Жаңалықтар

Қаржы министрлігі мобильді аударымдарға қатысты талаптар бойынша нақты түсініктеме берді. Қаржы вице-министрі Ержан Біржановтың айтуынша, аударым сомасы белгіленген лимиттен асса, автоматты түрде бірден айыппұл салынбайды.

Біржановтың түсіндіруінше, егер бір адамға үш ай ішінде 100-ден астам адамнан ақша аударылып, оның жалпы көлемі 1 миллион теңгеден асып кетсе, салық органдары алдымен азаматқа хабарлама жібереді. Онда қаражаттың қайдан түскенін түсіндіріп беру сұралады.

«Біз бірден айыппұл салмаймыз. Алдымен адамға өз уәжін айтуға мүмкіндік береміз. Кей жағдайда ол жеке кәсіпкер ретінде тіркеліп жатады», – деді вице-министр.

Тексеру бірден бастала ма?

Жоқ. Егер азамат хабарламаға жауап берсе және түсініктеме негізд...

Ресей президенті Владимир Путин совет халқына жасалған геноцид құрбандарын еске алу күнін белгіледі. Құжат федерация заңнамасы порталында жарияланды.

Күмәнді құжат

Мұндай құжат Ресей мен Украина соғысып жатқан уақытта қабылданып отыр. Ресми Киев біраздан бері көрші федерацияның басқыншылық саясатын геноцид деп тануды талап етіп келеді.

«19 сәуір – 1941-1945 жылдары Ұлы Отан соғысы кезінде фашистер мен солардың сыбайластарының совет халқына жасаған геноциді құрбандарын еске алу күні», – деп жазылған Путиннің қолы қойылған құжатта.

Ресей президенті заңға 29 желтоқсанда қол қойған. Федералдық заң 2026 жылғы 1 қаңтардан бастап күшіне енеді.

RBC мәліметінше...

Мәжіліс депутаты Екатерина Смышляева қазақстандықтардың мемлекеттік қызметтерге қатысты деректері жеке платформаларда емес, тек мемлекеттік жүйелерде жиналып, сақталуға тиіс екенін мәлімдеді.

«Жеке жүйелердің деректерді жинамауы, локализацияламауы, сақтамауы мәселесін шешу керек. Яғни мемлекеттік қызмет көрсету мен мемлекеттік функцияларға байланысты деректер тек мемлекет тарапынан жиналып, оның қорғауында болуы тиіс», – деді Смышляева Мәжіліс кулуарында.

Kundelik-тегі оқушылардың жеке дерегі

Смышляева Kundelik платформасынан оқушылар деректерінің таралуына қатысты соңғы жағдайға да пікір білдірді. Оның айтуынша, тергеу әлі жүріп жатыр, мұндай мәселелер тез шешілмейді, бірақ тиісті салдары болады.

Депутат қолданыстағы жаза нормалары жеткілікті түрде қолданылмайтынын, ал құқықтық қолдану тәжірибесі тым тар...

Жаңа Салық кодексі бойынша, ірі бизнестің жеңілдетілген режимде жұмыс істейтін кәсіпкерлерден алған тауар мен қызметін шығынға жатқызуына тыйым салынбақ. Бұл норма 2026 жылдан бастап күшіне енеді. Мәжіліс депутаты Азат Перуашев шешім салық жүйесінің логикасына қайшы екенін айтып, үкіметті одан бас тартуға шақырды.

Депутаттың айтуынша, мәселені жуырда өткен секциялық отырыста да көтеріп, үкіметтен талапты жоюды сұраған. Аталған нормаға сәйкес, жалпыға бірдей белгіленген салық режимінде жұмыс істейтін компаниялар енді жеңілдетілген (упращенка) декларация қолданатын кәсіпкерлерден сатып алған тауарлар мен қызметтерін шығын ретінде есепке ала алмайды.

«Салық жүйесі бизнестен қалай және кіммен жұмыс істеу керегін талап ете алмайды. Бұл...

Кеңес Одағының батыры, Халық қаһарманы Бауыржан Момышұлы туған ауылда ескерткіш тақта ашылды. Бұл туралы Қорғаныс министрілігі хабарлады.

Жамбыл облысы Жуалы ауданына қарасты Б. Момышұлы ауылында өткен салтанатты іс-шараға Қорғаныс министрі Дәурен Қосанов қатысты. Тараз гарнизонының тау қорықшылары жеке полкі осы ауылда орналасқан.

Мемориалды тақтаны көруге полк басшылығы, жеке құрамы, ауыл тұрғындары мен ардагерлер жиналды. Ескерткіш Момышұлының туғаны 115 жыл толуына орай ашылды.

Министр оған ең жоғары атақтың берілуі – халықтың батыр ерлігіне деген зор құрметінің айқын көрінісі деп сипаттады.

Естеріңізге сала кетсек, 2025 жылғы 25 желтоқсанында Бауыржан Момышұлына Халық қаһарманы атағы беріліп, ерекше айырым белгіс...

Әл-Фараби атындағы Қазақ ұлттық университетінің аға оқытушысы Айжамал Байсейітова цикорий өсімдігінің қасиетін жан-жақты зерттеп, оның диабетке қарсы тиімді әсері бар екенін ғылыми тұрғыда дәлелдеді.

Жас ғалым зерттеу барысында цикорий құрамындағы биологиялық белсенді заттардың қандағы қант деңгейін төмендетуге, сондай-ақ зат алмасу процесін реттеуге оң ықпал ететінін анықтады. Сонымен қатар  адам ағзасында стресс әсерінен пайда болатын радикалдарға қарсы антиоксиданттық белсенділігі бар екенін де дәлелдеді. Бұл өсімдіктің денсаулықты нығайтудағы әлеуеті жоғары екенін көрсетеді.

Ғалымның айтуынша, қазіргі таңда аталған ғылыми жоба аясында халықаралық ғылыми журналдарда екі мақала жарияланған.

«Мақсатымыз – емдік қасиеті бар өсімдіктер негізінде кең таралған ауруларға...

Мәжіліс депутаты Мұрат Әбенов банктер туралы заң жобасына маңызды өзгерістер енгізілгенін айтты.

Мәжілістің биылғы соңғы отырысында депутат әріптесі Бақытжан Базарбек екеуі берген бүкіл өзгерістер сол күйі банктер туралы заң жобасында қалғанын айтады.

«Біз оның бәрін бақылап отырдық. Егер оны кімде-кім өзгерткісі келсе, біз үндемей отырмаймыз. Біз оңды-солды несие бере беретін банктерге шектеу қойдық. Ендігәрі банктер ешқандай онлайн кредит бере алмайды. Міндетті түрде аяғыңмен банкке баруың керек, міндетті түрде қол қою керек. Міндетті түрде өз айлығың туралы ақпаратты банктерге апаруың керек. Өйтпесең несие беруге болмайды дедік. Баяғыда оларға жеңілдік беріп қойғанбыз. Оны толығымен шектедік», – дейді ол.

Президент Қазақстан халқы Ассамблеясын дамытудың 2030 жылға дейінгі «Бірлігіміз – әралуандықта» тұжырымдамасын бекітті. Бұл туралы Ақорда хабарлады.

«Тұжырымдама Қазақстан халқы Ассамблеясын одан әрі дамытуды көздейді. Құжатта қоғамдық келісім мен жалпыұлттық бірлікті қамтамасыз ету мақсатында елді ұйыстыруға бағытталған жаңа қағидаттар мен тәсілдер қарастырылған», – делінген ақпаратта.

Айта кетейік, Қазақстан халқы Ассамблеясы 1995 жылдың наурызында мемлекет басшысының жарлығымен құрылды. Ассамблея құрамында 583 адам бар.

Бұған дейін президент тапсырмасы бойынша «Ақсақалдар кеңесі» құрылды. Барлық өңірде 1119 ақсақалдар кеңесі құрылып, оның құрамына этномәдени, ардагерлер бірлестіктері және басқа да қоғамдық ұйымдар қатарынан 7 мыңнан аса адам кірді.

Қырғызстанда Акума атты блогер ЖИ арқылы президент Садыр Жапаровпен құшақтасып түскендей жасаған суреті үшін жауапкершілікке тартылды.

Фотода қыз Садыр Жапаровты «өзінің жігіті» ретінде бейнелеп, бетінен еркелеп ұстап тұр. «Садыр Жапаров» ғашықтарша оның санынан ұстап тұрғаны көрінеді.

Қырғызстан соты осы жалған фото үшін блогер қызды жауапкершілікке тартып, айыппұл салды.

«Блогер қызжың президентімізбен ЖИ-мен, фотошоппен жасаған суреті шықты. Біз құқық қорғау органдарына хабарластық. Олар реакция жасады. Октябрь аудандық сотының судьясы Жолдашбаев 5 500 сом айыппұл салды. Судья адамгершілік танытқан болуы керек. Мұндай нәрселерден сақтаныңыздар. Өйткені, жауапкершілікке тартылуыңыз мүмкін. Заңды сақтаңыздар»,  – деді адвокат Шердор Абдукапаров.

Қолданушылар блогерд...

Мәжіліс Сенат депутаттарының «Банктер және банк қызметі туралы» заңға енгізген түзетулермен келісті. Сенат ұсынған өзгерістер нақтылау сипатында болып, заң жобасының жалпы тұжырымдамасын өзгертпейді. Осылайша жаңа заң президент Қасым-Жомарт Тоқаевтың қол қоюына жіберілді.

Сенат бұған дейін заң жобасын Мәжіліске қайтарып, жекелеген нормалармен келіспейтінін білдірген болатын. Атап айтқанда, сенаторлар банк секторын шамадан тыс қатаң реттеу қаржы ресурстарының қолжетімділігін төмендетіп, инвестициялық белсенділікке және нақты секторға кредит беруге кері әсер етуі мүмкін деген уәж айтты.

Осы себепті сенаторлар заң жобасына қатысты бірнеше нақты ұсыныс берген. Атап айтқанда:

Ерлан Қошанов биылғы жылдың соңғы жалпы отырысында Палата жұмысын қорытындылады. Мәжіліс төрағасының айтуынша 2025 жылы 100 заң қабылданған, оның 24-іне депутаттар бастамашы болды.

Қошанов алдымен 2025 жылдың маңызды оқиғаларына тоқталып өтті.

Конституцияның 30 жылдығы мен рақымшылық заңы

Мәжіліс спикері Конституцияның 30 жылдығына байланысты рақымшылық жасау туралы заң қабылданғанын еске салды. Осы заң аясында елдегі 17 мыңға жуық сотталған адам осы рақымшылық талаптарына ілікті.

Ішкі және сыртқы саясат

Ерлан Қошанов жыл қорытындысында елдің саяси өміріндегі маңызды бағыттарға да тоқталды.

Ішкі саясат тұжырымдамасы әзірленеді

Президент Мәжіліс депутаттарының Ішкі саясат тұжырымдамасын әзірлеу жөніндегі бастамасын қолдады...

Қазақстан көктайғақта жолға тұз себуден бас тартып отыр. Көлік министрлігінің мәліметінше, мұның ғылыми себебі бар.

«Қазақстан Республикасының Экологиялық кодексінің 238-бабының 9-тармағына сәйкес, топыраққа, жасыл желекке және қалалық экожүйеге тигізетін теріс әсеріне байланысты елдімекендер аумағында қысқы тайғаққа қарсы күресте ас тұзын қолдануға тыйым салынады», – делінген министрліктің хабарлауынша.  

Сондықтан қыс мезгілінде жол мен тротуардағы мұзды еріте алатын тұзға балама іздестіріліп жатыр.

Қазақстан жол ғылыми-зерттеу институты («ҚазжолҒЗИ») мамандарының мәліметінше, көше-жол желісін қыста күтіп-ұстауға арналған шамамен бес отандық тайғаққа қарсы материал тіркелген. Олардың қатарында құрғақ та, сұйық та реагенттер бар. Бұл өңірлердің климаттық және пайдалану...

Депутат Бақытжан Базарбек ел үкіметінің жұмысына жақсы баға бере алмайтынын айтады. Өйткені мәжілісмен Қазақстан қарыздан бас көтере алмай жатыр деп тұжырымдайды. Үкімет қарызды қарызбен жабуға мәжбүр.

4,7 трлн теңге бюджетте үлкен «тесік» болған. Қазір де 27 трлн теңге көлемінде үлкен қарызымыз бар. Ол берешекті дереу жабуымыз керек. Әйтпесе ертең бәріміздің бала-шағамыз төлейді ол қарызды. Сол кезде ұрпағымыз «сонау 2025 жылы парламентте отырған кезде неге қарызды жаппадыңыздар, неге қарыз ала бердіңіздер» деп сұрақ қояды», – дейді депутат.

Базарбектің айтуынша, Үкіметтің сыртқы қарызының 80%-ы – 2005-2017 жылдары алынған борыш.

«Басқаша айтқанда той тойлап...

Әлемнің Louis Vuitton, Gucci секілді ірі брендтерімен жұмыс істейтін Lihua Group қытай компаниясы Түркістан облысында екі күнде үш ірі зауытты іске қосты. Компания өңірге 200 млрд теңгенің инвестициясымен кірген.

Қытай капиталының күші

Отырар ауданына қарасты Қарақоңыр ауылында қытай ақшасына «Түркістан мақта агроөнеркәсіптік кешені» ашылды. Оны Сюй Цзе басқарады.

Өткен апта соңында кешенде заманауи мақта өңдеу зауыты мен тамшылатып суару технологиясын дайындайтын кәсіпорын іске қосылды. Содан бір күн бұрын қытайлар Түркістан қаласында жіп пен мата шығаратын тоқыма өнеркәсібін ашты.

Lihua компаниясы Түркістан облысында жалпы саны 10 зауыт салуды көздеп отыр. Қазір тағы екі мақта өңдеу зауытының құрылысы жүріп жатыр.

«Жоба...

Бердібек Сапарбаевтың келіні Адель Сапарбаева әлеуметтік желісінде күйеуі Жансұлтанның әкесін алғаш көрген кездегі сезімі мен ойын бөлісті.

Адель кездесу кезінде қобалжығанын, жылы қабылдаса екен деген ойда болғанын айтты. Дегенмен кездесу ол күткендей емес, тыныш әрі шынайы болған.

«Жансұлтанның әкесі көп сөйлемеді. Бізді бірден сынап жатқандай емес, тек басты нәрсені көрсетті. Өз ұлына деген алаңдаушылығын және біздің ниетіміздің маңызды екенін көрсетті», – деп жазды Адель.

Бастапқыда тыныштықты қатаңдық деп қабылдаған келіні кейін бұл мінездің «суықтық емес, ата дәстүріне сай қамқорлық» екенін түсінгенін атап өтті.

Адель Сапарбаева бұл кездесуді қазір ризашылықпен еске алады.

Алматыда қоғамдық көлік жолақысын енді банктің мобильді қосымшасы арқылы да төлеуге болады. Бұл туралы «Алматы қаласы Көлік холдингі» хабарлады.

Жаңа қызмет 2025 жылдың 29 желтоқсанынан бастап жұмыс істеп тұр.

«Алматының қоғамдық көлігінде жолаушылар енді Kaspi мобильді қосымшасы арқылы автобустағы ONAY QR-ды сканерлеу немесе көлік кодын енгізу арқылы жолақысын төлей алады», – делінген ақпаратта.

Сонымен қатар жолаушылар үшін ONAY! көлік карталары, мобильді қосымша және басқа да бұрыннан қолданылған төлем әдістер қолжетімді.

Айта кетейік, бұған дейін қала әкімі Дархан Сатыбалды қалада жолақысын қымбаттату мәселесі қарастырылып жатпағанын айтты.

Одан бөлек Алматыда үш жаңа автобус паркі құрылысы...

Бүгін Мәжілістің жалпы отырысында Қазақстан Үкіметі мен Қырғызстан Үкіметі арасындағы Ыстықкөл облысында орналасқан курорттық-рекреациялық нысандарға қатысты халықаралық келісімдерге енгізілген өзгерістер ратификацияланды.

Депутаттар 2006 жылғы 4 шілдедегі Қазақстанның меншік құқықтарын реттеу туралы келісімге және 2009 жылғы 1 желтоқсандағы Ыстықкөл ауданындағы жер учаскелерін жалға беру туралы шартқа өзгерістер мен толықтырулар енгізу жөніндегі хаттамаларды мақұлдады.

Талқылау барысында Мәжіліс депутаты Нұргүл Тау Қаржы министрі Мәди Тәкиевтен келісім шарттар не себепті ұзақ жылдар бойы орындалмағанын және бұның Қазақстан үшін салдары қандай болатынын сұрады.

«2006 жылғы келісімнің шарттары бойынша Қазақстан меншігінде қалу үшін біз оларды 2010 жылға дейін үш және төрт жұлдызды...

Ермұрат Бапи Нұрсұлтан Назарбаев пен бұрынғы лауазымды тұлғалардың шетелге шығуына шектеу қоюды талап етіп отыр.

Бұл туралы ойын депутат Мәжілістің дәлізінде тарқатып айтып берді.

«Азаматтық мүдде тұрғысында, елге тағы да залал келтіреді деп ойлаймын. Мәселен, ол шетке шығарда елдің президентімен ақылдасты ма? Экс-президент ретінде тиісті мемлекеттік органдар алдында осындай мәселе қойды ма? Менің ойымша ондай келісім болған жоқ», – деді Ермұрат Бапи.  

Депутаттың пікірінше, Назарбаевтың Қазақстанның мәселесін сыртқа барып, өзінің жеке бас мәселесі ретінде талқылап жүруі ойландыруы керек.

«Бұл міндетті түрде Назарбаевқа шектеу қою емес. Жоғары лауазымды қызметте болғандардың шетке...

ERG-дің үлесін сатып алуға ниетті Шахмұрат Мүтәліптің компаниясы бюджет ақшасына Ыстықкөлде шипажай салмақ. Бұл туралы Мәжіліс отырысында айтылды. Инвестиция құны – 9,1 млрд теңге.

Депутат Серік Ерубаев Қаржы министрі Мәди Такиевтен Ыстықкөл жағалауында салынатын 4 нысанның біреуіне ҚР Президенті іс басқамасы медициналық орталығының филиалы бөлген қомақты қаржы қалай игеріліп жатқанын сұрады. Сонымен қатар құрылыс жұмысы қашан бітеді, оны қандай компания салып жатыр және қазақстандықтар бұл шипажайда қашан емделе алады деп сауал қойды.

Қаржы министрі Мәди Такиев жобаға республикалық бюджеттен 9,1 млрд теңге бөлінгенін растағанымен, құрылысы қалай жүріп жатқанын нақты айта алмады. Оның орнына ҚР Президенті іс...

Қырғызстанның бұрынғы президенті Алмазбек Атамбаев барлық мемлекеттік марапатынан айырылды. Садыр Жапаров тиісті жарлыққа қол қойды.

Құжатта 2025 жылғы 3 маусымда Бішкектің Бірінші Май аудандық соты шығарған үкімді орындау мақсатында, Қырғыз Республикасының «Мемлекеттік наградалар, құрметті атақтар және мемлекеттік сыйлықтар туралы» заңының 27-бабының 1, 2 және 4-бөліктеріне, сондай-ақ Қырғыз Республикасының Конституциясының 71-бабына сәйкес шешім қабылданғаны көрсетілген.

«Алмазбек Шаршенович Атамбаев Қырғыз Республикасының келесі мемлекеттік марапаттарынан айырылсын:

Сонымен қатар оған медаль және орден беру туралы президент жарлықтары...

24 жылға сотталған Қуандық Бишімбаевтың бұрынғы әйелі видео жариялап, алиментке қатысты сот қалай өрбігенін баяндады.

Назым Қаһарманның сөзінше, Жоғарғы сот Бишімбаевты ата-ана құқығынан айырмаған. Содан кейін Қуандық Бишімбаев бірден сотқа алимент мөлшерін азайту туралы талап арыз берген. Қуандық Бишімбаев ажырасқан кездегі келісімде көрсетілген соманы төлеуге мүмкіндігі жоқ екенін айтқан.

Айта кетейік, Қуандық Бишімбаев пен Назым Қаһарманның ортақ үш баласы бар.

«Адвокаттарым құжат жүзінде Қуандық алиментті тағы 15 жыл төлеуге шамасы жететінін дәлелдеді. Активтерін жасыру үшін өзін қамауға алған кезден бастап мүлкін 26 жасқа таяп қалған ересек үлкен ұлының атына аударған», – деді Назым Қаһарман.

Арменияның премьер-министрі Никол Пашинян тағы да көпшілік назарын аударды. Бұл жолы биліктегі «Азаматтық келісім» партиясының іс-шарасында ерекше қылығымен көзге түсті. Бастапқыда саяси жиын ретінде жоспарланған басқосу біртіндеп жаңа жылдық кешке ұласты.

Пашинян әлеуметтік желіде барабанда ойнап отырған видеосын жариялады. Кейінірек экономика министрі Геворг Папоян журналистерге берген сұхбатында соқпалы аспап Пашинянға сыйлыққа берілгенін және премьер-министр бірнеше ай бойы ойнауды үйренгенін айтты.

Армения басшысы тағы бір видео жариялап, бұл жолы би билеп, ән айтып тұрған сәттерін бөлісті. Кадрларда партияластарымен бірге музыка ырғағымен секіріп, «Қайда барсаң да, мен сенімен бірге барамын. Шақырсаң болды, соңынан еріп кетемін» деген қайырмасын хормен орындап тұр.

Сингапурда қоғамдық дәретхана кезегіндегі жанжал қайғылы оқиғамен аяқталды. Қарсыласымен төбелескен қарт адам оқиға орнында қаза тапты.

Бұл туралы Mothership басылымы хабарлады.

21 желтоқсанға қараған түні 73 жастағы Фу Суан Чу Fork & Spoon дәмханасының верандасында жалғыз өзі ішімдік ішіп отырған. Көрші үстелде 57 жастағы Тео Энг Чай да қызып алған. Дәретхана бос болмай, Чу кезек күтіп тұрған. Алайда дәретхана босаған кезде Чай кезексіз кіріп кетпек болыпты.

Екеуі кезекке таласып, сөзге келіп қалған. Мұның арты төбелеске ұласқан. Чай Чуды бас тұсынан ұрған. Қатты соққы салдарынан оның көмейіндегі қалқанша шеміршегі сынып кеткен. Оқиға бейнебақылау камерасына түскен.

Ауыр жарақат алған қарт ауруханаға...

Криштиану Роналду Дубайда өткен Globe Soccer Awards марапаттау рәсімінде: «егер жарақат алмай, ойнауды жалғастырсам, ИншаАллаҺ 1000 гол соғамын» деді.

Осы бір ауыз сөзден кейін жанкүйерлер арасында «Роналду ислам дінін қабылдады ма» деген сұрақ көбейді. Алайда футболшының немесе оның өкілдерінің тарапынан мұндай ресми мәлімдеме жасалған жоқ.

Айта кетейік, «Әл-Наср» клубының шабуылшысы Globe Soccer Awards марапаттау рәсімінде Таяу Шығыстың үздік футболшысы атанды. Марапатты алған сәтте Роналду кәсіби мансабын жалғастыруға ниетті екенін жеткізді.

Футболшының «ИншаАллаһ» деуі оның Сауд Арабиясында ойнап жүргенімен байланысты болып, жергілікті мәдениет пен дәстүрге құрмет көрсетуінің белгісі болуы мүмкін. Дегенмен Роналду дінін өзгерткені жөнінде ешқандай ресми ақпарат жоқ.