Жаңалықтар

Қазақстанда әрбір алтыншы отбасы перзентке зәру. Шаңырағын шайқалтпай, сақтап қалғысы келетін көптеген ерлі-зайыптылар ЭКО әдісін қолданса да, балалы болудың жалғыз жолы суррогат ана қызметі болып шығады. Репродуктологтар да жыл сайын суррогат ананың қызметіне жүгінетін отбасылардың саны артып келе жатқанын айтады. Kursiv.Media тілшісі ахуалды зерттеп көрді.

Суррогат ана деген кім

Суррогат ана – өзгенің баласын 9 айы бойы құрсағында көтеріп, босанатын әйел. Бұл көмек көбіне табиғи жолмен бала көтере алмайтын жұптарға, соның ішінде бедеулік проблемалары бар адамдарға медициналық көрсеткіш бойынша ұсынылады. Генетикалық әке – ұрықтандыру үшін өз ұрығын ұсынған және бала туғаннан кейін әкенің міндеттерін қабылдауға келісетін...

«Қазақстан темір жолы» компаниясы осы жылы мамырда IPO-ға шығып, 1 млрд доллар қаржы тартуы мүмкін. Бұл туралы Bloomberg жазады.

Агенттік дерегінше, инвесторларға ҚТЖ акцияларының 25%-ы ұсынылуы мүмкін. Бағалы қағаздар Қазақстан және Лондон қор биржасына қатар орналастырылады деген жоспар бар.

Компанияның түпкілікті иесі «Самұрық-Қазына» әл-ауқат қоры басқа мәліметтерін әлі хабарлаған жоқ. Бұған дейін ҚТЖ-ның 100% акциясының нарықтық құны 4 млрд доллар деген ақпарат шыққан еді.

«Бұл компанияның негізгі көрсеткіштеріне де, халықаралық тәуелсіз консультанттардың алдын ала бағасына да сай келмейді», – деп ескертеді қордан.

IPO өтетін нақты мерзім және биржаға шығатын акция көлемі де...

АҚШ 2026 жылдың басында 75 елдің азаматтарына иммиграциялық виза беруді уақытша тоқтатты. АҚШ-тың Қазақстандағы елшісі Джули М. Стаффттің сөзінше, мұндай шектеулер бұған дейін де қабылданған.

«Бұл уақытша шара, иммиграциялық виза беруді толық тоқтату емес. Мұндай шектеу ел заңында жазылған және миграциялық көшті реттеуді көмектесуге бағытталған. Бұл шектеулер бәріне қатысты емес. Мәселен студенттерге арналған виза мен иммиграциялық емес визалар қалыпты режимде беріліп жатыр», – дейді Стаффт.

Сонымен қатар елші 2024-2025 оқу жылында америкалық білім беру бағдарламалары аясында үш мыңнан аса қазақстандық АҚШ-қа барғанын атап өтті. Джули М. Стаффт мұны екі ел тарихындағы ең жоғары көрсеткіш деп...

Қорғаныс министрлігі әлеуметтік желілерде «әскерден қалдыру» немесе «ақ билет» алып беру бойынша қызмет көрсету жарнамасы таратылып жатқанын ескертеді.

Осыған байланысты Қорғаныс министрлігі мерзімді әскери қызметке шақыруды кейінге қалдыру немесе одан босату туралы шешімді тек шақыру комиссиясы тарапынан қабылданатын түсіндірді.

Әскерге шақыру мәселелері бойынша заңгерлік кеңес беру – заңды қызмет. Алайда медициналық құжаттарды қолдан жасау, жалған диагноздарды рәсімдеу және әскери қызметтен жалтарудың өзге де заңсыз тәсілдері делдалдар үшін де, шақырылушылардың өздері үшін де қылмыстық жауапкершілікке әкеп соғады.

«Ведомство азаматтарды күмәнді схемаларға қатыспауға және жергілікті әскери басқару органдары (әскери комиссариаттар) немесе медициналық комиссиялар арқылы «мәселені шешіп...

Оқу-ағарту министрлігі білім саласындағы бюджет шығындарын азайтуға кірісті. Бұл туралы министр Жұлдыз Сүлейменова өңірлік білім басқармалары мен сапаны қамтамасыз ету департаменттері басшыларымен онлайн кездесуде мәлімдеді.

Министрдің айтуынша, Тоқаевтың Үкіметтің кеңейтілген отырысында берген тапсырмасына сәйкес, енді қаржы формальды шараларға емес, нақты нәтижеге жұмсалмақ.

«Ендігі кезекте білім саласының ресурстары формальды шараларға емес, нақты сапаға бағытталады. Соның аясында, есеп беру үшін өткізілетін форумдар, жиындар саны қысқартылады. Республикалық және өңірлік шаралар тізіміне қатаң ревизия жүргізіліп, тек білім берудің мазмұнын байытатын жобалар ғана мемлекеттік қолдауға ие болады»,  – дейді министр.

Кездесуде өңірлердегі дағдарысқа қарсы басқару сапасы мен бала...

Қалқаман метро бекеті ресми түрде метро желісіне қосылды. «Бауыржан Момышұлы» және «Қалқаман» бекеттерінің арасындағы 1593 метр болатын тоннельді қазу жұмысы аяқталды. Бұл туралы Алматы қаласы әкімдігінен хабарлайды.

Қазір сол жақ бағыттағы тоннель дайын. Рельстер мен байланыс рельсі орнатылып, барлық инженерлік желілер монтаждалған.

Екі бекеттің арасы ресми түрде қосылуы құрылысшылар үшін атаулы күн болды. Жер астындағы тоннельді шармен безендіріп, екі жақтағы әріптестер бір-бірін құттықтады.

«Қалқаман» бекеті ғимаратының құрылысы аяқталып, бүгінде ішкі әрлеу жұмыстары жүріп жатыр. Пойыз қозғалысын автоматтандырылған басқару жүйесін қоса алғанда, әлемдік жетекші өндірушілердің жабдықтары жеткізілген. Жақын арада оларды орнату және баптау кезеңі басталады», – деп...

13 ақпан күні қазақстандық мәнерлеп сырғанаушы Михаил Шайдоров Қысқы Олимпиада 2026 ойындарында жүлде үшін шешуші кезеңге шығады.

Спортшы еркін бағдарламасын орындайды. Жарыс Қазақстан уақыты бойынша 23:00-де басталады. Тікелей трансляция Qazsport телеарнасынан көрсетіледі.

Айта кетейік, қысқа бағдарламаның қорытындысы бойынша қазақстандық спортшы 92,94 ұпай жинап, аралық есепте бесінші орынға тұрақтаған. Көш басында 108,16 ұпаймен америкалық Илья Малинин келеді.

Сондай-ақ, қазақстандық спортшыдан жоғары орындарға жапониялық Юма Кагияма (103,07), франциялық Адам Сяо Хим Фа (102,55) және италиялық Даниэль Грассль (93,46) жайғасқан.

Жалпы жарысқа 24 мәнерлеп сырғанаушы қатысып жатыр, ал жүлделі орын тағдыры еркін бағдарлама нәтижесінде анықталады.

Қазақстанда жаңа салынған тұрғын үйлердің бағасы соңғы төрт ай бойы жалпы инфляция деңгейінен озып барады. Halyk Finance сарапшыларының дерегінше, 2026 жылдың қаңтарында еліміздегі жаңа пәтерлер бір жыл ішінде 17%-ға қымбаттаған. Салыстырмалы түрде айтсақ, көрсеткіш еліміздегі жалпы инфляция деңгейінен (12,2%) едәуір жоғары.

Бағаның өсуіне не себеп болды?

Бұл жағдай бірнеше экономикалық фактордың қабаттасуынан туындап отыр. Біріншіден, құрылыс саласындағы қосылған құн салығының (ҚҚС) өсуі үйдің өзіндік құнын қымбаттатты. Екіншіден, 2025 жылдың тамызында үлестік құрылыс ережелері қатаңдатылды. Бұл нарыққа жаңадан қосылатын пәтерлер санын азайтып, тапшылық тудырды.

Сонымен қатар халық тарапынан сұраныстың артуына зейнетақы жинақтарын (БЖЗҚ) баспанаға жұмсау мүмкіндігі мен...

Қазақстан мен АҚШ қауіпсіздік, мәдениет және сауда саласындағы байланысты нығайта береді. Бұл туралы АҚШ-тың Қазақстандағы елшісі Джули М. Стаффт қазақстандық БАҚ өкілдерімен кездесуде айтты.

Биыл Қазақстан мен АҚШ арасындағы дипломатиялық қарым-қатынастың орнағанына 35 жыл болады. Елшінің сөзінше, қазір екіжақты байланыс бұрынғыдан да күшейе түскен. Бұған Қазақстан президенті Қасым-Жомарт Тоқаев пен АҚШ президенті Дональд Трамптың бір-бірін танитыны және тұрақты байланыста екені де әсер еткен.

«Президент Трамп пен президент Тоқаев бір-бірін жақсы таниды. Бұл Қазақстанның өңірлік деңгейдегі және әлемдегі беделін көрсететіні анық. Екі ел арасындағы тығыз ынтымақтастық жалғасын табады. Екі ел қауіпсіздік, мәдениет және сауда саласындағы байланысты тереңде...

Португалияда балалардың әлеуметтік желілерді қарауына шектеу қойылады. Ел парламенті осындай заң жобасын жалпы отырыста мақұлдады.

Әңгіме 16 жасқа дейінгі кәмелетке толмағандардың әлеуметтік желілерге еркін қолжетімділігін шектеу туралы болып отыр. Жасөспірімдер тек ата-анасының немесе заңды өкілінің келісімімен пайдалана алады.

Негізгі өзгерістер

Euronews ақпаратына қарағанда, қазіргі заңнама бойынша кәмелетке толмағандардың цифрлық келісім жасы 13 жас болып белгіленген. Жаңа жоба бұл талапты қатаңдатып отыр:

Астанада тұрғын үй құрылысына бөлінген 2,1 млрд теңге бюджет қаржысын жымқырған компания басшысы қылмыстық жауапкершілікке тартылды.

Прокуратура мәліметінше, тергеу барысында мемлекет қаражаты есебінен салынып жатқан проблемалық тұрғын үй кешенін аяқтауға бөлінген қаржының бір бөлігі заңсыз иемденілгені анықталған.

«Елордалық проблемалық тұрғын үй кешенін аяқтауға бөлінген бюджет қаражатынан құрылыс компаниясы 2,1 млрд теңге жымқырғаны анықталды. Сотқа дейінгі тергеп-тексеру барысында мемлекетке 412 млн теңге қайтарылды», – делінген хабарламада.

Сот үкімімен компания басшысы аса ірі мөлшерде алаяқтық жасағаны үшін кінәлі деп танылды. Ол 6 жыл 8 айға бас бостандығынан айырылды. Сонымен қатар 10 жыл мерзімге көппәтерл...

Сауд Арабияның Midad Energy компаниясы «Лукойлдың» санкциялық активтерін сатып алуы мүмкін. Екі тарап алдын ала келісімге қол қойды. Енді барлығы АҚШ-тағы реттеушінің рұқсат беруіне байланысты болады. Reuters осылай деп жазады.

Басылымның дерегінше, келісімге қаңтардың соңында қол қойылған және «Лукойлдың» барлық активін түгел қамтиды.

Midad ресурстарды қолма-қол қаражатқа сатып алуға және АҚШ-тың Қаржы министрлігінен рұқсат келгенше арнайы шотқа сақтай тұруға келіскен.

«Midad қазір реттеушінің талаптарына сай болу үшін жұмыс істеп жатыр. Бұл тәуекелі өте жоғары қадам әрі Сауд Арабиясындағы саяси серіктестері қолдау білдіріп отыр» – дейді Reuters-ке келісімнің мән-жайынан хабары бар құпия...

Ораза уақытында көпшілік түкірік жұту, қақырық немесе басқа да тұрмыстық жағдайлар оразаны бұза ма деген сұрақ қояды. Қазақстан мұсылмандары діни басқармасы бұл мәселеге қатысты оразаны бұзбайтын бірқатар жағдайды түсіндірді.

ҚМДБ мәліметінше, ауызға келген қақырықты жұту, түкірік немесе мұрынды тарту кезінде бір нәрсенің еріксіз тамаққа кетуі, құлаққа су кіруі немесе ірің ағуы оразаны бұзбайды.

Оразаны бұзбайтын ұқсас жағдайлар

Сондай-ақ темекі түтіні, шаң-тозаң, ұнның тозаңы, қар ұшқыны немесе жауын тамшылары адамның еркінен тыс тамаққа кірсе де, ораза бұзылған болып есептелмейді.

Тістердің арасында қалған тамақ қалдығы ноқаттан кіші болса, оны жұту да оразаны бұзбайды.

Еріксіз құсу немесе құсықты...

2025 жылы 8 іздеу ұңғымасы бұрғыланып, 2029 жылға дейін тағы 24 ұңғыма қазылады. Бұл жобаларға жалпы көлемі 900 млн доллардан астам инвестиция бағытталмақ. Бұл туралы «ҚазМұнайГаз» басқарма төрағасы Асхат Хасенов президент Қасым-Жомарт Тоқаевтың қабылдауында айтты.

Кездесу барысында ұлттық компанияның 2025 жылы атқарған жұмыстары мен алдағы кезеңге арналған жоспарлары баяндалды. Асхат Хасеновтің айтуынша, өткен жылы 8 іздеу ұңғымасын бұрғылау жұмыстары аяқталған. Ал 2029 жылға дейін тағы 24 іздеу ұңғымасын бұрғылау жоспарланып отыр. Жобаларға тартылатын инвестиция көлемі 900 млн доллардан асады.

Сондай-ақ былтыр Қытайдың CNOOC және Sinopec компанияларымен Атырау облысындағы Жылыой және Батыс Қазақстан облысындағы Березовский...

Қазіргі сәтте Күн шамамен 1,5 миллион километрлік алып смайликке ұқсап тұр. «Көздері» әрқайсысы Жерден шамамен 10 есе үлкен.

XRAS ақпаратына қарағанда, жымиған «еріндерінің» ұзындығы жарты миллион километрге жуық. Смайлик ашу шақыруға емес, мейірімді көрінеді. Бірақ езуінде аздаған мысқыл да бар.

Қазір Күн дәл Жерге «қарап» тұр. Ал басқа жақын планеталар – Шолпан, Меркурий және Марс Күннің арғы бетінде орналасқан.

Ғарыштағы ауа райы

Қысқа мерзімді, болмашы геомагниттік толқулар сақталынып отыр. Бірақ олардың айтарлықтай себебі жоқ. Жалпы жағдай толықтай тыныш деуге болады. Тек осы әлсіз ауытқулар ғана барлық көрсеткішті «жасыл аймаққа» өткізуге кедергі келтіріп тұр.

Жарқыл белсенділігі

4366-аймақ көкжиектен кеткен со...

Ораза кезінде ең көп тұтынатын жеміс – құрма. Ол – табиғи энергия көзі, калориясы өте жоғары. Ауызды да ең әуелі құрмамен ашуға кеңес етіледі. Күнұзақ аш жүрген адам тамақтанғанда ағзасын бірден «шошытпайды», ас қорыту жүйесін тамаққа дайындайды. Рамазан айында құрманың саудасы да жақсы жүреді. Оның дәмдісін, сапалысын қалай таңдау керек? Бірнеше кеңес ұсынамыз.

Құрманың қандай түрлері бар

Құрма темір, магний, цинк, марганец, калий, кальций мен А, С, В витаминдеріне бай. 100 грамм құрмада 274 ккал бар, тәттінің орнын жақсы алмастыра алады. Әлемде 1500-нан аса түрі бар. Бірақ тұрмыста оның 8-10 түрі ерекше танымал, саудасы да өтеді.

Патша құрмасы немесе...

Шымкент қалалық соты үйін жинауға келген Диана Оңғарбаеваның бірнеше жерінен пышақтап, денесін қоқыс жәшігінің жанына тастаған оқушыға қатысты үкімді өзгертті.

Сот 17 жастағы Асан Анарды «Адам өлтіру» және «Ұрлық» бабымен кінәлі деп танып, жазасын 1 жылға ұзартуға, яғни 8 жыл 6 айға түрме жазасын кесуге қаулы етті. Сонымен бірге жәбірленуші тарап – марқұмның ата-анасына өтемақы ретінде 20 миллион теңге беруге міндеттеді.

Десе де, марқұмның анасы әрі жәбірленуші сот қаулысымен келіспейді. Ол бұл «өте аз жаза, өмір бойына түрмеге жабуды сұраймыз» деп отыр.

«Апелляциялық соттың қаулысына келіспеймін. Сотталушы 18 жасқа толмаған дейді. Сол үшін барлық жеңілдік...

Наурыз мейрамы қарсаңында Қазақстанда қосымша үш пойыз іске қосылады. Осыған орай мереке күндері қосымша 35 мың орын ашылады. Бұл жөнінде Көлік министрлігі мәлімдеді.

«Наурыз мейрамы кезеңінде жолаушылар ағынының артуына байланысты «Жолаушылар тасымалы» АҚ 20 рейске үш қосымша пойыз тағайындайды. Сұранысы жоғары бағыттарда қосымша 230-ға жуық тіркеме вагон енгізеді. Нәтижесінде жолаушыларға 35 мың қосымша орын ұсынылады», – делінген хабарламада.

Қандай бағыттарда қосымша пойыз жүреді

Компания мәліметінше, қосымша рейстер Алматы, Астана, Шымкент және Ақтөбе бағыттарында ұйымдастырылады.

№201/202 «Алматы-2 – Астана-1»
– Алматыдан: 20, 22, 24, 26, 28, 30 наурызда;
...

Айнұр Тұрсынбаева мен Балғынбек Имашев жұбы Алматыда өткен жұлдызды айтыс батлында басымдық танытты. Айтыс барысында Айнұр Жандарбек Бұлғақов пен Сырым Әуезханқа өткір сөздер айтып, қарсыласын сойып салды.

Айтыс барысында Айнұр Сырымға:

Жап жақсы бала едің ғой, қажы болып келген Меккеден.
Соншама бүгін шапшыдың тиіскін келіп өкпеден.
Ішкен жегенді сөз қылған жігіттерді жек көрем.
Баяғыда біздің батырлар найзамен шаншып ет жеген.
Қазіргі біздің батырлар вилкамен шұқып торт жеген.
Молочный девочкасын деп сен едің маған жетпеген.
Абайлап сөйле атаңа, бажылдай берме апаңа.
Молокоссың, аузынан молокосы кеппеген, – деп өткір жауап қайтарды.

Айтыс барысында көрермен арасынан ЖанСырымға қолдау көрсетіп, оралдық ақын Мұрадым Мирланов сахнаға...

Forbes тізіміндегі миллионер Сергей Кан мен оңтүстік кореялық компанияға тиесілі зауыт ақыры биыл салынуы мүмкін. Өйткені ол үкіметтің 2026 жылы жүзеге асуға тиіс 200 жобасының қатарына енген. Павлодар облысында салынып жатқан Mineral Product International кәсіпорны ферросилиций мен болат өндіреді.

Ферросилиций металлургияда болаттың беріктігін, қаттылығын, серпімділігін және коррозияға төзімділігін арттыру үшін қолданылады.

Құрылысы кешіктірілген зауыт

Екібастұздағы бұл зауыттың іске қосылу мерзімі бірнеше рет шегеріліп, құрылыс жұмыстары жоспарланған уақыттан кешіктіріліп келеді.

Зауыт құрылысы туралы алғаш рет 2022 жылы белгілі болды. Жобаның негізгі инвесторы Оңтүстік Кореяның ферроқорытпа нарығындағы көшбасшысы SIMPAC Group холдингі екені хабарланған. Ынтымақтастық туралы келісімге...

Шымкентте екі күннен бері жаңбыр мен қар жауып, жұртты әбігерге салды. Бұл жолы да суға толған көше, аялдамалар, бұтағы, тіпті тамырымен опырылып сынған, құлаған ағаштар, үзілген электр сымдары, бұдан бүлінген көліктердің фото, видеосын тұрғындар көптеп бөлісіп жатыр. Тұрғындардың кейбірі құлаған ағаштар шірігенін, оны кесуге өтініш білдіргенімен, жергілікті әкімдік елемегенін жазды.

Қала әкімдігі тұрғындарды қауіпсіздік шараларын сақтауға шақырды. Кей көпқабатты тұрғын үйлердің ауласындағы ойын алаңдары да қоршалып жатыр. Әзірге қалада қанша ағаш сынып, көлік бүлінгені, кім қандай шығынға батқаны белгісіз.

Қаладағы қалыптасқан жағдайға байланысты кеше кешке қала әкімі Ғабит Сыздықбеков әлеуметтік парақшасында мәлімдеме жасады. Әкім қалада барлық коммуналды...

Алматыда айтысқа шөлдеген көрермен үшін ақындар бетпе-бет сөз қағыстырды. Бұған дейін желіде сөз таластырған айтыс жұлдыздары Айнұр Тұрсынбаева, Балғынбек Имаш, Жандарбек Бұлғақов, Сырым Әуезхан шағын залда жүздесіп, көрерменге шынайы айтыс атмосферасын сыйлады.

Айтыс барысында күтпеген жағдай орын алып, сахнадағы тартыс қыза түсті. Айтыстың ортасында Оралдан келген ақын Мұрадым Мирланов сахнаға шығып, сөз сайысына араласты.

Мұрадым көрермен арасынан атып шығып:

«Әй, Балғынбек, тоқтат сөзіңді, Бақыратпай көзіңді,
Ақынмын деп ойлайсың мен тұрған өзіңді», – деп, қарсы тарапқа өткір сөз тастады.

Оралдан келген ақын Жандарбек Бұлғақов пен Сырым Әуезханға жақтасып, Балғынбек Имашты беттен алып, төске шапты.

Ортаға шығып домбыра...

«Қазгидромет» мекемесі әл-Фараби атындағы ҚазақҰУ суперкомпьютер орталығының есептеу ресурстары арқылы Weather Research and Forecasting (WRF) сандық ауа райын болжау моделін іске қосты.

Мекеменің мәліметінше, қазір университет суперкомпьютерінде WRF моделі күн сайын автоматты түрде іске қосылады. Соның нәтижесінде Қазақстанның бүкіл аумағы бойынша ауа температурасы, атмосфералық жауын-шашын, жел параметрлері және метеограммалар бойынша болжамдар жасалады. Есеп автоматты режимде жүргізіледі. Сонымен қатар модельдің шығыс деректерінің сапасы мен дәлдігін арттыру үшін оларды талдау қатар жүргізіледі.

Жоба елдің гидрометеорологиялық қауіпсіздігін нығайтуға, қауіпті табиғи құбылыстар туралы ерте ескерту жүйесін жетілдіруді көздейді. Сонымен қатар Ұлттық гидрометеорологиялық қызмет пен елдің жетекші университеті арасындағы ғылыми және білім беру...

Украина Ұлттық жад институты Киевтегі Жамбыл Жабаев ескерткішін бұзу қажет пе деген мәселеге түсініктеме берді.

Украина – Центральная Азия ақпаратына қарағанда, институттың  басшысы Александр Алферов Киевте қазақ ақыны Жамбыл Жабаевтың есімін ұлықтау коммунистік тоталитарлық режимді немесе ресейлік империялық саясаттың рәміздерін ақтаумен байланысты емес деп есептейді.

Сонымен қатар институт Жамбыл Жабаевтың ресейлік империялық саясатты жүзеге асыруға қатысқаны немесе соған жәрдемдескені жөнінде дәлел таппаған. Украинадағы «Ресейлік империялық саясатты айыптау және оны насихаттауға тыйым салу туралы және топонимиканы деколонизациялау туралы» заңда мұндай саясат украин халқын құл етуге, қанауға және ассимиляциялауға бағытталған іс-шаралар жүйесі ретінде айқындалған.

Институттың түсіндіруінше, Жамбыл Жабаев украин халқын отарлауға...