Жаңалықтар

Зайсанда салынып жатқан жаңа әуежай 2026 жылдың жазында ашылады. Бұл туралы Үкімет отырысында Көлік министрі Нұрлан Сауранбаев мәлімдеді. Жоба бойынша бас мердігер – Мәжіліс депутаты Ұлықбек Тұмашиновтың жұбайы Сәуле Тұмашиноваға тиесілі «Элхон» компаниясы.

Биыл құрылысы аяқталатын әуежайлар

Министрдің айтуынша, 2026 жылы бірнеше әуежайдың құрылысы толық аяқталады. Атап айтқанда, Катонқарағай, Кендірлі мен Арқалықта салынып жатқан жаңа әуежай пайдалануға беріледі.

Сонымен қатар биыл Павлодар әуежайының ұшу-қону жолағын реконструкциялау, Ақтауда перронды жөндеу, сондай-ақ Атырау әуежайының терминалын жаңғырту жұмысы басталады.

Зайсан әуежайын кім салып жатыр

Зайсан мен Катонқарағай әуежайының құрылысына бас мердігер ретінде «Элхон» компаниясы тартылған. Компанияның құрылтайшылары – Сәуле Тұмашинова мен...

Елде бір жылда 73 мейрамхана пайдалануға берілген. Ұлттық статистика бюросының хабарлауынша, қаңтар-желтоқсан аралығында ашылған мейрамханалар 20 048 адамға лайықталған.

Ал нысан құрылысына 74,2 млрд теңге жұмсалған.

Мейрамханалар саны бойынша Түркістан облысы (28 нысан) мен Қызылорда облысы (8 нысан) көш бастап тұр.

Сондай-ақ 2025 жылы ел бойынша 92 кафе ашылған. Бұл нысандар алты жарым мыңнан аса адамға лайықталған. Нысан құрылысына 14,2 млрд теңге жұмсалған.

Кафелер де Түркістан (21) мен Қызылордада (14) көп ашылған. Салыстырмалы түрде қарасақ, 2024 жылы ел бойынша 75 кафе пайдалануға берілген.

Бұған дейін елде бір жылда жаңа 20 мешіт пайдалануға берілгенін жазғанбыз. Мешіт құрылысына...

Туризм және спорт министрі Ербол Мырзабосынов Алматы тау кластерін, Щучинск–Бурабай курорттық аймағын және Маңғыстау өңірін дамыту жоспары жайлы баяндады.

Министрдің айтуынша, Алматы өңірінде курорттар бірыңғай жүйеге біріктіріледі. Жоба аясында 30 жаңа аспалы жол мен 161 шақырым тау шаңғысы трассасы салу жоспарланып отыр. Жобаны әзірлеушілердің пікірінше, бұл шешім маусымның қызған шағында жүктемені азайтып, туристер ағынын 5 млн адамға дейін жеткізуге мүмкіндік береді.

«Бұл жоба жоғары экономикалық әлеуетке ие. Себебі тау шаңғысы туристерінің орташа шығыны 350 АҚШ долларын құрайды, бұл жағажай туризмімен айналысатын туристердің шығынынан 7 есе жоғары», – деді министр.

Щучинск–Бурабай курорттық аймағында туристік жүктемені Қатаркөл...

«QazTrade» сауда саясатын дамыту орталығының» бас директоры Жеңіс Өсербай 2025 жылы 16,9 млн теңге мөлшерінде сыйақы алған. Бұл туралы қаржы есептілігі депозитарийінде жазылған.

Ресми деректерге сәйкес, аталған сома жыл қорытындысы бойынша атқарушы органға төленген жалпы сыйақы көлемі.

Жеңіс Өсербай «QazTrade» компаниясы директоры қызметіне 2023 жылдың қарашасында тағайындалған. Оған дейін 2021-2023 жылдар аралығында Ауыл шаруашылығы вице-министрі қызметін атқарды.

«QazTrade» компаниясы 2006 жылы үкіметтің арнайы қаулысы негізінде құрылған. Жеке сайтында «ұлттық сауда жүйесінің көкейтесті проблемалық мәселелерін зертеп және елдің сауда саясатын жүзеге асыруға белсенді қатысатыны» жазылған. Жалғыз акционері – Сауда және интеграция министрлігі.

27 қаңтарда Ұлттық банк (ҰБ) 1 грамм алтын бағасын бірден шамамен 2,5 мыңға көтерді. Енді бағалы металдың бір грамы 82 173 теңге тұрады.

2025 жылдың аяғында ҰБ алтынды шамамен 71 мың теңгемен саудалаған. Содан бері түсті металл шамамен 11 мың теңгеге қымбаттағанын көріп отырмыз. Қазақстанда алтын бағасы бір айға жетпейтін уақытта шамамен 16%-ға қымбаттаған.

Алтын бағасы әсіресе осы аптада қатты көтерілді. Өйткені әлем нарығында оның бір унциясының құны 5 мың доллардан асып жығылды.

Түрлі-түсті металл құнының көтеруіне бірнеше жайт түрткі болды. Таяу Шығыс пен Украинадағы жанжал, сонымен бірге Дональд Трамп әкімшілігінің әрекеттері инвесторларға алтынды көптеп сатып алуға мәжбүрлеп...

2026 жылы Қазақстанға тағы шетелдік әншілер келеді. Kazakh Tourism мәліметінше, Timbaland, Николь Шерзингер, Busta Rhymes сынды әлемдік деңгейдегі өнер жұлдыздарының концертін өткізу жоспарланған.

Жалпы барлық өңірін қамтитын 55 негізгі іс-шара өткізу жоспарланып отыр. Kazakh Tourism компанияның басқарма төрағасы Талғат Ғазизовтың айтуынша, қазіргі таңда ТМД, Еуропа және Азиядағы 18 ірі онлайн-платформада Қазақстан бойынша 1100-ден астам туристік тур ұсынылған. Бұл көрсеткіш 2023 жылмен салыстырғанда үш есеге артқан.

Оның айтуынша, Қазақстанның халықаралық деңгейдегі туристік имиджін ілгерілету мақсатында бірқатар жұмыстар атқарылған:

Ұлттық банк деректеріне сәйкес, 2025 жылдың қараша айының соңында екінші деңгейлі банктердегі жеке тұлғалардың салымдары 26,6 трлн теңгеге жетті. Жыл басынан бергі өсім 8,3% немесе абсолюттік мәнде 2 трлн теңгені құраған.

Ranking.kz сарапшыларының жазуынша, динамика халықтың қаржы мінез-құлқындағы өзгерістерді ғана емес, банк жүйесіне деген сенімнің біртіндеп күшейіп келе жатқанын да аңғартады.

23 екінші деңгейлі банктің 14-і депозит көлемін арттырса, 7 қаржы институтында кері динамика байқалды. Тағы екі банк – нарыққа жаңадан келген ойыншылар, сондықтан олар бойынша салыстырмалы статистика әзірге жоқ.

Теріс динамика көрсеткен банктерден халық 170 млрд теңгесін алып кеткен, алайда бұл жалпы нарықтағы өсім аясында...

Қазақстанда педагогтерді аттестаттау кезінде авторлық бағдарламаларды міндетті түрде әзірлеу талабы алынып тасталады. Бұл туралы Оқу-ағарту министрі Жұлдыз Сүлейменова мәлімдеді.

Министрдің айтуынша, қазіргі талаптардың тиімділігіне қатысты сұрақтар туындаған. Атап айтқанда, «педагог-шебер» санатын алу үшін мұғалімдер республикалық оқу-әдістемелік кеңес ұсынған авторлық бағдарламаларды әзірлеп, оны білім беру процесіне енгізуі тиіс болған. Алайда 2025 жылдың желтоқсан айының соңында министрлік бұл талаптың нақты нәтиже бермейтінін мойындаған.

«Қазір арнайы жұмыс тобы барлық нормативтік-құқықтық актілерге талдау жүргізіп жатыр. Осы орайда біз аттестаттау кезінде авторлық бағдарламаларды алып тастау мәселесін көтеріп отырмыз. Себебі олардың білім беру процесін ұйымдастыруға қаншалықты тиімді әсер ететінін, сондай-а...

Асқарбек Ертаев жаңа еңбек министрі болып тағайындалды. Бұл туралы Ақордадан хабарлады.

«Мемлекет басшысының Жарлығымен Асқарбек Маратұлы Ертаев Қазақстан Республикасының Еңбек және халықты әлеуметтік қорғау министрі болып тағайындалды», – деп жазылған хабарламада.

Осыған дейін бұл лауазымда Светлана Жақыпова отырған еді, оны Тоқаев бүгін қызметінен босатты.

Асқарбек Ертаев бұған дейін Жақыпованың орынбасары яғни вице-министр еді. Оның алдында Еңбек және халықты әлеуметтік қорғау министрлігі Көші-қон комитетінің төрағасы қызметінде болды. Әр жылдары Ұлттық экономика министрлігінде, Президент Әкімшілігінде, Премьер-Министрі Кеңсесінде жұмыс істеген.

Алматы қаласында тағы екі тұрғын үй кешенінің құрылысы тоқтады. Шаһар билігі нысандарды «талапқа сай емес» деп тапты. Бұл туралы Kursiv.Media қала әкімдігінің мәліметіне сүйене отырып хабарлайды.

Алматы әкімінің орынбасары Бейбіт Шаханов халықаралық әуежай маңындағы бірқатар тұрғын үй кешенінің құрылысын көрген. Тексеру барысында «Bastion» тұрғын үй кешенінің құрылысы азаматтық авиация саласындағы уәкілетті органдардың келісімінсіз және рұқсатсыз жүргізіліп жатқаны анықталған.

«Қолданыстағы заңнама талаптарына сәйкес, әуе айлағына жақын аймақтарда және белгіленген күзет аумағы радиусында ғимараттардың қабатына шектеулер қойылады. Осы аймақта салынып жатқан барлық нысан тиісті келісім алуға міндетті. Мұндай құжатсыз біз құрылысты тоқтатамыз, қажет болған...

Елде бір жылда жаңа 20 мешіт пайдалануға берілген. Бұл 2024 жылмен салыстырғанда 54%-ға көп. Мұндай талдауды Бірінші кредиттік бюро мамандары жасаған.

Бұған дейін мұндай көрсеткіш 2015 жылы тіркелген. Ұлттық статистика бюросы мәліметіне сәйкес, он жыл бұрын елде 24 мешіт ашылған.

Ал 2021-2025 жылдары ашылған мешіт саны оған дейінгі бес жылмен салыстырғанда екі есе көп.

«Мешіттерді өзара салыстыру мүмкін емес, себебі нысанның қанша адамға лайықталғаны жарияланбайды. Мұны тек жұмсалған қаражатқа қарай бағалай аламыз.

2025 жылы ашылған мешіттерге 12,6 млрд теңге жұмсалған. Алайда рекорд 2022 жылы орнатылды. Ол кезде 118,8 млрд теңге жаңа ашылған мешіттерге...

Астанада Қазақстан мен Израильдің сыртқы істер министрлері, Ермек Көшербаев пен Гидеон Саардың ресми келіссөздері өтті. Екі тарап бірқатар маңызды құжаттарға қол қойды деп жазады Қазақпарат тілшісі.

Құжаттар арасында ұлттық паспорт иелерін визалық талаптардан босату яғни визасыз режим орнатуға келісім жасасу мүмкіндігі жайлы меморандум бар. Одан бөлек дипломатиялық кадрларды даярлау саласындағы өзара іс-қимылды көздейтін құжат рәсімделді.

Келіссөздер барысында сауда-экономикалық, инвестициялық, инновациялық және гуманитарлық ынтымақтастықты кеңейту мәселелері талқыланды. Ермек Көшербаев екі ел арасындағы сауда қарым-қатынасы ерекше тоқталды.

«2025 жылдың қаңтар-қараша айлары аралығында мемлекеттеріміз арасындағы тауар айналымы 162 млн долларды құрады. Соңғы 20 жылда Қазақстан экономикасына Израильден...

2025 жылдың желтоқсан айында халық ақша айырбастау пункттерінен 322,8 млрд теңгеге доллар сатып алған. Ұлттық банк дерегінше, доллармен сауда-саттық қараша айымен салыстырғанда 38%-ға, ал 2024 жылдың желтоқсанымен салыстырғанда 83% жоғары қалыптасқан.

Бірінші несие бюросы мамандарының жазуынша, бұл соңғы төрт жылдағы ең жоғары көрсеткіш. Бұл халық пен бизнестің долларды бұрынғыдан да белсендірек сатып ала бастағанын аңғартады.

Әсіресе, Алматы мен Астана қалалары негізгі драйвер болып қалды: желтоқсанда Алматыда доллар бойынша нетто сауда 157,5 млрд теңгеге, Астанада 35,1 млрд теңгеге жетті. Қараша айымен салыстырғанда екі мегаполисте де сұраныстың күшейгені анық байқалады.

Еуро валютасы бойынша жағдай...

Тоқаев еңбек және әлеуметтік министрі Светлана Жақыпованы қызметінен босатты.

«Мемлекет басшысының Жарлығымен Светлана Қабыкенқызы Жақыпова Қазақстан Республикасының Еңбек және халықты әлеуметтік қорғау министрі лауазымынан босатылды», – деп хабарлайды Ақордадан.

Әзірге оның қызметінен босату себебі хабарланған жоқ,

Экс-министр бұл қызметке 2023 жылдың 2 қыркүйегінде тағайындалды. Оған дейін Қазақстан Республикасы Президенті жанындағы Халықтың әлеуметтік жағынан осал санаттарының құқықтары жөніндегі уәкіл болды.

Еңбек жолын Целиноград қаласындағы орта мектепте математика пәні мұғалімі болған. Кейін «Зейнетақы төлеу жөніндегі орталығы» республикалық мемлекеттік қазыналық кәсіпорнының аға маманы, бас маманы, бөлім меңгерушісі, директордың орынбасары, директоры лауазымдарында жұмыс істеген.

...

Мектептерде оқу жылының ортасында электронды күнделіктерді ауыстыруға болмайды. Бұл туралы Үкімет отырысынан кейін өткен брифингте Оқу-ағарту министрі Жұлдыз Сүлейменова мәлімдеді.

Министрдің сөзінше, каникул кезінде министрлік әкімдіктерге оқу жылының соңына дейін LMS-жүйелерін (оқытуды басқару жүйесі) өзгертпеу жөнінде ұсынымдар жолдаған.

«Оқу жылы барысында оның ортасында мұндай қолайсыздықтар болмауы тиіс. Егер қыркүйек айында оқу процесі бір LMS жүйесімен басталса, онда оны сол жүйемен аяқтаған дұрыс. Бірақ тағы да қайталап айтамын, шешім жергілікті атқарушы орган деңгейінде қабылданды. Жауапкершілік те соларға жүктеледі», – деді Сүлейменова.

Бұған дейін Kursiv.media тілшісі Kundelik пен BilimClass компанияларының арасындағы текетіреске қатысты Мәжіліс депутаты Асхат Аймағамбетовтың

«Ordamed» компаниясы науқастар алдындағы жауапкершілігін орындауға және өзінің іскерлік репутациясын қорғауға дайын. ҰҚК айыптауларына компания басшысы Еркін Ділімбетов осылай жауап берді.

«Біз жеткізген құрылғының барлығы зауыттан шыққан, бүкіл ел бойынша медициналық персонал пайдаланып жүр», – деді компания басшысы.

Оның түсіндіруінше, компания жалған құжат жасады деп айыптау дұрыс емес. Сол құжаттар мен өндіріс ережелерін рәсімдеуге байланысты техникалық-құқықтық жағынан дау туындап отыр.

«Компания сотқа дейінгі тергеп-тексеру материалдарына иелік етпейді және оларды жария етпейді, тек іскерлік беделін қорғау аясында өз ұстанымын ғана білдіреді. «OrdaMed» АҚ мүмкін болған құқық бұзушылықтарды жасыруға мүдделі емес...

Мектептерде оқу үлгерімі нашар балаларды оқыту үшін мұғалімдер қосымша сабақ өткізіп, сол үшін ақы алып жүр. Десе де, кейбір ата-аналар қосымша сабақтың қымбат екеніне шағымданады. Осыған орай Kursiv.Media тілшісі бұл қаншалықты заңды екенін Оқу-ағарту министрі Жұлдыз Сүлейменовадан сұрады.

Министр бұл мәселе расында да өзекті екенін айтып, оның заңнамалық тұрғыда реттелмегеніне назар аударды. Сонымен бірге заңмен бәрін шегелеп тастауға да асықпайтынын жеткізді. Қазір ұстаздар, кәсіби орта қауымымен мәселені реттеу жолы қарастырылып жатқанын қосты.

«Бұл құқықтық реттеуді қажет ететін шаруа. Tesla Education оқиғасынан кейін заңнамалық тетіктерді күшейту бағытында үлкен жұмыстарды бастадық. Қосымша білім деген де репетиторлық нарық. Сол...

XXV қысқы Олимпиада ойындарының басталуына санаулы күн қалды. Ұлттық құрамалар Милан мен Кортина-д’Ампеццо қалаларындағы жарыстарға қатысатын атлеттердің киімдерін таныстырып жатыр. Көпшілік Моңғолия спортшыларының ұлттық нақыштағы киімдеріне тәнті болды.

Тағы да сенсация

Моңғол атлеттері Олимпиада секілді ірі додаларда көп жүлде алмаса да, жоғары деңгейдегі сән үлгісімен, ұлттық дәстүрімен әлемдік сенсацияға айналып жүр. Команданың 2026 жылғы қысқы додаға да тыңғылықты дайындалғаны көрініп тұр.

Өткен аптада жарысқа киетін киімдерін таныстырған уақытта, көпшіліктің назары тағы да Моңголияға ауды. Жаңа киім үлгілерін дайындаушылар XIII–XV ғасырлардағы Ұлы Моңғол империясы кезінде қалыптасқан сәннен шабыт алған. Бұл жолы брендерді Goyol Cashmere тікті.

Қазақстандықтар енді «Отбасы банктен» басқа да банкте тұрғын үй жинағын ашып, баспанаға ақша жинай алады. Өйткені коммерциялық банктерге де тұрғын үй-құрылыс жинақ жүйесіне қатысуға рұқсат берілді. Өзгеріс 19 нурыздан бастап күшіне енеді. Алайда сарапшы Лев Тетин бұл бағыт банктер үшін тартымды емес деп тұжырымдайды.

Заңға қандай өзгеріс енгізілді

2026 жылғы 16 қаңтарда Президент Қасым-Жомарт Тоқаев «Қазақстан Республикасының кейбір заңнамалық актілеріне қаржы нарығын реттеу мен дамыту, байланыс және банкроттық мәселелері бойынша өзгерістер мен толықтырулар енгізу туралы» Заңына қол қойған. Соған сәйкес, тұрғын үй-құрылыс жинақ жүйесі бойынша қаражат тарту және тұрғын үйге несие беру құқығы енді бүкіл екінш...

2026 жылдың басында Nissan бренді ресми түрде Қазақстан нарығына оралды. Жақында алынған көлік құралының түрін мақұлдау деректеріне сәйкес, жаңартылған модельдер қатарында Qashqai кроссовері мен жетінші буындағы Patrol жол талғамайтын көлік ұсынылды. Курсив Авто ресми дистрибьютор Orbis Auto компаниясынан көліктердің бағасы мен сипаттамалары жайлы біліп көрді.

Nissan Patrol Y63: сипаттамасы және жаңа стандарттар

Әйгілі жол талғамайтын көлік Y62 буынынан Y63 буынына ауысты, рамалық конструкция сақталғанымен, жаңа буында толығымен жаңартылған қозғалтқыш қондырғысы орнатылды.

Қозғалтқыш пен трансмиссия

Классикалық V8 орнына екі турбокомпрессорлы 3,5 литрлік V6 (VR35) қозғалтқыш ұсынылды. Қуаты – 425–431 ат күшi, ал айналу моменті – 700 Нм...

Үкіметтегі баспасөз мәслихатында журналистер Туризм және спорт министрі Ербол Мырзабосыновтан Серік Сәпиев пен орынбасары Дәурен Есімхановтың текетіресі жөнінде бір емес, бірнеше рет сұрады.

Журналистер әуелі «чемпиондарды басшылыққа тағайындау дұрыс па» деп сұрақ қойды. Мырзабосынов әр салада мемлекеттік қызметке тұрса да әр маман бірнеше қағидалардан өтуі керектігін, спорт саласында тағайындалып жатқан мамандар мемлекеттік қызмет баспалдағынан өткен азаматтар екенін айтты. Ал Қарағанды әкімдігінде болған жағдайға тиісті уәкілетті органдар баға беретінін мәлім етті.

Журналистер спорт министрінен «өңірлердің спорт басқармаларына спортшыны басшы етуді ойланып қалған жоқсыз ба» деп сұрады. Мырзабосынов 20 өңір егер Олимпиадаға лицензия бермесе, әлем деңгейінде бәсекелестікті орната алмаймыз деді.

Елімізде шетелдік туристерді тарту мақсатында әуежайларда тағы 13 жаңа халықаралық бағыт ашылады. Бұл туралы Көлік министрі Нұрлан Сауранбаев мәлімдеді.

Жаңа әуе бағыттары Вена, Токио, Рим, Эр-Рияд, Ларнака, Амман, Даммам, Қашғар, Дели, Рига, Бішкек (Шымкенттен), Варшава және Үрімші (Шымкенттен) қалаларын қамтиды.

Сонымен қатар Абу-Даби бағыты қайта іске қосылады, ал қазіргі Шанхай бағытына қосымша әуе тасымалдаушы қосылады.

Нұрлан Сауранбаев әуежайлардағы қызмет көрсету сапасын арттыру жоспарлары туралы да айтты. Биыл Шымкент, Ақтау, Ақтөбе және Атырау әуежайларында кедендік бақылау аймақтарына терминалдар орнату көзделіп отыр. Бұл кедендік тексеруден өту кезіндегі кезектерді қысқартуға мүмкіндік береді.

Бұдан бөлек, Қазақстанның өзінде 9 ішкі әуе бағытын қайта іске қосу...

2026 жыл қазақстандық инвесторлар үшін түрлі жаңалықтармен басталды. Әлемдік геосаясаттағы жағдай шиеленісе түсті. Салық саясаты өзгеріп, базалық мөлшерлеме мен жылжымайтын мүлік бағасы өсті, алтын бағасы қымбаттады. Бұған қоса, халықтың қор нарығына деген қызығушылығы да артты. Мұндай жағдайда ақшаны қалай сақтап, көбейтуге болады?

Қазіргі таңда қаржы нарығында бірнеше құрал бар. Қарапайым депозиттерден бастап акциялар, ETF қорлары және нақты активтерге дейін. Осының әрқайсысын Kursiv.Мedia тілшісі талдап көрді.

Депозиттер мен жинақтар туралы

Әлемдік саясат пен экономикадағы ауыс-түйістерге аса бас ауыртқысы келмейтін инвесторлар үшін депозиттер 2026 жылы да ең түсінікті әрі сенімді құрал болып қала береді. 2025 жылы Қазақстан банктері пайыздық мөлшерлемелерді жаппай...

Қытайдың Шыңжаң өлкесінде қар барысы шаңғышы әйелге шабуылдады. Турист жыртқышты суретке түсірмек болған. Бұл туралы Kursiv.Media CNN мәліметіне сүйене отырып хабарлайды.

Оқиға 23 қаңтарда кешке Шыңжаң өлкесіндегі Көктоғай ауданындағы жайылымда болған. Тау шаңғысымен шұғылданатын турист қонақ үйге қайтып бара жатқан жолда қар барысын кезіктірген. Қызыл кітапқа енген аңды суретке түсірмек болып, жақындай түскен уақытта жыртқыш әйелдің өзіне шабуылдаған.

Әлеуметтік желілерде қар үстінде қимылсыз жатқан турист пен оның қасында отырған барыстың видеосы тарады. Тағы бір видеода екі адам зардап шеккен әйелге көмек көрсетіп жатыр. Олардың бірі қар барысының қайда екенін сұраған уақытта екіншісі «кетіп қалды...