Жаңалықтар

Энергетика министрі Ерлан Аккенженов мәжіліс куларында авиаотын бағасы неге қымбат болып келгенін түсіндірді. Оның айтуынша, әуежайлар ұшаққа отынды өздері құйып, монополия орнатып алған. Енді бұл құқық «ҚазМұнайГаз-Аэро» компаниясына берілген.

Ең алдымен министр энергетика саласында қордаланған мәселе көп екенін мойындады.

«Энергетикада шынымен де проблемалар бар және мен бұл фактіні мойындауым керек. Министрлік мемлекет сенімін ақтау үшін барлық қажетті жұмыстарды жүргізіп жатыр, бірақ проблемалардың барын жоққа шығара алмаймыз», – деп мәлімдеді.

Министрдің айтуынша, бағаның жоғары болуына әуежайлардың әуе отынын сатуға монополиялық құқығы себеп болған. Бұрын тек әуежайлар «құйып беру» әдісі арқылы ғана жанармаймен қамтамасыз ететін...

Алматы облысы Іле ауданы әкімінің бұрынғы орынбасары Қуат Ақшабаевқа қатысты сотқа дейінгі тергеу басталды. Ақпаратты KursivMedia тілшісіне Ұлттық қауіпсіздік комитеті растады.

Бұған дейін әлеуметтік желіде Ақшабаевты ҰҚК-нің Сыбайлас жемқорлыққа қарсы қызметі ұстағаны туралы ақпарат пайда болды. Ол жерде шенеуніктің 28 миллион теңге көлемінде пара алды деген күдікке ілінгені айтылды.

Ұлттық қауіпсіздік комитеті сотқа дейінгі тергеу жүріп жатқанын растады. Алайда қай бап бойынша іс қозғалғанын нақтыламады.

Қылмыстық-процестік кодекстің 201-бабына сәйкес өзге ақпарат жарияланбайды.

Ал Іле ауданы әкімдігі Қуат Ақшабаевтың 16 қаңтарда өз еркімен қызметінен кеткенін хабарлады.

«Қуат Ақшабаев ұсталғанға дейін өз еркімен қызметінен...

Fashion-блогер Жансая Әміршәріпқызы әлеуметтік желіде актер Еркебұлан Тоқтардың стиліне талдау жасап, образындағы бренд киімдер мен аксессуарлардың бағасын жариялады.

Блогердің мәліметінше, Еркебұлан Тоқтардың образы бірнеше әлемге танымал люкс брендтен құралған. Атап айтқанда, актер киген Burberry футболкасының бағасы – 253 мың теңге, ал Burberry шалбары – 636 мың теңге.

Образды толықтырған аяқ киім мен аксессуарлар да назардан тыс қалмады. Louis Vuitton аяқ киімі – 643 мың теңге, Louis Vuitton сөмкесі – 1 млн 579 мың теңге деп бағаланған. Сонымен қатар актердің көзілдірігі 277 мың теңге, ал қолындағы Rolex сағатының құны – 5 млн теңге екені айтылды.

Осылайша, блогердің есебінше, Еркебұлан Тоқтардың толы...

28 қаңтарда Мәжіліс депутаттары Қазақстан мен Қытай арасында жасыл энергия жобаларын іске асыру туралы келісімді мақұлдады. Құжат елдің үш өңірінде шамамен 2,2 млрд доллар инвестицияға жел және күн электр станцияларын салуды көздейді.

Қытай мен Қазақстан үкіметтері осындай келісімге 2024 жылғы 12 қарашада Баку қаласында қол қойған. Құжатты парламентке таныстырған энергетика министрі Ерлан Аккенженовтің айтуынша, келісім 1,5 ГВт болатын үш жел электр станциясы мен қуаты 0,3 ГВт болатын бір күн электр станциясын салуды көздейді. Ірі жобалар Қарағанды, Түркістан және Павлодар облыстары аумағында жүзеге асады.

Қазақстандағы барлық мамандандырылған халыққа қызмет көрсету орталықтарында (МХҚКО) техникалық ақаулар болды. Енді уақытша мемлекеттік қызметтерді алу қиындап отыр деп хабарлайды «Азаматтарға арналған үкімет» корпорациясы.

«Еліміздің барлық мамандандырылған ХҚКО-лардың жүйесінде уақытша кідірістер орын алғанын хабарлаймыз. Сол себепті МХҚКО желісі арқылы көрсетілетін мемлекеттік қызметтерді алу барысында мәселелер туындауы мүмкін. Жауапты мамандар жүйені қалыпқа келтіру бойынша тиісті жұмыстар жүргізіп жатыр», – деп жазылған хабарламада.

МХҚКО жүйесі қалыпты режимге көшкеннен кейін қосымша ақпарат беріледі.

Айта кетейік, елдегі халыққа қызмет көрсету орталықтарының форматы өзгеруі мүмкін. Цифрлық даму министрі Жаслан Мәдиевтің сөзінше, олар Apple Store тәрізді жұмыс істейтін болады.

Астана қаласында өзін білікті ипотекалық брокер ретінде таныстырып, «7-20-25» бағдарламасы аясында тұрғын үй алып беруге уәде еткен азаматқа қатысты сот үкімі шықты. 30 жастағы ер адам 4 жыл бойы азаматтардың сеніміне кіріп, ақшаларын иемденген соң, сан соқтырып кеткен.

Ол «7-20-25» бағдарламасы арқылы баспана алып беруге көмектесемін және жиһаз жобасына тиімді инвестиция ұсыну сылтауымен азаматтарды алдап, ірі көлемде қаражат аудартқан. Алайда алған міндеттемелерін орындамай, ақшаны өз қажетіне жұмсаған.

«25 адам оның қылмыстық әрекетінен зардап шегіп, келтірілген жалпы залал 95 млн теңгеден асты», –  деп хабарлады Астана қаласының прокуратурасы.

Сот шешімі

 Сот айыпталушының кінәсін...

Президент Алматы қаласындағы №95 мектеп-лицейінің химия пәні мұғалімі Татьяна Белоусованы құттықтады.

Белоусова Global Teacher Prize халықаралық байқауының қорытындысы бойынша әлемдегі ең үздік 50 педагогтің қатарына енген.

«Бұл жоғары баға – Сіздің өскелең ұрпаққа тағылымды тәрбие мен озық білім беру ісіне сіңірген ұзақ жылғы еңбегіңіздің жемісі. Біздің мақсатымыз – зияткер ұлтқа айналу. Сондықтан мемлекет әрдайым мұғалімдердің мәртебесін көтеріп, оларды жан-жақты қолдайды», – деді Қасым-Жомарт Тоқаев.

Global Teacher Prize – Varkey Foundation қайырымдылық ұйымы тағайындайтын, жыл сайын берілетін халықаралық мұғалімдер сыйлығы. Ол педагогикалық мамандыққа, сондай-ақ өз оқушылар өміріне елеулі үлес қосқан үздік ұстаздарды мойындау мақсатында ұйымдастырылады. Бұл...

Қазақстандағы ең ірі мұнай кен орындарының бірі – «Теңіздегі» мұнай өндірісі кезең-кезеңімен қалпына келтіріліп жатыр. Энергетика министрі Ерлан Ақкенженовтің айтуынша, қазіргі таңда «Королев» кен орнында мұнай өндіру толықтай қайта жанданып, ал Теңіз кен орнында іске қосу кезеңі басталған.

Министрдің мәлімдеуінше, осы қарқын сақталса, Теңіз кен орны алдағы бір апта ішінде толық өндірістік қуатына шығады.

Өрт салдарынан істен шыққан үш трансформатордың бірқатар бөлігі қайта қалпына келтіріліп, соның нәтижесінде мұнай өндіру көлемі біртіндеп арта бастаған.

18 қаңтарда Теңіз кен орнында екі трансформаторда өрт шыққан. Осы оқиғадан кейін кен орнының операторы – «Теңізшевройл» қауіпсіздік мақсатында мұнай өндіруді уақытша тоқтатты. Ал 26 қаңтарда...

Энергетика министрі Ерлан Ақкенженов Мәжіліс кулуарында мораторий күші жойылған жағдайда бензин бағасы қалай өзгеретінін айтты.

Министр бензин бағасының өсуі «ерік-жігерлік шешім» арқылы, яғни мораторий енгізу жолымен тоқтатылғанын еске салды.

«Егер 31 наурыздан кейін Үкімет жанармай құю бекеттерінің қызметіне араласпау туралы шешім қабылдап, нарықтық тетіктер жұмыс істейтін болса, онда баға қалыптастырудың одан арғы шарттарын ішкі сұраныс пен ішкі ұсыныс айқындайды. Біз жанармай бағасының күрт өсуіне жол бермейміз. Бұл шаралардың барлығы еліміздің қазіргі экономикалық жағдайына сай болады», – деді Ақкенженов.

Айта кетейік, 2025 жылғы 16 қазанда Қазақстанда АИ-92 маркалы бензин мен дизель отынының бағасын көтеруге мораторий енгізілген...

Конституциялық реформа туралы комиссияның екінші отырысында депутат Снежана Имашева сөз бостандығына қатысты қосымша нормалар енгізуді ұсынған еді. Бүгін мәжіліс кулуарында сол идеясын түсіндіруге тырысты.

Снежана Имашеваның сөзінше, мәселе шенеунік емес әрбір жеке адамға қатысты болып отыр.

«Сынау мен қорлауды ажырата алу керек. Мәселен, шенеуніктерді ашық сынап, оған ұнамайтын нәрсені айтуға болады. Мұны ар-намысын таптады деп айта алмаймыз. Бірақ әр күн сайын әлеуметтік желіні пайдаланатын қарапайым адамдар бар емес пе? Оларды сынамақ түгілі [әлеуметтік желілерде – ред.] тіл тигізіп, балағаттап тастайды. Ал адамның ар-намысы – ең басты құндылықтың бірі. Сондықтан бұл мәселені нақты бекіту керек...

Халықаралық валюта қоры Қазақстан экономикасы жоғары қарқынмен өсіп жатқанымен, «қызып кету» белгісі байқалады деп мәлімдеді. Қор IV бап аясындағы миссиясының қорытындысын ұсынды.

ХВҚ бағалауынша, 2025 жылы Қазақстан экономикасының өсімі ішкі сұраныстың кеңеюі, мұнай өндіру көлемінің артуы және мұнайдан тыс салалардағы белсенділіктің жоғары болуымен қамтамасыз етілген. Мемлекеттік инвестициялар мен ірі инфрақұрылымдық жобалар да экономикалық серпінге айтарлықтай әсер еткен.

Алайда Қор мұндай жоғары қарқын экономиканың «қызып кету» белгілерін күшейтіп отырғанын атап өтті. Инфляция деңгейі 12%-дан жоғары қалып, Ұлттық Банктің нысаналы көрсеткішінен екі есе асып түсті. Бұған бюджет шығынның артуы, квазифискалдық жобалар, импорттық тауар бағасының және инфляциялық күтулер...

Shell мен Eni компаниясы Лондонда халықаралық арбитражда жеңіліп қалғанын растай аласыз ба? Мәжіліс кулуарында журналистер бүгін Қазақстанның Энергетика министрі Ерлан Ақкенженовке осы сұрақты қойды.

«Қазақстан жүргізіп жатқан халықаралық арбитраждар табиғаты жағынан құпия сипатқа ие. Сол себепті бұл ақпаратты сіздерге растай да, жоққа шығара да алмаймын. Бірақ БАҚ-та жарияланған ақпараттарға қарағанда, Қазақстанға 2-ден 4 млрд долларға дейін берілуі керек-мыс. Бұл жаңалықтарды өте жақсы деп бағалар едім. Тиісінше, бұл жаңалықтар негізінде біздің мүмкіндіктер өте жоғары», – деді ол.

Лондондағы халықаралық төрелік соты Қарашығанақ кен орнын игеретін акционерлер мен Қазақстан үкіметі арасындағы дауға қатысты шешім шығарды. Енді акционерлер...

Испания билігі сейсенбі күні 500 мың заңсыз мигрантты заңдастыру жөнінде шешім қабылдады. Елге шамамен 300 мың жұмыс күші қажет. Бұл туралы Kursiv.Media CNN мәліметіне сүйене отырып хабарлайды.

«Бүгін біздің еліміз үшін тарихи күн. Біз адам құқықтарына, интеграцияға, бірге өмір сүруге және экономикалық өсім мен әлеуметтік келісім мен үйлесімділікке негізделген көші-қон моделін құрып жатырмыз», – дейді Испания көші-қон министрі Эльма Саиз.

Оның пікірінше, елге заңсыз жолмен кірген мигранттарды заңдастыру Испания экономикасы үшін тиімді.

Енді 2025 жылғы 31 желтоқсанға дейін елге кірген, Испанияда кемі бес ай тұрғанын дәлелдей алатын шетел азаматтары кез келген...

АҚШ әкімшілігі өзге әдістер нәтиже бермеген жағдайда Венесуэла билігінен «барынша ынтымақтастыққа» қол жеткізу үшін күш қолдануға дайын.

Bloomberg ақпаратына қарағанда, бұл туралы АҚШ мемлекеттік хатшысы Марко Рубио Сенаттың халықаралық қатынастар комитетіндегі тыңдауда айтты.

«Егер басқа тәсілдер тиімсіз болса, біз барынша ынтымақтастықты қамтамасыз ету үшін күш қолдануға дайынбыз. Мұндай қадамға баруға тура келмейді деп үміттенеміз. Алайда америкалық халық алдындағы міндетімізден және осы жартышардағы миссиямыздан ешқашан бас тартпаймыз», – деді Рубио.

Оның айтуынша, Венесуэланың уақытша басшысы Делси Родригес елдің энергетика секторын америкалық компанияларға ашуға, мұнай өндіруге преференциялық қолжетімділік беруге және мұнай сатудан түскен қаражатты АҚШ тауарларын...

2025 жылдың қортындысы бойынша 16 805 этникалық қазақ атамекеніне оралып, қандас мәртебесін алды. Бұл туралы Еңбек және халықты әлеуметтік қорғау министрлігі хабарлады.

Министрлік мәліметінше, 1991 жылдан бері Қазақстанға 1 млн 164,8 мың этникалық қазақ көшіп келген.

Қазақстанға келген қандастардың 44,5%-ы Өзбекстаннан, 44,1% – Қытай Халық Республикасынан, 4%-ы – Түрікменстаннан, 3%-ы – Моңғолиядан, 2,5%-ы – Ресейден және 1,9%-ы басқа елдерден келген.

«2026 жылғы 1 қаңтардағы жағдай бойынша еңбекке қабілетті жастағы этникалық қоныс аударушылар саны 57,4%-ды, еңбекке қабілетті жастан кіші 34%-ды және зейнеткерлер 8,6%-ды құрайды. Еңбекке қабілетті жастағы қандастардың ішінен білім деңгейі бойынша 15%-ы жоғары білімді, 27,5%-ы орта кәсіби білімді, 51,2%-ы жалпы орта білімд...

Қостанайда мектеп салған мердігер ғимараттағы спорт зал мен шатыр құлағаннан кейін 266 млн теңге қайтаратын болды. Бұл жобалық құжаттама мен құрылыс нормаларының бұзылғаны салдарынан болған.

Бұл мектеп туралы жергілікті «ТоболИнфо» сайты да жазған. Редакцияның хабарлауынша, тапсырыс беруші – құрылыс басқармасы, ал нысан пайдалануға берілгеннен кейін ғана білім бөлімі балансына өтеді.

Жоғарғы сот ақпаратына сәйкес, 2021 жылы мемлекеттік орган мен ЖШС арасында 2,2 млрд теңгеге келісімшарт жасалған. Мектеп 2023 жылдың 31 желтоқсанына дейін аяқталуға тиіс болған.

Алайда шартта белгіленген мерзім өтіп кеткен, нысан пайдалануға берілмеген.

Мердігер мектепті 31 желтоқсанға дейін тапсыруға дайын болғанын, бірақ ғимаратқа әлі жылыту жүйесі қосылмағанын...

Парламент отырысында спикер Нурланбек Тургунбек уулу жаңа мемлекеттік әнұранның ұсынылған нұсқалары сыннан өтпегенін мәлімдеді.

Оның айтуынша, кеше профильдік комитетте тыңдалған жобалардың ешқайсысы лайықты деп танылмаған.

Осыған байланысты әнұран жобаларын парламент палатасына шығармай, комитет деңгейінде қайта қарау туралы шешім қабылданған.

«Біздің міндет – қолданыстағы әнұранды жай ғана ауыстыру емес, оны шын мәнінде лайықты туындымен алмастыру. Қазір көп автор әнұранды марш үлгісінде жазып жатыр. Алайда маршты бәрі бірдей орындай алмайды. Әнұранның музыкасы еркін стильде болуы тиіс. Оны тек ресми шараларда ғана емес, той-томалақта да айтуға мүмкіндік болуы керек», – деді спикер.

Нурланбек Тургунбек уулу азаматтарды байқауға белсенд...

Алматы хайуанаттар бағында бұрын-соңды көпшілік көрмеген ерекше жануарлар жұбы тамандуа әкелінді.

Тамандуаны төрт саусақты құмырсқажегіш деп те атайды. Бұл жануарлардың туған жері – Оңтүстік Америка, ал олардың ең жақын туыстары – сүйрік жалқаулар. Ерекше сырт келбеті мен қимыл-қозғалысы тамандуаны бірден назар аударарлық етеді.

Алматы хайуанаттар бағындағы жаңа тұрғындар – Тео мен Лара. Олар 2023 жылдың сәуір айында дүниеге келген. Мамандардың айтуынша, тамандуалар өте бауырмал, ойнақы әрі белсенді жануарлар саналады.

Олардың негізгі қорегі – жәндіктер мен арнайы дайындалған жем. Тамандуаның басты ерекшелігі – ұзын әрі жабысқақ тілі. Сол тілінің көмегімен олар азығын оңай аузына жеткізеді.

Хайуанаттар бағы әкімшілігі жаңа...

АҚШ доллары негізгі әлемдік валюталарға қатысты 2022 жылдың наурызынан бергі ең төменгі деңгейге дейін құнсызданды. Бұл инвесторлардың АҚШ-тағы саяси және қаржылық тәуекелдерге алаңдауымен байланысты, деп хабарлайды Bloomberg.

Bloomberg агенттігі есептейтін Bloomberg Dollar Spot Index (BBDXY) бір күнде 0,4%-ға төмендеп, доллардың қатарынан төртінші күн әлсірегенін байқатты. Әсіресе америкалық валюта жапон иеніне қатысты қатты арзандаған.

Сарапшылар доллардың әлсіреуін Вашингтондағы саясаттың болжап болмайтын сипат алуымен байланыстырады. Атап айтқанда, АҚШ президенті Дональд Трамптың Гренландияға қатысты мәлімдемелері, Федералды резерв жүйесінің (ФРЖ) тәуелсіздігіне төнуі мүмкін қауіп, бюджет тапшылығының ұлғаюы және ел ішіндегі саяси поляризация инвесторлардың сенімін әлсіреткен.

Сонымен қатар нарықта АҚШ билігінің иенд...

АҚШ президенті Дональд Трамп америкалық кемелер армадасының Иранға қарай жүзіп келе жатқанын мәлімдеді.

Interfax ақпаратына қарағанда, ол Вашингтонның Тегеранмен ақыр соңында келісімге келуге үмітті екенін атап өтті.

«Қазір Иранға қарай әдемі бір армада еш кедергісіз бет алып бара жатыр, көре жатармыз», – деді Трамп Айова штатында өткен іс-шарада.

АҚШ басшысы Тегеранның Вашингтонмен мәмілеге келуіне үміт артатынын тағы да қайталап айтты.

«Олар келісімге келеді деп үміттенемін», – деді ол.

Сейсенбіде Иран президенті Масуд Пезешкиан ел басшылығы соғыстың алдын алып, бейбітшілікке бастайтын кез келген процесті қолдайтынын мәлімдеді.

Сауд Арабиясы «Иран...

Әнші Еркеш Хасен мен актриса Жанель Серғазина «Интуиция» тележобасында қатар бой көрсетіп, әлеуметтік желі қолданушыларының қызу талқысына түсті. Бағдарламадан кейін желіде жұпқа қатысты түрлі пікірлер жазыла бастады.

«Ойбуй, мына екеуінде ұят жоқ екен ғой, Ең болмаса, жеке-жеке жүрмей ме?», «Еркеш өзінің өлеңі жүргенде қоярға жер таппай қалды ма?» «Еркеш пен Жанель бір-біріне сай екендігіне осы шығарылымда көзім жетті…» деген сарындағы жазбалар жиі кездесті.

Айта кетейік, бұған дейін желіде әнші Еркеш Хасеннің ажырасып, актриса Жанель Серғазинамен көңіл қосқаны туралы әңгіме тараған еді.

Енді ChatGPT чат-ботындағы жарнаманы 1000 қаралым үшін 60 долларға сатып алуға болады. Бұл Meta желілеріндегі әдеттегі жарнама құнынан шамамен үш есе қымбат деп жазады The Information басылымы дереккөздеріне сілтеме жасап.

Дегенмен OpenAI жарнама берушілерге Google немесе Meta-мен салыстырғанда жарнама науқандарының тиімділігі туралы әлдеқайда аз мәлімет береді екен. Яғни жарнамаға өту саны, жалпы қаралым деген сияқты жалпы деректерді ғана алады. Ал тұтынушының ары қарайғы әрекеті, тауарды сатып алуы туралы ақпарат берілмейді.

Оған компанияның жеке деректерге қатысты ұстанатын саясаты себеп. Осыған дейін Open AI компаниясы пайдаланушылардың деректерін «ешқашан жарнама берушілерге сатпаймыз» және ChatGPT-дегі диалогтар құпия болып қалады деп уәде берген еді.

Қазақстанда жасалып жатқан конституциялық реформа билік сабақтастығы мен енгізілген өзгерістердің сақталуын көздейді. Қазақстандық саясаттанушы Андрей Чеботарев өзгерістердің сыры осында жатқанын айтады. Ал Толғанай Үмбетәлиеваның пікірінше, саяси жүйе өзгеру үшін тек парламент емес, парламент пен үкімет, президент пен парламент арасындағы қарым-қатынас өзгеруі керек.

Тоқаев баяндаған саяси бағыт

Андрей Чеботаревтің пікірінше, вице-президент лауазымының енгізілуі президент билігі сабақтастығының нақты тетіктерін қалыптастырады.

«Менің ойымша, бұл реформалар Қасым-Жомарт Тоқаев баяндаған саяси бағытты айқындайды. Өз басым, парламенттік реформа комиссиясының жұмыс тобының құрамына кірдім. Онда парламентке қатысты ұсыныс пакетін әзірледік. Ал мен қатыспаған комиссия ауқымды мәселелермен айналысады. Адам құқығы, президенттік билік вертикал...

Алматыдағы ауа сапасы жылдан-жылға нашарлап барады. 2024 жылмен салыстырғанда ауа 30%-ға ластанған. Almaty Air Initiative қоры 2025 жылғы ауа сапасын зерттеу нәтижесін жариялап, осындай қорытындыға келді.

2025 жылы қаладағы улы PM2.5 бөлшектерінің концентрациясы 31,2 мкг/м³-ге жетті. Бұл Дүниежүзілік денсаулық сақтау ұйымының (ДДСҰ) нормаларынан алты есе жоғары. Яғни ауаның ластану деңгейі әрбір тұрғын бір жылда 518 темекі немесе шамамен 26 қорап темекі шеккенге тең екен..

Зерттеу деректері бойынша, Алматыдағы «таза» күндер саны 148-ге дейін азайды (2024 жылы мұндай күндер 16-ға көп болған). Жылдың басым бөлігінде қала тұрғындары халықаралық қауіпсіздік стандарттарына сай келмейтін ауамен тыныстаған.

Аудан деңгейі бойынша қауіптілік рейтингі (PM...