Жаңалықтар

Freedom Bank Екінші деңгейдегі басқа банктермен (ЕДБ) қатар бүкіл Қазақстан бойынша пайдаланушыларға Халыққа қызмет көрсету орталықтарында (ХҚКО) және eGov порталында әмбебап QR көмегімен мемлекеттік қызметтерге ақы төлеуге мүмкіндік беретін сервистің бір бөлігіне айналды.

Freedom SuperApp клиенттері үшін әмбебап QR көмегімен eGov порталында, сондай-ақ ХҚКО-да барлық ақылы қызметтерге ақы төлеу қолжетімді. Бұл сервисті «Азаматтарға арналған үкімет» мемлекеттік корпорациясы» КЕАҚ (КЕАҚ) «Ұлттық ақпараттық технологиялар» АҚ-мен бірлесіп іске асырды.

Төлем жасау үшін бірнеше қадамдарды орындау жеткілікті:

«Мемлекеттік корпорация мен ҰАТ АҚ әріптестеріне...

Қазақстан азаматтары шетелдік интернет-дүкендерден сатып алған тауарларын кедендік тәртіпке сай декларациялауы қажет. Бұл туралы Қаржы министрлігі Мемлекеттік кірістер комитетінің Кедендік әдіснама басқармасының басшысы Болат Ибрагимов мәлімдеді.

Оның айтуынша, енді жеке тұлғалар шетелден тапсырыс берген заттарын өздері де декларациялай алады немесе бұл міндетті арнайы тіркелген электрондық сауда операторлары орындайды. Қазіргі таңда Мемлекеттік кірістер комитетінің ресми тізіміне екі оператор енгізілген – «Қазпошта» АҚ және DHL Kazakhstan.

«Негізінен азаматтар үшін ештеңе күрделі өзгермейді. Бұрынғыдай тауарларын «Қазпошта» немесе DHL арқылы ала береді. Егер сатып алынған тауардың құны баж салығынан босатылатын шектен асып кетсе, барлық төлемді оператор алдын ала жүргізед...

Қазақстан президенті Қасым-Жомарт Тоқаев экономиканың даму сапасын арттыру және баға тұрақтылығын қамтамасыз ету мәселелері бойынша кеңес өткізді. Бұл туралы Ақорда хабарлайды.

Шағын ресми мәліметге қарағанда, сәрсенбідегі жиынға премьер-министр, президент әкімшілігінің басшылығы, Ұлттық банктің төрағасы, Қаржы нарығын реттеу және дамыту агенттігінің, Стратегиялық жоспарлау және реформалар агенттігінің жетекшілері мен үкімет мүшелері қатысты.

Кеңес барысында макроэкономикалық орнықтылықты нығайту, азаматтардың әл-ауқатын көтеру және инфляция деңгейін төмендету шаралары қаралды.

«Президент халықтың табысын жақсартуда саннан сапаға көшудің маңызды екенін атап өтті», – деп хабарлады Ақорда.

Ресми мәліметте Тоқаевтың экономиканы орнықты дамыту үшін барлық жауапты мемлекеттік органдардың жүйелі жұмыс істеуі керек...

Алматыда жедел жәрдем көлігі жаяу жүргіншілер жолағында 15 жастағы жасөспірімді қағып кетті. Оқиға салдарынан бала түрлі дене жарақатын алған.

Жол апаты 7 қазан күні Жандосов пен Береговой көшелерінің қиылысында болған. Алдын ала мәлімет бойынша, жедел жәрдем көлігі қарсы бағыттағы жолақпен қозғалып келе жатып, жаяу жүргінші өткелінен өтіп бара жатқан жасөспірімге соққан.

Қалалық қоғамдық денсаулық басқармасының хабарлауынша, зардап шеккен оқушыны жедел жәрдем бригадасы №2 қалалық балалар клиникалық ауруханасының қабылдау бөліміне жеткізген.

«Науқасты нейрохирург қарап, қажетті тексерулер жүргізілді. Нәтижесінде жабық бас-ми жарақаты, ми шайқалуы, бас пен беттегі жұмсақ тіндердің көгеруі және сол тізе буынының соғылуы диагнозы қойылды...

Алматыда бірнеше ай бойы дау туғызған Rams Beyond Almaty 40 қабатты кешенінің құрылысы тоқтатылуы мүмкін. Бұл туралы Өнеркәсіп және құрылыс министрі Ерсайын Нағаспаев мәлімдеді.

Министр дау тудырған құрылыс жобасына қатысты пікір білдіріп, рұқсат берген бақылау органдары жауапкершілікке тартылғанын айтты.

«Рұқсатты, соның ішінде Алматы қаласының сәулет-құрылыс бақылау басқармасы (ГАСК) берген. Ол әкімдіктің құзырында. Министрліктің жоғары органы оларды тексеріп, жазасын берді, тиісті нұсқаулар жасалды. Тексерулер әлі жалғасуда. Сот шешімінен кейін қорытындысын жариялаймыз. (…) Егер сот шешсе, құрылыс тоқтатылуы мүмкін», – деді Нағаспаев.

Осыған дейін Мәжіліс депутаты Сергей Пономарев 40 қабатты ғимараттың құрылысына толық тыйым салуды талап еткен болатын...

Түркияда жиырма шақты эстрада әншісі мен әртісі есірткі қолданды деген күдікпен ұсталды. Олардың арасында әлем сахнасына танымал әнші Хадише мен Ирем Дериджи, сонымен бірге «Сұлтан Сүлеймен» сериалында Михриниса рөлін сомдаған Беррак Түзүнатач да бар. Бұл туралы Hurriyet түрік басылымы хабарлайды.

Түрік баспасөзі таратқан мәліметке қарағанда, Ыстанбұлда есірткі немесе қоздырғыш қолданды деген күдікпен бірнеше адам полицияға түсті. 19 танымал тұлға жандармерия басқармасына жеткізілді. Сол жерде олардың қанын тексереді.

Түркияда есірткіге тыйым салынған. Оны қолданғандар, сақтағандар бес жылға дейін сотталуы мүмкін. Ал есірткі таратқандар үшін 20 жылға дейін түрме жазасы қарастырылған.

Дегенмен оларды қамауға алу туралы орден берілмеген. Ирем Дериджи, Хадише...

Мәжілісте Құрылыс кодексінің жобасын талқылау барысында депутат Марат Башимов қалалардағы ретсіз құрылыс мәселесін көтерді.

Депутаттың айтуынша, соңғы жылдары елдімекендердегі құрылыс қоғам тарапынан жиі сынға ұшырай бастаған.

«Қалалар тас қала орманына айналып, көпқабатты «құмырсқа илеуіне» ұқсайды. Әлеуметтік инфрақұрылымның жетіспеушілігі өткір тұр, ал құрылыс компанияларының мүдделері бірінші орынға шығып отыр. Рұқсат беру құжаттары көбінесе қала құрылысы құжаттарымен қайшы келеді, жердің мақсатты тағайындалуы өзгертіледі. Мұның бәрі қоғамда наразылық тудырады және әлеуметтік шиеленіске себеп болады», — деді Башимов.

Депутат елдімекендерді дамыту мен құрылыс шешімдерін қабылдауда мәслихаттардың рөлін күшейтуді ұсынды.

Әкімдік енді детальдық жоспарлау жобаларын өз бетімен өзгерте алмайды

Алдағы уақытта су тасқыны қаупі жоғары немесе қауіпті аймақта тұратын қазақстандықтарға үйін сақтандыру міндеттелуі мүмкін. Әзірге бұл тек ұсыныс, бірақ үкіметте талқыланып жатыр. Өнеркәсіп және құрылыс вице-министрі Қуандық Қажкенов осылай түсіндірді.

«Естеріңізде шығар, су тасқыны кезінде шамамен 17 мың үй зардап шекті. Олардың шығындарын өтеу негізінен бизнес, бюджет және реттеу шаралары арқылы жүзеге асырылды. Сондықтан Төтенше жағдайлар министрлігі су тасқыны қаупі жоғары немесе қауіпті аймақтардағы нысандарды барынша сақтандыру ұсынылды. Бұл келешекте осындай төтенше жағдайлар болған кезде азаматтар мемлекетке немесе бизнеске ғана үміт артпай, өз бетімен үйлерін қалпына келтіре алуы, жаңа баспана сатып алуы және бүлінген мүлкін өтей...

Түркістан облысы Келес ауданында туысқан мүгедек інісін зорлады деген айыппен ағайынды 3 жігітті 9 жылға сотталды. Сотталушылар кінәсін мойындамайды және үкіммен келіспейді.

Облыстық соттың дерегінше, сотталушылар Қылмыстық кодекстің «Сексуалдық сипаттағы зорлық-зомбылық әрекеттер» бабымен, бірі бұл бапқа қоса «Ұрлық» бабымен айыпталған. Сот тергеуіне қарағанда, сотталушылардың бірі 2025 жылдың 7 ақпан күні жәбірленушінің үйіне ұрлыққа түскен. ІІ топ мүгедегі 24 жастағы жәбірленушінің дәрменсіз күйін көріп, онымен жыныстық қатынасқа түскен. Көп өтпей сотталушының үйіне жәбірленуші анасымен бірге моншаға түсуге келген. Осы кезде үш сотталушы алдын ала сөз байласып, кейіннен қосылған екеуі жәбірленушімен жыныстық қатынасқа түскен.

Жарыссөзде прокурор айыпталушыларды тағылған айып бойынша кінәлі деп...

Көпқабатты үйдегі терезелерге қауіпсіздік құлпын орнату заңнамаға енгізіледі. Өнеркәсіп және құрылыс министрі Ерсайын Нағаспаев осылай дейді.

Бұған дейін Мәжіліс депутаты Асхат Аймағамбетов бұл норманың Құрылыс кодексіне енбей қалғанын айтты.

«Барлық әлеуметтік нысан мен көпқабатты үйдегі терезелер қауіпсіздік құлпымен жабдықталуы керек деген норма қабылдадық. Өкінішке орай, балалар терезеден құлап түсетін жағдайлар тіркелген. Көз алдымызда жүздеген бала солай өліп кетіп жатыр. Бірақ жаңа кодексті ашамын, ондай норма жоқ. Неге? Бұл мердігерлер үшін «қымбат», «тиімсіз» шығар», – деп атап өтті депутат.

Министр Нағаспаев бұл норманың алынбағанын, заң жобасы әлі екінші оқылымда қаралатынын мәлімдеді.

«Кодексте стратегиялық бағыттар...

Qarmet компаниясын тұрақты жаңғырту бағдарламасы аясында 30 қыркүйек күні №3 домна пешіне табиғи газ сәтті берілді. Еске сала кетейік, бұған дейін 29 тамызда табиғи газ алғаш рет №2 домна пеші мен №1 табақ илеу цехының әдістемелік пештеріне жеткізілген болатын.

Мамандар газ беру жүйесін толықтай іске қосты. Газ қалай беріледі, қалай жанады, шығын өлшегіштер мен датчиктер қандай көрсеткіштерді тіркейтініне дейінгі әрбір элемент бақылауды қажет етеді. Заманауи жүйе электрлендірілген клапандар арқылы әрбір фурмаға газ беруді реттеуге мүмкіндік береді. Енді бұл процесті дәл бақылауға және өзгерістерге жылдам әрекет етуге жол ашады.

«Әрине, жігіттердің эмоциясында шек жоқ– бұл домна өндірісінде біз үшін мүлде жаңа...

7 қазанда Tesla Model 3 және Model Y нұсқаларының арзан Standard көліктерін таныстырды. Компания көпшіліктің қолы жететін электромобиль шығару арқылы сауданы қыздыра түспек. Kursiv.Media жаңа электрокарлардың басты ерекшеліктері мен бағасы, олардың Қазақстанға қашан келетінін анықтап білді.

Model Y Standard пен Model 3 Standard миллиардер Илон Масктің компаниясы ұсынатын ер арзан электромобильдер. Tesla бағаны түсіргенімен, негізгі технологияларды сақтап қалғанын мәлімдеп отыр.

Tesla Model 3 Standard

Компанияның ең көп сатылатын седаны. Бұл модель 2025 жылдың аяғына қарай саудаға түседі. Құрама Штаттардағы бастапты бағасы: 36,990 доллар. Алдыңғы Premium нұсқасынан 5,5 мың долларға арзан арзан. Қосымша опциялармен алсаңыз, (мәселен...

Жаңа Құрылыс кодексін әзірлеу үшін арнайы конкурс өткізілді ме? Бюджеттен қанша қаражат бөлінді? Өнеркәсіп және құрылыс министрі Ерсайын Нағаспаев осы сұрақтарға жауап берді.

Министрдің түсіндіруінше, құжат жобасын дайындау үшін конкурс өткізбекші болған. Бірақ қатысушы тараптар миллиард теңгеге дейін бюджет сұрайды.

» Бастапқыда кодексті әзірлеуге конкурс өткізу жоспарланған еді. Әділет министрлігінің есептеу ұйымдары тарапынан да, «Атамекен» палатасынан да, жеке компаниялар мен біздің тарапымыздан да ұсыныстар түскен. Әділет министрлігінің еншілес ұйымдары миллиардтан көп қаржыға, кәсіпкерлер палатасы 900 млн теңге төңірегінде жобаларын ұсынды», – деп түсіндірді ведомство басшысы.

Осыдан кейін мемлекеттік тапсырыс аясында конкурс ұйымдастырып...

Air Astana әуе компаниясының директорлар кеңесі ұйымның бас директоры әрі директорлар кеңесінің мүшесі Питер Фостер 2026 жылдың наурыз айының соңында қызметінен кететінін хабарлады. Алайда компаниямен байланысын сақтап, директорлар кеңесінің аға кеңесшісі ретінде жұмысын жалғастырады.

Компанияның қаржы директоры Ибрахим Джанлиел Air Astana-ның жаңа бас директоры болып тағайындалады.

Air Astanа директорлар кеңесінің төрағасы Нұрлан Жақұпов Питер Фостердің ұзақ жылғы еңбегіне жоғары баға берді:

«Директорлар кеңесі Питер Фостерге компанияны 20 жыл бойы басқарудағы ерекше еңбегі үшін зор алғыс білдіреді. Air Astana-ны бастапқы даму кезеңінен бүгінгі деңгейіне дейін жеткізіп, оны Қазақстан мен Орталық Азиядағы жетекші әуе компаниясына айналдырды. Сонымен қатар...

Бірыңғай жинақтаушы зейнетақы қорындағы қаржыны басқарып отырған Ұлттық банк тамыз айында Отбасы банкінің борыштық қағаздарына ірі көлемде қаржы салды. Ресми дерекке сүйенсек, тамызда Ұлттық банк жалпы сомасы 71,9 млр теңгеге «Отбасы банктің» облигацияларын сатып алған. Жаңа шығарылымдардың орташа табыстылығы жылдық 18% деңгейде бекітілген.

Тамыз айында екінші деңгейлі банктердің облигацияларына қатысты портфельдің жалпы құны 0,69 млрд теңгеге азайып, 681,1 млрд теңгені құрады. Жалпы портфельдің жалпы құрылымындағы үлесі 2,78% болды.

Сол кезеңде ForteBank облигациялары бойынша негізгі қарыздың 49,96 млрд теңгесі өтелген. Ал банктердің бағалы қағаздарын сату операциялары жүргізілмеген.

Басқарушы компаниялар қандай инвесттабыс алған?

2025 жылғы 1 қыркүйектегі жағдай бойынша...

Мектеп пен балабақша тұрғын үймен бірге қатар салынуы керек. Әрбір тұрғын үй терезелерінде қауіпсіздік құлпы болуы тиіс. Бұл әлеуметтік маңызды нормалар, бірақ жаңа әзірленген Құрылыс кодексінде олардың бірі жоқ. Мәжіліс депутаты Асхат Аймағамбетов осындай сын айтты

Мектеп пен балабақша болмаса, тұрғын үй не керек?

Депутаттың сөзінше, былтыр мәжілісте мектеп пен балабақша тұрғын үймен бірге салынуы керек деген түзету қабылданған. Бірақ жаңа кодексте ол норма жоқ. Бұл кімге пайдалы деген сұрақ қояды Аймағамбетов.

«Өткен жылы осы жерде мектеп, балабақша және емханасыз көппәтерлі тұрғын үй құрылысын бастауға тыйым салатын норманы бекіттік. Бұл норма енді ғана...

Әлемге әйгілі америкалық әнші Дженнифер Лопес Алматыдағы концерті кезінде болған күлкілі жағдай туралы айтты. Әртіс бұл сәтті Джимми Фэллон жүргізетін әйгілі The Tonight Show бағдарламасында еске алды.

10 тамызда Алматының Орталық стадионында өткен шоу кезінде ән айтып тұрған Джей Лоның үстіне кенеттен шегіртке секіріп шыққан еді. Бұл сәтті көрермендер видеоға түсіріп, әлеуметтік желілерде бірден таратып жіберген.

Бағдарлама барысында Дженнифер Лопес сол сәттің видеосын көріп, күлкіге қарық болды.

«Алғашында мен не болғанын түсінбедім. Бірдеңе денеме тигендей болды да, «мүмкін, жарыққа жиналған бір жәндік шығар» деп ойладым. Бірақ кетпей, өрмелеп бара жатқанын сездім!» — деп еске...

Қазақ шоу-бизнесінде соңғы жылдары сәбиге ерекше, мәні терең есім қою дәстүрге айналып келеді. Әр ата-ана баласының атына өз арманын, өмірлік ұстанымын немесе рухани мағынасын енгізуге тырысады. Мұндай үрдіс танымал жұлдыздар арасында да кең тараған.

Ninety One тобының әншісі Alem

Ninety One тобының әншісі Alem Батыр Мәліков пен жұбайы Вероника Жанғалова ұлдарына Тай деген қысқа әрі ерекше есім қойған. Әнші бұл есімді еркіндік пен батылдықтың символы ретінде таңдағанын айтып өткен. «Еркін болсын» деген ырыммен қойған екен.

Ерке Есмаханның ұлдары

Танымал әнші Ерке Есмахан ұлдарының есімдерін ерекше әрі әуезді қылып таңдаған. Ұлдарының есімдері: Мүслім, Ислам және Батыр. Әр...

8 қазанда мәжілісте Өнеркәсіп және құрылыс министрі Ерсайын Нағаспаев жаңа Құрылыс кодексін таныстырды. Осы уақытқа дейін қолданып келген заңнама 25 жыл ішінде 130 рет өзгерген. Енді қабылданатын құжатқа тағы жаңа өзгерістер енгізілді, оның негізгілерін ұсынамыз.

Қала құрылысын жоспарлау

Министрдің түсіндіруінше, бұрын тек қаланың Бас жоспары ғана міндетті сараптамадан өтетін. Ал қала ішіндегі құрылыс жобалары жергілікті деңгейде әкімнің шешімімен бекітіліп, тексеріссіз қабылданатын.

Осы олқылықты жою үшін 2024 жылдан бастап барлық әзірленіп жатқан немесе түзетілетін қала құрылыс жобалары, оның ішінде нақты жобалау жоспарлары арнайы сараптамадан өтеді. Яғни, бұдан былай, құрылыс құжаттарына сәйкес келмейтін нысандарды жобалау мен салуға рұқсат берілмейді.

Қазақстан қаржы нарығының өкілдері Ұлттық банк тағы бір жыл бойы қатаң ақша-несие саясатын жалғастырады деп болжайды Оған себеп – инфляциялық қысымның күшеюі мен тарифтердің қымбаттауы. Мұндай қорытындыны Қаржыгерлер қауымдастығының талдау орталығы қазан айындағы сауалнама нәтижесі бойынша келтірді.

Инфляциялық болжам қайта өсті

Сарапшылардың пікірінше, алдағы 12 айда инфляция деңгейі 12,1%-ға дейін жетуі мүмкін (қыркүйекте – 11,4%). Негізгі себеп ретінде тұрғын үй-коммуналдық шаруашылық тарифінің көтерілуі, жанармай бағасының қымбаттауы, ипорттық тауарлар бағасының әсері және бюджет шығынының артуы аталды. Сонымен қатар алдағы салық реформасы мен әлеуметтік маңызы бар тауарлар бағасын реттеу шаралары да қосымша қысым жасамақ.

Базалық мөлшерлеме жоғары...

Үкімет 2026 жылғы республикалық бюджетті бекіту үшін Парламентке заң жобасын жіберген болатын. Келесі жылдың бюджетіндегі еліміздегі 17  өңірге бөлінетін миллиардтаған субвенциялар туралы, сонымен қатар донор аймақтар туралы айырмашылықтарды қарастырып көреміз.

Жергілікті бюджеттер – елдің экономикасының тұрақтылығын және тиімділігін қамтамасыз ететін негізгі құралдардың бірі. Әсіресе, Қазақстан сияқты көп өңірлі мемлекетте бюджеттердің өзара байланысы мен өңірлер арасындағы теңсіздіктер айтарлықтай маңызды мәселе болып отыр. Бұл тақырыпта Қазақстандағы өңірлік бюджеттердің ерекшеліктері мен алшақтықтары, донор және субвенциялық өңірлер арасындағы айырмашылықтар қарастырылады.

Қазақстандағы өңірлердің бюджеттік жағдайы

Қазақстанда өңірлердің бюджеттері арасында айтарлықтай айырмашылықтар бар. Бұл айырмашылықтар көбінесе экономикалық белсенділік деңгейіне, табиғи ресурстардың болуы мен өндіріс салаларына...

Бүгін, 8 қазанда Астана уақытымен кешкі сағат 18.30-да New Shepard (NS) ғарыш кемесі ұшады. Экипаж құрамында қазақ қызы Дана Қарағұсова да бар.

Тікелей эфир:

Ғарышқа сапарды ұйымдастыратын Blue Origin компаниясы ұшу уақытын жарты сағатқа өзгертті. Бұл туралы мәлімет миссияның ресми сайтында жарияланды. Бұған дейін NS сапары кешкі алтыға жоспарланған еді. Ұшу уақытын өзгерту – ғарыш саласында қалыпты жағдай.

Осылайша, сәрсенбінің кешінде NS-36 ғарыш кемесі АҚШ-тың Техас штатындағы №1 ғарыш айлағынан әуеге көтеріледі. Ол алты адамды орбитаға алып шығады. Олар Жер тарЭкипаж мүшелері арасында Қазақстан азаматы Дана Қарағұсова да бар.

43 жастағы алматылық кәсіпкер тарихи сапар қарсаңында экипаж мүшелерімен бірге Техаста түскен...

Әлеуметтік желі мен мессенджерлерде Жамбыл облысындағы мектептерде болуы мүмкін терактілер туралы жалған ақпарат тарады.

Жергілікті полиция азаматтарды негізсіз ақпаратқа сенбеуге, тексерілмеген ақпаратты таратпауға шақырды.

«Полиция тарапынан тексеру жүргізіліп жатыр, барлық қауіпсіздік шарасы күшейтілді. Жағдай толық бақылауда», – делінген полиция таратқан ақпаратта.

Сондай-ақ террорлық әрекет туралы жалған ақпарат таратқандар 5 жылға дейін бас бостандығынан айырылатынын ескертті.

Бұған дейін Балқаш қаласында мектептерге жарылғыш заттар қойылды деген ақпарат тарады. Қарағанды облысы полициясы әлеуметтік желі мен Telegram мессенджерінде тараған ақпаратты жоққа шығарды.

Кәмелетке толмағандарға қатысты сексуалдық зорлық жасаған қылмыскерлерге химиялық кастрация қолдану ережесі өзгерді. Енді сотталған адам бостандыққа шығардан алты ай бұрын жасалады. Денсаулық сақтау министрі тиісті бұйрыққа қол қойды.

Химиялық кастрация жазасын өтеу мерзімі аяқталуға алты ай қалғанда орындалады. Дайындық ретінде түрме әкімшілігі мерзімнің аяқталуына 12 ай қалғанда тиісті құжаттарды жинап, сотқа жолдайды. Сот сот-психиатриялық сараптама тағайындайды — онда сотталған адамның психикалық ауытқуы бар-жоғы және сексуалдық зорлыққа бейімділігі тексеріледі.

Бұл шара 18 жастан асқан, балалардың жыныстық қолсұғылмаушылығына қарсы қылмыс жасаған адамдарға қолданылады. Шешімді сот қабылдайды және ол бірден күшіне енеді. Процедура сотталған адам жазасын өтеп жатқан мекемеде жасалады. Егер адам...