Жаңалықтар

Шымкент көшесіндегі төбелес пен кісі өліміне қатысты тағы бірнеше күдікті іздестіріліп жатыр. Астанадан оңтүстікке бірнеше маман қызметтік тексеру жүргізу үшін аттанды. Ішкі істер министрінің орынбасары Санжар Әділов Астанада бейсенбідегі брифингте осылай деп мәлімдеді.

«Қылмыстық істер аясында әлі ұсталмаған бірнеше күдікті бар. Полиция соларды анықтау, ұстау үшін шара қолданып жатыр», – дейді вице-министр.

21 қарашада төрт күдікті ұсталғаны мәлім болды. Қазір олар уақытша ұстау изоляторында отыр. Қанды оқиғадан соң «Адам өлтіру», «Бұзақылық» және «Адамды ұрлау» баптары негізінде үш қылмыстық іс қозғалған.

Естеріңізге сала кетейік, 20 қаңтарда Шымкентте жолға талас соңы төбелеске ұласып, екі адам...

Сенат кулуарында Ішкі істер министрінің орынбасары Санжар Әділов Нұрай Серікбайдың өліміне байланысты полицейлерге қатысты қылмыстық іс қозғалғанын мәлімдеді.

Әділовтің сөзінше, іс құқық қорғау органдарының бірқатар қызметкері қызметтен босатылған күні тіркелген.

«Сол күні министрлік тәртіптік комиссия аясында Шымкент қалалық полиция департаменті басшысын, оның орынбасарын, қалалық полиция басқармасы жетекшісін қызметтерінен босатты. Сондай-ақ жәбірленушінің арызы бойынша қылмыстық іс қозғауға шара қолданбай, материалды номенклатуралық іске тіркеп қойған лауазымды тұлғаларды жұмыстан шығару туралы шешім қабылдады», – деді ол.

ІІМ айтуынша, сол күні ішкі қауіпсіздік департаменті қызметкерлері Шымкент қаласына іссапармен барып, салғырттық фактісі бойынша қылмыстық іс қозғаған.

Мұның алдында Нұрай...

Қазақстанда сейсмикалық қауіп-қатерлерді төмендету бойынша жаңа талаптар енгізіліп жатыр. Өнеркәсіп және құрылыс министрлігі бес түрлі ережені атады.

Мекеменің мәліметінше, сейсмикалық қауіпсіздікті қамтамасыз ету үшін мынадай шаралар бекітіледі:

Қазақстанның оңтүстігі мен оңтүстік-шығысы сейсмикалық қауіпті аймаққа жатады. Оған Алматы қаласы, сонымен бірге Алматы, Жамбыл, Түркістан, Қызылорда және Жетісу облыстары да кіреді. Маңғыстау өңірінде де...

Integra Construction KZ компаниясының иесі, ERG-дің 40% акциясын сатып алмақ ойы бар Шахмұрат Мүтәліп Астана халықаралық қаржы орталығында бірден екі басқарушы компанияны тіркеді. Оған ең бірінші «Нацбанка» телеграм-арнасы назар аударған.

Олар: KazZinc Group Ltd және Central Asia Resources Holding Ltd. Қос компанияның да жарғылық капиталы 100 мың долларға тең. Екеуінің де акционері – Шахмұрат Мүтәліп. Компаниялардың қызмет бағыты ретінде мыс өндіру және байыту, қорғасын мен мырыш өндіру және байыту көрсетілген.

2025 жылы кәсіпкер швейцариялық шикізат трейдері Glencore-мен бірлесіп Қазақстандағы ең ірі алтын өндіруші «Қазмырыш»компаниясының 70% үлесін сатып алу жөніндегі келіссөз жүргізіп жатқаны жайлы ақпарат тараған. Бұл туралы...

21 қаңтар 2025 жылы Астананың Әкімшілік құқық бұзушылықтар жөніндегі мамандандырылған ауданаралық сотына Бельгия азаматтары С., Д., Н. қатысты іс түсті. Оларға қоғамдық тәртіпті бұзғаны үшін (Қазақстан Республикасының Әкімшілік құқық бұзушылық туралы кодексінің 434-бабы, 1-бөлімі) іс қозғалды.

Сот отырысында шетелдік азаматтар кінәсын мойындап, әрекетін эмоцияға берілу салдары деп түсіндірді. Әкімшілік құқық бұзушылық фактісін видеожазбалар растады.

ҚР ӘҚБК 434-бабының 1-бөліміне сәйкес, бұзақылық үшін 20 айлық есептік көрсеткіш көлемінде айыппұл салу немесе 5-тен 15 күнге дейін әкімшілік қамауға алу қарастырылған.

Астананың Әкімшілік құқық бұзушылықтар жөніндегі мамандандырылған ауданаралық сот шешімімен С., Д., Н. кінәлі деп танылып, 5 тәулікке әкімшілік қамауға алынды.

Еске сала кетейік...

Ерлан Жетібаев Қазақстан Сыртқы істер министрлігі Халықаралық ақпарат комитетінің төрағасы – Ресми өкілі болып тағайындалды. Ал Динара Желдібаева осы мекемедегі Коммуникациялар департаментінің директоры қызметіне кірісті. Бұл туралы Kursiv.Media министрлік мәліметіне сүйене отырып хабарлайды.

Жетібаев 1984 жылы Қарағанды қаласында дүниеге келген. Ал 2006 жылы Гумилёв атындағы Еуразия ұлттық университетін бітірген. Сол жылы Сыртқы істер министрлігі Консулдық қызмет департаментіне жұмысқа тұрған.

Ол 2011-2017 жылдары Қазақстанның Таиландтағы елшілігінде екінші, бірінші хатшы лауазымдарында еңбек етті.

2020-2023 жылдары СІМ-нің баспасөз қызметінде кеңесші және басшы, 2023-2025 жылдар аралығында Коммуникациялар департаменті директорының орынбасары болды.

Ал 2025 жылғы наурыздан бастап Коммуникациялар департаментінің директоры қызметін...

Елдегі жаңа парламент «Құрылтай» деп аталатын болды. Бұл туралы президент Қасым-Жомарт Тоқаев айтты. Содан кейін Ахмет Байтұрсынұлы атындағы тіл білімі институты маманы Қайрат Ғабитханұлы «құрылтай» сөзінің шығу тегіне талдау жасаған.

Сөзінше, «құрылтай» сөзі моңғол тілінен келген деген пікір бар, алайда бұл қате тұжырым.

«Құрылтай сөзінің этимологиясы түркі тілінен тарайды. Сөздің негізгі түбірі –  құр. Бұл етістік көне және қазіргі түркі тілдерінде: жинау, біріктіру, ұйымдастыру, орнату, құрау деген мағыналарды білдіреді.

Сөзжасамдық құрамы: құр- + -ыл- + -тай.

-ыл – ортақ, өзара жүзеге асатын әрекетті білдіретін етістік жұрнақ;

-тай – көне түркі тілдерінде: жиын...

Отбасы Банк жуырда «Ұмай» әйелдер ипотекасы іске қосылатынын хабарлады. Әзірге өтінімдерді қабылдау күні белгіленген жоқ. Бұл туралы Kursiv.Media krisha.kz-ке сілтеме жасап хабарлайды.

Аталған ипотекалық бағдарламаны 2025 жылы іске қосу жоспарланған еді, алайда бірнеше рет кейінге қалдырылып келді.

«Ұмай» бағдарламасының шарттары

Отбасы Банкі бағдарламаның шарттары бұрынғы қалпында қала ма, әлде жаңартыла ма, ол жағын әзірге жарияламады.

Бағдарламаның бұрынғы шарттары:

Маңызды...

Әлемге танымал әнші, актриса Дженнифер Лопес Лос-Анджелесте көзге түсті. Бір қолында кофе, екінші қолында 80 мың долларлық Hermès брендінің сәнді сөмкесі бар Джей Лоға үйсіз-күйсіз жүрген қайыршы келіп көмек сұрады.

Кездесуден шығып келе жатқан Джей Ло қайыршының қолын қайтармады.

«О, сене алар емеспін! Джей Ломен кездескенімді бәріне айтып жүремін» – деп қайыршы қуанышын жасыра алмады.

Дженнифер Лопес көлікпен кетіп бара жатып, терезесінен адамға ақша ұсынды.

«Дженнифер, мен сені сүйемін. Рақмет саған, Дженнифер!» – деп айқайлады артынан.

Сенат Қазақстан мен Франция арасындағы адамдарды реадмиссиялау туралы келісімді ратификациялады.

Келісімнің негізгі міндеті – көші-қон процестерін басқару және заңсыз көші-қонға қарсы іс-қимыл саласындағы Қазақстан мен Франция мемлекеттері арасындағы екіжақты ынтымақтастық үшін құқықтық негіз жасау.

Екі ел осы құжатты ратификациялау арқылы заңсыз келген, онда болған немесе тұратын адамдарды қайтарудың тиімді тетігін қамтамасыз ету, көші-қон режимдерін теріс пайдаланудың алдын алуды көздейді.

Келісімге Мемлекет басшысының Француз Республикасына ресми сапары барысында 2024 жылғы 5 қарашада қол қойылған.

«Тікелей өзара іс-қимыл жасайтын құзыретті органдар ретінде Қазақстан мен Франция тараптарынан олардың Ішкі істер министрліктері белгіленеді. Құжатты ратификациялау заңсыз көші-қонға қарсы...

«Қайрат» футбол клубы Алматы қаласының бюджетінен қаржыландырылып келеді. 2026 жылы аталған клубқа 750 млн теңге бөлінген.

BES.media ақпаратына қарағанда, бұл қаражат Премьер-лига командасының және клубтың бүкіл құрылымының қызметін қамтамасыз етуге жұмсалады. «Қайрат» ФК штатында 103 қызметкер бар.  

УЕФА Чемпиондар лигасының жалпы кезеңіне тарихта алғаш рет шыққан «Қайрат» клубына шамамен 20,2 млн еуро (шамамен 12 млрд теңге) көлемінде төлем алуға кепілдік берді. Meta-ratings сайтының дерегінше, бұл соманың негізгі бөлігі – 18,5 млн еуро – Чемпиондар лигасының кезеңіне қатысқаны үшін берілетін тұрақты төлем.

2012 жылдан бері «Қайрат» футбол клубын кәсіпкер Қайрат Боранбаев басқарады. Осы кезеңде команда 4 рет Қазақстан...

Абай облысындағы Әміре Қашаубаев атындағы мемлекеттік филармонияның директоры болып Қазақстанның Халық әртісі Секен Тұрысбеков тағайындалды.

Секен Тұрысбеков 1961 жылы Абай облысы Үржар ауданында дүниеге келген. Семейдегі М.Төлебаев атындағы музыка училищесін, кейін Құрманғазы атындағы консерваторияны профессор М.Әубәкіровтің класында тәмамдаған.

Еңбек өтілі – 40 жыл. Ол – «Жігер» фестивалінің және Мәскеуде өткен жастар мен студенттердің дүниежүзілік фестивалінің лауреаты. Қазақстанның еңбек сіңірген әртісі, Құрмет және Парасат ордендерінің иегері. Абай атындағы Мемлекеттік сыйлықтың лауреаты. Еңбек жолын «Сазген» ансамблінен бастап, «Ақ жауын» ансамблі мен оркестрін құрып, оны халықаралық деңгейге көтерді.

Осы уақытқа дейін Секен Тұрысбеков Сүйінбай атындағы Алматы облыстық филармониясының «Ақ жауын» халы...

Қазақстанда кейбір ЕАЭО серіктес елдерінен автокөліктерді әкелу ережелерін түбегейлі қайта қарау жоспарлануда. Өнеркәсіп министрлігі әзірлеген бұйрық жобасына сәйкес, Ресей мен Беларусьтен әкелінетін автокөліктерге арналған утилизациялық алым күрт өсуі мүмкін.

Қандай түзетулер енгізіледі

Құжатта Беларусь пен Ресейден Қазақстанға әкелінетін көліктер мен өздігінен жүретін ауыл шаруашылығы техникасына утилизациялық алымды төлеу кезінде 2 еселік арнайы арттыру коэффициентін қолдану ұсынылады. Ал елімізде құрастырылатын немесе ЕАЭО-ға кірмейтін мемлекеттерден, сондай-ақ Армения мен Қырғызстаннан импортталатын автокөліктер үшін утилизациялық алым мөлшерлемесі бұрынғы деңгейде сақталады.

«Коэффициент 2» деп аталса да, бұл екі есе арттыру емес, кей жағдайларда ондаған есе өсуі мүмкін. Мысалы:

Еңбек және халықты әлеуметтік қорғау министрлігі Оңтүстік Кореяда заңсыз еңбек етіп жүрген қазақстандықтарға тағы ескерту жасады.

Екі ел арасында бұған дейін ерікті түрде елден шығу бағдарламасының уақытша шеңберін кеңейту жөніндегі уағдаластықтарға қол жеткізілген. Бұл шаралар құқықтық салдарды жеңілдетуге және өз мәртебесін реттеуге дайын адамдарды қолдауға бағытталған.

«Бағдарлама қылмыстық құқықбұзушылық жасаған, мәжбүрлеп шығару шарасына жататын, сондай-ақ 2025 жылғы 1 желтоқсаннан кейін заңсыз мәртебеге түскен шетелдіктерге қолданылмайды. Бағдарламаға қатысу үшін төлқұжат, өз еркімен кету туралы өтініш және әуе билеті қажет. Алдын ала хабарлама Корея Республикасының иммиграция кеңселері арқылы ұшу күніне дейін 15-тен 3 күнге дейінгі мерзімде берілед...

Ақмола облысы Щучинск қаласында 22 қаңтарға қараған түні Институт және Конный двор шағын аудандарының тұрғындары жылусыз қалды.

Бұған №20 қазандықтың істен шыққаны себеп болған. Бурабай ауданы әкімдігінің хабарлауынша, жылу магистралінде жүргізілген апаттық-қалпына келтіру жұмыстары аяқталған. Жылу беріліп жатыр.

«Жылумен толық қамтамасыз ету үшін мамандар көпқабатты үйлер мен жеке сектордағы жүйеден ауаны шығару жұмыстарын жүргізіп жатыр. Үйлерге жылу беру кезең-кезеңімен қалпына келтіріледі», – делінген ақпаратта.

Айта...

Қазақстан үкіметі «Теңіз» кен орындағы трансформаторлардан неге өрт шығып, өндіріс тоқтағанын анықтау .үшін арнайы комиссия құрған.

Комиссия құрамына мемлекеттік энергетикалық қадағалау комитетінің аумақтық департаменті, Атырау облысы әкімдігінің энергетика басқармасы, сондай-ақ «KEGOC» және «Теңізшевройл» компанияларының өкілдері кірген.

Энергетика вице-министрі Қайырхан Тұтқышбаев «Теңіз» кен орнына барып, жағдайды бақылау және кен орнындағы оператор компаниямен өзара іс-қимылды үйлестіру жұмыстарын жүргізіп жатыр.

«Қазіргі уақытта комиссия оқиғаның себептеріне жан-жақты техникалық талдау жүргізіп жатыр. Ресми қорытындылар мен түсіндірмелер комиссия жұмысының нәтижесі бойынша жарияланатын болады», – делінген хабарламада.

Мұнай өндірісін уақытша тоқтату туралы шешімді кен орныны...

Әлеуметтік желіде Daricorn лақап атымен танымал блогер Дариға Нұркеева шығарған ANDA-SANDA әні қызу талқылауға түсті. Тыңдармандар мен желі қолданушылары композицияның әуені үнді әншісі Karan Aujla-ның For a Reason атты әніне ұқсайтынын жазып жатыр.

Daricorn-ның ANDA-SANDA әні 2025 жылдың қараша айында YouTube платформасында жарияланып, аз уақыт ішінде 17 млн-нан астам қаралым жинап, хитке айналды. Ал аталған ұқсастыққа себеп болған үнді әншісі Karan Aujla-ның For a Reason бейнебаяны тамыз айында, яғни бұрынырақ жарық көрген.

Әлеуметтік желідегі пікірлерге қарасақ, екі әнді қатар тыңдаған қолданушылар әуендік мотивтерде айқын ұқсастық барын, тек аранжировка мен ырғақта аздаған өзгеріс енгізілгенін айтып отыр.

Daricorn-ның YouTube-тағы бейнебаяныны...

Уролог-андролог төсек ләззатын алғысы келген әйелдерге күйеуін қалай тамақтандыру керек екені жайында тоғыз кеңес берді.

Дәрігер Марк Гадзиян ханымдарға еріне дастарқан жайғанда, бірнеше өнімнен мүлде бас тартуға шақырып отыр.

«Ер адамды осы нәрселермен тамақтандырасыз ба? Онда қызығушылықтың төмендеуін және эрекцияның әлсіреуін күтіңіз», – деп тұжырым жасайды дәрігер.

Біріншісі – тұз. Оның шамадан тыс мөлшері қауіпті. Мысалы, консервілерге жолауға болмайды. Өйткені тұз ағзада жиналып, қан тамырларында тромбтардың түзілуіне және тіндерде артық сұйықтықтың жиналуына әкеледі. Қан қысымын көтеріп, тестостерон концентрациясын төмендетеді.

Екіншісі – сыра. Бұл сусын – ароматаза мен эстрогендерге бай. Ағзаның тестостеронын азайтады және...

Елде төрт фармацевтикалық зауыт салынады. Басты мақсат – фармацевтика саласында отандық өндіріс үлесін арттыру.

Денсаулық сақтау министрлігі мен «АлтИНФАРМ» ЖШС, «МСП-РОМФАРМ» ЖШС, «Абди Ибрагим Глобал фарм» ЖШС және «Нобел Алматы фармацевтика фабрикасы» АҚ арасында инвестициялар туралы келісім жасалды.

Бұл жобаларға тартылған инвестицияның жалпы көлемі – 173 млрд теңге.

Осылайша келешекте 356 дәрі-дәрмек түрі елде өндіріледі. Ішінде онкологиялық аурулар мен қант диабетін емдеуге арналған дәрілер, вирусқа қарсы, антианемиялық, ауырсынуды басатын, қабынуға қарсы, суық тиюге қарсы және микробтарға қарсы препараттар бар.

Жаңа кәсіпорындар Алматы қаласында (екі жоба), сондай-ақ Түркістан және Алматы облысында салынады.

Алматыдағы бір зауыт «Инновациялық технологиялар паркі» арнайы...

Бірінші Алматы теміржол вокзалы құрылысының қарқыны мен сапасы талапқа сай емес. Мердігер жұмысты дұрыс ұйымдастырмаған. «Қазақстан темір жолы» басқарма төрағасы Талғат Алдыбергенов нысанды тексеріп, құрылыс жұмысын осылай бағалаған.

«Тексеру қорытындысы бойынша Талғат Алдыбергенов жөндеу және құрылыс іс-шараларын жүргізуге жауапты мердігер ұйымдар тарапынан жұмыстардың нашар ұйымдастырылғанын атап өтті. Жұмыстың ағымдағы қарқыны мен сапасы белгіленген талаптар мен мерзімдерге сәйкес келмейтіні алға тартылды», – деп таратты ҚТЖ.

Алматы – 1 вокзалындағы құрылыс бар болғаны 5%-ға орындалғаны 2025 жылы үкімет отырысында сөз болған. Сол кезде премьер-министр Олжас Бектенов «құрылыс барысын бақылауды босаңсытып алған» әкімдіктерді сынаған...

Қазақстандағы «Теңіз» және «Королев» ірі мұнай кен орындарындағы өндірістің уақытша тоқтауы және Венесуэладағы экспорт көлемінің шектеулі қалпына келуі әлемдік нарықта мұнай бағасының қымбаттауына ықпал етті. Бұл туралы Reuters басылымы жазады.

21 қаңтардағы саудада Brent маркалы мұнай барреліне 65,24 доллар деңгейінде қалыптасып, 0,5%-ға қымбаттады. WTI маркалы мұнай бағасы 0,4%-ға қымбаттап, 60,62 долларды құрады.

Нарықтағы негізгі фактор – Қазақстандағы мұнай өндірісінің уақытша тоқтауы. Электр энергиясын тарату жүйесіндегі ақауларға байланысты «Теңіз» және «Королев» кен орындарында мұнай шығарылып жатқан жоқ. Сонымен қатар, «Теңіз» кен орнын игеріп отырған «Теңізшевройл» компаниясы Каспий құбыр консорциумы жүйесіне мұнай жеткізуге форс-мажор жариялады. Салалық дереккөз өндірістің тоқтауы 7–10 күнге...

Қаскелең қаласындағы Сәтпаев атындағы мектепте 9-сынып оқушысы қайтыс болды. Бұл туралы Kazinform агенттігі хабарлады.

Қарасай ауданының білім бөлімінің мәліметінше, 15 жастағы оқушы бірінші сабақтан кейінгі үзіліс кезінде өзін жайсыз сезінген. Мектеп әкімшілігі жедел жәрдем шақырып, баланың туыстарына хабар берген. Дәрігерлер жүргізген реанимациялық шараларға қарамастан, жасөспірімді аман алып қалу мүмкін болмаған.

Оқиға орнына медицина қызметкерлерімен бірге жергілікті атқарушы орган өкілдері де келген. Мәйіт сот-медициналық сараптамаға жіберілді. Оқиғаға байланысты тергеу жүріп жатыр.

Әзербайжанның «Қарабах» футбол клубы Чемпиондар лигасының жалпы кезеңіндегі 7-турда Германияның «Айнтрахтын» өз алаңында 3:2 есебімен жеңіп, плей-оффқа шығу мүмкіндігін сақтап қалды. Әзербайжандық команда матч тағдырын қосымша уақыттың соңғы минуттарында шешті.

Бұл кездесуде екі командаға да жеңіс қажет еді. Себебі үш ұпай ғана келесі кезеңге жолдама алу мүмкіндігін сақтап қалатын. Гурбан Гурбанов шәкірттері шешуші сәтте мінез көрсетті. Ойын соңында қосылған 4-минутында бразилиялық Матеус де Барроса да Силваның қапталдан асырған добын Бахлул Мустафазаде дәл бағыттап, есепті 3:2-ге жеткізді.

Турнир форматы қандай?

Жаңа регламентке сәйкес, Чемпиондар лигасының жалпы кезеңінде 36 команда өнер көрсетеді. Әр клуб 8 түрлі қарсыласпен ойнайды.

Алғашқы 8 орын...

Бір қанаты сынып, қамыс арасында қалып қойған аққуға құтқарушылар көмек көрсетті. Бұл туралы Kursiv.Media Төтенше жағдайлар министрлігінің мәліметіне сүйене отырып хабарлайды.

Жалғыз аққу Жетісу облысы Алакөл ауданындағы Ақши ауылы маңында табылды. Құтқарушылар Алакөлді тексеріп жүрген уақытта қамыс арасынан жаралы аққуды байқайды. Олар қиын жағдайға тап болған қанаттыны құтқарды.

Үш адам құсты қамыс арасынан абайлап алып шығып, жылытып, тамақтандырып, содан кейін Үшарал қаласындағы ветеринар мамандарға тапсырды. Тексеру барысында аққудың сол жақ қанаты сынғаны анықталды.

«Аққу қанаттарын баяу қимылдатып, көмегі үшін құтқарушыларға алғыс айтқандай болды», – деп таратты ТЖМ.

«112» құтқарушылар үшін «әрбір...