Жаңалықтар

Премьер-министрдің орынбасары Қанат Бозымбаев Абай облысына жұмыс сапарымен барып, өңірдің су тасқыны кезеңіне дайындығын тексерді. Бұл туралы Үкіметтің баспасөз қызметі хабарлады.

Вице-премьер облыс әкімі Берік Уәлимен, сондай-ақ, Төтенше жағдайлар және Су ресурстары және ирригация министрліктерінің басшылығымен бірге су тасқыны қаупі бар аумақтарды тексерді. Өзен арналары, гидротехникалық құрылыстар, қорғаныс дамбалары мен су өткізу нысандары, су басу қаупі бар аймақтарда орналасқан елді мекендер қаралып, қар жамылғысының жай-күйі бағаланды.

Бозымбаев Семей қаласын, Жарма, Абай, Бородулиха және Аягөз аудандарын тікұшақпен аралап өтті. Сапар барысында ол Аягөз қаласы мен Шар су қоймасына барып, аудан әкімдерінің атқарылып жатқан шаралар туралы есептерін тыңдады және бірқатар тапсырмалар берді.

Өңірлік биліктің мәліметінше...

Абай облысының 23 жастағы тұрғыны жүргізуші куәлігін алуға «көмектеспек болғаны» үшін алаяқтық жасады деп күдіктелуде, деп хабарлайды Абай облыстық ПД.

Полиция мәліметінше, 2025 жылдың желтоқсанында жас жігіт жүргізуші куәлігін алуға көмектесемін деген желеумен Семей қаласының 50 жастағы тұрғынынан ақша алған.

Жәбірленуші құжатты рәсімдеуге жәрдемдеседі деген үмітпен оған 785 000 теңге (шамамен 1582 доллар) берген.

Тергеу барысында күдікті өз кінәсін мойындады. Тәртіп сақшылары анықтағандай, ол алған ақшаны жұмсап үлгерген, сондықтан оны тәркілеу мүмкін болмады.

Полиция жүргізуші куәлігін алу тек заңда белгіленген тәртіппен жүзеге асырылатынын еске салды.

Ресми процедуралардан тыс «мәселені шешіп беру» туралы кез келген ұсыныс қаржылық шығындарға және қылмыстық жауапкершілікке...

Шымкентте жасөспірім полицейге қол көтеріп, оқиға бойынша іс сотта қаралды. Толық мәлімет Шымкент соттарының ресми Telegram арнасында жарияланды.

Шымкент қаласының кәмелетке толмағандар істері жөніндегі мамандандырылған ауданаралық сотында Қылмыстық кодекстің 380-бабы 4-бөлігінің 1 және 5-тармақтары (Билік өкіліне қатысты қорқыту немесе күш қолдану) бойынша айыпталған кәмелетке толмаған А.-ға қатысты қылмыстық іс қаралды.

Сот 2025 жылдың қарашасында жасөспірім А. Шымкенттің 18-шағын ауданындағы үйлердің бірінің ауласында жүріп, төбелес туралы шақырту бойынша келген полиция қызметкерлерінің қызметтік көлігін тепкенін анықтады.

«Тәртіп сақшылары көліктен түскеннен кейін, ол полиция қызметкерлерінің заңды талаптарына бағынбай, олардың бірінің бетінен ұрып, денсаулығына зиян келтірмеген дене жарақаттарын салған...

Алматыда есірткі қылмысына қарсы іс-қимыл басқармасының қызметкерлері арнайы мақсаттағы бөлімшемен бірлесіп, жасырын зертхананың қызметін тоқтатты, деп хабарлайды Polisia.kz.

Полицияның мәліметінше, жалдамалы тұрғын үйде құрамында есірткі бар өсімдіктерді өсіруге арналған жүйе жабдықталған. Ішінде қарасора тобына жататын өсімдіктерді культивациялауға арналған жарықпен және желдеткішпен жабдықталған термошатырлар болған.

Санкцияланған тінту барысында заңсыз айналымнан құрамында есірткі бар өсімдік түптері, кептірілген өсімдік тектес заттар, тұқымдар, электронды таразылар, қаптама материалдары, кептіруге және өсіруге арналған жабдықтар, сондай-ақ ұлттық және шетелдік валютадағы ақшалай қаражат тәркіленді.

Заңсыз өндірісті ұйымдастырды деген күдікпен екі ер адам ұсталды. Олар уақытша ұстау изоляторына қамалды. Оқиғаның барлық мән-жайын анықтау үшін бірқатар сот сараптамалары тағайындалды...

Актер Нұрсұлтан Жақсыгеннің үстінен бұрынғы әйелі Фариза Алмасқызына қарсы сталкинг жасағаны үшін қылмыстық іс қозғалды. Бұл туралы Фариза Алмасқызы Instagram парақшасында жазды.

«Бүгінгі таңда Жақсыген Н. үстінен 2 қылмыстық іс қозғалды 2 баппен. ҚР ҚК 115 – 1 бап және ҚР ҚК 274 бап 2 бөлігі, 3 тармағы бойынша із қозғалды. Біз адвокатым екеуміз бұл істер бойынша сотқа дейін барып, нүктесін қоямыз! Заң алдында тиісті жазасын алады!» – деп жазды Фариза Алмасқызы.

Айта кетейік, Қылмыстық кодекстің 115 – 1 бабы яғни «Сталкинг» (аңду немесе ізіне түсу) үшін 50 тәулікке қамалуы жазасы, 274-бап 2-бөлігі, 3-тармағы...

Шымкенттегі Байтұрсынов көшесіндегі көпқабатты тұрғын үйлердің бірінен 4 адамның мәйіті табылды. Алдын ала болжам бойынша, олар газдан уланып қалған болуы мүмкін.

Қайғылы оқиға 5 қабатты тұрғын үйде болған. Бір күнде үш пәтерден төрт адамның денесі табылған. 4-қабаттағы екі пәтерден үш адамның мәйіті шыққан. Үшінші қабаттағы жалдамалы пәтерде студент қыз қайтыс болған. Қайтыс болғандардың үлкені – 32 жаста, кішісі 17 жаста. 32 жастағы келіншектің артында 3 баласы қалған.

Олардың денесін алу үшін төтеншеліктер пәтер есігін бұзуға мәжбүр болды.

Марқұм келіншектің танысы Ислам Файзуллаевтың сөзінше, иіс шыққанына 3 күн болған. Тұрғындар иістен әлсіреп, ұйқы қысқанын айтқан.

«Түн ортасында...

«КИМЭП Университеті» АҚ акционерлерінің жалпы жиналысы акциялардың қосымша шығарылымы үшін дауыс бере алмады. Қосымша эмиссия арқылы инвестиция тарту мәселесі дауыстардың білікті көпшілігін жинай алмай, шешім қабылданбастан күн тәртібінен алынып тасталды.

Бұл туралы университеттің жарияланған корпоративтік жаңалықтарынан белгілі болды. Айта кетерлігі, акционерлер қалған мәселелерді еш қиындықсыз шешкен.

Университеттің директорлар кеңесі жаңартылған жоқ

Директорлар кеңесінің құрамы бұрынғыша 10 адам көлемінде қалды. Акционер Чан Йан Бэнг алты өкілін тағайындаса, ҚР Ғылым және жоғары білім министрлігі, өз кезегінде, төрт орынды сақтап қалды. Жаңа құрамның өкілеттігі 2026 жылдың 23 ақпанынан бастап үш жылға белгіленді.

Директорлар кеңесінің келесі отырысы 2026 жылдың 23 сәуіріне – университет...

Huawei әлемдегі ең жоғары өнімді сериялық лидарды сатылымға шығарды. Нысандарға дейінгі қашықтықты және олардың пішінін анықтауға арналған технология 896 сканерлеу сызығына ие.

Сarnewschina ақпаратына қарағанда, екі арналы оптикаға ие. Бұл – лазер сәулелерін пайдаланып, қашықтықты дәл өлшейтін және жер бедері мен түрлі нысандардың 3D моделін жасайтын қашықтан зерттеу технологиясы.

Артықшылығы неде

Оны HarmonyOS Smart Driving Technology Innovation шарасында таныстырды. Huawei жоғары сапалы кескін алуға арналған екі арналы LiDAR жүйесін ұсынды. Компания мәліметінше, бұл – ажыратымдылықты 4 есеге дейін арттырады. Екі арналы оптикалық архитектураны қолданған алғашқы 896-сызықты лидар. Сонымен қатар, жаппай өндіріске қойылған.  

Бұған дейін сериялық лидарларда...

Президент Қасым-Жомарт Тоқаев қауіпсіздік шараларын күшейтуді тапсырды. Бұл туралы президенттің баспасөз хатшысы Айбек Смадияров мәлімдеді.

«Президент премьер-министрге, күштік құрылымдардың басшыларына, «Самұрық-Қазына» ұлттық әл-ауқат қоры мен ұлттық компаниялардың жетекшілеріне, сондай-ақ аймақ әкімдеріне тіршілікті қамтамасыз ететін нысандардың, көлік, энергетика және коммуналдық инфрақұрылымның, соның ішінде әуежайлардың, теңіз және өзен порттарының қауіпсіздік шараларын күшейтуді тапсырды», – деп жазды Смадияров.

Бұл жұмысты үйлестіру Қауіпсіздік Кеңесінің хатшысына жүктелді.

Бұған дейін президенті Қасым-Жомарт Тоқаевтың Таяу Шығыстағы ахуалды жіті қадағалап отырғаны айтылды.

Таяу Шығыстағы ахуал

28 ақпанда таңертең АҚШ пен Израиль күштері Иранды атқылады. Тегеран орталығындағы резиденцияға жасалған соққыдан...

Әнші Төреғали Төрәлі Түркістанға көшіп келді. Оның айтуынша, бұл – жай ғана мекен ауыстыру емес, жүрекпен қабылданған шешім.

«Түркістан – тарихтың үнін сақтаған, уақыттың тынысын сездірген, рухтың тамыры тереңге кеткен қасиетті шаһар. Бұл қалада үнсіздік те мағыналы.
Бұл жерде әрбір көше, әрбір тас – шежіре. Өткен мен болашақ бір-біріне қарсы тұрмайды. Керісінше, бірін-бірі толықтырып, жалғастырып тұрады», – деп түсіндірді себебін әнші.

Ол бұл қаланы саналы түрде таңдаған. Өйткені, түркі әлемінің рухани астанасы атанған қаланың болашағына сенеді.

«Түркістан тек киелі орталық қана емес, ол – жаңғырудың, жаңарудың, жасампаздықтың кеңістігі. Отбасымызбен осында қоныстандық. Балаларымыз...

Алматыда бірнеше адам жеке тұрғын үйге қарумен барып, 4 миллион теңгенің затын алып кеткен. Полицияның хабарлауынша, қылмыс мұқият жоспарланған, күдіктілер ізін жасырмақ болған.

«Қаскөйлер қарумен қорқытып, ақша мен алтын бұйымдарды иемденген. Келтірілген жалпы материалдық шығын шамамен 4 миллион теңгені құрады. Полиция қызметкерлері арнайы мақсаттағы жасақтың қатысуымен қылмысқа қатысы бар барлық тұлғаны анықтап, ұстады», – деп хабарлады ішкі істер министрлігі.

Ұрланған мүліктің бір бөлігі заңды иесіне қайтарылды, қалған бөлігі сараптама жүргізу үшін тәркіленді.

«Күдіктілердің іс-әрекеті толық тіркелді, заттай дәлелдемелер мен техникалар тәркіленді. Тергеу жалғасып жатыр. Ұсталғандардың өзге де ұқсас қылмыстарға қатысы бар-жоғы...

Елдегі білім беру ұйымдарында Күзет қызметтерін сатып алу жөніндегі үлгілік конкурстық құжаттама бекітілді. Бұл туралы Премьер-министрдің орынбасары – Мәдениет және ақпарат министрі Аида Балаеваның депутаттарға берген жауабында жазылған.

Министрдің сөзінше, бұл шешім білім беру ұйымдарындағы күзет қызметтерінің сапасын арттыру мақсатында жүргізіліп отыр.

«Күзет қызметтерін сатып алу жөніндегі үлгілік конкурстық құжаттама бекітілді. Онда күзет ұйымдарына (білім беру ұйымы орналасқан жер бойынша кеңсе үй-жайының болуы, кемінде 2 жедел әрекет ету тобының болуы, радиобайланыс және т.б.) және олардың қызметкерлеріне (жасы 25-тен 50 жасқа дейін, дене және арнайы даярлығының болуы, кәмелетке толмағандарға қатысты өтелген және өтелмеген соттылығыны...

Аптаның соңына қарай еліміздің бірқатар аймақтарында күн райы жылынады, алайда жауын-шашынды болады деп күтілуде.

«Қазгидромет» мәліметінше, елдің солтүстік өңірлерінде боран болуы мүмкін, ал оңтүстікте күн сайын ауа температурасы жылынып отырады.

Десе де, синоптиктер Қазақстанның барлық аймағында дерлік тұрақсыз ауа райы болатынын ескертті. Барлық өңірде жаңбыр мен қар жауады деп болжануда.

Сонымен бірге тұман, көктайғақ және жел күшеюі мүмкін.

Қарағанды облысында Донецк Халық Республикасында жасалды деген кәмпиттер сатылып жатыр. Бұл жайлы адвокат Рашид Қойлыбаев Threads-тегі парақшасында жазды.

Кәмпиттің сыртқы қорабында «Өндіруші: «Донко» ЖШС, Ресей, Донецк Халық Республикасы» деп жазылған. Жазба астындағы пікірлерде тауардың ЕАЭО сертификациясына өтпегенін, нұсқаулық тек орыс тілінде жазылғанын, мемлекеттік тілдегі мәтін жоқ екенін де айтады.

Жазба желіде кең таралып кеткеннен кейін, Сауда және интеграция министрлігі пікір білдірді. Ведомство мәліметінше, Қарағанды облысындағы Тұтынушылардың құқығын қорғау және сауда департаменті осыған қатысты тексеріс жүргізіп жатыр. Кәмпит сатылған дүкен иелері тауарды сөреден алып тастаған, олармен түсіндіру жұмысы жүргізілді.

Министрліктің мәліметінше, егер тауарда қазақ тіліндегі ақпараты болмаса...

KEGOC компаниясы 2025 жылы 70,8 млрд теңге таза пайда тапқан. Бұл алдыңғы жылмен салыстырғанда 19%-ға жоғары.

Сонымен қатар елімізде электр энергиясын тұтыну көлемі 3,8%-ға артып, 124,6 млрд кВт/сағатты құраған. Ал өндіріс деңгейі 4,4%-ға өсіп, 123,1 млрд кВт/сағатқа жетті, ал ең жоғары жүктеме 18 желтоқсанда 17 724 МВт деңгейінде тіркелді.

Өндірістік көрсеткіштердің өсуімен қатар, компания цифрландыру деңгейін 52%-ға жеткізіп, жасанды интеллектіні енгізу бойынша Жол картасын бекітті. Ендігі кезекте бұл көрсеткішті 2032 жылға қарай 90%-ға дейін жеткізу жоспарланып отыр.

ESG рейтингі 62 балға дейін көтерілген ұлттық оператор 2026 жылы Ұлттық электр торабын дамытуды, инвестициялық жобаларды іске асыруды және кезект...

Қытай жаңа автокөліктерді экспорттауға тыйым салды. Енді шетелге тек кемінде алты ай тіркеуде тұрған көліктерді ғана шығаруға болады. Нарық бірден екінші деңгейлі (жүрілген) көліктер сегментіне ойысты. Cars Market импорттаушы компаниясының өкілі қандай модельдерді әкелу тиімді, ал қайсысынан бас тартқан дұрыс екенін түсіндірді.

Қауіп жоғары брендтер

Автодилер «қауіпті» деп баға соғысына төтеп бере алмаған, қазір банкротқа ұшыраған немесе соның алдында тұрған маркаларды атайды. Мысалы, Qoros 2025 жылдың желтоқсанында ресми түрде банкрот деп танылды. Сондай-ақ Skywell, Neta және Ora (GWM суббренді) компанияларында да қиындықтар бар.

Жеке тоқталатын жағдай – Nio. Компания шамамен 20 млрд доллар көлеміндегі қарызбен қайта құрылымдау...

NASA-ның ER-2 ұшағы Ай сәулесін тіркеп отырмақ. Бұл ғарыштық датчиктердің дәлдігін арттыру үшін қажет.

Оның бортында айдың жарықтығын өлшеуге арналған NASA құралы бар. 5 ақпанда биік ұшатын ER-2 ұшағы үш апталық миссиясын аяқтады. Бұл құрылғы жер серіктерінің датчиктер өлшемдерін дәлірек етуге көмектеседі.

NASA Айды табиғи мөлшерлеу көзі ретінде пайдаланады. Бұл датчиктер ауа райын бақылау, ауыл шаруашылығын зерттеу және Жер экожүйелерін талдау үшін аса маңызды деректер ұсынады. Алынған мәліметтер күнделікті өмірге қолданылады. Тиімді шешімдер қабылдауға көмектеседі.

Айдың спектралдық сәулеленуін әуеден өлшейтін құрал – air-LUSI (airborne Lunar Spectral Irradiance) деп аталады. Ол АҚШ-тың батыс жағалауы үстінде NASA-ның ER-2 биікке ұшатын...

Мәжіліс депутаты Бақытжан Базарбек Қазақстандағы коммуналдық нысандардың жеке қолға өтіп кетуін тексеруді сұрайды. Парламент өкілі ауызсу тарифтерінің дұрыс белгіленгеніне күмән келтіреді.

Су бағасын негізсіз көтерді

4 наурызда Бақытжан Базарбек жекеменшік компанияларға өткен коммуналдық нысандар туралы депутаттық сауал жолдады. Парламент төрінде оқылған хат премьер-министрі Олжас Бектенов пен Бас прокурор Берік Асыловқа жолданды.

Депутаттың мәліметінше, Қазақстанның он өңірінде ауызсу желілелері жеке қолға өткен.

«Су жүйесінің мемлекеттік емес заңды тұлғалардың қолында қалып, олардың бенефициарлары халыққа ауызсу жеткізуде шексіз монополист болып алды. Ауызсуға коммуналдық тарифтерді көтеріп, бәсеке жоқ уақытта халықтың есебінен байып жатыр», – деп мәлімдеді Базарбек.

Қазақстан Трамп құрған Бейбітшілік кеңесіне қосылу үшін жарна төледі ме? Бұл сұраққа Сыртқы істер министрлігінің ресми өкілі Ерлан Жетібаев жауап берді.

«Қазақстан Бейбітшілік кеңесіне ешқандай қаржылай жарнасыз қосылды. Жарғыда көрсетілген ерікті жарна мүше болу шарты емес. Бұл әрбір қатысушының дербес құқығы», – деді ол.

Жетібаев ұрыс болып жатқан аймақтарға әскери контингент жіберуге қатысты да пікір білдірді.

«БАҚ-та әскери контингент жіберу туралы мәселелер талқыланып жатқанын білеміз. Ресми дереккөздерге сүйенуге шақырамыз. Мемлекет басшысы өз сөзінде Қазақстан халықаралық тұрақтандыру күштерін қолдауға дайын екенін мәлімдеді. Атап айтқанда, далалық госпиталь бар медициналық бөлімшелер, азаматтық әскери...

Талғарда ер адамды әйелі мен енесі пышақтап өлтірді деген ақпарат тарады. Алматы облысы полициясының хабарлауынша, оқиға отбасы-тұрмыстық жанжал кезінде болған.

Содан кейін адамдар тобы жасаған кісі өлтіру фактісі бойынша қылмыстық іс қозғалды.

«Күдіктілер ұсталып, уақытша ұстау изоляторына қамалды. Оқиғаның барлық мән-жайларын жан-жақты, толық және объективті түрде анықтауға бағытталған қажетті тергеу әрекеттері жүргізіліп жатыр», – деп хабарлады жергілікті полиция.

Адвокат Асылбек Әбдірайымовтың айтуынша, екі әйел ұйықтап жатқан ер адамға 30 шақты рет пышақ сұққан.

«Әйелі күйеуіне айтпай, жылқысын сатып жіберген. Содан кейін ер адам әйелдің үстінен полицияға шағымданған. Әйел соған ренжіп, анасымен...

2026 жылдың қаңтар айында еліміздің несие нарығында қарама-қайшы үрдістер байқалды. Қаржы нарығын реттеу және дамыту агенттігінің мәліметінше, жыл басында халыққа берілген жаңа несие көлемі өткен жылдың сәйкес кезеңімен салыстырғанда 2%-ға азайып, 1,27 млрд теңгені құрады.

Басты себебі – тұтынушылық қарызға деген сұраныстың азаюы. Атап айтқанда:

Тұрғын үй нарығындағы серпіліс

Тұтынушылық несиелердің азаюына қарамастан, ипотека нарығы таңғаларлық өсім көрсетті. Қаңтар айында жаңа ипотека көлемі бірден 22%-ға артып, 155 млрд теңгеге жетті.

Бұл көрсеткіш халықтың баспана сатып алуға деген ынтасының әлі де...

Халықаралық әйелдер күніне орай, 7 және 8 наурыз күндері елордада азық-түлік жәрмеңкесі өтеді. Бұл туралы Астана әкімдігі хабарлады.

Жәрмеңкеде Қазақстанның әр өңірінен келген жергілікті фермерлер мен өндірушілердің өнімдері ұсынылады.

«Қала тұрғындары мен қонақтары көкөніс пен жеміс-жидек, ет, ұн және сүт өнімдері, бәліштер, пісірілген нан-тоқаштар, табиғи шырындар, джемдер және тағы басқа өнімдерді арзан бағада сатып ала алады», – деп хабарлады әкімдік.

Жәрмеңкеде гүл өнімдері де сатылымға шығады. Келушілер балғын, әрі мерекелік гүл шоқтарын қолжетімді бағамен ала алады.

Іс-шара 7 және 8 наурыз күндері сағат 10:00-ден 19:00-ге дейін «Keryen Joly» сауда орталығында (Алаш...

SCAT әуе компаниясы Boeing 767 ұшағымен DV5361 рейсін Алматы – Масқат – Алматы бағыты бойынша рейс орындады. Бұл жөнінде Азаматтық авиация комитеті ақпарат таратты.

Рейс нәтижесінде елге 314 жолаушы оралды. Олардың арасында балалар да бар.

Қазақстан азаматтарын елге қайтару жұмыстары уәкілетті мемлекеттік органдар мен әуе компанияларының үйлестіруімен жалғасып жатыр.

Айта кетейік, Қазақстанның Дубайдағы консулдығы қызметкерлері бір топ азаматты Оман арқылы елге алып келе жатқанын жазғанбыз.

СІМ мәліметінше, Оман астанасында Алматы-Масқат-Алматы бағыты бойынша екі рейс жоспарланған. Консулдық қызметкерлері Біріккен Араб Әмірліктері мен Оман шекарасынан азаматтарды жылдам өткізуге көмектеседі.

Кейін Масқат арқылы Алматы қаласына 189 қазақ азаматынан тұратын екінші топ...

Қазақстан мектептерінде отбасылық дәстүрлерді насихаттайтын және ұрпақтар сабақтастығын нығайтатын сабақ өтеді.

Әңгіме жүйелі жұмыс жасайтын «Даналық мектебі» отбасылық тәрбие клубтары туралы болып отыр.  

Оқу-ағарту министрлігінің хабарлауынша, «Даналық мектебі» клубы отбасы мен мектеп серіктестігін нығайтады.

«Клуб отбасы мен мектеп арасындағы өзара әрекеттестікті күшейтуге, ата-аналардың педагогикалық мәдениетін арттыруға және ұлттық тәрбие құндылықтарын сақтауға бағытталған алаң ретінде қызмет етеді», – делінген ақпаратта.

Клуб жұмысы аясында «Әке өсиеті», «Әже даналығы», «Аға қамқорлығы» бағыттары бойынша кездесулер, тренингтер және тәрбиелік іс-шаралар өткізіледі.

«2025-2026 оқу жылының басынан бері клуб аясында шамамен 33 мың іс-шара ұйымдастырылды...