Жаңалықтар

Forbes тізіміне кіретін миллиардер Тимур Құлыбаев негізі мұнай активі – «Каспий-Нефть» компаниясын сатпақ. Компанияға қатысты жасалатын ірі мәміле туралы хабарлама Қазақстан қор биржасы сайтында жарияланған. Құжатқа сәйкес, шешім 28 тамызда қабылданған.

Компанияның хабарлауынша, «Каспий Нефтьке» қатысты ірі мәміле мен мүдделі тараптар арасындағы келісім жасалып жатыр.

Мәміле компания құнының кемінде 10%-ына тең активтердің сатып алынуы немесе сатылуына байланысты. Сонымен қатар келісім 25%-дан астам көлемдегі қарыз алу нұсқасын да қамтуы мүмкін.

5 тамызда «Каспий нефтьтің» жалғыз акционері – Joint Resources компаниясы (оның иесі Тимур Құлыбаев) компанияның өзіне қатысты мәмілені мақұлдаған. Келісімнің мерзімі 2025 жылғы 1 желтоқсанға дейін белгіленген.

Бұл жағдай...

Түркістан облысы Шардара ауданында әкесін балағаттап, ұрып-соққан еркектің кім екенін Kursiv.Media тілшісі анықтап көрді.

Шардара ауданы Қоссейіт ауылдық округінің қызметкерінің (аты-жөнін атамауды жөн көрдік – ред.) сөзінше, баласының қорлығы мен таяғын көрген 70 жастағы зейнеткердің жаназасы 4 қыркүйек күні шығарылған. Марқұм бұған дейін ауылдағы кенже баласының қолында тұрған. Екінші ұлы үй алғаннан соң әкесін қолына алған.

«Бізде видеоны сіздер сияқты әлеуметтік желіден көріп, таңғалдық. Оның әкесін ұратынын бұрын-соңды естімедік», – дейді әкімдік қызметкері.

Оның айтуынша, әкесін ұрған еркектің жасы 41-де. Екі баланың әкесі. Бұған дейін отбасымен ауыл мешітінің жанындағы үйде уақытша тұрған. Өзі ауылдағы мәдениет...

Парламентте әлеуметтік тақырыптағы, өткір мәселені көтеріп жүргендер бір мандатты округтен сайланған депутаттар. Бірақ жаңа парламент тек партиялық тізіммен құрылатын болса, елдегі өзекті мәселелер назардан тыс қалмай ма? Журналистер мәжіліс депутаты Елнұр Бейсенбайға осындай сұрақ қойды.

Депутат, президент ұсынғандай, жаңа парламентке депутаттардың тек партиялық тізіммен қабылдануын қолдаймын дейді. Көпшілік ойлағандай, бір мандатты округтен сайланатын депутаттар әрдайым тәуелсіз деуге келмейді. Себебі олардың өзі – түбінде партияға тиесілі.

«29 мандатты округтің 22-і – «Amanat» партиясының депутаты. Сіздер ойлағандай бір мандатты округтен сайланған, өткір мәселені көтереді дегендеріңіз – біздің фракцияның мүшелері», – деп түсіндірді ол.

Бейсенбайды...

Мәжіліс депутаты Асхат Аймағамбетов атаулы әлеуметтік көмекті тағайындауға қатысты енгізілетін өзгерістерге қатысты пікірін білдірді.

Мәжілістегі Әлеуметтік-мәдени даму комитетінің төрағасы төлемді тағайындарда несиесі бар адамдар оны не үшін алғанын ескеру керек деп санайды.

«Бүгінде кей азаматтар каспи рэд арқылы азық-түлік алып отыр. Сондықтан министрлік реформаны жүзеге асырғанда тереңерік үңіледі деп ойлаймын. Егер несие сән-салтанат заттары үшін алынса, оның жөні бөлек, ал азық-түлікке, баласын оқытуға алса, ол бөлек. Меніңше, осындай бөлініс болады, оны министрлік ескереді», – дейді депутат.

Еңбек министрлігі бұрын атаулы әлеуметтік көмекті тағайындағанда, азаматтардың табысын санайтын. Бұл кей азаматтардың табысын жасырып, көмекті алу үшін...

Президент Қасым-Жомарт Тоқаевтың Қазақстан халқына жолдауында цифрландыру мен ЖИ мәселесі ең көп қамтылған тақырыптың бірі болды. Жолдауда бұл мәселеге неге көп көңіл бөлінгеніне қатысты Мемлекеттік хатшы Ерлан Қарин пікір білдірді.

Қарин осы жылғы жолдаудың негізгі біріктіруші идеясы ЖИ мен цифрландыру болғанын айтады.

«Биылғы Жолдаудың біріктіруші идеясы – цифрландыруды кең көлемде дамыту және жасанды интеллектіні жаппай енгізу. Президент Қасым-Жомарт Тоқаев экономиканың түрлі салаларына цифрландыру мен жасанды интеллект құралдарын жеделдетіп енгізу міндетін жүктеді. Бұл қадамның барлығы жинақтала келіп, Қазақстанның жаңа Ұлттық цифрлық даму стратегиясына біріктіріледі», – дейді Мемлекеттік хатшы.

Жалпы цифрландыру саласында Қазақстанның кейбір...

Мәжіліс депутаты Ермұрат Бапи Қазақстанда бір палаталы парламент құрылса, құрамында кемі 200 депутат болуы қажет деп санайды. Депутат мұндай пікірді президент жолдауынан кейін айтты.

«Қырғызстанның өзінде 300-ге жуық депутат бар дейді. Сол тұрғыдан келгенде ортақ бір мәміле табылады деп ойлаймын. Өңір санына қарап есептейтін болсақ, бізде де 200 депутаттан кем болмауы керек», – дейді Ермұрат Бапи.

Бапи өз партиясын құруды ойластырып жүргенін жасырмады. Сөзінше, 20 миллион халқы бар елге көп партия қажет емес.

«Американы алсақ, онда республикалықтар мен демократтар бір-біріне оппозиция саналады. Менің ойымша, 20 миллион халқы бар Қазақстанға көп партияны...

Елде екі жылдан соң бір Палаталы Парламент құрылады. Депутат Бақытжан Базарбек мұндай реформаның уақыты келгенін айтты.

«Елде саяси реформа жасайтын уақыт келді.. Мұндай саяси реформалардың мақсаты – мемлекет аппараты қызметінің тиімділігін арттыру. Президент шешім қабылдады. Мен бұл реформаны қолдаймын. Баяғыдан бері көтеріп те жүрмін. Қазір бірдеңе айту ерте. 2027 жылға дейін әлі талай уақыт бар. Алдағы уақытта көп нәрсе өзгеруі мүмкін», – деді депутат.

Еске сала кетсек, бүгін, 8 қыркүйекте президент Қасым-Жомарт Тоқаев елде парламенттік реформа жүргзілетінін айтты. Президент шешіміне сәйкес 2027 жылы бір палаталы Парламент құру жөнінде референдум өткізіледі.

Қазақстан маңызды халықаралық проблемаларды шешуге өз үлесін қосып келеді. Бқл туралы президент дәстүрлі жолдауы барысында айтты.

«Жақында мен Қытайға ресми сапармен бардым. Онда мәңгі стратегиялық серіктестік рухында дамып келе жатқан екіжақты қарым-қатынастың барлық мәселелері бойынша табысты келіссөздер өтті. Менің Түркияға және Қырғызстанға сапарларым да сәтті болды. Осы жылдың соңына қарай мен Ресейге және Өзбекстанға барамын. Астанада Әзербайжан, Армения, Түрікменстан басшыларын қарсы алуға дайындалып жатырмыз. Сондай-ақ Азияның, Еуропаның, Африканың бірқатар мемлекет басшыларымен кездесіп, келіссөз жүргізу жоспарланған. Қазақстан-Америка сұхбаттастығы да белсенді жалғасып келеді. Еуропа одағымен сан салалы байланыстарымызды күшейтіп жатырмыз, – деді ол.

Сондай-ақ ол биыл...

Қасым-Жомарт Тоқаев халыққа Жолдауында өңдеу өнеркәсібі мен тау-кен металлургия кешенін дамытуға басымдық берілетінін мәлімдеді. Алдағы үш жылда кемінде үш жоғары технологиялық кәсіпорын іске қосылуы тиіс. Үкіметке көмірсутегі шикізатын терең өңдейтін бірнеше жоба жүзеге асыру тапсырылды.

Мемлекет басшысы соңғы бес жылда өңдеу өнеркәсібінің жалпы қосылған құны екі есе өсіп, 17 трлн теңгеге жуықтағанын айтты. Оның ішкі жалпы өнімдегі үлесі 12,4% құрады. Өткен жылы 163 жаңа өндіріс іске қосылып, 12,5 мың тұрақты жұмыс орны ашылды.

Президенттің сөзінше, Алматы, Қостанай, Қарағанды және Атырау облыстарында машина жасау мен металлургия саласында ірі кәсіпорындар жұмысын бастаған. Биыл Алматыда Қазақстандағы ең ірі автокөлік өндірісі іске...

Елімізде 2027 жылы жалпыұлттық референдум өтуі мүмкін. Бұл туралы Қасым-Жомарт Тоқаев Қазақстан халқына жолдауында айтты.

«Сенатқа он жыл басшылық еттім. Бұл жұмысты қашанда зор мәртебе әрі үлкен жауапкершілік деп санадым. Сондықтан маған осы мінберден парламенттік реформа туралы айту оңай емес. Соған қарамастан мен дәл бүгін елімізде көп ұзамай бір палаталы Парламент құру туралы бастама көтергім келеді. Бірден айтайын, бұл – өте маңызды мәселе. Оны асығыс жүзеге асыруға болмайды. Бұл реформа азаматтық секторда, сарапшылар ортасында, сондай-ақ, әрине, қазіргі Парламентте жан-жақты талқылануы қажет», – деді Тоқаев.

Реформаның мән-маңызы айрықша екенін ескерсек, оны талқылауға бір жыл уақыт керек...

Президент Қасым-Жомарт Тоқаев мемлекетке масыл болып, әлеуметтік көмек алып отырған азаматтар туралы айтты. Әсіресе, КСРО ардагері ретінде берілетін көмек алатындардың жыл сайын «жасарып» жатқанын айта кеткен.

«Мемлекеттің көз алдындағыдан басқаны көрмей, бәріне көне беретін әлеуметтік саясаты жүзден астам түрлі жеңілдіктің пайда болуына әкеп соқтырды. Осы жеңілдіктерді әперемін деп «көмек қолын» созатын жылпостар да көбейді. Біз әлі күнге дейін бұрынғы КСРО аумағындағы және одан тыс басқа да аймақтардағы қақтығыстарға қатысқан азаматтарға арнайы төлемдер жасап, медициналық қызмет көрсетіп келеміз. КСРО-ның ыдырағанына 35 жыл болса да, ардагерлеріміз барған сайын «жасарып», көбейіп барады», – деді президент.

Еліміздегі екі миллионнан астам шағын бизнес субъектісінің ішінде өнім өндіретін кәсіпкерлер саны алты пайызға да жетпейді. Қасым-Жомарт Тоқаев Қазақстан халқына жолдауында мұның көңіл көншітпейтін көрсеткіш екенін айтып өтті.

«Іскер азаматтардың әлеуетін толық ашу мәселесі күн тәртібінен түскен емес. Сондықтан тиісті құқықтық базаны жаңғырту керек. Қазір елімізде 21 кодекс, 300-ден астам заң бар. Оларға тым көп түзету енгізілген. Кейбір нормалар бір-біріне қайшы келіп жатады. Түптеп келгенде, осының бәрі бизнестің дамуына кедергі келтіріп отыр. Заңнаманы түгел тексеріп, зерделеп шыққан жөн. Жасанды интеллект технологиясы мұны жылдам әрі тиімді жүзеге асыруға мүмкіндік береді», – дейді Тоқаев.

Сол себепті стратегиялы...

Елде парламенттік реформа жүргізіп, бір палаталы парламент құрылады. Бұл туралы бүгінгі жолдауда Тоқаев хабарлады.

Мен Сенатқа он жыл басшылық еттім. Бұл жұмысты қашанда зор мәртебе әрі үлкен жауапкершілік деп санадым. Сондықтан маған осы мінберден парламенттік реформа туралы айту оңай емес. Соған қарамастан, мен дәл бүгін елімізде көп ұзамай бір палаталы Парламент құру туралы бастама көтергім келеді», – деді ол.

Тоқаевтың сөзінше, парламенттік реформа мәселесі жиырма жылдан астам уақыт бойы айтылып жатыр.

«Елімізде парламенттік реформа мәселесі кемінде жиырма жылдан астам уақыт бойы айтылып келеді. Осы мәселе ашық та, жабық та...

Президент Қасым-Жомарт Тоқаев жолдауында Қазақстандағы футболды дамыту үшін оны жекешелендіру үдерісін жалғастыру қажеттігін атап өтті.

Президенттің айтуынша, бүгінде елімізде төрт футбол клубы жекешелендірілген. Бұл клубтар жаңа басқару үлгісінің арқасында жақсы табыс әкеліп отыр.

Тоқаевтың пікірінше, спорттағы мұндай қадамдар футболдың сапасын арттыруға, қаржылық тұрақтылықты қамтамасыз етуге және жанкүйерлердің қызығушылығын күшейтуге мүмкіндік береді.

Мемлекет басшысы футболды әрі қарай да кәсібилендіру, жеке инвестиция тарту және клубтарды табысты басқару жүйесіне көшіру Қазақстан спортының дамуына серпін беретінін айтты.

Президент Қасым-Жомарт Тоқаев жасанды интеллект негізінде«Қазақ Digital» мектебі атты шағын жинақты мектеп үлгісін әзірлеуді ұсынды.

Ең алдымен мектеп оқушыларына арналған ЖИ негіздері туралы материалдар дайындау керектігін атап өтті.

«Ұстаздардың жасанды интеллект технологиясын меңгеру дағдысын қалыптастыру керек болады. Қашықтан оқыту тәсілі және ЖИ технологиясы негізінде «Қазақ Digital» мектебі атты шағын жинақты мектеп үлгісін әзірлеуіміз қажет. Мұндай платформа ауылдағы оқушыларды сапалы оқу тәсілдері мен қамтамасыз етуге мүмкіндік береді»,- деді Президент Қазақстан халқына Жолдауы барысында.

Сонымен қатар елде жасанды интеллект және цифрлық даму министрлігі құрылады. Жаңа министрлікті премьер-министрдің орынбасары деңгейіндегі тұлға басқаруы мүмкін.

Елде цифрландыру ісі әлі діттеген мақсатқа жеткен жоқ, бизнеске кедергілер көп. Ол үшін алдымен салықтық әкімшілендіруге назар аудару қажет дейді Тоқаев.

«Біз азаматтарға көрсетілетін мемлекеттік қызметтерді цифрландыру ісінде зор жетістікке жеттік. Бірақ бюрократиялық рәсімдер әлі күнге дейін бизнеске кедергі болып отыр. Цифрландыру ісінің мақсаты әлі орындалған жоқ. Бұл ахуалды шұғыл түзеу керек. Ең алдымен, салықтық әкімшілендіруге назар аудару қажет», – деді ол.

Осы мақсатта Мемлекеттік кірістер комитеті цифрландыру үдерісі бойынша мемлекеттік органдар арасында көш бастауы тиіс деген тапсырмасын айтты. Аталған мекеме ЖИ мен басқа да технологияны салық төлеушілердің мүддесіне сай тиімді қолдануы керек...

Инновациялық саясат Ғылым және жоғары білім министрлігінің құзырына беріледі. Бұл туралы мемлекет басшысы Қасым-Жомарт Тоқаев Қазақстан халқына жолдауында айтты.

«Министрлік және ғылым академиясы бірлесіп, ғылыми институттар мен ЖОО үйлестіру ісімен белсенді айналысуы керек. Жасанды интеллектіні қолданатын университеттерге көбірек дербестік беруге болады», – дейді президент.

Сондай-ақ президент білікті мамандарды елге қайтарудың тиімді тәсілдерін ойластырып, қолданысқа енгізуді тапсырды. Кадр тапшылығын жою үшін көші-қон саясатын да қайта қараған жөн. Шетелден елімізді дамытуға үлес қоса алатын мықты мамандарды ұлтына қарамай тарту өте маңызды міндет. Олардың Қазақстанда қалуына жағдай жасаған жөн. Себебі елімізге білікті мамандар қажет.

Қасым-Жомарт Тоқаев өз жолдауында цифрлық активтердің толыққанды экожүйесін тезірек қалыптастыру керек екеніне назар аударды.

«Цифрлық теңгенің енгізілуі бұл жұмысқа септігін тигізіп жатыр. Қазіргі таңда жобаларды Ұлттық қор есебінен қаржыландыру кезінде цифрлық теңгені қолданып жүрміз. Енді оның қолдану аясын одан әрі кеңейту қажет. Цифрлық теңгені республикалық және жергілікті бюджетте, мемлекеттік холдингтердің бюджетінде пайдалануға болады», – деді ол.

Президенттің пайымдауынша, қазіргі заманның талабын ескере отырып, криптоактивтерге баса назар аудару керек. Осы орайда Тоқаев Ұлттық банктің инвестициялық корпорациясы негізінде Цифрлық активтердің мемлекеттік қорын құруды тапсырды. Бұл құрылымда жаңа цифрлық қаржы жүйесіндегі болашағы зор активтерден құралған...

Президент Қасым-Жомарт Тоқаев Үкімет пен әкімдердің әрекетсіздігінен елдің тұрғын үй-коммуналдық шаруашылығы құлдырап кеткенін айтты. Бұл туралы президент Қазақстан халқына жолдауында атап өтті.

«Үкімет пен жергілікті атқарушы биліктің әрекетсіздігі салдарынан еліміздің тұрғын үй-коммуналдық шаруашылығы ондаған жыл бойы қараусыз қалып, оның жай-күйі өте мүшкіл жағдайға жетті. Қазір бұл ахуалды өзгертіп, инфрақұрылымның тозу деңгейін төмендету үшін тиісті шаралар қабылданып жатыр. Соның ішінде тарифтерді ырықтандыру, энергетика және тұрғын үй-коммуналдық шаруашылығының инфрақұрылымын басқарудың жаңа моделін қалыптастыру сияқты шаралар бар», – деді президент.

Тоқаев тарифтер өскен сайын халыққа сенімді әрі сапалы қызмет көрсетілуі қажет екенін айтып, өңірлерде саланы «Ақылды...

Президент Қ.Тоқаев дәстүрлі жолдауы барысында елде мемлекеттік ұйымдар мен компаниялар негізсіз көбейіп кеткенінен айтты.

Оның сөзінше, бұл кәсіпорындардың толыққанды дамуына мүмкіндік бермей отыр.

«Елімізде мемлекеттің үлесі бар ұйымдар 25 мыңға жуықтайды. Көпшілігінің қызметі мен құрылымы сын көтермейді. Қисынға да келмейді. Қазір коммерциялық емес міндеттерді орындау үшін коммерциялық әдіс-тәсілдер кеңінен қолданылып жүр. Соның салдарынан түрлі шығындар артып, корпоративті органдар көбейіп кетті. Нақты нәтижеге назар аударылмайды», – деді президент.

Ол стратегиялық жоспарлау және реформалау агенттігіне үкіметпен бірлесіп , мемлекеттік секторды реформалау туралы нақты ұсыныстар әзірлеуді тапсырды. Бұл мақсатта қажет болса, арнайы жарлық шығаруға дайын.

KursivMedia президент...

Президент Қазақстан халқына жолдауында ұлттық азық-түлік нарығының импортқа тәуелділігіне ерекше назар аударды.

«Бұл – әлі де өзекті мәселе. Әрине, жүз пайыз өзін-өзі қамтамасыз ету мүмкін емес, бәлкім, қажет те емес шығар. Бірақ қазіргі нарықтағы жағдай – ұят нәрсе. Сонымен қатар дәстүрлі ұлттық өнімдерді шетелдік нарықтарға белсенді түрде шығару қажет», – деді Қасым-Жомарт Тоқаев.

Оның айтуынша, бұл мақсатқа жету үшін аграрлық экспорт жоспарын қайта қаралып, логистика, ветеринарлық және фитосанитарлық стандарттар, сондай-ақ сауатты маркетингтік стратегия ескерілуі керек.

«Бұл – тек Ауыл шаруашылығы министрлігінің ғана емес, бірқатар мемлекеттік органның міндеті. Сондықтан үкімет деңгейінде үйлесімд...

Түркияда билік оппозициялық Республикалық халықтық партияға (РХП) қарсы қысымды арттыра түсті. Партия жақтастары уақытша басқарушының тағайындалуына қарсы шығып, Ыстанбұлдағы штаб-пәтеріне өтпек болды.

7 қыркүйекте Ыстанбұлдың Сарыер ауданындағы РХП ғимаратының маңына ондаған адам жиналып, полиция қойған тосқауылдарды бұзып өтуге әрекет жасады. Бұған дейін сот шешімімен партияның жергілікті басшылығы қызметінен шеттетіліп, орнына уақытша басқарушы тағайындалған еді.

Президент Реджеп Тайып Ердоғанның тағайындауымен қала губернаторы бірқатар ауданда үш күндік митинг өткізуге тыйым салды. Соған қарамастан, РХП жетекшісі Озгүр Озел жақтастарын штаб-пәтерге қарай шеру жасауға шақырды.

«Кімде-кім Республикалық халықтық партияны қорғаса, ол республиканы қорғайды», – деді ол.

Партия...

Қазақстан осы жылы алғаш рет Вьетнамға бидай жеткізді. Енді Ауғанстан, Пәкістан нарығына жеткізуді ойлап отыр. Бұл жайлы Тоқаев бүгінгі жолдауында айтты

«Біз таяуда Вьетнамға Қытайдың Ляньюньган порты арқылы бидайдың алғашқы легін жөнелттік. Ауғанстанда Пәкістан нарығына шығуға мүмкіндік беретін «Тургунди – Герат» темір жолын салу жоспарда бар. Алайда, жаңа көлік бағыттарына және жаңа нарықтарға жол ашатын мүмкіндіктер мұнымен шектелмейді. Алда атқарар шаруа көп», – деді ол.

Одан бөлек ұзындығы 836 шақырым болатын «Достық – Мойынты» темір жолының екінші желісі іске қосылғанын да хабарлады.

» Жобаны өз күшімізбен өте қысқа мерзім ішінде...

Президент жолдауы барысында жүк тасымалындағы рәсімдерді цифрландыру жолымен жеңілдету мәселесіне назар аударды.

Ол шекарада әлі де сапалы интернет жоқтығы, рәсімдеуді қағазбен жүргізу сияқты мәселелер барын жеткізіп, жасанды интеллектіні қолдана отырып, тасымалды басқарудың кешенді цифрлық платформасын енгізу қажеттігін айтты.

«Бұл жұмысты тездетіп аяқтау қажет. Қазан айының соңына дейін кеден және логистика қызметін көрсететін Смарт-карго бірыңғай цифрлық жүйесін іске қосқан жөн. Бұл жүйе инфрақұрылымды жеке компанияларға автоматты түрде бірдей қолжетімді етеді. Шекарадағы өткізу бекеттері жаңғыртылып жатыр. Биыл 8 бекет толығымен іске қосылады, Алдағы үш жылда тағы 34 бекет жаңарады», – деді ол.

KursivMedia президент жолдауынан...