500 тоннаға дейін жетеді деп жоспарланған.

Солтүстік Қазақстан облысының әкімі Ғауез Нұрмұхамбетов Tiryaki Agro түрік компаниясының өңірлік директоры Коксал Салих Юлдузбен кездесіп жобаның мән-жайын талқылады.

«Біздің өңір дәнді және майлы дақылдар өндірісінде, оның ішінде күнбағыс, рапс және зығыр бойынша жетекші орында. Майлы дақылдарды өңдеуге бағытталған бұл жобаның жүзеге асуы облыстың өңдеу өнеркәсібін ары қарай  дамытуға септеседі», – деп атап...

Қазақстанда азаматтарға жалған хабарлама таратып, құпия дерегін, банк есепшотындағы қаржысын ұрлаған қылмыстық топ қызметі тоқтады. Оның жолын кесуге Бас прокуратура мен «ТЕЛЕ2» операторының киберқауіпсіздік мамандары қатысқан.

Қаржы мониторлық агенттігінің дерегінше, ТМД аумағында алғаш рет осындай схеманың жолы кесілді.

Күдіктілер ұялы байланыс операторлары базалық станцияларының жұмысын имитациялайтын арнайы құрылғыны пайдаланған. Ол құрылғы 300 метр радиуста күшті сигнал таратып, сол маңайдағы телефондарға автоматты түрде қосылады. Абоненттерге бірден жалған SMS-хабарламалар жібереді.

Ол хабарлама «Beeline» және «Halyk Bank» компаниялары атынан жіберілгендей көрініп, бонустарды айырбастауды ұсынады. Пайдаланушы бонус алу үшін сілтемеге өткен жағдайда телефон нөмірін, аты-жөнін, банк картасының деректемелерін, CVV-кодын, сондай-ақ SMS арқылы...

Қаржы нарығын реттеу және дамыту агенттігі «ADCB Ислам Банкі» қызметіндегі олқылықтарды анықтап, оларды жою туралы нұсқама берді. Бұл шара банктің ішкі процестерін заңнамалық талаптарға сәйкестендіруді көздейді.

Ресми мәліметке сәйкес, қаржы мекемесі «Банктер және банк қызметі туралы» Заңның 78 және 80-баптарының талабын бұзған.

Агенттік банкке олқылықты 2026 жылғы 30 маусымға дейін толықтай жоюды міндеттеді. Айта кететін жайт, жазбаша нұсқама – айыппұл немесе лицензиядан айыру емес, банктің ішкі жүйесін ретке келтіруге бағытталған түзету шарасы.

«ADCB Ислам Банкі» АҚ (бұрынғы Al Hilal Ислам Банкі) – Қазақстандағы және ТМД елдеріндегі алғашқы ислам банкі. Оның жалғыз акционері және негізгі иесі – Біріккен...

Алматы қаласында орналасқан «Байсат» көтерме-бөлшек сауда орталығы осымен төртінші мәрте электронды аукционда өтпей қалды. «Қайтарылған активтерді басқару компаниясы» (KUVA) экс-президент Нұрсұлтан Назарбаевтың туысына тиесілі болған базарды 28,6 млрд теңгеге сата алмады.

Базарға қызығушылық жоқ

8 сәуірде «Байсат» базары осымен төртінші мәрте электронды Sauda порталындағы аукционға шығарылды. Қымбат активтің бастапқы бағасы 28,6 млрд теңге деп белгіленсе, саудаға қатысу үшін ғана 2,8 млрд теңге кепілдік жарна төлеу керек болды.

Алайда бұл жолы да қайтарылған активті сатып алатын адам табылмады – аукцион бір де бір өтініш түспеуіне байланысты өтпей қалды. Осылайша, KUVA талпынысы төртінші мәрте сәтсіз аяқталды.

«Байсат» Алматы қаласының Солтүстік айналма көшес...