Жаңалықтар

Алматыда айтысқа шөлдеген көрермен үшін ақындар бетпе-бет сөз қағыстырды. Бұған дейін желіде сөз таластырған айтыс жұлдыздары Айнұр Тұрсынбаева, Балғынбек Имаш, Жандарбек Бұлғақов, Сырым Әуезхан шағын залда жүздесіп, көрерменге шынайы айтыс атмосферасын сыйлады.

Айтыс барысында күтпеген жағдай орын алып, сахнадағы тартыс қыза түсті. Айтыстың ортасында Оралдан келген ақын Мұрадым Мирланов сахнаға шығып, сөз сайысына араласты.

Мұрадым көрермен арасынан атып шығып:

«Әй, Балғынбек, тоқтат сөзіңді, Бақыратпай көзіңді,
Ақынмын деп ойлайсың мен тұрған өзіңді», – деп, қарсы тарапқа өткір сөз тастады.

Оралдан келген ақын Жандарбек Бұлғақов пен Сырым Әуезханға жақтасып, Балғынбек Имашты беттен алып, төске шапты.

Ортаға шығып домбыра...

«Қазгидромет» мекемесі әл-Фараби атындағы ҚазақҰУ суперкомпьютер орталығының есептеу ресурстары арқылы Weather Research and Forecasting (WRF) сандық ауа райын болжау моделін іске қосты.

Мекеменің мәліметінше, қазір университет суперкомпьютерінде WRF моделі күн сайын автоматты түрде іске қосылады. Соның нәтижесінде Қазақстанның бүкіл аумағы бойынша ауа температурасы, атмосфералық жауын-шашын, жел параметрлері және метеограммалар бойынша болжамдар жасалады. Есеп автоматты режимде жүргізіледі. Сонымен қатар модельдің шығыс деректерінің сапасы мен дәлдігін арттыру үшін оларды талдау қатар жүргізіледі.

Жоба елдің гидрометеорологиялық қауіпсіздігін нығайтуға, қауіпті табиғи құбылыстар туралы ерте ескерту жүйесін жетілдіруді көздейді. Сонымен қатар Ұлттық гидрометеорологиялық қызмет пен елдің жетекші университеті арасындағы ғылыми және білім беру...

Украина Ұлттық жад институты Киевтегі Жамбыл Жабаев ескерткішін бұзу қажет пе деген мәселеге түсініктеме берді.

Украина – Центральная Азия ақпаратына қарағанда, институттың  басшысы Александр Алферов Киевте қазақ ақыны Жамбыл Жабаевтың есімін ұлықтау коммунистік тоталитарлық режимді немесе ресейлік империялық саясаттың рәміздерін ақтаумен байланысты емес деп есептейді.

Сонымен қатар институт Жамбыл Жабаевтың ресейлік империялық саясатты жүзеге асыруға қатысқаны немесе соған жәрдемдескені жөнінде дәлел таппаған. Украинадағы «Ресейлік империялық саясатты айыптау және оны насихаттауға тыйым салу туралы және топонимиканы деколонизациялау туралы» заңда мұндай саясат украин халқын құл етуге, қанауға және ассимиляциялауға бағытталған іс-шаралар жүйесі ретінде айқындалған.

Институттың түсіндіруінше, Жамбыл Жабаев украин халқын отарлауға...

Оқу-ағарту министрі Жұлдыз Сүлейменова әлеуметтік желідегі парақшасында мемлекеттен бөлінген қаражат есебінен жұмыс істейтін үйірмелердің жұмысы қатаң бақылауға алынатынын мәлімдеді.

«Біздің мемлекет орта білімді тегін береді, сәйкесінше мектептегі үйірмелерге арнайы мемлекеттік тапсырыс орналастырылады. Яғни, мемлекет қаржы бөледі. Енді Оқу-ағарту министрлігі осы қаражаттың тиімді пайдаланылуын, оқушыға жетуіне байланысты ақпаратты ашық жариялайды», – дейді Жұлдыз Сүлейменова.

Министрдің сөзінше, ақпараттың шын болуына мектептер жауапты. Қаражатты әкімдіктер бөледі. Сондықтан, ақпараттың уақтылы әрі сапалы енгізілуіне жергілікті атқарушы органдар, оның ішінде мектептер, білім беру ұйымдары жауапты.

«Ең негізгі мәселе – бүгінгі таңда «Әлеуметтік әмиян» жобасы іске асырылып жатыр...

Астанада медициналық авиация қызметкерлері жалақыны көтеруді талап етті. Шамамен 20 шақты қызметкер еңбек жағдайын жақсарту және жалақыны арттыру мәселесін көтерген.

Айта кетейік, Денсаулық сақтау министрлігінің «Ұлттық шұғыл медицинаны үйлестіру орталығы» 2011 жылдан бері жұмыс істейді. Мамандар өңірлерден пациенттерді Астана және Алматыдағы клиникаларға тасымалдайды. Орталықта дәрігер, фельдшер, санитарларды қосқанда жалпы 57 адам жұмыс істейді.

Мамандар базынасын айтты

Медицина қызметкерлерінің айтуынша, коронавирус пандемиясы кезінде олардың жалақысы 20-30%-ға артқан, қазір олар орта есеппен 300-350 мың теңге алады. Алайда қызметкерлердің сөзінше, төлем жиі кешіктіріледі, ал жұмыс жүктемесі нормадан асып түседі. Nege.kz сайтының жазуынша, жиналғандар жалақыны кемінде 20-30%-ға арттыруды, сондай-ақ жеңілдіктер мен...

Қытай компаниясы Қазақстанда HOWO жүк көлігін шығарады. Жоба 2026 жылы іске қосылатын 200 жобаның қатарына енген. Оны Saran Machinery компаниясы жүзеге асырады.

Өнеркәсіп және құрылыс министрлігінің хабарлауынша, бүкіл жоба толық қуатына шыққан кезде өндіріс көлемі шамамен 2,3 трлн теңгені құрамақ.

Бұл жоба 2024 жылы Қазақстан Қытаймен 2,5 млрд долларға жасаған 8 коммерциялық келісімнің арасында бар. Saran Machinery ЖШС мен Sinotruk International компаниясы сол кезде 70 млн доллар сомасында келісімге отыратыны хабарланған.

Ал 2025 жылы Sinotruk International компаниясы Saran Machinery серіктесті акционерлер қатарына енді. Ол Қытайдың жүк көліктерін шығаратын ір...

Әлеуметтік желіде актер әрі әзілкеш Қайрат Әділгерейдің қазақтың ұлы күйшісі Құрманғазы Сағырбайұлы туралы айтқан пікірі қоғамда қызу талқыға түсіп, көпшіліктің наразылығын тудырды.

Даулы пікірден кейін актер халыққа үндеу жасап, сөздеріне түсініктеме берді. Құрманғазы бабаның рухын қорлау ниеті болмағанын айтып, жуық арада күйші жерленген Астрахань қаласына барып, құран бағыштап, ұрпақтарынан кешірім сұрауға ниетті екенін жеткізді.

«Қазақ тарихының тұлғасы, күй атасы Құрманғазы бабамыз туралы айтқан сөздеріме түсініктеме беруді жөн көрдім. Бұйырса, жақын арада бабамыздың жатқан жеріне барып, құран бағыштап, ұрпақтарынан кешірім сұраймын. Аруақты қорлау ойымда болған жоқ», – деді ол.

Қазақстанда Конституция есімді 1 адам және Құрылтай есімді 3 адам тұрады. Жаңа конституциялық өзгерістерге орай, Kursiv.Media елімізде жаңа Конституциямен байланысты ерекше есімдерге ие азаматтардың бар-жоғын тексеріп көрді.

Ұлттық статистика бюросының дерегіне сай, елімізде біз сұратқан мынадай ерекше есімдер бар болып шықты:

«Бәйтерек» холдингі осы жылы сыртқы нарықтан 3 млрд доллар тартып, инвестициялық банк моделіне жақын құрылымға айналмақшы. Бұл жайлы холдингтің басқарма төрағасының орынбасары Тимур Онжанов Bloomberg-ке берген сұхбатында мәлімдеді.

«Бәйтерек» жаңа еурооблигация шығарып, даму банктерінен қарыз алмақшы. Одан бөлек юаньмен де облигация шығаруды да жоспарлап отыр. Яғни болашақта Қазақстан Даму Банкі иенмен қарыз ала алады.

Онжановтың сөзінше, холдинг талдау қызметін күшейтіп жатыр. Яғни болашақта мәмілелердің құрылымына, жобаларға толыққанды талдау жүргізбекші.

Ислам қаржы құралдарына, Таяу Шығыстан капитал тартуға да ерекше көңіл бөлінбекші. Сондай-ақ басқа да тәуелсіз қорлармен ортақ инвестициялық платформа құру жоспарланып отыр.

«Отбасы банк» ислам ипотекасын іске қоспақ. Қаржы ұйымы Пәкістанның ислам банкингі саласындағы көшбасшысы – Meezan Bank Limited ұйымымен меморандумға қол қойып, жаңа өнімдердің тұжырымдамасын әзірлейді. Жоба заңнамалық түзетулер қабылданғаннан кейін толық күшіне енбек.

Бұл – тек жаңа қаржы өнімі емес, халықтың белгілі бір бөлігі үшін баспана алу мүмкіндігін арттыратын маңызды қадам. Сарапшылардың бағалауынша, Қазақстандағы мұсылмандардың едәуір бөлігі діни ұстанымдарына байланысты классикалық несиелерден бас тартып келген.

«Отбасы банкінің» басқарма төрайымы Ләззат Ибрагимова бұл жобаның мақсаты – шариғат нормаларына қайшы келмейтін, баспана сатып алудың тең құқылы тетігін жасау екенін атап өтті.

Пайызсыз ипотека қалай жұмыс істейді

Дәстүрлі ипотекада қарыз қалдығына сыйақы...

FlyArystan әуе компаниясы тергеудің ресми шешімі шыққанға дейін қандай да бір пікір білдіруден бас тартады. Бұл туралы компания баспасөз қызметі хабарлады.

Әуекомпания өкілдерінің айтуынша, қосымша қызметтер үшін бекітілген тарифтерді қолдану тәсілі әлемдік авиация саласында кеңінен таралған лоукост (төмен бюджетті) бизнес-моделінің негізгі қағидаттарына толықтай сәйкес келеді. Бұл модель жолаушыларға қажетті қызметтер пакетін өздігінен таңдауға мүмкіндік береді

«FlyArystan өз қызметінің ашықтығын қамтамасыз етуге басымдық береді. Қосымша қызметтерді ұсыну шарттары туралы барлық мәліметтер интернет-ресурстарында көрсетілген», – делінген жауапта.

Әуекомпания жолаушылардың брондау барысында қызмет көрсету талаптарымен мұқият таныса алатынын және барлық тарифтік саясаттың қолданыстағы халықаралық стандарттарға сай екенін...

Ұлттық қауіпсіздік мемлекеттік комитетінің бұрынғы төрағасы Қамшыбек Тәшиев Германияда алып жатқан емін үзіп, Қырғызстанға дереу оралды.

13 ақпанға қараған түні оны «Манас» әуежайында бұрынғы қызметтік көліктеріне ұқсас бірнеше автокөлік қарсы алған.

Kaktus.media ақпаратына қарағанда, бұған дейін Тәшиевтің әлеуметтік желілердегі үндеуін жариялаған журналист Нургазы Анаркулов оның емі әлі аяқталмағанын, алайда қалыптасқан жағдайға байланысты елге оралуға мәжбүр болғанын атап өткен.

10 ақпанда Қырғыз Республикасының президенті Садыр Жапаров жарлыққа қол қойып, соған сәйкес Қамшыбек Тәшиев Министрлер кабинеті төрағасының орынбасары – Ұлттық қауіпсіздік мемлекеттік комитетінің төрағасы қызметінен босатылған.

Ұлттық қауіпсіздік мемлекеттік комитеті төрағасының міндетін уақытша атқарушы болып Жумгалбек Шабданбеков тағайындалды.

Айтыскерлер – Балғынбек Имаш, Айнұр Тұрсынбаева, Жандарбек Бұлғақов және Сырым Әуезхан Алматыда бетпе-бет кездесіп айтысты. Бұған дейін бір-біріне reels арқылы сәлем жолдап жүрген ақындар айтысты шағын ғана залда өткізсе де, айтысқа шөлдеген қауым онлайн да, офлайн да тамашалап мәз болды. 

12 ақпан күні Алматыда аламан айтыстың шағын нұсқасы өтті десек болады. Көптен айтыс сахнаға шықпаған Айнұр Тұрсынбаева осы себеппен Қазақстанға арнайы келді.

«Бүгін 20:00-де нүктесін қоймасақ болмай кетті. Мен келдім домбырамды арқалап. Қайда ана жүгірмектер?» – деп жазды Тұрсынбаева.

Айтыстағы серігі – Балғынбек Имашпен бірігіп, жас ақындар – Жандарбек пен Сырымға қарсылас болды. Осылайша ЖанСырым мен...

Айтбек Амангелді «Оның есімі Салтанат» атты кітабының таныстырылымын өткізеді. Кітап марқұм Салтанат Нүкенованың өмірі мен тағдырына арналған.

Тұсаукесер екі қалада өтеді:

Кіру тегін

Автор еңбегінде Салтанаттың жұбайымен қарым-қатынасы, тұрмыстық зорлық-зомбылық пен психологиялық қысымның қалай қалыптасатыны, сондай-ақ отбасының әділеттілікке жету жолындағы күресі жан-жақты баяндалады.

Еске сала кетейік, Салтанат Нүкенованың қазасына қатысты іс бойынша 2024 жылғы 13 мамырда бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты сот үкімі шыққан еді. Сот шешімімен Бишімбаев 24 жылға...

Қаржылық мониторинг агенттігінің Алматыдағы департаменті заңсыз инвестициялық қызмет саласында ірі алаяқтық қылмыстың бетін ашты.

Агенттіктің мәліметінше, 2013-2021 жылдар аралығында күдікті «Partners & Consultants» – «Өмірді сақтандыру» жобасы арқылы инвестиция салуға шақырған. Осы сылтаумен азаматтардың ақшасын иемденген.

«Күдікті азаматтарды өздеріне қарайтын «Evroasia Global Investment» АҚ және «Evropa Investment» ЖШС есепшоттарына ақша аударуға үгіттеген. Жылына 12%-ға дейін тұрақты табысқа кепілдік берген. Жобаның сенімділігін дәлелдеу үшін шын мәнінде жоқ халықаралық сақтандыру бағдарламалары мен сертификаттарына сілтемелер қолданған», – делінген хабарламада.

Қаражаттар қолма-қолсыз аударымдар арқылы қабылданып, кейін салымшыларға ұзақ мерзімді депозиттер мен инвестициялық міндеттемелер бар деген жалған құжаттар...

Таиланд 93 елдің, оның ішінде Қазақстан азаматтары үшін визасыз режим мерзімін қысқартуды жоспарлап отыр. Бұл туралы Bangkok Post хабарлады.

Визасыз болу мерзімі 60 күннен 30 күнге дейін қысқартылады. Билік өкілдерінің айтуынша, бұл өзгеріс визасыз режимнің икемді талаптарын пайдаланып отырған көлеңкелі бизнестің үлесін азайту мақсатында енгізілмек.

Таиланд билігі жаңа талаптар туристік салаға кері әсерін тигізбейді деп сендірді.

«Шетелдік туристер Таиландта орта есеппен 21 күннен артық болмайды. Егер олар 30 күннен ұзақ уақыт қалғысы келсе, мерзімді ұзарту үшін өтініш бере алады, бұл қиындық тудырмайды », – деп түсіндірді Туризм министрлігінде.

Қазақстан азаматтары үшін Таиландқа...

Атырауда 25 жастағы блогерді мазаратқа апарып, ұрып-соққандарға сот үкімі шықты. Атырау сотының хабарлауынша, оқиға 2025 жылдың 3 қазанында болған.

Жәбірленуші Құралай Болатованың сөзінше, оқиға Ыстанбұл турынан басталған. Құралай танысының өтініші бойынша саяхаттауға шақыратын жарнаманы әлеуметтік желідегі парақшасында жариялаған. Кейін өзі де барғысы келіп, алдын ала төлем ретінде 100 мың теңге төлеген. Алайда тур ұйымдастырылмай, қыз ақшасын қайтаруды сұраған.

Содан кейін таныстары оны көлікке отырғызып, қала сыртына апарып, ұрып-соққан. Бұл туралы бойжеткен жергілікті «Ақ Жайық» редакциясына айтқан.

Артынша қыз полицияға жүгіріп, қылмыстық іс қозғалды. Екі әйел алдын ала сөз байласып, денсаулыққа қасақана жеңіл зиян келтірді деп айыпталды.

Қырғыз Республикасының президенті Садыр Жапаров «Кабар» арнасына сұхбат беріп, Мемлекеттік ұлттық қауіпсіздік комитеті басшысы қызметінен Қамшыбек Тәшиевті неге босатқанын айтып берді.

Садыр Жапаров 2021 жылы халықтың басым бөлігі өзін президент етіп сайлап, мемлекеттің тағдырын сеніп тапсырғанын есіне алды. Конституция президентке мемлекеттің тұтастығын, халық пен мемлекеттік қызметшілердің бірлігін сақтауды міндеттейтінін жеткізді.

«Мен бұл борышымды мүлтіксіз орындадым. Өйткені мемлекет пен бүкіл халықтың мүддесі қызметтен де, достықтан да жоғары тұрады. Барлығы Жогорку кенештен басталды. Жекелеген депутаттық топтар депутаттарды жинап, бөліп, «сен біздің жақтасың ба, әлде ана жақтың жақтасысың ба?» деп сұрай бастаған. Қай тараптың артында кім тұрғанын...

Елорда әкімдігі су тасқынына дайындық жұмыстарын қазірден бастап кетті. Жергілікті билік тасқын суды өткізуге арналған кешенді іс-шаралар жоспарын да бекіткен.

Астанадан қанша көлемде қар шығарылды

Астана әкімі Жеңіс Қасымбек әлеуметтік нысандардың, жеке сектордың және тұрғын үй алаптарының аумағынан қар шығару жұмыстары белсенді жүргізіліп жатқанын айтты. Сондай-ақ ол жауапты тұлғаларға бөгеттер мен гидротехникалық құрылыстардың жағдайын тұрақты бақылауда ұстауды тапсырды.

Қазіргі уақытта Астана қаласынан 4,6 млн текше метрден астам қар шығарылған. Су тасқынының алдын алу және оның салдарын жою үшін инертті материалдардың қоры дайындалды. Бұдан бөлек, азаматтық қорғау органдары мен коммуналдық қызметтер тұрақты дайындық режиміне көшірілді.

Су тасқынына...

Солтүстік Кореяның көшбасшысы Ким Чен Ын өзінің қызы Ким Чжу Э-ні мұрагер ретінде дайындап жатыр. Бұл туралы Оңтүстік Кореяның Ұлттық барлау қызметіне сілтеме жасаған Reuters жазады.

Барлау қызметінің мәліметінше, жақын күндері басқарушы Жұмыс партиясының отырысы болып, оған Ким Чжу Э келіп қатыспақшы.

«Бұрын Ким Чжу Э «мұрагерлікке үміткерлердің бірі ретінде» қарастырылатын. Бірақ қазір ол «мұрагерлікке бекіту» деңгейінде тұр», – деді Барлау қызметінің брифингіне қатысқан оңтүстік кореялық депутат Ли Сон Кын.

Солтүстік Кореяның болашақ президенті ретінде Ким Чжу Э-нің аты бірінші рет аталып тұрған жоқ. 2024 жылы 29 шілдеде болашақ үміткерд...

13 ақпан күні өтіп жатқан Олимпиада ойындарында жеті медаль жиынтығы сарапқа салынады. Бұл күні қазақстандық жанкүйерлер үмітті мәнерлеп сырғанаушы Михаил Шайдоровқа артады.

Қысқа бағдарламадан кейін Шайдоров бесінші орында келеді. Төртінші сатыдағы италиялық спортшы Даниэль Грассльден небәрі бір ұпайға қалып отыр. Ал жүлделі үштікке дейінгі айырмашылық сәл көп болғанымен, барлығы еркін бағдарламада шешіледі.

Сонымен қатар қазақстандық биатлоншылар спринт жарысында бақ сынайды. Егер олар үздік 60 спортшының қатарына енсе, келесі кезеңге жолдама алады. Ал бұл межеден аса алмаса, Олимпиададағы соңғы жарыстары осы болмақ.

Қазақстандық спортшылардың 13 ақпандағы жарыс кестесі

Шаңғы жарысы

15:45 – 10 км қашықтыққа еркін стильдегі жеке жарыс (ерлер)
Қатысушылар:

Ауа райының бұзылуына байланысты төрт өңірдегі оқушылар онлайнға ауысты. Бұл туралы облыс әкімдіктерінен хабарлайды.

Астана

2026 жылдың 13 ақпанда Астанадағы бастауыш сынып және 5-6 сынып оқушылары қашықтан оқуға көшті.

Абай облысы

Абай облысында ауа температурасы -23 градусқа дейін түсті, қатты аяз әрі көктайғақ. Осыған байланысты Семей мектептеріндегі 1-9 сынып оқушылары онлайнға шықты. Бесқарағай, Көкпекті, Жаңасемей, Бородулиха ауданының оқушылары да қашықтан оқуға көшті.

Шығыс Қазақстан облысы

Шығыста ауа температурасы –26,6°С-қа дейін түсіп, Риддердегі бастауыш сынып оқушылары онлайнға ауысты. Дәл осылай Алтай қаласында да.

Риддер қаласында 13 ақпан күні ауа температурасының дейін төмендеуіне байланысты барлық мектепте бірінш...

Танымал әнші Қайрат Нұртастың қызы Алау Нұртас әлеуметтік желіде өзіне бағытталған жағымсыз пікірлер туралы ашық айтып, ішкі күйімен бөлісті.

Алау желі қолданушыларынан, әсіресе үлкен буын өкілдерінен жиі сын еститінін жасырмады.

«Мен күнде жаман сөз естимін: «мынау ұят», «осы жаста ашық киінуге болмайды», «ата-анасы біле ме?», «тәрбие жоқ екен» деген сияқты пікірлер көп жазылады. Мұның көбін 40–50 жас шамасындағы адамдар жазады. Біз өсіп келе жатқан ұрпақпыз. Қолдау көрсету орнына осылай жазатын адамдардың өзі ұялуы керек деп ойлаймын», – деді ол.

Жас қызға қатысты жазылған пікірлерге оның әжесі, белгілі продюсер Гүлзира Айдарбекова да үн қатып, немересін қолдайтынын...

Қазіргі Қазақстанның әлеуметтік-экономикалық келбетін сипаттайтын ең басты термин – «ішкі мобильділік». Халқымыздың бір нүктеден екінші нүктеге қозғалуы жай ғана мекенжай ауыстыру емес, бұл – үлкен демографиялық дүмпу.   Kursiv.Media  ҚР ҰСБ-ның мәліметтері негізінде жасаған соңғы зерттеуіне сүйенсек, ел ішіндегі көші-қон айырымы соңғы онжылдықтағы ең жоғары шегіне жетті. Демографиялық қозғалыстың негізгі екі эпицентрі – Астана мен Алматы қалалары болып отыр. Олар елдегі адам капиталын шоғырландырушы басты полюстерге айналды.

Инфографика 01: Ішкі көші-қон айырымы

Облыстардың «тартылуы»: дисбаланс қайда апарып соғады?

Инфографикадағы сары түспен боялған аймақтар – бүгінгі Қазақстанның демографиялық «донорлары». Түркістан облысының көрсеткіші: – 42 649 адам. Бұл аймақтан...